Железничка ЈУ - Алијанса без Македонија!?

вторник, 27 јули 2010, 18:56

Станува ли Македонија слепо црево во делот на железничкиот сообраќај. Во петок во Белград, Хрватска, Србија, Словенија, Босна и Херцеговина, потпишуваат договор за формирање Алијанса на железниците. Идејата на проектот за кој паднал договор уште во мај во Опатија е да се овозможи поефикасен, порентабилен и побрз превоз на стоки и патници долж коридорот 10. Македонија била контактирана но засега не е на списокот земји потписнички на договорот, изјави за Алфа Златко Рогошар, директор во Хрватски железници:

„Последните разговори со Македонија ги водеа Словенечките колеги. Договорот што го постигнавме е отворен и се` уште е можно Македонија да пристапи кон него, што јас и го очекувам. Инаку на овој начин сакаме да излеземе од кризата, да се обидеме да функционираме на пазарен принцип. Договорот предвидува формирање Алијанса која во октомври ќе добие правна рамка и ќе се формира заедничко претпријатие. Зборуваме за единствен настап во комерцијална смисла, што значи во прво време да можеме да користиме заеднички вагони, а подоцна и локомотиви...

Зошто Македонија е надвор од овој проект и дали властите планираат да се вклучат во него денеска не можеше да се дбие одговор. Алфа писмено се обрати до министерството за транспорт и врски но оттаму не добивме каков било одговор. За идејата за формирање заеднички железнички систем на просторите на поранешна Југославија се зборува уште од крајот на деведесетите години на минатиот век. Договорот дава надеж дека регионот повторно ќе добие ефикасен и брз железнички транспорт. На Македонија чија железничка инфраструктура е во очајна состојба неопходно и е приклучување кон овој регионален проект за да не остане трговски и патнички изолирана.


Izvor: AlfaTV

Како што може да забележите, на Македонија одлично и оди во развојот на железницата и се плаши дека некаква унија може да ги загрози нејзините модерни локомотиви и вагони како и вековниот суверенитет на земјата!

МЖ ќе стане дел од екс-ју железницата

Македонија се приклучува на новата железничка иницијатива која ја предводат Словенија, Хрватска и Србија, јавија од „МЖ-транспорт.

Во јавноста се создаде погрешна слика дека Македонија не изразила подготвеност да учествува во новата железничка алијанса, вели за „Форум“, Оливер Дерковски, директор на „МЖ-транспорт“.

Македонија дефинитивно има желба да стане дел од железничката алијанса што дваесет години по распадот на СФРЈ решија да ја формираат Словенија, Хрватска и Србија, а чија цел е  поефикасен, порентабилен и побрз превоз на стоки и патници во регионот.

За таа цел Дерковски, на 31 август, годинава ќе отпатува за Словенија каде што на средба со раководството на словенечката железница ќе разговара за деталите околу вклучувањето на Македонија во овој проект.

„Во јавноста се создаде погрешна слика дека Македонија не изразила подготвеност да учествува во новата железничка алијанса. Вистината е дека трите земји-иницијатори на проектот тргнале со заедничка идеја со овој проект да се обедини работата на трите железници и да се привлече сообраќајот од Коридорот 4 кој преку Унгарија и Романија ги поврзува европските земји со Бугарија и Турција. Поради тоа, покана за учество на Македонија во овој проект најпрво воопшто немаше. Меѓутоа, отпосле беше сфатена значајноста на Коридорот 10, кој минува и низ Македонија по што следуваше и покана до нашата земја“, вели Дерковски.  

Тој вели дека македонската страна позитивно одговорила на поканата и дека сега дополнително ќе се договара на кој начин нашата земја би се вклучила во новата железничка алијанса.

„Станува збор за ново правно лице кое најверојатно ќе биде со седиште во Словенија, со оглед на тоа што единствено таа земја е членка на Европската Унија од сите останати земји-поранешни југословенски републики. За останатите детали јавноста ќе биде запознаена по состанокот во Словенија„, вели Дерковски. /крај/пд

Македонија конечно ќе преговара за железничкото спојување

По три месеци неизвесност, Оливер Дерковски, директор на „Македонски железници-транспорт“, вчера обелодени дека „Македонија дефинитивно има желба да стане дел од железничката алијанса“ што решија да ја формираат Словенија, Хрватска и Србија. Останува нејасно зошто чекавме „посебна покана“ додека функционери од железничките компании на трите земји-иницијатори јавно ја повикуваа земјава да се приклучи кон заедничкиот проект.

