Print Page | Close Window

Спортска сала Аеродром

Printed From: build.mk
Category: Главни теми
Forum Name: Спортски
Forum Discription: Стадиони, сали, спортско-рекреативни објекти...
URL: http://www.build.mk/forum/forum_posts.asp?TID=1140
Printed Date: 28-Mar-2024 at 12:24


Topic: Спортска сала Аеродром
Posted By: my Macedonia
Subject: Спортска сала Аеродром
Date Posted: 29-Jun-2009 at 12:09

ВО ОПШТИНА АЕРОДРОМ

Ќе се гради спортска сала на кејот на Вардар

На кејот на Вардар во Аеродром ќе изградиме цел спортски комплекс, изјави градоначалникот Ивица Коневски

Општина Аеродром заедно со Агенцијата за млади и спорт ќе гради спортска сала на кејот на Вардар. Изградбата на салата е предвидена со деталниот урбанистички план "Јане Сандански" кој Советот на Аеродром треба да го изгласа на некоја од следните седници.
Согласно планот, салата ќе се гради во близина на спортската сала кај што настапува кошаркарскиот клуб МЗТ Скопје и ќе има капацитет за 4000 гледачи. Иста спортска сала, според најавите на општинарите ќе се гради и во населбата Реонски центар.
"Кога Советот ќе го изгласа деталниот урбанистички план, планираме кејот на Вардар во наштата општина да га направиме спортски комплекс. Освен спортска сала ќе изградиме и фудбалски и спортски игралишта со по една трибина кои ќе бидат осветлени со рефлектори. Планираме со изградба да почнеме до крајот на оваа година или на почетокот на следната", вели градоначалникот на Општина аеродром Ивица Коневски.
Освен спортска сала и фудбалски игралишта, на кејот на Вардар во Аеродром предвидено е да се градат и ракометни игралишта, аква парк, хелиодром, хотели и други содржини. (М.Ѓ.)

http://www.vest.com.mk/?ItemID=038EA3E398A71943A676D0AC58B86028



Replies:
Posted By: zabegan
Date Posted: 29-Jun-2009 at 12:34
зошто секогаш сакаат да стават на празен простор спортски центри,и најчесто тоа се обични терени за фудбал, кошарка или тенис? или пак секогаш го тапат со „хелиодроми, аква паркови и хотели“
навистина не е само ова начин како да се уреди поголема зелена површина
(не дека имам многу против ова)


Posted By: гитардемон
Date Posted: 29-Jun-2009 at 13:31
Ај да не испадни муабетот пак локал патриотски, ама што ќе му е на Скопје уште една (квалитетна) сала, на калето и Борис Трајковски се две од единствените три во државата што личат на нешто (ако охридската се смета дека личи на нешто). Ако ништо друго, прилепската и битолската се распаѓаат, а сигурен сум дека има уште 10 други што се полураспаднати во државата.


-------------
Arguing on the internet is like running at the special olympics. Even if you win, you're still retarded.


Posted By: pbanks
Date Posted: 29-Jun-2009 at 13:56


Како прво ова е локален, општински проект а не државен така да локалпатриотскиот муабет ти паѓа во вода.

Како второ град Скопје едвај со помош на државата направи сала од 6.000+ гледачи а Коневски ќе правел 2х4.000. Треба да научиме да ги разликуваме вистинските од глупавите најави.

Како трето, верувам дека муабетов е повеќе од аспект на ДУП отколку од аспект дека општината ќе почне да инвестира во ова.

И како четврто, планот ми звучи толку генерички и на памет да ми се блуе. Како што кажа забеган а некаде имаат луфта ај ќе правиме спортски терени. Има ли анализа некаква за демографијата на Аеродром, колку луѓе би ја користеле, колкава е нивната економска моќ да плаќаат за нешто такво, колкава е воопшто спортската култура кај нас итн... Сигурен сум дека нема.


Posted By: гитардемон
Date Posted: 29-Jun-2009 at 14:41
Општина Аеродром заедно со Агенцијата за млади и спорт ќе гради спортска сала на кејот на Вардар.


Тука во задебеленото ја видов сериозноста на најавата. Немам проблем ако сака градоначалникот да си гради со општински, баш е убаво (и ретко). Ама додека државата форсира Република Скопје Roll%20eyes - ќе се бунам. Нели агенцијата за млади и спорт е на владата?


-------------
Arguing on the internet is like running at the special olympics. Even if you win, you're still retarded.


Posted By: pbanks
Date Posted: 29-Jun-2009 at 15:17


Тој дел ми промакнал.

Сепак никогаш во овие дискусии не добив вистински аргументи за цел тој мит Република Скопје.

Исто така ме интересира дали Грција е република Атина или Англија - република Лондон итн....

