http://www.netpress.com.mk/vestiimages/43261/Prilep%20sud.bmp">

Во Прилеп денеска ќе биде пуштен во употреба новиот дел на судската зграда на Oсновниот суд во Прилеп.

Реновирањето на судската зграда, е дел од Проектот за правна и правосудна имплементација и институционална поддршка, финансиран во рамки на заемот од Светска банка, а под покровителство на министерство за правда.

Во рамки на проектот, е извршено опремувањето со мебел на Основниот суд Прилеп. Опремувањето се однесува на доградениот простор од 3000 м2, со што комплетно е опремена архива со статични и мобилни архивски плакари за чување на судски документи, шалтер сала, 2 репрезентативни судници, 12 судници за тричлен судски совет, конференциска сала, 14 судски кабинети и останати простории наменети за судска администрација., се вели во соопштението од министерството за правда.

Градоначалничка јагма по нови општински згради

Градоначалникот на Аеродром ќе добие зграда благодарение на Министерството за транспорт и врски

Деспина Трајковска


Ниту економската криза ниту најавените, а се' уште не започнати проекти за решавање на основните комунални проблеми не се пречка општинските градоначалници да преземаат активности за изградба на општински згради. Велат, принудени од несоодветните услови за работа во дотраените повеќедецениски бараки коваат планови, а некои веќе преземаат и конкретни мерки за изградба на сопствени административни простории.

Општина Центар минатата недела распиша конкурс за архитектонско-урбанистичко решение за изградба на општинска зграда, а најдоцна за десетина дена ќе го стори тоа и Општина Карпош. И двете локални самоуправи планираат новите објекти да ги градат на местото на постојните бараки, кои се на земјиште во сопственост на државата. Иако градоначалниците се свесни дека отстапувањето на земјиштето и обезбедувањето средства за изградба ќе биде долг процес, сепак, се надеваат дека до истекот на мандатите ќе ги изградат општинските згради.

Во Центар засега имаат обезбедено пари за идејниот проект, а допрва ќе треба да го добијат на користење државното земјиште. На карпошовци, пак, дел од постојните бараки ќе им бидат одземени со денационализација, а од државата ќе добијат друго земјиште на користење. Токму ова е главната причина градоначалникот Стевчо Јакимовски најдоцна за десетина дена да распише конкурс за избор на идејно решение за општинска куќа.

„Реално, не само Општина Карпош, туку речиси сите општини имаат потреба од соодветни простории за работа, бидејќи сите со години работиме во дотраени бараки за кои често издвојуваме средства за санација. Финансиската ситуација баш и не е соодветна за вакви проекти, но конкретно, Општина Карпош е принудена да размислува за тоа, бидејќи поголемиот дел од бараките во кои сега е сместена администрацијата ќе и' бидат одземени со денационализација“, објаснува Јакимовски, кој се надева дека до средината на идната година ќе почне да го гради новиот објект. Според ДУП, тој ќе се наоѓа на дел од земјиштето на кое се општинските бараки и не е исклучена можноста изградбата да се реализира по принцип на приватно јавно партнерство. Можеби на идентичен начин сопствен дом ќе си обезбедат и од Центар, но, сепак, општинарите велат дека деталите ќе ги дефинираат по изработката на идејниот проект.

За сопствени канцеларии размислува и градоначалникот на Аеродром, Ивица Коневски, чија администрација уште од формирањето на Општината пред пет години работи во изнајмени простории. Коневски вели дека начелно го дефинирал проектот. „Наредната година Министерството за транспорт ќе распише објава за продажба на земјиште во Реонски центар, на кое според ДУП е предвидена изградба на општинска зграда во комбинација со деловни простории. Купувачот на земјиштето ќе има обврска да го изгради комплексот, деловите наменети за општинска зграда да ни ги додели нам, а за возврат ќе добие одредени бенефиции од државата, односно, најверојатно, ќе се употреби принципот на приватно јавно партнерство“, вели Коневски.

По таа шема општинска куќа ќе гради и градоначалникот на Ѓорче Петров, Сокол Митровски кој досега на тоа поле има сработено најмногу од сите колеги. Општината веќе има готов проект за објектот, но на локацијата на која е предвидена изградбата се' уште не се расчистени имотноправните односи. Имено, дел од земјиштето е во сопственост на државата, која наскоро ќе и' го отстапи на Општината, но постојат и два објекта кои општинарите не можат да ги урнат, оти за земјиштето се води судски спор.

Најави за изградба на општински згради во текот на изборната кампања имаше од речиси сите останати скопски градоначалници, но ретко кој досега презеде конкретни активности. Општинарите од Чаир, пак, веќе неколку години седат во сопствени простории. Уште во претходниот мандат градоначалникот Изет Меџити ја доизгради општинската зграда и тоа благодарение на донацијата од Европска унија.

Ревизорите открија незаконитости во фондот за пензиско

http://www.a1.com.mk/vesti/novinar-email.asp?NovinarID=44&VestID=122915 - Наташа Стојановска	http://www.a1.com.mk/vesti/default.aspx?VestID=122915#komentari - Коментари (0)   javascript:otvoriVideoPrilog%2810/natasa-penzija-07-05.wmv,%20122915%29">

Фонд за пензиско осигурување

Новата зграда на фондот за пензиско осигурување е изградена на туѓ имот - обелоденија денеска ревизорите. При изградбата на објектот вреден 6 милиони евра се навлегло во приватна парцела, поради што постои спор со сопственикот.

Во ваков случај фондот иако не можел да добие имотен лист ниту пак одобрение за употреба на објектот, сепак кршејќи го законот за градба зградата ја ставил во функција на диво, без одобрение за употреба.

Модерни простории за тетовската полиција

ТЕТОВО - Вчера во Тетово официјално беше предадена во употреба реконструираната полициска станица со која се подобрени просторните услови за работа како предуслов за поквалитетни и поефикасни услуги на граѓаните. За реконструкцијата се потрошени над 400.000 евра обезбедени од ЕУ и од Владата. На чинот на предавањето присуствуваше и премиерот Никола Груевски.

„Ова е втора реконструирана полициска станица по онаа во Кисела Вода во Скопје. На програмата се наоѓаат вкупно 10 полициски станици за чија реконструкција ЕУ учествува со 1,8 милиони евра. Ова претставува чекор во процесот на реформирањето на полициските станици, а во фокусот на проектот се градежни работи и модернизација“, рече Лукас Мелка, претставник на ЕУ во нашата земја. (Г.Е.)

Во општинските објекти се уште шета духот на Тито

И покрај тоа што цел град се стреми кон модернизација, скопските општини сé уште „живеат“ во бараки направени непосредно по земјотресот