Премини

Printed From: build.mk
Category: Главни теми
Forum Name: Железници
Forum Discription: Возен парк, инфраструктура, железнички станици...
URL: http://www.build.mk/forum/forum_posts.asp?TID=1033
Printed Date: 27-Apr-2024 at 17:50

Topic: Премини

Posted By: Danielbtmk
Subject: Премини
Date Posted: 23-Aug-2010 at 00:17

Досега немаше нишка и дискусија за пружните премини, па еве сега ја отворам. Кај нас во Македонија овие премини се во катастрофална состојба од кои многу се незаштитени, необележани, без било каква сигнализација. И оние што се, со сигнализација се дотраени и понекогаш нефункционални. Но, сепак да видиме што се случува со нив иако ретките интервенции за поправка и додавање на некој знак се од некакво безбедносно значење. Јас ќе почнам со премините кои се наоѓаат во Битола ( за други друг пат

) ...

пружни премини Битола -> Скопје

1. Прв премин - непосредно до железничката станица, на улица железничка спрема населба Боримечка

2. Втор премин - улица железничка, спрема улица 16та и индустриски пат надолу покрај Драгор

3. Трет премин - исто улица железничка, спрема улица 16та и индустриски пат надолу покрај Драгор само од десна страна

4. Четврт премин - Од т.н. Дулие кружен тек кон РЕК-битола

5. Петти премин - Кај црквата Св. Недела ...

6. Шести премин - Ова е последен означен премин во Битола, влез во фабриката Сокомак

Покрај овие железнички премини, има и неколку ''диви премини'' а исто така и 2 премини кои не се во функција - кон Лерин.

1. Прв кон грција - пред Жито Битола

2. Втор кон грција - Кон Битолска пивара

Овие два се надевам дека наскоро ќе бидат обновени заедно со пругата...

Replies:

Posted By: гитардемон
Date Posted: 23-Aug-2010 at 00:54

Originally posted by danielbtmk

4. Четврт премин - Од т.н. Дулие кружен тек кон РЕК-битола

Е за овој премин погоре беше кажано дека ќе биде суреден во пакет со булеварскиот влез што се гради од таа страна на градот. Значи и тоа е споменато како дел од проектот, иако премините се надлежност на МЖ (sic!). Според кажаното, другите премини нема да бидат допрени, не се во надлежност на градот.

Инаку супер серија! Гледам и сликите се со супер квалитет

-------------
Arguing on the internet is like running at the special olympics. Even if you win, you're still retarded.

Posted By: Vladimir P
Date Posted: 23-Aug-2010 at 01:01

Даниел, го забрави оној кај царина

-------------
Клуб на љубители на железниците во Македонија, Macedonian Railways Fan Club
https://www.facebook.com/767277056651521/ - https://www.facebook.com/767277056651521/

Posted By: lslcrew
Date Posted: 23-Aug-2010 at 02:49

Добрa идеја за нишка. Cheers

Posted By: Dragan
Date Posted: 23-Aug-2010 at 12:28

А што е поентата пред секој премин да има стаено коцка?

-------------

Posted By: Danielbtmk
Date Posted: 23-Aug-2010 at 12:38

Originally posted by гитардемон

Originally posted by danielbtmk

4. Четврт премин - Од т.н. Дулие кружен тек кон РЕК-битола

Нема да биди суреден бидејќи со парите кои беа наменети за тоа, одлучија да ги сменат водоводните цевки во должина од 100 метри кон Стрелиште.

-------------

Posted By: Danielbtmk
Date Posted: 23-Aug-2010 at 12:42

Originally posted by Vladimir P

Даниел, го забрави оној кај царина

Се мислев дали да го ставам оти тој не спаѓа во Битола туку е надвор од Битола

поточно во село Кравари. Но, сепак фала на забелешката Crazy

-------------

Posted By: Vladimir P
Date Posted: 23-Oct-2010 at 11:15

Без коментар

[TUBE]r_B3buCbsi0[/TUBE]

-------------
Клуб на љубители на железниците во Македонија, Macedonian Railways Fan Club
https://www.facebook.com/767277056651521/ - https://www.facebook.com/767277056651521/

Posted By: Cloverstack
Date Posted: 23-Oct-2010 at 17:49

Добро, ова сепак е старо, од јануари 2008:
http://www.build.com.mk/forum/forum_posts.asp?TID=476&PID=3376#3376 - http://www.build.com.mk/forum/forum_posts.asp?TID=476&PID=3376#3376

Ама изгледа дека состојбата ни досега не се сменила... Еве нешто од летоска:

Originally posted by Cloverstack

На линијата помеѓу Велес и Кочани рампите сеуште не функционираат, а возовите сеуште застануваат на премините Wallbash

На клипов всушност не се гледа се, возот беше сосема застанат пред да продолжи.

