Најлош и најнеиздржан тековен проект

Originally posted by lslcrew А да избереме и најдобар.

Не е тековен, ама ми се допаѓа решението на Стоковна куќа Мост. Феноменално изведено и со типични наши архитектонски елементи.

Штета што не се направи нешто слично во СК2014, така да би рекол целиот проект е утка.

Дечки , лутете се колку сакате ама морам да ви кажам дека нишкава ви е многу контраверзна. Зашто нема и обратно, најдобар и најиздржан проект? Како да е поставена нишкава на тапет само за да се плука по една плејада на проекти, и тоа особено во предизборие. Значи ова останува на вас и се во врска со вас (определби, ставови итн).

Јас само сакам да укажам како тоа се перципира од страна и каква порака испраќа (за форумов). Особено што тоа делува подмукло, со извинување. Јасно е дека добар дел од членовите тука се плукачки настроени (пак ќе речам со извинување, ако некого тоа го навредува, но да не се лажеме, така е), како што е јасно дека добар дел од граѓаните немаат проблем со проектите, а кои не учествуваат тука. Ова ви го кажувам најдобронамерно, а вие како сакате.

Само сакам да потенцирам да се има некакаков баланс и објективност, т.е. истиот да не се затскрива согласно повремените потреби, туку да се истакнува и запазува, како и за сите други ситуации. Нишкава е апла отворена за плукање и ајде да речеме дека тоа е во ред, но само во случај кога би имало и контратежа, иако како што кажав таквиот баланс никогаш нема да се постигне од причина: што заради македонскиот плукачки менталитет, што заради оние на кои навистина не им се допаѓа нешто - но тоа не значи дека не треба да се даде шанса за алтернативно изразување, што би рекло - нишка најдобар и најиздржан проект. Меѓудругото зашто постои нишкава како издвоена целина, кога за секој од проектите више мање си има нишки и таму веќе се водат дебати - за и контра.

како што може да се види подолг ми е постов, и ова е отприлика се што сакав да кажам на оваа тема, па не планирам да реплицирам и слично. Ова е само мое мислење кое се надевам ќе најде место тука.

Мобиле.

Темава ја има отворено член на форумот, а не форумот така да незнам зошто форумот би испратил лоша порака? Форумот е само место каде сите ние ги кажуваме индивидуалните ставови ништо повеќе.

Во секој случај, како што некој член ја отворил оваа тема, било кој член може да отвори друга слична тема, дали за критика или фалба на некои објекти.

Не би комплицирал да коментирам некои од другите твои тези (пр. плукачки менталитет...), сакав само да го искоментирам ова.

Мобиле темата не е отворена за да се плука туку да се дискутира и да се гласа за оние проекти за кои мислиме дека не треба да се градат и да се фрла пари по нив. Исто така мислам дека форумот на никој не му забранува да отвори спротивна тема, т.е. кој проект најмногу ни се допаѓа.
Инаку што се однесува до политичката страна , ќе ти кажам само дека го посетувам овој форум токму затоа што администраторите и модераторите прават надчовечки напори колку што е можно да се деполитизира форумот , што секако е многу тешко со оглед на тоа дека живееме во 102 % исполитизирано општество, што за жал се одразува и на критичната маса , која од старт се етикетизира. А току тоа е и причината за нетранспарентното и нестручно спроведување на повеќето проекти. И на крај за уште повеќе да те убедам дека не сум политички мотивиран во однос на темата ќе ти кажам дека проектот Скопје 2014 воглавном го подржувам со исклучок на неколку непотребни проекти и неколку нелогично изберени локации. Инаку на оваа тема гласав за Свети Климентовиот универзитет , затоа што навистина представува „масакрирање„ на една сама по себе прекрасна локација.


Edited by kultuzin - 06-Apr-2011 at 14:41

Kultizin,

јас веќе кажав во мојот пост дека

1. има веќе постоечки нишки во кои можеш да го изразиш својот контра став
2. како што ја оправдуваш темата со можност да се изрази став зошто проеките не треба да се градат, и да не се фрлаат пари, не би требало да бидеме себични и треба да помислиме и на оние кои можеби сметаат поинаку, дека проектите се оправдани, и дека парите се фрлаат на соодветно место, па не треба да им го ускратиме и на нив правото да го изнесат својот про став.

зарем не е тоа доволно фер во интерес на сите засегнати?



Edited by Mobile - 06-Apr-2011 at 14:56

Ако направам градација, почнувајќи од најлошиот.

1. Новопроектирана подземна улица
2. Порта Македонија
3. Свети Климентовиот универзитет
4. Двоспратни автобуси
5. Зградата на АЕК
6. Спомениците
7. Плажите и сплавовите
8. Фонтаните
9. ЈП Водовод
10. Жичарницата (единствен проект кој не би го ставил воопшто во лоша листа).

Originally posted by pbanks Ако направам градација, почнувајќи од најлошиот. 1. Новопроектирана подземна улица2. Порта Македонија3. Свети Климентовиот универзитет4. Двоспратни автобуси5. Зградата на АЕК6. Спомениците7. Плажите и сплавовите8. Фонтаните9. ЈП Водовод10. Жичарницата (единствен проект кој не би го ставил воопшто во лоша листа).

За бр. 1, доволно посочив, ама ме интересира зошто број 4?

Мислам дека тоа е еден од поинтелигентните проекти што ни се случил, да не следиме само некои шаблони, него да бидеме уникатни, а во исто врмее и ефикасни за сообраќајот во Скопје.

Уникатноста ја истакнав како вредност, наместо само да правиме копи-пејст од несоодветни решенија за наши услови.

А мислам дека пракси во земјите има и со двоспратни, особено во густо населени, а со тесни улици градови. Јас па затоа мислам дека проектот е генијален - наместо да се влечка дводелна композиција која го загушува целиот сообраќај и предизвикува застој кога стои на станица, со овие се обезбедува сличен капацитет, на пола квадратура во основа

Просто за Скопје како измислено.