build.mk Homepage
Forum Home Forum Home > Главни теми > Проекти > Станбени
  Active Topics Active Topics
  FAQ FAQ  Forum Search   Register Register  Login Login

Zlatibor 21st Century (Адора) - Златибор, Србија

Bookmark and Share
 Post Reply Post Reply Page  <12
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #21 Posted: 19-Oct-2021 at 09:05
KVALITET JE NAŠA NAVIKA - КВАЛИТЕТОТ Е НАША НАВИКА - QUALITY IS OUR HABIT



....

Modern Design u 21st Century Zlatibor by Adora– Potpuno opremljen uzorni apartman




Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #22 Posted: 28-Dec-2021 at 18:17
Не знам за каков мораториум говорат кога јас колку што знам во Центар имаат можност да градат а истото важи и за другите општини мораториум имаше само во Центар кој по 3 и пол години заврши речиси неуспешно со некои ситни корекции.
Знам дека планираа зграда спроти Ист Гејт и не знам што е спорно да влезат во реализација.

----------------------------------------------------------

КРЕИРАМЕ СТРАТЕШКИ ДИВЕРЗИФИЦИРАНО КОРПОРАТИВНО ПОРТФОЛИО – НАШИТЕ ХОРИЗОНТИ СЕ ОТВОРЕНИ

Адора Инженеринг, пред сè била и ќе биде градежна компанија и нашата основна бизнис пасија е градежништвото. Имаме желба да продолжиме со нови иновативни, подобри од досегашните инвестиции во високоградбата во Македонија. Доколку се создадат услови за тоа, со голем елан и ентузијазам ќе продолжиме да градиме и создаваме дела, кои ќе бидат пример за квалитет, стабилност и современост. Имаме за цел, во долгорочен план, да креираме стратешки диверзифицирано корпоративно портфолио во неколку клучни стопански и економски гранки. Нашите размислувања и хоризонти се отворени, но секако мораме да сме и многу внимателни во овие неизвесни и турбулентни времиња.“, велат сопствениците и топ менаџери на компанијата, проф. д-р Ванчо Чифлиганец, основач и претседател на Адора Бизнис Групација, д-р Драгана Д. Чифлиганец, извршен директор и Душко Чифлиганец, заменик претседател на групацијата, одговорен за бизнис развој.

Адора Инженеринг поради диверзификацијата на своето бизнис портфолио се ребрендираше во Адора Бизнис Групација (AБГ) – познат е веќе значајниот сопственички удел на компанијата во најголемата банка со домашен капитал, Комерцијална, како и неодамнешната инвестиција во топланите од стечајната маса на Топлификација. Изминативе две децении ја препознаваме како најголем градител на станбени единици во Македонија – 3000 изградени станови говорат во прилог на статусот. Сепак, последниве 3-4 години поради мораториумите за изградба во неколку клучни општини, Адора нема нови проекти во земјава, и своите капацитети ги насочи во соседна Србија, преку изградбата на елитниот резиденцијален комплекс на Златибор. Деновиве веста за продажба на најскапиот апартман во „21st Century Zlatibor by Adora“ по цена од речиси 5.000 евра за м² предизвика големо внимание во регионов, а како што ни кажа Душко Чифлиганец, заменик претседател на АБГ и одговорен за проектот, изградбата влегува во својата завршница. Но, малкумина знаат дека компанијата има свои бизнис интереси и во Грција, коишто ги менаџира неговата сестра, д-р Драгана Д. Чифлиганец, извршен директор на групацијата. За тоа што конкретно се случува во моментов под капата на групацијата разговаравме со нив двајца, како и со нивниот татко, се разбира, проф. д-р Ванчо Чифлиганец, основач на Адора Инженеринг, сега претседател на АБГ, коишто ја споделија визијата и плановите за понатамошен стратешки развој на групацијата.

Голем интерес побуди веста дека Адора продаде ексклузивен апартман во новиот комплекс на Златибор за речиси 5.000 евра за m². До каде е реализацијата на 21st Century Zlatibor by Adora, вашиот прв проект во Србија?

