Кружен тек Сарај

Кружен тек кај мостот во Сарај



Скопје ќе добие кружен тек кај мостот во Сарај, поточно на раскрсницата на улицата „Ѓорче Петров“ и улицата „Сарај“. Градот Скопје веќе распиша јавен повик за избор на најповолна понуда од фирма за изготвување идеен сообраќен проект, чија проценета вредност е на 2 милиони денара.

Како што се наведува во тендерот, предмет на сообраќајната студија и на идејниот сообраќаен проект е вршење сообраќајни истражувања и анализи, како и изработка на микроскопска симулација на кружен тек на наведената раскрсница и јазол C01 со поврзување до обиколницата, вклучително и мост преку реката Вардар со траса според ГУП 2012-2022 година.

Дадени се две варијанти по слободен избор на проектантите: проектирање кружен тек на постојната крстосница помеѓу улицата „Ѓорче Петров“ и улицата „Сарај“, каде што во моментов функционираат семафори, и втората е раскрсницата на точка C01 со приклучување на постојниот пат до обиколницата, вклучително и мост преку реката Вардар со траса според ГУП од 2012-2022 година.

Притоа студијата треба да опфати сообраќајна анализа и прогноза за плански период од 20 години и најмалку три временски пресеци, и тоа: базна година 2022, 10-та година 2032 и 20-та година 2042.

Наедно, потребно е да се прикажат двете варијанти и нивната имплементација од градежен, економски и од еколошки аспект, почетните трошоци, трошоците за одржување, трошоците за изместување инсталации, поставувањето инфраструктура потребна за функционирање не само на сообраќајницата туку и за околните градби и тоа во подготвителниот период, во текот на градбата и по изградбата.

https://www.vecer.press/кружен-тек-кај-мостот-во-сарај/

Originally posted by Théoden За едно нешто е во право, мостот навистина е утка. Односно, во ред е како „привремено решение“, ама за нас еден обичен мост е предизвик, ете требаше цела деценија да се игради нов мост во Скопје (и уште не е готов), така да кога веќе се градеше мост кон Сарај, требаше да се изгради оној согласно ГУП, а не оваа лепенка до стариот. Ваквите „привремени решенија“ докажано се претвораат во сообраќајни чирови. Дадени се две варијанти по слободен избор на проектантите: проектирање кружен тек на постојната крстосница помеѓу улицата „Ѓорче Петров“ и улицата „Сарај“, каде што во моментов функционираат семафори, и втората е раскрсницата на точка C01 со приклучување на постојниот пат до обиколницата, вклучително и мост преку реката Вардар со траса според ГУП од 2012-2022 година Тука очекувам да заврши сѐ со првата варијанта, само ќе се заменат семафорите со кружен тек што е релативно едноставен зафат и ќе се прогласи уште еден завршен проект. Што можеби е и ОК решение, но само ако во меѓувреме се започне со изградба на булевар „Црна Гора“, од клучката со обиколницата до надвозникот пред населба Даме Груев, од каде ќе се надоврзи на „Партизанска“. Вака, целиот сообраќај што се слева во Скопје од запад би се пренасочил низ овој булевар и би се заобиколил Ѓорче Петров, со што ќе се растерети и раскрсницата / кружниот тек пред мостот кој ќе го користат само возилата од Сарај. Од планот за овој дел. Сегашниот мост е долу десно кај канализациските линии:

Може линк да пратиш од каде го гледаш ова?