Ски патека на Водно

Printed From: build.mk
Category: Главни теми
Forum Name: Спортски
Forum Discription: Стадиони, сали, спортско-рекреативни објекти...
URL: http://www.build.mk/forum/forum_posts.asp?TID=1231
Printed Date: 19-Apr-2024 at 07:23

Topic: Ски патека на Водно

Posted By: Cloverstack
Subject: Ски патека на Водно
Date Posted: 30-Sep-2009 at 16:31

ГРАДОНАЧАЛНИКОТ ТРАЈАНОВСКИ САКА ЗИМЕ ДА ПРИВЛЕКУВА ТУРИСТИ ВО СКОПЈЕ

Скијачка патека на Водно

Со изградбата на патеката, Трајановски смета дека ќе се привлечат голем број туристи во зимскиот период, а и на скопјани ќе им се овозможи поблиска дестинација за уживање во зимските спортови

Градоначалникот Коце Трајановски сака да гради скијачка патека на Водно. Патеката би се протегала од врвот на Водно, односно од десната страна на Милениумскиот крст каде што некогаш се наоѓала скијачка патека. Од Градот велат дека сега овој простор е обраснат со треви и запуштен, па не може да се забележи дека таму постои скијачки терен. Со изградбата на патеката, Трајановски смета дека ќе се привлечат голем број туристи во зимскиот период, а и на скопјани ќе им се овозможи поблиска дестинација за уживање во зимските спортови. За оваа цел, градските власти денес ќе бараат дозвола од советниците во Градското собрание за избор на консултантска фирма, која ќе испита дали оваа идеја е можно да се реализира, ќе изработи проект и финансиска конструкција и ќе бара концесионер кој е заинтересиран за стопанисување со скијачката патека.
Покрај за скијачката патека, ќе се бара и консултант за изградба на подземни сообраќајници и воведување на трамвај. Градските власти сакаат да направат подземна улица, како продолжение на Партизнака, под плоштадот Македонија до Комплекс банки, и од Владата подземна улица под Кале, до пластичарите.
"Со оглед на светската економска криза, Градот не поседува доволно финансиски средства за реализација на овие големи проекти. Поради тоа, имаме потреба од започнување постапка за доделување концесија. За таа цел ќе ангажираме стручен консултант за да ја спроведе постапката на доделување на концесија и анализа на целиот проект", се вели во образложението на градоначалникот Трајановски до советниците.
На истото место каде што сега градоначалникот Трајановски најавува изградба на ски-терен, поранешниот градоначалник Трифун Костовски имаше идеја да се гради жичарница која би ги поврзала Водно и Матка, но не успеа да ја реализира. (А.А.)

http://vest.com.mk/?ItemID=1FF2F6AC0C43644AA9DE35576366291B

Replies:

Posted By: Cloverstack
Date Posted: 11-Jul-2010 at 15:36

Трајановски не се откажува од скијачката патека на Водно

Градот втор пат бара консултант, кој треба да укаже
на (не)оправданоста на проектот

Деспина Трајковска

Градоначалникот Коце Трајановски не се откажува од идејата да изгради скијачка патека на Водно. Деновиве втор пат бара консултант што ќе изработи студија за економската и еколошката исплатливост на проектот. Истовремено ангажираната консултантска куќа ќе има обврска да направи и финансиска конструкција колку би чинела реализацијата на идејата во случај Градот, дефинитивно, да се одлучи за проектот.

Градските власти објаснуваат дека распишаниот јавен повик за избор на консултант се репризира, бидејќи на претходниот не се јавил ниту еден заинтересиран субјект, иако преку истиот тендер биле ангажирани консултанти за подземните сообраќајници, луна-паркот и трамвајот. Од Градот вчера не открија колку пари ќе ги чини консултантот ниту, пак, колку средства во буџетот има издвоено за оваа намена. Тајна е и за колку пари шпанската компанија „Идом“ ќе ги изработи физибилити студиите за исплатливоста од изградба на подземните сообраќајници, за нов луна-парк и за евентуално воведување на трамвајот во јавниот градски превоз.

Трајановски замислил скијачката патека да се протега од врвот на Водно од десната страна на Милениумскиот крст, во правец на Нерези, каде што пред дваесетина години се правеле обиди да се изгради патека, која група ентузијасти скијачи и тогашната градска управа дури ја трасирале и натапкале.

Пред речиси една година кога градскиот Совет му одобри на градоначалникот да бара консултант за патеката, Трајановски рече дека тој смета оди проектот би бил оправдан од неколку аспекти. Првенствено, скијачката патека би била еден од начините за привлекување туристи во зимскиот период, а истовремено можност и за скопјани да уживаат во зимските спортови на неколку километри од центарот на Градот. Опозициските советници, пак, како и дел од јавноста имаа сериозни забелешки на идејата на Трајановски. Според нив, изградбата на патеката е проект, кој периодов воопшто не му е потребен на Скопје, бидејќи во градот се' уште има населби со септички јами и нерешени основни комунални проблеми. Автоматски, укажаа опозиционерите, трошењето пари за консултант за овој проект би било класичен пример за недомаќинско трошење на парите од граѓаните.

Во случај патеката да почне да се гради, тоа, според градските власти, ќе биде гаранција дека Водно ќе стане голема атракција, оти освен скијачката патека, на планината ќе има и жичарница за која веќе е поставен камен-темелник.

http://www.utrinski.com.mk/?ItemID=4FBC78B2506626428F2B6FE27A9A0A05

Posted By: theone
Date Posted: 13-Jul-2010 at 19:05

Posted By: SkyBoy
Date Posted: 13-Jul-2010 at 20:12

Поддршка и од мене, а можеби подоцна ќе никне и некој хотелски комплекс во близина на крстот..

Posted By: UrbanFreak
Date Posted: 13-Jul-2010 at 20:26

Поддршка и од мене за овој проект. Поготово што се надевам на професионална студија, па доколку се покаже дека нема услови или физибилност, подобро да не се ни почнува. Инаку во право си тхеоне, имаше патека на Водно пробна одма над неизграденото одмаралиште над поштенското.

Posted By: Baze
Date Posted: 14-Aug-2010 at 00:09

Никој не сака да биде консултант за ски-патеката

Ниту една фирма не е заинтересирана да биде консултант на Градот Скопје и да бара концесионер за изградба и користење на ски-патеката на Водно и за концесионирање на билбордите. Градските власти вчера ја поништија јавната набавка која беше распишана минатата година, бидејќи во пропишаниот рок немало доставена ниту една понуда. Огласот беше меѓународен, објавен во Бирото за јавни набавки и на страниците на специјализираното издание за јавни набавки на Европската унија, ТЕД.

Моментно се' уште останува во сила јавниот повик за избор на консултанти за подземните сообраќајници, кои во пакет беа објавени со ски-патеката и билбордите. Дел од јавниот повик беше и изборот за консултант за јавно приватно партнерство за Луна паркот, каде што најдобра понуда даде шпанската фирма „Идом“.

Според објаснувањата на градските власти, секој сегмент од јавниот повик е делив, па така, потенцијалните концесионери можат да конкурираат за еден или за повеќе делови. Очигледно е дека и странските и домашните фирми, идеите за скијање на Водно и за концесионирање на билбордите не ги сметаат за атрактивни, па не дале ниту една понуда.

Градските власти засега не откриваат дали јавниот повик ќе биде повторен или, пак, ќе се бара нов модел за реализација на овие два проекта. Исто така, засега е непознато и колку и кои фирми се јавиле за да вршат консултантски услуги за подземните сообраќајници. (С.Н.)

http://www.utrinski.com.mk/?ItemID=449E7F6D827DA34ABA0C85FCB8579E4F - http://www.utrinski.com.mk/?ItemID=449E7F6D827DA34ABA0C85FCB8579E4F

Posted By: ebivetre
Date Posted: 15-Dec-2010 at 16:50

http://www.vreme.com.mk/DesktopDefault.aspx?tabindex=4&tabid=1&EditionID=2192&ArticleID=153169

ПРОПАДНА И ВТОРИОТ ОБИД ДА СЕ НАЈДЕ КОНСУЛТАНТ
Жичницата ја затрупа скијачката патека на Водно
Роза Петкова

Тендерот за консултант за скијачка патека на Водно пропадна по вторпат, откако во Град Скопје не пристигнала ниту една понуда. Од истата причина беше неуспешен и првиот распишан оглас на кој градските власти во пакет со подземните сообраќајници и со трамвајот бараа консултант и за ски-патеката, но за неа никој не беше заинтересиран. Дел од огласите за своите проекти, освен во Бирото за јавни набавки, Градот ги објавуваше и во интернет-верзијата на Европската унија за огласување на тендери - ТЕД и во „Фајненшл тајмс“, но и тоа не донесе резултати.
Во меѓувреме набрзина се гради жичницата, а проектот за скијачката патека, кој постои одамна, се уште чека реализација. Сепак, надлежните велат дека не се откажуваат од идејата да се скија на Водно. - Јавниот повик распишан во август за избор на концесионер за ски-патеките на Водно беше неуспешен бидејќи немаше пријавено ниту еден понудувач. Град Скопје не се откажува од проектот и во моментов се разгледуваат и други законски постапки во врска со можностите за избор на концесионер за ски-патеката - одговорија од одделението за односи со јавност на Град Скопје.
Скијачката патека како проект на градоначалникот Коце Трајановски пред една година доби поддршка од Советот на Град Скопје. Со мнозинство гласови, советниците ја усвоија одлуката со која Градот тргна во потрага по консултанти и по потенцијални инвеститори за изградба на патеката, трамвајот и на подземните сообраќајници. Советниците од СДСМ и од останатите партии од опозицијата тогаш ја сметаа идејата на Трајановски за несериозна и велеа дека е непотребно да се трошат пари за консултант затоа што потребата од една ваква патека може многу лесно да се провери со извештај од Хидрометеоролошкиот завод за снежните врнежи на Водно во текот на изминатите години. Градоначалникот ги убедуваше советниците дека таа ќе придонесе за развој на туризмот во Скопје и дека ваква патека веќе постоела на планината. Ски-патеката на Водно е постар проект за кој во изминативе дваесетина години размислувале повеќе градски гарнитури, а беше актуелна и во времето на Ристо Пенов. На времето, идејата ја покрена еден од домашните скијачки клубови, а се зборуваше и дека членовите на клубот и други љубители на скијањето во 1989 почнале да ја трасираат патеката која се наоѓа над детското одморалиште „Младост“. Во расчистувањето на патеката учествувале и студенти и ученици од Факултетот за физичка култура и од средното фискултурно училиште, како и екипи на градежното претпријатие „Бетон“, но со распаѓањето на Југославија проектот никогаш не заживеал.
Во јавното претпријатие „Паркови и зеленило“ потврдуваат дека патеката се уште постои и дека може да се распознае. Постарите вработени оттаму велат дека таа е трасирана пред дваесет години, но снегот на неа не се задржува и затоа не паметат некој некогаш да скијал по патеката.

