„Соравија“ го купи Олимписко село

Вкупната инвестиција на Австријците е вредна 30 милиони евра

Старите разурнати куќарки и хотелот од Олимписко село ќе бидат срамнети со земја и на нивно место ќе се изградат 200 стана од висока категорија и помал бизнис-хотел

Австриската компанија „Соравија рисорт“ е новиот сопственик на поголем дел од некогашното Олимписко село во Скопје. Австријците неодамна купија 19.000 квадратни метри во кои спаѓаат старите куќарки и хотелот, додека помал дел од населбата и натаму е во сопственост на фирмата „Интерна“.

Се' што е останато од некогашниот голем комплекс ќе се урива и на тоа место ќе се изгради резиденцијален комплекс со околу 200 стана од висока класа и еден помал бизнис-хотел. Вкупната инвестиција изнесува 30 милиони евра.

Според Зоран Олумчев, технички советник и главен надзорен инженер во „Соравија“, комплексот ќе содржи 20-ина објекти кои ќе имаат иста висина (приземје, три ката и потпокрив), но различна површина. И становите ќе бидат со различна големина и ќе се движат од 80 до 160 квадратни метри. Хотелот ќе има околу 9.000 квадрати и меѓу другите содржини ќе има и повеќе луксузни апартмани што ќе се издаваат.

„’Соравија‘ распиша меѓународен конкурс за идејно архитектонско решение на населбата, на кој беа повикани четири домашни и три странски фирми. Победи домашната фирма ’Радо инженеринг‘. Претстојниот период ќе го искористиме за изработка на проектите и за обезбедување на потребните одобренија. Планираме да почнеме со изградба напролет наредната година и во зависност од тоа како ќе се одвива работата, комплексот да биде завршен за две-три години. Ќе се гради во три фази, како што се поделени и локациите, и како ќе се изгради една фаза така ќе се продава“, појаснува Олумчев.

Според Деталниот урбанистички план, на просторот на некогашното Олимписко село се предвидени содржини за угостителство и апартманско сместување. И во најблиската околина треба да се градат резиденции за потребите на амбасадите во Скопје, со затворен режим на сообраќај. На тој начин и новиот комплекс на „Соравија“ максимално ќе се вклопи во урбанистичкиот план.

Ова е втора голема инвестиција на австриската корпорација „Соравија груп“ во Македонија. Првиот проект беше Бизнис-центарот во Скопје, за кој беше формирана фирма „Сорави центар Скопје“. Австријците го купија Центарот за 10,3 милиони евра и во неговото опремување вложија дополнителни 15 милиони евра. (Б.А.)

Елитен станбен кварт за македонскиот „џет сет“

Населба за македонскиот „џет сет“, место за богатите. На падините на Водно ќе биде лоциран елитен станбен кварт во кој секој нема да може да купи стан.

За месец и половина стартува изградбата, локацијата веќе е обележана, градежните материјали се поставени. Постоечките објекти на овој терен, хотелот „Скала“ и познатото Олимписко село ќе бидат урнати.

„Овде ќе бидат изградени апартмани за луѓето од високата класа, луѓе кои имаат високи примања, ќе биде многу ексклузивно, ќе имаме затворен простор со обезбедување, ќе имаме џакузи, сауни, базени, ќе ги продаваме апартманите. Секој може да аплицира за стан, но цената ќе го направи изборот. Овде ќе има апартмани со високи цени и само луѓето од високата класа ќе можат да ги купат“, изјави Питер Рот, директор на „Соравија Груп“ во Македонија.

Вкупната инвестиција тежи 30 милиони евра. На површина од 17.000 квадратни метри ќе се изградат куќи со 150 луксузни апартмани и нов хотел. Инвеститорите не откриваат колку ќе чини квадрат станбена површина, но велат дека интересот е голем.

„Луѓето од високата класа ме прашуваат кога можат да се вселат. Јас им велам да бидат трпеливи, досега ниеден политичар не ме прашал за стан овде, се интересираат само бизнисмени, директори и луѓето од економскиот сектор“, рече Рот.

Инвеститорите имаат обезбедено имотен лист, ја чекаат градежната дозвола, се надеваат дека нема да имаат административни проблеми.

Во овие куќи некогаш престојуваа познати светски спортисти. Денеска Олимпиското село е руинирано, но наскоро се очекува да прерасне во центар, база на македонскиот „џет сет“ и бизнис елита.

Атрактивноста на Водно веќе привлече и голем број други инвеститори. Овде на големо се градат амбасади, станбени објекти, спортски терени.

Но, не е само Водно единствената атрактивна локација. Досега се најавија повеќе вакви елитни проекти на територијата на Скопје, но ниту еден од нив не виде бел ден.

Еден од поновите беше и Сончевиот Град, чија изградба заглави во имотно-правни спорови.

The Skopje Olympic Village is currently being built right on the slopes of Mount Vodno, Skopje’s local mountain. With its quiet, secluded location, this exclusive residential and hotel compound has breathtaking views across the Macedonian capital and yet is still only a few minutes drive from the center.

After completion in 2012, the complex over 20,000 sqm will have modern apartments and studio flats, a hotel with restaurant and wellness area, plus various other leisure facilities.

Соравиа Рисорт

Соравиа Рисорт се гради во моментов на падините на Водно, локалната планина во Скопје. Со мирната, изолирана локација, овој ексклузивен станбен и хотелски комплекс нуди совршен поглед на главниот град на Македонија, а, сепак, се наоѓа на само неколку минути возење од центарот.

