http://volanskopje.blog.com.mk/node/86576 - ГРАДСКА ПЛАЖА - некогаш и сега

http://volanskopje.blog.com.mk/node/94106 - КЕЈ НА ВАРДАР

http://volanskopje.blog.com.mk/node/27499 - Заживување на идејата за градска плажа !!

http://volanskopje.blog.com.mk/node/86576 - ГРАДСКА ПЛАЖА - некогаш и сега

http://volanskopje.blog.com.mk/node/94106 - КЕЈ НА ВАРДАР

Мене ми се чини и дека локацијата број 6 од постот на pbanks т.н. Руска Плажа во минатото е интересна и релативно голема локација. Ако не се лажам тука се наоѓа оној полигон за возење, пазарот за рибарите (црви, трски, мамци...). Не сум сигурен дали е тоа локацијата за гаража или хотел, но доколку не е а хотелоти гаражата се подоле (низводно) таа катна гаража би имала двојна улога

1. Кога има утакмица

2. За сите посетители на градската плажа.

Летово левата страна од кејот на реката Вардар, на потегот од Камениот мост до Македонскиот народен театар, ќе прерасне во плажа. Градските власти набргу ќе распишат јавен повик за избор на фирмата која преку јавно-приватно партнерство ќе го адаптира овој дел во песочна плажа со лежалки, тушеви и со мини-кафуле, каде што скопјани ќе можат да се разладуваат и да се релаксираат во летните денови. Покрај песочната плажа, фирмата која ќе биде избрана на тендерот ќе треба да ги уреди левиот дел на кејот од Камениот мост до МАНУ и потегот од пешачкиот мост на почетокот од Градскиот парк до хотелот "Александар палас", според идејните решенија што ги изготвија студентите од Архитектонскиот факултет.
"Проектите предвидуваат низа спортско-рекреативни решенија и забавни содржини кои ќе го заживеат кејот. Најважен дел е изградбата на пристапи до долниот дел на кејот. Градот ќе го реализира овој проект преку јавно-приватно партнерство, што значи дека фирмата која ќе биде избрана, заедно со градот, ќе стопанисува со содржините", велат од Одделението за односи со јавност на Градот.
Според проектите на студентите од Архитектонскиот факултет, до песочната плажа, односно под зградата на Македонскиот народен театар, би се адаптирал простор за одржување културни манифестации, фестивали, изложби, театарски претстави и отворена библиотека. Предвидено е од МНТ до МАНУ да се направи расадник за цвеќиња и место за нивна продажба. Според студентите, крајот на овој потег треба да се адаптира во место за спорт и рекреација, односно во близина на МАНУ да се изгради детско игралиште, да се постават маси за пинг-понг, шаховски табли, како и катче за статични велосипеди и кајаци и простор за аеробик, јога и за пилатес.
И на втората локација, односно делот спроти Градскиот парк, предвидено е еден дел да биде уреден во плажа, а на неа, покрај кафуле, маси и лежалки, да се уреди и простор за рибарење. Бидејќи не е регулирано коритото на овој простор и е доста стрмен, студентите предвидоа пробивање на повеќе патеки, односно патека за пешачење, трчање и за ролање. Според студентите, конфигурацијата на теренот на овој потег овозможува да се направат неколку видиковци, опремени со маси и со столови. (А.А.)

Ова е дел од сработеното на работилницата за уредување на левиот брег на Вардар, што се одржа неодамна во МКЦ, на која учествував и јас. Проектот се однесува на делот одбрегот на Вардар спроти градскиот парк и опфаќа систем од патеки кои овозможуваат различни доживувања на просторот, видиковец, плажа и разни комерцијални содржини кои би обезбедувале средства за одржување на кејот како на пр. пунктови за продавање освежителни пијалаци, киосци за издавање спортска опрема, како и различни манифестации со кои би заживеал тој простор. Градот е заинтересиран да го реализира проектот, барем во поголем дел, така што, се надевам, за извесно време Скопје ќе добие ново место за сите рекреација и квалитетно минување на слободното време.

 http://archi-jane.blog.com.mk/node/77311

ова за песочни скулптури изгледа ќе биде па добро ова овие озбилно откачиле или мене само така ми се чини!?!