Бонус македонштина - тој „паметниот“ со џипот Bash

[tube]j6QBdb7Qeoo[/tube]

Ако веќе се толку упорни да не ги поправаат рампите, барем нека ги размонтираат и нека постават андреин крст. Така ќе биде побезбедно (нема да има забуни), а возовите не ќе мора да ја применуваат оваа трагикомична пракса, да застануваат по премините...

Posted By: FoSsiL
Date Posted: 23-Oct-2010 at 17:58

Што е андреин крст?

Posted By: FoSsiL
Date Posted: 23-Oct-2010 at 18:14

Јас би дал неколку решенија.....

Камери, кои би биле џабе кога некој ќе биде соберен од воз.....

рампиве незнам како ги кршат....

па најдобро е да се постават хидраулични метални брани (бариери), така едно 0,5-1 метар високи..... а во најлош случај и боцки за бушење гуми.... исто така хидраулични, па после и некоја камера колку за сигурно.... зашто кај нас друго ништо не помага....

ама гледајќи ја ситуацијата на сегашните премини, кои се оставени така не поправени.... тогаш ова моево е чиста сај фај фантазија....

едит: па да може воз да помине на раат, без машиновозачот да е под стрес.... и тоа бариерите малку подебелки....

Posted By: Cloverstack
Date Posted: 23-Oct-2010 at 18:19

Originally posted by FoSsiL

Што е андреин крст?

Сообраќаен знак за железнички премин без рампа

Posted By: FoSsiL
Date Posted: 23-Oct-2010 at 18:22

а колку ќе значи тоа за нас.... и дали ќе го видат возот и да проценат дали можат да поминат....

Posted By: Cloverstack
Date Posted: 23-Oct-2010 at 18:24

FoSsiL, какви камери, каква хидраулика? Јасно е што е решението, практично и општо прифатено, ама ете ни тоа не се средува, а ти викаш камери...

Posted By: FoSsiL
Date Posted: 23-Oct-2010 at 18:24

кога се околу е обраснато со треви.... а поготово ако не си во состојба за возење нема ни да можеш да процениш до каде е возот стигнат..... ризично е....

камери за тие кои на спуштени рампи ќе поминат а нема да ги собере воз.... ама после да има опнат едно 300-500 евра казна....

а ова со хидрауликата, тоа е поефективно.... метални плочи кои ќе формираат ѕид од пола метар до метар..... па возот да си добие еден непрекинат коридор без никакви пречки..... ама и покомплицирано и поскапо.... ама викаат животите се бесценети, па сега поарно тоа отколку глупости.... ако треба нека се плаќа и дополнителна давачка, која посебно би се регулирала, дали со регистрацијата.... незнам....

за се исподадовме пари.... за ова да немаме..... неее... само нема на кој да му текне и да сака да најде решение, немора ова.... кое било....

ама најверојатно ќе остане само како фантазија па....

Posted By: Cloverstack
Date Posted: 23-Oct-2010 at 18:31

FoSsiL, па не измислуваме топла вода. Како во цел свет функционира? Па и кај нас функционира, сулудо е да се мисли дека на сите премини треба да се стави рампа, а камо ли камери и хидраулики.

А воз дефинитивно се приметува за оној што сака да примети. Ако е непрегледно ќе подзастанеш, не е ништо страшно, исто како што на секоја трета улица ќе налеташ на знак СТОП. А тие што сакаат да играат руски рулет или да се тркаат со возови, нивни проблем. Какви хидраулични ѕидови не зезај... дај ние да си ги поправиме рампите.

Но да не забегуваме. На магистрален пат дефинитивно не смее да има необезбедени премини. Јас андреевиот крст го спомнав како решение затоа што сега со нефункционални рампи е уште полошо, а не дека андреев крст е вистинско решение.

