Театар и библиотека - Тетово
Printed From: build.mk
Category: Главни теми
Forum Name: Културни
Forum Discription: Музеи, театри, историски објекти...
URL: http://www.build.mk/forum/forum_posts.asp?TID=1090
Printed Date: 23-Apr-2024 at 15:39
Topic: Театар и библиотека - Тетово
Posted By: Raisinloaf
Subject: Театар и библиотека - Тетово
Date Posted: 06-Oct-2010 at 15:52
Тетово ќе добие нов театар и библиотека Помеѓу Центраот за култура и поштата ќе се гради новиот објект каде ќе се сместат театарот и библиотеката. Денес беше презентирано идејното решение на четворица архитекти со работен наслов Перде. Со новиот објект ќе се надмине проблемот на овие две национални установи од културата кои досега функционираат во рамките на центраот за култура во ограничен простор за работа. Освен библиотека и театар, објектот ќе и трета намена односно простории кои ќе служат за културни, едукативни и деловни дејности. Во подземниот простор ќе има 109 паркинг места. Изградбата се очекува да започне во април наредната година по завршување на сите административно-технички процедури. Објектот треба да биде готов за две години. http://sitel.com.mk/dnevnik/makedonija/tetovo-ke-dobie-nov-teatar-i-biblioteka ------------- www.realmadrid-mk.blogspot.com |
Replies:
Posted By: lslcrew
Date Posted: 06-Oct-2010 at 16:43
|
Видеото од Сител...
[tube]zidEp9zPTFM[/tube] |
Posted By: Dragan
Date Posted: 08-Oct-2010 at 13:39
------------- |
Posted By: Mr.Edmund
Date Posted: 08-Oct-2010 at 17:57
Вака симпатично изгледа....на прв поглед....конечно да провее нешто современо. Само, никаде не успеав да видам кои се архитектите! Па фер е некој да ги спомнеше нивните имиња, ако ништо друго, за трудот што го вложиле . А, има ли изложба на конкурсните трудови? па да видиме повеќе сликички?
------------- СМРТ ЗА ФАШИЗМОТ-СЛОБОДА ЗА НАРОДОТ |
Posted By: build.mk
Date Posted: 09-Oct-2010 at 17:53
http://www.build.com.mk/?p=5163 - http://www.build.com.mk/?p=5163
|
Posted By: xnx
Date Posted: 09-Oct-2010 at 18:01
| ne mi lici na teatar. mozebi na office ili trgovski centar... |
Posted By: alexgizh
Date Posted: 09-Oct-2010 at 18:13
Мене ми се допаѓа поприлично 
------------- The only thing necessary for the triumph of evil is for good men to do nothing. |
Posted By: гитардемон
Date Posted: 09-Oct-2010 at 18:31
|
Фасадата многу ме потсеќа на проектот за драмски во Скопје (ако не се лажам). ------------- Arguing on the internet is like running at the special olympics. Even if you win, you're still retarded. |
Posted By: lslcrew
Date Posted: 09-Oct-2010 at 19:35
|
Posted By: Cloverstack
Date Posted: 09-Oct-2010 at 20:34
|
Значи овде нели: 42° 0'35.57"N 20°58'22.92"E Тетовчани, ај набацете некоја слика од тој домот на култура што е до локацијата на новиов објект... тој во добра состојба е или ќе треба и тој да се реконструира за да го заличи и театаров?  Вери најс  |
Posted By: Dragan
Date Posted: 09-Oct-2010 at 21:50
|
Clover. стариот дом на колутрата т.е сегашниот е во многу добра состојба, освен на некој делови каде има недостик од фасада. Е сега јас колку што знам домот на културата исто така е поврзан со библиотеката, а има околу 800 седишта (капацитет). Ако рендериве покажуваат дека вака ќе изгледа објектов од мене чиста единица, нема да се вклопи со околните објекти (кулите,поштата,стариот дом на културата). Слики од сегашниот дом очекувај те вторник-среда
------------- |
Posted By: Red`black
Date Posted: 09-Oct-2010 at 22:34
| Архитекти на овој проект се Бесиан Мехмети, Бетим (презимето не му го знам) и Никола Стрезовски. Сите тројца се проектанти и на Драмски театар во Скопје заедно со Минас Бакалчиев, Митко Пула |
Posted By: Cloverstack
Date Posted: 10-Oct-2010 at 01:01
Изгледа слабо се чита, повеќе слики се гледаат 
Инаку Митко не е Пула туку Хаџи-Пуља  А они работеа на театар центар, не на драмски. Драмски ќе се гради според проект на Емил Јегени, Елена Икономов, Јасна Милојковиќ и Билјана Стојменовска. Има све регистрирано по нишките. |
Posted By: Mr.Edmund
Date Posted: 10-Oct-2010 at 13:16
Еден мал детал.....не знам дали е до мене, или навистина скалите што треба да водат од тоалетите до фоајето, всушност не водат никаде?
