![]() |
![]() |
![]() |
Бучава |
![]() |
Post Reply ![]() |
Page <1 234 |
Author | ||
user8642 ![]() Senior Member ![]() ![]() Joined: 18-May-2020 Online Status: Offline Posts: 2019 |
![]() ![]() |
|
|
||
![]() |
||
Denko ![]() Senior Member ![]() Joined: 14-Aug-2010 Online Status: Offline Posts: 2271 |
![]() ![]() |
|
|
||
![]() |
||
zabegan ![]() Senior Member ![]() ![]() Joined: 01-Jul-2008 Location: Skopje Online Status: Offline Posts: 7859 |
![]() ![]() |
|
зошто еден моторцикл што дивее по улици би се казнувал за бучавата, а не за дивеењето?
бучава во град е нормална работа, освен ако не живееш во некое изолирано предградие со пристапни улички... ако живееш над булевар со шест ленти, што се криви возачите? |
||
Architects create dreams...politicians create nightmares
|
||
![]() |
||
Џоле ![]() Moderator Group ![]() ![]() Joined: 23-Apr-2013 Location: Скопје Online Status: Offline Posts: 15039 |
![]() ![]() |
|
![]() Се мисли на звучно дивеење, сигурно си слушнал како некој турира мотор на семафор или додека го вози низ град. |
||
За сè има вторпат
|
||
![]() |
||
Denko ![]() Senior Member ![]() Joined: 14-Aug-2010 Online Status: Offline Posts: 2271 |
![]() ![]() |
|
|
||
![]() |
||
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19689 |
![]() ![]() |
|
ЗАСИЛЕНИ МЕРКИ ЗА КОНТРОЛА НА БУЧАВАТА
![]() Инспекциските служби на Општина Аеродром во изминатиот период извршија мерења и анализа на нивото на бучава во животната средина. Мерењето ја опфати бучавата од угостителските објекти, автопералниците и бучава што се емитува од надворешните единици на клима-уредите од маркетите. Во периодот што следува континуирано ќе се вршат мерења на бучавата по пријава од граѓани, но и по службена должност. Општина Аеродром упатува апел да се почитуваат пропишаните правила и закони, бидејќи прекршувањата според член 56 и 57 од Законот подлежат на високи глоби, кои се движат од 2 000 до 3 000 евра за трговци поединци, а од 6 000 до 98 000 евра за микро, мали, средни и големи трговци. https://www.facebook.com/OpstinaAerodrom |
||
![]() |
||
gizzmond ![]() Newbiе ![]() ![]() Joined: 03-Apr-2022 Online Status: Offline Posts: 1 |
![]() ![]() |
|
Прекумерната бучава е еден од најгорките проблеми во Скопје, поточно во централното градско подрачје. Конкретно мака мачам веке 9 години, од 2013 година па наваму со прегласната музика што доаѓа од Градскиот парк. Таму дискотеката Привилиџ го држи приматот, а од оваа година ова летно диско работи нон стоп, вклучително и зимоска. Иако станува збор за летна дискотека, без покривна конструкција и изолација, овој локал работи. Работи и тоа како сака и колку сака и кога сака. За нив не важи никаков закон, дури и полицијата не им може ништо.Тоа зборува каде живееме! Граѓаните кои што живеат во околината на Паркот како да дигнале раце, се откажуваат и трпат, молат господ да дојде утро, некој таму да ја изгаси музиката.
