Проектот за надградба на северната трибина на Градскиот стадион во Скопје почнува да се реализира денеска со отворање на понудите. Во игра кој ќе ја добие оваа капитална инвестиција на Јавното претпријатие за стопанисување станбен и деловен простор се „Бетон“, „Гранит“, „Маврово инженеринг“, „Алпина“, две грчки фирми што првпат се јавуваат на тендер во Македонија и „Карпош АД“. Дел понудувачи за „Време“ велат дека ова е првпат на транспарентен начин да се врши изборот на изведувачот на градежните зафати. - Првпат се гради според европски критериуми - клуч на рака. Оној што ќе биде избран за изведувач на работите треба за 18 месеци да ја заврши доградбата на северната трибина. Ако се задоцни со градењето, се плаќаат дневни казни - велат дел понудувачи. Тие велат дека од конкурентите што се јавиле на понудата, само две фирми имаат искуство во изградбата на вакви објекти. - Малкумина знаат дека „Бетон високоградба“ учествувала во изградбата на Маракана во Белград. Ако фирмата „Алпина“ е вистинската австриска фирма што ја градеше Алијанц-арената во Минхен, тогаш може да очекуваме дека ќе имаме стадион од светско ниво - напоменуваат понудувачите. Тие стравуваат дека тендерот може да заврши во рацете на неквалификувани претпријатија. - Видете што се случи со зградата на „Џонсон контрол“ во Бунарџик. Првин прокисна покривот, па потоа се запали. Не сакаме да имаме негативни последици од нестручната изградба на северната трибина - додаваат тие.

Г.Г.

Kolku ke trae seto toa....imajki ja vo predvid nasata organiziranost nekjam ni da pomislam na takvo nesto....odma mi se temni.

Градскиот стадион како „Вембли“

Утре ќе биде познато која фирма понудила најповолни услови на тендерот за изградба на северната трибина на Градскиот стадион

МИОДРАГ МИЦКОВИЌ

Веќе нема дилеми дека Скопје ќе добие модерен фудбалски стадион, кој, кога ќе биде довршен ќе ма околу 50.000 седишта. Пред десетина дена беа разгледани сите понуди на распишаниот меѓународен тендер за изградба на северната трибина на Градскиот стадон во Скопје на кој учествуваа седум фирми. Тоа се „Бетон“, „Гранит“, „Маврово инжењеринг“, „Алпина“, „Карпош“ и две фирми од Грција.

Комисијата за јавни набавки на Јавното претпријатие за стопанисување со станбен и деловен простор во текот на утрешниот ден официјално ќе објави чија понуда, како најповолна е прифатена. Иако, во јавноста процуре веста дека изведувач на градежните работи на Северната трибина ќе биде „Бетон“, кој има најповолна понуда, дефинитивната одлука ќе биде позната утре кога во Јавното претпријатие ќе биде потпишан договор со изведувачот.

Меѓутоа, некои работи се познати. Најпрвин, на последната седница на Владата на Република Македонија е донесена одлука да се доделат шест милиони евра за изградба на северната трибина, која според тендерската документација треба да биде завршена за 18 месеци. Северната трибина ќе биде „копија“ на јужната, треба да има 18.000 седишта, со сите придружни објекти, поттрибински простор. На северната трибина ќе бидат обезбедени места и за новинарите, со телефони и сите други објекти потребни за телевизиските преноси.

Целиот проект за изградба на северната трибина и докомплетирање на Градскиот стадион е направен во проектанското биро на „Бетон“, кое инаку беше проектант и кој ја градеше јужната трибина.

Според информациите до кои дојдовме, сегашната северна трибина ќе биде урната, во текот на градежните работи на целиот тој простор ќе биде поставена челична мрежа за да можат да се играат нормално натпревари на Градскиот стадион со оглед дека во текот на летово екипите од Македонија ќе играат во европските купови, а веќе од август се и првите натпревари на репрезентацијата во квалификациите за светското првенство.