------------- СМРТ ЗА ФАШИЗМОТ-СЛОБОДА ЗА НАРОДОТ |
Posted By: M@RKO
Date Posted: 13-Dec-2010 at 21:54
а кога ќе почне ова да се гради ,гледам почна да се реновира и гради моето Тетово 
|
Posted By: Cloverstack
Date Posted: 13-Dec-2010 at 22:10
|
Епа пишува бе М@RKO Се планира да почне во април 2011 и изградбата да трае 2 години. Дали ќе се држат до овие дати, ќе видиме. |
Posted By: axel
Date Posted: 02-Apr-2011 at 11:26
|
За театар во Тетово, само празни ветувања
Комбинирана установа заедно со библиотека требаше да се гради во центарот на градот Гојко Ефтоски |
Posted By: Dragan
Date Posted: 20-Feb-2012 at 13:14
|
Фрлетеа нишкава во канта ни Т ни Б од театар и библиотека, се планираше да се почне во април лани, а еве сега една година пројде и нема ништо почнато да се гради. Инаку според мое мислење на таа локација најповолно би било да се изгради катна гаража, конечно да се реши паркингот у Тетово, а и ако остане простор да се направи и парк. Тетово ги заслужува тие две работи како еден поголем град, а не да се брука со парикирани автомобили на среде булевари, и несредено зеленило, нема човек у Тетово каде да седн да се одмори под сенка и да ужива ------------- |
Posted By: OCB
Date Posted: 20-Feb-2012 at 13:42
Нема смисла да се фрла во канта Уште помалку наместо објекти од културата и образованието да се градат катни гаражи.
|
Posted By: Dragan
Date Posted: 20-Feb-2012 at 18:12
|
Го земам фактот дека на Тетово не му треба во моментов културни образовни центри, Тетово е универзитетски град, исто така ги има скоро сите средини школи,има театар има библиотека, има школски библиотеки ги има сите предиспозиции за образовен град, но овозможиим на луѓето да стигнат побрзо до образование, поправи ја инфраструктурата, а не цели булевари да се гушат у паркирани коли, дај им рекреативни места, зеленило, паркови,фонтани... ај да не се повторувам мислим ме сфати што сакам да кажам.
------------- |
Posted By: Џоле
Date Posted: 31-Dec-2013 at 11:24
Театар и градска библиотека во Тетово. Проектот е изработен од истата фирма која го изработи и оној за плоштад Скендербег во Скопје. Одредени детали на овој објект потсетуваат на веќе изградениот дел на плоштадот.
 ------------- За сè има вторпат |
Posted By: Џоле
Date Posted: 31-Dec-2013 at 11:26
Повеќе информации на линкот http://bma.kula9.com/theater-city-library-2/ - http://bma.kula9.com/theater-city-library-2/ ------------- За сè има вторпат |
Posted By: jyvation
Date Posted: 21-Nov-2014 at 00:42
|
Тетово со нов театар и библиотека во 2018 година
По четири години одложувања на реализацијата на проектот, конечно се потпиша договорот за изградба на планираниот културно – образовен центар во Тетово [»мапа], во чии рамки ќе се сместат театарот и градската библиотека. Културната установа „Иљо Антески – Смок“ вчера го потпиша договорот за изведба на севкупните градежни и градежно – занаетчиски работи на зданието што ќе се простира на 15.000 метри квадратни во центарот на градот. Тетовската компанија „Урбан План Конструкти“ ќе треба да го реализира градителскиот проект за 819.504.100 денари или околу 13,3 милиони евра. Новата зграда на театарот и библиотеката е предвидено да се заврши до 31 декември 2017 година. 
Со изведбата на објектот по принципот „клуч на рака“, Тетово ќе добие културно – образовен центар со голема и мала театарска сала, простор за библиотечен фонд, кино сала, простории за училиште за странски јазици и за комерцијални дејности, отворен амфитеатар и подземен паркинг со капацитет од 221 возило. Во внатрешните простории ќе се постави најсовремена опрема за изведување на театарски претстави, а сценската опрема и модерните проекциони системи ќе бидат соодветни и за одржување на други културни настани. Основниот проект за културно – образовниот центар во Тетово го изработи Градежниот институт „Македонија“, додека идејното решение е дело на бирото „Архинг Груп“, односно на архитектите Бесиан Мехмети, Бетим Зеќири, Бекир Адеми и Никола Стрезовски. http://www.build.mk/?p=40932 - http://www.build.mk/?p=40932 |
Posted By: Dragan
Date Posted: 09-Sep-2017 at 16:16
И после 5 години од најавувањето на проектов изградени се само 5% од објектот      D |
Posted By: stef4o
Date Posted: 25-Sep-2017 at 13:03
Од фејсбук
|
Posted By: stef4o
Date Posted: 02-Jan-2018 at 17:38
Тука работите напреднале(превземено од фб)
|
Posted By: stef4o
Date Posted: 25-May-2018 at 17:04
Еве до каде напреднала изградбата-превземено од фб профилот на изведувачот
|
Posted By: Dragan
Date Posted: 26-May-2018 at 11:34
|
Уште 3-4 години најмалку нема да биде готов овој објект. |
Posted By: stef4o
Date Posted: 04-Aug-2018 at 10:42
Од фб страната на изведувачот
|
Posted By: stef4o
Date Posted: 15-Aug-2018 at 13:46
Еве неколку фотки,има напредок во изградбата.(фотките се од фб од почетокот на месецов)
|
Posted By: stef4o
Date Posted: 11-Nov-2018 at 19:42
Од фб
|
Posted By: stef4o
Date Posted: 11-Nov-2019 at 14:11
Новиот Дом на култура во Тетово, започнат во 2014 година, ќе се гради уште три години!
