build.mk Homepage
Forum Home Forum Home > Останати теми > Останати теми
  Active Topics Active Topics
  FAQ FAQ  Forum Search   Register Register  Login Login

Forum Skopje 2009 - the Aftershock of the Postmode

Bookmark and Share
 Post Reply Post Reply
Author
Message
  Topic Search Topic Search  Topic Options Topic Options
Dave Gahan View Drop Down
Senior Member
Senior Member
Avatar

Joined: 27-Oct-2008
Location: 42°0′N,21°26′E
Online Status: Offline
Posts: 986
  Quote Dave Gahan Quote  Post ReplyReply #1 Topic: Forum Skopje 2009 - the Aftershock of the Postmode
    Posted: 05-Jun-2009 at 19:38

Forum Skopje 2009 - the Aftershock of the Postmodernism



Не сум организатор на настанов, ама и не верувам дека организаторите би ми замериле за објавата.
Само како мал вовед за настанов. Секогаш имало интересни дискусии и предавања на овие настани, посебно од странски колеги.
Нешто што мислам дека е многу погрешно е тоа што на ваквите настани, најголем број од посетителите се архитекти. Гледам дека на форумов има и такви што не се архитекти, а пројавуваат интерес за архитектурата, што многу ме радува. Посебно треба да се обрне внимание, неархитектите (идните инвеститори) што подобро да се запознаени со повеќе области од архитектурата, посебно би ги потенцирал историските и социолошките, како повеќе би обрнале внимание во изградбата на свои објекти и би имале повисок критериум во оценувањето на тоа што се случува на овој план околу нив. Многу, многу погрешно е што овие настани имаат таинствен, некомерцијален и помалку секташки пристап (како да се дискутираат не знам какви мистерии или забранети теми).
Да не правам copy/paste на програмата и темите, еве линк до facebook страната на настанов (верувам дека повеќето од вас имаат профил па можат да ја видат)...ќе побарам дали има веб-страна во меѓувреме....

http://www.facebook.com/home.php?ref=home#/event.php?eid=49473341493



Edited by Cloverstack - 14-Jun-2009 at 16:11
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #2 Posted: 05-Jun-2009 at 20:01
Најавата беше регистрирана:
http://www.build.com.mk/forum/forum_posts.asp?TID=530&PID=39806#39806

Но добро што ја отвори нишкава, би било убаво настанов да биде посетен од наши форумаши па да развиеме дискусија. Сигурен сум дека ќе има што да се дискутира, само да има желба!

Cheers
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #3 Posted: 08-Jun-2009 at 13:57
Originally posted by Dave Gahan


Нешто што мислам дека е многу погрешно е тоа што на ваквите настани, најголем број од посетителите се архитекти. Гледам дека на форумов има и такви што не се архитекти, а пројавуваат интерес за архитектурата, што многу ме радува. Посебно треба да се обрне внимание, неархитектите (идните инвеститори) што подобро да се запознаени со повеќе области од архитектурата, посебно би ги потенцирал историските и социолошките, како повеќе би обрнале внимание во изградбата на свои објекти и би имале повисок критериум во оценувањето на тоа што се случува на овој план околу нив. Многу, многу погрешно е што овие настани имаат таинствен, некомерцијален и помалку секташки пристап (како да се дискутираат не знам какви мистерии или забранети теми).


Dave Gahan одлично видување Thumbs%20Up

еве и официјален линк до сајтот

http://www.forumskopje.com/


Edited by pbanks - 08-Jun-2009 at 17:21
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #4 Posted: 12-Jun-2009 at 23:16
Blahblah

Визијата за Скопје се бара на дебати

На „Форум Скопје 2009“ архитектите укажаа дека им недостигаат дискусии за состојбата во градот

