04.04.2010

Најавена како индустриска зона, како рај за инвестициите, како место каде ќе има голем економски бум, зоната Жабени кај Битола и натаму е пусто место. Од инвестициите, инвеститорите, странските и домашни постројки и натаму ништо...

http://www.telma.com.mk/index.php?task=content&cat=1&rub=8&item=447 - http://www.telma.com.mk/index.php?task=content&cat=1&rub=8&item=447

Кинези и Германци доаѓаат во „Жабени“?

Информации од кабинетот на градоначалникот велат дека десетина компании во зоната сакале да градат кланица, млекарница, погон за сушење и преработка на зеленчук

БИТОЛА - Во зоната „Жабени“ доаѓаат Кинези и Германци? Кинеска компанија најавила посета на Битола во текот на март. Вакви информации се слушаат од кабинетот на градоначалникот Владимир Талески. Наводно, десетина домашни и странски компании во зоната сакале да градат кланица, млекарница, како и погон за сушење и преработка на зеленчук.

Четири години битолчани слушаа приказни за индустриската зона „Жабени“, која според ветувањата на власта, требаше да предизвика економски бум во регионот. Ако и' се верува на власта дека тргнале инвеститори, тогаш сагата „Жабени“ ќе има среќен крај. Но, слушајќи ги критиките на опозицијата, се наметнува прашањето колку им треба да стигнат и каде заглавија тие загреани странски инвеститори што со години се очекуваа во „Жабени“?

Последните настани поврзани со битолската зона повторно ја заинтригираа јавноста, а особено изјавите на градоначалникот Владимир Талески дека „опозицијата е виновна за тоа што во Жабени се' уште нема инвестиции“. Ваквите поплаки Талески ги кажа јавно, на седница на Советот и за тоа доби силен аплауз од политичките противници. На седницата се одлучуваше за идно спојување и делење на парцелите во „Жабени“ во интерес на инвеститорите. Ова стигна на дневен ред, бидејќи Талески веќе примил писмо со намери од извесен германски инвеститор, кој се распрашувал за Жабени.

„Овој период сме на прагот да го финализираме еден од најмоќните проекти во Битола, ‘Жабени‘. Меѓутоа опозицијата цело време се обидува да го маргинализира проектот, да каже дека ова е лага, дека нема ништо од тоа, дека работиме незаконски и дека ова не и' треба на Битола. Искрено да ви кажам, досега имаше неколку заинтересирани инвеститори, кои токму поради дилемите што ги создаваше опозицијата, ги одвраќаа од намерата да инвестираат во општината“, изјави градоначалникот Талески, заблагодарувајќи се за аплаузот од своите политички опоненти.

Последната седница на битолскиот Совет беше под знакот вонредна за да се дебатира околу новите погодности што треба да им ги понуди општината на можните инвеститори во „Жабени“. Опозицијата во тоа препозна само уште еден блеф на власта, и тоа во време кога се навестуваат предвремени избори.

„Дај Боже да дојдат инвеститори во ‘Жабени‘. Ќе направиме се' што треба за да им угодиме на стопанствениците. Ама писмо со намера да инвестира, секој може да прати, па дури и јас. И после да каже пу, пу не важи“, искоментира Кочо Баљари, советник на СДСМ. Неговиот партиски колега Златко Ќурчиевски изрази недовербата дека во зоната ќе дојдат инвеститори. „Не се плашиме дека ‘Жабени‘ ќе профункционира. Господине Талески, се плашиме дека пак лажете. Зошто истата приказна ја верглате четири години? Прво имавме најави за инвеститори од Украина, од Германија, па од Америка. Сега инвеститори ќе носел министерот Веле Самак. Кажете барем една причина зошто сега да ви веруваме“, праша социјалдемократот Ќурчиевски.

Сепак, битолската опозиција и натаму цврсто верува дека „Жабени“ е фатаморгана, бидејќи на земјиштето нема услови за градба. Советникот Ќурчиевски, повикувајќи се на анализите направени од градежниот институт „Македонија“, тврди дека индустриската зона е на локација што плива, а трошоците за изградба на вакво место би биле многу поскапи од вообичаено.

„Почвата во селото Жабени е со релативно слаби геомеханички карактеристики. Постоењето рибник во непосредна околина укажува на езерско-барски седименти, на почва со тиња. Таму има и подземни води, што значи тешко е да се градат објекти без дополнителни градежни материјали. Земјиштето плива во вода“, набројуваше Ќурчиевски.

Министерството за транспорт и врски пред неколку дена распиша тендер за јавно наддавање за градежно земјиште во Жабени. Станува збор за 30 градежни парцели за изградба на објекти со лесна и незагадувачка индустрија, како и две градежни парцели наменети за изградба на објекти за мало стопанство. Сите претходни тендери за Жабени беа промашени. (А.Б.)

Битола распродадена - купувачите државна тајна?

Локалната власт во Битола во март продаде стотици хектари земјиште, но не ги открива фирмите што го купиле

Битола - Предизборен трик или реалност - локалната власт во Битола во март распродаде стотици хектари земјиште на странски и на домашни инвеститори. Но, сепак, власта не открива кои се фирмите од земјата и од странство што решиле да вложат во градот под Пелистер и да ја заживеат со години замрената економија. Имињата на инвеститорите се кријат како да се најстрога државна тајна.