Новиот Дом на културата во Тетово веќе пет години се гради и никако да заврши – според одговорните, се предвидува дека ќе бидат потребни уште три години за да биде готов, пишува „Порталб.мк“. Првата фаза на изградба, според директорот, Артан Арслани се очекува да заврши во декември. Во изјава за Порталб.мк, тој вели дека ќе има пенали ако работата не биде завршена до тогаш. – Првата фаза ја опфаќа затворената карабина на објектот, која е при крај. Според информациите од терен, таа се очекува да биде завршена во рок од еден месец. Активностите за оваа фаза се речиси готови, остануваат само неколку прозорци и неколку ѕидовите се обојат. На крајот на декември истекува договорот на ангажираните работници за оваа фаза, ако не ги завршат работите до тогаш, следуваат пенали – изјави Арслани за „Порталб.мк“. Според него, паралелно се работи и на втората фаза „бидејќи не сакаат да губат повеќе време“. – Паралелно работиме и на втората фаза, постапките за оваа фаза се долги и токму поради тоа не сакаме да губиме повеќе време. Во моментов сме при крај со проектирање на ентериерот, фирмата ги заврши работите, меѓутоа вршиме мали исправки. Втората и завршна фаза се очекува да заврши три години од започнувањето – објаснува директорот. По завршувањето на подготовката за втората фаза, оваа институција ќе треба да достави извештај до Владата за тоа дека се подготвени за започнување на втората фаза, извештај што Владата ќе треба да го усвои, за да се отвори тендерот за втората и завршна фаза. Изградбата на Домот на Културата во Тетово беше ветена уште на 6 октомври 2010, кога тогашната министерка за култура, Елизабета Канческа – Милевска го претстави идејното решение за изгледот на мултифункционалниот објект, кој ќе треба да понуди театар, кино и библиотека. Камен-темелникот за овој објект беше положен на 28 октомври 2014. Цената за првата фаза од изградбата на објектот беше проектирана на 13,5 милиони евра, а со почетокот на втората фаза и објавувањето на тендерот за внатрешно уредување цената ќе достигне до 40 милиони евра. Проектот за изградба на овој мултифункционален културен центар е еден од капиталните проекти на претходната влада, предвиден да биде реализиран неколку години наназад. Со изградбата на овој центар ќе биде решен просторниот проблем на повеќе институции, како театарот, библиотеката, Центарот за култура и други, кои неколку години функционираат во едно место. Во очекување на реализација на овој проект, културната и уметничката дејност се одвиваат во привремени средини и вонстандардни услови, а Библиотеката „Кочо Рацин” останува премала, со малку книги и со лоши услови. https://meta.mk/noviot-dom-na-kultura-vo-tetovo-zapochnat-vo-2014-godina-ќe-se-gradi-ushte-tri-godini/ |
Posted By: kiriOK
Date Posted: 16-Nov-2019 at 08:43
|
Тоа што ми е симптоматично...
1. Театар изграден на парцела на единствениот парк во Тетово 2. 10 години се гради уште не е готов 3. Верен на рендерот
|
Posted By: stef4o
Date Posted: 13-Jan-2020 at 08:25
https://www.facebook.com/viktoriatetove |
Posted By: stef4o
Date Posted: 09-May-2020 at 09:35
%20 - https://sdk.mk/index.php/sakam-zeleno/tetovo-e-edinstven-grad-bez-peshachka-zona/ |
Posted By: zabegan
Date Posted: 09-May-2020 at 18:48
|
сакав да кажам саркастично дека е 100% достоен на рендерот, ама гледам дека има некакви држачи на фасадата, па сигурно нема ова да му е краен изглед ------------- Architects create dreams...politicians create nightmares |
Posted By: stef4o
Date Posted: 14-May-2020 at 12:39
Бидејќи дел од фотките веќе не долг период не се отвораат извадив 10-тина фотки од страната на изведувачот
http://upc.mk/en/portfolio/tetovo-theater/ најновите фотки од мојот пост погоре 
|
Posted By: stef4o
Date Posted: 12-Aug-2020 at 15:25
|
Аслани: Завршена е првата фаза од изградбата на Центарот за култура во Тетово, ја чекаме втората фаза
Заврши првата фаза од изградбата на новиот Центар за култура во Тетово. Директорот Артан Аслани, истакна дека преостанува само записникот и се очекува да се формира Владата за да започне втората фаза. Првата фаза требаше да заврши во декември 2019 година, но според директорот, таа е одложена поради бирократски процедури, известува Порталб.мк. Иако првата фаза од изградбата на Центарот за култура требаше да заврши во декември 2019 година, како што изјави претходно директорот на Центарот за култура за Порталб.мк, таа беше завршена пред неколку дена. „Првата фаза заврши пред неколку дена, треба само да се изготви записникот. Сега ја чекаме втората фаза. Но, прво треба да се формира Влада, а потоа ќе видиме како ќе се одвива постапката и каква одлука ќе се донесе“, вели Аслани. На прашањето на Порталб.мк, зошто не се казнети одговорните за одложувањето, тој вели дека работите се завршени во декември, додека фазата била блокирана во управни постапки. „Работите се оддолжени поради причини што се споменати претходно, проблемот со дислокација на трафостаницата и отстранување на бараките. Работите беа завршени навреме на 20 декември, додека работата на записникот е одложена поради пандемијата и не претставува никакви пречки за втората фаза, тоа е едноставно административен и бирократски процес. Исто така, центарот за култура ги има завршено сите потребни процедури за отворање на тендерот за втората фаза, само се очекува зелено светло од Владата“, додаде тој. Инаку, цената на првата фаза за изградба на објектот беше проектирана на 13,5 милиони евра, додека со почетокот на втората фаза и објавување на тендерот за внатрешно регулирање, цената ќе достигне 40 милиони евра. Камен темелникот за изградба на овој објект беше поставен на 28 ноември 2014 година. %20 - https://meta.mk/aslani-zavrshena-e-prvata-faza-od-izgradbata-na-czentarot-za-kultura-vo-tetovo-ja-chekame-vtorata-faza |
