31.10.2012 Средствата со кои располага црковниот одбор за изградба на храмот Свето Апостол Лука не се  доволни за завршување на градежните работи. По поставувањето на темелите пред една година, изградбата на црквата е дојдена до кровната конструкција. Беше  планирано  храмот да биде пуштен за богослужба за една година, но поради малиот број донации, неизвесен е временскиот рок за нејзино довршување.

Мислиме дека наредната година ако даде господ, да имаме здравје, државата повеќе финансии да има, да биде народот побогат, ќе имаме повеќе дарувања и ќе го ставиме покривот. А кога ќе го ставиме покривот, значи веќе повеќе од 80% е изграден храмот - изјави отец Бранко Богданов.

Досега за изградба на црквата се инвестирани околу 20.000 евра - помош од локалната самоуправа и донации од верниците. Потребни се уште 30.000 евра за да се заврши целата надворешна конструкција на храмот, а за внатрешното уредување може да помогне и народот, вели отец Бранко.

- Ако дојде ние да го завршиме кровот, мачкањето и фреските, мислам дека народот секој по една фреска или како минатиот пат што имавме една донација вредна и ни беше донирано путир и дискос, секој ќе може да купи и кандило и сè што е потребно за самиот храм, додаде отецот Бранко Богданов.

Црквата Свети Апостол Лука во Виница, е прв храм во Македонија посветен на овој светител. По една година, откако е ставен камен темелникот, денеска на празникот, свештени лица и верници дојдоа до ова свето место да се помолат и да направат една традиција за почитување на Светиот апостол и евангелист Лука.

С. Шуманска-Митева

Верниците го одбележаа празникот “Св.Лука“

Две години од почетокот на изградбата на новиот храм во м.в. Пепелиште , единствен во државата посветен на Светиот апостол Лука, и понатаму е отворена градба за чие финализирање се потребни уште 2,5 милиони денари од планираните 3,5 милиони. Донациите од фирмите затајуваат, а од граѓаните речиси и ги нема.
Денешниот празник посветен на Евангелистот Лука , кој бил лекар и придружник на Св. Апостол Павле, заштиникот на градот Виница , втора година го одбележуваат верниците од овој дел на градот. Покрај со света литургија и литија , денес се кршеше славски колач од кумовите , а се избра и кум за догодина.
Денешното присуство на верниците само уште еднаш ја потврди желбата и волјата на населението да се забрза изградбата на храмот на источната страна од градот, за кој досега освен Локалната Самоуправа , верниците , храмот “Св. Рхангел Михаил и ситни донации од бизнис заедницата, најави за поголеми спонзорства нема.Според зацртаниот проект храмот треба да биде во форма на крст во должина од 17 метри и 20 см.

Започна фрескосликањето на црквата „Свети Лука“ во Виница