build.mk Homepage
Forum Home Forum Home > Главни теми > Инфраструктура > Патишта
  Active Topics Active Topics
  FAQ FAQ  Forum Search   Register Register  Login Login

Автопат Скопје - Блаце

Bookmark and Share
 Post Reply Post Reply Page  <1 121314
Author
Message
  Topic Search Topic Search  Topic Options Topic Options
MKDSTRUGA View Drop Down
Senior Member
Senior Member


Joined: 20-Jun-2018
Online Status: Offline
Posts: 455
  Quote MKDSTRUGA Quote  Post ReplyReply #261 Posted: 09-Sep-2022 at 17:58
10 km — 200 Milioni od zapad kredit ne e mn
60 km — 600 Milioni so se Anex kredit od Kina -> Sharena revolucija, Bombi, Vragovi, Samraci….

Za kamatata da ne zborime… brzina na izvedba nula i na dvata avtopata…

Edited by MKDSTRUGA - 09-Sep-2022 at 17:59
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #262 Posted: 14-Sep-2022 at 13:52
ПРОЛОНГИРАН РОКОТ ЗА ИЗГРАДБА НА АВТОПАТОТ ДО БЛАЦЕ ОД ДВА КИЛОМЕТРА ПОРАДИ ПРОБЛЕМИ НА ТЕРЕН

Рокот за изградба на првата делница од автопатот Скопје-Блаце во должина од два километра ќе се пролонгира бидејки тешко оди експропријацијата на земјиштето, а на терен излегле и други непредвидени ситуации, кажа директорот на „Државни патишта“, Ејуп Рустеми.

Лани во ноември беше соопштено дека оваа делница вредна 14,2 милиони евра ќе биде готова до средината на оваа година.

„Требаше да се проектира нов потпорен ѕид со должина од 280 метри и да се проектираат косините на оваа делница. Проектите се готови, но поради законските правила за јавни набавки, мораше одново да го отвориме процесот за овие два километра“, кажа директор Ејуп Рустеми

За втората делница од 10 километри, како што кажа Рустеми, проектот е на ревизија согласно правилата на Европската банка за обнова и развој (ЕБОР), која ќе ја финансира оваа траса со 120 милиони евра.

„Идејниот проект за втората фаза е завршен, студијата за животна средина деновиве ќе ја доставиме до ЕБОР. Очекувам во првиот квартал од следната година да имаме и основен проект и да бидат завршени и инфраструктурните проекти, за да можеме да ја започнеме постапката за избор на фирма-изведувач”, изјави Рустеми.

Тој денеска беше на стартот на првата фаза од реконстуркцијата на патот Робово-Муртино во должина до 3,8 километри, а целиот проект чини 48 милиони денари.

https://sdk.mk/index.php/dopisna-mrezha/prolongiran-rokot-za-izgradba-na-avtopatot-do-blatse-od-dva-kilometra-poradi-problemi-na-teren/
Carpe diem
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #263 Posted: 14-Sep-2022 at 15:18
Првата фаза не вреди ни да се коментира веќе. А вторава фаза, ако се им оди по план, тендер почеток на следна година, значи почеток на работи крај на 2023. Солидно темпо.
Back to Top
Влатко View Drop Down
Senior Member
Senior Member
Avatar

Joined: 01-Aug-2016
Location: Skopje
Online Status: Offline
Posts: 512
  Quote Влатко Quote  Post ReplyReply #264 Posted: 15-Sep-2022 at 06:55
Циркуз Медрано. На влез од Косово ко да влагаш у................па не знам дали постои веќе земја со која можеме да се споредиме?!
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #265 Posted: 11-Oct-2022 at 12:19
Скопје-Блаце „заглави“ на првите 2 километри – Груби се пофали со видео од завршениот проект



https://mk.tv21.tv/skopje-blatse-zaglavi-na-prvite-2-kilometri-grubi-se-pofali-so-video-od-zavrsheniot-proekt/
Carpe diem
Back to Top
Влатко View Drop Down
Senior Member
Senior Member
Avatar

Joined: 01-Aug-2016
Location: Skopje
Online Status: Offline
Posts: 512
  Quote Влатко Quote  Post ReplyReply #266 Posted: 12-Oct-2022 at 07:12
Тешка брука
Back to Top
Влатко View Drop Down
Senior Member
Senior Member
Avatar