Душко Чифлиганец: Проектот во Златибор влегува во својата завршница, односно треба да ги отвори своите врати оваа пролет. Човек секогаш учи нешто ново додека е жив, така што во Адора научивме дека временските услови на планина прилично сериозно влијаат врз условите и динамиката во реализацијата на проектот. Меѓутоа, и покрај тоа, ќе останеме во роковите за завршување на проектот кои првично беа планирани.

Да, елитниот master penthouse апартман Торник го продадовме за 4.800 евра за m², што е досега највисоката постигната цена на Златибор. Можеби цената звучи висока, меѓутоа, иновативноста, авангардноста и нивото на изработка вградени во овој апартман, се навистина пионерски на нашите простори. Горди сме во Адора што успеавме да ја покажеме нашата конкурентност, квалитет и умешност, секогаш да креираме додадена вредност во сферата на „story-telling“ и „boutique“ недвижнините и на српскиот пазар, каде што во моментов се присутни голем број големи светски „real estate development“ имиња и тој важи за еден од најконкурентните и најатрактивните во Европа.

Да објасниме уште еднаш за читателите за каков проект се работи? Имате ли планови и за други градежни проекти во Србија, можеби во Белград?

Душко Чифлиганец: Проектот го промовираме под слоганите „Дефиниција за Планински Хедонизам “ и “Инвестирајте во Апартман кој Ви ги Враќа Вложените Пари “, кои целосно го илустрираат концептот, визијата и мисијата на проектот. Се работи за исклучително елитен и внимателно дизајниран апартмански комплекс, дополнет со сите потребни содржини за одмор и релаксација како што се базен, спа и велнес центар, соба за масажа, фитнес центар, ресторан со врвна гастрономија и можност за in-room dinning, двор за одмор од 700 m², игротека за деца, сала за состаноци и останати содржини. Апартманите се продаваат со комплетно опремен ентериер со исклучителен дизајн до најситни детали како што се крпи, постелнини и прибор за јадење, така што целиот комплекс има целосно унифициран изглед и опремување. Важен податок е тоа што во имотниот лист апартманските единици се водат како најнормални станови, и се со површини помеѓу 35 и 50 m², освен неколкуте penthouse станови кои се поголеми и важат за шлагот на комплексот.

Во што се состои вистинската додадена вредност за купувачите? Сопствениците на становите можат да ги користат своите станови/апартмани заедно со сите придружни содржини кога и колку што ќе посакаат, а во остатокот на времето, нашата новоформирана компанија Adora Hospitality Group ќе ги изнајмува апартманите и ќе се грижи за нивно комплетно одржување, како и за целокупниот комплекс.

Всушност, посетителите нема ниту да знаат дека се работи за станови кои имаат различни сопственици, туку ќе имаат идеја дека се сместени во хотел со 5* ( ѕвездички ). На овој начин, на купувачите ќе им се обезбеди годишен поврат на инвестицијата од 6 до 8 проценти, и истовремено имаат елитен апартман за одмор во секое време. Вредно е да се спомене дека овој концепт на инвестициски апартмани го создадовме после темелни физибилити студии, а како дополнителна гаранција за успешноста на целиот модел, во Adora Hospitality Group имаме партнер со долгогодишно искуство во оваа област. Што се однесува на продолжување на нашите инвестициони активности во Србија, сакам пред сè да упатам особена благодарност до српските локални и државни власти за исклучителната институционална ефективност и интегритет во работата. Морам да кажам дека сме многу задоволни од приемот кој го имаме како странски инвеститори, а уште повеќе би сакал да му се заблагодарам на српскиот народ што бевме пријателски прифатени и како луѓе на топол начин и со искрено срце.

Бизнис климата во Србија моментално сметаме дека е исклучително поволна, продажбата на проектот во Златибор оди одлично, така што, имаме желба и интензивно разгледуваме конкретни проекти за продолжување на нашите градежни инвестиции во Република Србија.