Posted By: Џоле
Date Posted: 28-Oct-2020 at 17:15
|
[tube]v0Nh8mNkG4Y[/tube] ------------- За сè има вторпат |
Posted By: stef4o
Date Posted: 14-Nov-2020 at 18:38
|
Неколку пати пробиен рокот за завршување на новата зграда на Театарот и библиотеката во Тетово
[tube]hmRZ5AZHzuE&feature[/tube] %20 - https://alsat.mk/mk/nekolku-pati-probien-rokot-za-zavrshuvane-na-novata-zgrada-na-teatarot-i-bibliotekata-vo-tetovo/ |
Posted By: stef4o
Date Posted: 18-Nov-2020 at 16:21
|
Доцни проектот за доградба на тетовскиот театар, актерката Љоки: Ова одложување наликува на канцер
Втората фаза од изградбата на новата театарска зграда во Тетово никако да започне и зошто се случува ова, одговор нема од директорот на Центарот за култура во Тетово. Актерката Албана Љоки вели дека не се надева дека тоа ќе се случи, а одолговлекувањето на културните проекти го нарекува „канцер“ што ќе експлодира еден ден, пишува „Порталб.мк“. Според директорот на Центарот за култура во Тетово Артан Арслани, не е јасно зошто Владата сè уште нема преземено мерки за одобрување на втората фаза, иако истиот проект е прифатен уште од декември минатата година. „Ништо не е сменето од мојата последна изјава што, во врска со ова ја дадов одамна, сè уште чекаме Владата да го одобри проектот и да започне со јавната набавка за втората фаза. Проектот го доставивме во декември минатата година, немаме никаков одговор и не знам зошто се случува ова. Во втората фаза е предвидена изградба на ентериерот и театарската сцена. За динамиката на работата и за сè друго, одлучува Владата“, рече Артан Арслани, директор на Центарот за култура во Тетово. Една од актерките од Тетово, Албана Љоки, за „Порталб.мк“ изрази голем песимизам во врска со текот на изградбата на овој театар. Според неа, на културата во Тетово со бавни, но сигурни чекори, и се инсталира „канцер“ а ние ќе реагираме, кога истиот веќе ќе избувне. „Поминаа повеќе од 10 години откако изградбата на овој театар е барање на актерите од регионот, а состојбата и понатаму останува иста. Ние луѓето сме чудни, во моментот кога имаме главоболки не се грижиме и затоа и така нашето тело навикнува на таа болка сè до моментот кога ќе се појави канцер. Така навикнати сме со нереализирање на проекти сè до моментот кога ќе се појават експлозии, што во овој случај е уништување на културата, како многу важна сфера на нашите животи. Јас лично не верувам во ништо во оваа земја, особено не за градење на успех, ние како народ треба да бидеме посвесни за тоа што се случува и да не трчаме по толпата“, рече Албана Љоки, актерка. Се ветува уште од 2010 година! Изградбата на Центарот за култура во Тетово беше ветена на 6 октомври 2010 година, кога тогашната министерка за култура, Елизабета Канческа-Милевска, го претстави идејното решение за изгледот на еден мултифункционален театар, што треба да понуди театар, кино и библиотека. Камен-темелникот за изградба на овој објект беше поставен на 28 ноември 2014 година. Цената на првата фаза за изградба на објектот беше проектирана на 13,5 милиони евра, додека со почетокот на втората фаза и објавувањето на тендерот за внатрешно средување, цената ќе достигне 40 милиони евра. Проектот за изградба на овој мултифункционален културен центар е еден од капиталните проекти на претходната влада, планиран да се реализира пред неколку години. Со изградбата на центарот ќе се реши просторниот проблем за повеќе институции во Тетово, како што се театарот, библиотеката, културниот центар и други, кои функционираат на едно место неколку години. Чекајќи ја реализацијата на овој проект, културните и уметничките активности се одвиваат во привремени објекти во услови надвор од стандардите, додека Библиотеката „Кочо Рацин” и понатаму останува мала, со малку книги и лоши услови. https://meta.mk/doczni-proektot-za-dogradba-na-tetovskiot-teatar-akterkata-loki-ova-odlozhuvane-nalikuva-na-kanczer/ |
Posted By: stef4o
Date Posted: 24-Jan-2021 at 17:34
Седум години од камен темелникот, зградата на Тетовскиот театар далеку од финализирање
Зградата на Тетовскиот театар, во седмата година од поставувањето на камен-темелникот, застана во првата фаза од изградбата. Иако ветувањето на претходната влада на ВМРО ДПМНЕ – ДУИ беше дека објектот ќе се заврши до 2018 година, работите се уште се далеку од завршени. Досега, и покрај одложувањата, потрошени се 13,5 милиони евра, додека од Театарот велат дека ќе бидат потребни уште 26 милиони евра за втората фаза. Надлежните ги оправдуваат одложувањата со изборите и пандемијата. „Имавме избори, работата беше одложена, сигурно дека ова влијаеше на одолговлекувањето на годината што ја изгубивме, што и онака нè чини. Она што можам да го кажам е дека нашата желба е таа да биде завршена за три години, но сè ќе зависи од Владата, колку буџет има и колку може да обезбеди средства за реализација на динамиката што ќе ја дадеме преку финансиите“, рече Артан Арслани, в.д директор на Домот на културата, Тетово. Овие одложувања му штетат на Тетовскиот театар. Директорот, Беким Исмаили, вели дека во отсуство на нови простории и услови, се реализираат само половина од проектите. „Вистина е дека поради недостаток на објект, услови, ние го правиме годишниот план, така што и овој план за 2021 година е планиран врз основа на овие услови. Да го имавме новиот објект, верувам дека ќе имавме поголем број на проекти“, рече Беким Исмаили, директор на театарот на Тетовo. Според информациите на Алсат, финансиската полиција ја проверила документацијата и проектот за изградба на Театарот во Тетово, поради сомневања за злоупотреба. Новото ветување е дека работите ќе завршат до 2025 година. https://alsat.mk/mk/sedum-godini-od-kamen-temelnikot-zgradata-na-tetovskiot-teatar-daleku-od-finalizirane/ |