На последниот тендер Министерството за транспорт и врски продаде дури 19 парцели, или околу 25 хектари во индустриската зона „Жабени“. Се распродаде и добар дел од имотот на поранешната битолска касарна. Таму три фирми купиле дури 10 парцели. Во исто време Владата нашла купувач и за имотот покрај граничниот премин Меџитлија на македонско-грчката граница. Странски инвеститор на границата со Грција ќе гради хотели и казина. Таа е истата локација каде што едно од здруженијата на Македонците од егејскиот дел на Македонија најавуваше изградба на споменик посветен на македонскиот егзодус во Грција.

Меѓутоа, за граѓаните, а особено за опозицијата, ваквите убави вести за Битола отвораат место за сомнеж откако локалната власт веќе две недели молчи и не открива кои се инвеститорите, односно кои се фирмите што решиле да ги вложат своите пари во градот.

Битолските либерелдемократи се сомневаат дека распродажбата на Битола е само предизборна приказна, која лесно ќе се заборави по изборите.

„Зошто власта не излезе со имињата на инвеститорите, особено на оние 12 странски и домашни фирми што купиле земјиште во „Жабени“. Дали ова не е предизборен трик што ќе заврши по изборите. Велат дека во „Жабени“ се продадени 19 парцели. Ако секоја парцела во просек е 5.000 квадратни метри, според цената на земјиштето, тоа се вкупно околу 100 илјади евра. Затоа прашуваме дали партијата на власт би можела да им нареди на своите партиски фирми да купат по една парцела со цел да се постигне ефект пред изборите. И дали се точни шпекулациите дека парцелите во „Жабени“ ги купија фирми блиски до власта во Битола“, вели Валентин Груевски, советник на ЛДП во Битола.

Според најавите на локалната власт - германски, италијански и грчки капитал влегува во „Жабени“. Во зоната се планира изградба на фабрики за дрвна индустрија, прехранбена со преработка на месо и млеко, овошје и зеленчук, како и текстилни капацитети.

И за касарната станува збор за две странски фирми и една домашна, кои ќе градат објекти за домување и еден хотел, додека, пак, за комплексот на Меџитлија со сигурност станува збор за странска инвестиција. Сепак, кои се инвеститорите, власта одбива да обелодени.

„Би замолил, додека не ги издадеме одобренијата за градба, да не ги објавуваме фирмите. Едноставно, во овој период треба да ги заштитиме фирмите. Не знам какви се нивните планови. Дали ќе градат веднаш, дали ќе градат во фази или, пак, одеднаш. Тие детали не ги знам, но очекувам по уплатата на парите и договорот со Министерството за транспорт и врски, инвеститорите да дојдат со проект во Општината“, рече градоначалникот Владимир Талески.

Австралијци заинтересирани за економската зона „Жабени“

Фамозните инвеститори во „Жабени“ добија куќен ред

Советот на Општина Битола изгласа Правилник како треба да се однесуваат фирмите со просторот во зоната

БИТОЛА - Како бисери на ѓердан се нижат инвеститорите во индустриската зона „Жабени“ во Битола. Локалната власт вешто манипулира со бројки, но уште повешто ги крие имињата на фирмите. Вредните инвестиции не биле 12, колку што првично ги најави градоначалникот Владимир Талески, туку 13. Со оваа бројка излезе директорот на зоната, Димче Шеровски, и притоа потврди дека дури 11 од нив веќе ги солемнизирале договорите.

Битолската чаршија зборува, ако власта и натаму продолжи да ги крие имињата на инвеститорите, ќе им отвори работа на обложувалниците. Интересот особено пораснал откако градоначалникот Владимир Талески најави многу голем германски инвеститор во „Жабени“, кој ќе отвори две илјади нови работни места. Надежите се дека најголемиот број вработувања ќе ги донесе инвестицијата на германски гигант, кој, наводно, ќе вложи над 20 милиони евра.

Енигмата кои се домашните, а кои странските фирми што купија плацеви во „Жабени“ ќе потрае барем до почетокот на изборната кампања, велат познавачите на условите. Дотогаш локалната самоуправа од Битола се досети да направи куќен ред за зоната.

Советот на Општина Битола изгласа Правилник како треба да се однесуваат инвеститорите со просторот во зоната во текот на градбата, по завршувањето, како да се организираат комунални дејности. Инвеститорите во иднина треба да добијат амин од Општината за се' што ќе наумат да прават. Тоа е потребно и за поставување кабелска или фиксна телефонија и за ограда околу објектите во зоната.

„Имаме многу инвеститори. Од 13, само двајца не го потпишале договорот за солемнизација, бидејќи немале време. Во ’Жабени’ имаме нови инвеститори за преостанатите парцели. Горд сум на овој капитален проект“, изјави директорот на ЈП „Жабени“, Шеровски.

Но, токму деталната листа на правила што ќе мора да ги почитуваат инвеститорите во „Жабени“, за опозицијата беше нејасна.

„Во еден дел пишува дека ЈП ‘Жабени‘ ја нуди својата стручност и помош и за геомеханичките испитувања на земјиштето. Дали тоа значи дека инвеститорите пред да направат геомеханички испитувања за носивоста на земјиштето и неговата подобност за градба на објекти треба да се советуваат со раководството на Жабени?“, праша Наташа Струмениковска, советничка на СДСМ. Според Златко Ќурчиевски, советник на СДСМ, парадоксално е да се потпишува правилник од двете страни, фирмата и зоната.

