24.10.2013  Со товарни возила и друга механизација донесена е дел од опремата за ски-патеката за сноуборд на Пониква. Со тоа спортско-рекреативниот центар на Осогово се опремува за претстојната зимска сезона на посетителите да им овозможи дополнително уживање.

Опремата вредна околу 1 милион евра што ја донираше АД “Мепсо“ веќе се истовари во кругот на одморалиштето на МВР, од каде по соодветните подготвки ќе започне да се инсталира на теренот покрај ски патеката број 3.

Од Локалната самоуправа на Кочани присуствуваа на примопредавањето на опремата и најавија успешен старт на скијачката сезона.

- Се примаат ратракот, топовите за вештачки снег, опремата за сноуборд патеката и една моторна санка. Изведувач на работите, односно испорачател на опремата е “Енергосистеми“. Со овој дел се подготвуваме за сезоната и можеме да очекуваме кога ќе се спуштат температурите и кога ќе нема снег со овие топови да добиеме вештачки снег и да ја почнеме сезоната и порано од она што го овозможува природата, рече Ратко Димитровски, градоначалник на Општина Кочани.

Димитровски рече дека се очекува  уште еден дел од опремата што се најавуваше со што целосно ќе биде заокружен проектот и за ноќно скијање. Во меѓувреме се работи на придружните објекти и инфраструктура што ќе го комплетираат ски-центарот на Пониква.

- Работиме  на изработка на техничка документација  за двете мали езерца на Арамиска чешма што ќе бидат основа за квалитетно водоснабдување, иако и сега има вода на сите објекти. Преку Источно-планскиот регион помина проектот за изработка на студија за фекална канализација, односно отпадните води да се решат, така што имаме повеќе проекти што континуирано ќе течат понатаму, додаде Димитровски.

Пред Владата веќе се наметнал и  проект за современо патно поврзување на сите општини што гравитираат  кон Пониква и Осоговијата, за што оттаму се добиени позитивни  сигнали, рече Димитровски.

Т. Ајтовски

Вештачки снег наврна на Пониква, се подготвува теренот за зимската сезона

Пониква годинава треба да биде пример за зимски туристички центар. Со донација на А.Д. МЕПСО, денеска беа успешно тестирани топовите за вештачки снег во ски центарот. МЕПСО заедно со компанијата „Енерго систем“, изведувач на проектот за изградба на сноуборд парк  во ски центарот „Пониква“, утрврдија дека топовите за подготовка на вештачки снег за скијачките патеки функционираат без проблеми.

http://faktor.mk/wp-content/uploads/2013/09/Ponikva2-web.jpg">

Според  МЕПСО, оваа компанија донирала околу 1 милион евра за изградба на системот за создавање вештачки снег на двете скијачки патеки. Инаку проектот вклучува изградба на вештачка акумулација за вода од која ќе се прави вештачки снег, електроенергетска и водоводна инфраструктура за пренос на водата до патеките и за подготовка на вештачки снег. За таа намена набавени се 5 топови за создавање вештачки снег, поставено е осветлување на двете скијачки патеки и набавени се реквизити за поставување сноуборд парк на една од скијачките патеки на „Пониква“.

Исто така набавени се и возило за подготовка на скијачки патеки (популарно наречено „Ратрак“) и снежна моторна санка.

" se postaveni i slivnici i cevki za odvodnuvanje na atmnosverskata voda."

Овој дел од текстот ми се допаѓа. Потекнувам од село кое е општина и има над 2000 жители а нема ниту канализација ниту пак систем за одводување на атмосферските води. Така што дури и после помали дождови дворовите се полнат со води и улиците пливаат. Згора на тоа и тие канали што ги имаше нема кој да ги одржува. 

Во секој случај мислам дека во иднина секој пат , улица, сокак не смее да се асвалтира пред притоа да се реши одводнувањето. 

2013-11-15

Деновиве на ски-патеката на ски-лифтот 3, беа монтирани и тестирани топовите за вештачки снег.

Топовите се дел од опремата која во висина на 1.000.000 Евра ја донираше „Мепсо“ на Општина Кочани и истата се очекува дека годинава ќе биде искористена до максимум, со што на љубителите на скијањето ќе им се овозможи подолга скијачка сезона.

За потсетување е дека освен топовите за снег, компанијата „Мепсо“ на Општина Кочани и донираше ратрак, моторна санка и друга опрема потребна за сноуборд патеката.

фото и видео: Горан Стојанов - Осоговски Конак

С. Ивановски 

http://www.youtube.com/watch?v=UWmw_nXD4Pw - http://www.youtube.com/watch?v=UWmw_nXD4Pw

ОФИЦИЈАЛНА ПРОМОЦИЈА НА ТОПОВИТЕ ЗА ВЕШТАЧКИ СНЕГ

2013-12-21

Во присуство на новинари од Штип и Кочани, денес на „Пониква“ градоначалниците на општините Кочани и Пробиштип и официјално ги промовираа топовите за вештачки снег.

Претходните денови топовите со снег ја покрија патеката од „ски-лифт 1“ и денес неколку љубители на скијањето имаа промотивно возење. Иако како што нагласија за прв пат возат по ваква патека, нивното задоволство беше големо.

Инаку прекрасното и сончево време кое ја грееше „Пониква“ беше предизвик за голем број посетители кои со убави прошетки си го разубавија денот.

С. Ивановски

http://www.komarec.com.mk/poveke.php?id=9450

БЛЕСНА ПАТЕКАТА НА „СКИ ЛИФТ 1“

2013-12-14

Со средства од Швајцарската агенција за развој и соработка, денеска започна реконструкцијата на ски-лифтовите во зимско-рекреативниот центар Пониква кај Кочани.

Со зафатот ќе се опфатат два ски-лифта, на кои ќе им бидат реконструирани машинските и електричните делови, при што ќе бидат променети влечните јажиња, котвите, а ќе се и изврши ремонт на моторите. Во текот на работите комплетно ќе се замени електрониката и управувачките делови на ски-лифтовите, кои се во вкупната должина од 692 метри.   

Тендерот за реконструкција го добија компаниите „Инокс-сервис“ од Кочани и „НАСА КОМ“ од Скопје.

– Постојните ски-лифтови на Пониква се застарени, во мал број, нивната работа е проследена со чести дефекти, што ја оневозможува максимална искористеност на капацитетот на ски-патеките. Спортско-рекреативниот центар „Пониква“ е единствен ски-центар во Источниот плански регион, кој е зацртан во Просторниот план на нашата држава како еден од 34-те зимски туристички центри. Оттука, неговиот развој има регионална димензија и заслужува посветеност – изјави Николчо Илијев, градоначалник на Општина Кочани.

Овој проект беше избран како приоритетен на регионалниот форум во Источниот плански регион што се одржаа во февруари 2019 година, со претставници од граѓанскиот, јавниот и бизнис-секторот од сите 11 општини од регионот.