Има многу примери во светот каде диспропорцијата меѓу главниот (или неколкуте главни градови) и остатокто од земјата е голема не заради некаква пристрасна политика туку заради реални економски, социолошки и какви уште не параметри. Имаме нишка за ова доколку ми одговараш, одговори ми http://www.build.com.mk/forum/forum_posts.asp?TID=591 - таму .


Posted By: se_manda
Date Posted: 29-Jun-2009 at 20:27

a koja e poentata da pravat uste edna sala do MZT?!?!?!? ako tolku sakaat sali barem neka ja renoviraat...posle za terenive,okolu mzt ima nekolku za tenis,pred sekoja zgrada ima 1-2 kosa (za basket),niz parkovive decava igraat fudbal...sigurno nema nekoj da cepa od biser do mzt samo da izigra partija basket ili fudbal...



Posted By: Cloverstack
Date Posted: 24-Sep-2009 at 17:35
Кај градежната база на АДГ Маврово во Јане Сандански солидно се работи, но тешко дека ќе биде испочитуван најавениот рок за расчистување (дваесетина дена)

1


2



Posted By: Cloverstack
Date Posted: 18-Dec-2009 at 22:26
Привршува расчистувањето за спортски центар во Аеродром

Просторот покрај кејот на Вардар во Општина Аеродром, на кој до неодамна функционираше голема граджна база на АДГ Маврово е речиси расчистен од времените објекти кои таму егзистираа околу три децении. При крај е и изнесувањето на шутот и другите остатоци. Со ова се обезбедуваат предуслови за реализација на неодамна донесениот урбанистички план, кој воглавно предвидува спортски и рекреативни содржини.

Локацијата е опфатена со ДУП Јане Сандански, урбана единица Г. Со него на овој простор и околината е зацртан спортски центар кој вклучува нова спортска сала, сала за хокеј и уметничко лизгање, олимписки базен, фудбалско игралиште со монтажна трибина, како и две ракометни игралишта и четири дополнителни тениски игралишта. Градоначалникот на Општина Аеродром, Ивица Коневски, изјави дека проектите ќе ги реализираат во соработка со Агенцијата за млади и спорт. Тој најавува дека спортската сала ќе има капацитет од 4.000 гледачи, а трибината на фудбалското игралиште ќе може да прими 1000 гледачи. Во рамките на центарот, ДУП-от предвидува и два хотели, забавен парк и подземни гаражи.

Расчистувањето почна во септември и првично беше најавено дека ќе заврши за дваесетина дена.


http://www.build.com.mk/portal/?p=856 - http://www.build.com.mk/portal/?p=856

Еве и фотки од денеска:

1


2


3


4



Posted By: lslcrew
Date Posted: 09-Feb-2010 at 23:17
За изградба на повеќенаменска спортска сала во Аеродром

Сите заинтересираните учесници треба да ги достават своите проектни решенија најдоцна до 10 март годинава исклучиво преку електронски систем за јавни набавки. Наградата за најдобро Проектно решение е во висина од 300.000 денари


Владата преку Агенцијата за млади и спорт деновиве распиша конкурс за избор на идејно архитектонско-урбанистичко решение за спортска повеќенаменска сала во општина Аеродром. Критериумите за утврдување на способноста на учесниците за поднесување проектни решенија се дека треба да ги исполнуваа барањата. Физичкото лице треба да поседува способност за вршење професионална дејност, а доколку станува збор за правно лице треба да ја приложи личната состојба, економската и финансиската состојба, како и техничка и професионална способност. Физичкото лице треба да има соодветна висока стручна подготовка од областа на архитектурата. Исто така, треба да има соодветно овластување Б, издадено од Комората на овластени архитекти и овластени градежници на Република Македонија или од соодветен надлежен орган доколку станува збор за странски учесник.

Потребните критериуми за учество на правни лица се лична состојба во последните пет години. Учесникот не треба да има изречена правосилна пресуда за учество во злосторничка организација, корупција, измама, перење пари, да не е во постапка за
стечај или ликвидација и да нема неплатени даноци, придонеси или други јавни давачки. На учесникот да не му е изречена прекршочна санкција односно забрана за вршење на професија, дејност или должност. Треба да е регистриран како правно лице за вршење на дејноста која е поврзана со предметот на набавката или пак да припаѓа на соодветно професионално здружение во согласност со прописите на земјата каде што е регистриран. Економската и финансиската состојба на учесникот е дека треба да има позитивно мислење за економските показатели во извештајот за билансот на состојба и билансот на успех во последните три години за секоја година одделно. Техничката и професионалната способност на учесникот е искуството во вршење работи од областа на проектирањето на градби од трета категорија во согласност со Законот за градење во последните три години. Условите за добивање на тендерска документација учесниците може да ја подигнат преку електронскиот систем за јавни набавки (ЕСЈН) на веб-адресата https://www.e-nabavki.gov.mk/ - https://www.e-nabavki.gov.mk .