Градските власти се прогласуваат за ненадлежни, иако просторот е во сопственост на Град Скопје, додека локацијата е на територија на Карпош, а од друга страна луѓето немоќно бдеат цели ноќи. Мене не ми останува ништо друго, освен да се надевам дека некој можеби ќе го прочита ова и ќе интервенира за почитување на Законот за бучава. Каде тоа ние живееме? На крај, да не се чудиме колку сме на број и зошто толкав број на луѓе ја напуштаат родната земја? Ако не е бучавата, тогаш е некој друг проблем што политичките моќници го игнорираат. Проблеми што со години се таложат и не се решаваат сами со себе. Градоначалниците со тоа треба да се занимаваат, а не со висока политика. Тоне полека државата и вербата за подобро утро! |
||
![]() |
||
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19689 |
![]() ![]() |
|
Бучавата не се сфаќа сериозно, во зоните за домување има од кафулиња до складишта за градежен материјал
![]() Кафулиња, дискотеки, обложувалници во станбени објекти, врвулици од луѓе и гласна музика, молови изградени во сред град, индустриски капацитети, магацини или складишта за градежни материјали во зони за домување, огромен број стари и бучни автомобили, камиони, автобуси по улиците…. Причинителите на бучавата се многубројни, а тоа е значајно нарушување на животната средина, кое не се третира сериозно во земјава. Изворите ги сретнуваме на секој чекор во нашата околина, но ретко некој граѓанин знае каде да се обрати и како да се избори за потивка средина. С. Македонија нема Катастар на бучава, нема стратешки карти, а податоците од мониторингот не се секогаш достапни на најшироката јавност, иако сите директиви на Европската унија се транспонирани во домашното законодавство, а изработени се и правилници како подзаконски акти. Според Извештајот во сенка на Поглавјето 27, бучавата може да е еден од сериозните нарушувачи на животната средина, доколку не се имплементираат веќе преземените обврски од европското законодавство. Од Центарот за климатски промени информираат дека Законот за бучава во животната средина ги регулира основните принципи за управување со бучавата во животната средина и е направен според теркот на европските закони. Дефинирани се изворите, граничните вресности, начинот на мониторинг и мерките за заштита Според Сандра Стојковска, проектен координатор во Центар за климатски промени, анализата направена во рамките на Извештајт во сенка за Поглавјето 27, покажува главната ЕУ директива за бучава е целосно транспонирана во националниот закон, но во однос на спроведувањето има одредени недостатоци. „Кога станува збор за мониторинг и мерење на бучава, се преземаат податоците од мерањата спроведени од страна на центрите за јавно здравје во четири градови во Македонија и тоа, Скопје, Куманово, Кичево и Битола. Според одредени анализи може да се согледа дека во поголемиот дел има надминување на граничните вредности за бучава кои се пропишани во законот“, вели Стојковска. Посочува дека регулирањето на бучавата е проблем и од аспект на урбанистичкото планирање бидејќи еколошките дозволи, односно елаборати за животна средина, се издаваат вон законски прописи. Слично е и за планирањето за изградба на објекти од кои има ризик за надминување на граничните вредности на бучава на несоодветни локации. Решението за сите проблеми, сметаат од Центарот за климатски промени, кое ќе придонесе за целосна заштита од бучава во животната средина, е пред се изработка на стратешки карти за бучава и акциони планови но и кога ќе ги има, нивно спроведување. Потребно е да се работи и на катастарот на загадувачи од бучава, но и на негово редовно ажурирање. „Голем проблем, особено во големите градови е бучавата која доаѓа од комерцијалните објекти како кафулиња, ресторани, диско клубови, но и комерцијални објекти со други дејности. Сообраќајот е исто така голем проблем кога станува збор за бучава во урбаните средини. За таа цел неопходно е соодветно урбанистичко планирање, односно да се води грижа при планирањето на резиденцијалните објекти и издавање дозволи за работа за некои од горенаведените области. Комерцијални објекти чии активности може да предизвикуваат зголемено ниво на бучава не треба да добиваат дозвола за работа во делови од општината кои се предвидени за домување“, смета Стојковска. Посочува дека неопходни се и измени во законот за градење кои ќе ги задолжат инвеститорите да поставуваат прозорци со подобра звучна изолација на зградите кои се наоѓаат во неопсредна близина на големи сообраќајници. Директивата за бучава во животната средина на Европската Унија бара секоја земја која го следи европското законодавство да има стратешки карти за бучава и за главните