Hot-Hot City

Originally posted by MKballer ubava mi izgleda kucava...kombinacija na amerikanskite i makedonskite formi.

уствари колку што знам ова е фул американски - предградие стил

Што бидна со ова? Се изгради ли населбата?

Тууу бе кловер, многу си песимист!  Јас мислев воопшто не се ни почнати...

Де бре луѓе, „темелите“ на населбата беа бомбатично поставени во 2008, ако ова не е бавно тогаш не знам што е
Дополнително, се работи метод на изградба кој е побрз од класичниот метод кој се користи кај нас, па очекував сосема спротивна ситуација, односно експресно подигање на објектите. Веројатно имаат проблеми со финансии, побарувачка или нешто слично ги кочи... Во секој случај разочарувачки.

Еве најава дека оди проектов, до Септември викаат ќе бил готов

„Беверли Хилс“ од Бутел

Жители на населбата ќе бидат ракометарот Кире Лазаров, пејачката Сузана Турунџиева, а куќа планира да купи и пејачот Миле Кузмановски

Мирниот живот и луксузните куќи веќе не се само американски сон. Тие стануваат реалност и во македонската метропола. Таков е примерот со американската населба што се гради близу месноста Љуботенски Пат во општината Бутел. На површина од 17 илјади квадратни метри приватната фирма „Хот и Хот“ гради 34 луксузни двокатни куќи, со големина од по 200-260 квадратни метри. Населбата од централното градско подрачје е оддалечена повеќе од десетина километри. До неа води тесен асфалтиран пат, кој истовремено е и врска со обиколницата.

За овој мал македонски „Беверли Хилс“ веќе се вртат имињата на бизнисмени и познати личности кои биле сериозно заинтересирани да живеат тука. Во чаршиските разговори се зборува дека композиторот Глигор Копров и народњакот Миле Кузмановски се потенцијални идни жители на населбата, а сигурно е дека веќе купиле куќи пејачката и водителка Сузана Турунџиева и ракометарот Кире Лазаров.

Дел од куќите во новата американска населба се готови, а останатите се во изградба и треба да бидат комплетни во септември. Секоја од нив ќе има и сопствен базен во големите дворови. Идните жители имаат обврска при потпишувањето на купопродажниот договор за куќата да потпишат и нотарски акт, со кој ќе потврдат дека го прифаќаат кодексот на однесување во населбата. Со него, секој од сопствениците на куќите ќе се обврзе дека ќе ги почитува правилата на однесување, нема да го нарушува јавниот ред и мир, па дури и тоа дека нема да го менува ликот не само на куќата, туку и на оградата.

Новата населба ќе има мониторинг и 24-часовно обезбедување и ќе биде изолирана од останатите куќи во близина. Жителите ќе имаат сопствена градинка и игротека за најмладите, супермаркет, фитнес-центар со сауни, приватен билијард клуб. За сите жители на населбата обезбедувањето е задолжително, а по нивна желба ќе можат да ги ангажираат службите за чистење на домовите и на базените, или за уредување на градините.

„Со Роберт Хот ме врзува пријателство и токму затоа бев на камен-темелникот на населбата што ја гради неговата фирма. Но, немам купено куќа во таа населба, иако лично сметам дека куќите се многу убави и се наоѓаат на мирно и тивко место“, вели композиторот Глигор Копров.

Ракометарот Кире Лазаров, кој моментално има ангажмани во Шпанија, ни потврди дека веќе купил куќа во американската населба, иако се' уште не планира да живее во Македонија, бидејќи е активен спортист. Но, смета дека направил добра инвестиција. Вели дека како мал израснал во куќа, иако живеел и во станови. Сепак, одбира да живее во куќа, особено во една ваква, просторна со сопствен базен. Му се допаѓаат ваков тип населби во какви што веќе живеел надвор од земјава.

„Ќе имам мир, сопствено обезбедување, билјард клуб за дружење со останатите станари за кои ќе знам кои се и што се. Населбата е далеку од градската врева и метеж, што исто така ми се допаѓа и се надевам дека во иднина ќе добие подобро инфраструктурно поврзување со централното градско подрачје“, објасни Лазаров.