Освен во Србија, името на Адора се поврзува и со градењето на ексклузивни вили на елитни апартмани за одмор на морскиот брег во Грција?

Драгана Д. Чифлиганец: Во услови на пандемиска криза, која се надоврза на мораториумот, односно забраната за градење во одредени општини во Скопје, потребата од брза адаптација, професионалниот порив и потрагата по нови бизнис предизвици во сферата каде што сме докажан предводник, иновациите во високата градба, ме однесоа во Грција. Државата, народот и јазикот ми се добро познати од времето кога студирав и магистрирав економија на интернационалниот универзитет Шефилд во Солун, па веројатно и тоа беше причина плус да ја насочам мојата активност на грчкиот пазар на недвижности. Покрај изградбата на комплексот со ексклузивни вили во Криопиги, на морскиот брег на Халкидики, на само 3 часа возење од Скопје, особено сум горда на рекордно брзата изградба на бутик хотелот во Скала Потамиа на островот Тасос, во непосредна близина на Golden Beach, една од најубавите плажи во Грција. Хотелско-апартманскиот комплекс на прекрасниот зелен Тасос, од темел до целосна изградба со комплетно опремување за престој на гости, беше завршен за само пет месеци, од февруари до август годинава, за што сама со мојот автомобил извозив 60.000 km во време на пандемија. Сега работам на реализација на нов проект за реконструкција на станбено-деловен објект во строгиот центар на Солун.

Што се случува со градежните активности во Македонија? Мораториумите на ДУП-овите ги замреа практично проектите на Адора, кога компанијата го достигна својот зенит, каква е состојбата во моментов?

Ванчо Чифлиганец: Адора го искористи вакуум просторот создаден вештачки со мораториумите во Македонија за да се пласира на пазарите во соседните земји. Доколку продолжи неповолната бизнис клима во градежништвото–високоградба во нашата земја, особено за домашните инвеститори, Адора инженеринг ќе продолжи да гради во соседните земји. Како компанија ниту сакаме да додаваме, ниту сакаме да одземаме, единствено за што се залагаме и се бориме изминативе 20 години на македонскиот пазар, градежништво-високоградба е да создадеме услови за еднаков третман на сите инвеститори кои ќе инвестираат во висококвалитетни, модерни, објекти со многу зеленило. Градби со кои ќе ги подигнеме стандардите и ќе ја издвојат Македонија, односно ќе ја постават на рамниште на европските и светските стандарди. Состојбата во моментов за жал се’ уште е непроменета, меѓутоа, искрено се надеваме и упатуваме апел до локалните власти за експедитивна реакција и ефикасно решавање на спорните прашања, сè со цел повторно оживување на градежниот бизнис, којшто секогаш бил и ќе биде клучен фактор за економскиот развој и просперитетот на нашите граѓани.

Објаснете ни малку подетално какви се плановите со инвестицијата во Топлификација АД во стечај. Што точно ќе прави компанијата што ќе биде под капата на Адора?

Душко Чифлиганец: Пред сè, морам формално да го исправам прашањето. Адора не инвестираше во Топлификација АД во стечај, туку од стечајната маса ги купи комплексот топлани Исток и Запад без никакви дополнителни обврски од друштвото и стечајниот процес. Значи, ние купивме чист имот, двете топлани кои се основни средства за регулираното производство на топлинска енергија во главниот град Скопје. Оваа наша одлука беше составена од повеќе мотиви. Како што веќе изјавивме во јавноста, сметавме дека пред сè, бизнис од ваков државен и јавен интерес заслужува да биде во рацете на домашна компанија. Понатаму, како дел од нашата долгорочна стратегија, да креираме диверзифицирано корпоративно портфолио во неколку клучни економски и стопански гранки, веќе подолго време имаме за цел навлегување во различни сфери на енергетскиот бизнис, а токму регулираното производство на топлинска енергија е добра основа за истото.