Катерина Богоева

На вечерашната отворена дебата на „Форум Скопје 2009“, во Националната галерија „Мала станица“, што треба да започне во 19 часот, ќе се разговара на три теми:„Читајќи го Скопје“, „Погрешно разбирање на современоста и урбаните напори во постсоцијалистички Загреб“ и „Урбани места - лични спомени и колективен идентитет“. Најавено е учество на професорот по урбан дизајн од Виена, Ерих Рајт, на Марко Санчанин, активист и архитект од загрепската „Платформа 9,81“, на проф. архитект, Марен Харнак од Универзитет Хамбур, на Билјана Стефановска, предавач и архитект во Дармштад, како и на стручните лица од земјава: Душан Дракалски, Елизабета Аврамовска и Јован Ивановски. Форумот завршува утре (со почеток во 19 часот), со презентација на дела што студентите од Архитектонскиот факултет во Скопје под водство на проф. Дивна Пенчич ги создаваа на одржаната работилница. Делата ќе ја сочинуваат и изложбата што ќе биде поставена во истиот простор.

„Пост-критиката во Хрватска - експериментални методи“ и „Мега и мета-црквите во северна Америка и глобално, за црквите како феномен“ беа темите на одржаната втора дебатна вечер (11 август), каде што присуствуваа само дел од дел најавените учесници, но и заинтересирани граѓани, при што голем дел од времето и нивните дискусии беа фокусирани на актуелниот проблем со најавената изградба на црква на плоштадот „Македонија“. Мошне добро конципираната тема на хрватскиот архитект Иван Рупник посветена на прашањата за постмодерна архитектура, за тоа што беше во поранешна Југославија современ споменик, а што е денес тој во Хрватска, како се користи историјата при градењето споменици и како архитектонските објекти ги користат политичарите за своја афирмација и во популистички цели, беше провокативна за учесниците од Македонија да дебатираат во каква состојба, на овој план е Скопје.„Многу би сакал да ја чујам новата визија за Скопје. Што да правиме сега?“, праша режисерот Александар Поповски, според кого првиот концепт во 90-тите години на градот се темелеше на нагонот да се земе што поголем простор за живеење, да се изградат трговски центри. На втората фаза која ја карактеризира присуство на знаци и споменици, Поповски не и го разбира концептот и смета дека граѓаните не се ставени во позиција да знаат која е долгорочната визија за градот.

Тој, како и другите учесници во дискусијата, архитектите Иван Мирковски, Сергеј Никољски, Јован Ивановски, претставникот на Архибригадата, студентот Драган Крстевски, но и дел од учесниците од публиката, се прашуваа гласно за начинот на кој дискутираното на Форумот, но и при други демократски собири успешно да се инфилтрира до оние кои одлучуваат за подигањето на објектите во Скопје, меѓу кои е и планираната црква на Плоштадот. Та е дел од проектот на кој работи веќе седум години архитектот и теоретичар, професор на Харвард, Антонио Петров. Ги проучува мега и мета-црквите во Северна Америка и глобално, црквите како феномен, а пред присутните ги пренесуваше своите сознанија и за проучените цркви во градот, од што извлекуваше низа заклучоци и предлози, укажувајќи на идната црква на плоштадот, според планот би и' недостигало зеленилото, што црквите околу себе ги имаат скоро секаде во Македонија. Најголем дел од учесниците на дебатата, на која не учествуваа поканетите преставници на градските власти и Министерството за култура, но и најавените (Маја Крстевска, Миленко Неделковски, Андријана Савич, Мила Искренович), говореа дека на локацијата на Плоштадот не треба да се гради никаков објект, оградувајќи се од мислењата дека сите кои се против објект, автоматски се и противници на Црквата. Дебатата покажа дека постои голема потреба од дискусии на оваа и други теми, поврзани со градење на објекти во градот, дека на архитектите (кои се очекуваа во поголем број), им недостига меѓусебна поврзаност, но и заеднички став како Скопје треба да изгледа денеска, но и во иднина.



http://www.utrinski.com.mk/?ItemID=E02DF766ACD8A64BBFFBE9DD9CAEEC81
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #5 Posted: 13-Jun-2009 at 12:58
Originally posted by pbanks

Blahblah


Question
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #6 Posted: 13-Jun-2009 at 13:02


