Комплекс факултети на УКИМ
Printed From: build.mk
Category: Главни теми
Forum Name: Образовни
Forum Discription: Училишта, универзитети, институти, библиотеки...
URL: http://www.build.mk/forum/forum_posts.asp?TID=3135
Printed Date: 10-Nov-2024 at 21:02
Topic: Комплекс факултети на УКИМ
Posted By: Џоле
Subject: Комплекс факултети на УКИМ
Date Posted: 17-Sep-2014 at 11:09
|
Два нови факултети ќе се градат во комплексот факултети на УКИМ
Два нови образовни објекти во кои ќе бидат сместени Факултетот за физичко образование, спорт и здравје и Факултетот за информатички науки и компјутерско инжинерство (ФИНКИ) ќе се градат во рамки на комплексот факултети на Универзитет „Св. Кирил и Методиј“ во Скопје. Министерството за образование и наука денеска распиша Конкурс за избор на архитектонски трудови за двете идни зданија, планирани на просторот спроти ТЦ „Мавровка“. Изборот на идејно решение е првата фаза од постапката за изработка на техничката документација за изградба на објектите. 
* Просторот на кој ќе се градат новите факултети Од архитектите се бара со своите творечки трудови да применат креативност, инвентивност и оригиналност, да обезбедат современ третман на објектот во согласност на неговата функција, да применат ефикасно природно осветлување и да предложат конструкција која ќе обезбеди сеизмичка стабилност и економичност на функцијата. Идејните решенија треба да се достават најдоцна до 17 ноември до Архивата на Министерството за образование и наука. Жири – комисијата ја сочинуваат Кристинка Радевски, Димитар Трајанов, Милош Стокуќа, Наташа Хаџи – Лега, Александар Јанакиески и Вујица Живковиќ. Конкурсот е делив на два дела, и тоа објект на Факултетот за физичко образование, спорт и здравје и објект на Факултетот за информатички науки и компјутерско инжинерство. Министерството за образование и наука ќе додели три награди и три откупи за пристигнатите дела на архитектите. Првата награда е во износ од 350.000 денари, втората 300.000 денари, а третата 250.000 денари. Надлежното министерство ќе додели и три откупи на издржани идејни решенија во вредност од по 50.000 денари. http://www.build.mk/?p=38747 - http://www.build.mk/?p=38747 ------------- За сè има вторпат |
Replies:
Posted By: stratus
Date Posted: 17-Sep-2014 at 14:54
Стварно не ми е јасно зошто ФИНКИ се гради тука а не во техничкиот кампус на УКИМ во Карпош 2. Одлична локација за оваа зграда би било местото на бараките на драмски факултет во Карпош, кој сега веќе има нова зграда.
|
Posted By: Dexter26
Date Posted: 17-Sep-2014 at 15:19
 Јас го делам сосема спротивното мислење. Мислам дека локаците околу Бит Пазар и Мавровка плачат за урбана обнова, а не мислам конкретно на изградба на неокласицистички објекти или на менување на фасадите. А и нема ништо лошо во тоа студентите да ги мрднат малку задниците и кон другата страна на Вардарот, чисто за да се уверат дека и таму има живот. |
Posted By: vel
Date Posted: 17-Sep-2014 at 20:57
|
Кои други информации се знаат за овој конкурс ?
Министерство за образование нема објавено ништо на нивниот вебсајт . |
Posted By: stratus
Date Posted: 17-Sep-2014 at 22:05
|
Никој не вели дека тие парцели да не се урбанизираат, иако и паркот таму не е лош, а бруталистичкиот опшествен кампус на УКИМ таму веќе и си е добро завршена целина која само треба да се обнови. Но едноставно не ја сваќам поентата ФИНКИ (технички факултет) да не се прави во кругот на техничкиот кампус туку во кругот на опшествениот.
Или цел технички кампус да се преизгради во близина на опшествениот во автокоманда со што скоро сите факултети би биле на куп. Ова е очигледно играње мајтап. За вакви работи не е само битно да се изгради објект, туку многу е побитно тој кај се наоѓа и како е изведен. Според ЕКТС, Болоњскиот систем според кој веќе повеќе години функционира УКИМ, дозволено е еден студент да избира предмети и од други факултети на истиот универзитет. Ова иако добра идеја баш и нефункционира. Зборот ми е дека студент на ФИНКИ природно би одбрал предмети од техничка природа, т.е. предмети од Електро, Машински, Технолошки кои се наоѓаат на факултетиво техничкиот кампус во Карпош. Впрочем ФИНКИ како факултет и во главно е прозилезен од Електротехничкит како и ПМФ кој исто така не се наоѓа на опшествениот кампус. За вакви работи во посериозни држави се посветувамногу внимание. Студентите се често и најбитниот слој воопшеството. Не е случајно што нормалните универзитети низ светот на едно место ги стационираат факултетите од слична природа пропратени со студентски домови во нивната околина, а вие овде зборувате дека студентите требале да си го мрднат газот. За новоизградениот драмски факултет во центар иако чудна локација за факултет колку толку имаше логика. Театарот и операта се блиску, како и други слични уметнички факултети како ликовна и музичка академија. Не случајно Медицински факултет е во непосредна близина на клинички центар. Таков е овде случајот со ФИНКИ, тоа ти е исто како медицински факултет да е на пример во Драчево и студентите секој ден да треба да го мрдаат газод до водно за да одат на вежби на клиника. |
Posted By: alexgizh
Date Posted: 19-Sep-2014 at 11:47
|
Според мене, еден универзитет = еден кампус. И тоа сосе студентски домови. Да се размислувало претходно, можеби сега Крњево ќе беше урбанизиран студентски град, и целиот потег од комплексот факултети до ПМФ и Земјоделски факултет ќе беше една убава целина.
Тоа што мене ми е сомнително во конкретниов случај е дека најверојатно сакаат да лупнат класицистички објект на ќошот од двата булевари за да се гледа убаво, и да се затскрие бруталистичкиот комплекс во позадина (МОБ, anyone?). ------------- The only thing necessary for the triumph of evil is for good men to do nothing. |
Posted By: N23
Date Posted: 19-Sep-2014 at 12:14
+100 Ова е моја дамнешна желба од студентските денови, не дека треба да правиме копија на некој амерички универзитет, но таков проект би помогнал за тенкиот студентски буџет, а и би го намалил своевидниот анимозитет меѓу факултетите во Скопје. Да не говориме колку би се зголемила компетитивноста и квалитетот на студирање. Него као беше муабетон со КГФ, глеам сеа и "учени" луѓе ќе искачаат од тој комплекс?  ------------- 23ka.wordpress.com |
Posted By: Dexter26
Date Posted: 19-Sep-2014 at 12:54
Па да, информатичар(к)и со бизнисмен(к)и ќе си бидат добри парови. А и правниците/правничките да не ги заборавиме. |
Posted By: martind
Date Posted: 19-Sep-2014 at 13:59
| Мислам дека ова е многу лоша идеја, пред се поради метежот што ќе настане во тој дел од градот кој и така е присутен постојано. Со ова само ќе се зголеми истиот. |
Posted By: stratus
Date Posted: 19-Sep-2014 at 17:19
|
Мојата идеа е пак да се подели УКИМ на три универзитети. Знам дека звучи чудно но во доста главни градови тоа се има случено каде од главниот универзитет произлегле нови.
Едниот да се вика УКИМ (да се задржи традицијата), тоа што денес е "КГФ" заедно со студентскиот дом Стив кој и така е блиску и ќе бидат еден вид на кампус се разбира тука би влегле и делови од ПМФ, Шумарски, Земјоделски, и нови згради за ДИФ и ако испуштив некој во кругот на КГФ. Во овој склоп би влегле и уметничките факултети кои се наоѓаат во центар и се логично распоредени таму со оглед на близината на музеи, театарот операта. Другиот да биде некој тип на медицински универзитет (може име Мајка Тереза :P) во кој би влегле Медицински, Соматолошки и Фармација кои и така се на едно место во рамките на клинички центар со студентски дом Кузман кој е блиску. И трет, би бил технички (пр Политехника, бидјќи немаме некој наш познат научник), тука би влегле факултетите во Каерпош кои се еден до друг а има место и да се доизгради ФИНКИ и нова зграда на градежен на место на старите бараки на драмски и електро. Во старата зграда на градежен може да се смести некоја институција, на пример општина центар (место да градат нова зграда) дури и дел да се изнајмува бидејќи има атрактивна локација. Студентски дом на овој универзитет би бил Гоце кој и е најблиску. Ваков тип на реорганизација на УКИМ мислам дека е најповолна и најевтина варијанта. Често низ електро, градежн и машински (факултети кои најчесто работат проекти и печалат пари) се слушаше дека парите од разни проекти се закочени директно од ректоратот за сметка на "КГФ". Со ваква поделба тоа ќе се избегни и сигурен сум дека ним ќе им се овозможи подобра работа. Во таков реконструиран универзитет со по некоја студиска програма на англиски има шанси да привлечиме и по некој еразмус студент, ако ништо заради добар и ефтин провод. И најглавно од се. СЕ што е во рамките на денешен УКИМ плаче за темелна реконструкција. Опременоста на лабораториите и не е најтрагичниот дел во моментот, туку прокиснатите и руинираните објекти со услови како по втора светска војна. |
Posted By: gjoko
Date Posted: 19-Sep-2014 at 19:02
|
После протестите на белградските сдуденти пред повеќе од 30 години кога излегоа 30 000 станари на `студенски град града београда` и се предизвика политички земјотрес,политичарите се освестија и почна да ги разделуваат студентите на повеќе локации.Така се разединуваа и стварајќи им нееднакви услови за живот им вметнуваа љубомора и завист.
Поради овие причини изградени се новите згради во студенскиот дом во Автокоманда(Стив наумов) како и тој во тавталиџе(Гоце Делчев) Студентите сега никогаш нема да бидат единствени и лесно ќе ги манипулираат со децении |
Posted By: zabegan
Date Posted: 19-Sep-2014 at 19:46
|
да, ама оваа политика веќе нема логика... како прво, едвај се сложни студентите од еден факултет, а не па цели универзитети да се обединат како второ, 21-век е доба на комуникација и не е исто како пред 30 години... сега студентите можат да комуницираат и да се организираат на разни начини доколку би постоела сложност, ако сакаш ти и во Америка стај им ги факултетите, пак ќе успеат во тоа ------------- Architects create dreams...politicians create nightmares |
Posted By: gjoko
Date Posted: 19-Sep-2014 at 22:50
|
да,ама ако еден студент е фрлен во бараките во автокоманда а другиот во на промер гоце делчев,тогаш ако студентите од гоце повлечат иницијатива за протести по некое прашање,овие од бараките нема да се приклучат.обично со изговори-ајде да се смениме,па после ќе протестираме,или многу лошо ви е вам таму па уште да протестирате.
сум ги поминал овие работи и тоа многу пати сум учествувал во студенски движења и организации... знам како е |
Posted By: zabegan
Date Posted: 20-Sep-2014 at 02:06
кај нас не постои основна колегијалност за основни работи, а не па за организација на глобално ниво ------------- Architects create dreams...politicians create nightmares |
Posted By: jyvation
Date Posted: 20-Sep-2014 at 09:24
| Јас би рекол до самата организација и до организаторите.А тоа мало морген дека лесно би се манипулирало со студентите, за средношколци да ама тука нема да упали така лесно. |
Posted By: gjoko
Date Posted: 20-Sep-2014 at 10:44
|
не знаете колку е тешко да обедините луѓе кои имаат различен квалитет на студенски живот,а тоа им го наметнал друг.
во ситуации каде се студентите во релативно рамноправна положба како на самите факултети,многу полесно е да се разговара на една тема(сум бил студент-продекан на ЕТФ и знам добро) |
Posted By: BOJAN
Date Posted: 08-Dec-2014 at 21:33
|
За жал, отвораме уште една нова тема со исклучително лоша вест за уништување на нечија идеја, на нечиј творечки труд, некаков изворен концепт реализиран во стварноста. Оној што го уништува, барем официјално, не го знаеме: Влегува ли „Скопје 2014“ и во комплексот факултети на УКИМ?
Просторот на кој ќе се градат новите факултетиЌе се сместат ли студентите и универзитетските професори од скопскиот Универзитет „Свети Кирил и Методиј“ (УКИМ) во владиниот проект „Скопје 2014“? Архитектот Жарко Чаушевски, автор кој што изработи мноштво „барокни“ идејни решенија за објекти од центарот на Скопје, ги освои двете втори награди за новите објекти на Факултетот за информатички науки и компјутерско инжинерство (ФИНКИ) и на Факултетот за физичко образование, спорт и здравје. Овие зданија е планирано да се лоцираат на постоечката зелена површина во рамките на комплексот факултети на УКИМ, спроти трговскиот центар „Мавровка“. За вложениот труд во изготвувањето на двете архитектонски решенија, Министерството за образование и наука се одлучи на авторот Жарко Чаушевски да му додели две награди во вкупен износ од 600.000 денари.
Според објавените податоци на веб – страницата на Бирото за јавни набавки, архитектите доставиле вкупно 17 идејни решенија на распишаниот Конкурс кон средината на септември годинава. Од нив, за идното седиште на ФИНКИ биле доставени 7 конкурсни трудови, додека за објектот на Факултетот за физичко образование, спорт и здравје се поднесени 10 архитектонски дела. Иако е вообичаено да се објавуваат подетални информации за севкупниот Конкурс, Министерството за образование и наука не се одважи да ги објави членовите на жири – комисијата што одлучувала за избор на најдобрите идејни решенија. Засега не се публикувани ниту визуелизации за идниот изглед на овие две зданија во склоп на комплексот факултети на УКИМ. http://www.build.mk/?p=41396 - http://www.build.mk/?p=41396
|
Posted By: zabegan
Date Posted: 08-Dec-2014 at 22:01
|
ама ај да ги видам нека ги пипнат фавелите околу кампусот... тоа не може нели? ------------- Architects create dreams...politicians create nightmares |
Posted By: jyvation
Date Posted: 08-Dec-2014 at 22:30
|
Оф лелеееее.Наместо да се зафатат да го решат паркингот околу комплексов дека нели веќе сите се академски граѓани па мора сите со коли да доаѓаат на факултет.
Какви гужви се создаваат секој ден, фалат уште плус два факултета. |
Posted By: Petar Skopje
Date Posted: 09-Dec-2014 at 17:07
| Барок си е барок. |
Posted By: BOJAN
Date Posted: 17-Dec-2014 at 10:15
|
Обзнанета комисијата што го избра дизајнот на двете нови згради во кампусот на УКИМ
Просторот на кој ќе се градат новите факултети Медиумите ги открија членовите на жири – комисијата којашто го избра дизајнот на двете нови згради што ќе се градат во комплексот факултети на УКИМ – Факултетот за информатички науки и компјутерско инженерство (ФИНКИ) и Факултетот за физичко образование, спорт и здравје. Според пишувањето на информативниот веб – портал „Плусинфо“, доставените идејни решенија на архитектите се вреднувани од жири – комисија формирана од Министерството за образование и наука, во состав: Александар Јанакиевски, раководител на секторот за урбанизам во Град Скопје; Вујица Живковиќ, декан на Факултетот за физичка култура при УКИМ; Кристина Радевски, вработена во општина Охрид; Наташа Хаџи Лега, поранешна директорка на Директоратот за технолошко индустриски развојни зони и Милош Стокуќа. Заедно со министерот за образование и наука Абдулаќим Адеми, оваа жири – комисија досега не излегла пред македонската јавност за да ја презентира одлуката за избор на најуспешните архитектонски трудови, што претставува вообичаена пракса при распишувањето на архитектонски Конкурси. Колку за споредба, Министерството за култура пред една година јавно излезе и ги обелодени резултатите од Конкурсот за избор на идејно решение за новиот објект на Универзална сала, заедно со образложение за одбраниот најуспешен архитектонски труд. Покрај тоа што не го следат овој позитивен пример од работењето на самата влада, од Министерството за образование и наука не излегуваат ниту со визуелно прикажување на најуспешните идејни решенија за двете нови зданија во рамки на кампусот на УКИМ. Идејните решенија на авторот Жарко Чаушевски се избрани како најуспешни архитектонски трудови за планираните објекти во кои треба да се сместат два факултети од Скопскиот универзитет „Свети Кирил и Методиј“. Овој архитект со своите неокласицистички и барокни концепти за центарот на Скопје досега победи на неколку архитектонски Конкурси, меѓу кој е и оној за промена на фасадата и надградба на Градскиот трговски центар (ГТЦ). Надворешниот изглед на сите овие зданија е во согласност со преферираните архитектонски правци од владиниот проект „Скопје 2014“. Најголемото прашање што се поставува од публикуваните резултати е дали се планира „барокизација“ и на комплексот факултети на УКИМ, изворно авторско дело на реномираниот словенечки архитект Марко Мушич. Овој познат интелектуалец во моментов ја врши функцијата претседател на Словенечката академија на науките и уметностите. Засега никој не ја информира македонската јавност дали воопшто е консултиран словенечкиот архитект при изборот на најдобрите архитектонски трудови за двата нови објекти во рамките на комплексот факултети на УКИМ. http://www.build.mk/?p=41776 |
Posted By: my Macedonia
Date Posted: 06-Feb-2015 at 14:33
Ova bi bilo odlicnooo!! Prezemeno od design.mk
|
Posted By: martind
Date Posted: 06-Feb-2015 at 17:07
|
1. За ФИНКИ и навистина одговара ваков објект
2. Локацијата, тотално промашување |
Posted By: my Macedonia
Date Posted: 06-Feb-2015 at 19:37
|
Jas bi rekol da se renovira fakultetot i da se sredi okolonata isto kako noviot objekt i se kje bide super. Inace renderot mnohu mi se dopagja a lokacijata e dobra, vakov objekt mora da im padne na sekoj skopjanec vo oci.
Mnogu se nadevam deka studentite i site drugi khe bidat protiv barok i vladata kje se odluci za vakov objekt. 90% ne e ralisticno da se sluci ova ama ne se zne. |
Posted By: martind
Date Posted: 06-Feb-2015 at 20:12
|
Локацијата е и тоа како промашена.
Зошто? Еднсотавно, и сега има големи сообраќајни гужви, гужви во автобуси... Замисли како би било кога би се изградиле и нови два факултети со 1500 студенти, со 500 вработени ... И додека секаде во светот се врши децентрализација низ градовите, кај нас имаме централизација... |
Posted By: Z|evzek
Date Posted: 07-Feb-2015 at 02:19
|
Posted By: BOJAN
Date Posted: 07-Feb-2015 at 11:50
| Чекајте бе луѓе, првин да видиме што издизајнирал Чаушевски со архитектите од булевар Илинден. Убаво што ние си коментираме овде, ама се знае во кој кабинет, на која врата треба да чукнеме по ова прашање |
Posted By: zabegan
Date Posted: 07-Feb-2015 at 21:41
по мое, факултетиве може да се дислоцираат во многу поголем студентски град, ама некаде во друга смисла, еднаш дискутиравме дека тоа нокогаш нема да се направи поради политички причини ------------- Architects create dreams...politicians create nightmares |
Posted By: martind
Date Posted: 07-Feb-2015 at 23:44
Токму и поради тоа треба да се најде друга посоодветна локација. Ја мислам дека и до Машински Факултет да се изгради ќе биде одлична локација... .... Иначе штета што на крај ќе испадне "барок" |
Posted By: kultuzin
Date Posted: 08-Feb-2015 at 01:30
| Ако збориме за локации мислам дека идеално е студентскиот дом Стив Наумов и околината па се до Математички Факултет да опфати еден дел и на Парк Шумата Гази Баба. Таман да го заживеат и паркот. |
Posted By: Z|evzek
Date Posted: 08-Feb-2015 at 02:06
| Околу УКИМ е добро да се направи кампус за 60 % од студентите што ќе студираат на него. И те како ќе се намали гужвата... |
Posted By: BOJAN
Date Posted: 07-Mar-2015 at 13:19
|
Ќе се гради „барокот“ во Универзитетскиот кампус на УКИМ!
Набрзина се турка изградбата на двата нови објекти на Факултетот за информатички науки и компјутерско инженерство (ФИНКИ) и на Факултетот за физичко образование, спорт и здравје кај кампусот факултети на скопскиот Универзитет „Св. Кирил и Методиј“. Министерството за образование и наука пред речиси две недели склучило договор со фирмата „Архитектоника“ од Скопје за изработка на основни проекти за овие два објекти, кој најверојатно ќе го следат „барокниот“ архитектонски правец од владиниот проект „Скопје 2014“. Новите згради треба да се градат на местото на постоечкото зеленило, меѓу објектот на Ректоратот и булеварот Крсте Мисирков. Целокупната проектна документација е предвидено да се комплетира во временски период од само два месеци, и тоа врз основа на победничкиот архитектонски труд на авторот Жарко Чаушевски. Овој архитект изработи бројни зданија од владиниот проект „Скопје 2014“, во кој доминираат протежираните архитектонски стилови: „барок“, „класицизам“ и „неокласицизам“. На распишаниот Конкурс во декември минатата година, Жарко Чаушевски ги освои двете награди во вкупен износ од 600.000 денари. Дополнителни 18.762.000 денари (околу 300.000 евра) од буџетот на Министерството за образование и наука ќе се одвојат за изработка на основните проекти за двете зданија. И покрај силните притисоци од архитектонската јавност, Министерството за образование и наука досега не објавило ниту еден податок околу најавениот градителски потфат. Не се објавени визуелизации за идните образовни објекти, нема информации за висината на финансиските средства што ќе се потрошат од државниот буџет за оваа намена, нема податоци дали авторот на идејниот проект за Универзитетскиот кампус на УКИМ е информиран за промените што ќе ги претрпи неговото дело, ниту пак се објавува катноста и вкупната бруто површина на која ќе се простираат идните згради. Автор на изворниот архитектонски труд за објектите на Правниот, Филозофскиот и на Економскиот факултет е познатиот словенечки архитект Марко Мушич, кој во моментов е и претседател на Словенечката академија на науките и уметностите. Овој комплекс претставува еден од симболите на постземјотресно Скопје, кој е комплетиран како проект во 70-те години на минатиот век. Градежното земјиште на кое се наоѓа Универзитетскиот кампус на УКИМ се наоѓа на територијата на општина Центар, што подразбира дека оваа локална самоуправа треба да ја издаде градежната дозвола за евентуалната изградба на најавениот „барок“. http://www.build.mk/?p=43474 |
Posted By: zabegan
Date Posted: 08-Mar-2015 at 00:04
|
се надевам дека ќе се остави простор за идна интервенција на раскрсницата и дека нема објектов да виси над улиците и да создава средновековни сокаци, как одосегашните објекти... барем нешто нека се испочитува ------------- Architects create dreams...politicians create nightmares |
Posted By: ovaj_stariov
Date Posted: 22-May-2015 at 21:23
|
Ни останува сега само да се молиме абдаливе да паднат побрзо од власт и ова да не се оствари.
На линковите има слики
http://www.mkd.mk/makedonija/politika/baroknite-finki-i-fakultet-za-fizichko-obrazovanie-kje-chinat-136-milioni-evra - http://www.mkd.mk/makedonija/politika/baroknite-finki-i-fakultet-za-fizichko-obrazovanie-kje-chinat-136-milioni-evra ------------- build.mk, гради форумска историја |
Posted By: Dexter26
Date Posted: 22-May-2015 at 21:44
|
Е ако ова се подразбира под "разубавување" на просторот, како што велат одредени службени лица на одредени аудио снимки, тогаш не знам што е нагрдување на просторот. |
Posted By: Џоле
Date Posted: 01-Jun-2015 at 12:33
|
Интересен текст во врска со предложените нови згради на ФИНКИ и Факултетот за физичко образование, спорт и здравје:
Просторот и автономијата на универзитетот Влатко П. Коробар Автономијата на универзитетот, покрај академската слобода и автономијата во управувањето, ја вклучува и неповредливоста на универзитетскиот простор. Ова е запишано во Законот за високото образование и во Статутот на УКИМ. Законот утврдува дека просторот на универзитетот е неповредлив. Затоа полицијата и другите државни органи на безбедност не можат, без согласност на ректорот, да влегуваат во овој простор, освен за спречување на извршување кривично дело. Статутот на УКИМ е уште попрецизен. Неповредливиот простор на универзитетот ги опфаќа објектите и земјиштето во кое се сместени и во кое се остварува дејноста на единиците и ректоратот. Иако неповредливоста на универзитетскиот простор првенствено се сфаќа како неможност на државните органи за безбедност да влегуваат во универзитетскиот простор без посебна дозвола, изминативе месеци сме сведоци на една посебна форма на нарушување на неповредливоста на универзитетскиот простор. Пред неколку месеци Универзитетскиот сенат на предлог на Ректорот, со мнозинство гласови одлучи од Владата да побара средства за изградба на објект за потребите на Универзитетот, без прецизна намена и програма за објектот и без потребните детали вообичаени за ваква одлука. Иако имаше барања за тоа, одлуката остана неусловена, односно не беше утврдено под кои услови би се искористиле евентуално доделените средства. Така, на крајот на оваа авантура, сепак, нема да се добијат средства за изградба на објекти, туку изградени објекти. По неколку месеци од одлуката, предлагачот немаше одговор кој универзитетски орган одлучил во комплексот на објекти за општествени науки да се изградат токму објекти за Факултетот за информатички науки и компјутерско инженерство и за Факултетот за физичко образование, спорт и здравје, иако веќе беше завршен конкурсот за избор на идејно архитектонско решение за објектите распишан од Министерството за образование и наука, а според медиумите, членови на оценувачката комисија биле и деканите на овие факултети. Вообичаено, процедурата беше нетранспарентна, без увид на јавноста во пристигнатите и наградените трудови. Во духот на „остваруваме“ пред неколку дена беше објавен јавен повик за избор на изведувач на двата објекта. По ова следи изградба на објектите. Така се најдовме во ситуација Универзитетот да добие два нови објекта без притоа да е позната процедурата низ која Универзитетот ја реализирал својата автономија во управувањето и самостојно одлучувал за изградба на објектите. Што е овде спорно? Сè! Од почетната одлука за барање средства за изградба на објект до последниот чин на избор на изведувач. Во целиот процес не е почитувана ниту автономијата во одлучувањето, ниту универзитетскиот простор. Учесници во тој упад во неповредливоста на универзитетскиот простор, овој пат не се органите за безбедност, туку парадоксално тоа се самите органи на универзитетот и неговите единици кои си го суспендираа правото самостојно да одлучуваат. Упадот на две згради во кампусот на Универзитетот без автономна одлука на универзитетските органи е фактичка повреда на универзитетскиот простор. Згора на тоа - две грди згради. Иако е некоректно да се суди за објектите само врз основа на два објавени приказа на фасадите, тие слики и обемната евиденција распослана низ центарот на Скопје од истиот автор и во слична процедура, ни дава за право да судиме и врз основа на толку штури информации. Факултетот за информатички науки и компјутерско инженерство, кој по природата на академските содржини поврзани со него е свртен кон иднината, ќе биде сместен во зграда која наликува како да е правена во третата деценија на минатиот век, а не во втората деценија на 21-от век. Која е пораката што овој објект ја испраќа? Како треба да се чита ова апсурдно архитектонско здание? Иако во својот архитектонски јазик објектот пелтечи, тој прецизно ја испраќа пораката за нашата дезориентација и некритичност и за неможноста да се избориме самостојно да одлучуваме за работи кои се еклатантно универзитетски домен. Уште поневеројатна е ситуацијата со објектот на Факултетот за физичко образование, спорт и здравје. Веројатно Факултетот се специјализира исклучиво за спортови во сала, зашто во рамките на универзитетскиот комплекс ниту има ниту може да се обезбедат спортски терени на отворено. Еден колега од овој факултет ме убедуваше дека овде ќе се одржувал само теоретскиот дел од наставата, а ни самиот не веруваше во убедливоста на објаснението. Факултет за спорт без спортски терени е како факултет за хемија без лаборатории или факултет за ликовни уметности без ателјеа. Кога големите универзитети, оние од првите педесет на Шангајската листа што ни се, нели, репер, сакаат да изградат нов објект, го избираат јазикот на кој зборува архитектонското совремие и ангажираат несомнени авторитети во архитектурата. Така, универзитетот Колумбија од Њујорк за изградба на објектот Northwest Corner го ангажира Рафаел Монео, еден од најпрестижните архитекти на денешницата, а кога познатиот Швајцарски федерален технолошки институт (EPFL) од Лозана одлучи да го гради центарот Rolex Learning, преку меѓународен конкурс ја ангажираше фирмата САНАА од Јапонија, едно од најавангардните архитектонски бироа на денешницата. Но, очигледно во овој сегмент не се инсистира да ги препишуваме примерите од „најпрестижните универзитети“ во светот. Неповредливоста на универзитетскиот простор е нарушена. И тоа не на начин кој го имал предвид законодавецот, туку на еден уште пострашен начин, со траен упад во неговиот простор од кој долгорочно ќе црвенееме кога ќе треба да објаснуваме како тоа новите објекти се „постари“ од самите факултети што се сместени во нив. Објектите не се обични контејнери. Преку престојувањето во нив и нивното користење тие нè обликуваат. Една шведска поговорка вели дека детето има три учители, прво - другите деца, второ – учителот и трето – просторот. Тоа е така во сите простори на образование – и просторот подучува. И да се разбереме: никој не е против изградба на нови универзитетски капацитети и подобрување на условите за студирање и работење. Но, не може да се биде рамнодушен пред чинот кој освен што центарот на градот ни го направи за потсмев, сега и најстариот универзитет во државата ќе го направи да биде за потсмев со изградбата на овие објекти кои се вон контекстот во кој се лоцирани, вон духот на времето и вон здравиот разум. Има некои што тврдат дека овие објекти се всушност подарок (!?), а на подарен коњ забите не му се гледаат. Изгледа дека ова особено важи кога коњот е тројански. http://okno.mk/node/47485 - http://okno.mk/node/47485 ------------- За сè има вторпат |
Posted By: my Macedonia
Date Posted: 09-Sep-2015 at 16:53
Од алсат м
|
Posted By: Џоле
Date Posted: 09-Sep-2015 at 21:26
Какви добри современи решенија се понудија, и пак ќе се изберат најретроградните. ------------- За сè има вторпат |
Posted By: balcannibal
Date Posted: 12-Sep-2015 at 10:36
|
Здраво на сите, одамна го читам форумов. Одличен, темелен, интелигентен, креативен, критички настроен, здраворазумен. Конечно решив да се вклучам. Кога ќе можам ќе бидам дел од дискусиите. Сега сакав да постирам текст. За „барокизацијата“ на кампусот УКИМ сумирано на едно место:
ГОСПОДИНОТ „БАРОК“ ЧУКА НА ПОРТИТЕ ОД УНИВЕРЗИТЕТСКИОТ КАМПУС Договорот „нарасна“ на 16,8 милиони евра: понудата на „Бетон Штип“ најпогодна за барокните факултети во УКИМ Продолжуваат сагата и контроверзиите поврзани со изградбата на двата „барокни“ факултети што ќе никнат во зеленилото во универзитетскиот кампус „Св. Кирил и Методиј“. Фирмата „Бетон Штип“ дала најниска понуда за изведба на ФИНКИ И Факултетот за физичко образование, а договорот со Министерството за образование (МОН) од предвидените 13,6 „нарасна“ на близу 16,8 милиони евра, тендер за кој ВМРО-НП пред само две недели тврдеше дека наводно е наместен. Милионските суми за новите домови на двете високообразовни институции можеби немаше да кренат толкава врева и реакции низ јавноста доколку не владееше толкав молк од надлежните од ресорот на министерот Абдилаќим Адеми. Инвеститорот (МОН) досега целиот процес за изградбата на двата факултети во склоп на УКИМ го водеше во тајност, со штури информации. Целиот процес беше неодамна „размрдан“ и со тврдењата на ВМРО-народна партија дека нетранспарентно и незаконски била спроведена тендерската постапка при изборот на изведувачот. Обвинија дека фирмата што понудила најдобри услови и најниска цена, незаконски била предвреме елиминирана со образложение што целосно е спротивно со одредбите од Законот за јавни набавки. „Сето ова е направено со цел да се спречи учеството на лицитацијата и заради најповолно понудени услови да не го попречи изборот на однапред утврдениот победник на тендерот“, соопштија од ВМРО-НП. ВМРО-народна партија укажуваше дека се пробиени сите законски рокови за обврската на спроведувачот на тендерот да ги извести понудувачите и јавноста, која фирма е избрана за изведувач, под кои услови и што е најважно, по која цена ќе се градат објектите. „Изградбата на факултети претставува општ јавен интерес на граѓаните на Република Македонија и тие имаат право да знаат кој, како и во колкава мера ги троши нивните пари. Зачудени сме што ваквата нетранспарентна практика при спроведувањето на тендерските постапки продолжува од страна на владејачката структура, кога се знае дека во изминатиов период реакциите од јавноста и од меѓународната заедница беа жестоко критички, насочени токму за нетранспарентно спроведување на тендерите. Исто така, беше посочено дека пристрасното одлучување е жариште што отвора простор за понатамошни коруптивни дејства, со кое се загрозува правниот систем во државата“, соопшти ВМРО-народна партија. Но ВМРО-НП изминативе две недели не се појави пак да образложи кои се другите заинтересирани фирми и дали е точна шпекулацијата дека фирма блиска до лидерот Љубчо Георгиевски му конкурирала на „Бетон Штип“. Само „пуштија водичка“. Бирото за јавни набавки објави дека „Бетон Штип“ на електронска аукција поднела понуда со најниска цена - 366.898.030 денари за Факултетот за физичко образование, спорт и здравје, а 664.950.500 денари за подигнување нов објект на факултетот ФИНКИ со подземни гаражи и партерно уредување при Универзитетот „Св. Кирил и Методиј“. Во „превод“ - тоа се вкупно 16.763.633 евра, што е за 3 милиони повеќе од првично проценетата вредност на МОН. На сајтот на Бирото за јавни набавки пишува дека датумот за одлука е 30 јули, а во огласот за јавното отворање на понудите на градежни фирми како датум стои 6 јули, на 11. кат во зградата каде што е сместено МОН (бивша НИП Нова Македонија). Меѓутоа, до МКД.мк не стигна одговор од ресорот за образование да кажат колку понуди стигнале, од кои фирми, што е следно во постапката, дали има датум кога би почнале да се градат факултетите... Не вратија ниту дали има официјален записник од јавното отворање на понудите, чија обрска, пак, е во рацете на посебната Комисија за јавно наддавање (согласно со Законот за јавните набавки). Она што јавноста моментално единствено може да го дознае преку Јавни набавки е „Конечната одлука за оваа постапка ќе ја донесе одговорното лице, за што ќе бидете дополнително информирани“. И толку. Не е тајна дека фирмата „Бетон Штип“ е блиска до бизнисменот Јордан Камчев. Односно „Орка Холдинг АД“ на Камчев заедно со „Ексико ДООЕЛ“ и уште неколку компании е акционер во „АД Бетон Штип“. За „Ексико“, чија сопственост завршува во Швајцарија, БИРН истражуваше кој се крие зад оваа компанија што се јавува како купувач на вредно земјиште на Водно, а НоваТВ претходно објави дека е акционер во „Евробалкан хотелс ДОО“, фирма што подоцна го менува називот во „Хотел Ибис ДОО“. Тоа е фирмата што близу плоштадот „Македонија“ (на улица „Орце Николов“) го градеше хотелот „Ибис“. За „Бетон Штип“ на нивната страница стои дека ги имаат изградено Музејот на ВМРО-ДПМНЕ и Македонска борба, Меморијалниот центар на холкаустот и Народниот театар. Исто така и објектот на Инвест-банка, катната гаража „Макоил“ зад Универзитетска библиотека, хотел-казиното „Фламинго“ во Гевгелија... „Бетон Штип“ во проектот „Скопје 2014“ како изведувач учествува и во МЕПСО, зградата на Уставниот суд, Државниот архив и Археолошкиот музеј и партерното уредување кај МНР. За потребите на „Скопје 2014“ досега „Бетон Штип“ добила 34.343.706 евра. Проблемот е што досега изградбата на ФИНКИ и Факултетот за физичко образование се одвиваше во мрак, тајно и со неколку одлуки што повлекоа реакции. Двата високообразовни објекти се предвидени на простор од 11.238 квадратни метри, поточно ќе никнат покрај булеварот „Гоце Делчев“, наспроти „Мавровка“, во зеленилото на УКИМ. Градот Скопје за да придонесе во реализацијата на проектите и нивната изградба, оцени, а потоа и донесе одлука инвеститорот да биде ослободен за 60 отсто од надоместоците за уредувањето на земјиштето, по што МОН ќе може да извади Одобрение за градба. Градот му прости на министерството 59.733.220 денари, или близу милион евра. Она што најмногу го привлече вниманието на јавноста, а внесе револт кај архитектонската фела, беше конкурсот за избор на идејно решение на двата факултети. На конкурсот за изгледот на Факултетот за физичко образование беа доставени 10, а за ФИНКИ - 7 труда. И за двата беа избрани делата на Жарко Чаушевски, кој поради претходните барокни решенија во духот на „Скопје 2014“ доби „титула“ на „владин архитект“. Имено, Чаушевски и неговото студио „Архитектоника“ се автори на барокната зграда на „Водовод“, барокниот ГТЦ, фасада на Владата, новата Административна зграда на Државното станбено претпријатие што се гради покрај МОБ... Исто така, голем број од „барокните“ фасади на зградите (само од предна страна, задната остана запуштена) низ скопското централното подрачје се реконструирани токму по идејно решение на Жарко Чаушевски. И по повеќе месеци од објавувањето на резултатите од конкурсот, ресорното министерство молчеше околу организирањето на целокупната постапка за проектната документација за идните згради на факултетите. Службите од МОН не беа расположени да ја споделат одлуката на жирито во која се образложува изборот на победничкиот авторски труд од Конкурсот. Засега не се организираше соодветна изложба, што е нормално за поразвиените земји, каде што пошироката јавност би се запознала со визијата на сите 17 вклучени труда за факултетите од кампусот на УКИМ, особено што се работи за објекти од исклучително јавно значење. Нема ниту информации дали воопшто МОН контактирала со авторот на универзитетскиот комплекс, словенечкиот архитект и академик Марко Мушич, со оглед на тоа што двата факултети ќе влезат во постојниот архитектонски и изворен концепт на УКИМ. За несоодветниот Конкурс за објектите во УКИМ прв јавно реагираше Дејан Ивановски, дел од студиото „Архитектри“ и член на Асоцијацијата на архитекти на Македонија. Тој појасни дека во барањата за конкурсот во ниту еден момент не бил споменат архитектонскиот стил барок. Па, со тоа, помислиле дека е логично во рамките на Универзитетот, како независна институција, да биде распишан и независен конкурс. „Цртавме 30 дена, надевајќи се дека конечно дојде време да нацртаме зграда со која ќе се гордееме. Но згрешивме. Во тимот работеа и млади луѓе, патем одлично одговорни личности, кои се надеваа на некаква награда за својот сработен труд , признание за тоа што заедно со своите постари колеги одлучиле дека на самото место треба да застане современа зграда што ќе биде репрезент на младите луѓе што утре ќе се борат за своите права“, рече Ивановски. Архитектот потенцираше дека работеле на зграда што со своите карактеристики ќе одговара на местото и на контекстот во кој е поставена, почитувајќи ја изворната идеја. Гледале примери од локации што им биле референтен пример, главно од Европа, како географска одредница. „Потоа, легално, во рокот што беше предвиден од комисијата (во која нема ниеден проектант, баш ниеден) добивме одговор дека победник на легалниот конкурс во кој вистински, веруваме за последен пат, победил некојси Жарко Чаушевски. Не на едниот, на двата победил човекот! Истиот оној што ја поправи зградата на Владата, истиот оној што сака да го промени и ГТЦ...“, рече претходно Ивановски. Проф. д-р Влатко Коробар од Архитектонскиот факултет, пак, во текст за Окно се осврна на просторот и автономијата на Универзитетот. Потенцираше дека Универзитетскиот сенат по предлог на ректорот, со мнозинство гласови одлучил од Владата да побара средства за изградба на објект за потребите на Универзитетот, без прецизна намена и програма за објектот и без потребните детали вообичаени за ваква одлука. Иако имало барања за тоа, одлуката останала неусловена, односно не било утврдено под кои услови би се искористиле евентуално доделените средства. Така, на крајот на оваа авантура, сепак, како што рече, нема да се добијат средства за изградба на објекти, туку изградени објекти. „По неколку месеци од одлуката, предлагачот немаше одговор како универзитетскиот орган одлучил во комплексот на објекти за општествени науки да се изградат токму објекти за Факултетот за информатички науки и компјутерско инженерство и за Факултетот за физичко образование, спорт и здравје, иако веќе беше завршен конкурсот за избор на идејно архитектонско решение за објектите распишан од МОН, а според медиумите, членови на оценувачката комисија биле и деканите на овие факултети. Вообичаено, процедурата беше нетранспарентна, без увид на јавноста во пристигнатите и наградените трудови. Во духот на ’остваруваме’ пред неколку дена беше објавен јавен повик за избор на изведувач на двата објекта. По ова следува изградба на објектите. Така се најдовме во ситуација Универзитетот да добие два нови објекта без притоа да е позната процедурата низ која Универзитетот ја реализирал својата автономија во управувањето и самостојно одлучувал за изградба на објектите. Што е овде спорно? Сè! Од почетната одлука за барање средства за изградба на објект до последниот чин на избор на изведувач. Во целиот процес не е почитувана ниту автономијата во одлучувањето, ниту универзитетскиот простор. Учесници во тој упад во неповредливоста на универзитетскиот простор овој пат не се органите за безбедност, туку парадоксално, тоа се самите органи на универзитетот и неговите единици што си го суспендираа правото самостојно да одлучуваат. Упадот на две згради во кампусот на Универзитетот без автономна одлука на универзитетските органи е фактичка повреда на универзитетскиот простор. Згора на тоа - две грди згради. Иако е некоректно да се суди за објектите само врз основа на два објавени прикази на фасадите, тие слики и обемната евиденција распослана низ центарот на Скопје од истиот автор и во слична процедура, ни дава право да судиме и врз основа на толку штури информации“, напиша Коробар. Бојан Шашевски http://www.mkd.mk/makedonija/dogovorot-narasna-na-168-milioni-evra-ponudata-na-beton-shtip-najpogodna-za-baroknite ------------- „Некои луѓе никогаш не полудуваат. Којзнае колку ужасен живот живеат“ |
Posted By: Џоле
Date Posted: 12-Sep-2015 at 16:00
|
Добро ни дојде на форумов. ------------- За сè има вторпат |
Posted By: Џоле
Date Posted: 09-Nov-2015 at 10:43
|
БАРОКЕН УПАД ВО УНИВЕРЗИТЕТСКИОТ КОМПЛЕКС
Георги Константиновски (Авторот е архитект) Не сум доволно умен како да ја наречам таа земја којашто не ги почитува законите на културните придобивки од современата наука, техника и технологија. Јасно е дека токму таква земја е далеку од современиот свет и дека е подобро да се дефинира како земја на беден народ кој дозволува да биде раководен од примитивни политичари коишто ја туркаат сопствената земја на најниското цивилизациско скалило за сметка на сопственото богатење! Ете тоа е точната констатација за реалната состојба на нашата земја-македонска, во којашто без милост се девалвира културата, нашето минато, а со тоа и нашата иднина! Читам дека нов објект на Факултетот за информатички науки и компјутерско инженерство (ФИНКИ) ќе се гради во комплексот на универзитетскиот центар на Универзитетот „Св. Кирил и Методиј“ во Скопје. Веќе подолго време слушам дека во овој универзитетски комплекс се граделе два нови објекти, но никако не можев да поверувам дека такво нешто може да се случи без согласност на авторот на овој универзитетски комплекс! За запознавање на читателите, автор на овој комплекс е словенечкиот архитект Марко Мушич, потпретседател на Словенечката академија на науките и уметностите (САЗУ) од Љубљана. Архитект со светско реноме. Во 2013 година се појави на виделина книгата „Универзитетно средишче в Скопју“, опширна студија за овој комплекс на 140 стр. од авторот на ова статија во издание на Словенечката академија на науките и уметностите (САЗУ) и во соработка со Македонската академија на науките и уметностите (МАНУ). Книгата е отпечатена само на словенечки јазик, а поради немање доволно средства не е отпечатена на македонски јазик. Од овој податок произлегува дека Ректоратот на Универзитетот „Св. Кирил и Методиј“, кој е тесно поврзан со МАНУ, ја имал предвид целокупната состојба со содржината и обемот на комплексот! Исто така Ректоратот бил добро запознаен и со авторот на овој комплекс! Се прашувам: 1. Дали раководството на Ректоратот на чело со ректорот не знаело за авторството на објектите и на севкупното урбанистичко решение на овој комплекс? Ако не знаеле, тогаш БРАВО! А, ако знаеле, веројатно мислеле дека Македонија е земја во којашто секој може да прави што сака, не почитувајќи ги авторските права и законите кои владеат во една нормална држава. Ред би било ако сакаме да бидеме дел од Европа, прво што требало да направат одговорните е да го повикаат авторот на овој универзитетски комплекс и со него да се договорат за намерите на Ректоратот! Авторството на едно архитектонско или уметничко дело не застарува, ниту пак познава граници! Поради појаснување, тоа е многу слично ако на портретот на Мона Лиза од Леонардо да Винчи и' нацртате мустаќи и речете дека вие сте авторот на „Мона Лиза“! 2. Кој ја дава таа дозвола за овие нелегално отпочнати два објекти да бидат проектирани во „барок“. Во статијата на „Утрински весник“ е дадена сликата на новиот објект на ФИНКИ. Поморничава архитектура од овој прикажан објект сметам дека не постои на нашава планета. Срамота за македонската архитектура, срамота за оние што го нарачале овој проект, срамота за архитектот-автор на ова (не)дело, кој не поседува елементарна архитектонска култура! Овој архитект се споменува како автор на повеќе објекти кои ги проектира во стилот „барок“ и којшто има и реализирани објекти коишто се срам не само за целокупниот архитектонски сталеж, туку и за целата држава! Парите што ги зема за проектите не можат да ја покријат неговата лузна која ќе остане како црно петно засекогаш! Повеќе од јасно е дека не треба повеќе да се молчи! Доста беше понижување! Му советувам нему како и на оние блиски до него да се запрашаат во кој век живеат? Да се запрашаат дали со тоа што го прават денес ја изразуваат својата почит и благодарност кон своите професори. Ги советувам и наредбодавците да престанат да ги арчат безмилосно парите на овој народ. Македонија стана земја за исмејување за сите оние коишто доаѓаат да ги видат архитектонските „дострели“ - се' што е изградено во централната зона на Скопје во овие 5-6 години е срам за целокупниот македонски народ! во остатокот од текстот има и за други објекти на Скопје 2014 http://www.utrinski.mk/?ItemID=472BB789CC66604B80CBBBA0C9E1CBAC - http://www.utrinski.mk/?ItemID=472BB789CC66604B80CBBBA0C9E1CBAC ------------- За сè има вторпат |
Posted By: BOJAN
Date Posted: 09-Nov-2015 at 13:26
| Конечно некој да реагира. По година дена од почетокот на целосната постапка за избор на овие чудовишта во комплексот факултети, конечно некој архитект да се одважи и да реагира. За многу од овие работи што професорот Константиновски ги пишува во својата статија веќе сме реагирале, но добро е сега веќе има и експертско видување на оваа тема. |
Posted By: Bojan10
Date Posted: 09-Nov-2015 at 14:53
|
Може и нема лошо да испадне тоа Бундестагот ама не му е тука место. Све и да се вклопува со комплексот и да е во тек со денешните светски градежни стилови и тенденции, тука да ставиш ФИНКИ е ко финансова полиција до опера и балет.
За жал, земјиштето меѓу техничките факултети и Илинденска го продадоа за згради. Иначе, перфект место за станче кој сака да си земе. Близу зоолошка, близу градски парк, стадион, арена Борис Трајковски, близу има оснобвни и средни училишта, по Илинденска си за минутка у центар,..., ама тука требаше да се направи зграда за ФИНКИ, нешто може и домување за студенти. ------------- Од чаламот си патиме! |
Posted By: BOJAN
Date Posted: 09-Nov-2015 at 16:33
|
Како да ви објаснам. Причината зошто се градат „барокни“ згради во кампусот факултети не е за т.н. развој на високото образование итн. итн. Локации за градење на образовни институции може да најдат во Скопје, а особено на местото на веќе постоечките зданија во Карпош 2. Да не заборавиме, тука има бараки на Факултет за драмски уметности, кој наскоро се сели во новата зграда покрај Вардар. Башка, барем уште две парцели може да се формираат на оваа локација.
Причината поради која се градат „барокни“ згради во факултетскиот кампус е покажување на тоталитарна моќ, комбинирана со испрден балкански менталитет. Премиерот сака да покаже дека ја воспоставил контролата и врз УКИМ, и тоа сака да го направи на еден едноставен начин, така што ќе си насади објекти во кампусот. Никаква филозофија за архитектура нема тука. |
Posted By: kultuzin
Date Posted: 09-Nov-2015 at 17:04
Boki epten si vlezen vo film. |
Posted By: phenomenon
Date Posted: 09-Nov-2015 at 17:07
|
Соседното Крњево на идниве барокни згради во кампусот факултети, во каков архитектонски стил е изградено? ------------- 開始されていないだけの戦いが失われ、 |
Posted By: Bojan10
Date Posted: 09-Nov-2015 at 17:18
|
Може да не е и за тоа, ама може да послужи за тоа, мислам за развој на високото образование.
Како да ти кажам, еве и Дахау си има функција и денес, таму ги сместуваат мигрантите пред да одлучат што со нив. 
Не сум јас толку патетичен по тоа прашање. Не ми е гајле дали е диктатура или не, дали е либерална џунгла или не, би можел да живеам во диктатура, ама да има квалитет. Еехеј, во какви диктатури какво образование и какви ликови имаат изникнато. Проблемот е во тоа што кога ќе пројдам покрај МНТ да кажеме, смрди на неквалитет, го нема тој премиум филинг. Ваљда знаат архитектите дека и употребените завршни материјали имаат улога во финалната оценка за објектот, не само барокните текстури. Груевски го изеде неквалитетот. Ќе го плукаат највише заради неквалитетни кадри. Еве и да одлучил на погрешна локација да се смести некоја зграда што е глупо ама ајде, зошто таа не би изгледала добро?! Па најголем дел од големите барокни, неокласични зданија низ Европа се правени по државен налог и во тешки диктатури. Ама биле ангажирани најјаките архитекти, а не наши партиски деца. И кога ќе си отиде Груевски, никој разумен нема да може да каже дека е направен квалитетен проект, добра зграда. Ма да, мене некои ми се доста интересни. Обвинителство и финансова ми е фаворит, со мали исправки. На ФИНКИ му треба зграда, му треба опрема, по чиј и да е налог, и каде и да се направи ќе може да се плука само од архитектонска гледна точка, и тоа кец у кец, зашто ништо немаат направено до сега како што треба, и логично е дека ни ова нема да биде како што треба, ама ќе си врши работа. ЕДИТ: Имаше некои прашуваа како тоа се чувствувал неквалитетот. Еве: 
Или кога ќе шљапнеш во милионски вир: 
Или кога ќе ги погледнеш рамките на прозорците, или фиктивните столбови горе  
 ------------- Од чаламот си патиме! |
Posted By: King
Date Posted: 09-Nov-2015 at 19:05
| Очигледно имаш многу изострени чувства, штом од десетици објекти и уште толку фасади ти најде една локва и половина метар квадратен излуштена фасада како круцијални докази за неквалитет. Ако одиме и ѕиркаме по зградите секако дека ќе пронајдеш уште некоја незакована шајка, ама недоволно за да подмирисне, а камо ли да замириса на неквалитет. Мене оваа целата работа ми смрди на нешто друго. |
Posted By: zabegan
Date Posted: 10-Nov-2015 at 01:54
не сум загрижен веќе за тоа како изгледаат објектите низ градов, како ќе изгледа УКИМ и што ќе се гради кај него (тие грижи одамна отидоа јабана), загрижен сум за фактот што новата грандиозна зграда на ФИНКИ, е буквално опколена со едно огромно, неконтролирано, од господ забаталено гето... ...и сега тоа највеќе ме боли, што живеам во средина со извитоперени идеали и потреби каде ваквиот тип на урбанизам во сред град е нормална и прифатлива појава во 21-ви век... ------------- Architects create dreams...politicians create nightmares |
Posted By: Petar Skopje
Date Posted: 12-Nov-2015 at 00:27
| Гипсов мене ми делува многу квалитетно. |
Posted By: zabegan
Date Posted: 13-Nov-2015 at 03:21
исто како што не ти е страшно тоа што цела задна фасада на АЕК е утната... на проеклетиот лажен столб што се гледа на фотографииве, му фали парче онму каде што се допираше со балконот на комерцијална, оној што го искасапија за да може да дише АЕК, која буквално се допираше со објектот, што е доста опасно и без земјотреси и ветрови... тоа ти е исто како мост кога се почнува од две страни, да ја утнат спојката меѓу платформите за пола метар... не е ништо страшно нели? no big deal... фак инжињеринг енд планинг и сето тоа зато што мораа да напикаат објект онаму ни каде што со најголема фантазија не може да се замисли, и еден таков комплициран зафат да го дадат на најнеписмените луѓе кои ќе креираат фасада по нарачка, и тоа само од страната на кејот, која ќе се гледа и слика, и со тоа најбитното е завршено нели? а другото не е битно, затоа што објект постои за фасадите да му ги сликаат, а не за тоа да биде безбедна и функционална работна средина и добро да биде осмислен како целина со сите нишани ако целта беше тоа, боље да креневте еден голем театарски параван пред објектот на комерцијална и со тоа маките и фрустрациите поради кои досега очигледно навечер не можевте мирно да спиете, ќе ви беа завршени ------------- Architects create dreams...politicians create nightmares |
Posted By: Staro Skopje
Date Posted: 15-Dec-2015 at 21:42
|
Од https://www.facebook.com/StudentPlenum/posts/1703496059880676 - facebook
Добивме информација од пензиониран Професор од Природно-математичкиот факултет при УКИМ, која вели: „За информација на граѓаните и студентите на УКИМ можам да им соопштам дека Факултет за информатички науки е веќе почнат да се гради во рамките на просторот на Природно-математичкиот факултет зад Институтот за Хемија под брдото Гази Баба уште во времето на покојниот претседател Борис Трајковски 2002 год. Темели за идниот (за жал "небарокен") факултет се поставени. Изградена е карабината на првиот спрат. Председателот Борис Трајковски 2002 год. лично пресече лента за почеток на изградба на Факултет за информатички науки. А зошто проектот се стопира и не се реализа не се дозна. Единствено ме чуди што мојот бивш студент по биологија сегашниот ректор Велимир дозволил изградба на нов таков објект кога добри 15 години одејќи од ПМФ-Скопје, поточно Институтот за биологија кој е на брдото (каде дипломира, магистрира и докторира), до Ветеринарниот факултет и обратно неминовно поминувал покрај таа започната па недовршена градба. Ако граѓаните и студентите на УКИМ сакаат да се уверат дека таква градба веќе била почната нека отидат до хотелот КОНТИНЕНТАЛ, нека ја поминат улицата преку подземниот пешачки премин. Потоа зад ОПШТИНАТА ГАЗИ БАБА нека продолжат до Институтот за хемија и зад него во подножјето на Гази Баба ќе ја видат карабината на несудениот Факултет за информатички науки. Зошто да се трошат нови пари за нов факултет со ист наслов кога еден таков е веќе започнат да се гради“. Спомената градба навистина постои, како што можете да забележите од приложените фотографии преземени од Google Maps. Зошто изградбата на овој објект е стопирана, односно кое е објаснувањето? Дополнително, зошто не продолжи изградбата на овој веќе-постоечки објект туку се предвидува целосно нов? 
 ------------- Градот убав никна, но го откорнаа |
Posted By: Џоле
Date Posted: 18-Dec-2015 at 10:10
|
КУЛТУРНОТО НАСЛЕДСТВО ДОЖИВУВА КОЛАПС
Георги Константиновски Во 1974 година Универзитетскиот комплекс во Скопје беше предаден во употреба. Тој беше изграден според првонаградениот конкурсен труд на словенечкиот архитект Марко Мушиќ. Со своите раситнети габарити подредени кон сите страни на светот, беспрекорно ја спроведе девизата на архитектонската наука за приспособување на проектираните објекти кон постојната инфраструктура изразена од приземни и нискокатни објекти во стариот дел на градот Скопје. По реализацијата на проектот, овој комплекс се појави речиси во сите стручни архитектонски списанија во светот како достојно архитектонско дело коешто на Скопје му ја подигна репутацијата како град на современата светска архитектура и со која, сосема нормално, градот се здоби со епитетот - град на модерната архитектура! Пред само три години се појави на словенечки јазик и книгата посветена токму на овој Универзитетски кампус составен од Филозофскиот, Правниот и Економскиот факултети, како и од објектот на Ректоратот, како составен дел на општата просторна архитектонска композиција. Овие објекти во духот на местото и локацијата се распостилаат во централната зона на една кружна интерна колска сообраќајница којашто периферно ги опслужува сите факултети, како и со посебен влезен дел за студентите со соодветен паркинг, како блиска и непосредна врска со сите факултети. И така овој универзитетски комплекс живееше низа години во амбиент достоен за работа и образование на младите луѓе жедни за наука. Условите за работа на наставниот персонал, како и на студентите беа од корен променети во позитивна насока во однос на поранешните кои се одвиваа во објекти кои не одговараа на потребите на времето. Околината на сите објекти во овој комплекс беше облагородена со парковски зелени и цветни површини неопходни за нормалниот живот на корисниците. Во 2008 година започна деградацијата на архитектурата на целиот комплекс. Како современ објект во духот на светските дострели во модерната архитектура, се започна со покривање на рамните покривни површини со лимени закосени „капи“ против прокиснување, со што се направи првиот чекор кон неговата деградација. Авторот на овој комплекс (сега претседател на Словенечката академија на науките и уметностите) веднаш реагираше поради промената на физиономијата на сите објекти. (За да биде ова посликовито прикажано, тоа е речиси исто како кога на главата на една девојка со прекрасно средена коса ќе и' поставите војнички шлем!) Но на неговата реакција не му беше удостоено да добие каков било одговор! Во 2015 година започна фронтален напад на целиот универзитетски комплекс со сечење на високите дрва, со цел да се подготви теренот за изградба на два нови факултети! Управата на Ректоратот на чело со ректорот не само што не најдоа за сходно да го спречат овој незаконски упад и вандалски чин, туку не се ни погрижија да го изнесат или оправдаат пред јавноста. За да биде сликата поцелосна, за овие два објекти проектите беа претходно изработени и подготвени за изведба!? Со цел Македонија да се претстави пред светската цивилизација на 21 век, како земја којашто чекори паралелно со современите дострели на архитектурата, со овие два објекта проектирани во квазибарокен стил, кој во најмала рака претставува краен примитивизам и навреда за државата, нашата земја се фрла на опашката на светската цивилизација! Заслепеноста за пари, како и комплетната духовна и морална заостанатост на творците на овие објекти коишто си дозволуваат во еден комплекс како бисер на современата светска архитектура да вметнат туѓо тело во здравиот организам не е ништо друго освен злосторничко дело од најтежок степен! (Авторот е архитект) http://www.utrinski.mk/?ItemID=2385A3E504DCFC4CA19FBE428DD3936F - http://www.utrinski.mk/?ItemID=2385A3E504DCFC4CA19FBE428DD3936F ------------- За сè има вторпат |
Posted By: Petar Skopje
Date Posted: 21-Dec-2015 at 12:23
Пустошот кој остана по денот на дрвото. |
Posted By: King
Date Posted: 21-Dec-2015 at 17:30
|
Факултетиве биле на друга позиција од моите претпоставки, ова ќе испадне многу подобро од моите очекувања.
|
Posted By: alexsend
Date Posted: 21-Dec-2015 at 17:53
|
4 години студирав таму, место за паркинг нема. На тоа додај хаос од 10.000+ студенти. А сега додај уште 2.000 и сигурно уште 300 автомобили.
Не мора се да биде на куп во центар! Отворете GoogleEarth и видете колкаво е Скопје, има место на претек. А факултет за фискултура не е пологично да биде опкружено со парк, терени, сали... ------------- Јас Скопје никогаш не сум го замислувал вака. |
Posted By: Petar Skopje
Date Posted: 21-Dec-2015 at 19:33
| Логиката е надмината работа. Тука се пари во прашање. |
Posted By: kultuzin
Date Posted: 21-Dec-2015 at 22:43
А зошто има толку автомобили не ми е јасно стварно. |
Posted By: alexsend
Date Posted: 22-Dec-2015 at 19:38
|
Затоа што на голем дел од младите животна желба им е да имаат автомобил па штом наполнат 18 купуваат. Ама не е проблем тоа. Проблем е што во непосредна близина на најоптоварените раскрсници во градот се додаваат нови објекти кои генерираат сообраќај: административни згради/министерства, факултети... Но тоа е зошто немаме сериозна студија за развој на сообраќај па се гради кај се најде празен простор. А простор во Скопската котлина има на претек. ------------- Јас Скопје никогаш не сум го замислувал вака. |
Posted By: FT
Date Posted: 22-Dec-2015 at 19:40
|
http://kajgana.com/vaka-kje-izgleda-noviot-univerzitet-vo-shvedska
|
Posted By: zabegan
Date Posted: 23-Dec-2015 at 01:35
------------- Architects create dreams...politicians create nightmares |
Posted By: fichot
Date Posted: 23-Dec-2015 at 02:31
Остај. Не знат шо е убаво. |
Posted By: Petar Skopje
Date Posted: 23-Dec-2015 at 08:29
Фантастично. |
Posted By: Bojan10
Date Posted: 23-Dec-2015 at 23:50
|
За вкусови не се расправа, ама мене ова не ми се допаѓа.
Ваков стакларник во Македонија не може да функционира на +50 степени Целзиусови. Можеби просторот е добро организирани, практичен и мотивирачки за студентите, ама ако е различен од барок не мора да значи дека е добар.. ------------- Од чаламот си патиме! |
Posted By: fichot
Date Posted: 24-Dec-2015 at 00:14
|
Затоа може да функционира на -50 во Шведска?