Posted By: user8642
Date Posted: 24-Jan-2021 at 17:39
| Може за избори да го завршат, таман може да му се најде правата функција, како во ова видео на пример. https://www.facebook.com/watch/?v=528356834685976 - https://www.facebook.com/watch/?v=528356834685976 Не е од youtube, неможам embed да го постирам. |
Posted By: stef4o
Date Posted: 29-Jan-2021 at 10:54
http://upc.mk/mk/portfolio/тетовски-театар/ |
Posted By: stef4o
Date Posted: 24-Aug-2021 at 07:26
|
Поминаа 7 години од поставување на камен темелникот – театарот во Тетово, сè уште недовршен
[tube]qkwIcUV6N3g[/tube] Поминаа 7 години од поставување на камен темелникот за изградба на Театарот и библиотеката во Тетово. И од тогаш објектот се уште не е во функција. Ветувањата беа дека театарот ќе биде готов во 2018, меѓутоа сега сме 2021 и до сега е завршена само првата фаза од проектот. Министерката за култура, Ирена Стефкова вели дека од страна на Министерството буџетските средства се издвоени, но без да ја прецизираат сумата и тоа дали се доволни за финализирање на објектот. Го прашавме и директорот на Театарот во Тетово, Беким Исмаили. Рече дека Министерството за култура им ветило дека работите ќе завршат за две години. Исмаили не го крие фактот дека се соочуваат со големи тешкотии поради тоа што немаат објект. „Ни се создадоа многу пречки поради тоа што немаме свој објект. И со библиотеката го имаме истиот проблем. Во контакт сме и со директорката, тие имаат проблем што немаат каде да ги остават книгите, а ние имаме други проблеми – немање простории и матична сцена. Сцената на Театарот во Тетово е во центарот за култура, значи проблем е сцената, потоа местото, костими, сценографија, администрација“, посочи Беким Исмаили. Врз основа на информациите, Театарот треба да чини околу 26 милиони евра а до сега се потрошени над 13 милиони евра. %20 - https://mk.tv21.tv/pominaa-7-godini-od-postavuvane-na-kamen-temelnikot-teatarot-vo-tetovo-se-ushte-nedovrshen/ |
Posted By: stef4o
Date Posted: 14-Oct-2021 at 15:52
ВЛАДАТА ДАДЕ 23 МИЛИОНИ ЕВРА ЗА ДОИЗГРАДБА НА ТЕАТАРОТ И БИБЛИОТЕКАТА ВО ТЕТОВО, СЕ ГРАДИ 8 ГОДИНИ, А ЌЕ ЗАВРШИ ВО 2025
Владата во наредните 4 години ќе даде 23 милиони евра за внатрешно опремување на објектот во кој ќе бидат сместени новиот театар и библиотеката во Тетово. Објектот, за кој градежните работи речиси се завршени, сега во втората фаза ќе биде опремен со најсовремени аудиовизуелни уреди какви досега нема во државата, а исто така ќе се опреми ентериерот и инфраструктурата за библиотеката. „Проектот за изградба на театар и библиотека во Тетово е еден од најобемните проекти како во однос на реализацијата, така и во однос на изградбата. Сега успеавме да ги финализираме постапките за почеток на втората фаза од изградбата односно за ентериерот. Објавивме јавна набавка со отворена постапка, значи меѓународен повик, при што е избран понудувачот, а тоа е групата на понудувачи „НБ компани“ од Тетово и „Пелагонија“ од Гостивар, со кои денес склучуваме договор за почеток на работите. Средствата за реализација на изградбата се обезбедени од Владата на Република Северна Македонија преку програмата од Министерството за култура. Втората фаза ќе чини 1 милијарда и 420 милиони денари или околу 23 милиони евра. Парите ќе се пуштаат по фази на изградбата сé до декември на 2025 година, за кога е предвидено објектот целосно да биде завршен со градба и внатрешно да биде опремен“, изјави Арлинд Хусеини, директор на НУ Центар за култура „Иљо Антески-Смок“ во Тетово. Иако Тетово има Дом на културата со голема сала со 600 седишта, во 2014 започна да се гради нов објект за театар и библиотека на растојание од неколку метри од постоечкиот Дом. Во првите години изградбата одеше мошне бавно, за конечно годинава, по осум години градење да се заврши првата фаза, односно да завршат градежните работи за што беа потрошени 13,5 милиони евра. Сега одобрените 23 милиони евра се предвидени за ентериерно опремување и за набавка на современа аудиовизуелна опрема. Со ова, Тетово ќе го добие еден од најскапите објекти во државата од областа на културата. Целосната изградба на Театарот и библиотеката треба да завршат на крајот од 2025. https://sdk.mk/index.php/dopisna-mrezha/vladata-dade-23-milioni-evra-za-doizgradba-na-teatarot-i-bibliotekata-vo-tetovo-se-gradi-8-godini-a-ke-zavrshi-vo-2025/ - https://sdk.mk/index.php/dopisna-mrezha/vladata-dade-23-milioni-evra-za-doizgradba-na-teatarot-i-bibliotekata-vo-tetovo-se-gradi-8-godini-a-ke-zavrshi-vo-2025/ |
Posted By: Џоле
Date Posted: 14-Oct-2021 at 15:53
------------- За сè има вторпат |
Posted By: stef4o
Date Posted: 14-Oct-2021 at 16:54
|
Вестиве сме ги објавиле во иста минута
Како и да е премногу се завлечка изградбата...исто важи и за Турскиот Театар кој е во многу поназадна фаза и со овие рокови што ги даваат ќе го фати 2035 година. |
Posted By: Џоле
Date Posted: 14-Oct-2021 at 17:48
|
Ја едитирав мојата објава, нема смисла да се повторува една иста вест двапати. А реакцијата ми е за влечкањето, 8 години се премногу за библиотека. ------------- За сè има вторпат |
Posted By: Vire
Date Posted: 15-Oct-2021 at 06:35
Стварно,не ти е реакцијата за 23 милиони евра доделени пред избори ?
