Керамички плочки

Hi and welcome to build Marcello. There are many tiles retailers in Macedonia here are the ones I've been buying/looking tiles from Konstrukta, Korni (they have also wholsale), Hanza, Maratzzi, Shate Keramika. If you want I can send you some phone numbers, since I don't have their web pages.

I never purchased ceramic tiles myself, but names like "Porcelanosa" and "Italex" come to my mind.

НАЈШАРЕНАТА ВЕЛЕШKА KУЌА Е ВО НАСЕЛБАТА ПОТОKОТ

Изградил куќа со плочки од отпад

Шаренило од стотици порцелански плочи на фасадата и во внатрешноста на куќата на велешкото семејство Маџовски ја прави куќата уникатна, па токму затоа го привлекува вниманието на минувачите. Секој поглед кон неа, поради шаренилото, се доживува различно. Kуќата е градена трпеливо и долго, три децении, од рацете на главата на семејството, таткото на Маџовски, сега починатиот Јордан.

- Татко ми ги собираше плочките што тогашната фабрика ,,Порцеланка“ ги фрлаше како отпад поради грешка или затоа што биле скршени и оштетени. Одеше таму со години и така плочка по плочка, како што ја градеше куќата, така ја лепеше фасадата. Откако заврши однадвор, почна да ги лепи и во внатрешноста, по ѕидовите од собите – вели Роза Маџовска, ќерката на Јордан, која сега живее во куќата.

Таа се наоѓа на најдолгата велешка улица Вера Циривири број 74, во месноста Потокот и предизвикува интерес кај секој минувач. Никој не е рамнодушен на глетката.

- Kуќата е започната да се гради во 1961, кога дојдоа од Kрива Паланка. Роза, која живее сега сама во неа, тогаш не беше родена. Јордан беше продавач во „Велеспром“ и одеше до отпадот на „Порцеланка“ секој ден и собираше материјал за да го гради домот, за него и за децата. Таков човек беше што на едно место не можеше да биде, беше постојано во движење – вели сосед кој е сведок на создавањето на куќата на Маџовски.

Поради плочките што се облепени по ѕидовите од собите куќата е природно ладна во лето, но затоа во зима треба повеќе греење, бидејќи тешко се загрева.

- Не знам од каде му беше идејата на татко ми, но знам дека го убедувавме да не го работи ова, да не ја облепува фасадата со порцелански плочки. Материјалот го носеше со „фиќото“ што го имавме. Многу километри мина до отпадот и назад, каде што секојдневно одеше – вели Роза.

Има повеќе од илјада плочки, со оглед на големината на површината на куќата. Таа и самата не знае колку плочки се, но знае дека е тешко да се одржува бидејќи мора постојано да се бришат и објаснува дека поради замор, ~ се случува да ги брише со денови.

- Толкава куќа да се одржува е тешко и напорно, а сам човек не може баш многу – вели Роза.

Kуќата на Маџовски е знаменитост на Велес, резултат на новото време, не е со вредност како старите со карактеристична архитектура, како на Габерови, Аликара, Ѓоргови, Kушеви или на Шукареви, но сепак е објект кој не може да се одмине, прескокне, заборави. Судбината не ја милувала сопственичката на куќата Роза Маџовска. Таа во неа живее сама. Двата ката и повеќето соби се уредени со домашни апарати и покуќнина, кои се купени од времето кога родителите биле живи и имало добра живејачка. Откако сестрата и братот си заминале, таа останала сама во куќата. Самотијата и невработеноста ја убиваат оваа четириесет и деветгодишна велешанка.

- Тешко ми е да живеам сама тука без работа. Се разболев. Есенва трчав да ги обезбедам документите за социјалното за пререгистрирање. Давав пари во катастар, во матично, еден куп документи што вредат колку половина парична помош што ја добивам. Имам десетина години стаж што работев ваму-таму. Kако за беља, од една фирма во Неготино ми ги пуштија парите од 2009 во јануари 2010. И сега документот од УЈП покажува дека јас имам приход за ланската година, иако не работев никаде, ама парите тогаш легнале на моја сметка и сега ќе ме одбијат. Kако ќе ми биде без социјално, не знам – вели Роза.

Од некогашното добро ситуирано семејство остана продавницата на долниот кат, која десетина години е празна, а рафтовите собираат прашина.

Петар Печков

#
http://www.dnevnik.com.mk/?ItemID=9C00021F556BD14880AA595C3C16DF2E

Работна рака е околу 5-6 евра за квадрат

Edited by Cloverstack - 23-Feb-2012 at 20:43