Од Јавното претпријатие за стопанисување со станбен и деловен простор од Фудбалската федерација е побарано какви се' услови се потребни за одигрување на меѓународните натпревари кога се врши санација на стадионот и кога се изведуваат поголеми градежни зафати.

Освен тоа, Владата даде и зелено во склопот на садионот, да се доизгради и реновира сегашнаа атлетска патека која е доста руинирана и на која не можат да се организираат големи меѓународни натпревари.

Според првиот проект, требаше да остане сегашната, со шест атлетски патеки, со тоа што пред јужната трибина, каде има доволно простор би се доизградиле уште две патеки за 110 и 100 м. тоа го дозволуваат правилата на Светската федерација. Требаше да биде потпишан договор меѓу МОК и италијанската фирма „Мондо“, која требаше да ја постави новата патека на стадионот, но тој не беше потпишан иако беа обезбедени средства во износ од 330.000 евра. Од тие средства 33 отсто обезбедуваше Светската атлетска федерација, 33 отсто Европскиот олимписки комитет и 33 отсто Македонскиот олимписки комитет. Меѓутоа, сега постои нова варијанта, на стадионот да бидат изградени осум патеки, за да може на него да се одржуваат дури и европски првенства. Меѓутоа, тоа ќе ја зголеми цената, потребни се уште 50.000 евра за тие две кружни патеки и околу 45.000 евра да се симне сегашниот тартан од патеките, да се изврши дренажа, да се стави нова подлога за да може да интервенира италијанската фирма „Мондо“. Но, сето тоа може да се реализира кога ќе бидат при крајот градежните работи на северната трибина која ќе мора да се помести за неколку метри наназад, за да се направи место за двете атлетски патеки. На јужната не е проблем, има доволен простор. Во секој случај, средствата за изградба на северната трибина се обезбедени, се чека да се потпише договор со најповолниот понудувач и да се почне со работа. Во меѓувреме, сите времени објекти, кои беа лоцирани зад северната трибина се урнати, тој простор е исчистен така што тука ќе нема проблеми. Но, сепак се' уште има работа. Учесниците во тендерот, кои не се избрани имаат право на жалба, потоа фирмата која победила на тендерот треба да обезбеди градежна дозвола и други потребни дозволи за да почне да се реализира проектот. Едно е сигурно, за 18 месеци, Градскиот стадион ќе го видиме во ново руво, мнгоу помодерен отколку што е сега, а потоа на ред е доизградбата и на источнат аи западната трибина (стоење) тоа ќе биде едно прекрасно фудбалско здание.

Во јануари ќе се урива северната трибина, изградбата ќе стартува во март

По нејзината изградба таа ќе биде главна трибина на Градскиот стадион

МИОДРАГ МИЦКОВИЌ

Деновиве ќе биде познато која од седумте фирми кои учествуваа на меѓународниот тендер за изградба на северната трибина на Градскиот стадион има најповолна понуда и ќе потпише договор со Јавното претпријатие за стопанисување со станбен и деловен простор за нејзина изградба. Тендерската комисија веќе ги разгледа доставените понуди, но, конечната одлука која фирма ќе биде избрана, ќе биде донесена откако Владата ќе ги префрли шесте милиони евра што ги вети за изградба на северната трибина. Сепак, извори на „Утрински весник“ неофицијално велат дека победник на тендерот ќе биде градежната фирма „Бетон“, која веќе го има подготвено и проектот за идниот изглед на Градскиот стадион, кој откако ќе биде довршен, ќе претставува исклучително убав и модерен стадион. Во Јавното станбено претпријатие очекуваат дека до крајот на годинава ќе биде потпишан договорот со фирмата што ќе ја добие работата и веќе во јануари, веднаш по новогодишните и божикните празници ќе се почне со целосно уривање на постојната северна трибина. Според планот, изградбата треба да стартува на 1 март.

