Хотел Буши(Технометал Вардар) Центар

Надежта за зградата на „Технометал Вардар“ прва умре









Општина Центар ја исправи техничката грешка за ДУП Мал Ринг и со тоа го запечати габаритот на зградата на некогашен „Технометал Вардар“ на сегашната висина.
Иако ветија дека со изградбата на хотелот ќе почнат во јануари, sод фирмата сопственик „Буши фашион“ тоа го одложуваат за неколку месеци.
Дење и ноќе групи крадци го корнат она малку што е останато на симболот на некогашниот индустриски гигант.
Општина Центар најавува вонреден инспекциски надзор од градежен инспектор, бидејќи ниту глобите ниту досегашните решенија не дале резултат.

„Буши“ го одложи градењето, на терен доаѓа градежен инспектор
А за отпадот веќе и нема што да се зборува. Само една куса обиколка предизвикува и чувство на очај и на револт: плочникот е покриен со купишта стакла, наоколу има отворени канали, отпад од непознато потекло е насекаде расфрлан. Веќе не е ни прашање дали работниците задолжени за хигиена од градот или општината го собираат или не, бидејќи тој секојдневно се таложи со тоа што никој не го обезбедува објектот. Освен што крадците фрлаат стакла и друг шут, има и несовесни граѓани кои носат и друг вид отпад тука.

Од Општина Центар велат дека граѓаните пријавуваат, тие излегуваат на терен извршен е , сопственикот добил Решение со кое е задолжен да го исчисти отпадот и имотот да го одржува во уредна состојба (согласно член 38 од Законот за управување со отпад), комуналната инспекција му изрекла глоби по Закон за јавна чистота, но ситуацијата е непроменета.

Најавуваат дека во наредниот период ќе биде направен вонреден инспекциски надзор од страна на градежен инспектор, кој ќе постапи согласно Законот за градење.

Од компанијата „Буши фашион“ во телефонски разговор ни рекоа дека рокот за изградба што го поставиле за јануари се одложува за неколку месеци, бидејќи ја чекале одлуката од општината. Во врска со ситуацијата околу објектот велат дека знаат што се случува и дека редовно доаѓаат и дека подготвуваат барање да поднесат до инспекциските служби. Но, што ќе бараат, не кажуваат.

И еден од сопствениците Буши лани ни кажа дека е свесен за проблемите со овој објект за кој планираат да биде хотел и признава дека и самите се виновни. Но, од она што се случува само во изминатите неколку месеци од тој разговор до сега, не изгледа дека преземаат нешто за овој и естетски и еколошки проблем да се реши.

https://samoprasaj.mk/naacik/nadezta-za-zgradata-na-tehnometal-vardar-prva-umre/

Edited by stef4o - 21-Mar-2023 at 07:43

дури и да не се фрла така шутот, самото тоа што градилиштето нема зашттитна ограда и заштитни мрежи, во нормална држава одма ќе се затвори
еднаш дури имав шанса на сопствен ризик да прошетам по спратовите и требаше едно дваесетина добри минути некој да ме примети дека се шетам наоколу
буквално се однесуваат ко да расчистуваат нечиј подрум со тамче, а не огромен објект во сред прометна пешачка зона

Edited by zabegan - 08-Apr-2023 at 02:49

СЕ РАСЧИСТУВА ПРОСТОРОТ КАЈ „ТЕХНОМЕТАЛ - ВАРДАР“

Сопствениците на поранешен „Технометал“ постапуваат по решението од Општина Центар и го расчистуваат просторот во кругот на компанијата.
Во февруари општината на сопственикот „Буши Фашион“ и сопственик на „Технометал – Вардар“ му издаде решение за расчистување и редовно одржување на просторот поради прекумерното собирање купишта отпад. Зградата долго време беше дувло на бездомници и крадци кои го кршеа инвентарот и екстериерот на огромната зграда. Минатата година во оваа зграда избувна и пожар кој го пријавија соседните жители.
Општина Центар преку Секторот за инспекциски работи и во наредниот период ќе продолжи со инспекциски контроли преку инспекцијата за животна средина за да не се повтори грдата слика и нарушувањето на мирот на станарите.





https://www.facebook.com/photo?fbid=642019214605191&set=pcb.642019587938487

Скопје, 15 август, 9:00 часот - Бетонски парчиња летаат надвор од заштитната ограда додека работници кршат бетон во остатоците од зградата на „Технометал Вардар“ во центарот на Скопје.