плажа единствено и донекаде прифатливо е да прават на крајот на треска блиску до составот со варадар, односно во рамки на кајакарскиот клуб кај срц сарај, тоа е колку толку чисто и поадекватно место, евентуално кај парк но водата е катастрофа, ако воопшто мислат тоа да биде пливачка плажа, а ако е работата за сончање што мора песочна плажа, доволно е нека стават лежалки по кеј и кој сака нека се пече, тук таму по некој шанк и пријатно!   

а од кај сега државна иницијатива? нели ова беше на трифун замисла проектов? 

убаво рече кло треба најнапред да има некакв редослед, колекторски станици, чист вардар, зголемен водостој, па дури потоа некаква комбинација за плажа! зошто одиме во се наопаку тоа не ми е јасно! можеш да тераш контра во муабет, можеш да тераш контра во забавни игри, надреални арт уметнички зафати итн. но не и во нешто што треба да биде белег за градот па и државата како што е мал ринг! и ќе разберев ова да е подоле или погоре ама тука никако! прво тотално ќе се разобличат симетриите на вардар кои му го даваат ликот на постојното корито, исто естетски на ништо неличи под културно-уметнички институции да тера некаква калакурница од квази хедонизам распослан-а на некаква песочна плажа и тоа ни помалку ни повеќе среде центар на градот... некој ептен гледал филмови, но нека тргнат од самото наше опкружување пример во белград плажите се на саввкото езеро, додека во загреб тие се н јарун итн. http://en.wikipedia.org/wiki/Urban_beach - http://en.wikipedia.org/wiki/Urban_beach незнам што им требаше ваков луксуз, особено што вардар е мала река за ваков потфат, а уште повеќе што ова се прави сред центар во една најневозможно опкружување за ваков потфат... ајде врбитите тоа ќе го разберам, ајде фонтаните и тоа ќе го голтнам, но плаживе и мостовиве навистина се промашување!!!

убаво вели панкс зошто се да е натрупано на два чекора, зошто се да е копи-пасте од некој тренд во светот, зошто мора да се наследуваат и реализираат иницијативите од оние кои заминале а истите за ни молив не кренале... евентуално ако ова се прави без воопшто да се ремети каменото корито на вардар или пак камениот бедем, можеби ова и како некое минливо решение можеби и би било прифатливо, но доколку има некои пообемни интервенции или пак доколку заради ова сред центар се дозволи луѓе да шетаат по танга и гаќи тогаш оваа идеја е лудост, во смисла кои и до каде ќе постојат норми за јавен ред, кои вака или онака бар постојат на хартија

но можеби сум грешка и непотребно реагирам, најверојатно станува збор за уште една патка за дефокусирање како и обично 

Роза Петкова

Монтажна стреа со кружни отвори, кои ќе пропуштаат сонце, тло покриено со ситен песок и дрвени штици за седење поставени околу плитки базенчиња се новиот лик за предвидената градска плажа. Архитектите Бекир Адеми и Бетим Зеќири ја добија првата награда на конкурсот што Град Скопје го распиша за изгледот на урбана плажа на левата страна на реката Вардар, од мостот „Гоце Делчев“ до Камен мост. Според Адеми, замислата е просторот да се разликува од конвенционалните плажи, да биде своевиден рекреативен центар, со водени површини и со дел за одбојка. - Тоа ќе бидат плитки водени површини, со висина до 30 сантиметри, кои ќе служат за освежување. Сепак, тие, најверојатно, нема да се изведат според препораките од Град Скопје и можеби на нивното место ќе има тушеви. Плажата во еден дел ќе биде наменета за играње одбојка на песок. Кон мостот „Гоце Делчев“, каде што се наоѓаат јавните тоалети, ќе има и продавници за пијалаци и за сендвичи, кои може да бидат и со друга намена, како трафики за весници и за списанија. Тие се помали штандови, како кружни токи кои се отвораат, какви што има во Струга. Дизајнот за нив е секундарен, може и да се промени - вели Адеми, еден од авторите. Низ целата должина се предвидени дрвени површини за седење, кружни и полукружни, како амфитеатар, скали и потоа пак делови за седење. Целата плажа ќе биде прекриена со растегнато платно прицврстено на челични столбови, кое ќе биде проѕирно, ќе ја менува нијансата и ќе има модерен изглед. Навечер плажата ќе биде осветлена и ќе дава посебен ефект на просторот. Направена од лесна конструкција, таа во секое време ќе може да се демонтира. - Се работи за урбана плажа наменета за играње, уживање, рекреација, поврзување, која ќе даде нова димензија на кејот, модерен изглед и ќе привлече внимание без оглед дали се работи за домашни посетители или за туристи. Таа е лесна, проѕирна и монтажна и претставува еден нов поглед на темата која ни беше дадена за разработка - додава архитектот. Ова не е прво учество на авторите на конкурси за објекти во Скопје. Учествувале и на изборот за идејно решение за градска куќа, а Зеќири учествувал на конкурсот за новата зграда за театарот Центар. Жири-комисијата на Град Скопје втората награда за градската плажа ја додели на Дарко Милановски, а третата на групата автори Сребро Томов, Јаков Горгоновски и Анче Толевска. За плажата градските власти ќе потрошат 160.000 евра, кои се предвидени во годинашниов буџет.

