Скопје, решение за поширок центар, идеја

Како да се реши сообраќајно поширокиот центар на Скопје, а притоа да се спаси тоа што е упропастено со тифани, со Ск14 низ центар, со триумфална и слични други глупости. Има во решението повеќе идеи кои ги имам прочитано тука наназад по други теми, како и неколку добро познати проблеми како континуитет на улица Македонија и слично.

1. Излегува дека всушност шансите за големата значајна идеја за тунел под плоштад всушност не е трајно изгубена, ако се земе како опција понирање од подалеку и дури и до 30 метра денивелација може да се постигне, и да се избегнат сите можни пречки на подземната траса. Коридорот исток-запад Соборна-НБРМ би бил 3+3, а кракот према Собрание би бил 2+2 заради комлекснот на раскрницата кај ЦрвенКрст/ЗеленПазар, со тоа што непосредно пред подземниот спој со главниот коридор испод плоштад кај автобуската што е предвидена и овој крак би бил 3+3 заради простор за застанување на јавен превоз. Во централниот дел длабочината е дури и преку 20 метри и не би било проблем да се изведе со копање со кртици од страна, а на плоштад автобуската може целосно да се изведе со dig&cover.

2. Воведување на паралелни едносмерни булевари позади собрание како и рекорд кои би функционирале како една улица. Секако со денивелација на рекорд заради запазување на континуитетот на главната пешачка улица Македонија. Денивелацијата би била продолжение на понирањето на кракот за тунелот од кај Триумфална која секако вака или онака ќе мора да се сруши. Со вакво решение раскрсниците од 4-тактни станувата 3-тактни со што се убрзува протокот.

3. Воведување на централна автобуска/метробус станица под плоштад која би ги канализирала сите градски линии кои сега проаѓаат низ рекорд и околни автобуски како гтц и пошта. Прашање е дали автобуската на рекорд има потреба понатаму повеќе да постои.

4. Се отвора можност за нов плоштад кај соборна, спојување на околните паркинзи на горно ниво, континутитет со полу-пешачките зони према дебар маало и делумно према Максим Горки.

5. За раскрницата кај НБРМ/Веро немам размислено, може е добро за повеќе проточност да се размисли за денивелиран кружен тек доколку има простор. Секако со тоа што би му се дало проток на главниот коридор исток-запад, односно од тунелот да може да се излезе на кружниот ток доколку се иде према МАНУ или Олимписки, но и да може без чекање да се отиде право према Железничка и тамо да биде првиот семафор на кој би наишол некој кој се движи од Буњаковец према Железничка.

Просечна цена на чинење не би можело да се предвиди, ама грубо мислам дека овакво нешто би било околу 200-300 милиона евра инвестиција. Во секој случај значително би го трансформирало градот и гужвите во центар би биле минати на многу долг рок.



Изволте .kmz на filebin ако сака некој да дополни нешто.
https://filebin.net/3y7o8e23otvuyrgx/Sk_Centar.kmz?t=gn5gaygo

Edited by user8642 - 21-Jan-2021 at 04:38

@user8642

Убаво си консолидирал неколку нтересни идеи. Со оглед дека генерално ми се допаѓа вкупниот концепт, ќе ги кажам само забелешките кои ги имам:


1. Имам замерка за кракот на тунелот од 11 Октомври кон Партизанска, мада и јас често сум го вклучувал во некои мои замисли постирани на форумов, но тоа највеќе по инерција, од причина што тој крак веќе бил вцртан во урбанистички планови.

Ако подобро се размисли, сепак врската со Партизанска не само што е голем финансиски луксуз, туку носи и неколку сериозни компликации и последици:
а) Премногу автоцентрично решение на сметка на пешачките комуникации. Сегментите обележани со портокалово во твојот план се комплетни пешачки бариери.
б) Помала проточност на тунелот под плоштад, односно реметење на примарниот транзитен коридор Аеродром - Карпош. Логичен транзитен коридор исток-запад од Кисела вода треба да биде Јужен булевар.
в) Компликувани решенија и поскапо одржување на тунелот, поради подземното вкрстување што би требало да се изведе.
г) Премногу сообраќаен притисок врз Партизанска.

Логични врски на 11 Октомври пред се треба да бидат Јужен Булевар, како и големиот и малиот ринг (а преку овие да бидат врските со Партизанска). Би било попаметно финансиите што теоретски би се давале за поврзување на 11 Октомври со Партизанска, да бидат искористени за самиот Јужен булевар и за квалитетно поврзување на 11 Октомври со овој урбан автопат.



2. Улица Македонија да не се сведе просто на пешачки мост над Димитрија Чуповски, туку на таа локација да има проширување по 10-15 метри од двете страни, со што многу пофино би се дефинирал просторот и пешачката зона би била многу попријатна. Би било убаво тоа проширување да биде и поголемо, но веројатно поголемо проширување би направило проблем кај надолжните нагиби за понирањето на Димитрија Чуповски.



3. Предимензиониран е системот на еднонасочни булевари (Даме Груев и Димитрија Чуповски) обата со по 4 ленти. Со изведба на тунелот под плоштад и со изведба на Јужен булевар на барем првиот сегмент од Рампа до Католичка црква, мислам дека и по 2 ленти (максимум 3) ќе бидат доволни за Даме Груев и Димитрија Чуповски (4 ленти е океј единствено кај крстосниците). А со помалку коловозни ленти ќе имаме повеќе простор за пешаци, велосипеди, урбано зеленило и хортикултура... Се работи за централна пешачка зона, па неколку илјади метри квадратни од второво, наместо коловоз, би направиле огромна позитивна разлика.

Моменталното решение за Даме Груев со 4 ленти во реонот кај Министерството за Финансии секако е катастрофа... Со јавни пари да го отстрануваме објектот на Макотекс, и плус да го уништиме дрворедот и убавиот амбиент на пешачкиот коридор долж Градски ѕид, за да се добие ваква заебанција каде што од влез на зграда или од продавница искачаш директно на коловоз, тоа стварно е надвор од паметот:





Имај на ум дека вака би било и доколку е еднонасочно со 4 ленти, само што би било позгодно за идиоти што возат 200 km/h.

Доколку градската власт е решена Мал Ринг да биде целосно ослободен од транзитен сообраќај и Димитрија Чуповски да биде пешачка зона, а транзитот да се насочи преку Даме Груев, тогаш мора за вториов да се ископа тунел 200-250 метри. Тој тунел може да има профил и од само 2х1 двосмерно, токму за транзитниот сообраќај, а надземно исто така 2х1 двосмерно како што е сега, што освен како врска со М.Х.Јасмин и со локалните паркинзи и гаражи, исто така ќе може да пропушта солидна количина транзитен сообраќај.



Edited by Cloverstack - 22-Jan-2021 at 09:45