Joined: 01-Aug-2016
Location: Skopje
Online Status: Offline
Posts: 512
  Quote Влатко Quote  Post ReplyReply #267 Posted: 17-Nov-2022 at 15:39
https://www.slobodnaevropa.mk/a/%D1%82%D1%80%D0%B8-%D0%B3%D0%BE%D0%B4%D0%B8%D0%BD%D0%B8-%D1%81%D0%B5-%D0%B3%D1%80%D0%B0%D0%B4%D0%B0%D1%82-%D0%B4%D0%B2%D0%B0-%D0%BA%D0%B8%D0%BB%D0%BE%D0%BC%D0%B5%D1%82%D1%80%D0%B8-%D0%B0%D0%B2%D1%82%D0%BE%D0%BF%D0%B0%D1%82-%D0%BA%D0%BE%D0%BD-%D0%BA%D0%BE%D1%81%D0%BE%D0%B2%D0%BE/32134955.html?fbclid=IwAR1aNtgCKSQhlRcmxptnFR8ULi29ihrfVx7WBIhpGuIIpUmuxxFNuhYS4Es2

Edited by Влатко - 17-Nov-2022 at 15:39
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #268 Posted: 17-Nov-2022 at 18:12
Три години се градат два километри автопат кон Косово



Потребни се половина час возење за 20-тина километри од Скопје до границата со Косово, исто толку за 65 километри по новиот автопат од границата до Приштина. Првата, полесна делница од автопатот кон границата со Косово се гради скоро три години. Комплицираната допрва ќе се гради.

Од автопатот од Скопје кон Косово завршено е само промотивното видео како би изгледал. Веќе трета година се гради првата, полесна, делница од 2 километри, која според првичните најави веќе требаше да биде „разгазена“. За покомплицираната делница од 10 километри засега има само јавен повик.

Патот кон Косово има по една лента во двата правци, еден неосветлен тунел и е полн со крпеници и ѓубре од двете страни. Ограничувањето на брзината е од 60 до 80 километри на час. Поради многуте камиони, често се претекнува на недозволени места, па возењето е уште понебезбедно. Дневно просечно минуваат по околу 7000 возила.

Потребни се половина час возење за 20-тина километри од Скопје до границата со Косово, исто толку за 65 километри по новиот автопат од границата до Приштина.

Автопатот „Арбен Џафери“ во Косово, долг 65 километри, почнува веднаш по скромниот граничен премиер Блаце – Елез Хан. Поминува низ живописен терен во Качаничката клисура, а на одредени делници целиот е на столбови и е всушност над реката Лепенец. Таму се наоѓа и најдолгиот мост на Балканот од 6 километри.

Автопатот од Скопје кон Косово се планира веќе две децении, го ветуваат речиси сите влади, а во 2020 година почна да се гради првата, полесна делница од 2 километри. Според најавите, уште од лани требаше да се вози по неа.

Важноста за подобро поврзување со Косово ја нагласува и тоа што се работи за еден од најзначајните трговски партнери на Македонија и една од ретките земји во кои повеќе извезуваме отколку што увезуваме. Само во првите девет месеци од годинава, во Косово се извезени стоки во вредност од 290 милиони евра, а увозот бил 80 милиони евра.

Граѓаните што ги анкетиравме на една од бензинските пумпи на излез од Скопје велат дека остареле чекајќи подобар пат.

„Мора да има автопат. Ти види го, дупка до дупка е. Патот е скроз за никаде до граница. Од тука до граница да отидеш. Поубаво одам после за Косово. Одам за Пеќ, натака полесно ми е, отколку до граница 15-20 километри“, изјави камионџијата Зијадин Зејнулаху.

„Како не треба автопат, треба нормално. Еднаш месечно одам за Косово“, рече Исуф Зимери.

„Да одите во Косово, во Приштина можеби. Автопат треба, ни треба и нам, но ви треба и вам“, изјави жителот на Косово Артан Азизи.

Но, за воопшто да се стигне до граничниот премин Блаце, прво треба да се помине под оштетениот надвозник кај скопското село Визбегово, на кој предупреди и директорот на Центарот за управување со кризи Стојанче Ангелов.

„За почеток има силни вибрации на овој мост. Човек не треба да биде градежен инженер за да го наведат да се запраша каква е стабилноста на овој мост. Вториот момент се овие бетонски плочи коишто се наоѓаат во арматурата и коишто може да паднат врз патот“, рече Ангелов.

Заради забрзување на градбата, автопатот од 12 километри, беше поделен на две делници. Една од граничниот премин Блаце до клучката Блаце од 2 километри, која се гради и другата од 10 километри до клучката Стенковец, за која допрва треба да се бира изведувач.