23000000 евра човече,за библиотека  па спејс шатл ќе изградиш со тие пари бе....
|
Posted By: stef4o
Date Posted: 15-Oct-2021 at 07:06
|
Со 23 милиони евра ќе се опремува Тетовскиот театар кој се гради осум години, вкупно ќе чини скоро колку обновениот од „Скопје 2014“
На три дена пред локалните избори, претставници на Министерството за култура и на локалните власти во Тетово потпишаа договор со кој се доделуваат 23 милиони евра во следните четири години за внатрешно опремување на објектот на новиот тетовски театар и библиотеката во градот, кој со години стои полуизграден, пишува Тетовоинфо. Според најавите на денешното потпишување на договорот за средствата, на кој присуствуваше и градоначалничката и кандидатка за нов мандат, Теута Арифи, објектот ќе биде опремен со „најсовремени аудиовизуелни уреди какви досега нема во државата“, а исто така ќе се опреми ентериерот и инфраструктурата за библиотеката. Зградата на новиот театар почна да се гради во 2014 година, на само неколку метри од веќе постоечкиот Дом на културата, кој има голема сала со 600 седишта. Досега беа потрошени 13,5 милиони евра, а објектот вкупно ќе чини 36,5 милиони, што ќе го направи еден од најскапите објекти од културата во државата, заедно со возобновениот скопски театар од проектот „Скопје 2014“, чија цена надмина 40 милиони евра. Зградата треба да биде завршена во 2025 година, кога ќе поминат 11 години откако започна да се гради. https://www.slobodenpecat.mk/so-23-milioni-evra-kje-se-opremuva-tetovskiot-teatar-koj-se-gradi-osum-godini-vkupno-kje-chini-skoro-kolku-obnoveniot-od-skopje-2014/ - https://www.slobodenpecat.mk/so-23-milioni-evra-kje-se-opremuva-tetovskiot-teatar-koj-se-gradi-osum-godini-vkupno-kje-chini-skoro-kolku-obnoveniot-od-skopje-2014/ |
Posted By: MGS
Date Posted: 15-Oct-2021 at 09:28
|
40 милиони за театар во град кој се дави во ѓубре, загаден воздух и урбанистички хаос.
Ама мора да се перат пари од нешто. |
Posted By: Џоле
Date Posted: 15-Oct-2021 at 09:37
Па и за тоа ми е, гледаш дека сум го болдирал делот од текстот кај што се вели дека е еден од најскапите културни објекти во државава. ------------- За сè има вторпат |
Posted By: гитардемон
Date Posted: 15-Oct-2021 at 10:59
|
Кога навистина ти треба поддршката на ДУИ, нормално дека ќе им дадеш 23.000.000€ за проект кој не вреди ни 5. Другите 18 се провизија за услугата која ќе следи. ------------- Arguing on the internet is like running at the special olympics. Even if you win, you're still retarded. |
Posted By: skopskodete
Date Posted: 15-Oct-2021 at 15:38
А услугата е? |
Posted By: stef4o
Date Posted: 06-Dec-2021 at 17:51
|
Во 2014 година започна изградбата на театарот во Тетово, до сега е завршена само првата фаза
[tube]dUxUiSQRboI[/tube] Објектот на Театарот и библиотеката во Тетово ќе заврши до крајот на 2025 и исплатата треба да заврши од страна на владата до 2026. Вака изјави директорот на Домот на културата во Тетово, Арлинд Хусеини. Според него, средствата се обезбедени и сега се чека да започне втората фаза од објектот. „Работите за театарот и библиотеката во Тетово , според одлуката на владата предвидено е да завршат до 2025 а во 2026 да се исплатата парите за работите околу театарот во Тетово. Средствата за капиталниот проект се обезбедени, буџетот е комплетиран според договорот и ќе се реализира во неколку фази со одлука на владата а исплатата се очекува најдоцна до крајот на 2026.“, вели Арлинд Хусеини. Сега за сега голем проблем е тоа што салата во Домот на културата нема централно греење. Хусеини вели во текот на следната година очекува да се изнајде соодветно решение. -Речиси 10 или 15 години постои овој проблем , се е застарено, јас од дента кога дојдов како директор на домот на културата имам план во иднина да имаме голем проект, да има греење. Од Тетовскиот театар велат дека имаат тешкотии кога треба да одржуваат проби, бидејќи големата сала во Домот на културата е ладна и не можат да ги натераат актерите да одржуваат проби во големата сала. „Не велам дека нема услови за работа бидејќи секторот за администрација има греење, проблемот е во големата сала и немаме можност да одржуваме проби континуирано“, изјави Беким Исмаили. Камен темелникот на Тетовскиот театар е поставен во 2014 а и по 7 години завршена е само првата фаза од проектот. Честото менување на министри за култура, внатрешните ревизии поради сомнеж за злоупотреба и непуштањето на средствата од страна на владата се причина Тетовскиот театар се уште да нема свој објект. https://mk.tv21.tv/vo-2014-godina-zapochna-izgradbata-na-teatarot-vo-tetovo-do-sega-e-zavrshena-samo-prvata-faza/ - https://mk.tv21.tv/vo-2014-godina-zapochna-izgradbata-na-teatarot-vo-tetovo-do-sega-e-zavrshena-samo-prvata-faza/ |
Posted By: stef4o
Date Posted: 15-Feb-2022 at 10:30
Наредниот проект, Вентилација на Тетовскиот Театар.
