build.mk Homepage
Forum Home Forum Home > Главни теми > Проекти > Спортски
  Active Topics Active Topics
  FAQ FAQ  Forum Search   Register Register  Login Login

Спортски објекти (општо)

Bookmark and Share
 Post Reply Post Reply Page  <1 171819
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #361 Posted: 31-Mar-2021 at 17:09


https://www.facebook.com/prizma.mk
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #362 Posted: 07-Sep-2021 at 15:23
Ставен во функција спортско-рекреативниот комплекс кај Прилепското езеро



https://www.prilep.gov.mk/staven-vo-funkczija-sportsko-rekreativniot-kompleks-kaj-prilepskoto-ezero/
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #363 Posted: 07-Sep-2021 at 19:18

Најтажно е што обрачите на ДВАТА коша се веќе скршени. Имаше видео пред 2-3 дена како еден мајмун виси обесен на него и се клати за да го докрши.

Не ми е јасно... навистина.
Arguing on the internet is like running at the special olympics. Even if you win, you're still retarded.
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 872
  Quote hcitrS Quote  Post ReplyReply #364 Posted: 19-Nov-2021 at 16:50
....Токму затоа, вториот капитален проект, кој ќе биде реализиран од страна на оваа локална самоуправа, со поддршка од Советот на општина Битола е изградбата на спортски комплекс во вредност од 184.500.000 денари..

...

izvor
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #365 Posted: 24-Feb-2022 at 17:50
Во Петровец има услови за голф-терени, се чекаат сериозни инвеститори

Досега имало тројца заинтересирани инвеститори од Англија, Холандија и од Бугарија, кои барале земјиште со површина од над 100 хектари и на кои градоначалникот им покажувал земјиште од трета до четврта класа во Чифлиг, место викано Кисела Вода, помеѓу ’Ржаничино и Долно Коњари, од десната страна, кое, како што вели тој, е на височинка и е погодно токму за голф-терени. Но, инвеститорите не се вратиле. – Овде има одводен канал и доколку се затвори, може, по природен пат, да се оформат мали вештачки езерца, што ќе биде своевидна атракција – смета Митевски.

Уште во 2007 година, Општина Петровец донесе урбанистички план за мултифункционалната зона Ќојлија, во која беше предвидено на 203 хектари земјиште да се градат голф-терени, хотели и филмски град

Градоначалникот на Општина Петровец, Борче Митевски, не се откажува од идејата да се изградат голф-терени која остана нереализирана. Како што објасни Митевски, заинтересираниот инвеститор за изградба на голф-терените во зоната Ќојлија, „Реј Пауер“ од Велика Британија, се откажал од оваа идеја и оваа зона кога дошол на чело на Општината пред 12 години, ја пренаменил во зона за незагадувачка индустрија, но вели дека и сега има заинтересирани инвеститори и ќе го овозможи тоа.

– Ако има сериозно заинтересирани инвеститори, јас ќе го дозволам тоа. Досега имаше тројца, кои бараа земјиште со површина од над 100 хектари. Имаше од Англија, Холандија, а последниот, пред една година, беше од Бугарија – истакна Митевски.

Тој додава дека им покажувал земјиште од трета и од четврта категорија (каде што житните култури се слаби) во Чифлиг, место викано Кисела Вода, помеѓу ’Ржаничино и Долно Коњари од десната страна кое, како што вели, е на височинка и е погодно токму за голф-терени. Но, инвеститорите не се вратиле.

– Овде има одводен канал и доколку се затвори, може, по природен пат, да се оформат мали вештачки езерца, што ќе биде своевидна атракција – смета Митевски.

Градоначалникот им препорачал на заинтересираните инвеститори да разговараат со претставници од Владата, од каде што треба да се добие одобрение за пренамена на земјоделско земјиште.

– Доколку добијам одобрение од Владата, веднаш би ја започнал постапката за пренамена на земјиштето. Освен тоа, комуналиите се минимални. Но, не знам од кои причини инвеститорите повторно не се појавија – објаснува Митевски.