Сите заинтересирани учесници, своите проектни решенија, треба да ги достават најдоцна до 10 март годинава исклучиво преку електронски систем за јавни набавки. Наградата за најдобро проектно решение е во висина од 300.000 денари.

http://vecer.com.mk/?ItemID=3255D9637F26E14A8D7062FB43847284


Posted By: гитардемон
Date Posted: 09-Feb-2010 at 23:36
Да не е ова таа салата за хокеј? Повеќенаменска и за лизгање?

-------------
Arguing on the internet is like running at the special olympics. Even if you win, you're still retarded.


Posted By: lslcrew
Date Posted: 10-Feb-2010 at 00:11
Незнам, ја прво се збунив дека е дел од комплексто на ФФМ па сватив дека чим општината координира проект ондак не е тој од ФФМ. Вероватно у право си со предпоставката.


Posted By: Cloverstack
Date Posted: 10-Feb-2010 at 00:16


Салава е дел од спортско-рекреативниот центар во Јане Сандански:

http://www.build.com.mk/?p=856 - http://www.build.com.mk/?p=856

А комплексот на ФФМ ќе биде исто покрај кеј, ама кај Ново Лисиче


Posted By: Cloverstack
Date Posted: 23-Apr-2010 at 22:46
Најдоцна во 2013 во Аеродром ќе никне аква парк

Денес во Министерството за транспорт и врски се одржа јавно наддавање за две парцели во општината Аеродром наменети за спортски и рекреативни содржини. На поголемата од нив која има површина од 25.260 метри квадратни веќе подолго време се најавува изградба на аква парк, додека на помалата која има површина од 6.885 метри квадратни со ДУП-от е предвидена повеќенаменска спортска сала. Парцелите ги доби „Манд интернационал“ од Скопје, која за нив ќе треба да исплати 50.520.000 и 13.770.000 денари. Компанијата треба да ги уплати средствата во рок од 15 дена, да обезбеди одобрение за градба најдоцна 9 месеци од солемнизирање на договорот и да ги изгради објектите во рок од 2 години после правосилноста на одобрението.

Според ДУП-от инвеститорот ќе треба да обезбеди 210 паркинг места во рамки на парцелите, а максималната дозволена висина за градба е 12 метри. Објектите ќе бидат дел од идниот спортско – рекреативен центар на кејот на Вардар во Аеродром. Поголем дел од него е зацртан на просторот на бившата голема ../?p=856 - градежна база на АДГ Маврово која е речиси расчистена . На 31 јануари таму беше поставен ../?p=1703 - камен темелник за четири тениски игралишта , а на почетокот на месецов Министерството за транспорт и врски ../?p=2689 - на лицитација понуди и две парцели за хотели , кои исто така треба да бидат дел од комплексот.

http://www.build.com.mk/?p=2928 - http://www.build.com.mk/?p=2928






Posted By: S.P.Q.R.
Date Posted: 21-Nov-2010 at 17:09
Почнале со копање за темели за Спортската повеќенаменска сала во Аеродром... ќе видиме со какво темпо ќе одат работите понатаму. Мислам дека ова е парцелата која ја купи Пеце заедно со онаа на Аквапаркот. И се гледа дека е под нивото на Вардар, па ќе треба малку работа за средување на проблемот со подземни води. А Вардар деновиве е доста висок.

01. Еве го Деталниот Урбанистички План

02.

03.

04.

05.

06.

07.

08.

09.

10.

11. Еве го нивото на Вардар деновиве


Сликите се направени од FoSsiL, но за жал има проблеми со интернетот.


-------------
Македонија е во дилема дали да одбере ужас без крај или ужасен крај


Posted By: FoSsiL
Date Posted: 21-Nov-2010 at 19:34
Благодарам многу, S.P.Q.R.

Гледам јас од дома, ми се раздвижиле нешто багери. Ама како и по вообичаено, мислев дека е секојдневна рутина, а потоа нема ништо. И гледам од прозор, камиони разнесуваат земја. Кога гледам, полека, ми пропаѓаат во земја. Си викам што е ова. И отидов денес да сликам и еве. Не е нешто голем напредок, ама е дупка, и не е мала. Вака на слики не изгледа голема, ама во живо е огромна, можеби и поради тоа што и самиот тој простор е спуштен од нивото на патеката на кејот, и изгледа ко дупка во дупка.

Интересно е тоа што, парцелата за хотелот е недопрена, а пристапот за евентуални градежни работи би се искомплицирал со дупкава, која е лепенка на парцелата на хотелот. Како со нож да сечеле.