По тримесечен молк и тактизирање од надлежните државни институции за проектот за заедничка железница на земјите од т.н. „Југосфера“, вчера од „Македонски железници-транспорт“ официјално потврдија дека и Македонија се приклучува на железничка иницијатива што ја предводат Словенија, Хрватска и Србија. - Македонија дефинитивно има желба да стане дел од железничката алијанса што дваесет години по распадот на поранешна СФРЈ решија да ја формираат Словенија, Хрватска и Србија, а чија цел е поефикасен, порентабилен и побрз превоз на стоки и патници во регионот - изјави за „Форум“ директорот на компанијата, Оливер Дерковски, кој на 31 август годинава ќе отпатува во Словенија, каде што на средба со раководството на словенечката железница ќе разговара за деталите за вклучувањето на земјава во овој проект. Како што објасни тој, во јавноста се создала погрешна слика дека Македонија не изразила подготвеност да учествува во новата железничка алијанса. Според него, трите земји-иницијатори на проектот тргнале со заедничка идеја овој проект да ги обедини работата на трите железници и да се привлече сообраќајот од Коридорот 4, кој преку Унгарија и Романија, ги поврзува европските земји со Бугарија и Турција. - Поради тоа, покана за учество на Македонија во овој проект најпрво воопшто немаше. Меѓутоа, отпосле беше сфатено значењето на Коридорот 10, кој минува и низ Македонија, по што следуваше и покана до нашата земја - вели Дерковски, истакнувајќи дека македонската страна позитивно одговорила на поканата и сега дополнително ќе се договара на кој начин нашата земја би се вклучила во новата железничка алијанса. Инаку, пред еден месец „Шпиц“ пишуваше дека земјава незаинтересирано седи со скрстени раце и на готово чека на покана за да се вклучи во заедничката железница уште од месец мај, кога беше постигнат договорот за формирање на алијансата, а во меѓувреме, високи претставници на железниците од трите земји-потписнички јавно порачуваа дека вратата е отворена како за Бугарија и Турција, така и за Македонија. За опозицискиот СДСМ останува отворено прашањето зошто земјава толку време чекаше на добра волја на Словенија, Хрватска или Србија да ја викнат да се приклучи кон железницата, наместо да покаже самоиницијативност и да се наметне како четврт партнер.
- Македонија веќе губи многу на економски план, пред се, во полето на туризмот, но и при извозот и увоз на стоки, поради тоа што е отсечена од регионот и Европа. Не знам зошто железници чекаа 3 месеци, како што владата чека со години да го обнови Коридорот 8 кон Бугарија - изјави Томе Чингоски од СДСМ, кој не верува дека државата ќе успее да влезе во проектот на регионалното железничко спојување, туку само создава лажна слика дека нешто работи. Мите Митевски од здружението за сообраќај при Стопанската комора на Македонија вели бизнисмените би имале голема корист од железничкото спојување, кое, според него, значи отворање кон пазарот. - Во услови на глобализација, секое олеснето движење на луѓе и стоки игра важна улога во бизнисот - изјави Митевски. Сепак, тој посочува дека треба да ги почекаме деталите од условите под кои земјава би се приклучила кон овој проект, кои ќе ги знаеме следниот месец.

Ќе стане ли Македонија дел од Железничката Алијанса?

недела, 05 септември 2010, 15:31

Словенија, Храватска и Србија со заедничко железничко претпријатие?

Белград, 8. септември 2010 (ИНПРЕС)

Денеска во Белград треба да се сретнат претставниците на словенечката, хрватската и српската железница.

Тие ќе разговараат околу усогласувањето на предлогот за формирање на заедничко претпријатие со законодавството на трите држави. Целта е да се намали времето за транспорт на стоката на Коридорот 10.

Според помошник - министерот за инфраструктура на Република Србија Дејан Ласица, денеска и утре треба да се одвиваат сериозни преговори од кои се очекува дека ќе се добие основачкиот акт. Потоа владите на трите држави ќе мора да го потврдат основањето на заедничкото претпријатие.

Македонија и Црна Гора не влегоа во „југо-железницата“

Според информациите на Б92, Македонија и Црна Гора заради услови кои не се наведуваат во информацијата, не се согласиле да влезат во новоформираната заедничка компанија, но се наведува дека ќе бидат дел од пошироката заедница со компанијата.
Според коментарите во медиумите во трите држави со денешното потпишување практично е формирана заедничка компанија која ќе има цел да го скуси времето на транспорт на Коридорот 10.
Српскиот министер за инфраструктура Милутин Мркоњиќ најавил дека првиот воз ќе тргне на 1-ви октомври точно во 12 часот од железничката станица во Љубљана.
Во следните десетина денови документот треба да го ратификуваат владите на трите држави. Со компанијата ќе управуваат три директора, седиштето ќе и’ биде во Љубљана, а за прв директор е именуван Роберт Вуга.
Мркоњиќ најавил дека со ова здружување ќе бидат скратени царинските процедури  со што ќе се заштеди на време при транспортот.
„Заедничката железница ќе располага со по поет отсто од вкупниот број возови на железниците на трите држави, Во прво време не се планирани поголеми инвестиции, иако се потребни’, изјавил Вуга додавајќи дека оваа компанија треба да биде „значаен играч“ во железничкиот сообраќај, пишува Б92.

Помина ли возот за Македонија?

„Македонски железници“ допрва ќе одлучува каков договор ќе потпишe со новата компанија „Карго 10“

Соња Маџовска


Помина ли возот со кој Македонија можеше поактивно да се вклучи во заедничката железничка компанија со Словенија, Хрватска и со Србија?