Posted By: axel
Date Posted: 05-Jan-2011 at 12:19

Трајановски не се откажува од ски-патеката на Водно

Градот се надева на трета среќа во изборот на консултант за проектот

Деспина Трајковска

Градските власти не се откажуваат од идејата да изградат ски-патека на Водно, иако досега никој не се реши да изработи ниту студија за оправданост на проектот. Сепак, за градоначалникот Трајановски, неуспешните два обида за избор на консултант не се причина да се откаже од идејата. Напротив, убеден е дека ќе ја реализира, оти како што тврди, имало заинтересирана фирма што ќе ја изработи студијата, па дури и ќе најде инвеститор за патеката.

Ова, всушност, градоначалникот го посочи како одговор на забелешка од советничко прашање. Истакна дека целата постапка се води по законски пат, и покрај сомнежите на советникот Драги Давчевски дека со првите два неуспешни обида за избор на консултант, на градските власти им се отвора простор за ангажирање фирма блиска до нив.

„Очигледно, никој досега не се пријави за консултант, оти идејата е, всушност, шуплива работа. Кој и да го изберете ќе треба да ве излаже за оправданоста на проектот, а консултантот и евентуалниот концесионер би се нашле практично во незавидна положба“, му порача советникот Драги Давчевски на градоначалникот Трајановски.

Тој смета дека проектот не е издржан првенствено зашто ски-патеката би се наоѓала на јужните падини на Водно каде што нема соодветни временски услови за истрајност на патеката.

„Апсолутно не се откажуваме од проектот. Очекувам постапката за избор на консултант да заврши кон крајот на јануари. Целата постапка се одвива во законски рамки. Ќе продолжиме со она што сме го планирале и буџетирале“, одговори Трајановски.

Планирано е скијачката патека да се протега од врвот на Водно од десната страна на Милениумскиот крст, во правец на Нерези, каде што пред дваесетина години се правеле обиди да се изгради патека. Иако токму овој проект е еден од оние за кои имаше безброј негативни реакции во јавноста, градоначалникот смета дека тој би бил полн погодок за Скопје, и тоа од неколку аспекти. Првенствено, скијачката патека би бил еден од начините за привлекување туристи во зимскиот период, а истовремено можност и за скопјани да уживаат во зимските спортови на неколку километри од центарот на Градот. Патеката ќе била и гаранција дека Водно ќе стане голема атракција, бидејќи, освен скијачката патека, на планината ќе има и жичарница чија изградба е во тек.

http://www.utrinski.com.mk/?ItemID=199E5E942D9A4E4A807390B540631123

Posted By: ebivetre
Date Posted: 05-Jan-2011 at 12:48

Originally posted by axel

<span id="ArticleTitle" ="WB_UTRINSKIVESNIK_Naslov">

му порача советникот Драги
Давчевски на градоначалникот Трајановски. Тој смета дека
проектот не е издржан првенствено зашто ски-патеката би се наоѓала на
јужните падини на Водно каде што нема соодветни временски услови за
истрајност на патеката.

http://www.utrinski.com.mk/?ItemID=199E5E942D9A4E4A807390B540631123

Тропа глупости ликов Давчевски. Патеката се планира да биде на северната (кон Скопје), а не на јужната страна.

Posted By: гитардемон
Date Posted: 10-Jan-2011 at 19:19

Датум: 10.01.2011, 09:20
Ски-патеката ќе се „спасува“ со договор во четири очи

По два пропаднати јавни повика за избор на консултантска фирма за изработка на студија за ски-патеката, опозицијата му порача на Трајановски да се откаже од таа идеја, а парите да ги потроши на поважни работи, но тој соопшти дека нашол фирма со која овој пат ќе оди на директна спогодба

Ни два пропаднати јавни повика за избор на консултант за планираната скијачката патека на Водно не го поколебаа градоначалникот Коце Трајановски да се откаже од таа идеја. Иако остро критикуван од опозицијата дека двата неуспешни повика му се доволен знак дека е време парите да ги потроши на скопските горливи проблеми, тој е решен да оди докрај и да најде фирма што ќе му изработи студија со која ќе му бидат дадени одговорите - дали идејата е добра или лоша. На последната седница на Советот на Град Скопје дури најави дека има заинтересирана фирма за давање консултантски услуги и дека овој пат нема да распишува пак јавен повик, туку ќе оди на директна спогодба

- Месецов ќе ја завршиме работата со консултантот. Оваа фирма има искуство со давање вакви услуги околу Кожуф и други скијачки центри во Европа - изјави тој.

Драги Давчевски од советничката група на СДСМ изрази сомнеж и револт околу најавата за директна спогодба, велејќи дека тоа е најлошото одбрано решение со кое се доведува во прашање искреноста за намерата на Градот и дали се' ќе се заврши законски. Ја отвори дилемата дали тоа можеби нема да биде фирма блиска на владејачката гарнитура.

- Дури и да најдете консултант кој ќе се нафати да ви каже дека идејата е оправдана, ќе треба да ве излаже. А потоа и да ве излаже дека може да најдете концесионер. Водно не е податлив за скијачка патека, се наоѓа на југ, при што снегот не се задржува долго. Ова е шуплива работа, дајте пренасочете ги парите за други поважни работи - порача Давчевски.

На овие сомнежи, градоначалникот Трајановски само рече дека сите постапки има намера да ги води законски.

- Нема да се откажеме и ќе продолжиме со она што сме го планирале и буџетирале - рече тој.

Според досегашните информации понудени од надлежните, градската власт, доколку најде инвеститор, планира скијачката патека да ја гради од врвот на Водно надесно, во правец на Нерези. Наспроти критиките и негативните реакции изминатава година по промовирањето на оваа идеја, објаснувањето на Трајановски беше дека таа е добра замисла за развој на туризмот во Скопје зиме, како и прераснување на Водно во атракција. Уште лани, опозициските советници на седници на Советот идејата ја оценија како бесцелна, расипничка, со аргументи дека е доволно само да се побара извештај од Хидрометеоролошкиот завод за снежни денови во годината и да се види апсурдноста на идејата на сегашната гарнитура.

Јорданка Ивановска #

http://dnevnik.mk/?ItemID=8380A61E468155458AA4888BBF8E3EF5 - http://dnevnik.mk/?ItemID=8380A61E468155458AA4888BBF8E3EF5

Posted By: nylon
Date Posted: 10-Jan-2011 at 20:31

Пред некој ден се одржа трката од светскиот куп на Слјеме во Загреб. Значи светски куп (на исто рамниште со Сент Мотиц, Лејк Луис, Крањска Гора итн.)
Ќе направам споредба помеѓу Медведница (планината на која се наоѓа Слјеме) и Водно:
1. Највисок врв: Медведница 1033 метри, Водно 1066 метри;
2. Одалеченост до центарот на градот: Медведница 18,2 километри, Водно 13,1 километар;
3. Северна/ Јужна страна: На Медведница северната страна (онаму каде што се патеките) не гледа кон Загреб (односно Медведница е поставена северно од Загреб), на Водно северната страна гледа кон Скопје;
4. Просечни температури Загреб/Скопје: Во зимскиот период Скопје е за нијанса потопол (+- 1 степен);
5. Висинската разлика/Должината на патеката, односно косината на падините оставам да ја проучи некој друг затоа што Гугл Еатх не ми го отвара (некој драјвер за графичката ми фали);

Posted By: ebivetre
Date Posted: 21-Mar-2011 at 17:08

http://www.vest.com.mk/?ItemID=45D90FB7B790AB498FA2148A65433272

КОЦЕ ТРАЈАНОВСКИ СКЛУЧИ ДОГОВОР ВО ЧЕТИРИ ОЧИ ЗА УШТЕ ЕДЕН КОНСУЛТАНТ

Австријци за 165.000 евра ќе проектираат ски-патека

Ски-патеката треба да се протега од врвот на Водно од десната страна на Милениумскиот крст, во правец на Нерези

За околу 165.000 евра, австрискиот конзорциум "Суфаг спорт унд фреизеитанлаген" ќе го прави проектот за изградба на скијачка патека на Водно. Откако на двата тендера кои ги распиша Град Скопје, не се јави ниту една фирма, градоначалникот Коце Трајановски, пред еден месец склучил договор во четири очи со фирмата од Австрија. Освен проектот како ќе изгледа ски-теренот на Водно, процена колку ќе чини неговата изградба, консултантот треба да најде и концесионер кој би вложил пари и би стопанисувал со објектот.
Градоначалникот Коце Трајановски пред два месеца најави дека не се откажува од овој проект и оти ќе склучи договор за консултант преку директна спогодба.
"Не се откажувам од скијачката патека на Водно. Имаме заинтересирана фирма која го правеше проектот за ски-центарот 'Кожув', како и за многу други зимски туристички места низ Европа. Овој пат нема да распишуваме тендер туку ќе одиме на директна спогодба. Целата постапка ќе се одвива во законски рамки", изјави пред два месеца градоначалникот Трајановски. На ваквата најава за склучување договор во четири очи реагираше опозицијата, која во таквата постапка гледаше можност за сомнителни договори.
Скијачката патека треба да се протега од врвот на Водно од десната страна на Милениумскиот крст, во правец на Нерези каде што пред дваесетина години се наоѓал терен за скијање. И покрај големиот број критики за овој проект, градоначалникот Трајановски смета дека ваквата содржина на Водно ќе привлече голем број туристи и на скопјани ќе им овозможи поблиска дестинација за уживање во зимските спортови.
Заедно со овој договор, Градот досега за консултантски услуги потроши 765.000 евра.
(А.А.)

