Originally posted by FT   Штета што неможам да учествувам на конкурсот а од поодамна имам изработен проект за оваа локација.

??????????зошто да неможеш????????????????

Ова е градскиот плоштад??? 

Ok, значи се обидев преку едно девојче да се пријавиме на конкурсот, моја идејата а таа да ги направи техничките работи ама бидејќи спремала магистратура а и само што се вработи, плус времето е кратко(5 јули) не биде ништо од работата. Сега само се надевам дека ќе изберат нешто модерно а не бекатон плочки и 5 „барокни“ клупи.

Не би поминал ова во Мк, немаш „грандиозна“ фонтана, немаш канделабри и максимална искористеност на просторот.

Но, не е лошо да кажеме за парк(че) (ова не дека ти го деградирам трудот, самата иницијатива од паркинг да направат плоштад им е лоша)

Новиот плоштад во Кочани ќе остане долгорочен проект
Актуелната локална власт во Кочани не се откажува од идејата за реконструкција, односно изградба на нов градски плоштад. Сепак, оттаму доаѓа признанието дека се работи за скап и долгорочен проект, што нема да се реализира многу брзо.
Минатата година беше распишан конкурс за избор на идејно решение, што беше и своевиден тест за испитување на јавното мислење.
Конкурсот беше со половичен успех, затоа што не ги задоволил замислите на одговорните во Општината, па наместо прва и втора, се доделија само две трети награди. Тоа, заедно со различните оценки на граѓаните кои беа од позитивни до крајно негативни, како да ја забави намерата за реализација на проект за нов плоштад.
Оттогаш, повеќе од половина година идејата остана подзаборавена и никој во Локалната самоуправа не ја споменуваше. Се актуелизираше минатата недела, на последната седница на Советот, со советничко прашање до првиот човек на Општината.
- Јас знам дека минатата година имаше конкурс, се доделија наградите, но идејното решение што вие одлучивте да биде, не го видовме ние јавноста, а секако на сите ни е од интерес овој дел на градскиот плоштад да има друг изглед. Дали се планираат активности во врска со тоа, праша Лилјана Арсова, член нa Советот на Општина Кочани.
Одговорот што следуваше како да ги подзгасна почетните надежи и замисли за нов плоштад.
- Тоа е долгорочно прашање, најпрво треба да се најде идејно решение, па да се направи изведбен проект и тоа ќе чини многу. За две до три години не можеме да очекуваме дека ќе има реновирање на градскиот плоштад бидејќи тоа сепак е прескапо, рече Ратко Димитровски, градоначалник на Општина Кочани.
Признанието дека нов плоштад би чинел многу покажува оти во Општината сфатиле дека тоа не е еден од главните и приоритетни инфраструктурни проекти за Кочани. Локаланата самиопуправа, стопанството, па и граѓаните во моментот не се финансиски толку моќни за да поддржат таков проект и најверојатно истиот ќе почека подобри времиња. Заклучок на Димитровски беше дека и да дојде до практична реализција, тоа ќе се одвива во фази, односно според финансискиот капацитет на инвеститорот, односно Општината.