build.mk Homepage
Forum Home Forum Home > Главни теми > Инфраструктура > Енергетика
  Active Topics Active Topics
  FAQ FAQ  Forum Search   Register Register  Login Login

Хидроелектрани

Bookmark and Share
 Post Reply Post Reply Page  <1 262728
Author
Message
  Topic Search Topic Search  Topic Options Topic Options
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 873
  Quote hcitrS Quote  Post ReplyReply #541 Posted: 09-Oct-2023 at 12:26
Дотолку комплексна ли е задачата за изградба на овој систем па да не можат наши компании да го градат? Во последните 2 години Владата има раздадено инфраструктурни тендери во вкупна вредност од 3-4 милјарди евра на странски компании, а ниеден од тие проекти не опфаќа изградба на нуклеарна централа, Хабл телескоп или Спејс шатл, та да не може локална компанија за учествува, па макар била и на Ахмети.
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 873
  Quote hcitrS Quote  Post ReplyReply #542 Posted: 20-Nov-2023 at 13:41


ИНТЕРВЈУ
Љубен Стојаноски: Чебрен ќе несе златни јајца за Грците, треба да се изгради ЕК Мариово


........


-Може ли сепак, Македонија со свои сили да изгради еден ваков, за македонски услови, мега капацитет, од аспект на способни инженери, работна сила, материјални и финансиски капацитети. Способна ли е државата и за вашиот проект за ЕК „Мариово“?

Јас за мојот идеен проект се консултирав и со моите пријатели од Укридроенерго - Украина. Нивниот совет за мојот проект беше прво со владата да организираме видео конференција на која тие ќе кажат какви специјалисти се потребни за да се реализира тој проект, а тие специјалисти што ги немаме ќе ги испратат тие.

Откако ќе се изработи новиот идеен проект со точни потребни податоци(геодетски, геолошки, топографски, проток на вода и.т.н да побараме од Европскиот фонд за зелена енергија да финансира нова физибилити студија а откако ќе се докаже економската оправданост да побараме Европскиот фонд да финансира и проектирање. Македонија може со сопствени сили да го изгради овој проект под услов ако Европскиот фонд или Македонија нарача главен проект од реномирана проектантска куќа со работилнички цртежи како и надзор и консултанти од нивна страна. Тоа како инвестиција чини 15-тина проценти од вредноста на објектот. Проектирањето може да одземе 1,5 година..

Откако ќе се заврши проектот Македонија може да побара кредит на 20 години со грејс период од 5 - 6 годни. Може под хипотека да им ја даде и ХЕ Тиквеш и новиот објект. Доколку имаме квалитетна физибилити студија и плус изведбен проект банките многу полесно ќе ни одобрат кредит, бидејќи банката ќе може да побара од друга проектантска куќа ревизија на проектот како и негова профитабилност.

Знаете ваков објект се работи по фази и лесно може да се финансира и со сопствени средства.

Македонија верувам дека има способни инженери, некои од нив лично ги познавам но под услов, како што наведов, да нарачавме проект со работилнички цртежи и консултантски услуги , тоа е за 10% повеќе пари отколку да нарачаме само проект но е далеку посигурно, бидејќи не е доволно само теоретско знаење без искуство. Знаете, во минатото се случуваа инциденти со лачни брани не заради тоа што инженерите немаа знаење туку заради тоа што немаа искуство. Еден таков инцидент е кога при тестирањето лачната брана се поместила за 1,5 метри после што била срушена и одново изградена. Ние не можеме да си дозволиме таков луксуз.

........


целото интервју: https://www.mkd.mk/node/530150
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #543 Posted: 02-Jan-2024 at 15:41
Грчки „Архиродон“ се откажа од изградбата на Чебрен



Пропадна уште еден тендер за Чебрен. Грчката компанија Архиродон не ја продолжи банкараската гаранција која истече на 31ви декември, информираат за Канал 5 од министерството за животна средина.

Од денеска тимови во министерството ги анализираат следните чекори, а повеќе детали најавија за утре.

Владата со голема еуфорија и оптимизам најавуваше дека токму тие ќе бидат тимот кој ќе го изгради деценискиот проект. На 15ти септември донесоа одлука проектот да се реализира како јавно приватно партнерство.

„Конечно оваа година после 13 неуспешни тендери имаме избрано понудувач подготвен да инвестира во овој огромен проект.“ Димитар Ковачевски, претседател на влада

„Многу е добро после 32 години независност што почнавме да ги броиме деновите за нешто што е навистина важно за граѓаните.“ Фатмир Битиќи, вицепремиер за економски прашања

Проектот според пресметките требаше да чини 1 милијарда евра, парите да ги вложи концесионерот, а државата да учествува со 33% од сопственоста и да го даде ХЕЦ Тиквеш како удел кога Чебрен ќе почне со работа.

Одлуката ја крена на нозе целата експертска фела. Организираа протести а поднесоа и претставки до повеќе институции помеѓу кои и претседателот на државата, проектот да се стопира. Според нив земјава има капацитет сама да го гради, а не да се дозволи странци со години да управуваат со нашата вода и струја.

Пресметките им покажале дека така државата ќе изгуби милиони евра, а доколку го градиме самите инвестицијата ќе ја вратиме за неколку години, и дополнително Македонија ќе профитира од продажбата на вишокот произведена струја на берзите.

Но од владата не се откажуваа од идејата. А додека течеа роковите за потпишување на договорот за основање на заедничко друштво со ЕСМ, грчката компанија поднесе жалба бидејќи според нив условите на тендерот не биле исти како со владината одлука. Па така последниот месец лани оптимизмот за конечна реализација на деценнискиот проект, и кај владата почна да паѓа.

„Ако компанијата се согласува со условите во јавниот повик има рок до 31 декември, а ако не се согласува тогаш секако дека ќе се активира банкарската гаранција, затоа што таа е дадена согласно првичните критериумите кога беше објавен јавниот повик.“ Крешник Бектеши, министер за економија.

Според владиниот проект:Хидроелектраната на Црна река, треба да биде со капацитет од најмалку 333 мегавати. Чебрен да произведува струја, и да има режим на пумпање и враќање на водата назад што ќе значи и создавање на ново најголемо вештачко езеро. Браната да биде висока 192 метри, а целокупниот проект да биде од помош и за наводнување на земјоделски површини и да штити од поплави.

https://kanal5.com.mk/grchki-arhirodon-se-otkazha-od-izgradbata-na-chebren/a619274
Carpe diem
Back to Top
 Post Reply Post Reply Page  <1 262728

Forum Jump Forum Permissions View Drop Down



This page was generated in 0.141 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.