[А2] Деве Баир - Ќафасан

Експресните имаат слични карактеристики како автопат, па така и кривините ќе бидат поблаги, за да може да се одвива сообраќајот без нагли кочења за да се фати кривина.

Еве на тацна еден предлог мини-проект, и тоа директно ќе кажам, за политичарите Албанци. Пошто не ги бива за да изградат автентична политика за да понудат на граѓаните пред кои се легитимираат, еве им на тацна идеја.

5 постоечки надвозници на автопатот Тетово-Гостивар да се пренаменат во клучки. Автопатот Тетово-Гостивар е практично иден градски автопат во метрополитен ареата Тетово-Гостивар и што повеќе има влезови/излези од главната артерија, толку помалку сообраќај по регионалниот пат, и толку повеќе безбедност низ локалните населби/села.

Црвените се постоечки клучки, жолтите се постоечки надвозници кои лесно би се пренамениле во клучки со доизградба на приклучни краци и асфалтирање локални патишта меѓу клучките и селата.

Директорот на јавното претпријатие за државни патишта Ејуп Рустеми заедно со вицепремиерот Љупчо Николовски и министрите Оливер Спасовки и Благој Бочварски, како и заменик директорот на ЈПДП Благојче Трпевски извршија увид во работите на делницата Куманово-Страцин која се рехабилитира во две фази. Јавното претпријатие за државни патишта постојано работи на модернизирање на патнотото поврзување на градовите, населените места, а во случајов овде работиме на модернизирање на патното поврзување со Република Бугарија, значаен правец за кој впрочем имаме барања и од бизнис заедницата за подобрзо поврзување за побрз превоз на услуги и стока. „Делницата Куманово–Страцин се одвива во две фази. На втората фаза , финансирана од буџет на ЈПДП, се очекува работите со рехабилитацијата комплетно да бидат завршени до крајот на 2021 година. На првата фаза, која е финансирана од IPA 2, се очекува работите да бидат комплетно завршени до средина на 2022 година. Магистралниот пат Куманово-Страцин каде што вршиме увид е во вкупна должина од 15,2 км, а издвоената вредност за реализација на изградбата е 4.74 милиони евра. За новиот експресен пат Страцин–Длабочица–Крива Паланка финансиран од Светска Банка, очекуваме делницата да биде комплетирана и пуштена во сообраќај до крајот на 2022 година, а за делницата Крива Паланка–Деве Баир финансирана од ЕБОР и WBIF, се очекува градежните работи да бидат комплетирани до средина на 2022 година. Исто така, избрани се консултанти за изработка на проектна програма за проектирање на нов експресен пат Романовце–Страцин која што е планирано да се финансира од IPA 3. Нашата цел е сигурни и безбедни патишта кои ќе не поврзуваат со регионот. Токму во таа насока, минатата година беше рехабилитиран и реконструиран патот од Ранковце до Крива Паланка во должина од 21 километар и со отпочнатите други рехабилитации, санации и изградби во овој регион сакаме да добиеме комплетен Коридор 8 кој ќе биде безбеден и сигурен за учесниците во сообраќајот“, изјави по увидот директорот на ЈПДП Ејуп Рустеми.

https://www.facebook.com/drzavnipatista/

ОГРОМНИТЕ ДУПКИ НА МАГИСТРАЛАТА СТРУГА-ЌАФАСАН СЕ НЕБЕЗБЕДЕНИ, БАРАМЕ ЦЕЛОСНА РЕКОНСТРУКЦИЈА, ВЕЛАТ ЖИТЕЛИТЕ ОД СТРУШКИТЕ СЕЛА КОИ ГО БЛОКИРАА ПАТОТ

Жителите од струшките села Радолишта, Теферич, Франгово, Фиеришта, Шум, Заграчан и Калишта денеска го блокираа магистралниот пат Струга- Ќафасан поради, како што велат, лошата состојба на патот. Со мирен протест побараа итно негово целосно санирање оти оваа магистрала, која води кон Албанија и со години не е реконструирана, е полна со дупки, некои големи и како кратери.

Голема е фрекфенцијата на возила на овој патен правец, вели локалното население, а возењето тука е небезбедно.

„Возењето тука е навистина небезбедно, а ни предизвикува и огромни материјални штети. Може да се случуваат и сообраќајни несреќи па и губење човечки животи. Патот е катастрофа, а поврзува две држави, Македонија и Албанија“, велат револтираните мештани.

Џевдет Даути, претседателот на Месната заедница Радолишта, вели дека блокадите се резултат на празните ветувања на властите.

„Минатата година министерот рече дека се асфалтира патот од Ќафасан до Подмоље, а само се исчистија трњата и ништо друго. Дупките ги полнеа со тампон и по еден месец пак се појавија“, вели Даути.

Жителите од околината се револтирани од површното санирање на оштетувањата на патот оти со секојдневното поминување по крпените дупки и пукнатините на асфалтот им се оштетуваат автомобилите.

„Со години само ги затвараат дупките со тампон и тие се затвараат, срамота. Една дупка кај бензиската пумпа е длабока 32 сантиметри и ако поминиш низ неа може да биде страшно. Секоја година викаат ќе го правиме патот во март, август, септември и ништо. Мора да се реши проблемот пред да има некоја жртва“, вели Шкејзел Арулајсен од село Радолишта.

„Јас лично пропаднав во дупка и двете гуми ми се дупнаа, а кај Радолишта ја удрив колата. Кој ќе плати за тоа? Во полиција ништо не презедоа“, вели Монди Каљоши.

Санација на овој магистрален пат од Министерството за транспорт и врски беше најавена уште во 2018, но предвидената рехабилитација до ден денес не е реализирана. Демонстрантите се заканија дека ќе го блокираат патот сè до негова целосна реконструкција.

Магистралниот пат Струга-Ќафасан, кој ја поврзува Македонија со Албанија, е изграден во времето на поранешна Југославија.

https://sdk.mk/index.php/dopisna-mrezha/ogromnite-dupki-na-magistralata-struga-kafasan-se-nebezbedeni-barame-tselosna-rekonstruktsija-velat-zhitelite-od-strushkite-sela-koi-go-blokiraa-patot/

Уште еден завршен проект многу значаен за државата, го пуштивме во употреба реконструираниот и проширен државен пат Крива Паланка - ГП Деве Баир.

Станува збор за делница од 13 км:

Премиерот Ковачевски на настан по повод пуштање во употреба на државен пат Крива Паланка - ГП Деве Баир [23.01.2024"> by Влада на Република Северна Македонија, on Flickr







https://www.facebook.com/bochvarskiblagoj/?locale=mk_MK