Posted By: Plugger
Date Posted: 22-Mar-2011 at 04:59

На скијање на Водно

Првите пари за ски патека на Водно се лизнаа од градскиот буџет. За 165 000 евра Градоначалникот Трајановски ќе се консултира со австриска фирма, може ли и како, да се скија на скопската планина. Договорот е склучен со непосредна спогодба, откако на претходните два јавни тендера немаше заинтересирани. Од Градот велат дека фирмата „Суфаг Спорт“ за парите ќе треба да изработи проект и да најде заинтересирани инвеститори. Ќе биде ли исплатливо или не зависи од студијата.

- „Не знаеме во кој дел од планината ќе се гради, тоа треба да го каже студијата. Знаеме дека од страната на Скопје има расчистени патеки но можно е да се гради и на другата страна. Потенцираме дека ова се единствените средства кои Градот би ги дал за да се изработи овој објект“- изјави портпаролот на Градот, Неделчо Крстевски.

И додека градската администрација го турка проектот, официјалните државни институции немаат податоци за клучниот фактор за ски патека- колку снег во просек има на Водно. УХМР веќе петнаесет години нема нови податоци бидејќи станицата на врвот на скопската планина не работи.

Од управата велат дека за планината Водно има мерење само за пет години, од 1991 до 1996-та. Во тој период највисока снежна покривка била 51 см. Годишно, на врвот имало снег 54 дена, но колку во просек изнесувала снежната покривка нема информации.

Во последнава година Градот потроши 750 000 евра на консултантски улуги. 200 000 доби шпански „ Идом инжинеринг“ за подземни сообраќајници, речиси исто толку унгарски „ Виалто“ за трамвај. Шпанците добија уште 190 000 за Луна Парк и сега австриски „Суфаг Спорт“ за ски патеки.

Консултантите ги добиваат парите за да изработат проект, но потоа и да најдат приватен инвеститор. Од градот ги правдаат парите со фактот дека ако успешно се заврши барем еден од нив, ќе се исплател десетпати повеќе.

Александар Димитриевски

http://vesti.alfa.mk/default.aspx?mId=36&eventId=35128 - http://vesti.alfa.mk/default.aspx?mId=36&eventId=35128

Posted By: N23
Date Posted: 23-Mar-2011 at 03:21

Ај ако не се да пренесеме у Скопје, езероно у Треска нека го средат, можат и солена вода да пуштат и премија. Не мора на скијање на Шара и Маврово. Све у Скопје. :@ се извинувам за реченицава, ама кога се претерува во нешто, треба јасно да се увиди на тоа.

Posted By: <Fresno>
Date Posted: 23-Mar-2011 at 10:54

Не знам за солена вода во Треска, ама ски-патека на Водно поддржувам. Снегот, покрај денешнава технологија не може да е проблем, единствен проблем е сечење на шума, но и тоа се компензира. Така да, ако успее консултантов да си ја заврши работата и да најде некој кој ќе фрли пари во опрема пред се, ова ќе бидат добро потрошени 165к евра.

Posted By: N23
Date Posted: 23-Mar-2011 at 12:48

Значи бев ироничен. Зашто се во Скопје да се гради. Што ќе ни е ски патека? За глумење лудило? Ај ако не град-држава да оформиме.

Posted By: toasumjas
Date Posted: 23-Mar-2011 at 14:50

Н23 се сложувам со тебе али не и за проектов. Од едноставна причина што него го турка Град Скопје не државата. Неможе Коце да гради ски патека у Валандово

Posted By: Plugger
Date Posted: 24-Mar-2011 at 04:03

Originally posted by N23

Значи бев ироничен. Зашто се во Скопје да се гради. Што ќе ни е ски патека? За глумење лудило? Ај ако не град-држава да оформиме.

Skopje e pogolem barem 7 pati od bilo koj drug grad vo Makedonija taka da ne mozes da go sporeduvas so drugite gradovi. Pa na Sljeme kaj sto e 800 metri nad morska visocina moze da ima ski teren na Vodno moze sigurno. Ski Centrite vo Pelister i Krusevo treba da se sredat, vo Kriva Palanka isto taka rekoa deka ke se gradi nov Ski Centar a isto taka kaj Galicica se zbori deka ke pravat Zicara preku opstinata vo Maribor. Treba da se razvie zimskiot turizam, kako sto pravat vo Avstrija i Shvajcarija.

Posted By: N23
Date Posted: 25-Mar-2011 at 16:20

Originally posted by toasumjas

Н23 се сложувам со тебе али не и за проектов. Од едноставна причина што него го турка Град Скопје не државата. Неможе Коце да гради ски патека у Валандово

Не викам не, во право си. Ама градот скопје има милион други проблеми отколку градење ски патека. Од друга страна изградбата на патекава, иако е градска иницијатива сепак ќе нема само локално значење. Ова е само плус причина зошто сите сакаат во ск да живеат. Мора да се има координација меѓу централна и локална власт, рамномерно секаде да се гради.

Posted By: OCB
Date Posted: 28-Oct-2011 at 14:30

ДО НОВА ГОДИНА ОГЛАС ЗА ИЗБОР НА KОНЦЕСИОНЕР

На Водно ќе се скија на вештачки снег

Градската власт ќе ја гради скијачката патека од врвот на Водно во правец на Нерези, односно од десната страна на Милениумскиот крст, каде што некогаш постоела

Идејата за скијачка патека на Водно градската власт ја најавува како скорашна реалност. Kонцесионер за изградба на патеката ќе се избира до декември или на почетокот на 2012 година, најави на вчерашна седница на Советот на Скопје градоначалникот на Скопје, Kоце Трајановски.

- Се направи студија која покажа дека има можност на Водно да се направи ски-патека -обелодени кратко скопскиот градоначалник.

Атракција и зиме и лете

Kонсултантот информира дека веќе прави анимирање на можни концесионери. Има и заинтересирани, рече тој, но не откри за кои фирми станува збор.

Според досегашните информации на надлежните, градската власт планира да ја гради скијачката патека од врвот на Водно во правец на Нерези, односно од десната страна на Милениумскиот крст каде што некогаш и постоела.

Сепак, оваа идеја, стара две години, постојано наидува на критики кај опозицијата која смета дека изградба на ваква патека ќе биде неисплатлива и загубена инвестиција. Оттаму идејата ја оценија како бесцелна, расипничка, со аргументи дека нема доволно снежни денови во Скопје.

- Постои можност за вештачки снег, студијата ќе го каже конечниот збор - беше објаснувањето на Трајановски околу овој напад.

Аргументот на градоначалникот, кој го нуди за профитабилност, е дека се работи за добра замисла за развој на туризмот во Скопје зиме, но и лете, а со тоа прераснување на Водно во атракција.

Преговори за доизградба на жичницата

Во врска со актуелноста за доизградбата на жичницата, Трајановски ги информираше членовите на Советот дека прават напори и преговори со Владата да се изгради и втората фаза од жичницата, чија траса ќе се протега од црквата „Свети Јован Kрстител“ до Средно Водно. Додека, пак, третата секција е планирана од црквата „Свети Јован Kрстител“ до болницата. Првата фаза чинеше околу 6,7 милиони евра.

- Имаме сознанија дека постои веројатност тој дел од трасата да се гради. Со изградбата на ски-патеката и со жичницата парк-шумата Водно ќе стане атракција, со безброј посетители и туристи, како лете, така и зиме - нагласи тој.

Последниот одговор од Министерството за транспорт и врски беше дека проектната документација за сите три предвидени фази од жичницата ја изготвила австриската фирма „Допелмаер“, но дека за реализацијата на останатите секции ќе биде спроведена нова постапка за избор на најповолен изведувач.

- Потребно е да бидат изготвени соодветни изведбени проекти и да се утврди начинот на кој ќе се финансира изградбата, по што ќе може да почне постапката за изведување на градежните работи. Јавноста благовремено ќе биде информирана - објаснија од надлежното министерство.

http://www.dnevnik.com.mk/default.asp?ItemID=025AB0487F69A0499D27FF23B2512455

Posted By: toasumjas
Date Posted: 28-Oct-2011 at 15:22

На Водно ќе се скија на вештачки снег
Петок, 28 Октомври 2011 12:39
Сподели

Споделете ја веста со Вашите пријатели
Специјално ангажирана консултантска куќа дала одобрение за градење на скијачка патека на падините на Водно, футуристички проект на градоначалникот Коце Трајановски.

Според анализата на консултантската куќа која изработи и проект со финансиска конструкција постојат можности да се изгради ски-патека.

Скијачката патека ќе се протега од местото каде некогаш се наоѓала скијачка патека која денеска е запуштена, односно од врвот на Водно од десната страна на "Милениумскиот крст".

Според скопскиот градоначалник Коце Трајановски, овој проект ќе придонесе за привлекување туристи во зимскиот период, а воедно претставува и можност за скопјани да уживаат во зимските спортови.

Проектот моментно се наоѓа во втора фаза за подготовка на тендерска документација за избор на концесионер кој ќе биде заинтересиран за стопанисување со скијачката патека, а според Трајановски постои голема заинтересираност и можност за вештачки снег на Водно, за што последниот збор и одобрението ќе се чекаат од консултантската студија.

http://kurir.mk/republika/skopje/47561-Na-Vodno-ke-se-skija-na-vestacki-sneg - http://kurir.mk/republika/skopje/47561-Na-Vodno-ke-se-skija-na-vestacki-sneg

Posted By: UrbanFreak
Date Posted: 30-Oct-2011 at 21:26

Иако сум максимален скептик, дека ќе има заинтересиран концесионер, се молам да сум грешка. Не би имало ништо поубаво од ноќно скијање на Водно после работа. Како и да е мислам дека овој проект би бил прескап, инвестицијата во технологија за подготовка на вештачки снег прегломазна а исплатливоста и повратот на инвестицијата речиси никаков. Но ајде, можеби некој убаво ќе не израдува.