Направивме темелни физибилити студии, изработени од врвни домашни стручњаци кои години наназад се вклучени во тематиката, што покажаа дека бизнисот има огромен простор за напредок и иновации и голем простор за дополнителен развој во иднина. Сите овие фактори, надополнети со нашиот афинитет за деловни предизвици, што во Адора секогаш е водечка сила, придонесоа за оваа наша бизнис диверзификација. Имаме една единствена цел за овој бизнис – а тоа е усовршување, оптимизација и модернизација на процесот на регулираното производство на топлинска енергија во главниот град во склоп со сите модерни технологии, во интерес на јавното добро и граѓаните. Секако, тоа е комплексен и долгорочен процес.    

https://kapital.mk/креираме-стратешки-диверзифицирано/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #23 Posted: 06-Aug-2022 at 13:26


https://www.facebook.com/stories/116095070321533/UzpfSVNDOjgwMjU4NzY0NDQ0MDQ4NQ==/?bucket_count=9&source=story_tray


Edited by stef4o - 06-Aug-2022 at 13:26
Carpe diem
Back to Top
Tooold View Drop Down
Groupie
Groupie


Joined: 22-May-2020
Online Status: Offline
Posts: 83
  Quote Tooold Quote  Post ReplyReply #24 Posted: 22-Oct-2022 at 06:55

https://ibb.co/CKMjjrn
Adora najava
Spored mene karshi East Gate

Edited by Tooold - 22-Oct-2022 at 06:58
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #25 Posted: 22-Oct-2022 at 08:14
Originally posted by Tooold


https://ibb.co/CKMjjrn
Adora najava
Spored mene karshi East Gate


Ова е објектот што го градат во Златибор кој е веќе во завршна фаза.

За објектот во Крњево карши Ист Гејт сеуште нема никаква новост.
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #26 Posted: 10-Jan-2023 at 17:56
Carpe diem
Back to Top
carver91 View Drop Down
Senior Member
Senior Member


Joined: 09-Mar-2015
Online Status: Offline
Posts: 159
  Quote carver91 Quote  Post ReplyReply #27 Posted: 26-Feb-2023 at 15:16
Мислам дека Адора Златибор ќе биде отворена во мај 2023 година
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #28 Posted: 04-Jul-2023 at 18:04
Carpe diem
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15018
  Quote Џоле Quote  Post ReplyReply #29 Posted: 04-Jul-2023 at 21:44
Е да, можат во странство да стават фасадна тула, а во Македонија да шлакаат розеви коцки.
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #30 Posted: 08-Aug-2023 at 11:01
Адора го отвори луксузниот апарт хотел на Златибор. Гоца Тржан, Беквалац, Саша Матиќ, меѓу првите гости


Како што се дознава, завршена е изградбата на 21st Century ZlatiborSpa & Wellnessby Adora, новиот ултра луксузен комплекс на Адора на Златибор, кој на почетокот од август ги отвори своите врати за првите гости. Упатените оценуваат дека се работи за прекрасен, по многу нешта исклучителен апартмански хотел на ниво со 5 ѕвезди, што со дизајнот на екстериерот и ентериерот и квалитетната понуда, на креативен, модернистички начин, дефинитивно се издвојува од остатокот од понудата.

Во јавноста во Србија на големо се зборува за отворањето на хотелот на Адора на Златибор, кој е во фокусот на најпознатите „фаци“ од српската медиумска и естрадна сцена. Познатиот водител Огнен Амиџиќ комплексот го опиша како „Лудило“, најавувајќи дека најпопуларната емисија во Србија AmiG Show во август ќе се снима во 21st Century Zlatibor. На отворањето на објектот, каде Амиџиќ е само една од познатите личности што засега има апартман, е најавено присуството на естрадните ѕвезди Гоца Тржан, Наташа Беквалац, Саша Матиќ, познати инфлуенсери, модели и други јавни личности од светот на музиката, филмот и спортот на Балканот.

