Љубљана, Словенија
Printed From: build.mk
Category: Останати теми
Forum Name: Патеписи
Forum Discription: Патеписи од Македонија и светот
URL: http://www.build.mk/forum/forum_posts.asp?TID=1290
Printed Date: 27-Apr-2024 at 07:36
Topic: Љубљана, Словенија
Posted By: Andrej_LJ
Subject: Љубљана, Словенија
Date Posted: 30-Apr-2011 at 00:17
 ------------- "Тaм, където глупостта е образец, разумът е безумие." Гьоте |
Replies:
Posted By: pbanks
Date Posted: 30-Apr-2011 at 08:04
Во најава? 
|
Posted By: Andrej_LJ
Date Posted: 30-Apr-2011 at 16:59
Трејлер Вечерва би требало да испостирам еден дел, навистина убави слики направив од центарот, особено на теми кои го интересираат форумов (јавен транспорт, урбани елементи, урбанизам, реставразија на стари фасади, згради и зданија...). За сега е само од центарот, но кога ќе поминат празнициве, со сигурност ќе се прошири. Срамота е што сум тука толку време а воопшто не му обрнувам внимание, особено што Љубљана е многу убаво градче, или како што вика градоначалникот-најубавата мала столица во ЕУ.  ------------- "Тaм, където глупостта е образец, разумът е безумие." Гьоте |
Posted By: BOJAN
Date Posted: 30-Apr-2011 at 21:44
|
Јас сум во очекување на сликите.
|
Posted By: leonid23
Date Posted: 01-May-2011 at 00:34
Zanes go bie Najubava mala stolica vo EU e Tallin Estonia ( Eesti )
|
Posted By: stratus
Date Posted: 01-May-2011 at 07:32
 Талин е поголем од Љубљана
|
Posted By: Andrej_LJ
Date Posted: 01-May-2011 at 12:14
|
ЉУБЉАНА, АПРИЛ 2011:
Нека да започнеме. Ви го претставувам центарот на градот во кој живеам веќе 5та година. Љубљана, според мене а и многу други, е едно мало, комфортно, зелено и многу отмено градче. Се наоѓа во центарот на Словенија и е оплружено со многу планини, кој на градот му даваат свежина, голтка воздух и прекрасни погледи (не секој главен град може да се пофали со директен поглед на Алпите). Сликите се направени во минатите неколку дена, затоа и раздвиженоста по улиците, како и временските услови се различни. Нека да започнеме по ред, со прошетка кон и на главниот плоштад во Љубљана-Прешерноу трг, именуван по најпознатиот словенски песник Франце Прешерен. 
Главната зграда на Љубљанске лекарне (на првата слика во лево), споменикот на Прешерен и една државна зграда (в десно), за која имаше гласини дека Херодс сака да ја купи и изгради стоковна куќа. 
Црквата на плоштадот, Црквата на Марииното Благовештение. Иако има централна локација, секпај не е главната црква во градот. Frančiškanski samostan Ljubljana - Center cerkev Marijinega oznanjenja 
Познатото Тромостоује, дело на најпознатиот словенски архитект Јоже Плечник. Поглед врз реката Љубљаница: 
Поглед од Тромостоује на исток, при што десно се наоѓа познатата Плечникова тржница. Затворен пазар долж реката, исто така дело на Плечник. 
Продолжуваме по Стритарјева улица, кон Магистратот, односно Градската Куќа, пред која се наоѓа и Местни трг (Градски плоштад). Над самото здание се надзира Љубљанскиот град, односно Љубљанската тврдина/замок: 
Во месец мај се воведува целосно нова концепција на велосипедски јавен транспорт во градот, наречен БицикеЛЈ и затоа има рекламни и информативни кампањи. За ова ќе стане збор подоцна. Знамето на градот (бело и зелено со смеј во средината), гордо се извишува и вее над Столицата: 
Повторно се свтруваме кон главниот, но не и најголемиот плоштад во Љубљана-Прешерноу трг:  ------------- "Тaм, където глупостта е образец, разумът е безумие." Гьоте |
Posted By: leonid23
Date Posted: 01-May-2011 at 12:21
Tallin e samo za okolu 100.000 ziteli pogolem od Ljubljana... |
Posted By: Andrej_LJ
Date Posted: 01-May-2011 at 12:26
|
3) МЕСТНИ ТРГ/МЕСТНА ХИША/МАГИСТРАТ:
Пристигнуваме во стариот дел на градот, каде се наоѓаат најубавите објекти, многу тесни улички, луксузни продавници и многу туристи. Местната хиша (место-град, хиша-куќа), е изградена во 15 век, а својот денешен облик го добива помеѓу 1717-1719 (мислам ху ар ѕи кидинг?! една Љубљана имала вакви градби пред 300 години, Скопје сега ли најде да надокнадува?!). Седиштето на Градоначалникот, Градскиот музеј и матичната служба. Пред него се простираат два плоштада (знаете, во Љубљана се е мало, така што зборот плоштад е пресиле, можеби посоодветно е скверчиња)-Местни трг и Цирил-Методјеу трг (крстен по Св. Св. Кирил и Методиј): 
Цирил-Методјеу трг и Љубљанската Катедрала, Св Никола: 
Зградата спроти Градската куќа (всушност можеме да ја наречеме и Општината, затоа што градот териториално и административно е една целина, односно Градска општина Љубљанска. Затоа и наш Трифун често одеше да собере искуства, сакајќи истото да го примени и кај нас-нешто зад кое јас тврдо се застапувам). 