патишта, железници, аеродроми и агломерации со повеќе од 100.000 жители. Според Архуската конвенција, институциите мора да им обезбедат информации на граѓаните за нивната изложеност на бучава, нејзините ефекти и мерките што се разгледуваат за справување со бучавата. Миистерството за животна средина информира дека кај нив се собираат и обработуваат податоци од мерење на комуналната бучава и од индустриските капацитети кои се задолжени да вршат мерења на бучава согласно Интегрираните еколошки дозволи кои ги поседуваат. Овие податоци се дел од годишните извештаи за квалитетот во животната средина, што се објавуваат на веб страната на министерството, а последниот достапен е тој за 2021 година. „Стратешки карти и Акциони планови за бучава се уште не се изработени. Сепак во 2011 година донесена е Уредба за агломерациите, главните патишта, главните железнички пруги и главните аеродроми за кои треба да се подготвуваат стратешки карти за бучава. Се планира да се започне со подготовка најпрво на Стратешките карти, а потоа и на Акционите планови со помош ИПА проект ,кој е во фаза на избор на најдобра понуда и кој ќе трае две години“, информираат од Министерството. Од таму велат дека е воспоставена државна мрежа за мониторинг на бучава во животната средина преку донесувањето на Одлуката за формирање на државна мрежа за следење на животната средина во 2011 година. Мерењата на нивото на бучавата ги врши Институтот за јавно здравје и десет Центри за јавно здравје од кои само три, во Битола, Куманово и во Кичево и собираат и обработуваат податоци од мерењата од други лаборатории кои се однесуваат на бучавата создадена од различни категории создавачи на бучава како индустрија, аеродроми, угостителско туристички капацитети и други активности. Од Министерството велат дека во земјава постои и Катастар на причинители на бучава, но кој е во рамките на катастарот за животна средина. Според преземеното европско законодавство, обврска на Градот Скопје, како и на Тетово, Куманово и Битола, како градови со над 100.000 жители, е да имаат изработено стратешка карта и акционен план за бучава, како и да воспостават мрежа за мониторинг на бучава во урбаната зона. Според документи поставени на веб страната на Градот Скопје, градските власти преземале обврска стратешката карта да ја завршат до 2015 година. Сепак, таму се наоѓа само карта на бучава предизвикана единствено од сообраќајот како причинител, но без податоци која година е изработена, ниту пак дали податоците редовно се ажурираат. Од Градот Скопје за Мета.мк велат дека тие се надлежни само за контрола на бучавата од инсталациите кои имаат Б интегрирана еколошка дозвола. Од таму немаше одговор зошто нема стратешка карта и акциони планови, ниту пак, дали и колку контроли градските инспектори направиле во инсталациите под нивна надлежност, дали биле констатирани пречекорувања на нивото на бучава и дали биле изречени санкции. https://meta.mk/buchavata-ne-se-sfakja-seriozno-vo-zonite-za-domuvanje-ima-od-kafulinja-do-skladishta-za-gradezhen-materijal/ |
||
Carpe diem
|
||
![]() |
||
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19689 |
![]() ![]() |
|
Да се демонтираат звучниците од џамијата во Долно Нерези, гласните звуци од минарето ги вадат од памет
Револтираните жители реагираат дека гласните повици од минарето започнуваат уште во 5 часот наутро, а продолжуваат и повеќе пати во денот. Муфтијата на скопското муфтиство, Кенан Исмаили, за весникот ВЕЧЕР истакна дека повеќе пати разговарал и со претходниот и со сегашниот градоначалник на Општина Карпош и заради почит кон другите вели дека утринскиот повик за молитва од џамијата во Долно Нерези се одвива само внатре во џамијата Жители од Тафталиџе, Карпош 4 и Нерези, како и книжевниот критичар и есеист Јовица Тацевски поднесоа иницијатива до Општина Карпош да преземе соодветни мерки и да издаде решение за демонтирање на звучниците од џамијата во Долно Нерези, поради големата бучава. На оваа иницијатива се придружија и советниците од Левица во Советот на Општина Карпош. Револтираните жители реагираат дека гласните повици од минарето започнуваат уште во 5 часот наутро, а продолжуваат и повеќе пати во денот. – Се слуша и во Влае. Нè буди, а кога ќе заечи, од памет ме вади. Бев во Приштина неколку дена. Само еднаш дневно и тоа со тивок звук слушнав пеење на оџа и камбана од католичката црква во центарот на Приштина. Во Македонија се злоупотребуваат озвучувањата за демонстрирање на моќ и сила. Крајно примитивно и насилно однесување – коментира Јована Стефановска. Други, пак, велат дека силниот звук ги буди рано наутро, поради што потоа цел ден се ненаспани, потенцирајќи дека станува збор за беззаконие