Во нашиот пионерски проект на српскиот пазар 21st Century Zlatibor Residence, Spa & Wellness,не само што го вложивме целото 20 годишно искуство и знаење во создавањето недвижности со додадена вредност;story telling аспектот го однесовме чекор понапред. Посветивме исклучително време, внимание и brainstorming во создавање исклучителни мотиви, кои на крајот резултираа со единствен дизајн израз, којшто во различни форми и мотиви се провлекува низ повеќе делови од комплексот. Креиравме флуиден спој од дизајн стилови како mid century modern, contemporary и industrial style, art deco, jazz elegance,надополнети со дигитална современа уметност со акварел, мурали со ексцентрични мотиви и други внимателно осмислени детали. Судејќи по мене, првите импресии на купувачите кои дојдоа да ги примат во сопственост нивните инвестициски апартмани и реакциите одпријателите на нашата компанија и јавните личности, кои имаа прилика зад затворени врати да го видат комплексот, амбиентот и крајниот визуален резултат, опишано со еден збор се спектакуларни. Навистина сме задоволни од работата што ја сработи тимот на Адора во соработка со нашите долгогодишни дизајн партнери од Zavar Designи со уметниците од регионот Pijanistq, Milanović и други. Сите заедно создадовме апарт хотел којшто престставува уникатно авторско дело. Расте интересот за проектот во целата српска и регионална јавност во пресрет на самиот почеток на работата, а во првата половина од август очекуваме низа кул личности меѓу првите гости. Наидовме на многу предизвици при реализацијата на овој проект, меѓутоа горд сум што како new ideas & creative leader на нашата компанија, заедно со тимот успеваме печатот by Adoraда го етаблираме во регионот како навистина препознатлив симбол за автентични недвижности, дополнети со профитабилен бизнис концепт. Истотака, горди сме што претставуваме успешен бизнис и економски Македонски амбасадор во регионот. Ве очекуваме во август на Златибор! “, порача Душко Чифлиганец, од втората генерација сопственици на Adora Business Group и проект лидер на 21st Century Zlatiborby Adora.

Почесните први гости во 21st Century Zlatibor ќе се здобијат со долгорочни привилегии во комплексот со најубав поглед на Златибор, кој нуди неверојатно чувство „планина на море“ во базенот со солена вода и СПА центарот, декориран со несекојдневни уметнички дела. Ресторанот Gatsby спремно Ве очекува со гастрономска поезија од кулинарски специјалитети, има детско забавно катче за најмладите и градинарска кафетерија за возрасните. Преку резервација на веб страницата 21zlatibor.rs , ексклузивно во текот на август, за 99 евра може да си обезбедите ноќевање за 2 лица во модерен апартман со појадок и користење на СПА центарот. Преку овој промо пакет, првите гости ќе го искусат сиот комфор и луксуз што овој комплекс го нуди по екстра поволна цена, која е барем за 70 евра пониска од редовната.

Убаво е да се види каква силна трага оставаат квалитетните македонски компании во регионот, привлекувајќи го вниманието на најетаблираните медиумски личности, што „мами“ желба кај секој од нас во Македонија, еден топол викенд во август да поминеме на свежиот и секогаш пријатен Златибор.

Деновиве преку личните, социјални медиуми на Душко Чифлиганец, имавме можност да видиме behind the scenes содржини од продукцијата на уникатни маркетинг материјали за комплексот и да ѕирнеме во внатрешноста на овој единствен апарт хотел. Но, со намера текстот да го илустрираме со официјални фотографии, пред неколку дена се обративме во Адора, каде не сакаа предвреме да ги откриваат деталите, но сепак денес премиерно ни претставија неколку teazer фотографии од 21st Century Zlatiborby Adora. Иако делуваат како рендери, беше напоменато дека фотографиите се целосно вистинити, што објаснува зошто српските јавни личности едноставно го опишаа проектот како вистинско „Лудило“.

https://www.faktor.mk/adora-go-otvori-luksuzniot-apart-hotel-na-zlatibor-goca-trzan-bekvalac-sasha-matikj-megju-prvite-gosti
Carpe diem
Back to Top
 Post Reply Post Reply Page  <12

Forum Jump Forum Permissions View Drop Down



This page was generated in 0.031 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.