Ја откривме Америка

Originally posted by pbanks

Blahblah

Дебатата покажа дека постои голема потреба од дискусии на оваа и други теми, поврзани со градење на објекти во градот, дека на архитектите (кои се очекуваа во поголем број), им недостига меѓусебна поврзаност, но и заеднички став како Скопје треба да изгледа денеска, но и во иднина.


http://www.utrinski.com.mk/?ItemID=E02DF766ACD8A64BBFFBE9DD9CAEEC81
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #7 Posted: 13-Jun-2009 at 15:51
Добро еве да искоментирам сега, иако сакав тоа да го направам после завршувањето на форумов. Синоќа присуствував на вечерната дебата и се вџашив колку од присутните беа изненадени од некои проекти, прв пат слушаа, прв пат гледаа... Не ми е јасно како е тоа можно. Во медиумите сите проблематични проекти беа опсежно обработени. Плус тоа добар дел од присутните очигледно беа од струки кои се засегнати со случувањава, па не ми е јасно како е можно да не се подобро запознаени и да реагираат со неверување кога ќе слушнат за „триумфалните капии“ или кога ќе ги видат рендерите за архивот/судот/археолошкиот музеј...

Токму затоа го поздравувам форумот и неговите организатори и го сметам за значаен настан во ова наше бледило. Поквалитетни дискусии се само бонус, очигледно дека во голема мерка ни фали нешти многу побазично - запознавање со крупни случувања кои ни се пред нос, но од икс причини во кои не би навлегувал, голем дел од луѓето успеваат да не ги приметат. За жал форумов морал да превземе и дел од таа улога. Но јасно, поради таквата изнудена ситуација не би дал пониска оценка за него.

Но тоа настрана, сакам да ви пренесам една многу значајна поента која ја направи Ерих Раит професор по урбан дизајн од техничкиот универзитет во Виена. Човекот не можеше да свати што не опседнало за во Скопје, град со толку богато, специфично и многуслојно историско наследство, да правиме такви фалсификати (добро познатите анахрони објекти што се градат или се планирани во Мал Ринг), кои не само што се кичести сами по себе, туку според него (како посматрач од страна) ќе ги засенат и извртат вистинските вредности кои ги имаме.
Професорот предупреди дека со нивното градење нема да се разликуваме од некој јапонски тематски парк полн со такви градби, но јас би рекол дека ќе бидеме и полоши од таков тематски парк, бидејќи во таков тематски парк барем се знае зошто се изградени такви објекти.
Професорот нагласи и дека е глупо да се очекува дека ќе има некаков туристички ефект како во јапонски тематски парк. Зошто некој би доаѓал во Скопје да гледа неколку кичести фалсификати, кога најголем дел од Европа е поплавен со објекти од кои ние со задоцнување „земаме пример“. Не знам зошто треба да дојде некој од Виена за да ни го каже тоа, кога тоа е толку очигледно. Но колку и да е очигледно, за жал морам да констатирам дека огромен број луѓе продолжуваат да мислат дека таквите градби навистина ќе го направат Скопје туристичка атракција и дека реки туристи ќе навалат да ги видат овие наши будалаштини. За сето тоа време ги запоставуваме и ги погазуваме вистинските богатства со кои располагаме.

Ќе го издвојам и гледањето на професорот за спомен куќата на Мајка Тереза - накратко, доколку од него се отстранат крстовите и статуите, објектот нема да има со што да се легитимира и пре ќе може да профункционира како казино, дискотека или бордел, отколку како спомен куќа на личност како Мајка Тереза.