-------------
אל תסתכל בקנקן, אלא במה שבתוכו

Posted By: toasumjas
Date Posted: 31-Oct-2011 at 09:36

Originally posted by UrbanFreak

Иако сум максимален скептик, дека ќе има заинтересиран концесионер, се молам да сум грешка. Не би имало ништо поубаво од ноќно скијање на Водно после работа.

ПОТПИС. Истото си го помислив

Posted By: FoSsiL
Date Posted: 02-Dec-2011 at 22:38

А наместо ски - патека, да имаме нешто како ова?

[tube]eA-k3G1F7k0[/tube]

Или нешто поектремно, побрзо, но мислам дека и посигурно. Во секој случај се работи за иста замисла, ист систем, само пософистициран, и како што реков, посигурен според мене.

[tube]HIZkkQBdUdQ[/tube]

[tube]WW10q0OtZjU[/tube]

[tube]pqi_1TTNt3Y[/tube]

Еве нешто и од Википедија, италијанската (што да се прави кога нема на англиски, па затоа користете Google Translate)

http://it.wikipedia.org/wiki/Alpine_coaster - Alpine Coaster

Нешто од ТрипАдвајзор

http://www.tripadvisor.com/ShowUserReviews-g616042-d866679-r12046124-Alpine_Coaster-Imst_Tirol_Austrian_Alps.html - Alpine Coaster: Traveler Reviews

Веб-станицата за тој во Имст, Австрија.

http://www.imster-bergbahnen.at/en/summer/startseite/topics.html - Alpine Coaster - Imst

Краток инфо-извадок

Alpine Coaster Imst
> Route length: 3,535m
> Altitude at the top terminal: 1,550m
> Altitude loss: 500m
> Highest section: 6m above the floor

И уште една додаток статија

Alpine Coaster Imst

What snakes its way across the landscape in Imst? It’s the Alps’ longest Roller Coaster!

Take a seat and don’t forget to fasten your belts! A ride in the longest roller coaster of the Alps is a breathtaking experience. The start takes place at the Untermarkter Alm on 1,500 m above sea level. Once on the track, it’s too late to stop and the rolling adventure begins!

Exciting 12 minutes are coming up, and these minutes are not for the faint-hearted! Sharp curves, 16 Jumps, 25 waves and jumps of 5 metres are only some of the exciting elements that are included in the 3.5 km long Alpine Coaster in Imst. The top speed that can be achieved is about 40 kmph… oh wow! :-)

But don’t worry, for those who are not that brave: the sleds have been established compliant with the highest safety standards and are equipped with an easy to use brake! By the way: you can also enjoy this breathtaking experience in case of bad weather, as the sleds are equiped with a cover. And how to reach the Alpine Coaster? Take the double-seated chair lift from Hoch-Imst!

Please note: some rules for the little Alpine Coaster pilotes:

> children aged 3+ can ride in the Alpine Coaster
> children aged 8+ and 1.25 m tall are allowed to ride alone
> children aged 14+ can are also allowed to ride in two

Извор / Source: http://www.tyrol.tl/en/highlights/theme-parks-educational-trails/alpine-coaster-imst.html - Welcome to Tyrol! (turol.tl)

Cheers Thumbs%20Up

Posted By: FoSsiL
Date Posted: 02-Dec-2011 at 22:54

ПС: Простете ми за извиците и р‘кањето (мислиш ќе се задави) на девојката ( жени!

) од двете поврзани видеа од Имст.

Posted By: kultuzin
Date Posted: 03-Dec-2011 at 01:51

Фосил нема проблем да има и ски патека и вакво нешто. Ваквите костери се користат најчесто во потоплите денови, па така може слободно да двете решенија да се покрие цела сезона.

Posted By: OCB
Date Posted: 14-Feb-2012 at 23:45

ДОДЕКА ГРАДОТ БАРА КОНЦЕСИОНЕР КОЈ ЌЕ ИЗГРАДИ СКИ - ПАТЕКА НА ВОДНО

Скијаат под жичницата

Гондолите на жичницата викендов беа преполни со скии и даски. Голем број скопјани наместо да одат на Шапка или Маврово, скијаа во Скопје. Досега до врвот на Водно скијачите не можеа да стигнат, но откако е пуштена жичницата, за пет минути се кај Милениумскиот крст, од каде што по дивите патеки скијаат сe до Средно Водно.
"Наместо да одиме до Маврово или на Шапка, можеме и тука да скијаме. Патеката под жичницата е одлична, а има и супер места за бордање. Секој викенд има сe повеќе скијачи што доаѓаат да се рекреираат", велат скопјани што викендов скијаа на Водно.
Тие се жалат дека билетот за жичницата им е скап. Повратен билет е 100 денари, а исто се плаќа и за еден правец. Бараат надлежните да направат некои поволности, затоа што скијачите купуваат по неколку билети во денот.

Од ЈСП Скопје, под чија надлежност е жичницата, велат дека се изненадени од големиот број скијачи што ја користат жичарницата.
"Не само што скијаат под жичницата и по дивите патеки туку го користат и патот до Средно Водно. На гондолите нема посебни држачи за скии, како што има за велосипеди, но во иднина ќе размислиме и за таква опција. На жичарницата нема билет во еден правец оти така е секаде во светот", вели директорот на ЈСП Скопје Мишо Николов.
Изградба на ски-патека на Водно пред две години најави градоначалникот Коце Трајановски. Тој рече дека оваа идеја мора да ја реализира, и во моментов во тек е постапката за избор на фирма концесионер која би ја изградила ски-патеката, а за возврат би го добила правото за стопанисување со неа. (А.А.)

http://www.vest.com.mk/default.asp?ItemID=96414EF38AA7CA49A6FE9C99724866E8

Не сум знаел дека Мишко бил белосветски човек. Не дека е некоја сатисфакција да побиеш негов став, но сепак:

http://www.build.mk/forum/forum_posts.asp?TID=295&KW=&PID=101446#101446 - http://www.build.mk/forum/forum_posts.asp?TID=295&KW=&PID=101446#101446

Posted By: BOJAN
Date Posted: 15-Feb-2012 at 01:26

Оффтопик, но јас не би излегувал со вакви поттикнувачки текстови за скијање на Водно, бидејќи мене пределов не ми изгледа како подготвена патека за скијање, авантуристички звучи, ама ако утре некој се повреди или му се случи нешто друго, тогаш директорот Николов ќе треба да се бара за одговорност.

Posted By: OCB
Date Posted: 21-Mar-2012 at 13:56

ОГЛАС ЗА ДОДЕЛУВАЊЕ НА ДОГОВОР ЗА ЈАВНА НАБАВКА

Предмет на договорот за јавна набавка:
Изработка на планска документација, Урбанистички план за вон населено место за Ски Центар Водно, КО Горно Водно, вклучувајќи изработка на ажурирана геодетска подлога ревизија на предметната планска документација и стратешка оцена за влијание на животна средина.

Вид на договорот за јавна набавка:
Архитектонски услуги; инженерски услуги и интегрални инженерски услуги; услуги за просторно планирање и инженерски услуги за уредување на земјиштето; поврзани научни и технички советодавни услуги; услуги за технички испитувања и анализа.

Критериум за доделување на договор за јавна набавка:
Најниска цена

Понудите да се достават најдоцна до:
10.04.2012 во 13.00 часот

https://www.e-nabavki.gov.mk/PublicAccess/Dossie/dosieACPP.aspx?EntityId=c3cf5ab0-8e51-45c7-9f24-4ee3ef2649be&Level=2

Posted By: alexsend
Date Posted: 25-Dec-2012 at 10:35

А ќе се сече шумата за патеките или таму нема дрва?

-------------
Јас Скопје никогаш не сум го замислувал вака.

Posted By: Cloverstack
Date Posted: 26-Dec-2012 at 00:39

Цел тој предел е целосно и густо пошумен и не може да се прават патеки без да се исече многу шума.

Еве ја новата вест од завчера, не сме ја ставиле:

Јавно – приватно партнерство за ски центар на Водно

http://www.build.mk/docs/users/1/Infrastruktura/_Razno/Zicarnica%200213.jpg">

Советот на Град Скопје на денешната седница донесе Одлука за започнување постапка за доделување на договор за воспоставување на јавно – приватно партнерство за реализација на ски – центарот на Водно. Распишувањето на јавен оглас за избор на најповолен понудувач ќе следи во претстојниот период, по кој би се потпишал договор за концесија со приватниот партнер, со период на стопанисување од 25 години. Идниот инвеститор ќе треба да вложи финансиски средства во изградба на четири ски – патеки со вкупна должина од 3.850 метри, три ски – лифта со должина од 1.350 метри, центар за изнајмување на скии, ски – школа, ресторан и административни простории во новиот објект што ќе се гради на врвот на Водно. Покрај инвестирањето во зимско – рекреативниот центар, идниот управител ќе треба на градот да му исплаќа 1 отсто од вкупно остварениот приход од продажбата на билети. На ниво на Општина Карпош е завршена постапката за донесување на урбанистичкиот план за локалитетот со површина од преку 180 хектари.

Според плановите на градските власти, скијачката патека ќе се гради на потегот од врвот на Водно, од десната страна на Милениумскиот крст, во правец на селото Нерези. Проблемот со недостигот на доволни врнежи на снег во текот на зимските месеци ќе се реши со поставување на машини за производство на вештачки снег. Од Градот Скопје засега нема официјални информации за временската рамка во која би требало да се оствари проектот. Покрај реализацијата на скијачките патеки, за потребите на ски – центарот во урбанистичкиот план е предвидено на врвот на планината Водно да се изгради нов објект со максимална висина од пет метри, кој би се лоцирал на левата страна од Милениумскиот крст. Во функција на уредување на целокупната околина, планирано е и парковско зеленило што ќе се простира од левата и од десната страна на објектот кој што е препознатлива знаменитост на Скопје.

http://www.build.mk/?p=21369 - #
Објавено на 24.12.2012 во категорија http://www.build.mk/?cat=28 - Вести .