Се гледа малку вода... најверојатно е подземна, ама се надевам ќе се среди лесно. Најверојатно ќе има и некое подземно ниво. Па сега останува на дупка за темели, како ќе биде понатаму ќе видиме.... Ако во скоро време поставуваат темели ќе сликам... и првата плоча секако...


Posted By: Cloverstack
Date Posted: 02-Dec-2010 at 16:33
Посебна нишка и за овој проект   Cheers


Еве едно конкурсно решение кое беше дел од АСК2010. Околу статусот на ова конкурсно решение немам никакви информации.

Автор: Игор Неделковски, диа
Соработник: Јелена Стокуќа, диа
Консултант: Проф. Станислав Миловановиќ








Posted By: FoSsiL
Date Posted: 02-Dec-2010 at 18:55
Kinda like it, too. This is a good step as a render, to show us the space taken by the hall and the possible form it will take... but I think it is an old one.... and there are some mistakes... The investor isn't Municipality of Aerodrom, but a private investor... Pece Naumovski or so... Also they must work on their English...

At the end... it can pass... it is a good one


Posted By: Plugger
Date Posted: 03-Dec-2010 at 07:25

Lele ama e ubavo, eden od arhitektive mie zet pa taman ke se rasprasam za ovoj proekt.

Samo sto ke se sluci so na MZT salata? Barem taa da ja renoviraa da licese na nesto.

A za Pece Naumoski mislam toj trebase akvaparkot da go pravi vo Aerodrom ali ne znam do kade e so toj proekt.


Posted By: Plugger
Date Posted: 03-Dec-2010 at 12:26
Originally posted by FoSsiL

Kinda like it, too. This is a good step as a render, to show us the space taken by the hall and the possible form it will take... but I think it is an old one.... and there are some mistakes... The investor isn't Municipality of Aerodrom, but a private investor... Pece Naumovski or so... Also they must work on their English...

At the end... it can pass... it is a good one


Fossil, Vladata e investitor ili opstina Aerodrom. Nema privaten investitor






Posted By: гитардемон
Date Posted: 03-Dec-2010 at 17:37
Originally posted by FoSsiL

Kinda like it, too. This is a good step as a render, to show us the space taken by the hall and the possible form it will take... but I think it is an old one.... and there are some mistakes... The investor isn't Municipality of Aerodrom, but a private investor... Pece Naumovski or so... Also they must work on their English... At the end... it can pass... it is a good one


You need some work too dude

-------------
Arguing on the internet is like running at the special olympics. Even if you win, you're still retarded.


Posted By: Cloverstack
Date Posted: 04-Dec-2010 at 20:10
@ Plugger

Забелешката на  Fossil е на место. Парцелата (во пакет со обврска да биде изградена спортска сала) ја купи фирмата „Манд Интернационал“ на Петар Наумовски. Прочитај ја веста во пост #14


Posted By: Plugger
Date Posted: 06-Dec-2010 at 06:35

Clover, Pece Naumoski go kupi mestoto kaj sto ke se gradi Akva Parkot, nisto ne bese spomnato za Salata. Pred nekoj den pravev muabet so Arhitektot na Salata i mi rece deka investitorot e drzaven a ne privaten pa sea ne znam valjda on znae poveke od nas.


Posted By: Cloverstack
Date Posted: 06-Dec-2010 at 15:40
Plugger, ако вообичаено го читаш само последниот коментар пред да реплицираш, дај барем сега кога точно ти ја посочив веста, прочитај ја (се разбира цела, не само насловот)   Poke   Smile


Ако архитектот знае нешто повеќе, нека се приклучи тука и нека сподели, ама последна вест која дојде од надлежните беше таа дека фирмата на Пеце го купила земјиштето. Евентуално ако збркале нешто во соопштенијата, ама тоа е слабо веројатна претпоставка.


Posted By: lslcrew
Date Posted: 30-Aug-2011 at 01:46
Конкурсниот труд на SCARS Studio
ПРОЕКТНА ЗАДАЧА:

Да се проектира повеќенаменска спортска сала во населбата Аеродром, за 3000 гледачи и дополнителен комерцијално-деловен простор.

ОДГОВОР:

Проектот реагира на особеностите на локацијата која се наоѓа на самиот брег на реката Вардар. Имено, тој претставува обид востановената типологија на спортски објекти кои по својата природа вообичаено се интровертни да ги преработи во нов, екстровертен модел. Во таа смисла, северната граница на објектот е перфорирана во обем во кој целокупниот пејзаж на течението на реката Вардар станува составен дел од внатрешноста. На тој начин, транспарентната мембана овозможува внатрешниот простор да емитува нови слики кон спортско-рекреативната зона која истовремено е впиена во амбиентот на салата. Борилиштата се вкопани во однос на котата на приземјето, што овозможува помала висина на објектот, како и олеснето пристапување и брза евакуација на посетителите. Западниот блок на салата се равива на три вертикални нивоа во кои се сместени комерцијално-деловни содржини ориентирани кон внатрешноста на објектот и кон новоформираниот плочник пред неговиот влез.

