Кој оператор (интернет, ТВ, тел) го препорачувате?

Maksadsl користам и досега сум немал прекин ни 1 секунда.брзината ми е редовно околу 5 мб/с,а пингот скоро редовно 25 мс.претплатен сум на 30 гб,но ми се случило и кога ќе преминам 30 да ми остане брзина.зошто незнам.

кабелска користам локална,квалитетот е за никаде,предност е што има пиратерија што неможе да се добие на друго место(Нова ТВ,ХТВ-2)

samo t home uslugi i nisto drugo

И јас се приклучувам на Т Хоум задоволните корисници. Иако имам забелешка последните неколку недели знае фиксната телефонија да им е краткорочно во аут. Интернетот и телевизијата се беспрекорни, веќе 5-6 години ги имам. Цените од друга страна им се поскапи од конкуренцијата, но сепак мислам дека вреди нивната беспрекорна услуга. Сиве овие години, не се сеќавам да сум имал повеќе од 2-3 прекина до сега во интернет конецијата или во телевизијата, и не траеле никогаш повеќе од 15 минути.

Имам искуство со сите оператори погоре и дефинитивно Т-Хоме има најсолидна услуга. Но од друга страна кога ќе се случи куршлус мислам дека се најтешки од сите. Операторите во центарот за корисници во најголемиот дел случаи не се способни ниту да ги дијагностицираат проблемите, каму ли да ги решат. Зимоска имав прекин на услугата од 3 недели, за кога конечно се наканија да пратат екипа на лице место дефектот до отклонија за 15 минути.

Ги нема во листата но би ги издвоил и Неотел како одличен провајдер.

Јас имам искуство со кабелскиот Интернет од поранешната кабелска телевизија Зора, која подоцна ја ребрендираа во Кејблтел, а сега неодамна повторно ја ребрендираа во Близо, имам искуство со нив и како Кејблтел, а и сега имам искуство со нив како Близо, задоволен сум од Интернетот кој го нудат, но воопшто не сум задоволен од сликата на нивните ТВ канали, а не зборувам за сликата на нивните аналогни ТВ канали, туку зборувам за сликата на нивните дигитални ТВ канали, која воопшто не е за пофалба, а истовремено воопшто не сум задоволен од нивната техничка поддршка, која или е недостапна или редовно доцни со пружањето техничка помош.
 
Едно време користев безжичен Интернет од Он Нет, кои подоцна се ребрендираа во ОНЕ, не ми е јасно како воопшто планираат да опстојат на македонскиот пазар со слабиот квалитет кој го продаваат по неоправдано високи цени, а гледам не се смениле нешто многу од 2008 година кога ги откачив, па се до денешен ден.
 
Дефинитивно Ти-Хоум нудат најквалитетни услуги, но истовремено и најскапи, поради што се исклучив од Ти-Хоум и се префрлив на Близо пролетта 2012 и во целост жалам за тоа, бидејќи додека Близо нуди повеќе ТВ канали од Ти-Хоум, сепак квалитетот на сликата не е баш за пофалба, при секое ресетирање рисиверите го забораваат распоредот на ТВ каналите кој сум го наместил, а и ми се качуваат на нерви со опомени пред исклучување поради неплатени сметки кои ми се појавуваат на екран, иако редовно ги плаќам сметките.
 
За Интернетот на Близо не можам да се жалам, одличен е, но тапа техничката поддршка, немањето постојан превод на речиси сите странски ТВ канали, како и немањето баш стакло слика на сите ТВ канали, е повеќе од доволна причина за да ги ставам во групата на непожелни кабелски и дигитални оператори.
 
Од друга страна, во целост сум задоволен од квалитетот на услугите на Ти-Хоум, нивниот оптички Интернет во моментов е најбрз Интернет во местата каде што е достапен, а воопшто не се сомневам дека кога ќе биде достапен низ цела Македонија, ќе биде најбрз и во цела Македонија, но за жал, високите цени на услугите на Ти-Хоум беа единствената причина поради која престанав да ги користам нивните услуги.
 
Здравје Боже, во иднина кога ќе стојам подобро финансиски, без никакво двоумење ќе ги баталам Близо и ќе се вратам на Ти-Хоум, бидејќи дефинитивно се најдобри во Македонија.


Edited by Dexter26 - 17-Sep-2012 at 16:57

Јас како и Декстер користам интернет, телевизија и телефон на Близу, порано Кејблтел, а пред тоа МакСат Наумовски, локална кабелска која потоа беше преземена од Кејблтел (Близу). Телевизијата откако знам била крш, никогаш немала некои добри канали, а моментално ситуација е бетер по исклучувањето на одредени други канали. За техничката служба, подобро да не се јавиш, зашто нема да ги добиеш, жива среќа во моја близина имаат нивно претставништво, па така директно одам кај нив, по што за брзо време доаѓаат за отстранување на дефектот. Посебни дефекти со интернетот не сум имал, претежно се однесувало на локални проблеми, кога ништо не работело, најчесто поради некој посериозен проблем, или пак проблеми кај нас со другите услуги.

Телефонот е пак друга приказна. Ние во првата година по поставувањето имавме сериозен проблем. Скоро половина од времето ние немавме никаков сигнал, а кога ќе дојдоа на наше барање, или за чудо проработуваше тогаш, или пак само дигаа раменици и не знае што е проблемот. Менуваа модеми, кабли, и што уште не, ама не се решаваше проблемот. Севкупно една година не влечкаа со ова, за на крај само од себе да профунционира, па сега состојбата и задоволителна.

За интернетот немам замерки, посебно голема промена забележав во изминатиов период кога брзината за симнување двојно или за повеќе ми се зголеми. Исто така, уште од самиот почеток имаа евтини пакети со неограничен интернет, што беше добро за корисниците.

По разрешувањето на проблемот со телефонот и зголемената брзина на интернет, а бидејќи телевизија многу ретко гледам, јас сум задоволен со услугите на Близу.

На Т-Хоме само им замерувам за Natgeo Wild. Се друго што ми треба е таму.

Исто интересно би било да се внесат некои дополнителни информативни канали како РТ, Ал Џезира Балканс и слично. Овие канали можат да се интересен извор на документарци за делови од светот кои обично ги гледаме само по лоши работи на вести.

 
Јас никогаш немав ама баш никакви проблеми со кол центарот и техничката поддршка на Ти-Хоум, но се исклучив поради високите цени на нивните услуги.
 
Ако во иднина ја намалат претплатата на најскапиот 3 Max пакет, да речеме под 2000 денари, тогаш сигурно ќе се приклучам повторно на Ти-Хоум.
 
Јас крем банани јадам од Свислион, бидејќи во КАМ ги продаваат по цена од 33 денари по пакување од 10 крем банани, инаку и на мене ми се допаѓаат крем бананите од Европа.

Edited by Dexter26 - 25-Sep-2012 at 11:39