Тагови: http://www.build.mk/?tag=%d0%b2%d0%be%d0%b4%d0%bd%d0%be - Водно , http://www.build.mk/?tag=%d0%bd%d0%b5%d1%80%d0%b5%d0%b7%d0%b8 - Нерези , http://www.build.mk/?tag=%d1%81%d0%ba%d0%b8%d1%98%d0%b0%d1%87%d0%ba%d0%b8-%d1%86%d0%b5%d0%bd%d1%82%d1%80%d0%b8 - Скијачки центри , http://www.build.mk/?tag=%d1%81%d0%ba%d0%be%d0%bf%d1%98%d0%b5 - Скопје , http://www.build.mk/?tag=%d1%81%d0%bf%d0%be%d1%80%d1%82%d1%81%d0%ba%d0%b8 - Спортски , http://www.build.mk/?tag=%d1%83%d0%b3%d0%be%d1%81%d1%82%d0%b8%d1%82%d0%b5%d0%bb%d1%81%d0%ba%d0%b8 - Угостителски , http://www.build.mk/?tag=urbanisticki-planovi - Урбанистички планови

http://www.build.mk/?p=21369 - http://www.build.mk/?p=21369

Posted By: gjoko
Date Posted: 26-Dec-2012 at 01:45

јас кога ја прочитав веста,на форумов ја немаше никој постирано,а јас не ја постирав бидејќи ми изгледа дека нема никогаш да се направи.едноставно не верувам дека може ова да успее.

би сакал за едно 5-8 години позитивно да се разуверам

Posted By: xnx
Date Posted: 26-Dec-2012 at 10:41

super e idejata, megutoa NEMA SNEG. kaj ste videle ski centar so najvisoka platforma na 1060 metri??? velat vestacki sneg, no toj treba da se izmesa so prirodniot i treba da drzi na niski temperaturi. a idejata za malo gratche/selce na vrvot na vodno otsekogas mi izgledala privlecna. da bide kako del od gradot, povrzan celo vreme no so planinska atmosfera

Posted By: UrbanFreak
Date Posted: 26-Dec-2012 at 14:26

Originally posted by xnx

super e idejata, megutoa NEMA SNEG. kaj ste videle ski centar so najvisoka platforma na 1060 metri??? velat vestacki sneg, no toj treba da se izmesa so prirodniot i treba da drzi na niski temperaturi. a idejata za malo gratche/selce na vrvot na vodno otsekogas mi izgledala privlecna. da bide kako del od gradot, povrzan celo vreme no so planinska atmosfera

Ќе морам да те корегирам. Сјеме, над Загреб, каде што впрочем се одвиваат и трки за светски куп, својата највисока кота ја имана 1030 метри http://www.sljeme.hr/default.aspx?id=56

Околу вештачкиот снег, доколку температурите се под -5 нема никаков проблем да се создаде вештачки снег (доколку има доволно вода и струја нормално) и тој нема потреба да се меша со природен. Така што идејата е технички возможна, колку е исплатлива со оглед на нашиот стандард тоа е веќе друга работа.

-------------
אל תסתכל בקנקן, אלא במה שבתוכו

Posted By: daci92
Date Posted: 26-Dec-2012 at 15:08

Јас се извинувам што ќе се замешам но во градот каде што живеев во странство има Скијачки центар кој највисоката кота му е на 930м ако не се лажам (врвот на планината е 950м) иако сега не работи центарот заради “транспарентна приватизација“ и денационализација.
Околината на градот е познат Скијачки центар во самата држава па и пошироко.И ниеден врв не е повисок од 1250м (само еден има толку). значи не ти држи вода тезата за највисоки платформи ,не споредувај ти со Алпите.

Posted By: xnx
Date Posted: 26-Dec-2012 at 16:27

abe vidi ne znam kade si ziveel dali e po na sever, ama vo skopje sum cel zivot i znam kolku sneg ima na vodno. mavrovo so 1800 metra vrv raboti edvaj da si gi pokrie trosocite a ne pa vodno.

daj boze da gresam i se nadevam deka nekoj veke napravil studija za ova.

Posted By: gjoko
Date Posted: 26-Dec-2012 at 17:30

Знам дека во Дубаи има ски патека ставена во објект голем колку неколку спортски сали,системот работи и кога надвор е 40 степени,и нормално многу кошта.Сум ја гледал емисијата на Дискавери

Posted By: FCB
Date Posted: 26-Dec-2012 at 19:34

Vo Pensilvania ima ski resort se vika Poconos, ili Blue Mountain Ski area. Go posetuvaat okolu 300000 posetiteli godisno. Bev ednas I se iznenadiv sto se naoga na mnogu niska nadmorska visocina. Koga stignavme ocekuvav da vidam nekoja planina. No najvisokata tocka e 470m a bazata e na 140m so vertikalna elevacija od 330m.
Na site stazi imaat instalirano spricevi ili topovi za vetsacki sneg, i na niv se oslonuva celiot kompleks. Spored Wikipedia prosecnite vrnezi na sneg tamu se okolu 0.84m sto mislam deka e slicno ko na Vodno.
Znaci i na Vodno ova ke bide izvodlivo.I kajnas skijanjeto mislam deka e popularno i moze da uspee. No zosto bas sega bi go pravele na Vodno pokraj tolku golemi planini vo Makedonija e tema sto treba ubavo da se razmisli. Dali ke se narusi zivotnata sredina ili ne. Za da se napravat stazite sekako deka ke treba da se sece sumata. Toa ne znaci deka Vodno ke ostane bez suma no e nesto sto treba da se ispita. I zatoa ne bi izbrzuval vo negovata realizacija bez ubavo da se analizira. Pozitivo ke bide sto Skopje ke dobie skikjacki tereni vo neposredna blizina. Ke mozat da se koristat preku celiot den i pod reflektori I navecer. I poradi nivnata blizina ke bidat pogodni("convenient") za site.
P.S. Eve nekoja web strana od Poconos da vidite kako izgleda
http://www.poconosbest.com/bluemountainskiarea.htm
http://en.wikipedia.org/wiki/Blue_Mountain_Ski_Area

Posted By: axel
Date Posted: 17-Jan-2013 at 13:00

Цело Водно со вештачки снег за 150.000 евра

Од градот велат дека скијачкиот комплекс ќе ги задоволи највисоките светски стандарди - ќе содржи четири ски-патеки со вкупна должина од 3.850 метри, три ски-лифта, два подвижни теписи и еден ресторан


Вештачкиот снег ќе може да се одржи само на минусни температури Проект скијачки патеки Водно од наредната година ќе биде наш снежен бисер, ќе изобилува со мноштво активности: скијање, бордање, санкање. Дури и да нема снег, сето ова може да се направи со вештачки снег, за што на Водно му се потребни шест топа, за да ги наснежи четирите ски-патеки. Мислењата на граѓаните се поделени, некои велат дека е одлично промовирање на градот, а други, пак, дека финансиите ќе бидат залудно потрошени. Од градот велат дека скијачкиот комплекс ќе ги задоволи највисоките светски стандарди за ваков вид објекти. Комплексот ќе содржи четири ски-патеки со вкупна должина од 3.850 метри, три ски-лифта, два подвижни теписи, еден ресторан. Ќе има административна зграда со ресторан, ски-рента и ски-школа. Предвидени се и изградба на технички објект, гаража за ратрак и моторни санки со сервис, прва помош, пумпна станица за системот за технички снег, ски-патрола, магацин за разновидна опрема, како и акумулација за вода и систем за технички снег. Професионалците во скијање велат дека ова е профитабилна инвестиција и дека е одлична перспектива за младите скијачи. Современиот туристички скијачки комплекс ќе функционира не само за време на зимската сезона туку и во текот на целата година. - Кога се вели да функционира во текот на целата година не подразбира само скијање во зимските месеци туку и други спортско-рекреативни услуги во текот на преостанатиот период во годината - велат од градот. „Смешна“ инвестиција За скијачите овој проект е од огромно значење за развој на професионалниот и рекреативниот спорт, како и за развој на туризмот. - Овој проект, според мене, како претседател на скијачки клуб, тренер и вљубеник на зимскиот спорт, е одличен. Има многу скијачки комплекси што се на пониска надморска височина од Водно, па се одржливи. Ова ќе биде одлична перспектива, тоа се градски патеки за млади скијачи и за рекреативци - ни изјави Александар Атанасовски, претседател на алпскиот скијачки клуб Скади. Дилема кај граѓаните се создаде поради температурата што преовладува во Скопје, сомневањата дека вештачкиот снег не ќе може да опстои повеќе од една недела и дека се работи за скапа инвестиција - Инвестицијата е „смешна“, бидејќи колку повеќе се вложува, толку и се враќа. Тоа е профитабилна инвестиција. На Водно му се потребни шест топа со вештачки снег. А еден половен топ со вештачки снег изнесува до 25 илјади евра. Тоа е долгорочна инвестиција, бидејќи добро зачуваните половни топови траат од 10 до 15 години - вели Атанасовски. Вештачкиот снег може да се одржи само во минусните температури, што значи дека снег може да има исклучиво во зимскиот период. Треба да се постават машини за вештачки снег, водни топови и потребно е два-три дена да заснежи, па потоа со ратрак за се измазни снегот. - Траењето на вештачкиот снег е во зависност од температурата. Ако има минусни температури, ќе трае вештачкиот снег преку цела зима, само ќе треба да се прави минимален дотур на снег, голем плус е и ако има и природен снег. Но доколку температурите бидат над нулата, снегот ќе се стопи и за два-три дена - објаснува Атанасовски. Закана за зеленилото Во меѓувреме со негативни коментари за изградбата на ски-патеката се огласи ДОМ. Тие велат дека ќе се намали количеството на дрво и зелени површини во Скопје, ќе се зголеми загаденоста и на Водно, а со самото тоа и на Скопје. - Сметаме дека оваа идеја не е во согласност со принципите на одржливиот развој, за кој ДОМ се залага. И сметаме дека Скопје има подобри основни услови за развој на туризмот, пред сѐ богатото културно-историско наследство. Скопје има главни туристички обележја што може да се развиваат: Матка, Марков манастир, Катлановска Бања, скопската чаршија. Постојните ски-патеки на Шар Планина и Бистра и не се толку многу далеку, за вљубениците на зимските спортови - објаснува Тони Ристов, портпарол на ДОМ. Топовите работат на вода Топовите за вештачки снег функционираат само на минусни температури. Има два типа топови, едниот тип е со веќе поставени водоводни мрежи, а другиот со дизни од 100 до 400 метри. Потребно е да има довод на вода, планината да изобилува со вода, како и компресори за воздух. Се поставуваат неколку топа, се вшприцува водата во топовите и потоа се фрла снежна вода во висина до четири метри и се разнесува со ратрак-машина на целата падина.