Но, за власта, правилата се правила и мора да се почитуваат. „Ова е куќен ред. Јавното претпријатие ќе се занимава со уредување и организирање на просторот, а за тоа мора да има некаков правилник“, смета Златко Милошевски, советник на ВМРО-ДПМНЕ.

Првите градби за „Жабени“ се најавуваат за оваа есен. Во зоната ќе има фабрики за дрвна индустрија, капацитети за преработка на месо и на млеко, за овошје и за зеленчук. Потоа фабрики за текстил. Градоначалникот Талески пресметал дека „Жабени“ ќе отвори нови 2.500 работни места. (А.Б.)

http://www.netpress.com.mk/vestiimages/87112/zabeni%5D.jpg">

ЗК „Пелагонија“ најавува изградба на млекарница во Жабени

Земјоделскиот Комбинат „Пелагонија“ од Битола ќе гради млекарница, која, според најавите, ќе биде лоцирана во новата индустриска зона Жабени, објави вчера националното радио Канал 77 со седиште во Штип.

Инвестицијата ќе достигне до најмалку 2 милиони евра. Од друга страна, ЗК „Пелагонија“ е еден од најголемите кооперанти на Битолската млекарница ИМБ.  

- Нашата идеја е оваа млекара на почетокот да биде изградена со капацитет од дневен прием на 50,000 литри. Нашето производство се движи од 23,000 до 25,000 литри. Купивме 12,000 метри квадратни, добивме и имотен лист. Ви тек се активностите околу изработка на елаборат кој ќе покаже каква ќе биде исплатливоста на млекарата која планираме да ја изградиме - потврдува Драги Петровски директор на ЗК “Пелагонија“ од Битола за Канал 77. 

Новата млекарница, според плановите, ќе биде насочена кон преработка на млекото од фармите на комбинатот со намера да се намалат неговите загубите.

Млекарскиот бизнис во земјава се очекува да претпри тектонски измени во следниот период. Сопствениците на Битолската млекарница ИМБ, британскиот инвестициски фонд „Салфорд Капитал“ објави дека има намера да се повлече од Балканот и да ги продаде своите компании, од кои најголем дел се во Србија, но во кои влегува и ИМБ. Допрва ќе се види кава ќе биде иднината на оваа наша најголема млекарница ако таа го изгуби својот најголем кооперант, кој еве, и самиот има намера да отвори своја конкурентска млекарница.

Од друга страна, токму во овој, период на лицитација се нуди објектот на поранешната млекарница „Сведмилк“, и ако се најде купувач за нејзиниот имот, и таа би требало да започне со работа. Прашање е само дали че успее да најде кооперанти, откако претходните ја изгубија довребата и голем дел од нив го продадоа добитокот од кој добиваа млеко и потоа му го продаваа на „Сведмилк.“ Дали сега повторно би се нашле заинтересирани земјоделци, кои би биле спремни повторно да набават добиток и да продаваат млеко на новите газди на млекарата, иако претрпеа големи загуби за претходно даденото и неплатено млеко, останува да се види.

Pristapen pat do Zabeni

Се отвора уште една млекарница во Битолско

Уште една млекарница ќе се отвори во Битола. Минатата недела во Централниот регистар на Македонија е основана нова компанија со основна дејност преработка на млеко и производство на сирење. Името на новата млекарница е Друштво за призводство на млеко и млечни производи, трговија на мало и големо ИМБ Индустрија за млеко Велковски.

Новата млекарница ќе се гради во индустрискта зона Жабени во Битола. Основниот влог, односно почетната инвестиција за изградба на млекарницата е 7.000 евра, а нејзин основач, според податоците од Централниот регистар, е Друштвото за производство, трговија на големо и мало, угостителство и туризам Технометал Велковска Рада од Битола.

Со млекарницата ќе управува Димитар Велковски.Изминатите неколку месеци млекарница почна да гради и поранешниот директор на ИМБ-Млекара Битола, Живко Радевски, а со производство на млеко и млечни производи планира да почне и земјоделскиот комбинат Пелагонија.

Во Битолскиот регион се и двете најголеми млекарници во македонија, ИМБ и Идеал Шипка.

Со оглед дека споменатиот од консултантското биро подолу ми е школски другар и сериозен човек, може да му се верува на зборовите...

Градоначалникот Владимир Талески денеска на прес-конференција соопшти дека завршени се сите формалности и се создадени услови идната недела да почне подготовката на парцелите на кои ќе се гради и функционира идната фабрика за изработка на кабли за возила.

- Условите што ги понудивме резултираа со доаѓање на фирма гигант во Битола. Денеска го врачивме првото одобрение за градба и очекуваме инвеститорот да почне со подготовка на локациите овој понеделник, а воедно и да повлече други фирми што ќе се стационираат во индустриската зона „Жабени“. Оваа и другите фабрики значително ќе го намалат проблемот со невработеноста во нашиот град, истакна Талески.

Од консултантската фирма „Иванов“-Битола потврдија дека  магацинскиот дел и просторот за производство на кабли ќе биде изграден до март, а административниот објект и партерот ќе бидат завршени кон крајот на мај 2012 година.

