Обнова на црквата Свети Ѓорѓи во Мала Речица во 2011 година

Во текот на есента 2010 година иницијативен одбор ја започна реконструкцијата на овој православен храм. Поттикот за обновувањето дошол од верниците.

Иако во Мала Речица нема христијани, соседите и мештаните од муслиманска вероисповед даваат голема поддршка за обнова на оваа црква.

Освен црквата во манастирскиот комплекс ќе се градат пропратни објекти.

Поставеноста на црквата во повисоките планински ридови, укажува дека е изградена во османлискиот период, а постојат записи дека во 1934 година исто така била запалена и обновена 1935 година.

Александар Самарџиев

Се обновува црквата во Мала Речица

ТЕТОВО - Манастирската црква „Св. Ѓорѓија“ во тетовска Мала Речица интензивно се обновува. По подигањето до карабина во текот на минатата есен, на ред е целосно довршување на црквата, а истовремено се започнати подготовките за изградба на трпезаријата и конаците.

Според Будимир Апостолски, член на иницијативниот одбор за обнова на црквата, овие три дена се расчистува теренот, особено просторот каде што треба да се доизгради храмот, конаците и трпезаријата. Апостолски вели дека по повик на иницијативниот одбор за донации, досега биле собрани десетина илјади евра, меѓутоа само изградбата и уредувањето на црквата ќе чини над 30.000 евра. За црковниот храм имало донации и во градежни материјали.

Апостолски веќе го изработува иконостасот. За целосна обнова на манастирскиот комплекс се потребни околу 50.000 евра. Иницијативниот одбор се надева дека најголем дел од работите ќе завршат уште годинава и се очекува патрониот празник да биде одбележан со сите почести како што била вековната традиција. Манастирот „Св. Ѓорѓија“ во Мала Речица претставува споменик на културата од 14 век. Во конфликтната 2001 година беше подметнат пожар во кој изгореа сите објекти. (Г.Е.)

По десет години повторно бијат камбаните во црквата во М. Речица

Привршува обновата на манастирската црква Свети Ѓорѓи во Мала Речица

Црковниот објект условно речено е затворен, односно завршена е градбата на сите ѕидови сосе покривот, а поставени се сите прозорци и двојна влезна врата.

До објектот е спроведена и електрична енергија. Деновиве се довршува надворешниот изглед односно фасадата на црквата.

Од Иницијативниот одбор велат дека средства и понатаму ќе треба за да доврши црквата и пропратните објекти. Донациите од верниците и фирмите стигнуваат во зависност од нивните можности.

Црквата во 2001 година беше уништена, а обновата започна на крајот на 2010 година. Годинава за прв пат се одбележаа и верските празници Бадник и Ѓурѓовден.

Видео:

Оштетена црквата во тетовска Мала Речица

Тетово - Манастирската црква „Св. Ѓорѓија“ во тетовска Мала Речица е оштетена од непознати вандали што влегле насилно во внатрешноста. Според СВР - Тетово, оштетувањето се случило во средата околу 12 часот. Криминалците насилно со тврд предмет отвориле еден прозорец и влегле во внатрешноста, каде што очекувале дека ќе најдат пари или вредни предмети. При пребарувањето се искршени две мермерни плочи, а има оштетувања и на фасадниот дел од црквата.

Обновата на црквата во Мала Речица е започната во ноември минатата година. Објектот е подигнат на старите темели и е целосно обновен. Според информации од Иницијативниот одбор за обнова на манастирската црква, досега се потрошени околу 20 илјади евра, главно, како ктиторство на граѓани, бизнисмени и претпријатија, како и со финансиска поддршка и благослов на МПЦ. Црквата и другите објекти во манастирскиот комплекс во Мала Речица беа изгорени во два подметнати пожара во 2001 година.

„Ги интензивираме работите и очекуваме за Ѓурѓовден, 6 мај 2012 година, да се изврши официјалното осветување. Во овој период, освен црквата, која целосно ќе биде реконструирана, работиме и на обнова на конакот и трпезаријата, а на крајот ќе биде оградувањето на целиот простор. Сакам да нагласам дека зад завчерашните оштетувања на црквата не стојат жителите на Мала Речица. Ова е дело на неранимајковци и провокатори што сметам дека ќе ги откријат месните жители“, рече Мирче Деспотовски, член на Иницијативниот одбор за обнова на манастирот во Мала Речица. (Г.Е.)

Црквата Свети Ѓорѓи во Мала Речица повторно оштетена

Неодамна возобновената црква Свети Ѓорѓи во Мала Речица, е оштетена во внатрешноста, надворешната фасада, како и кровната конструкција.

Оштетувањата се случиле вчера помеѓу 12 и 16 часот кога немало никого околу црквата, каде се уште се изведуваат градежни работи.

Откако бил случајот пријавен во полицијата, извршен е увид во присуство на свештениците и членови на црковниот одбор.

За нецел месец ова е втор пат како засега неутврдени сторители  вршат сквернавење на возобновенaтата црква во Мала Речица.

Александар Самарџиев

Видео:

http://www.sitel.com.mk/dnevnik/makedonija/crkvata-sveti-gjorgji-vo-mala-rechica-povtorno-oshtetena

-------------
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