Букурешт, Романија

Летен одмор, во замена за плажи и море, поминат во посета на повеќе места низ Романија (меѓу другото повторно и плажа и море )

Го прегледав целиот подфорум и не најдов нишка за Букурешт па затоа решив да поставам слики од главниот град на Романија. Покрај Букурешт, престојувавме и во Бран каде што беа посетени Рашнов, Брашов и секако самиот Бран. Подоцна се упативме кон Констанца и Мамаја така што одморот беше поделен во 3+1 фази и тоа Букурешт - Бран - Констанца и на враќање уште неколку дена во Пловдив, Бугарија.
Интересна за мене беше споредбата на овие места бидејќи повеќето ги имам посетено во 2004 година и сега после 15 години видно имаат напреднато во однос на туризмот, културата и градбите иако и тогаш ни оддалеку не беа за потценување. Патешествието беше со автомобил, цените супер пристапни, горе долу како кај нас со тоа што престојот организиран преку Аирбнб излезе супер ефтин а искуството од апартамните и повеќе од очекуваното.

Во продолжение следат фотографии.

Edited by Влатко - 30-Aug-2019 at 07:56

Со метро до парк "Вилиџ парк - Димитрие Гушти"





пред самиот парк

Рандом гранапче

Накратко тоа би било од Букурешт иако има премногу добри места кои реално немавме време да ги посетиме а и овде ставам само мал дел од сликите. Од Бран, Рашнов, Брашов, Констанца и Мамаја не би ставал слики бидејќи видов дека веќе претходно некој имаше стории.

Види, последен пат возењето во метро ми беше во јануари годинава во Дубаи така што не можам да кажам пофални зборови. Но за разлика од пред 15 години, сега обновени се вагоните со помош на европски пари, супер чисти се и одлично осветлени. Проблемот е во тоа што за толкав град не е доволно раширена мрежата на самото метро. Главната артерија југ-север или обратно е преоптоварена. Генерално тоа е мојот заклучок.

Edited by Влатко - 31-Aug-2019 at 08:31

Да, за разлика од пред 15 години, секако е подобро. Се гледаат влијанија од Европа. По, да речеме, возниот парк се далеку пред нас но имаат и домашна авто индустрија. Патиштата генерално се добри и се реконструираат. Хигиената е подигната на доста високо ниво, особено во Трансилванија и Букурешт. Луѓето се онака нормални, не препријателски настроени но не те гледаат ни препреку. Се на се, можам да кажам дека сосема слободно и пријатно се чувствував на патувањето. Дури еден пример каде што во Констанца продавачка не предупреди дека сладоледот е скап (а не беше до толку) ако треба да го споредам со продавничето кај мене у маало шо на секое идење пробува да те украде, слободно ќе кажам дека благосостојбата таму е на многу повисоко ниво.

Originally posted by ironm Браво Влатко, супер изгледаат фотките! Романија дефинитивно го има еден од најголемите, ако не е и најголем парламент во светот (големина на зградата). Ќе го памтат Чаушеску засекогаш хахаха. Патем, каков впечаток ти остави метрото во Букурешт?

Дополнително, радар или контрола никаде не видов нити па било каква полиција на автопат. Јас и онака не возам преку 110 на час па и не се замарав. А во Букурешт сирени од полиција и брза помош небаре си во Њу Јорк

Јас колку што знам, можеби грешам но европски прописи се дека не смее полициска патрола на експресни патишта и автопат да има сем во дадени потребни услови. Нели скоро, фатално со смрт заврши и полицаец на скопската обиколница, за жал, па актуеллни беа тие прописи.

Како и да е Романија слободно, Бугарија опрезно затоа што морав да ги подмитувам со 5 евра и 300 денари.