Зградата „Технометал Вардар“ засега нема да биде хотел – ќе се издаваат канцеларии на фирми



– Го чистиме она што е скршено. Правиме подготовки да ја ставиме зградата во функција со истата намена што ѝ беше и досега. Сега-засега, немаме намера да градиме хотел. Фати короната, па економска криза, а и хотелиерството не оди. Па, затоа зградата ќе си остане со истата намена. Ќе се издаваат канцеларии на фирми на IT-компании. Така си е и од претходно, 60% канцеларии и 40% соби. Но, соби нема да бидат, туку сè е канцеларии – објасни еден од сопствениците на зградата „Технометал Вардар“, Абдулмуталип Буши, за весникот ВЕЧЕР

Зградата на „Технометал – Вардар“ во центарот на градот целосно е оградена со лимени тараби, па така движењето во овој дел е ограничено. Фирмата „Буши фешн“ ја купи оваа зграда, но години наназад таа пропаѓа и се крадат и се уништуваат прозорци и други делови од неа.

Еден од сопствениците на оваа зграда, Абдулмуталип Буши, информираше за весникот ВЕЧЕР дека објектот е заграден на барање на Општина Центар за да се заштити, за да не може да се влегува внатре и за да се вандализира, како што се правеше тоа во повеќе наврати. Тој негира дека се изведуваат градежни активности за изградба на хотел.

– Го чистиме она што е скршено. Правиме подготовки да ја ставиме зградата во функција со истата намена што ѝ беше и досега. Сега-засега, немаме намера да градиме хотел. Фати короната, па економска криза, а и хотелиерството не оди. Па, затоа зградата ќе си остане со истата намена. Ќе се издаваат канцеларии на фирми на IT-компании. Така си е и од претходно, 60% канцеларии и 40% соби. Но, соби нема да бидат, туку сè е канцеларии – објасни Буши.

Тој се пожали дека биле украдени трафостаница и цевки од водоводот, а биле откорнати прозорци.

– Дури се урнати и ѕидови. Се краде сè. Невидена работа! Поставивме дури шестмина чувари, но повторно влегуваат и крадат. Поднесовме 18 пријави до Министерството за внатрешни работи, но досега не е фатен ниту еден крадец. Се правдаат, наводно биле бездомници – реагира Буши.

Овој дел со години го нагрдува центарот на градот бидејќи е претворен во депонија, а од фасадата на зградата висеа опасни парчиња стакло и мермер. Просторот беше претворен во депонија, поради што Општина Центар ѝ издаде опомена на фирмата „Буши фешн“, бидејќи таа е сопственик, да го исчисти.

Зградата на „Технометал-Вардар“ е изградена во 1980 година и е со површина од 8.000 квадратни метри. Зградата е дело на архитектите Димитар Димитров и Росанда Минчева и е еден од препознатливите објекти на современата македонска архитектура. Беше ставена на продажба откако во 2019 г. беше отворена стечајна постапка. Поради обврски кон Комерцијална банка, објектот беше одземен од Банката, а потоа ставен на продажба, по што зградата беше купена од „Буши фешн“.

„Технометал-Вардар“ беше основана пред 60 години и во времето на поранешна Југославија беше водечка фирма во трговијата со мермер, челик, обоени метали и неметали, опрема, машини и друго.

https://www.vecer.press/зградата-технометал-вардар-засег/