Уредување на Матка

Донатори без пари за Матка Градот Скопје не знае од кој проект да почне со шестте милиони денари колку што има во буџетот Сања Наумовска Градот Скопје нема добиено ниту една донација за кањонот Матка, иако од донаторската конференција помина повеќе од половина година. Градските власти очекуваа дека до крајот на минатата година ќе се најде некоја од поканетите фирми, амбасади или државни институции, што ќе биде заинтересирана да ги дополни парите што градската власт ги предвидува за амбициозните проекти во овој споменик на природата. Сепак, засега шестте милиони денари што се наоѓаат во градскиот буџет се единствени пари за Матка, а Градот не знае за што да ги употреби. Проекти има многу, а барањата се големи. Матка има потреба од поголема пристапност, проширување на содржините што се нудат, развој на нуркањето, истражување на пештерите, анимирање на туристите, пропаганден материјал и многу други работи. Моментно, велат од Градот, заинтересираноста на фирмите се сведува само на информирање за проектите и за потребите на кањонот. Никој не понудил конкретна сума за одредена намена. Сепак, градските власти се оптимисти дека ќе најдат донатори, иако и сами не знаат до кога да ги чекаат. „Има интерес за донирање, а заинтересирани се странски и домашни субјекти. Разговорите се во тек и штом ќе има нешто конкретно, Градот ќе ја информира јавноста“, велат градските власти. Што се однесува до определените шест милиони денари од буџетот, тие ќе се реализираат во текот на оваа година, а намената ќе се комбинира со исходот од донаторската конференција. Матка треба да добие нова патека од манастирот „Свети Андреја“ до месноста Висок Рид, во должина од четири километри, како и нов висечки мост на реката Треска. Пари треба да се наменат и за уредување на пештерите, а ќе се гради и нова патека со заштитна ограда од Врело до другите две пештери за да се овозможи безбедно движење на посетителите. Предвидени се уредување и туристичка промоција на спелеолошкиот парк, развој и промоција на екстремни и планинарски спортови, заштита на пештерите и нивно уредување и научна едукација и анимирање на посетителите. Градот Скопје и потенцијалните донатори треба да поделат 1,2 милиони евра во следните две-три години кога треба да се реализира проектот за заштита и развој на екотуризмот во Матка што беше промовиран на донаторската конференција минатата година.

http://www.utrinski.com.mk/?ItemID=E35AC27AC611114CBEBF867307F88D02

НОВИ ЕКСПЕДИЦИИ ВО ПЕШТЕРАТА НА МАТКА
Ќе се нурка подлабоко во Врело

Меѓународната експедиција за истражување на подводната пештера Врело, на Матка, официјално ќе стартува од 10 јули кога во Македонија ќе пристигне екипата од Италија, предводена од познатиот спелеонуркач Луиѓи Касати, кој минатата година во Врело нурна во длабочина од 190 метри. Годинава Касати ќе се потруди да отиде уште подлабоко. Во следните неколку дена белгискиот дел од експедицијата, на чело со Марк ван Дер Мулен, ќе ја истражува пештерата на реката Бабуна, која лани не успеаја да ја истражат. Во оваа сува пештера, која е со голема површина, има и езеро и водопад, зад кој, кога во неа нуркал Ван Дер Мулен, се појавил тунел во кој тој годинава ќе се обиде да влезе и да го истражи. Заедно со него ќе нурка и нашиот спелеонуркач Киро Ангелески. Поддршка во ова истражување на Белгијците ќе им дадат нашите спелеолози од „Пеони“ и спелеонуркачите од „Врело“, а покровители ќе бидат Федерацијата на планинарски спортови на Македонија и општината Чашка на чија територија се наоѓа оваа пештера. Годинава експедицијата, чијшто носител е Федерацијата на планинарски спортови на Македонија, е под покровителство на Собрание на град Скопје и на Министерството за економија, кои издвоија средства за покривање на трошоците за престој на странските спелеонуркачи и за опрема.

Д.Т.

http://www.vreme.com.mk/DesktopDefault.aspx?tabindex=4&tabid=1&EditionID=2064&ArticleID=144227

Пештерата се наога после браната ,можеш да отидеш со чамец или да ја следиш патеката која според мене е малку ризична ..