Проектот за изградба не само на северната трибина, туку и на источната и западната трибина (сегашното стоење), е целосно во согласност до Детаљниот урбанистички план. Според објавениот тендер, фирмата која понудила најповолни услови за изградба на трибината, ќе мора да ја изгради за 18 месеци, што е предвидено како услов во тендерот.

Северната трибина, кога ќе биде довршена ќе биде главна трибина на Градскиот стадион и ќе и' го преземе приматот на сегашната јужна трибина. Заедно со покривната конструкција, ќе биде висока 35 метри, за едно до два метра пониска од јужната и ќе има 11.400 седишта. На неа ќе биде изградена и модерна ВИП-ложа за гости, кои тука ќе ги имаат сите услови што ги нуди еден модерен стадион, без да минуваат низ темните простории на стадионот како досега при влезот на јужната. Новинарските места ќе останат на јужната трибина. Кога ќе биде довршена северната трибина, Градскиот стадион ќе има 28.000 седишта. Во поттрибинскиот простор ќе бидат изградени повеќе соблекувални, кои ќе ги користат клубовите што ќе играат на Градскиот стадион, со сали за масажа, сауна и други потребни простории. За играчите кои ќе доаѓаат на Градскиот стадион се подготвува специјална сообраќајница која обезбедува директен влез на стадионот, така што спортистите ќе бидат максимално заштитени. Во план е и изградба на голем паркинг-простор.

Инаку, сите привремени објекти кои беа лоцирани зад сегашната северна трибина се урнати, така што градежните работи ќе можат нормално да се одвиваат. Во текот на изградбата на северната трибина ќе биде поставена специјална челична мрежа за да може непречено да се играат не само првенствени туку и меѓународни натпревари, бидејќи, како што е познато, нашите клубови во текот на летните месеци ќе играат во европските купови, а веќе од септември ги очекуваат и квалификациските средби за настап на светското првенство.

„Бетон“ ќе ја гради северната трибина на стадион

Градежното претпријатие „Бетон“ од Скопје, неофицијално, е победник на меѓународниот тендер за изградба на северната трибина на Градскиот стадион, бидејќи има доставено најповолна понуда. Извори на „Утрински весник“ велат дека во текот на вчерашниот ден по писмен пат за оваа одлука се известени сите учесници на тендерот кои имаат право на жалба во рок од седум дена од денот на добиеното известување. Меѓутоа, според сите информации, понудата на „Бетон“ заедно со комплетниот проект за изградба не само на северната туку и за докомплетирање на целиот стадион со нови трибини и на источната и на западната трибина, била најповолна и најкомплетна. По истекот на рокот за жалби, Јавното претпријатие за стопанисување со станбен и деловен простор со фирмата што победила на тендерот официјално ќе потпише договор за почеток на изградбата.

Предвидено е во текот на јануари и февруари северната трибина целосно да биде урната, веќе во март да почне нејзината изградба која треба да трае 18 месеци. Урнатиот дел ќе биде заштитен со метална мрежа за да може на стадионот непречено да се играат меѓународни натпревари. (М.М.)

СЕВЕРНАТА ТРИБИНА НА НАШИОТ НАЈГОЛЕМ ФУДБАЛСКИ ХРАМ ЌЕ ДОБИЕ ЕВРОПСКИ ЛИК

Почнува да се гради "Градски"

* ЈПССДП и ГП Бетон вчера поптишаа договор за изградба на северната трибина која ќе собира точно 10.032 гледачи, рокот на изградба е 18 месеци, а проектот ќе чини околу 15.000.000 евра

Јавното претпријатие за стопанисување со станбен и деловен простор и Градежната компанија "Бетон" вчера на свечен начин го потпишаа договорот за изградба на Северната трибина чија реализација почна да се спроведува веднаш по поптпишувањето.

Проектот ќе чини 896 милиони денари со вклучено ДДВ, рокот на изградба е 18 месеци, новата северна трибина ќе собира точно 10.032 гледачи и ќе беде главна трибина, која ќе биде резервирана за ВИП гостите. Оваа трибина ќе ги има сите пропратни елементи кои треба да ги содржи. Во функција на стадионот таа ќе има 4.600 м2, за комерцијален простор се предвидени 7.000 м2, а за внатрешни улици, платфпорми и комункикации ќе бидат резервирани 7.600 м2.