Сум задоволен за репликата на МНТ , и за музејот на Македонската борба , ама тоа што баш уочи нив да се гради плажа е простачки егзибисционизам , од толку атрактивни локации на Вардар баш таму плажа да се гради е баш простаклук ! Јас не се сложувам дури и на другите места во малиот ринг да се гради плажа , но сепак ова е нешто што е стварно неразбирливо А има и друг проблем , каква плажа е таа на која е забрането капењето? Јас мислам дека секаде каде што има забрането капање нема плажи , било да е тоа море , езеро река или сл.

Градска плажа со кафе, за кафеани не се знае

Одговорот на главната дилема, дали на Кејот ќе никнат и кафулиња и кафеани наспроти планираната плажа со урбана опрема и базени за деца, ќе се знае по изборот на изведувач за уредување

Замислата на градоначалникот Коце Трајановски левиот Кеј на Вардар, од мостот Гоце Делчев, па до Камени мост, да го претвори во градска плажа, пролетва ќе стане реалност. Ќе се наоѓа токму под театарот кој сега е во изградба. По изборот на идеен проект пред два месеца, неделава беше објавен и јавен повик, на кој се бара изведувач за уредување. Тендерот ќе трае до 22 април годинава.

Според објаснувањата од надлежните, не станува збор за конвенционална плажа, карактеристична за предземјотресно Скопје кога жителите се капеле во Вардар и кога водите биле чисти,туку, како што објаснија од Градот, плажата повеќе ќе биде урбана атракција.

Одговорот на главната дилема, дали на Кејот ќе никнат и кафулиња и кафеани наспроти планираната урбана опрема и мали базени за деца, ќе се знае по изборот на изведувач за уредување. Самите автори на проектот предвидуваат уживање покрај Вардар со кафе и пијалак, но од Градот рекоа дека сега не можат да одговорат на прашањата дали ќе издаваат локации за времени објекти, кои би биле поставувани покрај Вардар, а би вршеле угостителска функција.

- Сега-засега е изработено само идејното решение. Сите детали понатаму ќе бидат фазно разработени со проектните решенија и програмите на Град Скопје за работа во наредниот период - изјавија од одделението за односи со јавност.

По изборот на изведувач ќе се знае и сумата што ќе биде потрошена за замислата на Трајановски. Граѓаните се изненадени од оваа идеја, имајќи предвид дека Кејот со децении е запуштен. Скептични се дека уредувањето на еден дел ќе придонесе за заживување на левиот брег на Вардар.

- Реката Вардар е толку загадена што миризбата е неподнослива. Навистина не знам кој би уживал покрај вода од која лете се шири реа - коментира Никола С. од Скопје.

Првонаградениот проект, кој победи на конкурсот за идејно решение, овој дел од Кејот го замислува покриен со песок. Треба да биде уреден со дрвени платформи за лежалки, столови и маси. Покрај урбаната опрема, предвидени се неколку мали базени, а целата плажа ќе биде покриена со тенди во модерна форма.

- Плажата е замислена да биде место за релаксација на цело семејство. Додека децата уживаат во базени, нивните родители да уживаат во пиење кафе - објаснија авторите Бекир Адеми и Бетим Зекири при презентирањето на идејниот проект.

Првичната замисла за уредување на Кејот на Вардар беше проект на студентите на Архитектонскиот факултет, кој го нарача претходниот градоначалник Трифун Костовски. Беше замислено плажата да се протега од Камениот мост до МАНУ, каде што беа предвидени кафулиња и рампи за симнување кон Кејот. На сегашниот простор беа предложени тениски и други игралишта, кои би се протегале до хотелот „Александар палас“.

Јорданка Ивановска