Edited by Cloverstack - 13-Jun-2009 at 18:40
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #8 Posted: 13-Jun-2009 at 15:56
А да, за малку ќе го заборавев и моментот на вечерта, кога за збор се јави една типка од публиката и во одбрана на проектот за црква на плоштад го даде следниов аргумент:

Кога ќе се погледнел Лумикс, личел на змија со отворена уста, а бидејќи змијата била симбол на злото, логично било во близина да се изгради и симбол на доброто - црква.  Applause


Типката кажа уште нешто ама не ја дослушав бидејќи едвај се воздржував само да не почнам да се смејам на цел глас.
Back to Top
Dave Gahan View Drop Down
Senior Member
Senior Member
Avatar

Joined: 27-Oct-2008
Location: 42°0′N,21°26′E
Online Status: Offline
Posts: 986
  Quote Dave Gahan Quote  Post ReplyReply #9 Posted: 14-Jun-2009 at 09:52
Присуствував на 2 од дебатите (не дека не можев да отидам на другите, туку намерно не отидов) и се срамам од некои од колегите!
Прво за вџашеноста на Cloverstack. Организаторите се потрудиле да напраат плакат, да резервираат простор во Мала станица, да праќаат пораки по facebook и да викнат пар професори да продискутираат. Јас уште повеќе бев вџашен, што имаше и такви дискутанти што „улетаа„ од авион на дискусија, буквално, ама и такви на кои организаторите освен што им кажале дека се наоѓаат во Скопје, не им кажале ништо друго.
Колку е само погрешно да дадеш таков наслов-тема на еден „настан„ и да се разговара за нешто друго. Со исклучоци, дискутантите дојдоа да си презентираат некои свои гледања, теории на некои теми што може и имаат некакви допирни точки со насловот, ама очигледно не беа припремени да ја прошират дискусијата во врска со контекстот, што според мене и некои од колегите со кои ја критикувавме ситуацијата, би било многу логично да се случи. Збунетата реакција на темите како споменици, коњаници, цркви, архиви е резултат на непознавањето на историјата на овој простор - тие би ја сфатиле нелогичноста кога би го познавале логичниот историски развој на градот...ама очигледно, немало кој да им каже.
Како што разбрав имало и забелешки дека прашањата од „публиката„ (која во 100% беа само архитекти) биле несоодветни и не одговарале на темата.
Ако сакате да има презентација на истражувања на странски професори, кои независно од местото на настанот, ќе си кажат што сакаат да кажат, организирајте го настанот под друго име. Направете го тоа во друг облик, предавања независни едни од други. Јас немам против да посетам некое предавање (и сум бил на стотици такви) во кое гостинот ќе презентира свои проекти или некој свој став во однос на одредено прашање кое го преокупирало. Очигледно е дека концептот на целиот настан не беше разработен (ако воопшто имаше таков!?). На крај крајева, бројот на посетителите и неговото прогресивно опаѓање со текот на деновите си кажа се. Неинтересот на голем дел од професорите за мене е несфатлив (ама полека ми станува јасно зошто) и освен присуството на младите асистенти, немаше никој од повозрасните професори од факултетот, да се вклучи и да ја збогати расправата...не знам тогаш зошто би одел некој што е до седум саат во канцеларија или на градилиште, а уште повеќе па некој што не е архитект!?
И јас би сакал да си дискутирам на фини, опуштени теми, со пиво во рака, зезање...ама кога имаме „вонредна„ ситуација, во која професијата ти е тотално деградирана и целата фела е „пикната во ќош„, не се слуша никаква стручна расправа и имаме студенти физички настрадани, а сакаме дискусии од „мал мозок„ со некакви цинични дофрлања и осврти - логично е тоа што ни се случува.
И не можам да ги прескокнам дофрлувањата и неумесните коментари на некои од посетителите (читај организаторите), што ме „телепортираа„ на некој селски сточен пазар (без навреда)...
....сиво, слабо...
Thumbs%20Down
MAKE CAPITALISM HISTORY
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #10 Posted: 14-Jun-2009 at 11:42


Кога ја спомнав изненаденоста на присутните од некои проекти, мислев на некои од публиката. Тоа е тоа што ме вџаши, затоа што тоа ми укажува на една неверојатна незаинтересираност на луѓето за тоа што се случува околу нив, уште повеќе што тие луѓе сигурно беа од струки кои треба да се најзаинтересирани и професионално засегнати.
Ова што ти го кажуваш околу организацијата на форумот секако дека се наметнува како проблем, иако барем на дебатата на која што присуствував јас (третата), најголем дел од изнесеното беше во директен контекст на моменталните случувања во Скопје.
За жал не можев во континуитет да присуствувам на дебатите па да проценам каков генерален тек зеле работите. Но ако мора допрва да ги информираме луѓео за она што им се готви пред носевите, мислам дека сепак не смееме да бидеме престроги кон форумот.


