Предлог улица - врска Булевар Србија - Водњанска

Знам дека во скопскиот ГУП има зацртана некаква јужна обиколница што поима немам што тоа значи и дали сеуште е во план и што се опфаќа. Но еве еден интересен предлог кој ја тангира оваа тема.

Булевар Србија од 2+2 профил завршува во слепо. Навидум негово продолжение некакво треба да се Сава Ковачевиќ према Кисела Вода и патот према Сопиште, но мислам дека има неискористен собирен капацитет во оваа точка. Може да прими уште повеќе сообраќај булеварот кој сега го нема. Така да би била одлична можност да се искористи за escape-route на населбите околу Водњанска, за алтернативна траса за пристап кон Водно, пристап до идната населба Сончев Град, алтернативен пристап кон Сопиште, како и за среднорочна алтернативна рута за возила од-кон постоечкиот клинички центар кои доаѓаат од источна Македонија. Предностите ги има многу!

Да не се лажеме и да бидеме прагматични, Водно е веќе населена планина. Нема штета ако се исече некое рудиментирано зеленило за повисока цел. Тресење и припаѓање пред камери е сосема непторебно. На голем дел од трасата веќе постојат улички како таа на средина. Така да, оваква врска може само да намали загадување заради тоа што ќе намали гужви во центар.

И јас ја гледам потребата од нешто вакво. Ако ништо друго, таа јужна обиколница ќе стави тврда граница на Водно после која не би смеело да се гради повеќе (иако сметам дека границата на нормалното е одамна помината).