и нечовечност, бидејќи има и болни луѓе на кои им е потребен мир, а не вознемирување. Како што велат советниците од Левица во Карпош, токму договорот дека нема да биде инсталирана звучна опрема на ова минаре, бил условот за советниците од редовите на СДС и ЛДП да дозволат легализација на дивоградбата во 2005 година. – Бидејќи се работи за објект во кој се употребуваат звучни уреди, истиот подлежи на одредбите од Законот за заштита од бучава во животна средина, кој пропишува мерки и правила за дозволено ниво на бучава. Претседателот на одборот за изградба на џамијата, Сали Бедри, тогаш има потпишано изјава пред нотар дека нема да бидат поставени звучници, но очигледно законите на оваа држава важат селективно и не сите граѓани ги уживаат истите права и слободи – потенцираат од Левица. Од Општина Карпош одговорија дека нивниот овластен инспектор за животна средина неколку пати разговарал со одговорните лица на самиот објект и испратил допис до Исламската верска заедница на ден 30. 8. 2021 година, но за жал до сега не добиле никаков одговор од нивна страна. – По пријава од граѓанин на 26. 5. 2023 година Општина Карпош ќе ангажира овластена лиценцирана фирма и ќе издаде налог да се изврши мерење на ниво на бучава на животна средина. По извршеното мерење ќе постапи согласно резултатите – децидни се од Општина Карпош. Ова не е единствен пример на вознемирување на жителите од гласното озвучување на џамиите. Реакции има и за оние во Бит Пазар, студентите од Универзитетот се жалеа дека тоа им пречи во наставата, а реагираат и од Ченто – Живеам во Ченто, од една страна село Синѓелиќ, од друга Инџиково. Премногу гласно пее оџата – вели Стефан Величковски. Муфтијата на скопското муфтиство, Кенан Исмаили, за весникот ВЕЧЕР истакна дека повеќе пати разговарал и со претходниот и со сегашниот градоначалник на Општина Карпош и заради почит кон другите вели дека утринскиот повик за молитва од џамијата во Долно Нерези се одвива само внатре во џамијата. – Се договоривме само за месецот кога е Рамазан тоа да биде и надвор со звучници – истакна Исмаили. Тој додаде дека тие барале да се мери јачината на звукот со децибели, но оти до сега немале одговор. – Езанот, односно повикот за молитва, трае две минути. Некаде се бара да биде погласен, за да се слуша подалеку, а некаде каде што е меѓу згради се бара да е потивок. Зависи од местото. Така и одборите на џамиите реагираат. Така и функционираме и се приспособуваме. Во Чаир имаше такво барање за да се намали, така и постапивме – потенцира Кенан. https://www.vecer.press/да-се-демонтираат-звучниците-од-џамиј/ |
||
Carpe diem
|
||
![]() |
||
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19689 |
![]() ![]() |
|
Бесрамни напади на сетилото за слух и на психичката и физичката состојба на граѓаните
Брзи и бесни моторџии произведуваат децибели што ги загрозуваат скопјани Со затоплувањето на времето, автоматски моторџиите, односно љубителите на брзи, бесни и гласни мотори ги „изгореа“ улиците. На сите страни веќе се слушаат силни мотори, чии децибели ги параат ушите на скопјани. И тоа не е проблем само прекуден, напротив, проблемот станува опасен во вечерните часови, кога целата градска бучава е стивната и одеднаш, како гром од ведро небо, се слуша силното и долготрајно „грмење“ на бесните машини. МОТОЦИКЛИСТИ НАДВОР ОД ЕТИКАТА НА МОТОЦИКЛИЗМОТ И „НАДВОР ОД ЗАКОНИТЕ“ Проблемот со бучните мотори не е нов во Скопје. Жителите речиси од сите населби се жалат за прекумерната бучава што ја прават, за трките што се случуваат во вечерните часови по булеварите и не ги оставаат граѓаните да одморат. Независно дали е Чаир, Бутел, Аеродром, Карпош, сите жители едногласно велат дека летниот период е неподнослив поради некои моторџии што бесчувствително ги возат по улиците. Додека едни се исплашени за безбедноста во сообраќајот, други велат дека немаат мир од силната бучава на моторите, затоа што булеварот на кој живеат ноќе станува пофреквентна сообраќајница отколку што е прекуден. Моторџиите, освен што ги нарушуваат јавниот ред и мир, ги нарушуваат и сообраќајните прописи и не возат со дозволената брзина, која, секако, е ограничена во урбаните средини. Од МВР веќе почнаа да информираат за санкционирани мотоциклисти, а на пет возачи им биле одземени мотоциклите. – На 18.6.2023, во периодот од 12 до 18 часот, Одделението за безбедност на патниот сообраќај при СВР-Скопје, во содејство со Одделението за претходница и сообраќајно ескортно обезбедување при Министерството за внатрешни работи, спроведе засилена акциска контрола за прекршоци што ги прават возачите на мотоцикли. Притоа се санкционирани 76 возачи, и тоа 23 за возење без шлем, 14 за возење без возачка