Една многу интересна улучка, која на подот има уметничко дело, сочинето од многу черепи и скелети-тука се наоѓа еден од најпознатите коктел барови-Скелет):  ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 01-May-2011 at 12:31
|
4) СТАРА ЉУБЉАНА:
Влегуваме длабоко во делот наречен Стара Љубњана, каде плоштадот полека се стеснува и преминува во улица. Може да се видат различните (по функција) подземно контејнери, поставени насекаде низ градот: 
Така повторно излегуваме на реката Љубљаница, односно на Чеуларски мост, од каде се гледа Нови трг и каде веќе кејот се шири. Во најцентралниот дел на градот, кејот е доста тесен и објектите се нанижани непосредно над реката: 
 ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 01-May-2011 at 12:39
|
5) НОВИ ТРГ/БРЕГ:
Овој дел беше скоро темелно реновиран и слободно можам да кажам дека е еден од најубавите во градот. Самиот плоштад го спуштија кон реката, направени се големи скали, на кои често седат и релаксираат млади луѓе. Фонтаната беше реновирана, а беше поставен споменик на Иван Хрибар. Изобилство на нови и прекрасни урбани елементи, какви што многу би сакал да видам во Македонија- за разлика од вечниот бекатон или обичните плочки. 
Поглед нагоре, каде доминира зградата на НУК-Национална Универзитетна Књижница (Национална Универзитетска Библиотека), дело на Плечник, градена во 1930те години: 
Елементите служат за седење, оставање на точаци, или просто се абсорбирани од блиското кафене: 
Споменикот на Иван Хрибар: 
И самото спуштање кон реката: 
 ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 01-May-2011 at 12:58
Погледот наспроти Нови трг многу потсетува на Амстердам-куќите се височки и тенки:
Продолжуваме по Брег, кој е сега најубавото шеталиште на градот. Навистина е богато и стилно уреден-убава и отмена комбинација на плочки и калдрма, убаво ноќно осветление, прекрасни отвори за дрвјата, стилски клупи и кошници за отпадоци, подземни контејнери, новите пунктови за изнајмување на велосипеди, како и задолжителните ленти за слепи лица, кои гарантирам ги нема кај нас. Навистина треба да се мисли на секој детал, затоа што само крајно смислената и испипана работа може да доведе до траен и навистина убав, задоволувачки впечаток (и после зашто во се кај нас сум наоѓал маани-просто ништо не е направено целосно и перфектно, со смисла и знаење): 
Новите пунктови на БицикеЛЈ (BicikeLJ-Подробности на: http://www.blog.uporabnastran.si/2011/04/08/bicikelj-bo-ljubljansko-mestno-kolo-s-300-kolesi-in-30-imi-postajami/). Системот ќе биде автоматски и ќе работи на картички. 300 велосипеди (за почеток) ќе бидат поставени на 30 пункта низ градот. За жителите на градот, неопходно е веќе да имаат картичка Урбана (која јас ја имам, служи за плаќање на градскиот превоз, паркинг, комуналии и сите настани врзани и организирани од Градот-ете зошто кај нас треба да има ЕДНО претпријатие за градски паркинг, едно сообраќајно претпријатие/или барем тотално интегрирано...), потоа да се регистрираат на интернет, при што ќе дадат код од својата кредитна банчна картичка. Невратен точак се наплаќа 350 евра, додека ненамерни оштетувања не се наплаќаат. Пунктовите се поставени крај значајни објекти, фрекфрентни локации, плоштади, раскрсници и автобуски стојалишта. Центата за изнајмување е БЕСПЛАТНА за првиот час (при што точакот можеш да го вратиш и по 5 минути часовникот се ресетира и броењето започнува од 0), потоа вториот час чини 2 евра, третиот и секој понатамошен по 3 евра. Со овој паметен потег, целосно и ефективно се мотивираат граѓаните и гостите на градот да ги користат точаците како (ко)начин за придвижување низ градот брзо, но и се мотивира кратка употреба, без губење на време, со цел поголема употреба и подобра расположливост. 