Инаку, уште во 2007 година, Општина Петровец донесе урбанистички план за мултифункционалната зона Ќојлија, при што беше предвидено на 203 хектари земјиште да се градат голф-терени, хотели и филмски град.

https://www.vecer.press/во-петровец-има-услови-за-голф-терени-с/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #366 Posted: 04-Jul-2022 at 12:18
ОПШТИНА БУТЕЛ ДОБИВА НОВ СПОРТСКО РЕКРЕАТИВЕН ЦЕНТАР “ГО САКАМ БУТЕЛ”

Наскоро во населбата Бутел на местото познато како “Ливада” поточно крајот на улица Марко Крале ќе никне нов спортско рекреативен центар!
На ова место се предвидува да има:
Ново фудбалско игралиште со вештачка трева
Ново баскет игралиште со сертифицирана FIBA подлога.
👫⛩Ново детско игралиште со модерни содржини, покрај спортските игралишта предвидено е да има ново урбано уредување со клупи и летниковец.
Ново лед осветлување.
Ќе биде поставено и ново зеленило и целиот простор ќе биде холтикултурно уреден.
Исто така ќе започне и со пробивање и изградба на новата улица од улица “Марко Крале” кон улица “Зуфер Мусиќ”
Проектот е во завршна фаза а за неколку недели ќе се започне со изведба.









https://www.facebook.com/darkokostovskizabutel

Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #367 Posted: 11-Apr-2023 at 06:52
САЛАТА „РАСАДНИК“ СО КОЈА МЕНАЏИРА ФИРМАТА „ИМПЕРИАЛ ДАНЕЛА“ СЕ РАСПАЃА ЗАТРУПАНА ВО ЃУБРЕ, А ДРЖАВАТА НЕ МОЖЕ ДА СИ ЈА ЗЕМЕ НАЗАД ОТИ НИКОЈ ОД ФИРМАТА НЕ СЕ ПОЈАВУВА НА ПРИМОПРЕДАВАЊЕ









Вработени во околните згради и деловни објекти со кои разговаравме ни рекоа дека салата работела само неколку години откако била дадена под концесија, а потоа е оставена да пропаѓа.

„Целиот објект и просторот околу е небезбеден, но и покрај тоа ниту е заградена ниту е затворена. Секој може да влезе. Стравуваме дека еден ден ќе избие пожар“, велат граѓани.

Партијата СДСМ во изборната кампања за градоначалник на Скопје во 2021 година објави документи дека фирмата „Империал Данела“ е на градоначалничката Данела Арсовска. Тогаш од партијата кажаа дека Арсовска имала долгови за кирија кон државата од околу 130.000 евра, и за струја од над 50.000 евра. Арсовска беше поддржана од ВМРО-ДПМНЕ и стана градоначалничка, но приказната за салата „Расадник“ остана неоткриена. Таа тогаш се закануваше дека ќе тужи, а денеска, како градоначалничка вообичаено не одговара на новинарски прашања кои не ѝ се допаѓаат.

Според документите до кои дојде САКАМДАКАЖАМ.МК салата е издадена под закуп во 2002 година. Договорот е склучен меѓу Јавното претпријатие за стопанисување со објекти за спорт во сопственост на државата и фирмата „Империал Данела“. Во договорот стои дека објектот се доделува на користење на 25 години односно од 1 јануари 2002 година до 31 декември 2026 година, а месечната кирија е 1.000 евра.

„Закупувачот се обврзува во објектот да изврши реновирање на кровна конструкција, поставување паркет на теренот, реновирање на соблекувални, обновување на системот за греење, набавка на спортски реквизити , уредување на просторот околу салата. Сите инвестициски зафати треба да се завршат до 2010 година“, стои во договорот.

На 25 септември 2002 година склучен е и анекс на договорот со кој фирмата „Империал Данела“ го добива под закуп и дворот околу салата со површина од 7.800 метри квадратни. Со анексот се предвидува изградба на хотел со 24 легла, пет терени за сквош, фитнес центар, базен и 15 бунгалови.

Но, не само што овие услови од договорот не се исполнети туку салата е уништена и оставена со долгови за неплатени кирии и сметки за струја.

Владата за прв пат за салата расправала во 2019 година кога се носи одлука да се додели на Општина Кисела Вода. Од јавното претпријатие по ваквата одлука на Владата испраќаат покани до фирмата „Империал Данела“ да се изврши примопредавање на објектот, да се подмират сите долгови и да се направи увид во каква состојба е објектот. Но, одговори од фирмата не добиваат.

https://sdk.mk/index.php/naslovna/salata-rasadnik-so-koja-menadhira-firmata-imperial-danela-se-raspaga-zatrupana-vo-gubre-a-drzhavata-ne-mozhe-da-si-ja-zeme-nazad-oti-nikoj-od-firmata-ne-se-pojavuva-na-primopredavane/
Carpe diem
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #368 Posted: 11-Apr-2023 at 20:13
Дали уопште некој мисли дека додека не се разреши ДУП-от за Расадник дека некој би инвестирал во реновирање на пропадната спортска сала. Па со сите превирања и пренаменување земјиште од згради во зеленило во Расадник, ова местото на спортската сала е гарант намирисано од урбаната мафија. Едвај чекаат да ја срамнат и да изградат стамбени згради.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #369 Posted: 09-May-2023 at 17:01
ВЛАДАТА ЈА ПРЕДАДЕ САЛАТА „РАСАДНИК“ НА ОПШТИНА КИСЕЛА ВОДА, ФИРМАТА „ИМПЕРИАЛ ДАНЕЛА“ КОЈА ЈА МЕНАЏИРАШЕ УШТЕ НЕ ГИ ПЛАТИЛА ДОЛГОВИТЕ