потврда, седум нерегистрирани возила… Привремено се одземени пет мотоцикли поради истек на важноста на сообраќајната дозвола повеќе од шест месеци – информираат од МВР. Како што информираат оттаму, акциските контроли продолжуваат и во наредните денови. – Апелираме до сите учесници во сообраќајот да ги почитуваат сообраќајните правила и сите да придонесеме за побезбеден сообраќај – истакнуваат оттаму. БУЧАВАТА ГО НАРУШУВА КВАЛИТЕТОТ НА ЖИВОТОТ Дека бучавата е штетна по здравјето на луѓето потврдуваат многубројни истражувања направени на оваа тема. Бучавата претставува мешавина на разни звуци со различен број „звучни треперења во одредено време“. Имено, „загадувањето со бучава“ негативно влијае врз квалитетот на урбаниот живот. Сообраќајната бучава го опфаќа секој звук што влијае врз психичката и физичката состојба, така што ја попречува и намалува продуктивноста на работа, предизвикува вознемиреност и стресни реакции, го оневозможува одморот и им штети на здравјето и на расположението. Изложеноста на повисоки нивоа на бучава доведува до предвремена смртност, кардиоваскуларни болести, когнитивни нарушувања, нарушувања на спиењето, хипертензија и на крајот вознемиреност и сериозни психички нарушувања. Граѓаните со кои разговаравме велат дека сега, кога во поголемиот дел од денот седат со отворени прозорци, бучавата од моторите значително им го нарушува квалитетот на животот. – Периодот за ручек е време за одмор. Само што сум ги заспала децата, ете, се нашол некој што вози моќен мотор и неконтролирано дава гас, а тоа се невидено силни звуци. Јас живеам во Бутел 2, веднаш до булеварот Христијан Тодоровски-Карпош, и тоа навистина е тортура. Децата се будат, плачат, исплашени се, па и кога сме надвор, кога ќе видат мотор, веднаш ги затвораат ушите, бидејќи се плашат од звукот – вели Милица Бошковска. Според едно истражување направено од Светската здравствена организација, бучавата од сообраќајот е втор најголем проблем во животната средина во Европската Унија по загадувањето на воздухот. Процената е дека 100 милиони Европејци се погодени од штетните нивоа на бучава од патниот сообраќај, односно дека се изложени над европскиот праг од 55 децибели во текот на денот и 50 децибели во текот на ноќта. Од овие 100 милиони, 32 милиони се изложени на многу високи нивоа на бучава од над 65 децибели. Како резултат на ваквата изложеност на бучава, секоја година во Европа има најмалку 10.000 случаи на предвремена смртност. https://novamakedonija.com.mk/makedonija/skopje/besramni-napadi-na-setiloto-za-sluh-i-na-psihichkata-i-fizichkata-sostojba-na-gragjanite/ |
||
Carpe diem
|
||
![]() |
||
Sk2023 ![]() Newbiе ![]() Joined: 05-Sep-2023 Location: Skopje Online Status: Offline Posts: 2 |
![]() ![]() |
|
Пак си пуштени на најгласно. Како да се пријави повторно? |
||
![]() |
||
beTon ![]() Senior Member ![]() Joined: 25-Jun-2008 Online Status: Offline Posts: 3887 |
![]() ![]() |
|
вакво прашање ако се решева парцијално во најдобар случај ќе продуцира поединечно решение кое ко такво не решава ништо долгорочно пошто општина потака може да се појачаат децибели!, та или ќе се отвори здрва јавна дебата каде потребите и забелшките на Сите ќе се избалансираат за да се донесе генерална стандардизација не само за еден аспект од гласни звучки ваму или онаму туку за во урбана ем рурална средина! пр. мене навистина ме вади од такт појавата на дискачи сред Парк!, или концерти на стадионите, небаре ако се такви појави в сред Центар ко ОпенЕр ќе не биде, небаре имаат за карта ем скапа пијачка ама немале за бензин до некоја дискотека или место за концерт во околин на Скопје пр. како Хавзипашини Конаци, а повторно бидејќи и таму има Народ та бар ним да им се делат гратиси за мирот што некој ќе им го ремети, но тоа да е законска норма наместо поука! и ај карпошани не им пречело у Градски Парк да рока цела вечер петпарачка музика, но што да кажат то Животните во Золошка кои кај по цел ден затворени та и цела вечер измрцварени а утреден оди нека се развижени Деца да им се радуваат, токму се чудат абе ови ги ранат што е работата преку ден спијат!, а ако веќе мора и в Парк некаква мелодија тоа законски да е дозволиво за населени места само Акустични Концерти!, или пак нека платат ко да праеле концерт в њуЈорк та бар да видиме индиректно аир од мрцварењето и на Народ и на Животни, таман ќе може да ги шетаат и низ други Золошки во Македонија на летна рехабилитација ... |
||
![]() |
||
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19689 |
![]() ![]() |
|
Carpe diem
|
||
![]() |
Post Reply ![]() |
Page <1 234 |
Forum Jump | Forum Permissions ![]() You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |