Не се малку предимензионирани објективе на рендерите? Незнам колу вработени има Општина Центар, и што се треба да содржи, но според рендерите и големината на луѓето ми изгледа доволно голема да биде и градско собрание. Инаку сите 4 ми се допаѓаат, најмалку 1 додуше, 2 3 и 4 во 90% ми се допаѓаат имајќи ја во предвид намената на објектот.

УЛТРАМОДЕРНА НАМЕСТО БАРОКНА НОВАТА ЗГРАДА НА ОПШТИНАТА ЦЕНТАР

Микс-варијанта најдобро архитектонско решение?!

Откако некои медиуми објавија информација дека градоначалникот на Општина Центар, Владимир Тодоровиќ, претпочита новата административна зграда што треба да се гради за потребите на општината да биде во барокен стил, тој завчера изјави дека не настојува стрикно кон желбата, но би било добро градбата да има некои сегменти од барокот

Откако некои медиуми објавија информација дека градоначалникот на Општина Центар, Владимир Тодоровиќ, претпочита новата административна зграда што треба да се гради за потребите на општината да биде во барокен стил, тој завчера изјави дека не настојува стрикно кон желбата, но би било добро градбата да има некои сегменти од барокот.
- На идејниот архитектонски конкурс што го објави Општина Центар за изгледот на новата општинска зграда пристигнаа 9 трудови. Од тие 9 назначената Комисија за избор на идејно архитектонско урбано решение требаше да откупи четири проекти и сите тие да се земат за изработка на крајниот изглед на зградата. Тоа што мене ми се допадна беше едно идејно решение во кое доминираше барокот. Но тоа, потенцирам, не значи дека ќе настојувам да биде барокна зграда, бидејќи за тоа, пред се, одлучува Советот, изјави градоначалникот Тодоровиќ по средбата со евроамбсадорот Ерван Фуере по повод Денот на Еввропа, 9 Мај. Сите решенија предвидуваат модерен изглед на зградата. Допрва ќе се одлучува дали ќе се одбере едно од решенијата или ќе се направи микс од сите 4 за да се задоволат сите вкусови, додаде Тодоровиќ.

Инаку, општинарите се уште не утврдиле на кој начин ќе ја финансираат изградбата на новиот административен објект. Се размислува државното земјиште на кое би се градела зградата, а тоа е местото на постојните општински бараки, да му се отстапи на приватен инвеститор, кој за возврат, би и дал на Општината дел од објектот без надомест.

Од Центар информираат дека доколку не се најде заинтересиран партнер, тогаш Општината сама ќе ја гради зградата, но потоа дел од просториите ќе ги продава или издава за да се вратат дел од потрошените пари.

Новиот административен објект ќе се гради на местото на старите бараки, па затоа општинарите ќе треба да бараат и соодветен простор каде што би се преселиле додека трае изградбата.

Идејно архитектонско урбанистичко решение

По половина век, ново матично

По пет децении, Скопје ќе добие нова матична служба на Илинденска, во центарот на градот. Браковите нема повеќе да се склучуваат во објект што сега личи на шупа, туку во сосема нови простории, дел од новата општинска зграда, која ќе се гради на местото на старите и одамна руинирани бараки. Тие конечно ќе се уриваат, соопштуваат општинарите, а инвеститорот што ќе се јави на лицитација за откуп на земјиштето, распишана од Министерството за транспорт и врски, ќе добие во сопственост 40 отсто од зградата и тоа како деловен простор.

Другите 60 отсто корисна површина ќе ~ ги предаде на локалната власт.

- Матичната служба, како и подрачните единици на министерствата, кои и сега функционираат во рамки на парцелата на Општината Центар, ќе бидат дел од новиот објект. Матичната сала ќе биде со посебен влез - изјави портпаролот Јовица Ацкоски.

Сегашната матична служба, најексплоатирана од идните младоженци во цел град, функционира во два од многуте дрвени објекти на оваа локација. Тие се од привремен карактер, исто како и општинските бараки, подарени по земјотресот во 1963 година и нивниот рок на издржливост одамна е изминат.

Парцелата, која ќе се нуди на продажба е со површина од 7.528 квадратни метри, ќе се продава со почетна цена од 6.480 денари за квадрат, информираа од министерството. Според избраните идејни решенија за новиот изглед на трикатната зграда, предвидено е таа да има модерен изглед со надворешна фасада од стакло.

Општинарите за време на изградбата на новиот објект, ќе работат и ќе им нудат услуги на граѓаните во нови простории, но за тоа допрва ќе информираат.

Единствена атракција на матичната служба во Центар, во петдецениското сивило од искинати завеси, таван кој капе и непријатната реа, беше само мебелот, стар повеќе од 40 години, од охридската копаничарска школа.

Венчалната сала во Центар се води како главна, а во Скопје има вкупно 25 други месни канцеларии за склучување брак: во Белимбегово, Ѓорче Петров, Гази Баба, Бутел, Маџари, Чаир, Драчево... Повеќето од нив се руинирани, со валкани ѕидови, скршени прозорци, а и одамна затворени поради нивно неодржување. Во другите нема елементарни услови за одржување хигиена, вода, санитарии, камоли за венчавање.

Статусот на вработените и сопственоста не се секаде исти. Матичното во Центар е под Министерството за внатрешни работи, а другите се под Министерството за правда. Постојани матичари се лица вработени во МВР, а нивни се и службените книги. Според објаснувањата од МВР, задолжени за реновирање на објектите се Градот и општините, но од локалните власти, скоро секогаш го негираат тоа, што беше главна причина за запуштеноста на канцелариите за венчавање.

Сум за, ама само ако на приземјето на општината има кафана. 

Нема да се одржи јавното наддавање кое беше планирано за утрешниот ден бидејќи нема заинтересирани инвеститори кои би ја граделе административната зграда на општина Центар, информираат од министерството за транспорт и врски.

Од таму велат дека во наредниот период ќе биде распишан нов оглас со истите услови како и досега односно 60 отсто од зградата ќе и припаѓа на општината, а останатите 40 отсто на инвеститорот, а се предвидени за деловно комерцијални потреби.

Зградата на општина Центар се планира да се протега на просторот на старите општински бараки покрај булеварот Илинден, а градежната парцела е со површина од околу 7.500 метри квадратни.

Ајде ајде, не биди толку наивен... не можеле да најдат средина за „зделките под маса“ па сега ќе почекаме да размислат малце. Не би ме изненадило ако добиеме едно „Дисконтче“ во приземјето.  

Како што Кондоминас се согласил да изгради цела зграда како надомест, не гледам зошто некој друг не би го прифатил овој „дил“. Ако квадрат за стан во тој дел од градот се движи ~1400еура можам да замислам колку би бил квадратот за деловна просторија или кирија. 

А и ОП ЃП во новата зграда е замислена како дел општина-дел комерцијала така да ништо ново во случајов. 

Никој не сака да и' гради зграда на Општина Центар

Никој не е заинтересиран да ја изгради новата општинска зграда на Центар, а за возврат да добие дел од просториите што ќе може да ги користи како деловен простор. Но, општинарите не се откажуваат од идејата и наскоро повторно ќе бараат потенцијален инвеститор. Тоа значи дека Министерството за транспорт и врски ќе го репризира јавниот повик за отуѓување на предметното земјиште на кое заинтересирана фирма откако ќе го изгради објектот, ќе треба 60 отсто од просториите да и' ги предаде на Општината, а останатите ќе може да ги користи за сопствени комерцијално-деловни цели.

Од ресорното Министерство се' уште не знаат дали вториот повик ќе ги има истите услови како за првата лицитација. Поточно, неизвесно е дали можеби ќе се коригира цената која првично беше утврдена дека ќе изнесува 6.480 денари за квадрат како почетна за наддавањето. Сигурно, пак, остануваат истите услови со кои потенцијалниот инвеститор ќе биде обврзан објектот да го изгради по идејно решение кое неодамна го одбра Општината. Имено, се инсистира објектот што е предвидено да се гради на парцела од 7.500 квадрати да има генерално стилска фасада врз основа на идејно решение изработено во комбинација од четири труда што ги откупи Општината. Објектот ќе има подземен паркинг-простор, а неговата максимална вистина ќе може да достигне до четири ката. Тој треба да се гради на сегашната локација на општинските бараки согласно со деталниот урбанистички план „Дебар Маало 1“.

Изградбата на нова општинска зграда со помош на приватен инвеститор е најсоодветната опција за надлежните, со оглед на тоа дека Општината нема пари во својот буџет за нов административен објект што и' е неопходен поради состојбата во постојните бараки во кои неколку децении се сместени работните простории.

Во случај и по неколку обиди да не најдат приватен инвеститор, општинарите се решени новата зграда да ја изградат со сопствени средства. Притоа, планираат дел од просториите да ги продадат или да ги изнајмат за да се вратат инвестираните средства. (Дс.Т.)