- Во првата фаза очекуваме вработување на околу 2.500 лица со можност за максимален капацитет на вработеност од околу 4.000 лица, од нив околу 250 лица ќе бидат со високо образование, а останатите со соодветни квалификации, посочи Михаил Димитровски, претставник на консултантската и проектантска фирма „Иванов“-Битола.

Германската компанија „Кромберг и Шуберт“ е со 100-годишна традиција која изработува и пакува кабли за автомобили од светски познатите брендови „БМВ“, „Ауди“ и „Мерцедес“ со 30 големи фабрики на сите континенти.

http://kurir.mk/republika/opstini/40856-Video-Avtomobilska-oprema-ke-se-proizveduva-vo-Bitola

Преводот ги избрка Германците од Жабени?

Битола - Германската компанија „Кромберг и Шуберт“ ги одложува градежните работи во Индустриската зона „Жабани“ крај Битола за изградба на фабрика за автомобилски кабли. Проблемот бил технички, и тоа на релација Влада на Македонија и германската компанија, тврдат од локалната власт во Битола. Според информациите со кои располага градоначалникот Владимир Талески, багерите ќе добијат зелено светло за работа откако ќе биде соодветно преведен договорот меѓу Германците и македонските власти.

„Идните неколку седмици треба да се довршат повеќе технички работи што се однесуваат на релација Влада - германски инвеститор. Се работи за договор што треба да се преведе на многу стручен и соодветен јазик. Усогласувањето ќе заврши брзо“, рече Талески.

Според градоначалникот, без разлика на одложувањето на градежните работи, германската „Кромберг и Шуберет“ ќе ги добие сите општински олеснувања за инвестицијата во „Жабени“.

„Фабриката ќе проработи во април или во мај наредната година, а рокот што и' е даден на компанијата ’Кромберг и Шуберт‘ е крајот на 2012 година. Тие ги исполнија сите услови од првиот дел од договорите. Се пријавија и купија парцели. Вториот дел од нашите критериуми како Општина е германскиот инвеститор да изгради фабрика и да вработи најмалку 20 нови работници до крајот на 2012 година. Свесни сме дека за три дена не можат да изработат главен проект и затоа го дадовме рокот и оставивме плус цела градежна сезона за да ги изградат објектите и да ги стават во функција“, вели Талекси.

„Кромберг и Шуберет“ ќе биде прва инвестиција во „Жабени“ која, според големите планови, треба да обезбеди работа за стотици битолчани. Во меѓувреме, Талески тврди дека се завршени водоводната и канализационата мрежа во зоната, и сега се работи на промена на планот за изградба на пречистителна станица. Плановите се менувале поради неочекувано големата заинтересираност да се инвестира во „Жабени“. Покрај најавените 19 инвестиции, за битолската зона биле заинтересирани уште три фирми. (А.Б.)

Инвеститори заглавени во администрација

http://gdb.rferl.org/8C0EFCB4-DB31-466C-B45B-170DA6615047_mw800_s.jpg">

• 
  
• 
  
• 
  

Текстови на слична тема

• http://www.makdenes.org/content/article/24341377.html - Нема бизнис без инфраструктура
• http://www.makdenes.org/content/article/24337463.html - Странски инвестиции - Лет во место
• http://www.makdenes.org/content/article/24255503.html - Пелагонија ги нуди индустриските зони во странство
• http://www.makdenes.org/content/article/24212303.html - Не се откриваат инвеститорите во Жабени
• http://www.makdenes.org/content/article/3549161.html - Битолското стопанство во „стечај“

Големина на буквите

http://www.makdenes.org/author/20442.html - Жанета Здравковска

09.11.2011

Во индустриската зона Жабени инвеститори дојдоа, купија парцели, но никако да ги удрат темелите од фабриките заради сложените административни постапки. Германската компанија за производство на автомобилски кабли „Кронберг и Шуберт“ уште пред два месеца добија дозвола за градба, а сега ќе треба да ја менуваат заради промена на планот во зоната. Имено, Жабени мора да располага со пристапен пат зашто не е дозволено индустриска зона да излегува на транзитна сообраќајница. Со тоа се помести дел од инфраструктурата, па сега германската компанија за да ги спои купените парцели треба да докупи дел од местото кое некогаш било предвидено за пат.

Тие купија десет парцели кои беа поделени со пат кој минуваше помеѓу нив. Тој пат кој беше меѓу парцелите сега не постои и треба да го докупат.

Владимир Талески, градоначалник на Битола

„Тие купија десет парцели кои беа поделени со пат кој минуваше помеѓу нив. Меѓутоа тие бараа целина за сите парцели. За да се ​направи тоа, дел од ингеренциите беа во општините, дел во Владата и Министерствата. Тој пат кој беше меѓу парцелите сега не постои и треба да го докупат делот кој беше пат порано, а немаа можност да го докупат зашто не се продаваше“, вели битолскиот градоначалник  Владимир Талески.

Битолскиот градоначалник Владимир Талески.

​​
По ова германските инвеститори ќе треба да добијат нова довола за градба за сите десет парцели. Воедно, процедурата се издолжува и со комплетирањето на документацијата.

Се работи за договор кој треба да се преведе со стручен јазик од македонски на германски. Тоа потоа ќе треба да се завери, постапка која ќе бара најмногу две до три седмици.