Edited by Cloverstack - 14-Jun-2009 at 16:13
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #11 Posted: 14-Jun-2009 at 16:10

ТРИБИНА „ФОРУМ СКОПЈЕ 2009“

Турбо-архитектурата го полудува градот

Станува збор за градби со популистички израз, склони кон искривување на традиционалните обрасци, под влијание на мас-медиумите и сапунските серии

Новиот концепт на властите за „оживувањето“ на антиката во облик на згради и споменици, но и сето она што му се случува на Скопје од 1990 година до денес, може да се оквалификува како турбо-архитектура, истакнаа учесниците на завчерашната трибина „Форум Скопје 2009“. Овој термин, потенцираше еден од организаторите, Иван Мирковски, прв го употребил Срѓан Јовановиќ Вајс, професор во Филаделфија, САД. Станува збор за градби со популистички израз, склони кон искривување на традиционалните обрасци, под влијание на мас-медиумите и сапунските серии. Односно, овој термин би означувал препишување на историјата, наместо инспирирање од неа. Во транзициските земји, се вели во едно интервју во кое се објаснува овој термин, архитектурата прва доживува колапс од инвеститорите, кои сметаат дека знаат што е најдобро и најубаво во битката за профит, без да се консултираат со стручни лица. Сите тие актери градат премногу на премал простор, не почитувајќи го ни јавниот простор, ни добрососедските односи. Режисерот Александар Поповски, кој дебатираше на форумот, зборуваше за две фази карактеристични за градењето во Скопје.

- Во 90-тите години имавме нагон да се изгради што повеќе простор за живеење, а исто и трговски центри, за луѓето да се снабдат со храна и со облека. Втората фаза, на која не и' го разбирам концептот, е изградбата на споменици. Не сум сигурен дека инспирирањето од историјата значи повеќе од препишување и идентификување со неа. Сакам да го знам концептот, но никој не ја дефинира и не ја знае идејата. Можеби, ако некој ја знае, тогаш ќе ја разбереме - рече Поповски.

Мирковски беше скептик дали пораките од форумот ќе допрат онаму каде што треба, имајќи предвид дека аргументите на власта во врска со бранувањата околу спомениците, спомен-куќите и скулптурите, се дека „туристи се сликале кај куќата на Мајка Тереза“. Останатите учесници рекоа дека во моментов постои вакуум на идентитетот во Македонија, предизвикан од вештачкиот идентитет, кој владеел во Југославија.

- Во Југославија, дискусијата за идентитет најмалку се толерираше. Во Македонија луѓето сега се трауматизирани од тој вакуум што постоеше. Тоа веќе го имавме во Сараево - рече архитектот Иван Рупник од Хрватска, кој се школувал на „Харвард“.

Некои од учесниците како проблем со идентитетот ги наведоа и „буквите на Тито“, односно реченицата што ја кажал кога пристигнал во Скопје по земјотресот во 1963 година. Буквите до пред десетина години се наоѓаа на ѕидот на Музејот на Град Скопје, но беа отстранети. Денес се останати само траги од нив, но се' уште може да се прочита мислата за градот на солидарноста. Поентата, рекоа архитектите на трибината, е дека тука владее „шламперај“, хрватски збор за неред. Односно, не се посветува внимание на зградите и на другите објекти што се важни за нашата историја и идентитет.

- На историјата треба да се одговори со историја - беше кажано на форумот, кој завршува утревечер во „Мала станица“, а на кој гостуваат домашни и странски архитекти. Главната тема е „Афтершок на постмодернизмот“, односно се дебатира за постземјотресно Скопје, што се случило со него и дали сега градот полудува.

Јорданка Ивановска



http://dnevnik.com.mk/?ItemID=C5A55461390F5A4BAD09558FE031B8D3
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #12 Posted: 14-Jun-2009 at 16:43
Originally posted by Cloverstack


... уште повеќе што тие луѓе сигурно беа од струки кои треба да се најзаинтересирани и професионално засегнати....