http://novamakedonija.com.mk/NewsDetal.asp?vest=11713924111&id=14&prilog=0&setIzdanie=22781

Posted By: xnx
Date Posted: 17-Jan-2013 at 13:06

Originally posted by axel

Има многу скијачки комплекси што
се на пониска надморска височина од Водно, па се одржливи.

kade? vo norveshka ili kanada? da, ima.

Posted By: Dexter26
Date Posted: 08-May-2013 at 17:09

http://www.alfa.mk/News.aspx?id=55899 - http://www.alfa.mk/News.aspx?id=55899

Никој не сака да гради ски патеки на Водно

08.05.2013 15:39:46

Никој, барем засега, не сака да гради ски- патеки на Водно. До крајниот рок на повикот на Град Скопје за партнер за проектот, денеска на пладне, не стигна ниту една понуда.

Никој, барем засега, не сака да гради ски- патеки на Водно. До крајниот рок на повикот на Град Скопје за партнер за проектот, денеска на пладне, не стигна ниту една понуда.

- „ Во предвидниот период не пристигна ниту една понуда за ски патека на Водно..Град Скопје дополнително ќе реши дали ќе ја повтори постапката.“ – велат од Град Скопје

Повикот на Градот за јавно- приватно партнерство за Ски- патеки на Водно предвидуваше- инвеститор да го добие на стопанисување земјиштето околу врвот на скопската планина на 25 години. За возврат обврските на приватниот партнер беа- да го изгради комплексот со четири ски патеки, три ски лифта, административен објект, ски- школа и други содржини но и да префрла 1% од годишниот приход во Градската каса. Условите во тендерот беа пропишани по претходна студија за која Град Скопје плати 165 000 евра на австриски Суфаг Спорт во 2011-тата.

Ски патеките на Водно досега беа тема за која има поделени мислења. Противниците аргументираа дека повторно ќе се уништува зеленило но и дека проектот не е исплатлив поради климата и малите количини на снег. Подржувачите пак сметаа дека недостатокот може да се надополни со вештачки снег, но и дека зиме многу скопјани се рекреираат на планината.

Александар Димитриевски

Posted By: Џоле
Date Posted: 08-May-2013 at 17:35

Јас мислам дека овој проект ќе ја доживее истата судбина како и плажите во Скопје... ќе биде интересен година-две, а потоа ќе пропадне. Ако воопшто се оствари.

-------------
За сè има вторпат

Posted By: kiriOK
Date Posted: 08-May-2013 at 20:52

Ако имаме среќа и сплавовите ќе ја доживеат истата судбина.

Posted By: xnx
Date Posted: 08-May-2013 at 21:48

dzabe ke go isposecat vodno. demek nie kakvi dobri skijacki centri izgradivme na nasive planini pa sega uste vodno ostana. uzas

Posted By: kultuzin
Date Posted: 22-May-2013 at 12:59

Интервјуто е од пред 10 дена.

РАЗГОВОР СО ДРАГУТИН ЖИЉАK, РАKОВОДИТЕЛ НА ЗАГРЕПСKОТО СKИ-ПРЕТПРИЈАТИЕ

Водно ќе биде поубав скијачки центар од Слеме

Kонфигурацијата на скопската планина е многу подобра од онаа во Загреб, има идеални патеки, а луѓето од кафеаните, рестораните, од становите ќе може во живо да гледаат како на планината луѓето се рекреираат по цел ден, вели гостинот на градоначалникот Kоце Трајановски

Драгутин Жиљак е раководител на ски-центарот на Слеме во Загреб, кој функционира од 1954/55 година. Воедно е член на Управниот одбор на Скијачкиот сојуз. Деновине престојуваше во Скопје за ги сподели искуствата со скопскиот градоначалник Kоце Трајановски и да го поддржи во идејата да направи ски-центар. Уверен е дека Водно ги има сите предиспозиции да биде подобар и поатрактивен од Слеме. Прави споредба и вели дека планината над Скопје е поголема е и поубава, терен кој сам по себе е подготвен за ваква инвестиција.

- Вашиот ски-центар е свртен кон север и оди рамно кон градот, додека оној на Слеме е свртен на југозапад, така што градот не го гледа ски-центарот. Вие, во Скопје ќе имате можност во живо, од кафеаните, рестораните, од становите, да гледате кон ски-центарот по цел ден. Ќе биде од интерес на граѓаните да се занимаваат со спорт, да се рекреираат, а и секојдневно, на половина час да појдат во ски-центарот, што во овој момент го нема ниту еден град во светот.

Особено ќе ве мами да отидете на ноќно скијање.

Освен тоа, идните скијачки патеки на Водно ќе бидат подолги отколку патеките кај нас, кои се само километар. Ние моравме со машини да направиме денивелација на теренот, да го приспособиме за безбедно скијање, да не биде премногу стрмен, за разлика од теренот на Водно, каде што има и рамнини.

На првиот повик за јавно-приватно партнерство не се јави ниедна фирма. Според Вас, ќе се нафати ли некој да вложи?

Градот Скопје многу тешко во овој момент ќе најде партнер да го финансира овој проект бидејќи оние што ќе инвестираат, сакаат за две години да си го повратат тоа што го вложиле. Kај нешто вакво тоа е невозможно и е процес што трае подолго. Од друга страна, ски-центарот е многу побитен за градот отколку за капитализмот.

Kога велите дека ваков центар е важен за градот, на што точно мислите?

На градот тоа ќе му биде потребно заради психологијата, развојот на младите, заради здравјето и пред с` дружењето. Скијањето е единствен спорт и рекреација во кој родителите и децата можат заедно да уживаат во ист момент и на ист терен.

Осветлените скијачки патеки и ноќното скијање ќе ги привлекуваат граѓаните кон планината. Има многу деца, луѓе што сакаат да се занимаваат со спорт. А сите немаат доволно пари за Банско, Швајцарија, за Австрија. Тоа што ќе го платат за седум дена во тие земји, надвор од државата, овде, дома, ќе им биде доволно за цела година. Kартите за скијање надвор чинат 30 до 40 евра дневно. За скијање надвор на едно четиричлено семејство му се потребни 3.000 до 4.000 евра. А кој денеска може да си го дозволи тоа.

Освен тоа, скијањето ќе ви донесе во градот 10 клуба и над илјада члена во нив, но и врвни скијачи. Ако не се направи, никогаш нема да го дознаете тоа. А не се потребни многу пари. Тие некогаш се трошат на работи од кои немаме баш никаква корист. Ова не е мртов капитал, ова е капитал кој создава нова вредност, кој создава поздрави генерации. Ова е најголема спортска аквизиција на градоначалникот.

Затоа апелирам до градоначалникот да го направи ски-центарот на Водно. Ова е приказна која има смисла.

На кој принцип функционира Слеме? Kолку чини билет за граѓаните и дали е бесплатно за ученици и за студенти?

Тој е во сопственост на Градот Загреб, дава и одреден износ за одржување. Пред неколку години бевме трговски друштво. Потоа се направи реорганизација на градските претпријатија и сите влегоа во рамките на еден холдинг. Тогаш станавме претпријатие кое управува со сите спортски објекти во градот.

Билетот чини 10 евра за возрасни, а за деца е поевтино. Kога беа времињата подобри, во текот на целата година бесплатно се скијаа учениците, студентите и пензионерите, па дури и децата од предучилишните установи. Тогаш имаше сезона кога имавме и 70.000 посетители. А сега, во услови на криза, успеавме од Градот да добиеме финансиски средства за да им обезбедиме на учениците, средношколците, студентите и на градинките бесплатни карти само за зимскиот распуст. Наместо да седат во кафеаните, покрај телевизорот, децата и тинејџерите беа во скијачкиот центар. А освен тоа, помалите деца мора некој да ги донесе. На тој начин, со една бесплатна карта, целото семејство доаѓа на планината. Всушност, тоа и е целта.

Kолку една ваква инвестиција привлекува туристи?

Туризмот е нешто што мора да опфати повеќе работи. Не може тоа да биде само ски-центар на Водно бидејќи тој би бил премал за да биде интересен како дестинација. Но заедно со сето културното наследство и богатство, со знаменитостите, со кањонот Матка, со новите градби, музеи, градот Скопје ќе може да понуди комплетна приказна - преку ден да ги посетите културните знаменитости, музеи, вечерта да ја поминете во театар или кино, а потоа да скокнете до хотелот, да се преоблечете и да одите на ноќно скијање. Освен тоа, туристите можат да се стимулираат и со евтините авионските карти.

Минатата година имавме меѓу 35.000 до 37.000 посетители. Вие би имале двојно повеќе. Kолку што сум информиран, сега и без скијачки патеки имате повеќе посетители.

Скопје нуди прикаска и визија

Во градот доаѓате првпат. Kој е Вашиот севкупен впечаток?