Владимир Талески, градоначалник на Битола.

„Идните неколку седмици треба да се дозавршат технички работи кои се однесуваат на релација Влада-„Кронберг и Шуберт“. Се работи за договор кој треба да се преведе со стручен јазик од македонски на германски. Таквото усогласување брзо ќе се заврши. Тоа потоа ќе треба да се завери, постапка која ќе бара најмногу две до три седмици“, додава Талески.

Според него, сето ова нема да доведе до одложување на градбата на фабриката која во иднина треба да вработи 2000 битолчани. Тој вели дека компанијата нема да ги загуби поволностите што ги дава општината за бесплатни комуналии зашто го исполнила првиот услов, земјиштето го купила до 31 март годинава, а до крајот на идната треба да ја изгради фабриката и да вработи најмалку 20 лица.

Кромберг и Шуберт во Битола ќе почне со гардба до Нова година

Талески очекува уште 6 нови инвестиции во Битола, за изградба на хотел, но има интерес и за вложување во дрвна, прехрамбена, млечна индустрија.

Во меѓувреме владиниот тим изминатата недела ги презентираше инвестициските можности на македонија. Веќе стигнаа најави за интерес за инвестирање на неколку австриски и германски компании, поголем дел од автомобилската индустрија.

Во дел од преговорите се вклучени и Сименс и БМВ. Владиниот тим си подаде рака со текспорт, компанија која веќе има два погона во Скопје и Кочани, сега ќе гради фабрика за заштитна облека во Виница. Инвестицијата е околу милион евра а ќе вработи околу 200 лица.

Вкупните инвестиции до август годинава изнесуваат 197, 3 милиони евра.

http://sky.mk/ekonomija/8853-%D0%9C%D0%B8%D0%BD%D0%B8%D1%81%D1%82%D0%B5%D1%80%D0%BE%D1%82-%D0%B1%D0%B5%D0%B7-%D1%80%D0%B5%D1%81%D0%BE%D1%80-%D0%92%D0%B5%D0%BB%D0%B5-%D0%A1%D0%B0%D0%BC%D0%B0%D0%BA-%D0%B8-%D0%B3%D1%80%D0%B0%D0%B4%D0%BE%D0%BD%D0%B0%D1%87%D0%B0%D0%BB%D0%BD%D0%B8%D0%BA%D0%BE%D1%82-%D0%BD%D0%B0-%D0%BE%D0%BF%D1%88%D1%82%D0%B8%D0%BD%D0%B0-%D0%91%D0%B8%D1%82%D0%BE%D0%BB%D0%B0-%D0%92%D0%BB%D0%B0%D0%B4%D0%B8%D0%BC%D0%B8%D1%80-%D0%A2%D0%B0%D0%BB%D0%B5%D1%81%D0%BA%D0%B8-%D0%B2%D0%BE-%D0%BF%D0%BE%D1%81%D0%B5%D1%82%D0%B0-%D0%BD%D0%B0-%D0%98%D0%BD%D0%B4%D1%83%D1%81%D1%82%D1%80%D0%B8%D1%81%D0%BA%D0%B0%D1%82%D0%B0-%D0%B7%D0%BE%D0%BD%D0%B0-%D0%96%D0%B0%D0%B1%D0%B5%D0%BD%D0%B8.html - Министерот без ресор Веле Самак и градоначалникот на општина Битола Владимир Талески во посета на Индустриската зона "Жабени"

Министерот без ресор Веле Самак  во придружба на градоначалникот на општина Битола Владимир Талески денеска ја посети и разгледа Индустриската зона "Жабени" која се наоѓа во непосредна близина на македонско-грчката граница.
"Цел на посетата е на терен да се уверам какви се состојбите во оваа индустриска зона и со каква владина поддршка можеме да продолжиме. Се информирав за подготовката и градежните активности што треба да ги изврши компанијата "Кронберг и Шуберт" од Германија, бидејќи во последните неколку недели завршија сите административни процедури околу нивната инвестиција, одобренија и договор за државна помош" изјави министерот Самак.

Очекуваме, нагласи, во наредните неколку недели договорот официјално да биде потпишан.

"Со тоа оваа најголема инвестиција во Македонија по однос на очекуваниот број на вработувања, околу 2.500, ќе има големо значење за цел регион, за Битола, за Прилеп и другите општини" истакна министерот Самак.

Тој потврди дека надлежните направиле се инвестицијата на "Кронберг и Шуберт", која се движи меѓу 20 и 25 милиони евра, да не ја заобиколи нашата држава бидејќи станува збор за солидна можност за нови вработувања.

http://www.time.mk/read/NONE/5803cf104d/index.html

Се продаваат парцели во Жабени

петок, 20 јануари 2012, 17:51

„Кромберг и Шуберт“ нема да плаќа персонален данок

Германската компанија „Кромберг и Шуберт“ нема да плаќа персонален данок на доход и ќе плаќа само 50 отсто од обврските по основа на задолжителни социјални надоместоци и придонеси за вработените во период од неколку години.
Владата одлучила германската компанија да добие регионална државна помош за реализација на инвестицискиот проект - изградба на фабрика за производство на кабелски инсталации за автомобилската индустрија.
Со владината одлука ќе се покрие дел од износот за вкупните оправдани инвестициски трошоци на компанијата за реализација на проектот со кој треба да се отворат нови работни места.
Според комисијата за заштита на конкуренцијата, која веќе ја разгледала оваа владина одлука, нема ништо спорно во доделувањето ваков вид државна помош. Точниот износ на државна помош не го откриваат ниту Владата, ниту КЗК.
В.Н.