https://www.facebook.com/Cesovent-109394997528130 - https://www.facebook.com/Cesovent-109394997528130 |
Posted By: stef4o
Date Posted: 23-Feb-2022 at 16:24
https://www.facebook.com/viktoriatetove - https://www.facebook.com/viktoriatetove |
Posted By: stef4o
Date Posted: 04-Aug-2022 at 15:26
|
Новата зграда на театарот во Тетово ќе се гради со векови како Нотр Дам?
Почна да се гради во 2014 година. беше ветено дека ќе заврши во 2017. Но, на новата зграда на Театарот и библиотеката во Тетово, наместо за 3 години, сè уште не ѝ се гледа крајот. Во ноември ќе се навршат 8 години од почетокот на работите. Проблемите почнаа уште во првата фаза од реализацијата, првично со намалување на волуменот на објектот. Потоа почнаа доцнења во плаќањето и разни неправилности кои траат до ден-денес. Се тврдеше дека втората и последна фаза од изградбата ќе заврши оваа година, но рокот повторно се поместува. Новото ветување сега е дека објектот ќе биде готов до крајот на 2025 година, доколку сè оди според планот. Немаме кратење на буџетот и вака како почна работата на театарот во втората фаза и како што течат работите, очекувам 2025 година, односно крајот на 2025 година, според договорот, новиот театар да биде готов, ќе имаме супер-модерна зграда каква што заслужуваат тетовци“, изјави Арлинд Хусеини, раководител на проектот. Покрај доцнењата со почеток на втората фаза, проектот еден период беше предмет на истрага и на Финансиската полиција, но од оваа институција не открија што констатирале во истрагата. Доцнењето од околу една деценија ја отежнува работата на Тетовската библиотека, која е блокирана во многу тесен простор и без минимални услови за функционирање. „Нема простор. Треба да ни излезат во пресрет бидејќи зградата има толку простор. Ни велат дека ќе има простор кога ќе се изгради новиот објект и тоа им е како алиби, а во меѓувреме за волја на вистината, тука нема услови ниту пет отсто за функционирање како библиотека или магацин за чување книги“, рече Махи Муртезани, Тетовска библиотека. Истиот проблем го имаат и актерите на Тетовскиот театар. Пробите се изведуваат во лоши услови, во импровизирани сали и без потребни услови. Камен-темелникот на зградата на Тетовскиот театар и библиотека беше поставен на 28 ноември 2014 година. https://alsat.mk/mk/novata-zgrada-na-teatarot-vo-tetovo-ke-se-gradi-so-vekovi-kako-notr-dam/ - https://alsat.mk/mk/novata-zgrada-na-teatarot-vo-tetovo-ke-se-gradi-so-vekovi-kako-notr-dam/ ------------- Carpe diem |
Posted By: stef4o
Date Posted: 16-Aug-2022 at 17:21
|
Се гради 8 години, потребни се уште 4 години за објектот на Театарот и библиотеката во Тетово да биде завршен
Иако во октомври лани имаше најави дека објектот на Театарот и библиотеката во Тетово ќе биде готов во 2025 година, тоа нема да се случи. Завршувањето на работите на овој објект, кој почна да се гради во 2014 година, се продолжени за уште една година, дознава Порталб.мк. Новата зграда на тетовскиот театар се ветува веќе 12 години, се гради 8 години и според прогнозите, за кои сè уште не се знае дали ќе се реализираат, со оглед на фактот дека често има доцнења во работата, таа би била завршена по 4 години. Доколку навистина се реализира како што се вели, во тој случај овој објект од круцијална важност за тетовската култура, ќе ги отвори вратите дури 16 години по даденото ветување. Уметниците и љубителите на уметноста, изразувајќи длабоко разочарување, за Порталб.мк коментираат „и вселенски брод да се градеше, ќе се завршеше побрзо од овој објект“. Директорот на Центарот за култура во Тетово, Арлинд Хусеини, за Порталб.мк, изјави дека работите се одвиваат според предвидената динамика. „Се надеваме дека целиот процес на завршување на втората фаза и останатите работи од првата фаза ќе бидат завршени согласно предвидените рокови со договорот за изградба на театарот и библиотеката во Тетово – конкретно во декември 2025 година. Во втората фаза досега, конкретно, се изведуваат работи поврзани со ентериерот, електричната инсталација, канализација, инсталирање на лифтот, како и многу работи кои се предвидени со Договорот“, рече Хусеини. Објектот е голема потреба, како за актерите кои настапуваат во Центарот на културата и затоа се ограничени, така и за библиотеката, која сега е во многу мал простор. Директорот на тетовскиот театар, Беким Смаили, за Порталб.мк нагласи дека ним како институција им било кажано дека нивниот објект ќе биде подготвен за работа на крајот на 2024 или на почетокот на 2025 година. „Дај Боже, Министерството за култура во следните неколку години до завршување на зградата да одвои доволно средства за да продолжи работата без прекин“, рече Смаили. Од Министерството за култура, пак, за Порталб.