Автопатот требаше да биде готов уште лани

Вицепремиерот Артан Груби пред повеќе од еден месец, на Фејсбук, објави промотивно видео како би изгледал целиот автопат од границата до Скопје – овие два километри што се градат и 10-те километри за кои допрва е распишан тендер за изведувач. Тие 10 километри ќе чинат скоро 190 милиони евра, треба да имаат 11 тунели и 9 мостови.

Според планот треба да се градат четири години, но ако се следи динамиката на првите два километри, градбата може да потрае повеќе од деценија.

Првите два километри почнаа да се градат на почетокот на 2020 година. Ги гради скопската фирма Гранит за 14,3 милиони евра.

„Ќе започнат оваа пролет, а првите километри од автопатот ќе може да ги возиме веќе следното лето, во 2021 година“, рече тогашниот директор на ЈП за државни патишта Зоран Китанов на 16 јануари 2020 година.

„Немој да бидеш скептичен, за една или за 1,5 години ќе биде готов автопатот Скопје – Блаце“, рече лидерот на ДУИ Али Ахмети во гостување на ТВ21 на 25 август 2020.

Работите на патот запреа зашто локалните жители ја блокираше механизацијата незадоволни од цените по кои им го откупуваат земјиштето.

Министерот за транспорт и врски Благој Бочварски во ноември 2021 година рече дека ескпропријацијата на земјиштето е целосно завршена и оти автопатот ќе биде готов до средината на годинава.

Сепак, директорот на ЈП за државни патишта Ејуп Рустеми пред два месеци рече дека токму експропријацијата, но и дополнителни работи, ги забавиле работите. Рокот на изградба сега е поместен на март 2023.

„Секако дека имаме задоцнување на тие 2 километри, но тоа задоцнување произлегува од тоа што многу доцневме со експропријацијата на парцелите коишто беа во приватен имот“, рече Рустеми во септември годинава.

Скепса за изградба на нов автопат внесува и тоа што во меѓувреме почна реконструкција на постојниот.

За споредба, автопатот од 65 километри во Косово, од границата до Приштина, беше пуштен во 2019 година. Иако е на многу комплициран терен во Качаничката клисура, со многу мостови и потпорни ѕидови, целиот беше завршен за 5 години.

https://www.slobodnaevropa.mk/a/три-години-се-градат-два-километри-автопат-кон-косово/32134955.html
Carpe diem
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #269 Posted: 01-Jan-2023 at 19:44
Малце постара снимка (има зеленило покрај патот), но од 25:25 минута до 28:30 минута може да се види до каде се стигнати градежните работи на автопатов:

За сè има вторпат
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #270 Posted: 01-Jan-2023 at 21:20
Косово не тепал лошо со автопатот. За никаде сме...
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #271 Posted: 07-Feb-2023 at 07:59
За двата километри автопат кај Блаце ќе се платат уште 10 милиони евра

За „докомплетирање и отстранување на недостатоците“ на првата фаза од автопатот од граничниот премин Блаце до селото Блаце во должина од 2 километри, градежната компанија „Гранит“ доби уште еден договор од Јавното претпријатие за државни патишта.

Ова е еден вид на шок за јавноста, ако се знае дека „Гранит“ веќе доби еден договор за изградба на оваа фаза од автопатот од коридор 10 со кој Скопје треба да се поврзе со македонско-косовската граница и изнесуваше 14,3 милиони евра со рок на изведба до август 2021.

Новиот договор кој ЈП за државни патишта го објави на системот за јавни набавки е потпишан на крајот од минатиот месец и изнесува 10 милиони евра, односно 598,4 милиони денари без ДДВ или 706 милиони денари со ДДВ.

Во договорот се вклучени земјени градежни работи, заштита на косини, осветлување, инсталациони работи, бетонирање и армирање, врзување на карпа итн. Рокот на договорот е 36 месеци со можност за негово намалување или продолжување.

Изградбата на овој автопат доцни веќе неколку години. Во јануари 2020 година беше потпишан Договорот за изградба на првите два километра на автопатот, а во мај, два месеца пред вонредните парламентарни избори, на терен почнаа градежни активности за првата траса.

„Рокот за изградба на првата делница од автопатот Скопје-Блаце во должина од два километра ќе се пролонгира бидејки тешко оди експропријацијата на земјиштето, а на терен излегле и други непредвидени ситуации“, кажа лани директорот на „Државни патишта“, Ејуп Рустеми.

За останатиот дел од автопатот од 10 километри, Европската банка за обнова и развој обезбедува заем од 167,6 милиони евра под гаранции од државата (на 16 години), а 20,8 милиони евра се обезбедени како грант од ЕУ преку Инвестициската рамка за Западен Балкан.