http://www.novamakedonija.com.mk/NewsDetal.asp?vest=1211295065&id=10&prilog=0&setIzdanie=22485

http://kurir.mk/republika/opstini/60246-Prodadeni-16-parceli-vo-industriskata-zona-Zabeni - Продадени 16 парцели во индустриската зона „Жабени“

Во индустриската зона „Жабени“ на спроведеното јавно електронско наддавање, продадени се 16 парцели чии сопственици се три компании од Австралија, една германско-грчка, а останатите се инвеститори од Македонија. 

- Продадено е земјиште со површина од 9,2 хектари кое заедно со претходната продажба значи дека во индустриската зона „Жабени“ досега се продадени околу 34 хектари или над 60 отсто од предвидените површини за изградба на фабрики и други стопански објекти, истакна Талески.

Во индустриската зона „Жабени“ свој бизнис ќе може да почнат 24 инвеститори кои изградбата на објектите ќе ја почнат на пролет според критериумите на општина Битола за да ги искористат и поволностите предвидени со условите за продажба на парцели во таа зона, посочи битолскиот градоначалник.

На новинарско прашање во врска со процедурата за предложената локална урбанистичка планска документација за изградба на џамија во местото викано „Средно поле“ во битолското село Лажец, градоначалникот Владимир Талески истакна дека општината има законска обврска да спроведе регуларна и транспарентна процедура.

- Ние сме должни на најрегуларен начин да спроведеме постапка за измена или дополнување при донесување на детален урбанистички план. Планот е јавно изложен и секој граѓанин може да го погледне и да даде свои забелешки кои потоа ги разгледуваат стручни комисии и претставници на Советот на општина Битола. Убеден сум дека за проблемот кој подолго време го има ќе се најде решение на задоволство на сите граѓани од местото за каде е предвиден урбанистичкиот план, одговори градоначалникот Талески.

Јавната презентација и јавната анкета за изградба на џамија во село Лажец, како и за изградба на стопански објект во местото викано „Гарван“ во село Кукуречани ќе се одвиваат до 14 февруари, додека јавната анкета за работната зона северно од патот кон село Новаци ќе се одвива до 21 февруари во просториите на општина Битола

http://kurir.mk/republika/opstini/60246-Prodadeni-16-parceli-vo-industriskata-zona-Zabeni

Нашинци од Австралија ќе градат фабрики во Жабени

Нови 16 парцели со вкупна површина од 9,2 хектара се продадени во индустриската зона крај Битола

Битола - Нови 16 парцели со вкупна површина од 9,2 хектара се продадени во индустриската зона „Жабени“ крај Битола преку електронско наддавање. Според Општината, сопственици на 12 парцели се три компании од Австралија, една е со германско-грчки капитал, а останатите се домашни фирми.

Засега не се откриваат имињата на фирмите ни на бизнисмените кои ќе градат во „Жабени“, ниту, пак, со кои дејности ќе се занимаваат. Единствено е познато дека инвеститорите од Австралија се наши иселеници од Перт, Мелбурн и од Сиднеј. Од фирмите што купија парцели во зоната досега се обелоденети само имињата на „Кромберг и Шуберт“ и „ИМБ Велковски“.

„Во ’Жабени‘ досега се продадени околу 33-34 хектари земјиште, што е над 60 отсто од предвидените површини за изградба на фабрики и други стопански објекти. Во зоната има 86 хектари, но целата површина не е предвидена за фабрики. Таму има и патишта, паркинзи, простор предвиден за зеленило и паркови. Што значи за фабрики планираме околу 58 хектари од земјиштето“, рече градоначалникот на Битола, Владимир Талески.

Инвестициите на австралиските бизнисмени во „Жабени“ неодамна ги потврди и Милорад Додевски, пратеник во Македонија од Австралија и Нов Зеланд. Тој вели дека не само бизнисмени од македонската заедница, туку, генерално, од австралискиот бизнис-сектор имале големо интересирање за инвестирање во нашата држава.

„Треба да разбереме дека далечината си го прави своето. Не е лесно човек се' да остави и да дојде да инвестира тука. Но, со вакви поволни услови зошто да не се инвестира во родната грутка. Затоа и градоначалникот го поканивме да дојде во Австралија и да ги презентира можностите не само пред македонската заедница, туку воопшто и пред бизнисот во Австралија“, рече Додевски во Битола.

Градоначалникот Талески се надева дека напролет новите инвеститори ќе ги завршат своите проекти и ќе побараат градежна дозвола, а до крајот на 2012 година ќе никнат и новите фабрики. Според него, веќе се создадени услови за намалување на процентот на невработеност во градот и во Пелагонискиот регион во целина.

„Ние дадовме поволности, но инвеститорите ако сакаат да ги искористат, треба да ги исполнат условите што ги имаме. Се надевам дека кон крајот на 2012 година ќе ги изградат објектите и ќе вработат минимум по 20 нововработени лица. Вработувањето ни беше и главна цел“, нагласува Талески. (А.Б.)