По завршувањето на проектот во 2012г., комплексот од над 20,000 м² ќе има модерни апартмани и гарсониери, хотел со ресторан и рекреативен центар, како и разни други објекти за разонода.

http://www.soravia.com.mk/index.php?id=42

Елитна населба на Водно од 30 милиони евра

http://a1.com.mk/vesti/novinar-email.asp?NovinarID=96&VestID=116982 - Александар Момировски	http://a1.com.mk/vesti/default.aspx?VestID=116982#komentari - Коментари (0)   javascript:otvoriVideoPrilog%2809/aleksandar-01-11.wmv,%20116982%29">

Багерите копаат, работниците премеруваат, теренот се подготвува. За една недела ќе биде удрен камен темелникот на новата елитна населба, тешка 30 милиони евра што ќе се гради на падините на Водно.

Олимпиското село е срамнето со земја, иста судбина го чека и хотелот „Скала“. На нивно место никнува населба која инвеститорот ја замислил како место за богатите. Со просечна цена од 1.500 евра за квадратен метар, сигурно е дека овде секој нема да може да купи стан.

„Сега почнавме со 80 апартмани и на крај ќе бидат 200, има голем интерес, од тие три згради што ги почнавме да ги градиме веќе 50 проценти продадовме, клиентите се богати луѓе, лекари, адвокати, луѓе од џет сетот“, изјави Питер Рот, менаџер на Соравија во Македонија.

Ќе се градат и базени, игралишта, хотел, специјално обезбедување ќе ја чува населбата.

На Македонија и недостасуваат посериозни инвестиции во производство, во фабрики, но затоа пак доминираат вложувањата од ваков тип. За побрза и посигурна заработувачка, инвеститорите се повеќе се решаваат своите пари да ги вложат во проекти како што се елитни населби, трговски и деловни центри, супер маркети.

Питер Рот, менаџер на Соравија во Македонија

Изградба на елитни населби испланира и државата, но поради проблеми на терен овие идеи најчесто се во застој. Таков е случајот со населбата во Злокуќани кај Зајчев Рид, а нова населба се најавува на местото на касарната „Илинден“.

„Во делот на Зајчев Рид, поголем дел е приватно земјиште, голем дел од тоа се денационализира и целиот застој е тука. Евидентно е дека како држава не најдовме модел за интензивирање на градбата онаму каде што детални урбанистички планови, а каде што земјиштето е во градежен реон и им е вратено на поранешните сопственици, сметам дека мора да се донесат некои законски решенија со коишто неградењето во делови каде што има ДУП да биде високо оданочено“, рече Стевчо Јакимовски, градоначалник на Карпош.

Тапка во место и изградбата на Сончевиот Град во Сопиште. Поради грешка со парцелите, сега се прави ревизија на веќе нацртаните проекти, а израелските инвеститори почнаа постапка на суд.

Локалните власти уверуваат дека странците не се откажуваат од проектот тежок 100 милиони евра кој ќе почне да се гради по елиминирањето на недостатоците.

Лопата за луксуз на Водно

На просторот на некогашното олимписко село, Соравиа почнува со изградба на ексклузивен комплекс кој ќе се состои од повеќе станбени објекти и еден поголем мултифункционален објект. Населбата со име „Соравиа Рисорт“, која се најавуваше веќе подолго време е инвестиција тешка 30 милиони евра и ќе се простира на над 20 илјади метри квадратни. Соравиа го купи атрактивното земјиште во 2007.

Идејното архитектонско решение за населбата е дело на Радо Инженеринг. Во прва фаза ќе се градат 6 згради со станови за продавање и мултифункционалниот објект, во кој покрај станови ќе има и ексклузивни апартмани за издавање, простор за релаксација со спа центар, кафетерија и продавници. Предвидено е првата фаза која опфаќа 80 станови/апартмани да се реализира до 2012, а целиот проект за пет години, кога вкупната бројка ќе достигне 200.

Големината на становите се движи од 75 до 190 метри квадратни, а се најавува цена од околу 1500 евра за квадрат. Од Соравиа истакнуваат дека при изградбата ќе се применуваат највисоки стандарди во сите сфери, и дека комплексот ќе воведе нови критериуми за квалитетно домување во Македонија. Австриска Соравиа на македонскиот пазар за недвижнини е присутна од 2006. Ова е нивна втора голема инвестиција во нашата земја, а дебитираа со „Соравиа Центар“ кај ГТЦ, кој функционира од октомври 2008.

Привршува изградбата на „Венеција“, „Милано“ и „Наполи“, првите три вили во комплексот Соравиа Ресорт во кои има вкупно 16 луксузни апартмани со големина помеѓу 103 и 181 метри квадратни. ../?p=616 - Камен темелник беше поставен на 09.12.2009 , а според Питер Рот, менаџер на Соравиа во Македонија, трите вили ќе бидат готови за пола година. Во меѓувреме урнат е и стариот хотел Скала во кругот на бившото Олимписко Село и овој месец на негово место треба да започне изградба на најголемиот објект во комплексот – вилата „Рим“. Таа ќе има 45 апартмани за продажба, 8 executive апартмани за изнајмување и разни дополнителни содржини. Апартманите во „Рим“ се со големина помеѓу 64 и 154 метри квадратни, а рокот за завршување е 18 месеци.

Вкупната инвестиција за Соравиа Ресорт изнесува 30 милиони евра и треба да се реализира до 2015 година, кога во комплексот е предвидено да функционираат 20 објекти со 200 апартмани. Проектот го изработи Радо Инженеринг, изведувач е Вардарградба, а надзорот го врши Евро Консалтинг.

Апартманите на „Соравија“ во карабина