build.mk Homepage
Forum Home Forum Home > Главни теми > Урбани прашања > Урбанистички целини
  Active Topics Active Topics
  FAQ FAQ  Forum Search   Register Register  Login Login

Зајчев рид

Bookmark and Share
 Post Reply Post Reply Page  <12
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #21 Posted: 12-Apr-2021 at 11:45
НОВА НАСЕЛБА ЌЕ СЕ ГРАДИ ВО СКОПЈЕ НА ПРОСТОРОТ ОД КАСАРНА „ИЛИНДЕН“ ДО БУЛЕВАР СЛОВЕНИЈА, ОПШТИНА КАРПОШ ГО ДОНЕСЕ ДЕТАЛНИОТ ПЛАН





Нова населба ќе стане просторот од касарната „Илинден“ кон булеварот Словенечка во Скопје. Општина Карпош го донесе новиот Детален урбанистички план (ДУП) Касарна „Илинден“, кој предвидува изградба на станбени згради, трговски центри, деловни објекти, хотели, како и објекти за јавни установи.

Целиот Детален план опфаќа површина од 34,831 хектари, и е дефиниран на север кај булеварот Словенија, на исток се движи по новопланираните сервисни улици 1804 и 1811, а на југ и запад се протега низ булеварот Никола Карев. Овој простор сега е празен, а со новиот план се предвидува негово комплетно уредување,

„Со овој план ги реализираме нашите заложби градењето од урбаниот дел да се пренасочи кон периферијата. Опфатот е конципиран во една целина со вкупно 34 парцели со намена за домување и трговски единици, хотелски комплекс, се предвидува изградба на основно и средно училиште, како и градинка, објект на МВР и станица за технички преглед на возила. Исто така, планот предвидува простор за парковско зеленило (Д1) и заштитно зеленило (Д2)“, велат за САКАМДАКАЖАМ.МК од Општина Карпош.

Kатноста која се предвидува за зградите е приземје плус седум ката, додека за деловните објекти приземје плус пет ката.

Според параметрите на планот, за намената домување предвидени се 24.775 метри квадратни или 7,11 отсто од целиот ДУП. За намена комерцијални и деловни објекти предвидени се 74.236 метри квадратни или 21,31 отсто. 50.211 метри квадратни метри или 14,42 проценти од целата површина ќе има намена за јавни институции.

„Драстично е поголема квадратурата за површини за зеленило и рекреација, односно за намена Д – зеленило и рекреација се предвидени се 71.549 метри квадратни или 20.54 отсто од целиот ДУП. Останата површина од 127.544 метри кавдартни или 36,62 отсто се наменети за потребната инфраструктура“, велат од Општина Карпош.

https://sdk.mk/index.php/dopisna-mrezha/nova-naselba-ke-se-gradi-vo-skopje-na-prostorot-od-kasarna-ilinden-do-bulevar-slovenija-opshtina-karposh-go-donese-detalniot-plan/
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #22 Posted: 12-Apr-2021 at 19:26
Ова е врз колку-толку оформено некакво деградирано зеленило. Има делови околу Зајчев Рид и Бардовци што се сосема голи земјоделски површини.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #23 Posted: 31-Jan-2023 at 16:50
ОПШТИНА КАРПОШ ЌЕ ПРОДАВА ДРЖАВНО ЗЕМЈИШТЕ КАЈ КАСАРНАТА ИЛИНДЕН ЗА СТАНБЕНИ ЗГРАДИ

Државно земјиште со површина од над 40.000 метри квадратни кај касарната Илинден во Скопје ќе се продава за изградба на згради. На вчерашната седница на Советот на Општина Карпош беше изгласана одлуката за отуѓување на градежно земјиште за реализација на Деталниот урбанистички план (ДУП) Градска четврт ССИ 03 од Блок 4, касарна Илинден.

Според одлуката, на јавна лицитација ќе се продаваат 11 градежни парцели, на кои потоа ќе можат да се градат згради. Деталниот урбанистички план предвидува изградба на станбени згради од приземје, пет ката и поткровје, со височина од 21 метар. Во рамките на овој дел зацртани се маркички и за изградба на ново училиште, како и објекти за потребите на Министерството за одбрана.

За одлуката гласаа осум советници од СДСМ, двајца советници од ГРОМ, еден советник од Демократска партија на Србите и еден советник од ВМРО-ДПМНЕ кој излезе од советничката група. Против беа четири советници од Левица, двајца советници од „Независни за Карпош“, а пет советници од ВМРО-ДПМНЕ гласаа воздржано.

Градоначалникот Стевчо Јакимовски вели дека нема ништо спорно во оваа одлука, бидејќи таа овозможува Карпош да се шири кон периферијата односно да се намали притисокот за градење во урбаниот дел.