"Со сегашното потпишување на договорот го финализираме процесот на избор на најоглем понудувач за изградба на Северната трибина на Градскиот стадион во Скопје. Договорот го потпишуваме со една од најреномираните македоски градежни фирми ГП "Бетон", која достави и најдобра понуда на овој тендер. Се надеваме дека рокот кој е составен дел од договорот а тоа се 18 месеци од денот на потпишување ќе биде почитуван во целост и се надеваме дека многу проано ГП Бетон ќе ја изгради Северната трибина. Новиот лик на Градскиот стадион ќе биде еден од најрепрезетаивните стадиони на Балканот со европкси лик и со тоа се надеваме дека тоа ќе претставува потсрек на македонсиите спортисти. Значи Македонија конечно ќе добие стадион таков како што и доликува, истакна првиот човек на ЈПССДП Ивица Коневски.

ГП Бетон оваа година прославува шест децении од своето постоење, а овој голем и значен проект е круна на работењето на оваа наша градежна реномирана фирма.

"Денеска е голе ден за нашата компанија и за инвеститорот владата на Република Македонија и вопшто на сите граѓаи на нашата држава, затоа што конечно по подолго време државата одвои средства за еден ваков капитален објект. Она што е важно ние како компанија која рдовно учествува на поголемите тендери низа години нанзад, политиките на досегашите влади ги чувствуваше различн. Фудбалски кажано, претходните Влади се однесуваа како цетарфори сакаа по скеоја цена да дадат гол. За прв пат една влада се однесува како арбитар, бидејќи за критериумите кои ги даде ЈПССДП на чело со актуелниот директор можеме да упатиме максимални честитики и задоволство. Веруваме дека оваа градба ќе се трудиме да има врвен квалитет и ќе претсатвува објект што ќе се гордееме сите, истакна директорот на бордот директори на "Бетон" Мичо Насковски.

В. Фотиновски

Север ќе се "руши" на 5. јануари

Нема чекање. Градежните работи стартуваат денес, а првата фаза ќе опфати демонтажа на старите столчињата. В петок на 5 јануари нардната година и официјално ќе почне да се руши Северната требина, а тоа ќе го означи стартот на израдбата на новата модерна "северна" трибина на Градски стартува изградбата.

"Конечно ќе пристапиме со реализација, а тоа е од голем инетрес за целета земја. Со завршувањето на изградбата на Северна трибина планираме да објавиме тендер за изградба на Источна и на Западна трибина, а со тоа и да се заокружи процесот на изградбата на целиот стадион, истакна на вчерашниот прес директорот Коневски.

Атлетска патека со девет "пруги"

Покрај изградбата на Северната трибина ќе се "дотерва" и атлеската патека. Во моментот атлетската патека на Градскиот стадион е составена од шест линии, но новата атлетска патека на "Градски" ќе содржи девет линии и ќе биде на нивото на сите европски и светски патеки. Теренот ќе остане ист како што е.

Ќе има паркинзи

Како што информирше на вчерашиот прес директорот на ЈПССДП Ивица Коневски според градежната довола која што ја имаат добиено од општината Центар ги има добиено условите за сообраќајното решение и за паркингот. Според таа дозвола паркингот е предвиден да се изгради на улицата Лазар Личеноски. Дозволата е веќе добиена и иницијативата околу паркинзите може веднаш да се реализира.

Ќе се играат натпревари

Нашата најдобра репрезентација и покрај изградбата на северната трибина ќе ги игра натпреварите за престојниот циклус за СП на "Градски". До дуелот со репрезентацијата на Шкотска во септември наредната година, се планира на новата Северна трибина да бидат поставени столчиња. Значи против шкотите ќе играме пред 25.000 гледачи.