Edited by mitatos - 09-Jul-2010 at 15:10

Стари се овие податоци. Лани скоро дупло понапред (надоле) се отиде. Пештера свртува нагло према надоле и се проширува па се одвојува на две страни. Според тој простор доле што го има, ова на стариве скици е само ходникот.

Фала ви многу за страните, јас додека барав не успеав ова да го најдам.

Navistina , BRAVO !!!

правењето на оваа патека не треба да подразбира правење на патека со бекатон плочки или сличен материјал. Доволно е што се ставила заштитна ограда и на места има ставано насипи, кај што е ептен тесна. Сепак најважно е да се зачува природата, а секоја поголема реконструкција би барала машинерија која нема теорија да се донесе до таму. Затоа нема што повеќе да се бара од оваа патека. На тој што му е тешка за одење, има бродчиња од Св.Андреа до кај сака

фино што има нова ограда.малце дречи.

УСПЕШНО ЗАВРШЕНА ЕКСПЕДИЦИЈАТА ВРЕЛО 2011

Тајните на Врело полека се откриваат

Македонските спелеолози отркрија нови канали во подводната пештера



Во текот на десетдневната експедиција за истражување на подводната пештера Врело во Кањонот Матка, македонските спелеонуркачи открија нови, се уште неистражени канали. Годинава, без странски тимови, со сопствен потенцијал и опрема која ни оддалеку не може да се спореди со нивните странски колеги, но со голем ентузијазам, нуркачите од скопскиот клуб "Врело" во еден од каналите над салата Пеони успеале да продрат до 41 метар во длабочина, но таму не го виделе дното што значи дека тој е уште подлабок. Во каналот наишле на воздушна комора каде биле измерени 19,8 отсто кислород која успеале детално да ја истражат и да заклучат дека овој канал е поврзан со надворешниот дел од пештерата.

- Експедицијата "Врело 2011" вклучуваше подготвување на пештерата за туристички цели, посета на секојдневни туристи и за екстремни нуркачи до одредена дестинација, детално истражување на споредните канали до 280 метри хоризонтално во внатрешноста до 40 метри во длабочина како и целосно истражување на воздушниот простор во пештерата "Сала Пеони", информираше Киро Ангелески претседател на клубот Врело.
Тој додаде дека покрај истражувачката задача, експедицијата имала и научен карактер бидејќи од пештерата биле извадени примероци од водата, седименти и карпи кои биле предадени на научно истражување во МАНУ, за да се утврди составот на водата во различни периоди.
Истражувањата беа спроведени со поддршка на Град Скопје кои планираат целиот кањон да го отворат за туристите. Тие видоа дека оваа природна убавина има голем туристички потенцијал и планираат да вложат напор таа да се истражи, а потоа да побараат приватен партнер за заживување на целиот простор.

Минатата година, спелеолозите успеаја да продрат до фантастични 190 метри во утробата на пештерата и ја ставија на листата на петте најдлабоки подводни пештери во светот. Сепак и на таа длабочина, спелеонуркачите не можеле да го видат дното и се претпоставува дека Врело е длабоко 330 метри, односно дека е најдлабока подводна пештера и во светот. Во моментов, првото место го држи пештерата - Бушмановата Дупка во Јужна Африка, каде што е дојдено до длабочина од 282 метри, што е и светски и Гинисов рекорд во нуркање во длабочина.

(Е.А.) фото: Н. Батев

http://www.vecer.com.mk/?ItemID=2BC3C1A5EA0B00428570E104212CEC3D

Матка и Глумово ќе светнат со нови канделабри

Околу пет милиони денари ќе бидат потрошени за новото улично осветлување на патот што ги поврзува селата Матка и Глумово. На трасата во должина од околу два километри ќе се постават 64 столба со висина од 8 метри, на меѓусебно растојание од 30 метри. Напојувањето со електрична енергија и управувањето со работата, односно палењето и гаснењето на светилките ќе се врши преку 3 разводни ормари, за чие поставување се добиени електроенергетски согласности од ЕВН-Македонија.

Почетокот на градежните работи за поставување столбови за улично осветлување го означи вчера скопскиот градоначалник Коце Трајановски, а рокот за изведба на осветлувањето изнесува максимум 60 работни дена.
http://www.vecer.com.mk/default.asp?ItemID=7E524CE4040EEE4CBBC7F14E7D6C663E