Општина Кисела Вода го презеде управувањето со спортската сала „Расадник“. Јавното претпријатие за стопанисување со објекти за спорт ја предаде салата во владение на Општината, откако го раскина договорот со фирмата „Империал Данела“.

Фирмата „Империал Данела“ ја доби салата под концесија на 25 години во 2002, за месечната кирија од 1.000 евра. Но, наместо да направи современ спортски центар, ја уништи и ја остави во долгови, односно должи за кирија 180.000 евра, а за струја 50.000 евра.

Градоначалникот Орце Ѓорѓиевски вели дека Општината нема да има никаква обврска за подмирување на долговите кои ги остави „Империал Данела“. Јавното претпријатие за стопанисување со објекти за спорт кое ја издаде под закуп во 2002, по судски пат ќе бара да се подмири долгот со оглед на тоа дека од фирмата никој не се јавува на нивните повици.

„Со овој чин, ставаме крај на 30-годишната негрижа која овој објект го претвори во руина, во демолиран, небезбеден и целосно уништен простор кој од најголема гордост, стана најголем срам, не само за Кисела Вода, туку и за цела Македонија. Општината сега ќе направи проект, по што ќе се распише тендер за избор на фирма која ќе ја реконструира салата. Очекувам до крајот на годинава градежните работи да почнат“, вели Ѓорѓиевски.

САКАМДАКАЖАМ.МК пред еден месец направи обиколка на салата и објави текст дека таа се распаѓа, затрупана во ѓубре. Објектот однадвор е со искршени прозорци, демолирани и исшарани влезни врати. Вратите не се заклучени, па секој може да влезе, дури и деца иако станува збор за небезбеден и опасен објект. Сликата внатре во салата е ужасна, како да претрпела ураган или бомбардирање.

Освен што е валкана и затрупана со ѓубре и стакло, сè што има во неа е искршено. Демолирани се столчиња и расфрлани на сите страни. Подот е оштетен, затрупан со ѓубре, измет и расфрлани реквизити и дресови кои некогаш ги користеле спортистите. Кошевите се искршени и лежат на подот, а головите за ракомет искинати. На скалите лежат пцовисани птици. Од таванот висат парчиња и шипки, па впечатокот е дека секој момент ќе почне да се паѓаат делови.

https://sdk.mk/index.php/naslovna/vladata-ja-predade-salata-rasadnik-na-opshtina-kisela-voda-firmata-imperial-danela-koja-ja-menadhirashe-ushte-ne-gi-platila-dolgovite/
Carpe diem
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #370 Posted: 09-May-2023 at 18:05
А да размилите да се продаде, на пример?! Како во секоја нормална капиталистичка држава? Или уште ќе симулираме пред јавноста дека државно е подобро?
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #371 Posted: 11-Jun-2023 at 17:52
ОПШТИНА КУМАНОВО ЌЕ ЈА РЕКОНСТРУИРА СПОРТСКАТА САЛА СОКОЛАНА



До крајот на месецов ќе започне реконструкцијата на спортската сала Соколана, која е една од најубавите и највредни архитектонски зданија во Куманово, изградена во 1930-тите. Реконструкцијата на објектот следува откако Министерството за транспорт и врски издаде ја дозволата за градба, а Конзерваторскиот центар даде позитивно мислење дека на објектот може да се работи и завршена е тендерската постапка.

Работите ќе се извршуваат етапно, а за почеток Општина Куманово издвои 130 илјади евра.

„Ние од буџетот обезбедивме приближно 8 милиони денари. Интервенцијата на овој објект е поделена во 4 фази. Првиот дел е зајакнување на статиката на објектот и санација на поправка на кровот. Во втората фаза е планирано да се работи на фасадата и да се менува столаријата. Во третата фаза е целосно завршување од внатрешноста на објектот и негова адаптација за истите содржини за кои е изградена. Последно е партерното уредување на дворот. До крајот на годината се надеваме дека ќе се завршат половина од работите и веќе следната година ќе размислуваме за другите две фази“, изјави градоначалникот Максим Димитриевски.