Posted By: lslcrew
Date Posted: 24-Oct-2010 at 02:38

На магистрални патишта мислам дека воопшто не ни смее да има премини. Може да има на регионални и локални. Ако кај нас има на магистрални патишта вакви премини тогаш тоа е веројатно зашто се делници од регионални патишта што се во привремена функција на магистрални.

Posted By: Vladimir P
Date Posted: 30-Oct-2010 at 13:44

Железнички премин соодветно означен!
но, два андриеви крста на растојание од 20-тина см.!!!???

Прелаз на правец Велес - Гевгелија

-------------
Клуб на љубители на железниците во Македонија, Macedonian Railways Fan Club
https://www.facebook.com/767277056651521/ - https://www.facebook.com/767277056651521/

Posted By: lslcrew
Date Posted: 15-Nov-2010 at 02:36

ОПШТИНА ИЛИНДЕН

Саниран железничкиот премин во Миладиновци

Од Општина Илинден информираат дека во соработка со Јавното претпријате "Македонски железници" извршена е целосна санација на железничкиот премин во населеното место Миладиновци.
- Овој железнички премин претставува дел од локален пат Миладиновци - Бујковци и претставува врска со соседните населени места Мршевци и Бучинци. Со градежните активности се изврши целосна промена на дрвените греди на железничките пруги како и се изврши поставување на нова цврста подлога и се изврши комплетно уредување и санирање на локалниот пат. На овој начин значително се придонесе за подобрување на безбедноста во одвивањето на сообраќајот на овој локален пат, како и се придонесе за подобрување на функционалноста на железничкиот премин, велат од општината.

Средствата за санирање на железничкиот премин се обезбедени од Буџетот на општина Илинден како и ЈП "Македонски железници".

http://vecer.com.mk/?ItemID=3B3F76C75931144DBF7B7E34FBC972E1

Posted By: ovaj_stariov
Date Posted: 24-Nov-2010 at 22:31

Знае ли некој дали преминот кај с.Лознани на потегот Битола-Прилеп е обезбеден,затоа што слушнав дека веќе нема задолжен што ја спушта рампата.
Ако е така тоа би било многу опасно бидејќи тука поминува старот пат Битола-Прилеп и фреквенцијата на возила не е баш мала.

-------------
build.mk, гради форумска историја

Posted By: axel
Date Posted: 24-Jan-2011 at 01:11

Необезбедени железничките премини во Велешко

Необезбедени железнички премини и рампи што не се спуштаат во ударните термини се проблемите во одвивањето на сообраќајот, но и за безбедноста на граѓаните во Велешко. Ако се знае дека рампите во Велес се на најфреквентните улици по кои минува река од народ кон Градскиот пазар или кон средно училиште, разбирлива е реакција на велешани за ваквата состојба. Необезбедените премини во регионот, пак, се излез на месното население кон светот, па граѓаните се чувствуваат несигурни.

- Не е сеедно кога наеднаш пред вас ќе се појави онаа огромна грдосија од локомотива, а гледате дека рампата не е спуштена. Без оглед што таа ползи, не вози брзо, глетката е страшна. Необезбеден премин, воз што доаѓа, оваа слика не остава човек да биде рамнодушен. А тоа често се случува - вели велешанка која била сведок на вакви сцени додека одела на пазар.

На железничките премини во градот, кога доаѓа возот, електронски се спуштаат рампите, а претходно со звучен сигнал се предупредуваат возачите дека треба да застанат. Но рампите најчесто не функционираат бидејќи се краде бакарниот кабел од инсталациите, па безбедноста на велешани е загрозена.

Прв сосед на преминот кај мостот „Гемиџии“ е угостител, кој има видено многу случки кога рампите не се спуштаат.

- Вистински хаос се случува кога на овој премин рампата не се спушта. Има пцости, закани, мавтање со раце кон машиновозачот. Луѓето со неверување гледаат како возот минува покрај нив. Навистина, немало досега ниту еден инцидент, но сепак не е исто кога возот минува преку необезбеден премин. Децата не се многу дисциплинирани и тие претрчуваат пред локомотивите, покажувајќи храброст - вели велешкиот угостител.

Надлежните, пак, објаснуваат дека безбедноста е на задоволително ниво и дека во 2010 година во Велешко се случила само една сообраќајна несреќа на железнички премин кај Горно Оризари на пругата кон Прилеп. Тогаш автомобил удрил во дресина, товарно возило на ЈП МЖ, при што полесно се повредени двете сопатнички. Возачот за овој прекршок мина со условна казна.