ФУДБАЛ - ПОЧНАА ГРАДЕЖНИТЕ РАБОТИ НА ГРАДСКИОТ СТАДИОН ВО СКОПЈЕ

Ако во септември безбедносните услови дозволуваат да се игра, нема да се бара алтернатива во Прилеп или во Струмица

Изградбата на нова северна трибина на Градскиот стадион во Скопје е најавено да стартува утре, со уривање на постојната. Инвестицијата, вредна околу 14 милиони евра, предновогодишно ја верификуваа Јавното претпријатие за стопанисување со станбен и деловен простор (ЈПССДП) и градежната фирма-изведувач „Бетон“. Рокот на изведба на градежните работи е 18 месеци. Овој градежен тајминг ја доведе ФФМ на почетокот од новата година да размислува каков потег да повлече. - Во исчекување сме на конкретни одговори за да знаеме како и во кој правец да реагираме. Првиот состанок со луѓето од ЈПССДП на оваа тема е закажан за наредната недела. Треба да добиеме одговор што ќе значи и во која фаза ќе биде објектот непосредно пред септемврискиот почеток на квалификациите за СП 2010 година. Сето ова битно ја менува ситуацијата околу организацијата и ефектите од квалификациските натпревари - вели Никола Костов, генералниот секретар на ФФМ.

Градскиот стадион во Скопје, ваков каков што е, без соодветните безбедносни услови за гостите и за службените лица, засега е единствениот лиценциран објект од УЕФА за одигрување на официјалните репрезентативни натпревари. Македонија во 9. квалификациска група за СП 2010 ќе игра со Холандија, Шкотска, Норвешка и со Исланд. Против првите две рангирани селекции, Холандија и Шкотска, на 6 и 10 септември годинава треба да биде домаќин.

- На крајот од месецов во Загреб ќе патуваме на конгрес на УЕФА. Тоа ќе биде убава можност со луѓето од Хрватска, кои на крајот на 90-тите години од минатиот век изведуваа градежни работи на стадионот „Максимир“ и играа квалификациски натпревари, да размениме искуства и да ги запознаеме челниците на УЕФА со новонастанатата ситуација со стадионот во Скопје. Надлежната комисија на УЕФА за безбедност на стадионите ќе треба да каже што се' треба да се направи и дали ќе може во ваква ситуација да се користи објектот за играње квалификациски натпревари. Доколку инвестицијата за безбедност е неисплатлива, тогаш целосно ќе се препуштиме на проноаѓање алтернативно решение - додава Костов.

Македонија во изминатите седум квалификациски циклуси за ЕП и за СП, своите натпревари како домаќин ги играше во Скопје. Друг објект за одигрување на овие натпревари немаме на располагање.

- Ако бидеме принудени излез од оваа ситуација да бараме, тогаш алтернатива ќе бараме на реновираните стадиони во Струмица и во Прилеп. Не се комплетни, но друг избор нема. Навреме треба да ги тргнеме сите дилеми за да почнеме да работиме на елиминирање на недостатоците - додава Костов.

На градските стадиони „Младост“ во Струмица и „Гоце Делчев“ во Прилеп со пари од проектите на ФИФА и УЕФА, обезбедени преку ФФМ, се изградени нови трибини. Во Струмица е по сите стандарди, има и осветление, но ни оддалеку не ги задоволува стандардите за играње на ноќен натпревар. Во Прилеп има нова административна зграда и трибина што не е покриена, а нема никакво осветление. На двата објекта, покрај инфраструктурните проблеми на и околу стадионите, заеднички именител им е лошата состојба на тревливиот терен. Македонската фудбалска репрезентација досега во Струмица има одиграно еден пријателски натпревар, во далечната 1995 година, со Бугарија (0-0), додека пак во Прилеп на тест-средби беше домаќин четирипати, каде што има максимален скор од победи, против Малта (1-0), двапати со Албанија (1-0 и 3-1) и со Финска (1-0).