Овој автопат треба да го скрати времето на патување Скопје-Приштина за 45 минути.

https://faktor.mk/za-dvata-kilometri-avtopat-kaj-blace-kje-se-platat-ushte-10-milioni-evra
Carpe diem
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 873
  Quote hcitrS Quote  Post ReplyReply #272 Posted: 08-Feb-2023 at 00:53
Се гради 3 години и уште 3 доби Гранит. Ако земиме дека годината има 260 работни дена, му иди дека се градат 130 сантиметри на ден. Значи 4ца работници со 2 лопати и две колички можат да го изградат. Арно ама тешко се делат 4 за секоја етничка вероисповест да биди застапена, па ваљда ќе биди и то проблем. Па ќе излези дека Бугарин немало во 4цата па и ЕУ грантот ќе мора да го побара назад
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #273 Posted: 08-May-2023 at 17:14
Зошто автопатската траса од 2 километри кон Блаце поскапе од 14 на 28 милиони евра?

Иако првично беше предвидено да чини 14 милиони евра, автопатската делница кон Блаце во должина од 2 километри ќе чини најмалку 28 милиони евра, ако до моментално важечкиот рок во 2026 година не се склучуваат нови анекси поради проблеми при реализација на проектот, пишува најновиот број на неделникот „Фокус“.

Како што објавивме пред 2 месеца, во време кога викендички на Попова Шапка се продаваат двојно и тројно поскапо, особено во пресрет на најавите за инвестиции во регионот од страна на италијански концесионер, АД „Гранит“ продал плац со маркичка за хотел на фирма што неколку години работи со загуба – „Еуро Ком Лигхтинг“, која била основана од актуелниот претседател на ФК Шкупи Суат Аљија, своевремено ангажиран и во Царинската управа.

Истражување на „Фокус“: Пред да добие нов милионски тендер за автопатот кон Блаце, „Гранит“ го продал хотелот на Шапка на фирма за осветлување!

Притоа, наидовме на целосен молк од страна на „Гранит“, која не чувствува потреба да објасни зошто продала хотел на фирма-загубар со еден вработен, додека, како што пишувавме, на маса имала далеку повисоки понуди? Првично, и во ЈП за државни патишта ги игнорираа нашите прашања поврзани со двата тендери за автопатската делница кон Блаце од 2 километри, досега вредни цели 28,5 милиони евра само во делот на изведба, без трошоци за надзор и експропријација.

Затоа, потребните податоци за спроведувањето на тендерските постапки и за реализацијата на договорите ги побаравме и обезбедивме според Законот за слободен пристап до информации од јавен карактер. Документацијата со која располагаме открива како се продолжувал рокот и вредноста на првиот договор и зошто воопшто се јавила потреба за нов милионски договор.

Во рамки на првата тендерска постапка, ЈПДП и „Гранит“ склучиле договор за изградба на 2 километри од автопатската делница кон Блаце на самиот почеток на 2020 година во вредност од 14 милиони евра, кој по 5 измени стасал до 17 милиони евра. Во постапката учествувале уште две компании покрај „Гранит“ – домашната „АД „Бетон“ и бугарската „ИСА 2000 ЛТД“.

Извештајот од спроведената постапка открива дека сите три компании ја минале фазата на евалуација, бидејќи ги исполнувале условите од тендерската документација, кои, меѓу другото, предвидуваа годишен приход од 10 милиони евра во последните 3 години, како и најмалку еден реализиран проект за изградба на автопатска делница во должина од 5 километри во последните 5 години.

На почеток, најниска понуда доставила бугарската „ИСА 2000“, која изнесувала 748.239.717 денари, што било за 1.760.229 денари пониско од првичната понудата на „Гранит“, која изнесувала 749.999.946 денари. Но, на електронската аукција понудата на „ИСА“ останала иста, а „Гранит“ одлучил да ја спушти на 747.239.717 денари, што претставува намалување за 2.760.229 денари во однос на нивната првична понуда. На крајот, „Гранит“ ја добил зделката со понуда за 1.000.000 денари пониска од второрангираната на бугарската компанија.

Од една страна, „Гранит“ ја намалил својата првична понуда за нецели 3 милиони денари, со цел да има пониска понуда од главниот конкурент за еден милион денари и на тој начин да го добие договорот. Од друга страна, пак, „Гранит“ на крајот добил 3 милиони евра плус преку 5 анекси на основниот договор, со цел пролонгирање на времетраењето на договорот, како и внесување позиции што не биле опфатени со предмер-пресметката, заради „квалитетно завршување на работите“.