Негкаде во некоја нишка реков, ни овие се АРХИТЕКТИ ни ....,
да не те чуди, некогаш архитектите-студенти беа авангарда, денес се маса за мелење без свое мислење и без никаков интерес --->  ЗОМБИ
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #13 Posted: 14-Jun-2009 at 16:59


Владимир. И да го замени човек она архитектите-студенти со студентите, твојата реченицата повторно апсолутно ќе прави смисол. За жал...
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #14 Posted: 14-Jun-2009 at 17:00
@ VladimirP

Па добро, таму имаше публика од најразлични возрасти. Не можам да кажам која старосна група беше најизненадена кога слушна за некои работи. Во секој случај не би се осмелил да го лоцирам проблемот само кај студентите. Ако ништо друго протестот на плоштад беше некакво придвижување на работите, а по нивна заслуга. Само штета што во меѓувреме многу малку се случува... барем таков впечаток добивам од страна. Се надевам дека тоа е само привидно.


Edited by Cloverstack - 14-Jun-2009 at 17:01
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #15 Posted: 14-Jun-2009 at 17:17
@ Cloverstack

Возрасните не таласаат за да не добијат, ако може да биде изговор
Но студентите од сто се плашат, кажи некој пример во свет (а и некогаш кај нас) каде студентарија не е мотор - авангарда.
А, студентите-архитекти од плоштад, молимте, не се тоа што се, ако некој треба да им нарача и каже што треба да прават ... Ohno ... каде се и понатаму да притискаат или веќе се на „одмор“
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #16 Posted: 14-Jun-2009 at 17:41
Веќе кажав дека и јас се прашувам зошто нема повеќе активности во меѓувреме, но факт е дека не може само една мала група студенти да се избори за се. Плус тоа сигурно си запознаен со ова:
http://www.build.com.mk/forum/forum_posts.asp?TID=171&PID=39161#39161

Доколку ова движење не стане помасовно, џабе колку и да е активна постоечката архи бригада.
Каде се останатите студенти и каде се останатите граѓани? Па доста само се критикува од страна, секој треба да направи нешто во рамките на своите можности. Во најмала мерка секој што смета дека на ова што се случува во Скопје (не само најекспонираната маркица на плоштад) треба да му се застане на патот, може да се вклучи во движењето и да се појави на протест.


Edited by Cloverstack - 14-Jun-2009 at 17:43
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #17 Posted: 14-Jun-2009 at 18:09
Се слагаме делумно, но мојата поентата се архитектите-студенти, немој да ми кажеш дека на архитектура има само шака од 20 - тина студенти.

Како што велиш „мислам дека сепак не смееме да бидеме престроги кон форумот“ па јасно ти е сега колку се тие активни, и како ги користат сите средства-медиуми да потикнат нешто.
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Dave Gahan View Drop Down
Senior Member
Senior Member
Avatar

Joined: 27-Oct-2008
Location: 42°0′N,21°26′E
Online Status: Offline
Posts: 986
  Quote Dave Gahan Quote  Post ReplyReply #18 Posted: 14-Jun-2009 at 22:21
Сите у еден кош да се стаат!!! Нема потреба по возраст да се прави граница, едните треба да се замислат што ќе остаат зад себе, а другите што мислат да прават во иднина.
Архитектите мора да се авангардни.
Дебилните идеи што не преокупираат во последниов период се идеи што никнале во главите на наши колеги. Кога не се опаметиле на факултет, не следеле настани вон факултетот, литература да не праиме муабет, логично е врв на кариера да ти е спој од „индиска“ и „македонска“ архитектура.
Трагично е што времето проаѓа и се губат сите шанси за некаква консолидација.


Edited by Dave Gahan - 14-Jun-2009 at 22:40
MAKE CAPITALISM HISTORY
Back to Top
 Post Reply Post Reply

Forum Jump Forum Permissions View Drop Down



This page was generated in 0.095 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.