Откако овие три железници завчера потпишаа протокол со што практично формираа компанија „Карго 10“, сега воопшто не е јасно дали и како „Македонски железници“ е заинтересирана да се вклучи во овој проект. Директорот Оливер Дерковски, иако неодамна тврдеше дека земјава е решена да се приклучи на железничката иницијатива што ја предводат овие три поранешни југословенски републики, вчера за „Утрински весник“ изјави дека треба внимателно да се игра. „Допрва ќе одлучуваме каков договор ќе потпишеме со новата компанија што ја формираа Словенија, Хрватска и Србија. Тоа ќе се знае откако работната група, што е формирана во ’Македонски железници‘, ќе ги дефинира сите услови, цени, формалности за овој проект. Таа анализа треба да биде готова до крајот на октомври. Но, ние би влегле во оваа иницијатива без учество со основачки влог во заедничката компанија, туку само во бизнисот. Секој ќе си го гледа сопствениот интерес. Треба внимателно да се гази. Ние ќе ја нудиме нашата траса по Коридорот 10, кој води потоа до Солун, па Атина. Оваа иницијатива нуди побрз транспорт, олеснување на формалните процедури, царинските пречки. Ќе се однесува само на товарниот сообраќај. Ако има заинтересираност за нашата траса, ќе се вклучиме“, вели Дерковски.

Според него, Македонија за овој проект добила покана во јули, а во Љубљана на 31 август, разговарал со првите луѓе од „Словенечки железници“ за тоа како ќе оди нашето вклучување. За овој проект се заинтересирани и Црна Гора и Босна и Херцеговина, но и тие, како и Македонија, бидејќи по се' изгледа задоцнија, најверојатно ќе се вклучат само доколку има интерес за тоа.

И премиерот Никола Груевски вчера изјави дека Владата го поддржува овој проект, но, сепак, остава конечна одлука да донесе МЖ.

Излегува дека откако сите помисливме оти Македонија, дефинитивно, има желба да стане дел од железничката алијанса што ја формираат Словенија, Хрватска и Србија, а чија цел е поефикасен, порентабилен и побрз превоз на стоки во регионот, сега повторно се тактизира, како што тоа се правеше и пред добивањето на официјалната покана.

Македонските бизнисмени, пак, веќе се изјаснија дека би имале голема корист од железничкото спојување, кое би значело олеснето движење на стоките, што игра важна улога во бизнисот. Дали и овој пат земјава изгуби уште една шанса да се вклучи активно во проект што ќе му донесе бенефит и на бизнисот, но и на железницата, која се дави во долгови, а вработените постојано се закануваат со штрајк, поради доцнење на платите?

Инаку, заедничката железница се обелодени како проект уште во мај, но конкретниот договор беше потпишан завчера во Белград, кога беше официјализирана новооснованата фирма „Карго 10“, а се очекува на 1 октомври од Љубљана да тргне и првиот воз. Цел на оваа компанија е намалување на времето на транспорт по Коридорот 10, која со подобра организација треба да и' конкурира на алијансата Коридор 4, во која се здружени железниците на Унгарија, Романија и на Бугарија.

МЖ - Транспорт се приклучи кон Алијансата - Карго 10

Македонски железници - Транспорт се приклучија на Алијансата на железници на Коридорот 10 - Карго 10 во која учествуваат и железничките претпријатија од Србија, Хрватска, Словенија и Република Српска.

Одлуката за пристапување на МЖ - Транспорт кон Алијансата, како што информираат од Хрватски железници, е донесена на денешниот состанок во Загреб на директорите на Хрватски железници, Словенечки железници, Железницата на Србија и Железницата на Република Српска.

На состанокот, како што се посочува, за прв пат присуствувал и генералниот директор на Македонски железници - Транспорт Оливер Дерковски.

- На состанокот е донесена одлука да се прифати пристапот на Македонскаи железници - Транспорт во Алијансата во согласност со Спогодбата од Опатија, а договорот за приклучување најверојатно ќе се потпише пред поаѓањето на првиот воз во организација на Алијансата што се планира за почетокот на идниот месец, велат од Хрватски железници и потсетуваат дека МЖ - Транспорт за првпат изразиле желба за вклучување во Алијансата.

-------------

Од каде сте толку сигурни дека се избрзало, можеби нешто се променило, созреала состојбата и се пристапило кон интеграција. Не верувам дека би прифатиле да бидеме во загуба. Па од тука, пред да разбереме нешто околу тоа што вложуваме, а што добиваме, колкави инвестиции треба да направиме, а колку ќе профитираме, да не критикуваме.

Македонски железници се приклучува на „Карго 10“

среда, 15 септември 2010, 17:40

Федералната железница на БиХ пристапи кон „Карго 10“

Договорот за пристап кон „Карго 10“ во Сараево го потпишал раководителот на федералната железница, Неџад Османагиќ.
„Ќе се зголеми сообраќајот, а ќе се олесни и движењето. Тоа ќе значи и покусо време за патување на возовите и единствени цени, сето тоа ќе овозможи да настапиме како сериозна конкурентна компанија со другите железници од Европа“, изјавил Османагиќ.
По Босна и Херцеговина, скоро приклучување кон ова друштво најавил и претставник на железницата на Република Српска.

Македонија ќе има подобри железници?