„Истите тие советници од ВМРО-ДПМНЕ кои сега не гласаа, во 2018 го гласаа овој план и го фалеа дека со него ќе се овозможи ширење кон периферијата. Постапката ќе се врши транспарентно на јавна лицитација, односно кој понуди највисока цена ќе го купи земјиштето“, вели Јакимовски.

Против продажбата на државното земјиште беа и советниците од „Независни за Карпош“.

„Да, Карпош треба да се шири во тој дел, но не со отуѓување на градежно земјиште или ако веќе се отуѓува, со услови за многу повеќе зелени и јавни површини, а не сѐ што е општествено да се продаде“, вели советничката Татјана Стојановска од „Независни за Карпош“.

ДУП-от за касарна Илинден беше донесен во 2018, во мандатот на Стефан Богоев.

https://sdk.mk/index.php/dopisna-mrezha/ke-se-prodava-drzhavno-zemjishte-kaj-skopskata-kasarna-ilinden-za-gradene-zgradi-jakimovski-veli-so-odlukata-gradeneto-se-nasochuva-kon-periferijata/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #24 Posted: 31-Jan-2023 at 17:55
Ќе се градат згради, амбасади, објекти за потребите на МО и на МОН



Станува збор за 11 парцели, со површина од 1.502 до 14.463 квадратни метри во делот кај касарната „Илинден“, опфатени со ДУП-от за градскиот кварт ССИ 03, блок што е донесен во 2018 година, а кој е се со намена А2 – „мали“ зградички од П+5+ПК, плус зеленило и паркови на површина од 11.762 квадрати. Советниците од Независни за Карпош – За заштита на Карпош велат дека се против отуѓување на земјиштето, бидејќи не сакаат непланско градење и узурпирање на секоја слободна површина за нечиј профит



Ќе се продаваат 11 парцели на територијата на Општината Карпош, кои се државно земјиште, во делот кај касарната „Илинден“, опфатени со ДУП-от за градскиот кварт ССИ 03, блок што е донесен во 2018 година.

Со 18 гласа „за“, советниците на последната седница на Советот на Општина Карпош ја аминуваа програмата за активностите на Општина Карпош во областа на располагање со градежно земјиште во државна сопственост на подрачјето на Општина Карпош за 2023 година.

Од Општина Карпош велат дека локалната самоуправа ќе ја спроведува постапката за отуѓување и потенцираат дека на парцелите е предвидено да се градат згради во висина од пет ката.

– Деталниот урбанистички план е донесен во 2018 година со 22 гласа „за“ во Советот на Општина Карпош. Според него, на овој дел се предвидени и објекти за државни институции, потоа амбасади, како и објекти за потребите на Министерството за одбрана и на Министерството за образование и наука. Планот, исто така, предвидува и зеленило и паркови на површина од 11.762 квадратни метри – кусо одговорија од локалната самоуправа.

Оттаму не прецизираа кога ќе започне постапката за отуѓување.

Советниците од Независни за Карпош – За заштита на Карпош велат дека се против отуѓување на земјиштето, бидејќи се против непланско градење и узурпирање на секоја слободна површина за, како што потенцираат, нечиј профит.

– Всушност, се работи за парцели со намена А2 – „мали“ зградички од П+5+ПК за кои ќе се отуѓуваат 11 градежни парцели со површина од 1.502 до 14.463 квадратни метри – истакнуваат советниците од Независни за Карпош – За заштита на Карпош.

Оттаму додаваат дека биле обвинувани за притисок и врски со кои ги добивале претставките пред Уставниот суд, за учество во заговори со инвеститорите за делење добивки и ред други теории на заговори, и дека одат и против граѓаните што не гласале, со тоа што имале деструктивна улога да не се градело.

– Сепак, ние јасно кажавме за што ќе се залагаме и опстојуваме да ги штитиме интересите на тие што не гласале, а тоа е НЕ за непланско градење и узурпирање на секоја слободна преостаната површина за нечии профити – истакнуваат од Независни за Карпош – За заштита на Карпош.

Тие потенцираат дека не се против да се шири Карпош во тој дел, но не се за отуѓување градежно земјиште или ако веќе се отуѓува, со услови за многу повеќе зелени и јавни површини, а не сè што е општествено – да се продаде.

https://www.vecer.press/ќе-се-градат-згради-амбасади-објекти-з/
Carpe diem
Back to Top
alexsend View Drop Down
Senior Member
Senior Member
Avatar

Joined: 11-May-2011
Location: Скопје, Центар
Online Status: Offline
Posts: 2083
  Quote alexsend Quote  Post ReplyReply #25 Posted: 31-Jan-2023 at 19:27
Ова е тоа со филмските студија?
Јас Скопје никогаш не сум го замислувал вака.
Back to Top
 Post Reply Post Reply Page  <12

Forum Jump Forum Permissions View Drop Down



This page was generated in 0.078 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.