Негов сосед планира да биде и пејачот на народни песни, Миле Кузмановски. Тој веќе бил во преговори за купување куќа во новата населба. Ни појасни дека му се допаѓа ваков тип на населби, каде има организирано живеење од затворен тип, какви што видел во Австралија и во некои од градовите на европскиот контенитент. Му се допаѓа и градбата на куќите, а е согласен и да има кодекс на однесување, што ќе придонесе да постои некаков ред и мир.

Куќите се на два ката. На првиот кат се наоѓаат дневната соба, кујната и тоалетот со купатило за гостите. Затоплувањето на дневниот престој е решено со голем камин, а сопственикот може да си направи и сопствена режија за греење на струја или парно. На вториот кат се родителската спална соба со купатило, детската соба со засебно купатило за најмладите, работна соба и соба-гардеробер.

Симо Гошевски, дипломиран градежен инженер од приватното претпријатие „Хот и хот“ тврди дека куќите се сеизмолошки тестирани и можат да издражат земјотрес карактеристичен за скопското трустно подрачје. Се градат од дрво, што е топол материјал, но имаат и добра надворешна изолација и пластична обработка на фасадите. Дрвото е заштитено од инсекти и запалување. Една ваква куќа од 200 квадратни метри, со двор од 350 до 400 квадрати, чини 120 илјади евра. Дел од куќите имаат и подрумски простории, но секоја куќа располага со две гаражи.

Населбата е луксузна, но не и просторот околу неа и инфраструктурата, на која многу повеќе треба да поработи Општина Бутел. Веројатно од неа тоа и ќе го побараат новите жители.

„Наша задача беше да обезбедиме инфраструктура за новата населба и ние тоа го направивме. Го изградивме локалниот пат Бутел - Љуботен, веќе има локален водовод и изградивме фекална канализација. Земјиштето на кое се градат куќите е приватно, па нашата обврска завршува дотука“, вели Снежана Клинчарова, портпарол во општината Бутел.

Наредната година ќе биде комплетно изградена инфраструктурата во населбата. Улицата помеѓу куќите ќе биде асфалтирана, хортикултурно ќе бидат уредени парковските површини пред семејните живеалишта и ќе биде поставена ограда и урбана опрема

http://www.utrinski.com.mk/?ItemID=D2FD4466249DE84380E4CCA457BC26FE


Edited by La Linea - 03-Jan-2011 at 14:06

Еве гураат некако, многу бавно, ама напредува населбава. Сателитскава снимка е од јануари годинава и се гледа дека пополниле со 16 објекти (во разни фази на изградба):






Edited by Cloverstack - 28-Mar-2011 at 14:26

Originally posted by alexgizh Навистина ми пречи што куќиве не воведуваат нови урбанистички линии, туку ги следат селските принципи на "прво куќа, па после улица". Дури не се ни во склад со останатите постојни куќи (од западната страна).

И јас сакав истото да го искоментирам.

Ваков тип населби треба да воведуваат нова култура на живеење, а не да го следат досегашниот тип на „збиено село“. Куќите се преблиску една до друга (веројатно за добивање повеќе парцели и поголем профит). Немањето соодветна инфраструктура (не само сообраќајна) да ја следи оваа мини населба, дополнително вади од такт.

Причината за сето ова е јасна, очигледно куќиве се градат „on demand“ а инвеститори се всушност индивидуалните купувачи.

Нели е подобро ако да речеме од задниот дел секоја куќа имаше некои мало дворче или па ако имаше повеќе простор меќи куќите некако од страна и поазди. Вака многу се блиску една до друга а и не ми личи дека има простор за двор од позади или напред со оглед на тоа дека треба улички да поминуваат.

Па убаво би било некој што живее блиску до Радишани  или  Бутел да ги сликне куќите бидејки незнаеме какви се сега,а и сликите  претходни се стари.

Edited by dule - 22-Apr-2011 at 18:08

Навистина испаѓа глупо. Неорганизирано градат. Според сликите горе тој што ги гради куќиве-населбата, ми изгледа како да е довлно само тие да ги довршат куќите и само да соберат пари од продажбата, а па после тој што ќе живее тамо да гледа да се брка со останатите работи.

Мора да има некои правила - стандарди за градба барем на нови населби кои мора да се почитуваат, да ли бил приватен или државен инвеститор и да бидаат надгледувани од надлежни институции од општините низ нивните граници. Каде би пошол некој да зе жали за вакви работи, мислам има некаде или џабе.