За жал, првпат доаѓам во Скопје, немав можност досега. Морам да кажам дека сум импресиониран од градот и од она што е направено во него. Бев фрапиран, мислејќи дека објектите во центарот се стари 200 години, но откако поубаво и одблизу видов, а и откако ми објаснија, сфатив дека тие сега се градат. Фасадите се готови, но однатре с` уште се гради. Тоа е мудро. Имаш визија за градот како објектите да се готови. Всушност, сега можеш да ја продаваш визијата, што е многу битно. Видов дека има многу туристи. Некои се фотографираа на Мостот на уметноста, а и јас, бидејќи визурата кога се фотографирате на него е прекрасна. Приказната е многу храбра и изгледа малку невистинита, како да си се вратил со некој времеплов во приказна пред 200, 300 години, кога и се граделе такви објекти. Го посетив и кањонот Матка и воодушевен сум од природата.

Анела Петрова

http://www.dnevnik.com.mk/?ItemID=192F9F18BFB21646A28A71CB9D9F2BA8

Човекот го кажува тоа што и јас го мислам. Патеката на Водно исто како и Луна Паркот треба да бидат изградени од Градот и најверојатно така ќе биде затоа што не верувам дека ќе се најде инвеститор за овие проекти.

Posted By: axel
Date Posted: 30-May-2013 at 12:21

Сепак, на Водно ќе има скијање

Град Скопје нема да се откаже од проектот ски-патеки на Водно, вели градoначалникот Коце Трајановск. Тој започна консултации со можните инвеститори кои се би требало во текот јуни да дојдат во Скопје. Кога ќе се заокружи тој проект со ски-патеките, Водно ќе стане планина која ќе биде една од ретките во Европа која пружа такви можности, вели Трајановски.

http://ekonomski.mk/?attachment_id=41428"> vodno

Трајановски, за реализирање на долгонајавуваниот скијачки центар на Водно, пред извесен период, побара совети од искусниот Драгутин Жиљак, раководител на ски-центарот на Слеме во Загреб, кој за прв пат беше гостин во Скопје. Жиљак си замина импресиониран од главниот град, а особено од планината Водно.

-Мислам дека ски патеките на Водно, ако ги споредиме со Сљеме, верувам дека многу Македонци го гледале светскиот куп во Сљеме… морам да кажам дека Водно е посилно, поголемо и поубаво од Сељме. Така сакал Господ, планината да биде поубава и поголема. Важно е да се каже дека вашето скијалиште е свртено на север и доаѓа директно до градот, а тоа на Сљеме е свртено обратно, па градот воопшто не го гледа ски центарот. Вие во Скопје ќе имате шанса од кафулињата, рестораните и становите постојано да го гледате скијалиштето. Оние кои не можат да одат да уживаат во него, да може да го гледаат од прозор. Особено кога ќе биде ноќно скијање, ќе ве намамува да дојдете на Водно на скијање. Патеките кои ќе бидат на Водно се подолги од оние на Сљеме. Ние немаме таква прилика, таков терен. Ние немаме идеална патека, моравме многу да работиме со машини за да го прилагодиме теренот. Ова што го видов е терен кој сам по себе е подготвен за ски патеки, истакна Жиљак во интервјуто за порталот Курир.

Жиљак кој воедно е и член на хрватскиот скијачки сојуз, констатираше дека скопско Водно е една од најубавите планини, со предиспозиции да стана најпосетувано скијалиште и упати апел до градскиот татко да го реализира замислениот проект и Водно да го претвори во модерен скијачки комплекс.

Инаку, студијата предвидува четири ски-патеки со должина од 3.850 метри, три ски-лифта со должина од 1.350, подвижни теписи, административна зграда со ресторан, ски-рента и школа, гаража за ратрак и санки со сервис, прва помош, ски-патрола, магацин, акомулација на вода, како и систем за технички снег. Сето ова треба да го изгради новиот концесионер за скијачкиот град на Водно, кој во иднина ќе биде новото обележје на Скопје.

http://ekonomski.mk/?p=41427

Posted By: kultuzin
Date Posted: 30-May-2013 at 13:42

Го подржувам проектот и мислам дека со негова реализација Скопје ќе го претвори во еден од ретките градови во Европа кој буквално на чекор од него ќе има скијачки патеки со тоа ќе се зголеми и атрактивноста на градот во зимскиот период.

Сепак мислам дека на крај сепак градот Скопје или некоја државна институција како ЕЛЕМ на пример ќе мора да го изгради проектот што сепак и не е толку лошо .

Единствено е лошо што се плашам дека нема доволно квалитетен кадар кој би можел да го менаџира проектот. Така може да се случи да ја дели судбината со милениумскиот крст и место атрактивно место да стане место со вечно неискористен потенцијал.

Posted By: kultuzin
Date Posted: 20-Aug-2013 at 22:17

Денес прв пат прочитав дека патеките ќе водат кон Нерези. Мислам дека тоа е одлично решение со што се заокружува навистина убава понуда. Средно Водно, Милениумски Крст, Свети Пантелејмон и Етно Селото.

Posted By: Cloverstack
Date Posted: 25-Nov-2013 at 23:33

Се пронајде вода на Водно

Гордана Ваљакова

На 150 метри длабочина, Градежниот институт „Македонија“ кон крајот на октомври пронајде вода кај детското одмаралиште на Водно, што според најавите на градската власт, ќе се користи за водоснабдување на содржините кои се предвидени на Милениумскиот крст, платото, планинарскиот дом и за евентуалната реализација на проектот за ски-центар.

Според директорот на Институтот, Златко Илиевски, потребната количина на вода што ја барал Градот е пронајдена. Направени се хидрогеолошки истражувања, а понатаму на потег е градската власт, кој што е нарачател на истражувањето.

Истражувањето за подземните води на Водно што го спроведе Градежниот институт „Македонија“ што вклучува и изработка на физибилити студија за испитување и утврдување на квантитативните и квалитативните карактеристики на подземните води и за изработка на техничко решение за зафаќање и дистрибуција на водите за потребите на локалитетот, Градот го чини околу 65.000 евра.

Според проектот за ски-центарот на Водно, проблемот за производство на вештачкиот снег би се решил со поставување специјални машини, за што е потребно вода. Постои и можност водата да се носи со цевковод од друг извор, но, тоа е поскапа варијанта.

http://www.plusinfo.mk/vest/116042/Se-pronajde-voda-na-Vodno - http://www.plusinfo.mk/vest/116042/Se-pronajde-voda-na-Vodno

Posted By: xnx
Date Posted: 21-Jan-2014 at 13:03

steta sto ne go zavrsija ski centarov godinava, samite ke se uverevme vo isplatlivosta na ovoj proekt, ke se "utepavme" od skijanje

Posted By: mackomk
Date Posted: 04-Feb-2014 at 18:13

Нов обид за ски центар на Водно

Ски центар ќе се гради на Водно. На тендерот, што го објави вчера АД Електрани на Македонија се бара инвеститор со кој по принципот на јавно-приватно партнерство ќе изгради четири ски патеки од Милениумскиот крст кон Нерези и три ски лифта.

Според планот, планираните ски-патеки се со вкупна должина од 3.850 метри, а ски лифтовите со должина од еден километар и 350 метри.

Во проектот за скијачкиот комплекс е вклучена изградбата на административна зграда со површина од 240 метри квадратни, во чии рамки ќе има ресторан, скијачка школа и оддел за изнајмување скии. Највисоката точка на скијалиштето е на надморска височина од 1.050 метри.

Претходниот тендер за проектот „Ски центар Водно“ беше распишан од Градот Скопје на крајот од 2012 година и доживеа неуспех бидејќи ниту еден субјект не достави понуда

Posted By: Skopjanecot
Date Posted: 04-Feb-2014 at 21:14

Ќе видиме како ќе им успее повторениов тендер.
Ако е успешен, мој предлог е следниот тендер да биде за изградба на море во околината на Скопје...чисто да имаме каде да одиме на плажа... Big%20smile

-------------
All truth passes through three stages. First, it is ridiculed. Second, it is violently opposed. Third, it is accepted as being self-evident.

Arthur Schopenhauer

Posted By: Denko
Date Posted: 04-Feb-2014 at 21:41

Originally posted by Skopjanecot

Ќе видиме како ќе им успее повторениов тендер.Ако е успешен, мој предлог е следниот тендер да биде за изградба на море во околината на Скопје...чисто да имаме каде да одиме на плажа... Big%20smile

Posted By: jyvation
Date Posted: 22-Dec-2014 at 16:56

Кога ќе се изградат ски-терените на Водно?

Ски-терени на Водно нема да се градат ниту оваа сезона. Државата компанија ЕЛЕМ, која го презеде проектот од Град Скопје, во моментов ја изработува проектно-техничката документација, која треба да биде готова кон почетокот на наредната година. Дури потоа ќе се распишува тендер за избор на фирма која ќе ги гради, пренесува Вест.

Во изминативе години Градот за овој проект потроши околу 220.000 евра. Најпрво ба потрошени 165.000 евра за консултантот австрискиот конзорциум "Суфаг спорт унд фреизеитанлафен и векон инт", кој го изработи проектот, а потоа и 65.000 евра за испитување на подземните води.

Според проектот, на Водно треба да се градат четири ски-патеки, со вкупна должина од 3.850 метри, и три ски-лифтови, со вкупна должина од 1.350 метри, и два подвижни тепиха, со вкупна должина од 160 метри. Концесионерот треба да изгради и придружни содржини, и тоа ресторан од 200 квадратни метри, административна зграда со ски-рента и ски-школа, гаража за ратрак, моторни санки, систем за вештачки снег, пумпна станица за системот за технички снег и акумулација за вода.

http://www.skopjeinfo.mk/gradot/92714803/koga-ke-se-izgradat-ski-terenite-na-bodno - http://www.skopjeinfo.mk/gradot/92714803/koga-ke-se-izgradat-ski-terenite-na-bodno

Posted By: jyvation
Date Posted: 21-Aug-2015 at 13:43

Ќе се гради Ски Центар на Водно!