Применетиот архитектонски јазик и материјалност соодветствуваат со карактерот и содржината на објектот кој се обидува да иницира рационална естетика и современ естетски израз. Обвивката претставува комбинација на повторливи префабрикувани елементи, идеја водена од логиките за поголема економија во градењето.


01.


02.


03.


04.


05.


06.


07.


08.


Малку ќе треба скролање.


Posted By: nouseforname
Date Posted: 30-Aug-2011 at 14:05
fala bogu pocnaa nekoj contemporary stil da se vrti niz skopjevo!


Posted By: vlatko.mk
Date Posted: 30-Aug-2011 at 17:23
Мислам дека тешко ќе се оствари за брзо време.
Ако беше во барок или класицизам сигурно ќе никнеше за кратко време


Што се однесува до концептот ми се допаѓа, но смеам дека треба да има нешто поголем капацитет и секако да ги задоволува стандардите на EHF и FIBA europe - да може да биде алтернатива на Борис Трајковски за меѓународни натпревари и здравје можеби некое европско или светско првенство ...


Posted By: theMac3donian
Date Posted: 31-Aug-2011 at 05:32
Јас мислам дека ние во Македонија сме многу збунети.
Сакаме едноставност и функционалност како скандинавците т.е. северњаците а секогаш повеќе се палиме на накитени работи како јужнаците...

Навистина не знаеме што сакаме.
Треба некој свој стил да си развиеме бидејки вака ќе сме секогаш распнати и разделени на контрадикторни стилови.
Ако продолжиме вака градовите ќе ни станат турлитава.
Не зборувам само за јавните објекти, зборувам и за приватните...

...Мислам дека треба да се отвори тема (на соодветно место) за тоа какви стилови се преферирани во Македонија. Не дискусија за нео-класицизам, модернизам, поп-комунизам и современа архитектура, туку за културолошкото и психолошкото размислување на Македонецот како дел од една колективна заедница. (во однос на архитектурата се разбира)

Каков ни е културниот развој низ вековите и како истата таа култура влијае врз архитектурата?
Што сакаме? Што не сакаме?
Контрадикторности?
Како сето тоа влијае на стилот?
Како сето тоа влијае на формата?
Како сето тоа влијае на функционалноста?
Дали градовите ги гледаме како збир на посебни објекти или на објекти кои се надополнуваат едни со други.
итн...

-------------
(НУ)МНМБЗДИСМНВИМНЖНКР


Posted By: alexsend
Date Posted: 31-Aug-2011 at 16:42
Проектов ми се свиќа, супер е, футуристички. Но што со старата сала?
Јас би ја реновирал од корен и за многу помалку пари и време би била топ.

Како и да е, ако нешто се гради јас сум за.


Posted By: N23
Date Posted: 31-Aug-2011 at 17:31
Според неофицијални инфорамции, салава деновиве треба да биде вметната во ДУП, за тоа треба да гласа советот на следната седница, така да можно е за месец дена Општина Аеродром и Агенцијата за млади и спорт да го означат почетокот на изградбата. Инфото исто така вели дека ќе има капацитет од 4000.


Posted By: FoSsiL
Date Posted: 31-Aug-2011 at 17:33

  И јас прочитав и ми падна чудно. Нели Пеце требаше да ја гради салава, што се десило?

еве го извадокот:

Општина Аеродром заедно со Агенцијата за млади и спорт ќе гради спортска сала на кејот на Вардар. Изградбата на салата е предвидена со деталниот урбанистички план "Јане Сандански" кој Советот на Аеродром треба да го изгласа на некоја од следните седници. Согласно планот, салата ќе се гради во близина на спортската сала кај што настапува кошаркарскиот клуб МЗТ Скопје и ќе има капацитет за 4000 гледачи.



-------------
Македонија - Земја на чудата!