Но, од МЖ-“Инфраструктура“ заборавиле да ја евидентираат несреќата од 29 јуни, кога кај селото Ногаевци на пругата кон Гевгелија, возот на необезбеден премин удри во „ходна акорд“ чиј возачот беше тешко повреден.

- Во досегашното работење повеќепати е констатирано дека учесниците во патниот сообраќај не ја почитуваат поставената сигнализација. Кај патните премини не се почитуваат правилата и сигналните знаци од поставената светлосна и звучна сигнализација. Во случај на дефект или неисправност на уредите постои пропишана процедура за постапка, која гарантира безбедност и на двата вида сообраќај, железничкиот и патничкиот - вели Бесир Деари, директорот на ЈП МЖ—“Инфраструктура“.

Заради надминување на постојната состојба, но и по реакцијата на возачите, почнато е обезбедување со светлосна и звучна сигнализација на патните железнички премини од Велес до Пашин Мост на пругата кон Богомила. Во четирите правци од Велес кон Градско, Богомила, Штип и Рајко Жинзифов има 20 патни премини. Најлоша е состојбата кон Штип, каде што сите премини во Овче Поле не се обезбедени, туку се означени само со сообраќаен знак, иако се вкрстуваат со магистралниот пат со голема фреквенција Велес - Кочани.

http://www.time.mk/read/NONE/dfbf721b26/index.html

Posted By: Cloverstack
Date Posted: 05-Apr-2011 at 23:54

Советот ~ пиша единица на железницата

Железничарите сметаат дека состојбата е задоволителна, но локалните власти се незадоволни зашто во Велешко се случува да не функционираат безбедносните рампи, со што се загрозува безбедноста во железничкиот и во патниот сообраќај

Македонски железници сами се оценија со двојка, а велешките советници ги оценија со единица за безбедноста на железничките премини во општината. Железничарите сметаат дека состојбата е задоволителна, но локалните власти се незадоволни, зашто во Велешко се случува да не функционираат безбедносните рампи, со што се загрозува безбедноста на граѓаните. Тие се на најфреквентните улици и на двата моста.

- Се случуваат мешаници, нервоза кај возачите и кај пешаците, кога рампите среде град не се спуштаат. Згора на тоа се создаваат колони од автомобили. Така е со години, а ништо не се презема состојбата да се подобри - вели Весна Стојановска-Богоевска.

Други советници бараат да се обезбедат премините кај селото Горно Оризари и кај фабриката „Порцеланка“, каде што секојдневно минуваат стотици автомобили на премини на кои нема рампи. Советничката Марина Мијајлеска побара од МЖ да се реши проблемот со заштитната ограда во месноста Долни Дуќани.

- Безбедноста на оваа улица е нарушена, бидејќи оградата е оштетена, а бидејќи нема тротоар, граѓаните минуваат до пругата, по која сообраќајот е многу фреквентен. За да се избегне несреќа, таа ограда треба итно да се обнови - изјави Мијајлеска.

Забелешките ги прифати и претседавачот на Советот Славчо Чадиев.

Од ЈП МЖ - инфраструктура велат дека состојбата е задоволителна и дека лани во Велешко, на пругата Скопје - Гевгелија, која е електрифицирана и каде што рампите работат електронски, имало 30 неисправности.

- Во 10 случаи дефектите се поради задржување на браниците од страна на поединци, во 10 други случаи, поради кражби на делови кои се витални за рампите. Преостанатите 10 дефекти биле технички проблеми на уредите, прекин на електронапојување или промена на напонот. За надминување на техничките проблеми на автоматизираните премини изграден е двоен систем на напојување, со што безбедноста е гарантирана - велат од МЖ.

Според нив, безбедноста при евентуалниот дефект пропишаната процедура не била прекршена од железничарите и не се случило загрозување на безбедноста во сообраќајот, ниту во железничкиот ниту во патниот. Во поширокиот велешки регион има 20 железнички премини и сите се обезбедени со светлосна, звучна и патна сигнализација, објаснуваат од МЖ. Во тек било инсталирање светлосна и звучна сигнализација на железничките премини кон Богомила. Проблем создавало и тоа што се крадат елементи од сигнализацијата. Лани железничарите регистрирале една несреќа, на необезбедениот премин кај селото Горно Оризари, во кој учесниците минаа со полесни телесни повреди. Советниците, пак, потсетија на сообраќајката од април лани, кај селото Ногаевци кога на необезбеден железнички премин од пругата Велес - Градско воз удри во автомобил, а возачот доби тешки повреди.