„Електрани на Македонија“ продолжува со активностите за изградба на скијачкиот центар на Водно. Бара проектантска куќа која ќе го ревидира проектот за ски-патеките. Од ЕЛЕМ процениле дека за тоа ќе потрошат речиси 40.000 евра. Огласот за избор на ревизор, кој е распишан вчера, е уште еден доказ дека компанијата сериозно се зафатила со реализација на идејата за изградба на ски-центарот, проект што го наследи од градската власт. Ревизијата, како што посочуваат од ЕЛЕМ, е една од неопходните фази во целата постапка.

„Поради сложеноста на проектот, неблагодарно е да прецизираме кога ќе заврши ревизијата и кога би почнала теренската реализација на проектот. Но, сигурно е дека по извршената ревизија ќе се создадат услови за барање изведувач“, велат накусо од ЕЛЕМ Турс и посочуваат дека е извесно оти изградбата нема да започне годинава, пренесув Утрински.

Во меѓувреме, надлежните ќе треба да одлучат за начинот на финансирање на проектот. Првичните пресметки велат дека изградбата на скијачкиот центар би чинела околу 10,5 милиони евра. Не е исклучена можноста да се бара концесионер, но можно е и ЕЛЕМ да се одлучи да биде единствениот инвеститор, кој подоцна сам ќе стопанисува со центарот.

Инаку, капиталниот проект првично беше најавено дека ќе го реализира Град Скопје. Но, лани, ски-центарот како обврска му беше предаден на ЕЛЕМ. Наводно, пресудно беше искуството на компанијата во зимскиот туризам, како и фактот дека може да инвестира и да стопанисува со уште еден центар.

Проектот предвидува на Водно да се градат ски-лифтови и четири ски-патеки со вкупна должина од 3.850 метри на кои ќе има можност и за ноќно скијање. Предвидено е центарот да биде опремен со ресторани, ски-рента и ски-школа. Идејата е да се овозможи скијање и кога нема природни услови, па се проектираат и вештачко езеро и систем за производство на вештачки снег. Во рамките на ски-центарот ќе има и административна зграда, технички објект, гаража за ратрак и моторни санки со сервис, прва помош, пумпна станица за системот за технички снег, ски-патрола, како и магацин за разновидна опрема.

http://www.skopjeinfo.mk/gradot/627069757/ke-se-gradi-ski-centar-na-bodno - http://www.skopjeinfo.mk/gradot/627069757/ke-se-gradi-ski-centar-na-bodno

Posted By: jyvation
Date Posted: 31-Aug-2015 at 13:41

Идејата за скијање на Водно сеуште на маса

Идејата за изградба на ски центар на Водно сеуште е на маса. Државната компанија ЕЛЕМ, која го презеде проектот од Град Скопје, објави оглас за ревизија на архитектонско-урбанистички проект, проектот за инфраструктура, идејниот и основниот проект за изградба на ски-центарот Водно. Според проценките, ревизијата ќе трае 6 месеци и ќе чини 2,4 милиони денари. Откако ќе се направи ревизија на проектот, ќе стартува постапката за избор на фирма која ќе ги изведува терените. Ревизијата на проектот ќе покаже како точно ќе изгледа проектот за ски-терените на Водно.

Изминативе години Градот Скопје за овој проект потроши околу 220.000 евра. Најпрво беа потрошени 165.000 евра за консултантот австрискиот конзорциум и специјалци за снег SUFAG и Векон Инт, кој го изработија проектот, а потоа и 65.000 евра за испитување на подземните води.
Според првичниот проект, на Водно треба да се градат четири ски-патеки со вкупна должина од 3.850 метри, да изградат и три ски-лифта со вкупна должина од 1.350 метри и два подвижни тепиха со вкупна должина од 160 метри. Концесионерот треба да изгради и придружни содржини, и тоа ресторан од 200 квадратни метри, административна зграда со ски-рента и ски-школа, гаража за ратрак, моторни санки, систем за вештачки снег, пумпна станица за системот за технички снег и акумулација за вода.

Според нашите обсервации, доколку би се граделе терени на Водно, доволна и една современа ски патека од типот на Сљеме над Загреб која би задоволувала повисоки стандарди, а би се опслужувала со веќе постоечката жичница. Предноста е што би се избегнале големи градежни зафати и уништување на поголема шумска површина, помали инвестиции и поголема искористеност на веќе постоечката инфраструктура, пред се гондолата.

Една таква патека секако е полесна за одржување во однос на планираните три за кои се потребни поголем број на снежни топови и што е најважно многу вода и ниски температури. Студените денови на Водно се во мал број најчесто во шпицот на зимата меѓу декември и јануари, а слично е и со количините на снег кои во најдобрите зими се задржуваат до месец дена.

Сљеме, Загреб

http://skimacedonia.mk/idejata-za-skijanje-na-vo/ - http://skimacedonia.mk/idejata-za-skijanje-na-vo/

Posted By: Zelenikovo
Date Posted: 02-Nov-2017 at 22:00

значи оваа екскурзија завршува неславно, но знаејќи дека меѓу симпатизерите на сдсм има многу скијачи клизачи и санкаџии, не ме чуди матичниот брод да им угоди доколку се упорни ...

ајде ако го беа направиле ЕЛЕМ, а апропо озборувањата за негова продажба, колку и да е добронамерна идејата, на крај ќе беше само уште една елитистичка квака за боубав скотски живот ...

Posted By: Zelenikovo
Date Posted: 02-Feb-2019 at 12:07

колку еу би можело да фрли камен за ваков проект кој е повеќе забавен отколку професионален спортски, проектот со се ревизиите веќе ги имаме, штета би било за сите пари кои се фрлени за сето ова до сега, од друга страна јавно приватно партнерство е опција но од сите предуослови како груевци претходно ги товареле што е нормална појава за таков дил [ http://www.skopje.gov.mk/images/Image/Announcement%20for%20ski%20trail.pdf - 1 ] делува одбивно ваква покана, попрво државата да го крене па после да го шитне или издава, едно Бачило кај Етно Селото така потенцијално имаат, треба уште едно слично околу Крстовар, ем Средно Водно може да се поврзе слично со се Поштенски и се на се би се добила некоја заокружена туристичка понуда на Водно која и во лето би можела да се прошири доколку попејсажно се поработи на падините, идеален Дендро Парк би било ако од сите краеви на Македонија би се донеле дрва и дрвенести растенија ...

но веројатно прва работа која мора да се заокружи е Жичарницата до Крстовар, која паметно би било да почнува од Клинички т.е. врз голема подземна катна гаража на местото на оуКочо Рацин, со што би се решил воедно и проблемот за клинички паркинг и цел тој хаос таму, но и би се опслужувале на ангро Скопјани со Жичницата, без ова ски патеки на Водно ќе бидат дисфункционална работа, дури екстра терсене ако само и Жичарницата оди од Свети Јован в Капиштец каде не би можеле да гргнат ниту сместат возила или пак има брза и голема автобуска конекција за да масовно се експлоатира Жичарницата, на страна што мирот на Теолозите во Капиштец би се осигурал од супер хедонизам кој си оди в топли денои кога кратки шорцеви и маици по прерамки се норма, вооппто размислува ли некој од архитектите за сите аспекти на одреден проект, или вежи коња где ти газда каже па и да је наопако!?

Posted By: Zelenikovo
Date Posted: 10-Mar-2020 at 12:12

пак ли и мицковци ко груевци ова го ставија ко туристиќки (глобал-ворминг) спин во програма, особено ризик бидејќи токму ЕЛЕМ тогај ја финансираше физибилитка и требаше да инвестира и управува со Ски Резорт Водно, но бар со тие пари прво да ја средеа Парк Шумата Водно на што подоличен начин околу урбаната опрема, нели цел Парк топтан а не само парцијални сегменти, за попејсажен пристап и да не говорам, Но и за тоа и за ски-патеки не е во моментов време бидејќи тоа нема да ги задржи тука младите, евентуално комплетирање на жичарницата во вториот сегмент па побрзо и полесно да скубнат горе на Сонце в Зима сите, иако и тој сегмент прашање е колку добро е осмислен [ http://www.build.mk/forum/forum_posts.asp?TID=295&PID=60385#60385 - 1 ][ http://www.build.mk/forum/forum_posts.asp?TID=295&PID=171088#171088 - 1 ] но потоа горе каде и што да прават тие сите што му скубнале на смогот, иако логично доколку се инвестира поозбилно на Крстовар во амфитеатар та да се преселат културни манифестации горе, арно ама чинам попрво диџеи таму тогај ќе распалат бидејќи нема да има некомерцијални изворни културни норми, па доколку Горе конечно се изгради и Црква да не излезе на крај сето тоа поголем зијан него што може да претпоставите, нели ќе си се оправдаат надлежните дека штом има притисок од приватен сектор за комерцијални манифестации на Крстовар нели зошто да не се искористат тие пари за одржување на тамошната урбана опрема, битно е само пари, наместо со време да се мисли што посамоодржливи решенија да се планираат и изведуваат, ко што е исто случај со Ски Патеките, нели пушти снег-топои и готово, бреј им сторил некој експерт однадвор физибилитка, ок но во незгодно време во однос глобалното затоплување а по климатолошки модели стари ете бар од пред една деценија, но шќо да праиш кога на таквата физибилитка не претходела широка јавна дебата како мнозина еве пр. на ваков еФорум би предупредиле на ризици алтернативи исплатливост социјализација итн. Ќе Биде Сето Ова Ако Стане Реалност а е приватно голем трн во око на Сиромашните и тоа веднаш пред нос, за некои Деца да си знаат дека има други кои се поеднакви однив!

http://archive.is/KbSO9#selection-909.0-1005.26 - https://www.wired.com/story/ski-resorts-fight-climate-change-with-snow-blowers-and-buses/

http://archive.is/YbGP9#selection-1375.0-1375.363 - https://www.eng.infokop.net/ski-tracks-and-lifts/the-summer-ski-slope-from-our-viewpoint.html

[tube]GH5ohfruMBg[/tube]

Print Page | Close Window