Се' уште не е потпишан договорот за трговски центар кај „Рамстор“

Парите за купениот плац се уплатени уште пред четири месеци

Аферата што ја отвори СДСМ ги забави и двата проекта. И хотелот и трговскиот центар ќе се наоѓаат во близина на ТЦ „Рамстор“

И по четири изминати месеци откако ги уплати парите за земјиштето за изградба на трговски центар кај „Рамстор“, „Еквест Балкан пропертис ПЛЦ“ се' уште не може да ја почне процедурата за добивање градежна дозвола. Пречка е непотпишаниот договор за отуѓување на земјиштето, бидејќи Министерството за транспорт и врски чека амин од државните институции. Имено, Министерството, како што тврдат надлежните, самоиницијативно ја поднело документацијата за овој предмет до надлежните институции за да се добие мислење за текот на постапката за продажба. „Чекаме уште на мислење од Државната комисија за спречување на корупцијата, по што ќе се пристапи кон склучување на договорот“, велат во Министерството и информираат дека неодамна го отуѓиле и земјиштето за хотелот и е потпишан договорот со најповолниот понудувач ХЛХ МАЦ ЛЛП.

Целата постапка за изградба на двата објекта се забави поради наводната афера дека земјиштето за хотелот е купено по незаконски пат, односно дека целата процедура имала низа пропусти во кои, како што обвинуваа од СДСМ, инволвирани биле Министерството за транспорт и премиерот Груевски. По откривањето на аферата, надлежните институции го разгледаа случајот, по што донесоа заклучок дека продажбата се спровела транспарентно и законски.

Иако локацијата за трговскиот центар во ниту еден момент не беше спомената во аферата, сепак, од Министерството, како што велат, сакаат да се начисто, па по сопствена иницијатива побараа мислење за законитоста и на оваа постапка. Инаку, согласно со договорите во двете објави, купците се должни во рок од 6 месеци да обезбедат одобрение за градење, а изградбата да ја завршат најмногу за две години. Доколку роковите не бидат испочитувани, Министерството ќе ги раскине договорите и ќе ја активира банкарската гаранција. (Дс.Т.)

Стартува изградбата на новиот трговски центар зад „Рамстор“

На улицата „Железничка“ зад ТЦ „Рамстор“, во непосредна близина на локацијата на која пред дваесетина дена стартуваше изградбата на ексклузивен хотел, од неодамна се вршат активности за изградба на уште еден трговски центар предвиден со Деталниот урбанистички план. За потребите и на двата објекта целосно е затворен јавниот паркинг „Македонија“, во чија близина привршуваат геомеханичките испитувања на теренот. Од Општина Центар велат дека пред неколку дена ги издале градежните дозволи и за двата објекта. Ова го потврдуваат и во Градот, на чија сметка пред десетина дена биле уплатени комуналиите.

Во изградба на трговскиот центар ќе инвестира англиската групација „Еквест“, која кај нас е регистрирана преку фирмата „Елан пропертис“. Групацијата „Еквест“ е сопственик на неколку индустриски имоти и шопинг-центри во Бугарија и во Романија. Компанијата го купи земјиштето за изградба на трговски центар на јавна лицитација и за него понуди 400 евра за квадратен метар.

Според Детаљниот урбанистички план, и хотелот и трговскиот центар ќе можат да достигнат максимална висина од 10 метри. Хотелот ќе се гради на површина од 4.930 квадратни метри, додека инвеститорот на трговскиот центар има на располагање површина од 5.388 квадрати. И земјиштето за хотелот беше продадено на јавно наддавање, при што, англиската фирма ХЛХ МАЦ ЛЛП го купи за 140 евра квадрат.

Според планот, покрај хотелот и трговскиот предвидена е изградба и на катна гаража, за чии потреби земјиштето неодамна почна да се расчистува од постојните привремени објекти. Дорасчистувањето на теренот, според најавите, ќе продолжи деновиве, по што се очекува Министерството за транспорт да објави тендер за продажба на земјиштето. (Дс.Т.)

Нов трговски центар во Скопје

Поставен камен темелникот на новиот трговски центар во Скопје зад „Рамстор“.

Станува збор за британска инвестиција вредна 45 милиони евра која според најавите, ќе отвори околу 500 нови вработувања.

Објектот со вкупна површина од 30.000 метри квадратни, треба да профункционира за две години.

Комплексот ќе се состои од приземје, два ката и подземен дел со четири нивоа.

Во првите три подземни нивоа ќе има паркинг со капацитет за 411 возила, додека во горниот дел од објектот, освен предвидените 70 дуќани, ќе има и 66 локали.

http://netpress.com.mk/vestiimages/38237/Kamen_temelnik.JPG">

Денеска официјално беше поставен камен темелникот на отпочнување со изградба на трговски центар на улица “Железничка бб“. Инвеститор на новиот трговски ќе биде компанијата “Елан Пропертиес“ која е дел од реномираната групација “Екуест Балкан Пропертиес“ со седиште во Лондон.Изведувач на работите е “Гема груп“ од Скопје.

На свеченоста присуствуваа премиерот Никола Груевски, министерот за транспорт и врски Миле Јанакиевски како и претставникот на инвеститорот Кари Хаатаја.

Премиерот Груевски изјави дека Владата во изминатите три години вложила многу енергија за да привлече што повеќе странски директни инвестиции, во насока на постигнување на висок и одржлив економски развој во Македонија.

“Во првите пет месеци во 2008 година во Македонија влегле 230,7 милиони евра странски инвестиции, сума која речиси ја достигнува висината на вкупните странски инвестирања за вкупната 2007 година. Доколку не се земе предвид продажбата на монополот ЕСМ, инвестиците во првите пет месеци од ова година се повисоки од годишниот просек за периодот 2003-2006година за цели 53 милиони евра. Овие податоци покажуваат дека економијата во Македонија оди во преодна насока и се забележува тренд на стабилен раст на странски директни инвестиции што не било карактеристика во минатото, иако на овој план има простор за уште поголеми достигнувања. Денешниот настан преставува едно камче во мозаикот на странски директни инвестиции кои се случуваат, и уште една потврда дека странскиот капитал ја согледал одобрената бизнис клима во Државата“, изјави премиерот Груевски.

Премиерот додаде дека со поставувањето на камен темелникот на новиот трговски центар на инвеститорот “Елан Пропертиес“, се зголемува висината на странските директни инвестиции во државата се создаваат услови за отварање на нови работни места, и се дава нов квалитет во градењето на потрошувачкото општество.

Министерот Јанакиевски изјави дека со поставување на камен темелникот се потврди дека она што беше ветено се остварува, а со тоа се демантираат сите зло намерни шпекулации.

“Реформите кои како Влада ги споредуваме во делот на подобрување ан бизнис климата и олеснување и сигурност на инвестициите, беа препознаени од инвеститорите од “Елан Проперитес“, кои по примерот на инвестициите кои ги имаат во земјите од регионот, ќе инвестираат 45 милиони евра од својот капитал во Македонија. Потпишувањето договор со ова реномирана компанија значеше повеќе кратна добивка за Македонија, затоа што главниот град ќе добие нов реномиран трговски центар со близу 100 нови продажни простории, но исто так ќе се овозможат и близу 500 нови вработувања за македонските семејства“, додаде Јанакиевски.

Убава вест, овдека повторно почна да се работи, камиони, булдожери и работници, дури се работеше и за Божиќ, што покажува дека ќе се почне со забрзано темпо да се надокнади застојот.