Петар ПеЧКОВ

http://dnevnik.com.mk/?ItemID=B77E3C45D9581E41A0642C8612DDAC79

Posted By: Тркало
Date Posted: 06-Apr-2011 at 14:09

Originally posted by ovaj_stariov

Знае ли некој дали преминот кај с.Лознани на потегот Битола-Прилеп е обезбеден,затоа што слушнав дека веќе нема задолжен што ја спушта рампата.
Ако е така тоа би било многу опасно бидејќи тука поминува старот пат Битола-Прилеп и фреквенцијата на возила не е баш мала.

Рампата си беше ОК,барем пред две недели...

Posted By: Тркало
Date Posted: 13-May-2011 at 17:18

Originally posted by Тркало

Рампата си беше ОК,барем пред две недели...

Преминот и стојалиштето Лознани

Posted By: Danielbtmk
Date Posted: 23-Sep-2013 at 21:19

Кондуктер го запира сообраќајот за да помине возот

До Битола освен по пат и со воз може да се патува. Не ви кажавме ништо ново. Во моментов државата вложува во нови вагони и возови, но неколку дена рампите на железничките премини не работат. Денеска го снимавме пристигнувањето на возот во Битола и наидовме на една ситуација која прашање е дали некаде на друго место се случува, на преминот на Дулие односно на крстосницата кај кружниот тек на патот кон индустрискиот дел на градот, возот беше тој кој запре, наместо возилата, бидејќи рампите не се спуштија и за се да биде безбедно и без опасности, кондуктерот се симна од возот и ги сопре возилата за да помине возот, имајќи предвид дека во Битола на четири места железничката се вкрстува со патишта се поставува прашањето колку пати кондуктерот слезе за да го обезбеди поминувањето на возот, за овој проблем и пред неколку денови имаше реакции од граѓани до тера, а за денеска на ова реагираа и од населбата Карпош, според информациите до кои додјовме, рампите не работата заради технички проблеми односно прекинување на електричен кабел наменет за напојување на рампите, во моментов Македонски железници работеле на санирање на проблемот, инаку сите возови и на поаѓање и на пристигнување на сите премини задолжително стоеле.

[tube]nBCOzmtrLjU[/tube]

http://www.tera.mk/2013092370693/aktuel/kondukter-go-zapira-soobrakjajot-za-da-pomine-vozot

-------------

Posted By: Џоле
Date Posted: 24-Sep-2013 at 10:08

Мизерија!

-------------
За сè има вторпат

Posted By: zookisk
Date Posted: 24-Sep-2013 at 20:25

Originally posted by Џоле

Мизерија!

Лесно е да се искоментира...Во самото видео се нагласува дека рампите не работат поради прекин на електричен кабел а новинариве начекаа таква ситуација и одма удри по Македонски Железници...па дури отишле и специјално возот да го чекаат и како да откриле некое светско чудо со тоа што кондуктерот се симнал на патниот премин...а појма немат дека така налага прописот...во случај кога патниот премин е неисправен,возот застанува пред истиот,се обезбедува и дури потоа возот продолжува со возење што значи нема никаква опасност за возилата што во тој момент ќе се најдат пред патниот премин...Тоа е во секоја држава а не само кај нас како што тропа новинаркава од прилогот...

Posted By: Џоле
Date Posted: 24-Sep-2013 at 21:00

Мојот коментар не беше за постапката на кондуктерот туку за општите состојби во нашата железница. Се надевам дека не навредив некој кој работи таму.

-------------
За сè има вторпат

Posted By: Denko
Date Posted: 24-Sep-2013 at 22:20

Originally posted by zookisk

Originally posted by Џоле

Мизерија!

Aj kazi te molam nekoja drzava kade sto ima takva pojava, cisto da znam.
Inaku pred nekolku godini vakov prilog sum gledal i za Stip. Samiot kondukter kaza deka rampite odam ne rabotat. Ne znam kako e denes, no ne bi me cudelo ako situacijata e ista.

Posted By: polval
Date Posted: 25-Sep-2013 at 10:24

Германија, на пруги каде што има малку сообраќај и поради некоја причина не се поставени автоматски рампи.

