Катна гаража во Велес

ПРОЕКТ за ПОДЗЕМНА КАТНА ГАРАЖА ВЕЛЕС

Следствено на проектот за реконструкција на плоштадот во централно градско подрачје во Велес, следи подземна паркин гаража која се наоѓа под еден дел од предвидениот плоштад. Ослободување на локацијата од високи елементи и од надземни паркинг простори, проектирана е подземна катна гаража со пристап на возилата од улицата Гоце Делчев. На дадената градежна парцела предвидено е едно интегрално тело со трапезоидна (неправилна) форма површина од 1508м2.
Објектот се предвидува да се изведува под кота на теренот, во чијшто габарит по вертикала се распоредени три нивоа, сите под котата на теренот. Во рамките на ниво на терен на последното ниво предвидено е плато, партерно уредено, поплочено со имплементирање ниско и високо зеленило интегрирано со урбана опрема- во корелација со реконструкција на плоштадот.
Бројот на обезбедени паркинг места е вкупно 100 возила, од кои три возила се за лица со посебни потреби и две се предвидени за електрични возила. Соодветно на тоа внатрешниот сообраќај во објектот е предвиден со периметрално поставена рампа за влез и излез наменета за   качување и симнување на возилата низ катовите.
Скалишното јадро со лифтот, тоалетите, наплатниот пункт со просторијата за мониторирање се сместени во еден волумен кој постои на сите три нивоа и директно води до нивото на плоштадот.











https://www.facebook.com/LINEA-III-818422388244507/

ИДЕЈНО РЕШЕНИЕ ЗА КАТНА ГАРАЖА ВО ВЕЛЕС



Општина Велес го направи првиот чекор за изградба на катна гаража, изготвено е идејно решение на постоечка маркица во деталниот урбанистички план во близина на автобуската станица. Со изградба на катна гаража значително ќе се зголеми капацитетот на паркинг просторот во овој дел на градот.

Ваквата инвестиција подразбира вложување на големи финансиски средства за кои Општина Велес ќе се заложи да ги обезбеди со поддршка на државната власт.

Општина Велес продолжува со реализација на проекти во интерес на граѓаните и нивните потреби.









https://veles.gov.mk/ide-no-reshenie-za-katna-garazha-vo-vele/

ПОЧНА ДА СЕ ГРАДИ ПОДЗЕМНА КАТНА ГАРАЖА ВО ЦЕНТАРОТ НА ВЕЛЕС



Со расчистување и оградување на просторот на постојниот паркинг пред Основен суд во Велес, почнува изградбата на подземната катна гаража во центарот на градот. Следи почетокот на градежните зафати, а изведувач е градежната фирма „Делта пром“ од Велес која ја поседува потребната лиценца за работа на објекти од „Б“ категорија на општинско ниво.

Изградбата ќе биде заедно со „Стентон градба“, бидејќи станува збор за голем објект и специфичен за градба.

„Ова е еден од најголемите градежни зафати во поновата историја на Велес, за кој долго време се зборува, кој граѓаните долго време го очекуваат. Со овој проект ќе помогнеме со паркирањето во централното градско подрачје. Изведувачот е воведен во режим на работа, имаме и времен сообраќаен режим, ќе имаме времено паркирање. Очекуваме дека во период од 9 до 12 месеци подземната катна гаража ќе биде готова. Не само поради големината на инвестицијата, туку и поради барањата при изградбата. Институтот за земјотресно инженерство и инженерска сеизмологија (ИЗИИС) во Скопје направи проект за заштита на јамата, ќе се прават шипови за нејзина стабилизација“, вели градоначалникот Мако Колев.

За изградбата на подземната гаража која ќе биде на три нивоа, Општина Велес аплицираше до Министерството за локална самопурава и доби 131 милион денари (околу 2,1 милиони евра), средства од унгарскиот кредит. Капацитетот е за 100 возила. Површината на катната гаража е 1.508 метри квадратни, влезот е од улицата Гоце Делчев. Ќе биде на длабочина до 13 метри.

Остануваат со закон заштитените скривници на Дирекцијата за спасување и заштита, како и дуќаните пред Основен суд Велес. Во втората фаза, по завршувањето на подземната катна гаража, ќе се врши уредување на плоштад на местото од сегашниот паркинг.

На забелешките од стручните лица, архитекти и градежници дека во централно подрачје не треба дa се гради ниту катна, ниту подземна гаража, оти така нема да се избегне гужвата во сообраќајот и загадувањето кое тоа ја предизвикува, градоначалникот Колев кажа дека постапката е завршена и не се можни никакви измени.

https://sdk.mk/index.php/dopisna-mrezha/pochna-da-se-gradi-podzemna-katna-garazha-vo-tsentarot-na-veles/