e aj,prifakam.ama koj ke ceka be godina dena za pivo....

e aj,prifakam.ama koj ke ceka be godina dena za pivo....

Лотарија на Македонија минатата недела ја украси со новогодиши светилки улицата Лујк Пастер која се спојува со улицата Македонија во центарот на градот. На оваа улица поставена е светлосна елка висока 8,5 метри, а светлосни украси ставени се и на осумте канделабри што ги има на улицата. Лотарија на Македонија улицата Луј Пастер ја украсува петта година по ред. Годинава за украсување биле употребени 65.000 светилки.
Додека приватните компании го украсуваат просторот пред нивните објекти, Општина Центар се уште бара донатори за новогодишното украсување на улица Македонија и на останатите улици во Центар.

Наместо елка, на плоштадот пустелија

Булеварот Партизански одреди прв пат во новогодишно руво

Освен центарот, годинава градските власти ќе го украсат новогодишно и булеварот Партизански одреди, од улицата Рузвелтова до „Тифани“, како и клучката кај хотелот „Континентал“. Центарот, како што објаснуваат надлежните, ќе блеска во розово-бела комбинација. Според официјалното соопштение од Градот, улиците во централното подрачје со плоштадот ќе го красат ѕвезденото небо, илјадници светилки и елка висока повеќе од 20 метри. За новогодишниот декор се погрижија градските власти со партнерите „Т-мобиле“ и „Т -хоум“.

Новогодишната забавна програма на плоштадот Македонија на 31 декември годинава ќе почне со настапот на македонската рок-група „Ареа“. Ќе следува шведската атракција „Арајвл АББА“, група што ја има лиценцата ексклузивно да ги изведува хитовите на легендарната група АББА. Членовите на групата ќе настапуваат со истите костими и ќе изгледаат исто како членовите во познатата четворка. Точно на полноќ, присутните на плоштадот Македонија ќе имаат можност да уживаат во новогодишниот огномет, за кој организаторите велат дека ќе биде вистинско изненадување. На 31 декември, од 11 до 13 часот ќе биде организирана новогодишна забава за деца. Присутните дечиња ќе ги забавува Дедо Мраз, ќе пеат членовите на „Суперѕвезда“, а ќе има и театарска претстава.

ова чисто од хипохондриски агол гледано го прашувам!  

ДАЛИ МЕТРОПОЛАТА НА ВРЕМЕ ЌЕ ДОБИЕ НОВОГОДИШНО РУВО?

Париз е накитен, Скопје ќе почека еден месец

Градските власти им ветуваат на граѓаните дека во новогодишната атмосфера ќе можат да уживаат од средината на декември. Тврдат дека нема, како минатите години да се доцни со украсувањето и ќе почнат уште на почетокот на декември

Парис е првата светска метропола која годинава блесна во новогодишни бои. Примерот на Париз го следеа и останатите градови во светот, па дел од нив се веќе украсени а дел привршуваат со последните подготовки.

Дали и македонската престолнина ќе влезе во тоа друштво и дали граѓаните ќе можат да очекуваат, за прв пат годинава градот да биде празнично накитен на време, а не како во минатите години неколку дена пред Нова година?
Градските власти им ветуваат на граѓаните дека во новогодишната атмосфера ќе можат да уживаат од средината на декември. Тврдат дека нема, како минатите години да се доцни со украсувањето и ќе почнат уште на почетокот на декември.

"Оваа година навреме ќе почнеме да го украсуваме градот на почетокот на декември и планираме за две недели центарот на градот да биде во новогодишен амбиент. Празничната атмосфера ќе трае еден месец до Стара Нова година, вети скопскиот градоначалник Коце Трајановски.
Градските власти информираат дека тендерот за избор на фирмата која ќе ги украсува плоштадот Македонија и главните улици е завршен и во моментов тече терминот предвиден за жалбена постапка. Од тие причини, велат во Одделението за односи со јавноста се уште не го знаат името на фирмата која ќе украсува. Таа фирма треба да поднесе и сопствен проект за украсувањето, колкави ќе бидат димензиите на елката, какви ќе бидат украсите, во која боја. Се уште не е избрана ниту фирмата која ќе го финансира и осмисли музичкиот дел од забавата за најлудата ноќ.

"Наскоро треба да склучиме договор со некоја поголема компанија која, заедно со нас, ќе ги спонзорира организирањето и пречекот на Новата година. Во зависност од финансиската конструкција, ќе знаеме кои пејачи ќе бидат ангажирани. Сигурно е дека ќе имаме богата новогодишна програма, која ќе трае цел ден, почнувајќи од пладне, со забава за најмладите, па до раните утрински часови, велат од одделението за односи со јаноста.

Извесно е тоа што и годинава, светилки и новогодишни украси ќе се стават на плоштад Македонија и на сите главни улици, а елката ќе се постави во жардиниерата на средината на плоштадот. На тендер, ќе се бираат и дедомразовците кои ќе мора да имаат автентична облека.

Украсувањето за Нова година ќе почне на 15 декември

Фотографирање со Дедо Мраз, лизгалиште, новогодишен концерт, како и базар со новогодишни дребулии се дел од содржините што Градот Скопје и годинава ги планира за пречекот на Нова година на плоштадот „Македонија“. Забавата ќе ја организира фирма што ќе се јави на јавниот повик и која, покрај она што го бара Градот, ќе понуди и други забавни и атрактивни содржини. Плоштадот „Македонија“ ќе биде украсен од 15 декември до 15 јануари, а концептот на украсувањето ќе биде на предлог на избраната фирма.

Централната манифестација ќе се одржи на 31 декември на бината на плоштадот. Во текот на денот планирани се повеќе забавни содржини за најмладите, меѓу кое и сликањето со Дедо Мраз. Ќе биде ангажирано едно фотографско студио или повеќе, доколку понудат различни концепти, со цел да се избегне веќе видената ситуација лажни дедомразовци да го окупираат целиот плоштад. За најмладите ќе има и лизгалиште.

На еден дел од плоштадот ќе бидат поставени и типски штандови на кои во новогодишниот месец ќе се продаваат украси, уметнички предмети, ракотворби и мали новогодишни подароци. Дел од штандовите ќе бидат наменети и за претновогодишната понуда на брза храна, како и чај, кафе, топла чоколада и други пијалаци.

Годинава новина е барањето на градските власти сите заинтересирани за закуп на штанд на новогодишниот базар да имаат регистрирана фирма за трговија и на купувачите задолжително да им даваат фискална сметка. (С.Н.)