Posted By: Teglarot
Date Posted: 25-Sep-2013 at 17:23

Originally posted by polval

Германија, на пруги каде што има малку сообраќај и поради некоја причина не се поставени автоматски рампи.

Со оглед на тоа колку километри пруга има во Германија, а колку има кај нас, и пологично е кај нив на некои пруги каде што се сообраќа поретко воз или пак е некој спореден пат, да нема рампи, но сигурно има луда сигнализација која очи ќе ти извади.

А не можам да разберам како е возможно никој да не превзема НИШТО со проблемот со рампите, па макар бил и проблем со струја итн . . .
На кое дно сме . . .

Originally posted by Џоле

Мизерија!

И да во право е Џоле, со еден збор ја опишал ситуацијата во железничкиот сообраќај во државава, па ако не и ситуацијата во самата држава.

Posted By: Danielbtmk
Date Posted: 25-Sep-2013 at 19:20

Тргни застани, тргни застани

Среда, 25 Септември 2013 17:52

VESNA_VOZOVI_001

По прилогот на ТЕРА дека рампите на желизничките премини во градот не работат и по поплака од граѓани денес наша екипа на местото на настанот т.е случката. Тргни застани, тргни застани, тргни застани. Вака денес возот што оди за Скопје тргна некако од Битола. Од самото тргнување од железничката станица ,започнува со својата сирена да ги предупредува граѓаните дека поминува. Пред да стигне до преминот на Дулие односно на крстосницата кај кружниот тек на патот кон индустрискиот дел на градот, возот пополека запираше. Повторно рампата не се спушти за да застанат возилата . Овој пат наместо кондуктерот да се симни од возот да ги запре возилата, на преминот работеа работници од Македонски Железници, па тие застанаа на пругта за да ги запрат возила.

Во Битола има четири места каде железничката се вкрстува со патишта , па се поставува прашањето Дали на другите премени кондуктерот излегуваше од возот да ги запре возилата, или пак некои колеги кои што се нашле на патот и ги обавуваат нивните работни задачи, прават се да му помогнат на шоверот на возот за да не излегува четири пати, а со тоа се да биде безбедно.

VESNA%20VOZOVI%20003

Граѓаните кои не сакаа да зборуваат пред камерата на ТЕРА велат дека вакво нешто никаде не виделе. Загрижени за својата безбедност апелираат до надлежните што побрзо да се реши овој проблем , додека како што велат не се случила поголема катастрофа.

Според информациите до кои додјовме, рампите не работат заради технички проблеми односно прекинување на електричен кабел наменет за напојување на рампите. Во моментов Македонски железници работеле на санирање на проблемот. Инаку сите возови и на поаѓање и на пристигнување на сите премини задолжително стоеле.

[tube]F2Pa448kmCM[/tube]

http://www.tera.mk/2013092570763/aktuel/trgni-zastani-trgni-zastani

-------------

Posted By: polval
Date Posted: 26-Sep-2013 at 09:03

Мислам дека треба да се постави еден речник на железничарски термини на форумов па новинарите да можат да го консултираат по потреба за да нема повеќе шофери на возови.

Да се дефинира прекинувањето и крадењето на сигнален кабел како обид за убиство со казна 10 год. затвор минимум, исто и за тој што го откупил кабелот како соучесник. Истото и за фрлање камења по возови. Сигурен сум дека ќе даде резултат.

Posted By: Danielbtmk
Date Posted: 02-Oct-2013 at 23:49

http://kurir.mk/republika/opstini/132141-Rekonstrukcija-na-zeleznickiot-premin-kaj-Star-Most-vo-Veles - Реконструкција на железничкиот премин кај Стар Мост во Велес

Среда, 02 Октомври 2013 16:15

Градоначалникот на општина Велес Славчо Чадиев денеска изврши увид на извршување на градежните работи за реконструкција на железничкиот премин на Стар мост кој се реализира во соработка со Македонски Железници.

- Започнавме од најоштетениот и најфрекфентниот премин од движењето на возилата и пешаците, а во наредниот период ќе продолжиме да ги реконструираме и сите останати премини кои се наоѓаат на територијата на општина Велес, кај фабриката „Киро Ќучук“ во населба Превалец и останатите железнички премини за кои има потреба од реконструкција, рече Чадиев.