Минатата година, Владата одобри 9 милиони денари за реконструкција на салата, но биле повлечени откако не биле потрошени во разумен рок. Градоначалникот очекува државата повторно да издвои средства за таа намена, работите да завршат побрзо, бидејќи Соколана не е само од значење на Општината, туку и за државата.

Во 2019, Владата по 20 години ги врати на Куманово комплексот Соколана, Градскиот стадион, стрелиштето и спортската сала, а најави е дека ќе помогне финсиски за нивна реконструкција. Овие објекти беа дадени на стопанисување на приватни фирми во времето на владењето на ВМРО-ДПМНЕ. Сега сите се руинирани и во очајна состојба. Општината најави дека ќе ги обнови и ќе ги стави во функција на граѓаните.

Спортската сала Соколана е симбол на богатиот спортски и забавен живот на Куманово од минатиот век, и граѓаните со нетрпение очекуваат да и се врати некогашниот сјај.

https://sdk.mk/index.php/dopisna-mrezha/opshtina-kumanovo-ke-ja-rekonstruira-sportskata-sala-sokolana/
Carpe diem
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #372 Posted: 02-Feb-2024 at 23:47

што било проблемот да биле одвоени средства а не биле искористени?, дали некој одговарал што ги руинирал како закупец претходно?, зошто државата само да издвои пари за ревитализација, нели е можно заради мултиетнички моментум општината да брка кофинансирање од еУ?, ако пак општината нема основа за ова, нека им ги отстапи на Граѓански Спортски Здруженија кои би се обиделе и на ваков начин да измолзат екстра кеш од еУ фондои кои за Млади и без проблем ќе одврзат чекмеџето [1] колку што се сеќавам сега меѓугранични општински проекти со лесно поминуваат, и евентуално основна инфраструктура како Водовод, но преку НВО-а ако не друго за спортски манифестации ќе може да се повлеквит камен!
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15001
  Quote Џоле Quote  Post ReplyReply #373 Posted: 21-Feb-2024 at 09:35
Почна реконструкцијата на внатрешноста на Соколана под стручен надзор на конзерватори



Во тек се активности за зајакнување на столбовите, по што ќе се премине на замена на кровната конструкција и фасадата. Градежните работи се одвиваат под контрола на стручни лица.

„Се работи интензивно, се зајакнуваат внатрешните столбови, а реконструкција на кровот предвидува скоро целосна замена. Се работи строго по препораки и насоки на експерети од Националниот конзерваторски центар, затоа што тоа е споменик на културата. Сепак се чекаат подобри временски услови и поубаво време за работа на екстериерот, иако и внатре е многу студено“, изјави претседателката на Советот Ивана Ѓорѓиевска.

За реконструкција на кровот се обезбедени 12 милиони денари, а за другите две фази ќе се предвидат по завршување на изборниот процес.

Изведувачот планира проектот да го заврши до септември годинава. Ѓорѓиевска е малку скептична што се однесува на крајниот рок, затоа што постојано излегуваа непредвидени работи на конструкцијата.

„Би била пресреќна доколку се се заврши до крајот на годината. Има реални шанси, но оставам простор за непредвидени ситуации“, потенцира Ѓорѓиевска.

Истовремено продолжува и средувањето на околината на комплексот- поставена е нова тартан подлога на новоизградениот спортски терен во партерниот дел, веќе се работи на разеленување на паркот, се средуваат тротоарите на улицата „Тонко Димков“, планирана е и средување на паркинг просторот кај самиот објект.

Реконструкцијата на Соколана започна кон крајот на октомври минатата година. Во првата фаза од реконструкцијата беше предвидено зајакнување на статиката на објектот и санација на кровот, а вкупната проектирана сума изнесува 130 илјади евра.



Во втората фаза ќе се работи на фасадата и замена на столаријата. Во третата фаза е целосно завршување од внатрешноста на објектот и негова адаптација за истите содржини за кои е изградена. Последно е партерното уредување на дворот.

Реконструкцијата на објектот следува откако Министерството за транспорт и врски издаде ја дозволата за градба, а Конзерваторскиот центар даде позитивно мислење дека на објектот може да се работи.

Спортската сала Соколана е симбол на богатиот спортски и забавен живот на Куманово од минатиот век, и граѓаните со нетрпение очекуваат да ѝ се врати некогашниот сјај.

https://www.kumanovonews.mk/vesti/sokolana-se-rekonstruira-pod-strucen-nadzor-na-nacionalniot-konzervatorski-centar
За сè има вторпат
Back to Top
 Post Reply Post Reply Page  <1 171819

Forum Jump Forum Permissions View Drop Down



This page was generated in 0.125 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.