Posted By: Дарко
Date Posted: 31-Aug-2011 at 18:08
супер е....ај се надевам ќе ја прекинеме клетвата и конечно ќе земеме титула


Posted By: Cloverstack
Date Posted: 31-Aug-2011 at 18:13
Originally posted by FoSsiL

И јас прочитав и ми падна чудно. Нели Пеце требаше да ја гради салава, што се десило?
Да, неговата фирма го купи земјиштето. Еве го подолу тогашното соопштение од министерството за транспорт кое ја продаде парцелата (се работи за помалата парцела, онаа од 6.885 квадрати). Во меѓувреме колку што ми е познато ниту од министерството ниту од некоја друга институција ја известиле јавноста дека зделката пропаднала или нешто слично.
Соопштение до јавноста - 23.4.2010

 

 

Почитувани,

 

 

Ве информираме дека денес во Министерството за транспорт и врски се одржа јавно наддавање по јавната објава за  отуѓување на градежно земјиште сопственост на Република Македонија по пат на јавно наддавање наменето за изградба на спорт и рекреација, спортски терени и објекти во општина Аеродром.

 

Предмет на јавното наддавање беа две градежни парцели со површина од 25.260 м2 и 6.885 м2, а со статусот најповолен понудувач на јавното наддавање се стекна компанијата „Манд интернационал“ од Скопје, која ја понуди највисоката цена од вкупно 50.520.000 денари за првата градежна парцела и вкупно 13.770.000 денари за втората градежна парцела.

 

Најповолниот понудувач е должен во рок од 15 дена да ги уплати средствата за отуѓување согласно постигнатата цена од јавното наддавање. Доколку средствата не се уплатат во предвидениот рок ќе се смета дека земјиштето не еотуѓено, а депонираните средства на најповолниот понудувач  нема да му бидат вратени. По извршената уплата во утврдениот рок со најповолниот понудувач се склучува договор за отуѓување со кој најповолниот понудувач се обврзува дека предвидениот објект ќе го изгради во рок од 2 години.

 

Со почит,

Министерство за транспорт и врски


http://mtc.gov.mk/new_site/mk/storija.asp?id=2483 - http://mtc.gov.mk/new_site/mk/storija.asp?id=2483







Originally posted by N23

Според неофицијални инфорамции, салава деновиве треба да биде вметната во ДУП, за тоа треба да гласа советот на следната седница
Не знам што е финтата со тие муабети, ама салата е фигурира во ДУП-от уште од сам почеток:

http://aerodrom.gov.mk/tl_files/za%20opstina/generalni%20podatoci/urbanistichki%20planovi/JaneSandanskiUEG.jpg - http://aerodrom.gov.mk/tl_files/za%20opstina/generalni%20podatoci/urbanistichki%20planovi/JaneSandanskiUEG.jpg


Posted By: KraliMarko
Date Posted: 31-Aug-2011 at 21:27
Аеродром и МЗТ заслужуваат поголема и поубава сала, мило ми е ако се изгради за брзо!


Posted By: mitatos
Date Posted: 31-Aug-2011 at 21:47
Имам јас една замерка за проектов, ако испадне така стаклениот дел јас не би купил карта =)))

-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: N23
Date Posted: 01-Sep-2011 at 01:16
Originally posted by Cloverstack


Не знам што е финтата со тие муабети, ама салата е фигурира во ДУП-от уште од сам почеток: http://aerodrom.gov.mk/tl_files/za%20opstina/generalni%20podatoci/urbanistichki%20planovi/JaneSandanskiUEG.jpg - http://aerodrom.gov.mk/tl_files/za%20opstina/generalni%20podatoci/urbanistichki%20planovi/JaneSandanskiUEG.jpg


Точно и мене ми падна чудно, значи вметната е, но тој дуп сеуште не е изгласан. (ако и ова е веродостојно)


Posted By: Cloverstack
Date Posted: 01-Sep-2011 at 01:25
Донесен е, инаку не можат да ги продаваат парцелите на таков начин. Еве меѓудругото што содржат огласите на министерството кога продаваат парцела таму:

Предмет на јавното наддавање е градежно неизградено земјиште,  сопственост на Република Македонија,  предвидено со Детален Урбанистички План    Јане Сандански УЕ –  Г донесен со општ акт одлука  07-200/2  од 01.09.2009 година на општина Аеродром.




Posted By: kara
Date Posted: 06-Jan-2012 at 18:07
што се случува со фотките од салата.....
Зашто ги нема (не можеме да ги гледаме) ?????

-------------
@LEK$


Posted By: Cloverstack
Date Posted: 07-Jan-2012 at 01:02


Претпоставувам прашуваш за материјалите од конкурсниот труд на „СКАрС“.
Еве ги:

1


2


3


4


5


6


7


8




Posted By: kara
Date Posted: 08-Jan-2012 at 20:10
Токму за нив прашав....
Ти благодарам...

-------------
@LEK$


Posted By: Бомба
Date Posted: 09-Jan-2012 at 02:47
нели овие знат дека во ова сала претежно ќе се игра кошарка,каде ќе има навивачки групи од двете страни,што мислите колку настрадани ќе има од кршење на тие стакла?