|
Posted By: zabegan
Date Posted: 24-Dec-2015 at 01:07
за нас само цигла и малтер... други материјали никако ------------- Architects create dreams...politicians create nightmares |
Posted By: Џоле
Date Posted: 06-Jan-2016 at 12:55
|
Академик Марко Мушич: Никој ме нема известено за двата нови факултети во кампусот на УКИМ
Во функција на добивање сеопфатни и детални информации во однос на изградбата на двете „барокни“ згради во кампусот на скопскиот Универзитет „Св.Кирил и Методиј“, редакцијата на „Билд“ стапи во контакт со словенечкиот архитект и академик Марко Мушич, автор на изворното идејно решение за Универзитетскиот кампус изграден во 1974 година. Одговорите на поставените прашања ги објавуваме интегрално, со превод на македонски јазик: Две нови згради ќе бидат лоцирани во постоечкиот парк пред зградата на Ректоратот во кампусот на УКИМ. Кое е вашето лично мислење во однос на проектот со кој се градат два нови објекти во Универзитетскиот центар во Скопје? #Во просторот што го наведувате како локација за новите факултетски згради, значи во просторот на западната страна на ректоратот (која гледа кон центарот на градот), во првонаградениот проект и во сите фази на проектирање се предвидени програми и објекти за студентски културен центар. Тоа се Aula Magna, голема универзална повеќенаменска дворана за сите видови на приредби, помали сали, сали за музички, драмски, експериментални и други активности, изложбени простори за ликовно творештво, дизајн итн., како и сите неопходни пропратни простории за подготовка и изведба на програмата и за посетителите на тоа Универзитетско културно средиште. Тоа се програми, односно згради, воглавно лоцирани на јужната страна на централниот, квадратно оформен Академски плоштад. Плоштадот на западната страна започнува од старата бања како објект од културното наследство, а на источната страна завршува со зградата на Ректоратот. На северната страна на Академскиот плоштад се наоѓаат дополнителни програми и објекти за друштвени и пропратни содржини, кои на студентите и вработените од образовните институции во Универзитетскиот комплекс им овозможуваат сè што е потребно за пријатен живот и работа; значи програми кои на академските аспекти на образованието, воспитанието и научната работа им ја додаваат својата вредност и цена. Треба секако да се нагласи дека сите сегменти од програмата во контекст на Академскиот плоштад се воедно наменети и отворени кон градот. Поради тоа, Академскиот плоштад со јавните програми за култура, разонода, творештво, итн. е лоциран помеѓу центарот на градот и внатрешниот комплекс на кампусот со Филозофскиот, Економскиот и Правниот факултет. Овие факултети (и нивните придружни програми) се распоредени околу Агората, универзитетскиот плоштад. Објектот на Ректоратот, кој слично на портал е издигнат над главната променада, надолжна оска, претставува премин од градот и јавните содржини на Академскиот плоштад (на западната страна од Ректоратот) во клаузурата на комплексот факултети, придружните институти и итн., кои се распоредени околу универзитетскиот плоштад (Агора) и изградени на источната страна на Ректоратот. Од сето ова е јасно дека лоцирањето на наставни содржини предвидени во внатрешниот комплекс на Универзитетскиот кампус (значи на источната страна на Ректоратот) и во влезното подрачје на Академскиот плоштад (на западната страна на Ректоратот, односно кон центарот на градот), предвиден за јавни културни и пропратни содржини, е несфатливо за мене како што е и неприфатливо за почитувањето на основниот концепт на Универзитетскиот центар „Св. Кирил и Методиј“. Низ долгиот професионален пат по кој поминав, сè повеќе сум уверен дека е најважно да се почитуваат основните концепти на големите комплексни, испреплетени и комплицирани целини. Тоа е она што е потребно да се почитува во сите фази низ времето. Тоа се потпорните точки кои обезбедуваат чистина во мислата, идејата и концептот, и единствено ја гарантираат смислата и успехот на сите понатамошни идни визии, интервенции и реализации. Ако се наруши основниот концепт, се распаѓа смислата, квалитетот, вредноста, употребливоста и јасноста на целовитиот организам. Жал ми е што одговорните лица никогаш не сметале за корисно, па дури и за потребно, да ме исконтактираат и консултираат како оригинален автор на комплексот и поединечните згради. Не толку поради мене лично, и цивилизираниот, етички и коректен однос во однос на моето дело и трудот на бројните одлични тимови и поединци со кои сме го конципирале и реализирале Универзитетскиот комплекс. Жал ми е првенствено поради сите оние што во тој комплекс се посветуваат на врвна научна и креативна работа, како и на хуманите и хуманистичките цели на академско образование. Со таквите, по мое мислење, непромислени и воедно арогантни активности, се уништува не само тоа што било направено и што постои. Се уништуваат сите јасни и отворени можности за иднината, која сè уште претставува значаен, пресуден фактор во просторното и архитектонското планирање и проектирање. 2. Дали некој ве исконтактира од македонското Министерство за образование и наука или од Универзитетот „Св. Кирил и Методиј“ во врска со овој проект? Во 2006 година добив барање за да се одрекнам од авторските права за Универзитетскиот центар во Скопје, и со тоа да дадам согласност за изградба на Италијанскиот медиа центар во позадината на Филозофскиот факултет, објект проектиран од друг архитект. На тоа барање одговорив со реакција дека не се одрекнувам од авторските права и не давам согласност за изведба по проектот на друг архитект. Официјално протестно писмо против таа постапка и барање што е против етичките и моралните кодекси и авторски права упати Претседателството на Словенечката академија на науките и уметностите (САНУ) до Македонската академија на науките и уметностите (МАНУ). На моја иницијатива, во 2006 година се состанав со тогашниот Ректор на скопскиот универзитет. Ректорот ми предложи да испратам писмо до сите декани на факултетите што се вклучени во Универзитетскиот центар, во кое ќе ја изразам мојата спремност за соработка при доградбата и обновата на тие објекти. Основна цел на разговорот беше почитувањето на моите авторски права и вклучување во процесите на подготовка, проектирање и изведба на идните згради во Универзитетскиот центар. Резултати од сите овие активности немаше. И покрај наведениот протест и непотпишаниот документ на авторот за согласноста со другиот проект, објектот беше изграден. Уште повеќе, дознав дека негов проектант е професор на Архитектонскиот факултет во Скопје. 3. Дали бевте вклучени на некое ниво од процесот на донесување одлуки, пред или за време на архитектонскиот Конкурс? Како одговор на вашето прашање, нагласувам дека никој од одговорните лица, како од Министерството за образование и наука, така и од Универзитетот во Скопје, никогаш не ме исконтактирале во врска со актуелниот проект за изградба на идните факултети во подрачјето на Универзитетскиот центар во Скопје. За идната изградба во Универзитетскиот комплекс дознав од вашето писмо. Мојот единствен, за жал, неуспешен контакт со Ректорот и неговите соработници, кој беше остварен на моја иницијатива и со поткрепа од МАНУ, веќе го споменав. Од тогаш па сè до денес, а исто така и пред 2006 година, никој никогаш ме нема исконтактирано, ниту пак има побарано мислење и соработка како оригинален автор. Мојот став е сосема идентичен со оној што веќе еднаш, на средбата по сопствена иницијатива, му го нагласив на Ректорот во 2006 година. Тоа значи дека би било нормално и етички, па дури поволно и корисно, да се вклучи изворниот автор во понатамошните процеси на уредување, проектирање и изградба, односно авторот на првонаградениот проект за урбанистичко и просторно решение и архитектура на изградените објекти. Во ова и понатаму верувам. Не се работи за мојот личен интерес. Станува збор за многу позначајна тема. Станува збор за почитување на континуитетот и традицијата на просторното творештво, тема која е пресудна за идентитетот на еден народ, неговото наследство и култура. Тема која била присутна во сите епохи на минатото, и која воедно е уште позначајна во денешниот глобален свет. Во ситуација во која еден по друг се губат идентитетите на малите народи и средини. Следствено на ова, неопходно е идентитетот не само да се чува, туку и да се зацврстува. Само преку националниот идентитет може успешно да се спротивставите на интересите и намерите на другите народи и цивилизации, кои се засноваат на аргументите на моќта и големината.  Бојан Блажевски bojan.blazevski@build.mk http://www.build.mk/?p=47955 - http://www.build.mk/?p=47955 |
Posted By: stef4o
Date Posted: 21-Apr-2016 at 18:52
| Denes pominav ottuka,imaat iskopano golema dupka no nema nekoi poznacajni aktivnosti,izveduvac mislam e Beton Stip. |
Posted By: zabegan
Date Posted: 08-Nov-2016 at 17:34
|
нешто што мислам дека не сме го регистрирале на форумов, од студио BMA... патем студиово има учествувано на голем дел од конкурсиве во Скопје, меѓу кои за Филхармонијата, Театар центар, Универзална сала, а и за објектот на ФИНКИ што го има малце поназад во нишкава
http://besianmehmeti.com/skopje-think-belt/ - http://besianmehmeti.com/skopje-think-belt/  ------------- Architects create dreams...politicians create nightmares |
Posted By: stef4o
Date Posted: 28-Dec-2016 at 17:31
Еве некоја постара фотка од октомври,инаку веќе се излезени над земја
|
Posted By: BOJAN
Date Posted: 23-Sep-2017 at 20:43
Туѓото тело во кампусот на УКИМ премолчено и забрзано се гради. И за викенд има работници на терен, очигледно дека на некому му е важно да се завршат грдосииве што побрзо:
|
Posted By: Staro Skopje
Date Posted: 24-Sep-2017 at 22:09
Овие се катстрофални, и сами по себе и како дел од околината. Мора што побрзо да се запре работата за штетата да биде помала. Просторот или да се пренамени во парк, или да се изградат мали зградички со архитектура слична на факултетот каде би биле сместени простории важни за комплексот факултети (библиотека, книжара, мал културен центар - амфитеатар, кино, театар) или да се изградат факултетите со изглед сличен на зградите од 1974. Доколку се градат на друго место (идеална локација е близу ПМФ), тогаш да имаат модерен изглед. Вака изгледа универзитетска зграда од 21 век:
https://dtmw9u23bb9ya.cloudfront.net/uploads/image/file/4350/R36_top_modern_uni_uk.jpg - https://dtmw9u23bb9ya.cloudfront.net/uploads/image/file/4350/R36_top_modern_uni_uk.jpg 
http://www.greenroofs.com/projects/ntu_singapore/ntu_singapore2.jpg - http://www.greenroofs.com/projects/ntu_singapore/ntu_singapore2.jpg ------------- Градот убав никна, но го откорнаа |
Posted By: skopskodete
Date Posted: 24-Sep-2017 at 23:53
| А ја мислам боље сите згради да се срушат и на нивно место да се подигне одново целиот комплекс, пошо реално тие згради што се изградени се едноставно ужасни и не соодветствуваат за универзитет, пошо како прво не ни можеш да се разминеш кога одиш низ голем број ходници на тие факултети, а толку голем е целиот простор... |
Posted By: BOJAN
Date Posted: 25-Sep-2017 at 09:52
Причината зошто не можеш да се разминеш е гужвата пред кабинети и ништо повеќе од тоа. Барем јас можам да го кажам од моето искуство со кампусот на УКИМ. Е сега, причина за тоа е што професорите си ги пишуваат оценките и држат испити во кабинетите, а не во амфитеатри и предавални. Не се согласувам. Идејата за тоа како е распореден внатрешниот простор на факултетите од архитет Мушич е сам по себе филозофија. Сакам да кажам, може да се напише цела книга за тоа. |
Posted By: Staro Skopje
Date Posted: 25-Sep-2017 at 10:04
|
Се согласувам дека можеле малку подобро да го искористат просторот, особено природното осветлување внатре, но сепак делото на арх. Мушич е извонредно.