Покрај репрезентацијата на Македонија, Градскиот стадион во Скопје како домашен терен го користат и прволигашите Вардар и Работнички К. За нив изградбата на северната трибина нема да значи и преселба на друг терен доколку градилиштето биде обезбедено, како во времето од 80-тите години, кога се градеше „Југ“ и се играа прволигашки натпревари во тогашната Прва лига на Југославија.

Според планот за Градски, на крајот овој фудбалски храм во Македонија треба да биде модерен спортски објект. По завршувањето на северната трибина, капацитетот од сегашните 18.000 ќе биде зголемен на 25.000 седишта. Кога објектот ќе биде комплетиран со третата фаза, со нови трибините зад головите, „Исток“ и „Запад“, капацитетот ќе биде 45.000 посетители.

(Д.Н.)

Новата трибина со целиот комерцијален простор и паркинг ќе зафаќа значително поголема површина, отколку сега. Ќе биде многу близу до спорното здание зад неа „кинескиот ѕид“, дури и повисока од него.

За премиерот Груевски, кој денеска го поздрави стартот на проектот, решение за проблемот постои.

„Тоа веќе го презема судот и се надевам дека судот ќе го реши, а ние непречено ќе си го градиме овој објект“, вели Никола Груевски, претседател на Влада на РМ.

Фото вест

Урната е половина од северната трибина на Градскиот стадион. Екипи на градежното претпријатие „Бетон“ неколку дена со тешка механизација ја уриваат старата трибина, а потоа ќе почнат да градат нова, вредна 15 милиони евра.

Северната трибина ќе биде покомфорна и побезбедна

Во март ќе биде распишан тендер за изградба на источната и на западната трибина

НАШАТА НАЈДОБРА СЕЛЕКЦИЈА КВАЛИФИКАЦИИТЕ ЗА СП ЌЕ ГИ ИГРА НА ГРАДСКИ

Со Шкотска на новиот "Север"

* Во АД "Бетон" велат дека до почетокот на септември ќе се направат напори новата трибина да ги прими првите посетители

Градежните работи за изградба на новата северна трибина се во полн ек. АД "Бетон" со својата механизација работи според планот и секој ден "нон-стоп" во текот на сите 24 часа го расчистуваат теренот каде што треба да "никне" новата европски модерна Северна трибина.

Информаците од АД "Бетон" велат дека до почетокот на септември ќе се направат напори новата трибина да ги прими првите посетители, а тоа значи дека со Шкотска нашата најдобра селекција ќе ја бодрат околу 25.000 гледачи. Тоа значи дека до 1 септември оваа година на средбата со Шкотска во рамките на квалификаците за СП, на новиот "Север" ќе има поставено столчиња, а во АД "Бетон" се подготвени до половината со реализацијата на овој проект да се направи и приод до новата северна трибина. Во интерес на сите е, како што велат во нашата реномирана градежна фирма, овој проект, кој до септември ќе влезе во втората фаза на изградбата, да биде подготвен да ги "прифати" првите посетители. Ако се оди според планот, а во АД "Бетон" веруваат дека ќе биде така, нашата најдобра селекција ќе ја бодрат уште десетина илјади гледачи повеќе.

Како што н$ информираа од градежната компанија АД "Бетон", во последните неколку денови претставници од Фудбалската федерација на Македонија преговараат со Јавното претпријатие за станбен и деловен простор, но која е целта на оваа средба од страна на претставниците на ФФМ не е познато. Поради тоа во АД "Бетон" ќе побараат информација од ЈПССДП за што се разговарало со ФФМ, а потоа ќе настојуваат да се сретнат и лично со претставниците на ФФМ. Инаку, оваа трибина е согласно стандардите на УЕФА и ФИФА и ќе биде една од најмодерните на балканските простори.

В. Фотиновски

Ќе се играат првенствени и куп средби

Изградбата на новата северна трибина, како што велат во АД "Бетон", нема да претставува пречка да се играат првенствените и куп натпреварите. Тоа значи дека Вардар и Работнички првенствените, односно куп натпреварите ќе ги игра на "Градски", а како што добивме информација, и финалето на Купот ќе може да се игра на нашиот најголем стадион.