Posted By: kara
Date Posted: 09-Jan-2012 at 16:50
За што постојано се мисли на тоа како да се направи нешто за да не е кршливо за да можат навивачите да се тепаат. А до го смениме тоа во прашање зашто не ги смениме навивачите кои ќе навиваат спортски дух и да биде пријатно за секој да отиде на натпревар..... и ништо да не биде оштетено....


-------------
@LEK$


Posted By: alexsend
Date Posted: 09-Jan-2012 at 21:36
Ова е глупаво, прават сала на 100 метри од сала!
Нема логика ова, што после со старата?
Само нека ја реновираат и може да биде топ и таа.


Posted By: spaceman091
Date Posted: 09-Jan-2012 at 21:53
i jas prvo sto pomisliv bese sto so tie stakla??? ke bidat kamenuvani 100%
edino resenie da se stavi pancirglas


Posted By: kultuzin
Date Posted: 09-Jan-2012 at 22:02
Мене проектот не ми се допаѓа, многу е мала закосеноста на трибините, така што последните редови ќе бидат далеку а ниско што ја намалува прегледноста.


Posted By: FoSsiL
Date Posted: 14-Jun-2012 at 13:33

Овде почна да се работи... вчера се поставуваше потпорен ѕид од страна на кејот...

И баш дури сега видов како се прават тие столбови кои ги гледаме на секое градилише... бушат... имаат едни како сегменти како за канализација, бетонски и ги ставаат, а внатре... арматура и бетон...

И ставаа ако не се лажам, изолација на тлото од ископот/дупката на градилиштето...

не сликав, имаше работници... 

инаку многу ме нервираше тоа што мораа со тоа багерчето да бидат излезени на кеј... па ми го блокираа патот... ама и немаа мислам друга алтернатива... така да... само да не го оштетат... 



-------------
Македонија - Земја на чудата!


Posted By: N23
Date Posted: 14-Jun-2012 at 14:19
Јадранска лига доаѓа, плус причина што МЗТ мора да игра во Карпош, така да ако напнат, може за сезоната 2013/14 МЗТ текмите од јадранска во Аеродром да ги игра.

-------------
23ka.wordpress.com


Posted By: FoSsiL
Date Posted: 14-Jun-2012 at 14:31
Со капацитет од 3000 ќе биде втора сала по големина/капацитет во Скопје, ако не и во Македонија... Така?

-------------
Македонија - Земја на чудата!


Posted By: N23
Date Posted: 14-Jun-2012 at 15:32
Originally posted by FoSsiL

Со капацитет од 3000 ќе биде втора сала по големина/капацитет во Скопје, ако не и во Македонија... Така?


Релативно е тоа. На пр во Битола и по 4-5000 се собирале, Куманово кнап кога е и 6 може да има. Гледано како сала со седишта ќе биде втора, иако со вкупен капацитет земено, би била у топ 10. Малце е глупаво ако ја прават со капацитет под 5000, зашто тој капацитет е минимум за било која европска утакмица, надвор од границите на Јадранска, односно за натпреварите во УЛЕБ. А и 5000 е бројка која ги задоволува сите стандарди за меѓународни натпреварувања.


-------------
23ka.wordpress.com


Posted By: гитардемон
Date Posted: 14-Jun-2012 at 17:10
А дали се дозна кој проект ќе биде конечниот? И дали е ова салата која ќе се користи и за хокеј?

-------------
Arguing on the internet is like running at the special olympics. Even if you win, you're still retarded.


Posted By: Cloverstack
Date Posted: 15-Jun-2012 at 15:28
За конечниот проект не знам, ама сала за хокеј нема да биде. Салата за зимски спортови беше друга и беше предвидена само за таа намена. Најпрвин беше предвидена на соседна парцела, па после тоа змјиште го купи Петар Наумовски (Манд Интернационал) и беше пренаменето за забавен парк, а салата за зимски спортови беше вцртана каде што сега се гради „паркот на езерата“ во Аеродром:

http://www.build.mk/?p=6973 - http://www.build.mk/?p=6973




Posted By: vladegf
Date Posted: 15-Jun-2012 at 19:54






Posted By: FoSsiL
Date Posted: 15-Jun-2012 at 19:58
Одлично!

-------------
Македонија - Земја на чудата!


Posted By: vladegf
Date Posted: 15-Jun-2012 at 20:11
само незнам дали се работи за спортска сала или станува збор за некој друг објект


Posted By: FoSsiL
Date Posted: 15-Jun-2012 at 20:23
Таа е...

-------------
Македонија - Земја на чудата!


Posted By: Dragan
Date Posted: 15-Jun-2012 at 23:38

Sto pravat ovie iskopale dupka i nesto poplocuvaat, ili salava ke bide cisto od celik celicna konstrukcija ?