Кромберг и Шуберт до крај на годината ќe почне со производство во Битола

КАМЕН - ТЕМЕЛНИК НА ПРВАТА ФАБРИКА ВО ЖАБЕНИ

Колку за ориентација... 

Мирсад Јонуз ќе гради фабрика во Жабени

Поранешниот селектор на фудбалската репрезентација Мирсад Јјонуз ке гради на индустриската зона жабени во Битола. Денеска доби одобрение да гради фабрика за производство на пластика.

Во индустриската зона Жабени ќе никне и хотел

Голем хотел ќе никне во индустриската зона Жабени кај Битола, соопштуваат локалните власти, но не кажуваат кој е инвеститорот и каков тип на хотел ќе се гради. Велат дека хотелот ќе ги опслужува потребите на бизнисмените, посетителите и минувачите.

Во индустриската зона Жабени, освен фабрики ќе се гради и голем хотел, соопштија од општина Битола. Парцелата е веќе продадена, но надлежните не соопштуваат кој е инвеститорот и каков тип на хотел ќе се гради.

​​

Ќе се појави вистинска потреба и за деловен простор. Очигледно е дека таму ќе се заинтересираат дел од банките да имаат свои претставништва. Ќе се отвори простор за деловни објекти кои ќе им даваат услуги на инвеститорите.

Владимир Талески, градоначалник на Битола.

„Индустриската зона Жабени главно има намена за стопанство, но во еден дел има и комерцијални објекти. Таму и за хотели е едно евро со наддавање. Летото минатата година беше продадена парцела за хотел, уште инвеститорите немаат дојдено со барање да добијат одобрение за градба. Тие наддаваа, си ја купија парцелата, договорот е солемнизиран. Каков ќе биде хотелот не знам се додека не го донесат проектот“, изјави битолскиот градоначалник Владимир Талески. 

Запрашани која е потребата меѓу фабрики да има и хотел, од општина велат дека тој ќе ги опслужува потребите на бизнисмените, посетителите, минувачите.

​​
„Ќе се појави вистинска потреба и за деловен простор. Очигледно е дека таму ќе се заинтересираат дел од банките да имаат свои претставништва. Ќе се отвори простор за деловни објекти кои ќе им даваат услуги на инвеститорите. Но, досега немам сознанија дали тоа токму ќе се случува во тој хотелски комплекс“, вели Талески.

Од општината додаваат дека во хотелот ќе можат да престојуваат и работниците, иако најголемиот дел од нив, според најавите ќе бидат битолчани со место на живеење оддалечено на неколку километри. Досега во Жабени се продадени 49 парцели, па за продажба останува уште една третина од зоната. Сепак, фабрика има изградено само германската компанија „Кронберг и Шуберт“. 

Освен во Жабени, парцела за градба на уште еден хотел е продадена на растојание од пет километри во близина на граничниот премин Меџитлија каде се очекува да биде отворено и казино, па да се привлечат посетители од Грција.

„Очекувам во идниот период и тие да побараат одобрение за градба. Мислам дека е голема придобивка зашто на тој начин се зголемува конкуренцијата, инвестициите и можностите за вработување“, вели Талески.

http://www.makdenes.org/content/article/24878643.html?utm_source=daily.mk

Општината создава услови за инвеститорите во Жабени

„Се работи за асфалтирање на влезот во Жабени, првата улица до првата изградена фабрика, како и паркинг просторот. Се што се однесува на јавните површини во овој дел се обезбедува преку финансиските средства на општината, а она што е предвидено во проектите го обезбедуваат инвеститорите. Ова беше зацртано и се завршува навреме. Се работи за паркинг простор околу 5000 м² и улица во должина од 700 метри. Како што гледате Кромберг и Шуберт веќе го активира и своето сменско работење и овој дел им беше многу потребен, токму затоа го обезбедуваме и паркинг просторот, а после ова следува и хортикултурно уредување на просторот. Овој проект претставува голем подвиг за општина Битола и целиот регион, изјави градоначалникот на општина Битола, д-р Владимир Талески.

Во Индустриската зона Жабени во моментот во фабриката на Кромберг и Шуберт веќе се вработени 836 граѓани, а во декември се очекува да бидат вработени уште 200 граѓани со што ќе биде надмината предвидената бројка на вработувања до крајот на 2013 година. Во 2014 година во Кромберг и Шуберт предвидено е да се вработат уште 1000 граѓани, а во 2015 уште 500. Доколку динамиката се одвива според досегашните проекции во следната фаза се очекува изградба на уште една хала во фабриката и вработување на уште 1500 граѓани во Кромберг и Шуберт.

Во зоната продадени се 48 парцели на 28 инвеститори, а издадени се 6 одобренија за градба" рече д-р Владимир Талески градоначалник на Битола.

Во „Кромберг и Шуберт“ се работи во три смени – најавени нови вработувања

Германскиот инвеститор „Кромберг и Шуберт“ кој се распосла на парцела во индустриската зона Жабени, работи со полна пареа, објавува Нова Македонија.

Зголемените нарачки за кабли за автомобилската индустрија диктираат и ново темпо, па  во „Кромберг и Шуберт“ се работи буквално во три смени.

Раководството во фабриката и локалната самоуправа ги дематираат шпекулациите дека наводно голем број вработени даваат откази бидејќи се незадоволни од условите за работа и од германската дисциплина, информирајќи дека напротив, постојано расте бројот на вработени.