Повторно некои урбани елементи. Особено ми се допаѓаат овие големи кошници за отпад-навистина се ормени и целосно ги засенуваат нашите, кои висат (често на криво) и лесно се преполнуваат: 
Лентите за слепи лица, кои завршуваат со соодветна ознака прек раскрсницата која е озвучена и обележана за слепи, како и секоја друга низ градот): 
Завршува Брег, каде се наоѓа и факултетот за архитектура (старото и новото крило), на Цојсова улица: 
Со тоа, првиот дел од нашата прошетка е завршен. Следуваат повеќе! ------------- "Тaм, където глупостта е образец, разумът е безумие." Гьоте |
Posted By: my Macedonia
Date Posted: 01-May-2011 at 13:09
Dobra reportaza. Ama Basel e daleku poubav Grad od Ljubljana! Nemam aparat ili Mobilen so mnogu megapixkel, ako dobijam I Phone 4 sigurno deka kje pravam reportaza za Basel, pa kje si vidite sto e Grad! 
------------- |
Posted By: Andrej_LJ
Date Posted: 01-May-2011 at 13:14
|
Луѓе што ви е со споредбиве? Никој не се споредува со никого, нити со Талин, ниту со Базел... Тоа го кажав како една шала и анегдота која ја кажува градоначалникот. И што сега ако Базел е поубав од Љубљана и ќе сме виделе што е град? Сакаш пак слики од Лондон да видиш, па да видиш што е Базел за споредба? Само презентација е, без желба за натпреварување, само со желба да се покаже како се прават некои работи во различни градови и држави. Инаку со задоволство би видел репортажи и од Талин и од Базел, таму не сум бил сеуште. ------------- "Тaм, където глупостта е образец, разумът е безумие." Гьоте |
Posted By: my Macedonia
Date Posted: 01-May-2011 at 13:34
Se salev, ne znam sto se palis bezveze   ------------- |
Posted By: Andrej_LJ
Date Posted: 01-May-2011 at 16:11
|
Не се палам ич, но незнам зошто се задржуваат некои луѓе на најнесуштинскиот дел од претставеното. Наместо да се мерат силите, можеш да кажеш што ти се допаѓа и што не, што ти би сменил или применил во Македонија, како е тоа решено на друго место. Секако ако имаш некое прашање со задоволство би ти го одговорил... Еве ти отправувам директен иззив да направиш репортажа за Базел (со добра намера те иззивувам).
и без лутење! ------------- "Тaм, където глупостта е образец, разумът е безумие." Гьоте |
Posted By: Supervisor
Date Posted: 01-May-2011 at 17:05
|
Љубљана е пречиста и преурбана средина се на се одличен град ама е многу мала! ------------- NewYork-London-Paris-Moscow-Tokyo-Skopje |
Posted By: N23
Date Posted: 01-May-2011 at 17:08
|
Љубљана, гледана низ мои очи е сосема фино градче, претерано добро средено (за центарот), но добив слика дека се работи за град на пензионери (зајадливите комшии од загреб истот го викаат ). Некако е премногу мирно, луѓето се тивки, претерано чисто е, луѓето се грижат за својата околина, татковци со децата на точак и сл., нешто што веројатно не може да се сретне во многу главни градови. Али убавината на Љубљана е стариот град со Кулата горе. Од страна можат да се забележат доста споменуваните на овој форум "комуњарски градби", за кои не ми е јасно како некој тогашен архитект можел да ги нацрта во едно така убаво градче. Иначе би било добро Андреј ако ни ставиш слики и од станбените населби во Љубљана, односно дали и има такви од типот на Аеродром, Карпош и сл. И ја иам некои слики од Љубљана, па се надевам ќе ги постирам деновиве.
