ЗАВРШИВМЕ 160, ПОЧНУВАМЕ 200 НОВИ ПРОЕКТИ

Над 160 завршени проекти од 14 април минатата година до денес, и нови 200 проекти во сферата на комуналните дејности, урбанизмот, културата, образованието, спортот, социјалната политика, туризмот, екологијата, објави на денешната конференција за печат Градоначалникот на Општина Карпош Стевчо Јакимовски.

Во изминатиот период во Општината Карпош се асфалтирани улици во должина од 5,5 километри, изградени се нови паркинзи на површина од 4,4 илјади квадратни метри, близу 11,6 километри поплочени тротоари, изградени се околу 2,3 километри нови жардињери, покриени се канали во должина од над 400 метри за сума од 16 милиони денари...Освен тоа, донесени се девет детални урбанистички планови, реновирани училиштата „Петар Поп Арсов“ и „Лазо Трповски“(фасади, столатија и пиокриви), заменети прозорците и вратите на ОУ „Вера Циривири Трена“, како и покривот и ламарината на ОУ „Војдан Ченодрински“.

Поставени се вкупно 1.633 светилки, а функционирањето на општинската администрација е зајакнато со набавка на нови компјутерска опрема, нови возила. Организиравме една и учествувавме на уште една саемска манифестација, на „ЕМ умеам, ем можам“ и на Саемот на општини на ЗЕЛС „ ЕКСПО 2009“.

Отворени се четири училишта  од вонобразовниот процес, за глума, за цртан и анимиран филм, за фолклор и за унапредување на физичката култура во одделенската настава. Доделени се 44 индивидуални стипендии на талентирани ученици, 12 помошти за спортски клубови, организиравме училишни лиги во спорт, помагавме домашни и меѓународни културни и спортски настани. На социјално загрозени семејства доделивме 234 помошти во вредност од 2,3 милиони денари.Тоа значи, изјави на денешната прес конференција градоначалникот на Општина Карпош Стевчо Јакимовски дека секој ден имавме по еден проект и започнувавме уште еден нов.

За оваа година планираме 110 нови проекти во комуналната сфера и уште 100-тина во сферата на култуарата, образованието, спортот,рече Јакимовски.

За оваа година тој најави и четири капитални инвестиции како што се оние на „Мен Фешн„ голем трговски центар, потоа на „Газет Глоуб“ односно фирмата ГЕ Македонија, кај поранешна „Алумина“, станбено- деловен комплекс, доаѓање најави и на словенечки „Меркатор“ кој во рок од шест месеци мора да почне да гради, како и Импекс-Л фирмата која ќе вложи 50 милиони евра во станбена изградба кај бараките на Гранит во Тафталиџе 1. Од овие капитални објекти, но и од други помали инвестиции, Општината очекува да инкасира околу 12-13 милиони евра по основ на комуналии. Градоначалникот Јакимовски ја најави и изградбата на новата општинска зграда, која не би требало да чини повеќе од 1,5 милиони евра. NAJINTERESNIOT E POSLEDNIOT DEL.                                                                                                                                                  http://www.karpos.gov.mk/index.php?option=com_content&view=article&id=494:press&catid=51:glavni 

да! за ова имаме дебатирано во повеќе нишки, каде убаво се констатира како го пишуваат мекдоналдс русите и бугарите, нејсе има и закон кој ги обврзува сите на кирилица да ги истакнуваат своите фирми, проекти итн.

Престижни станови во „Гранд престиж“ кај Алумина

Становите ќе се продаваат по цена од 1.000 до 1.250 евра за квадратен метар

Деспина Трајковска

Ексклузивен станбен комплекс „Гранд престиж“ ќе никне најмногу за три години на местото на некогашната локација што и' припаѓаше на механизацијата на „Гранит“, веднаш до „Алумина“. Станува збор за македонска инвестиција тешка речиси 50 милиони евра на „Импексел 2“ и на „Еуроактива“. Ќе се градат шест ексклузивни станбени десеткатници, секоја на парцела од околу 4.000 квадратни метри. На продажба ќе се понудат речиси 1.000 стана, со површина од 49 квадрати, па се' до над 100 квадрати, колку што ќе имаа ексклузивните апартмани.