“Во моментов во „Кромберг и Шуберт“ се вработени вкупно 836 лица, а до декември се очекува да бидат вработени уште 200 нови работници, со што ќе биде надмината предвидената бројка на вработувања од 1.000 лица до крајот на 2013 година, која беше поставена со бизнис-планот на раководството на фабриката”, вели битолскиот градоначалник Владимири Талески за Нoва Македонија.

Од Општина Битола велат дека очекуваат од следната година во фабриката да се вработат уште најмалку 1.000 лица, а вкупниот број вработени до 2015 година да се заокружи на 2.500 работници.

-Во „Кромберг и Шуберт“ тврдат дека на тоа нема да застанат со вложувањето во индустриската зона Жабени. Имено, според информации од овој гигант, сопствениците на „Кромберг и Шуберт“, кои наскоро ќе пристигнат во Битола и ќе присуствуваат на свеченото отворање на фабриката, планираат во индустриската зона да изградат уште една фабрика, во која ќе бидат вработени уште 2.500 работници. За реализација на таквите планови тие веќе имаат купено градежни парцели во непосредна близина на првата фабрика, пишува Нова Македонија

„Жабени“ доби нов жител, грчката компанија „Виндор“

Во индустриската зона во Битола, „Жабени“ денеска се поставија темелите на уште една фабрика, специјализирана за производство на врати и прозорци од ПВЦ и алуминиум.

Станува збор за грчката компанија „Виндор“ од Лерин.

На свеченоста присуствуваше и сопственикот Костас Мицопулос, чии сеемен бизнис датира од 1974 година.

„Објектот брзо ќе го изградиме. На почеток ќе биде на површина од 340 метри квадратни, а конечната форма ќе биде поставена на 2.500 метри квадратни. Веднаш ќе се вработат 20 лица, а потоа ќе се зголемува бројот на нововработени во зависност од потребите на компанијата. Ќе продаваме во Македонија, а ќе извезуваме и во Грција. Тешко време е да се инвестира, но треба да се инвестира, бидејќи ако застанеш, тогаш нема развој. Инвестирав бидејќи тука има добри луѓе“, истакна Мицопулос.

Грчката инвестиција е втора по ред во зоната „Жабени“ по влезот на гигантот „Кромберг и Шуберт“.

Бизнисмен од Австралија во Жабени ќе гради фабрика за чипс

За две недели ќе започне изградбата на фабрика за чипс во ИЗ ''Жабени'' во Битола, а инвеститор е австралиски бизнисмен по потекло од Битола, кој дванаесет години работи во оваа држава

Даци покрај тоа што во регионите каде што доаѓаат овие фирми се намалува невработеноста и се зголемува куповната моќ, според мене можеби и најбитен фактор е дека овие фирми воведуваат други стандарди на работа кои подоцна би требале да бидат пример и за нашите работодавци. Значи секаков вид на осигурување на вработените, дисциплина и хигиена на работно место, заштита при работа и слични работи кои верувам дека ќе се спроведат приближно на Германските стандарди. Исто така во овие фирми ќе се обучат луѓе некој за поедноставни но некој и за менаџерски и инженерски функции, значи во овој дел што  е многу битно може да се подобрат условите за практично образување на средношколци и студенти. Потоа се зголемуваат и можностите на нашите домашни фирми за пласирање на своите производи за потребите на овие компании а зошто да не за снабдување и на оние филиали кои се надвор од Македонија. Исто така треба да се земаат предвид и сите оние кои секојдневно вршат некоја услужна дејност а тоа се превозници и снабдувачи на храна. Освен тоа овие фабрики некој ги гради и одржува така да и во тој дел има луѓе кои имале некоја добивка. Исто така со зголемување на бројот на вакви компании се зголемува и потребата и исплатливоста за изградба на инфраструктура. Да не зборувам дека луѓето што зимаат плата од овие фирми своите пари некаде ги трошат и тн. и тн. Ова се оние придобивки кои во моментов ми паднаа на памет.

За платите може да се дискутира, како и за исплаќањето на прекувремената работа. Може и да се дискутира за тоа што овие неколку фирми се исклучиво трудови и најголем дел од вработувањата се ниско квалификувана работна сила., а продуктите немаат некоја голема додадена вредност ниту пак некој "know how". Но според мене тоа е и некој    природен развој на една држава, сликовито кажано период кога учиме да зборуваме и одиме, после тој период логично би било да учиме и да пееме и трчаме. А тој период се најавува со фирмата  со фирмата најавена во Велес (Маркард или така нешто се викаше неможам да се сетам во моментов)

Така да како и да завртиш овие фирми се добредојдени во Македонија се додека се држат на законите и екологијата .

Даци ти пишав и погоре прво се учи одење а после се трча. Значи за да правиш готови производи потребно е да имаш прво доволно фирми што ќе произведуваат полупроизводи. Па види нашите фирми неможат да ги снабдат ниту овие додавувачи со потребни делови а не пак да се потпрат со фирми кои ќе произведуваат готов производ. Освен тоа а можеби и поважно е образованието. Се разбира дека е најдобро да се произведува готов производ кој има и најголема додадена вредност но за да се дојде до тој степен прво треба да го поминеме овој процес кој моментално се случува со Македонија.