мк велат дека работите се очекува да завршат една година подоцна, поточно во 2026 година. „Изградбата на новата зграда за театарот и библиотеката во Тетово е повеќегодишен проект, кој се одвива во две фази. Првата фаза од изградбата – карабина – е целосно завршена, а втората фаза од градежните работи е во тек. Избраната компанија интензивно работи во моментов на градежно-занаетчиските работи на објектот. Според плановите, проектот за изградба на театарот и библиотеката во Тетово треба да биде завршен до крајот на 2026 година“, соопштија од Министерството за култура. Работите од втората фаза, поточно за внатрешното опремување на тетовскиот театар и библиотека, ги изведуваат „НБ Компани“ од Тетово и „Пелагонија“ од Гостивар, со кои договорот за почеток на работите беше свечено означен во октомври минатата година. За тоа Владата одвои уште 23 милиони евра. Цената на првата фаза за изградба на објектот беше проектирана на 13,5 милиони евра, а со внатрешното опремување, цената достигна 40 милиони евра. Изградбата на Центарот за култура во Тетово беше ветен од 6 октомври 2010 година, кога тогашната министерка за култура Елизабета Канческа – Милевска го презентираше идејното решение за изгледот на мултифункционалниот театар кој треба да понуди театар, кино и библиотека. Со изградбата на овој центар ќе се реши просторниот проблем за повеќе институции, како театарот, библиотеката, културниот центар и други, кои веќе неколку години функционираат на едно место. https://meta.mk/se-gradi-8-godini-potrebni-se-ushte-4-godini-za-objektot-na-teatarot-i-bibliotekata-vo-tetovo-da-bide-zavrshen/ - https://meta.mk/se-gradi-8-godini-potrebni-se-ushte-4-godini-za-objektot-na-teatarot-i-bibliotekata-vo-tetovo-da-bide-zavrshen/ ------------- Carpe diem |
Posted By: hcitrS
Date Posted: 16-Aug-2022 at 22:49
| Сите политичари ни се корумпирани говеда, ама "Зелениве" да можат сопствената мајка би ја закрпиле и за 2 денара. |
Posted By: stef4o
Date Posted: 04-Mar-2023 at 15:59
|
Небаре е космодром – Тетовскиот театар ќе се гради 12 години!
Изградбата почна во 2014 година, беше ветено дека сè ќе биде готово до 2017 година. Но, рокот е надминат 6 години и понатаму не се гледа крајот на проектот за нова зграда на Тетовскиот театар и библиотека. Новото ветување е дека објектот ќе биде готов во 2026 година, поточно 12 години од поставувањето на камен-темелникот. „Сега е втората фаза од изградбата на објектот која започна во септември 2021 година и работите се одвиваат според предвидената динамика. Според информациите и најавата од Владата на Северна Македонија, тој навистина треба да биде завршен на почетокот на 2026 година. Работата може да се одложи ако се појават непредвидени проблеми, но сметаме дека во 2026 година ќе биде изградена зградата на театарот и библиотеката во Тетово“, рече Вулнет Фејзули Технички секретар на Домот на културата. Во меѓувреме, актерите работат како кираџии во Домот на културата и немаат ни минимални услови. „Повеќе го чинеше градот Тетово, ја чинеше тетовската публика, тетовската младина, затоа што театар кој нема редовен репертоар на претстави секоја вечер не може да негува публика на начин како нормалните театри во светот. Што губиме како актери, како технички персонал, како режисери? Прво го загубивме здравјето работејќи на минус 20 затоа што овде е студено и тоа влијае на нашиот живот и здравје. Техничките услови се минимални за еден театар и тоа нè тера да се чувствуваме инфериорни како уметници од втор ред во оваа земја“, изјави Елмир Сејфулаи – актер. „Кога ги прочитав овие бројки 25-27, 30-37 ми изгледа сосема бесмислено и пред мене се појавува ликот на Страгон во драмата на Семјуел Бекет, кој веруваше дека Годо ќе дојде и бескрајно чекаше, но Годо никогаш не дојде исто така и ова ми изгледа слично“, нагласи Ермал Чанга – актер. „Не се во можност да создадат услови во постојната зграда, а камоли да изградат нова и да прават озвучување, услови итн. Темава е смешна. Тие се неуки. Секогаш велат – ќе одиме во Европа, епа направете го театарот по ѓаволите! Што да им понудиме на граѓаните? Барем нема да треба да им се правдаме на децата, затоа што син ми кој сега има 10 години ќе оди во Германија и нема да треба да му објаснувам за негрижата. Ќе му речам – оди и ти како другите!“, додаде Блерим Исмани – Актер. Компанијата која ги изведува работите ја прекина работата зашто и должат пари. Камен-темелникот беше поставен на 28 ноември 2014 година./Алсат.мк https://alsat.mk/mk/nebare-e-kosmodrom-tetovskiot-teatar-ke-se-gradi-12-godini/ - https://alsat.mk/mk/nebare-e-kosmodrom-tetovskiot-teatar-ke-se-gradi-12-godini/ ------------- Carpe diem |
Posted By: stef4o
Date Posted: 10-Dec-2023 at 15:55
https://www.facebook.com/profile.php?id=100057701311750 - https://www.facebook.com/profile.php?id=100057701311750 ------------- Carpe diem |
Posted By: my Macedonia
Date Posted: 13-Dec-2023 at 00:07
Еве нешто од фб профилот на Артан Груби
 ------------- |
Posted By: stef4o
Date Posted: 23-Dec-2023 at 17:59
https://www.facebook.com/photo?fbid=1046095206802646&set=pcb.1046095220135978 - https://www.facebook.com/photo?fbid=1046095206802646&set=pcb.1046095220135978 ------------- Carpe diem |
Posted By: stef4o
Date Posted: 15-Apr-2024 at 18:12
od fb
 ------------- Carpe diem |