Како што нѐ информираа од ЈП за државни патишта, реализирани се нецели 80 проценти од основниот договор склучен со „Гранит“ на почетокот на 2020 година. Воедно, од таму додаваат дека измените на основниот договор се направени поради неусогласеност на некои позиции во проектната документација во однос на технички услови, како и поради пропуштени и помали количини во проектната предмер-пресметка.

„По започнување на работите и геодетската проверка на природниот (реален) терен на трасата, на делот каде што е предвидено со проектот да се изведе армиран насип со обложен ѕид од габиони, од страна на изведувачот и надзорот е констатирано дека постои разлика меѓу нивото на теренот од проектот и нивото на реалниот терен, што беше причина да се направи препроектирање (нов проект) на армираниот насип“, велат од ЈПДП.

Понатаму, во официјалниот одговор што го добивме од таму се наведува дека во текот на изведбата на земјените работи – ископ во природниот терен за оформување на проектираните косини на усекот, се појавила подземна вода. Поради тоа, се наведува во дописот, на делови од усекот каде што косините според проектот биле со пострмен наклон настанало обрушување.

„Свлекување на косините настана во почетниот дел на трасата (карпест материјал) и при крајот на трасата (земјен материјал). Треба да се напомене дека забелешките на надзорниот орган главно се однесуваа на пропустите во проектната (техничката) документација“, истакнуваат од јавното претпријатие, додавајќи дека за деловите каде што се појавија свлечишта на косините се направи препроектирање на наклонот на косините и се предвидоа мерки за нивна заштита.

Со оглед дека Законот за јавни набавки забранува вкупната вредност на измените на еден договор за јавна набавка да надмине 20 отсто од вредноста на основниот договор, а во случајов со петте анекси се зголемил основниот договор за трасата кон Блаце за околу 18 отсто, ЈП за државни патишта одлучува кон крајот на минатата 2022 година да спроведе нов тендер за комплетирање на делницата.

Во рамки на оваа постапка, претпријатието на почетокот на годинава повторно склучил нов договор со „Гранит“ во вредност на дополнителни 11 и пол милиони евра. За разлика од првата тендерската постапка, во втората немало конкуренција, па бил склучен нов договор со „Гранит“ како единствен понудувач. Но, овојпат „Гранит“, не настапил самостојно, туку со техничка поддршка од друштвото „Геоконтрол“.

Инаку, надзор и на двата договори за изградба на оваа автопатска траса кон Блаце вршел, односно врши „Градежниот институт – Македонија АД“. Официјалните податоци покажуваат дека ЈП за државни патишта првиот пат склучил договор за надзор во вредност од 480 илјади евра, додека вториот пат склучил договор со истиот економски оператор од 228 илјади евра, или вкупно над 700 илјади евра.

Од одговорите што ги добивме од ЈПДП, како инвеститор произлегува дека забелешките на „Градежниот институт – Македонија“ како надзорен орган, по кои морал да поставува изведувачот „Гранит“, главно се однесувале на пропустите во проектната документација. Оттука, се поставува прашањето кој го изработил проектот за овој проект?

Станува збор за „ИПФ 7 Конзорциум“ предводен од американската „Хил Интернационал“, кој ја изработил проектно-техничката документација за автопатската траса кон Блаце, врз основа на која се изготвени техничките спецификации за првата пократка траса од 2 километри што веќе се гради, додека истиот конзорциум веќе изработил нацрт-идеен проект за втората делница во должина од 10 километри, за која е обезбеден странски заем од 167 милиони евра, плус 20 милиони евра од грантови, ама се уште не е спроведен тендер.

https://fokus.mk/zoshto-avtopatskata-trasa-od-2-kilometri-kon-blatse-poskape-od-14-na-28-milioni-evra/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #274 Posted: 12-Sep-2023 at 16:25
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #275 Posted: 23-Oct-2023 at 17:20
Рустеми ветува дека автопатот е при крај – до крајот на годината првите 2 километри ќе бидат спремни



https://mk.tv21.tv/rustemi-vetuva-deka-avtopatot-e-pri-kraj-do-krajot-na-godinata-prvite-2-kilometri-ke-bidat-spremni/
Carpe diem
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #276 Posted: 11-Dec-2023 at 17:27
Изградба на автопат А4, делница Скопје-Блаце-фаза I





https://www.facebook.com/drzavnipatista
За сè има вторпат
Back to Top
 Post Reply Post Reply Page  <1 121314

Forum Jump Forum Permissions View Drop Down



This page was generated in 0.164 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.