Мост на Цвеќето

Message Topic Search Topic Options Post Reply Create New Topic Printable Version

Дури 16 автори со визии како да се изгради Мостот на цвеќето
Дури шеснаесет трудови се доставени на јавниот повик за избор на
идејно решение за Мост на цвеќето, кој е предвидено да се наоѓа меѓу
мостовите „Око“ и „Холидеј Ин“. Како ќе изгледа пешачкиот мост, ќе биде
познато најдоцна до крајов на февруари. Од Општина Центар информираат
дека конечен избор на решението треба да се изврши во рок од 30 дена по
завршувањето на јавниот повик, кој заврши пред една недела. Општинарите
велат дека немаат посебни барања како да изгледа мостот, тоа
првенствено им го отстапуваат на авторите. Од нив се бара да понудат
решенија, кои ќе поседуваат традиционалност, оригиналност и
иновативност на објектот и да го поддржат јавниот простор на
локацијата. Се бара особено внимание да се даде на пристапите до
објектот и да бидат овозможени соодветни пристапи за инвалидизирани
лицата и лица со посебни потреби. 

Од Општината не кажуваат
колку средства имаат планирано за реализација на проектот ниту, пак,
дали евентуално ќе добијат финансиска помош од Владата, како во
случајот со мостот „Око“. Колку пари ќе бидат потребни за изградба на
Мостот на цвеќето, дополнително ќе се утврдело по изборот на идејното
решение и изработката на проектите што ќе следуваат во натамошната
постапка.

Инаку, сегашното раководство во Општина Центар тврди
дека овој јавен повик е првиот воопшто објавен за овој објект, иако за
негова изградба претходната општинска гарнитура се фалеше дека има дури
четири труда. Постоењето на идејните решенија неодамна го потврдија и
во проектантската куќа ИНПУМА, наспроти тврдењата на општинарите дека
Мостот на цвеќето го оставила градоначалничката Виолета Аларова
единствено како идеја на хартија.

http://utrinski.com.mk/?ItemID=2A5B6208D8388A449631AB6291DF8A39