Иако се најавува како најекслузивен станбен комплекс изграден досега во Скопје, цените во „Гранд престиж“ ќе се движат како и во обичните станбени реони низ градов. Во зависност од начинот на плаќање при купувањето (овозможено е учество од 30 отсто, до купување во кеш), еден квадрат ќе се движи од 1.100 до 1.250 евра.

На идните станари ќе им биде овозможен клуч на рака и со комплетно решено внатрешно уредување на станот, во смисла на архитектонско решение, избор на бои и стилови на мебелот...Сето тоа ќе го сработат тимови на инвеститорите што се јавуваат и како комплетни носители и изведувачи на проектот. Се очекува „Гранд престиж“ да биде целосно изграден во рок од три години.

На терен веќе се работи, отворени се градилишта за две од планираните шест згради. „Градежните работи на терен интензивно се одвиваат. Отворена е градежната јама за зградата што се граничи со улицата ‘Прашка‘, а наскоро очекуваме паралелно да почне со работа и градилиштето за соседната зграда, една од трите што ќе излегува на ‘Метрополит Теодосиј Гологанов‘“, вели Сашо Стојчески, менаџер за градба и технички раководител во „Импексел 2“.

Во меѓувреме, инвеститорите привршуваат и со дооформување на парцелите за останатите четири згради и очекуваат со целата постапка да завршат најдоцна до пролет кога автоматски би започнала и нивната изградба.

Паркирањето за сите станари ќе биде решено со систем на подземно паркирање. Комплексот ќе има две подземни паркинг-нивоа, а дополнително ќе има и надземен паркинг, кој, практично, во основа ќе се користи за пристап до зградите. Секоја од нив ќе има по три влеза, во двата ќе бидат распоредени по 50 стана, а во еден 60.

Околината на комплексот ќе биде партерно уредена на европско ниво, ќе има парковски површини, детски катчиња...За потребите на комплексот, Општина Карпош ќе има обврска да изгради и две нови сервисни улички.

Практично, „Гранд престиж“ ќе го означи и урбанизирањето на овој дел од Скопје. Комплексот ќе се граничи со најавениот израелски шопинг-мол „Газит глоуб“. До стартот на овој проект, „Гранд престиж“ во изминатиот период е регистрирана како најголема инвестиција во Карпош. Од комплексот, Општината ќари речиси 1,5 милиони евра по основа на комуналии.

Инаку, еден од инвеститорите, „Импексел 2“, досега во Скопје е препознатлив по станбено-деловниот комплекс изграден кај подвозникот кон Црниче, а моментално привршува и со изградбата на комбинираната катна гаража зад Универзална сала.

Од страната на НОВА.

Стопанска банка од Скопје одобри кредит за изградба на голем станбен комплекс „Гранд Престиж“ на инвеститорите Импексел 2 и Еуроактива. Станува збор за станбен комплекс од 80.000 метри квадратни и целосната финансиска конструкција за истиот е во рангот над 60 милиони евра. Две од станбените згради се во финална фаза на изградба, а во процес на подготовка е изградбата на уште четири згради со што проектот ќе го постигне крајниот планиран изглед.

Генералниот директор на Стопанска банка, Глигор Бишев, изјави дека поддршката што ја обезбеди банката за овој проект е доказ дека тие ги следат сигналите од Народната банка за зголемување на кредитирањето.
“Освен финансиската поддршка за инвеститорите, што ќе ја добиваат во секоја фаза од реализација на проектот, Стопанска банка истовремено ќе обезбеди и кредитна поддршка за сите клиенти што ќе сакаат да купат станови. Во рамките на самиот објект ќе отвориме посебен шалтер каде сите клиенти што ги исполнуваат кредитните услви, ќе може да аплицираат и да добијат станбени кредити“, изјави Бишев.
Инвеститорите најавија дека првите две згради се очекува да бидат готови до октомври годинава. Становите ќе се продаваат по цена од околу 1.100 евра за метар квадратен, а ќе се понудат станови со различна големина, од 45 до 100 метри квадратни.