Градски ќе го осветлуваат 1.400 лукса

„Бетон“ има обврска северната трибина да ја заврши за 18 месеци

Источната и западната трибина ќе бидат многу помали, ќе имаат по 3.500 седишта

МИОДРАГ МИЦКОВИЌ

Работите околу изградбата на северната трибина се изведуваат со забрзано темпо, „Бетон“ има обврска трибината да ја заврши за 18 месеци. Во неа, споед едни проценки ќе бидат вградени 37.000 кубици бетон, речиси по 100 кубици на ден. Веќе на големо се копаат темелите за бетонските столбови, а северната трибина, кога ќе биде завршена, ќе одговара на сите стандарди на ФИФА и на УЕФА.

Според проектот, под покривот ќе биде монтиран цел еден венец на минијатурни рефлектори, од каде, наместо сегашните четири столба со рефлектори, ќе биде осветлуван теренот, заедно со рефлекторите, што се монтирани под покривот на јужната трибина.

Стручните луѓе од „Бетон“ и телевизијата ги разгледаа сите параметри околу осветлувањато на стадионот и на теренот, се знае каде се' ќе бидат поставени камерите за ТВ преносите, осветлувањето ќе има специјален начин на командување, така што секој рефлектор под покривот ќе се следи компјутерски. Се' е испланирано до детали. Тоа е нов начин на осветлување, сличен на оној на Олимпискиот стадион во Атина. Кога комплетно ќе бидат поставени рефлекторите под покривот, заедно со тие на јужната трибина, Градскиот стадион речиси ќе „светне“ бидејќи наместо сегашните 800 ќе има сила од 1.400 лукса што одговара на сите стандарди и барања на ФИФА и УЕФА.

Сегашните рефлектори што се монтирани на четирите столба, на четирите страни на стадионот ќе бидат демонтирани бидејќи нема да се користат за осветлувањето на стадионот како досега. Каде ќе бидат потоа поставени, зависи од Јавното претпријатие за стопанисување со станбен и деловен простор под чија надлежност е Градскиот стадион. Најверојатно на еден од стадионите во Македонија, во Прилеп, Битола или Тетово.

Градскиот стадион со неговото комплетирање, пред се' со изградената северна трибина, ќе добие и многу посилно и поквалитетно озвучување. Звучници ќе бидат рамномерно распоредени, исто така под покривот на двете трибини. Озвучувањето ќе биде мошне силно, ќе може да го „надгласа“ секое бучно навивање, се очекува да има сила од 110 децибела. Досега, озвучувањето беше распоредено долу на теренот и не беше толку квалитетно.

Да се вратиме на источната и западната трибина, кои кога ќе бидат завршени Градскиот стадион ќе има 30.000 седишта. За нивната изградба постои идеен проект што е изготвен во Проектанското биро на „Бетон“, но мора да се распише тендер за основниот проект, а потоа постои и изведбениот проект за нивната изградба.

Источната и западната трибина ќе бидат многу помали, ќе имаат по 3.500 седишта. На секоја трибина ќе има по 31 ред, ќе имаат по шест влеза. Трибините ќе бидат високи 24 метри, речиси 11 метри пониски од јужната и северната, а под подтрибинскиот простор ќе бидат комплетно изградено се' она што е потребно за гледачите. Пред се' комплетен санитарен јазол покрај секој влез, ресторани за брза храна, просторија за брза помош и други подобности што го бара еден вака голем спортски објект.

Според комплетниот план, Градскиот стадион, кога ќе биде завршен ќе има покривна конструкција за околу 80 посто од стадионот.

Инаку, јужната трибина ја имаа проектирано, архитектите на „Бетон“ Драган Крстев, кој е починат и Тодорка Мавкова уште во 1977 година. И уште еден податок, од последната точка на западната до последната на источната трибина растојанието ќе изнесува 233 метри.