-------------


Posted By: Denko
Date Posted: 16-Jun-2012 at 12:52
SAmo da prasam, koj e investitor na ovoj projekt?


Posted By: Cloverstack
Date Posted: 16-Jun-2012 at 13:32


Петар Наумовски


Posted By: FoSsiL
Date Posted: 24-Jun-2012 at 08:56

Еве нешто и од мене од денес сабајлечки...



-------------
Македонија - Земја на чудата!


Posted By: FoSsiL
Date Posted: 02-Oct-2012 at 20:09

 

 

 



-------------
Македонија - Земја на чудата!


Posted By: FoSsiL
Date Posted: 16-Nov-2012 at 22:09



-------------
Македонија - Земја на чудата!


Posted By: Razbirash
Date Posted: 02-Dec-2012 at 02:02
Ima nekoi novosti so salava,ili ostana samo krater...


Posted By: FoSsiL
Date Posted: 02-Dec-2012 at 02:03
Па... се гради де... ете слики погоре...

-------------
Македонија - Земја на чудата!


Posted By: Razbirash
Date Posted: 02-Dec-2012 at 02:34
Ах невидов датата,ми заличеа на старите. Веројатно пошто нема некој напредок


Posted By: FoSsiL
Date Posted: 23-Dec-2012 at 13:52



-------------
Македонија - Земја на чудата!


Posted By: FoSsiL
Date Posted: 17-Jan-2013 at 12:17

Од денес....

 



-------------
Македонија - Земја на чудата!


Posted By: NoName
Date Posted: 14-Feb-2013 at 09:36
off topic ха фосил ми бил комшија.


Posted By: FoSsiL
Date Posted: 30-Apr-2013 at 22:16


-------------
Македонија - Земја на чудата!


Posted By: FoSsiL
Date Posted: 11-Aug-2013 at 14:01




-------------
Македонија - Земја на чудата!


Posted By: Razbirash
Date Posted: 11-Aug-2013 at 21:59
Фосил,а кај се трибините во целава приказна?


Posted By: Djole88
Date Posted: 24-Aug-2013 at 16:21
зошто слушнав дека ова нема да се догради поради салата на МЗТ ?


Posted By: Portal
Date Posted: 06-Sep-2013 at 09:01
Hmm i jas sega ja svativ situacijava, dve sali edna do druga... dali Pece Naumovski ke go gradi proektot gore na СКАрС ili toa bese samo idejno resnie? 
Ovoj del e namenet za sport, no dve sali na edno mesto Roll%20eyes  Mozda lizgaliste bi bilo poprifatlivo, no sepak Pece ke odluci toa e rabota na menadzmentot... Smile


Posted By: ToniB
Date Posted: 17-Oct-2017 at 15:17
Овде се работи. Фасадата ја направија. Мрдна работава. Малку по малку работат.


Posted By: Џоле
Date Posted: 31-Oct-2017 at 18:21


-------------
За сè има вторпат


Posted By: Мартин
Date Posted: 31-Oct-2017 at 22:16
Добра салава!


Posted By: ToniB
Date Posted: 03-Jun-2018 at 01:35
Знае некој што се случува со салава? Делува скоро готова. Има некаде слики од внатрешноста? Се знае дали МЗТ тука ќе игра? Капацитет?


Posted By: ToniB
Date Posted: 09-Jun-2018 at 19:03
Поминав тука денес. Има некој минимален напредок од сликата од Окт. Оградата е тргната и има прозори на приземјето. Внатре имаат некои плочки донесено, се гледаат складирани од надвор.

Со ова темпо догодина ќе го завршат објектов. Не ми е јасно зошто толку споро се работи. Најверојатно кога ќе го пуштат хотелот до салава ќе биде и ова готово. Реално и улицата треба да се санира. Има некои приклучоци кои не се направени, а се планирани.


Posted By: Џоле
Date Posted: 17-Jun-2018 at 20:02
Денешни...







-------------
За сè има вторпат


Posted By: ToniB
Date Posted: 09-Oct-2018 at 23:45
Има некој информации за што ќе се користи салава? Зошто се гради толку споро? Со години стоеше така, па малку по малку последниве 3 ја прават. Ко да е готова, ама не баш.


Posted By: Cibi
Date Posted: 02-Jan-2019 at 02:19
Хотелот до нејзе го пуштија, официјално вчера. Има некој инфо или слики од салава до каде е со работата?


Posted By: Konce
Date Posted: 13-Mar-2021 at 15:13
Овде апсолутно ништо не е мрднато 3 години. Знае некој што се дешава со салава?


Posted By: stef4o
Date Posted: 17-Jun-2021 at 11:48
Сеуште стои оградена,приземјето не е довршено






Print Page | Close Window