Општинска зграда Крива Паланка

Во кругот на општината во Крива Паланка на местото на сегашната мала зграда, позната како некогашен суд за прекршоци која е во многу лоша состојба, по иницијатива на градоначалникот Арсенчо Алексовски ќе се изгради нов атрактивен административно-деловен објект.

Новиот објект ќе се гради по принципот на јавно-приватно партнерство, за што веќе е донесена одлука од страна на Советот на Општината. Како најповолна е избрана понудата на Трговско друштво за градежништво инжинеринг трговија и услуги „Мијоли“ д.о.о. увоз –извоз Скопје.

Предвидено е зградата да зафаќа вкупна површина од 1012 квадратни метри. Со реализација на овој проект, локалната самоуправа  од сегашните 150 м2 ќе добие простор од дури 470 м2, со што ќе се реши долгогодишниот просторен проблем за обезбедување на услови за работа на општинската администарција. Според изготвената студија, приватниот партнер во новиот објект ќе инвестира околу 550.000 евра, од кој во негова сопственост за деловни потреби ќе останат 551 м2 во сутеренот и приземјето, а другите два ката ќе и бидат преостапени на општината.

Со изградба на овој објект ќе се добие нов, современ и многу поголем простор, без обврска општината да вложува средства односно да вложи минимални средства. Имајќи во предвид дека само за реконструкциај на кровната конструкција на овој објект се потребни околу 30.000 евра, без притоа воопшто да се интервенира во реновирање на зградата, произлегува дека овој проект е исплатлив како за општината така и за приватниот партнер.

http://www.kurir.mk

Крива Паланка доби нов плоштад и општинска зграда



Денеска во Крива Паланка беа свечено отворени новите административни простории на Општината и новиот плоштад „Карпошово Востание“. Плоштадот се протега на површина од 750 метри квадратни и се наоѓа токму пред општинското седиште. Поплочувањето е извршено 90% со светол гранит и 10% со темен гранит, а изведена е и фонтана. Вредноста на зафатот е 290 илјади евра, обезбедени од Агенцијата за финансиска поддршка во земјоделството и руралениот развој и Буџетот на општината. Проектот е на архитектите Стевче Ристовски и Иван Велиновски, а изведувач на градежните работи беше фирмата „Цвет компани“ од Скопје.



Објектот во кој се смести локалната власт е реновиран и дограден по пат на јавно – приватно партнерство. Од вкупно 1.000 метри квадратни на Општината и припаѓаат 475 метри квадратни, а остатокот се деловни простории на скопската фирма „Мијоли“, која во зградата вложи 550 илјади евра. Општина Крива Паланка го обезбеди проектот и градежното земјиште, а воедно инвеститорот го ослободи и од плаќање комуналии.

http://www.build.mk/?p=38211