Осумнаесет нови станбени згради е предвидено да се изградат во наредниот четиригодишен период на територијата на општина Аеродром. Според програмата за работа на градоначалникот Ивица Коневски, ќе се градат четиринаесет објекти со вкупно 770 нови стана, коишто ќе бидат наменети за продажба. Дополнително, во соработка со Владата ќе се подигнат уште четири згради со 193 стана наменети за млади брачни двојки. За граѓаните од Аеродром, ваквата програма на Општината е добар начин да се урбанизираат оние делови, кои во моментов се запустени и претворени во ниви, во диви депонии или простори обраснати со трева. Тие сметаат дека на тој начин ќе се зголеми бројот на жители во и така најмногубројната скопска општина, што ќе резултира со поголеми инвестиции, па ќе треба да се изградат нови болници, училишта, градинки, трговски центри и пазари кои ќе придонесат за подобрување на квалитетот на животот на сите граѓани. - Дел од територијата на општината се уште не е доволно урбанизирана. На некои места се садат житни култури, се ораат ниви, се чуваат домашни животни. Се надевам дека со изградбата на овие станбени објекти во целост ќе се искоренат нивите, ливадите и пластениците, коишто на општината и даваат лош изглед “ вели Ката од Ново Лисиче. Сепак, надлежните општински служби се уште не ги имаат дефинирано точните локации каде ќе се градат осумнаесетте нови објекти. - Зградите ќе мора да бидат изградени во согласност со деталниот урбанистички план на општината како и со ГУП на град Скопје. Засега е познато дека дел од новите згради ќе се градат во Реонски Центар Аеродром и тоа во соработка со Владата “ велат од Одделението за односи со јавност на Општина Аеродром. Тие објаснуваат дека градежните работи за објектите ќе му бидат доверени на Јавното претпријатие за стопанисување со станбен и деловен простор. - Во понатамошниот период со етапно донесување на ДУП ќе се предвиди изградба на станови и во други населби, со што во целост ќе се реализира предвидениот проект “ додаваат од Аеродром.

http://netpress.com.mk/vestiimages/58980/min_trasport_vrski.jpg">

Најповолниот понудувач треба во рок од шест месеци да ја обезбеди потребната документација од општината и рок од три години да ја комплетира изградбата.

Симоновски подвлече дека објавите за учество на јавните електронски наддавања се објавени во домашните печатени медиуми, на интернет страницата на министерството и во весникот “Фајненшл Тајмс“.

Земјиштето со вкупна површина од 22.180 метри кадратни, што се наоѓа на булеварот „АСНОМ“,  е наменето за изградба на 14 станбени објекти и почетната цена на јавното наддавање е 4.200 денари од метар квадратен. 

Втората градежна парцела на булеварот „Србија“ е наменета за изградба на три висококатници. Вкупната површина на парцелата е 21.247 метри квадратни со површина за градење од 10.000 метри квадратни, а почетната цена на јавното наддавање е 7.000 денари од метар квадратен. Минималната висина на висококатницата ќе треба да изнесува 25 катови.

Јавното електронско наддавање за првото земјиште ќе се одржи на 2 септември, а пријавите за учество треба да се достават најдоцна до 18 август, додека аукцијата за втората градежна парцела ќе се одржи на 18 септември, а понудите треба да се достават до 4 септември.

Најповолниот понудувач ќе треба во рок од шест месеци да ја обезбеди потребната документација од општината, а во рок од три години да ја комплетира изградбата на објектите.

- Со реализацијата на овие проекти ќе се овозможи раздвижување на пазарот на недвижности, поточно со зголемување на капацитетот на станбени единици ќе се овозможи намалување на продажната цена на становите во Скопје, но исто така ќе се овозможат нови инвестиции, нови вработувања, рече на денешната прес-конференција портпаролот на Министерството за транспорт и врски, Драган Симоновски.

Тој посочи дека се очекува инвестициите да изнесуваат приближно 50 милиони евра, а од оттуѓувањето на градежното земјиште би се обезбедиле 4.300.000 евра од кои 80 отсто ќе се слеат во буџетот на локалната самоуправа, а 20 отсто во државниот буџет.

Објавите за учество на јавните наддавања се објавени во домашните печатени медиуми, во Financial Times и на интернет страницата на Министерството за транспорт и врски, а  испратени се и до економските промотори на Република Македонија.

Никој не сака да гради комплекс згради

Елена Мачевска

Изградбата на четиринаесетте згради во населбата Лисиче се уште тапка во место затоа што фирмите што го откупија земјиштето од Министерството за транспорт и за врски немаат извадено дозволи за градба. Од надлежното министерство, велат дека земјиштето со површина од вкупно 22.180 квадратни метри на кое ќе се гради е отуѓено по пат на јавно наддавање од страна на заинтересираните фирми.
- Во моментов, договорите за отуѓување на градежното земјиште се во фаза на утврдување на сопственоста, по што ќе почне да тече рокот од шест месеци за добивање одобрение за изградба на објектите - вели Драган Симоновски, портпаролот на Министерството за транспорт и за врски. Новата населба ќе никне од двете страни на бензинската пумпа „Макпетрол“ во населбата Лисиче и наспроти ресторанот „Мирко 919“. Според првичните процени направени од Министерството за транспорт и за врски, во зградите ќе има околу 400 стана, во кои би требало да се вселат повеќе од 1.500 жители. На последното наддавање беа продадени 13 плацови од вкупно 14. Плацовите што ги нудеше државата се со површина од 1.445 до 2.060 квадратни метри, а максималната висина на зградите ќе изнесува од 19 до 21 метар. По три плаца за градење купија фирмите „Настел“ и „Дијас констракшн“, по два „Адора инженеринг“, „Нова градба“ и „Алфа инпорт“, а компанијата „Глиц“ еден плац. Највисоки цени биле постигнати за земјиштата што ги купиле фирмите „Адора“ и „Глиц“, кои платиле по 10. 200 денари за еден квадратен метар. Пет плаца на лицитацијата биле продадени по цена од 5.200 денари за еден квадратен метар, а за другите градежни површини заинтересираните фирми понудиле цена од 6.200 денари, потоа од 8.300 денари и од 8.700 денари за еден квадратен метар. Еден од вкупно 14 понудени плацеви за градба беше купен на претпоследното јавно наддавање од страна на фирмата „Настел“, која за парцелата голема 1.510 квадратни метри, плати 5.200 денари за еден квадратен метар. Оваа населба, која ќе биде сосема нова, треба да биде целосно завршена за најмногу три години од денот кога ќе бидат потпишани договорите меѓу фирмите што победиле на тендерот и надлежното министерство. Обидите да се отуѓи ова земјиште од страна на Министерството за транспорт и за врски почнаа некаде од средината на минатата година, кога за целата површина се бараше еден инвеститор, кој би ги градел сите 14 станбени објекти. Тогашната почетна цена беше 4.200 денари за еден квадратен метар или околу еден и пол милиони евра за сите 22.180 квадратни метри. На ова прво наддавање никој не се пријави и тоа пропадна. Потоа Министерството донесе одлука земјиштето да го подели на парцели за полесно да го продаде.

АЕРОДРОМ ПОДГОТВУВА ИЗГРАДБА НА 14 СТАНБЕНИ ОБЈЕКТИ

Згради место лубеници во Лисиче

Изградбата на зградите е предвидена со деталниот урбанистички план за населбата, но од Општината засега не откриваат детали околу висината и изгледот на новите градби