Со реконструкцијата ќе се изврши поплочување со бекатонски плочи околу 200 м2 од преминот и ќе се заменат ивичњаците, а од страна на Македонски Железници ќе се изврши и средување на пругата. Реконструкцијата на патниот правец е предвидена во програмата за градежно земјиште и изнесува 250.000 денари.

Поради реконструкцијата овој патен премин за сообраќај ќе биде затворен за сообраќај до четврток кога се очекува негово целосно довршување, а за сите возила важи променетиот патен сообраќај односно пренасочување кон мостот „Гемиџии“.

http://kurir.mk/republika/opstini/132141-Rekonstrukcija-na-zeleznickiot-premin-kaj-Star-Most-vo-Veles

-------------

Posted By: MAPJAH
Date Posted: 03-Oct-2013 at 13:11

ЕВЕ КАКО ТРЕБА ЕФИКАСНО ДА СЕ РЕШАВААТ РАБОТИТЕ !!!

БРАВО ЗА ВЕЛЕШАНИ, ПОКАЖАА НА ЦЕЛ СВЕТ КОЛКУ СЕ УПОРНИ.

РЕДНО БЕШЕ СО ВАКВИ ДЕЛА ДА СЕ ИЗРАДУВАМЕ.

ОВА НЕКА БИДЕ ПРИМЕР КАКО И ДРУГИТЕ ПРУЖНИ ПРЕМИНИ ДА СЕ СРЕДАТ,
СО ЗАЕДНИЧКИ СИЛИ НА ЈП МЖ ИНФРАСТРУКТУРА И ОПШТИНИТЕ.

ЛОКАЛНАТА САМОУПРАВА Е ОСНОВЕН ФАКТОР ЗА БЕЗБЕДНОСТ ВО СООБРАЌАЈОТ.

-------------
ПОЗДРАВ ОД ЖЕЛЕЗНИЧАРОТ
ПО ПРОФЕСИЈА И ПО ДУША

Posted By: Џоле
Date Posted: 04-Oct-2013 at 16:46

Се реконструира патниот премин преку Стар мост (Велес)

Денес (02.10.2013) започна предвидената реконструкција на поплочените површини на патниот премин преку Стар мост. Со реконструкцијата ќе се изврши поплочување со бекатонски елементи на околу 200 м2 од преминот, а ќе се заменат и ивичниците на тротоарите. Железничката линија ќе биде уредена и нивелирана од страна на Македонски железници.

Овој градежен зафат на патниот правец е предвиден во Програмата за уредување на градежно земјиште и изнесува околу 250.000 денари, а го спроведува спроведува фирмата „Урбан Инвест“.

https://www.facebook.com/media/set/?set=a.446314102152889.1073742057.371536522963981&type=1 - https://www.facebook.com/media/set/?set=a.446314102152889.1073742057.371536522963981&type=1

-------------
За сè има вторпат

Posted By: Danielbtmk
Date Posted: 30-Oct-2013 at 19:10

Рампите функционираат

Среда, 30 Октомври 2013 18:36

25 минути до 13 часот, време за поаѓање на возот од Битола до Скопје и ќе се зачудите ако знаете дека само пред неколку недели кондуктерите во Македонски железници беа со дополнителна дејност односно сообраќајци кои се симнуваа на сите железнички премини за да го сопрат сообраќајот за да помине возот бидејќи рампите не работеа тогаш од Железници ни беше кажано дека заради прекин на електричен кабел во непосредна близина на пругата не работат рампите денеска не е така, рампата на преминот кај Кланица се спушти 10 минути пред да пристигне возот на тоа место, откако замина рампите се подигнаа и возилата си продолжија по патот.Онака како што известувавме дека рампите не работат, сега ве информираме дека се исправни и почитувајте го спуштањето на рампите, а не да се заобиколуваат двете додека се спуштени, за да се заштеди време и да се помине бидејќи, тој чин е казнив со закон и секако многу опасен.

[tube]JjTJbkw0uUU[/tube]
http://www.tera.mk/2013103071926/aktuel/rampite-funkcioniraat

-------------

Posted By: Џоле
Date Posted: 30-Oct-2013 at 19:50

Мал чекор за Македонски железници, голем чекор за човештвото

-------------
За сè има вторпат

Posted By: Teglarot
Date Posted: 30-Oct-2013 at 20:13

рампата на преминот кај Кланица се спушти 10 минути пред да пристигне возот на тоа место,

Они тоа сериозно ?!