Дали некој ја има книгата „Univerzitetno središče v Skopju“ од Константиновски? За жал на интернет има само неколку скриншотови. Еве што најдов: http://www.worldcat.org/title/univerzitetno-sredisce-v-skopju/oclc/966601356?ht=edition&referer=di - http://www.worldcat.org/title/univerzitetno-sredisce-v-skopju/oclc/966601356?ht=edition&referer=di 
http://bvbr.bib-bvb.de:8991/exlibris/aleph/a22_1/apache_media/IC5GY1SF1FDKNA1RI57SQ9M566YH5P.pdf - http://bvbr.bib-bvb.de:8991/exlibris/aleph/a22_1/apache_media/IC5GY1SF1FDKNA1RI57SQ9M566YH5P.pdf 
http://www.ateljemarkomusic.si/univerzitetno_sredisce_v_skopju.html - http://www.ateljemarkomusic.si/univerzitetno_sredisce_v_skopju.html 
http://www.ateljemarkomusic.si/p_skopje.html - http://www.ateljemarkomusic.si/p_skopje.html ------------- Градот убав никна, но го откорнаа |
Posted By: BOJAN
Date Posted: 25-Sep-2017 at 14:24
| Ја има книгата за Универзитетскиот кампус, но проблем е скенирањето за да ја поставам на нет. Се надевам дека преку еден проект што допрва ќе следува ќе го надминеме и овој проблем. |
Posted By: zabegan
Date Posted: 25-Sep-2017 at 16:21
|
мене лично не ми се допаѓа кампусот... можеби има некоја голема архитектонска филозофија во него, ама освен импресивниот ентериер (како и најчесто во брутализмот) комплексот е премногу комплексен за окото на случаен минувач... затоа толку голем број на луѓе имаат одбивност кон него ...повеќе личи на научен експеримент, отколку на сериозен функционален објект згора на тоа, па и проблеми во изолација, па мораа онака шалабајзерски да шлапнат лим врз сето тоа ------------- Architects create dreams...politicians create nightmares |
Posted By: skopskodete
Date Posted: 25-Sep-2017 at 16:27
Тоа што внатрешниот простор е сам по себе филозофија, и тоа што може цела книга да се напише за тоа, во ниту еден случај не го оправдува тотално нерационалното користење на просторот. Професори се движат, студенти се движат, се држат предавања, голем дел од времето многу луѓе поминуваат таму итн. Тоа е универзитет, и затоа треба просторот да биде рационално искористен со цел да има непречено движење на сите, а не да се прават филозофии и да се пишуваат книги за објектот. |
Posted By: Џоле
Date Posted: 25-Sep-2017 at 16:54
|
Можеби концептот е добар на стариот комплекс, но времето и зголемениот број студенти и професри веќе го надживеале. Сепак, не мора да значи дека некаква самонаречена неокласична зграда ќе биде подобар избор ако не се посвети внимание токму на проблемот со капацитетите и распоредот на просториите во новата зграда. Сметам дека некое современо решение (и екстериер и ентериер) би биле вистинскиот одговор за ова наше, сегашно време. ------------- За сè има вторпат |
Posted By: BOJAN
Date Posted: 25-Sep-2017 at 18:19
| Архитектонското решение на Марко Мушич никогаш не е довршено во реалноста. На исток и на запад биле предвидени дополнителен број на објекти, а да не заборавиме дека Филозофскиот и Филолошкиот факултет по еден природен пат на еволуција требало да се одвојат просторно до денешен ден. Да не набројувам многу лудории за кои не е крив самиот автор. На пример, во архитектонското решение била предвидена климатизација, но нашите власти никогаш не ја реализирале! |
Posted By: BOJAN
Date Posted: 25-Sep-2017 at 18:22
| Во однос на самиот простор, централниот коридор (отворениот амфитеатар) на сите три факултети е наменет за студентите и професорите. Предвидени биле предавања на отворено, Мушич ја презема идејата од античка Грција. Централниот плоштад околу трите згради е наменет за одржување на разни настани. Тоа што не е искористена неговата идеја е резултат на некреативноста на самите студенти и професори. Ако се сетам што се направија Студентски пленум пред неколку години на овие локации од настани... |
Posted By: stef4o
Date Posted: 06-Jan-2018 at 11:07
Еве една денешна
|
Posted By: Staro Skopje
Date Posted: 24-Feb-2018 at 19:04
|
Натрапниците сѐ уште се градат, притоа навредувајќи ги комплексот и здравиот разум. Зошто реализацијата на оваа луда идеја на поранешното диктаторче не е стопирана, за потоа туѓото тело полесно и поефтино да може да се отстрани?
Во име на народот на Град Скопје, Република Македонија, студентите и архитектите, треба налог за запирање на изградбата, па да се дискутира за решението кое моментално се гради, и да се одлучи што потоа. Најдобро е да се срушат, на нивно место да се врати паркот, а простории за ФИНКИ и ФФОСЗ да се изградат кај ПМФ. Истовремено, да се изработи проект за автентична реконструкција и збогатување на кампусот.
Има некој напредок? ------------- Градот убав никна, но го откорнаа |
Posted By: skopskodete
Date Posted: 24-Feb-2018 at 19:44
|
Една идеја да се нарече луда значи да биде крајно несоодветна, а градењето на објекти за два факултети кои немаат реални објекти е далеку од луда.
|
Posted By: Staro Skopje
Date Posted: 24-Feb-2018 at 22:30
|
Овие објекти се сосема неповрзани со околината и нарушуваат веќе оформена целина. Згора на тоа, изгледаат ужасно и верувам дека се нефункционални - како големото џуџе кое треба да биде Кривичен суд од карши и остатокот од Скопје 2014. Да не напоменувам дека не се плод на сеопфатна јавна дебата и конкурс, туку на на едно бившо диктаторче. ------------- Градот убав никна, но го откорнаа |
Posted By: Glava
Date Posted: 25-Feb-2018 at 12:47
Колку некој треба да биде исполнет со злоба за да каже вакво нешто?? Ова ли е порака што треба да се испрати на неколку илјади студенти, дека поради естетски причини објектите за вашите нови факултети ќе ги урнеме (речиси изградени), па ќе размислиме дали/како/кога/каде можеби ќе изградиме соодветни - а дотогаш вие одете студирајте во странство или притеснете се во постоечките никакви услови, само за да не се наруши нашиот естетски поглед на “купот од грд бетонски комплекс“ во рамките на универзитетскиот кампус |
Posted By: Џоле
Date Posted: 25-Feb-2018 at 13:09
|
Каков неверојатен автогол, не можев да не се вмешам. 
Ќе те парафразирам: Колку некој треба да биде исполнет со злоба за да изгради вакво нешто?? Ова ли е порака што треба да се испрати на неколку илјади студенти, дека поради хиртовите на еден човек кој губи контакт со реалноста опиен од власт, објектите за вашите нови факултети се градат во т.н. неокласичен стил со сомнителен квалитет и со распоред на простории што најверојатно нема да одговара на образовните потреби, па ќе размислиме дали/како/кога/каде можеби ќе изградиме соодветни - а дотогаш вие одете студирајте во странство или притеснете се во постоечките никакви услови, само за да не се наруши нашиот естетски поглед на “купот од грд бетонски комплекс“ во рамките на универзитетскиот кампус. А за пораката што се праќа кога премиерот на една држава истовремено глуми архитект, просторен планер, естет, урбанист, ги заобиколува сите законски правила и прописи само да го спроведе намисленото итн. - мислам дека и излишно и да се зборува.  ------------- За сè има вторпат |
Posted By: <Fresno>
Date Posted: 26-Feb-2018 at 08:27
Со оглед на тоа што не е ни завршена карабина, ниту една од овие работи не мора да излезе точна. Ако толку им смета неокласика - нов проект за фасада, строг надзор и... ревизија на внатрешниот план? Иако не знам од каде ја извлече оваа претпоставка. |
Posted By: Џоле
Date Posted: 26-Feb-2018 at 09:42
|
Сите досега изградени згради во проектот Скопје 2014 се изградени со еден куп пропусти, така што не треба ни да се доградуваат овие за да знаеме дека ќе бидат фушерај. За тоа имаш повеќе текстови во темата за Скопје 2014. Можеше да се оди со современ изглед, употреба на еколошки материјали и енергетски ефикасни зданија, не треба да се измислува топла вода за тоа, само треба да се видат искуствата на поразвиените земји, и ќе добиевме релативно евтини, а сепак практични факултети. А вака, само џабе фрлени пари. ------------- За сè има вторпат |
Posted By: <Fresno>
Date Posted: 26-Feb-2018 at 10:53
| Да не се повтарам, прочитај го постот уште еднаш. Во врска со квалитетот, каква врска имаат другите проекти со овој (дури и сите да се со пропусти)? Сегашниот инвеститор нека го истера без пропусти. Во опасен реваншизам се навлегува, уште малце водовод што го поставил Коце ќе почне да се вади. |
Posted By: BOJAN
Date Posted: 26-Feb-2018 at 11:49
|
Чешкиот урбанистички планер Лудјек Кубеш при изработката на ГУП за Скопје(последниот пред земјотресот) го предвидел универзитетскиот и студентски град на локацијата испод парк-шумата Гази баба. Затоа, на оваа локација се изградени ПМФ, Шумарски и студентски дом.
Локацијата за овие два „барокни“ факултета кај Универзитетскиот кампус е дефинитивно погрешна, а на просторот кај ПМФ има дефинитивно простор за да се сместеа овие два факултета (ФИНКИ и ФС) на овој простор. |
Posted By: Glava
Date Posted: 06-Mar-2018 at 04:32
Апсолутно се согласувам дека не е доцна да се интервенира со нов проект за фасадата - објектите се сеуште во фаза на карабина. Но акт на лудило е нивното рушење. А за функционалноста, каква и да им е функционалноста, каква и да им е фасадата - сигурно ќе биде 100 пати подобра од функционалноста и естетиката на Економскиот, Правниот и Филозофзко-филолошкиот факултет. Кој бил таму и студрал - знае. Градбата на овие факултети 100 повеќе “заслужува“ рушење. А ич да не збориме за огромните пари што своевремено биле дадени за некакви нефунксионални забегани бетонски форми за кои како студенти секогаш се прашувавме што им требале тие тесни ходници, тие глупи купови бетон со футуристички изглед и психоделија. Единствените објекти кои се позабегани од Скопје 2014 во градот и кои многу повеќе од било кој барок заслужуваат да бидат срушени (од естетски и функционални причини како за тоа време огромни нерационално потрошени пари) се токму овие објекти: Комплексот факултети околу Ректоратот и Студентскиот дом Гоце Делчев. Ниеден објект од Скопје 2014 не е толкава утка како овие објекти. |
Posted By: Џоле
Date Posted: 17-Jun-2018 at 20:03
 ------------- За сè има вторпат |
Posted By: stef4o
Date Posted: 05-Aug-2018 at 10:47
Овие две фотки се исто од фб профилот на градот но ги поставив во оваа нишка бидејќи опфатен е дел од комплексов факултети во изградба.
|
Posted By: ToniB
Date Posted: 05-Aug-2018 at 12:09
| Го масакрираа овој комплекс. Не само со овие два факултета, туку и со спортската сала и со тој објектот зад филолошки. Сега е натрупан, претходно дишеше просторот и беше некоја функционална целина. Како некој што студирал во овој комплекс, криво ми е. |
Posted By: my Macedonia
Date Posted: 31-Aug-2018 at 00:23
|
Posted By: alexsend
Date Posted: 31-Aug-2018 at 08:20
|
Подобро да стават квалитетни прозори. Преблизу е до булеварот. ------------- Јас Скопје никогаш не сум го замислувал вака. |
Posted By: stef4o
Date Posted: 03-Nov-2018 at 09:27
Две денешни
|
Posted By: Graditelot
Date Posted: 03-Nov-2018 at 15:15
| Многу бавно тераат некако, со ова темпо нема да стигнат до следната учебна година. |
Posted By: stef4o
Date Posted: 18-May-2019 at 21:19
| Ovde rabotite zaprea,kolku sto znam izveduvacot Beton-Stip imase golemi finansiski problemi nenzam dali uste postoi kompanijava. Izgleda i ovde uste dolgo ke cmaat karabinive. |