Posted By: Тркало
Date Posted: 30-Oct-2013 at 20:28

Moжда ги спуштиле и 60 минути порано - по летно сметање на времето

Posted By: Џоле
Date Posted: 15-Aug-2014 at 17:15

Премин кај село Богомила (денешна фотографија)

фото: rrag3

-------------
За сè има вторпат

Posted By: Џоле
Date Posted: 15-Oct-2014 at 05:07

Преминот на бул. Борис Трајковски

mia.mk

plusinfo.mk

-------------
За сè има вторпат

Posted By: jyvation
Date Posted: 15-Oct-2014 at 11:15

skopje.gov.mk

Posted By: martind
Date Posted: 15-Oct-2014 at 14:11

Зар сеуште се користат пругите до УСЈЕ?

Posted By: Staki
Date Posted: 15-Oct-2014 at 18:44

http://www.skopje.gov.mk/ShowAnnouncements.aspx?ItemID=6873&mid=482&tabId=

Posted By: tonikostov
Date Posted: 16-Oct-2014 at 08:07

@martind
Кога ја видов веста, и мене првото прашање ми беше дали навистина сеуште се користи овој премин? Последен пат кога сум видел воз тука беше кога бев дете... Особено што и кон/од главниот влез на Усје цело време циркулираат шлепери.
Освен ако не планираат да почнат да користат товарни возови (откако Владата најави дека за МЖ ќе набави товарни вагони), не гледам некоја потреба од инвестиција на „мртов“ премин...

Posted By: BOJAN
Date Posted: 16-Oct-2014 at 09:04

И јас никогаш не сум видел воз кон УСЈЕ. Особено што нивните производи првенствено е покомпатибилно да се транспортираат со камиони на пократки релации и сл. Е сега, од толку многу необезбедени патни премини во скопскиот регион, ако се фативме за „мртов“ премин да решаваме проблем...

Posted By: ehrlich
Date Posted: 16-Oct-2014 at 10:30

Не, не, возови поминуваат, знам дека до сега железничките работници мака мачеа да ги сопрат колите за да поминат, па токму затоа е и обезбеден преминот. Инаку, мислам дека вагоните носат материјали за Цементарницата, а не ги превезуваат производите, ама не сум сигурен.

Posted By: beTon
Date Posted: 23-Jan-2015 at 17:42

може горивото за печките го носат железнички, едно време нели и гуми палеа

Posted By: jyvation
Date Posted: 17-Feb-2015 at 23:52

Level crossing framework deal

CROATIA: Infrastructure manager HŽ Infrastruktura and Altpro signed a four-year framework contract for the supply of 200 sets of level crossing equipment on September 11. The contract includes barriers, warning lights and automation systems.

Altpro said its bid was selected as the best technical and commercial offer, beating rival submissions by ICF, Müszer Automatika, Scheidt & Bachmann, Siemens and AŽD Praha. The value of the contract was not disclosed.

http://www.railwaygazette.com/news/infrastructure/single-view/view/level-crossing-framework-deal.html - http://www.railwaygazette.com/news/infrastructure/single-view/view/level-crossing-framework-deal.html

Нешто од соседството поточно од Хрватска.Обнова на железнички премини со сигнализација, најверојатно за дел од нив не ми се верува да има 200 премини во целата држава.
Според мене сосема солидна изведба.Нека ѕирнат нашиве како тоа се работи во соседниве земји.
*кликнете на линкот таму ја има сликата во поголема резолуција

Posted By: Gox
Date Posted: 08-Oct-2015 at 20:10

https://www.youtube.com/watch?v=XcU4FR6Uuq8

Zeleznicki premin Lozovo

Posted By: Gox
Date Posted: 08-Oct-2015 at 20:13

https://www.youtube.com/watch?v=xzv6sy7lTgw

Posted By: Gox
Date Posted: 08-Oct-2015 at 20:14

https://www.youtube.com/watch?v=XMg4RBaYihw

Spanec

Posted By: Gox
Date Posted: 08-Oct-2015 at 20:16

https://www.youtube.com/watch?v=QeAKNdfqVUQ

Patnicki

Posted By: Gox
Date Posted: 08-Oct-2015 at 20:19

https://www.youtube.com/watch?v=UsYLoiBmRXE

Tovaren voz cisterna

Posted By: Gox
Date Posted: 08-Oct-2015 at 20:20

https://www.youtube.com/watch?v=JScYUfeQCmI

Tovaren voz