|
Posted By: stratus
Date Posted: 01-May-2011 at 17:24
|
Љубљана е прекрасен град и во многу детаљи се приметуваат разликите од кај нас, но сепак е еден од многуте во Европа. Минатото лето имав прилика да одам баш во скелет, мора да кажам дека ми остави најмногу впечаток од целиот град, особено келнерката бидејки те тера само да пиеш. Инаку постави слики и од паркот Тиволи таму е исто така прекрасно, како и погледот од Љубљански Град. Се на се доколку ја имаме истата култура и стандарт со Словенија, можеби и Битола слично би изгледала
|
Posted By: pbanks
Date Posted: 01-May-2011 at 18:14
|
Добро познат град за мене, сум бил повеќе пати а рутава која Андреј ја покрил е малтене неизбежна. Никогаш не сум се „поврзал“ со Љубљана, веројатно од балканштината во себе сепак тешко можам да избегам бидејќи беспрекорното функционирање на тој град почнува да ми пречи после неколку дена. Во секој случај, убава традиција на урбано живеење, централно јадро кое континуирано се одржувало и надградувало (последните објекти таму, ако ја исклучиме „успињачата“ се изградени пред 100на години) и модернизирало (деталите кажуваат се). Бидејќи Андреј ги коментираше деталиве во урбанава опрема, мислам дека ги пропушти овие хидраулични столпчиња кои се пречка кон пешачката зона, и кои се спуштаат за камионите за ѓубре или за дотур во дефиниран временски период. |
Posted By: Alex
Date Posted: 01-May-2011 at 18:18
Stvarno mnogo ubav grad ! bravo za slikite 
|
Posted By: leonid23
Date Posted: 01-May-2011 at 18:37
Pa neli smeovde i da sporeduvame ??? Ne pravime sporedba so metropolite kato London!Tuku "Malite Stolici na EU" Kako: Tallin, Luxembourg, La Valleta, itd , itd
Tallin vo Sporedna na Ljubljana e kako od Bajka( Isto taka cela zemja Estonska vo Sporedba so Slovenija ) |
Posted By: pbanks
Date Posted: 01-May-2011 at 18:41
|
Еве совршена нишка за овој тип на споредби и дискусии. http://www.build.mk/forum/forum_posts.asp?TID=1146 - http://www.build.mk/forum/forum_posts.asp?TID=1146 Да и ја оставиме оваа нишка на Љубљана. |
Posted By: Мартин
Date Posted: 01-May-2011 at 19:47
|
Прекрасна репортажа Андреј.Ги чекаме останатите делови! |
Posted By: Gradinarot
Date Posted: 01-May-2011 at 20:49
|
Андреј, бидејќи на неколку наврати приметувам дека си доста детален во своите репотажи, дали би можел да набавиш инфо како тоа успеваат да им бидат шеталиштата, кејовите и тротоарите толку рамни и компактни, а сепак се од плочи со релативно мали димензии /без разлика дали е камен, травиертин, пефабрикат итн./
Мене сеуште не ми е јасно како кај нас не може ни 100 метра поплочување да остане рамно барем 1 година после неговата изведба. Имаат ли некој посебен начин на подготовка и тампонирање, дренирање на теренот итн..
------------- ..... ....... |
Posted By: Buliwyf
Date Posted: 01-May-2011 at 21:21
За репортажата на Андреј
|
Posted By: Supervisor
Date Posted: 01-May-2011 at 21:25
|
Споредба не може да правиме не само затоа што се прави фушерајски туку затоа што сме јужњачки народ со балканска култура и секогаш ќе заостануваме зад западот во кој е вклучена и Словенија. ------------- NewYork-London-Paris-Moscow-Tokyo-Skopje |
Posted By: Buliwyf
Date Posted: 01-May-2011 at 21:28
|
За жал ќе се сложам целосно со твојот став, бетер од Арапи сме. |
Posted By: N23
Date Posted: 02-May-2011 at 00:09
| Менталитетот влијае, ама не би требало да се занимаваме со тоа дали нашиот чини, нивниот не. Ај вие за 9 000 месечно секој ден да треба да правите тротоари, улици и сл. Се кладам дека ќе гледате на најлесниот начин да ја завршите работата. Нема мотивација кај нашите работници, гледаат да стават 3 коцки бекатон и да пијат пиво под сенка. Дај му 1000 евра на работникот, мотивирај го дека ако ја направи фушерај работата ќе летне од работа, градската или централната власт наместо да се слика, прво да види какво е стањето, па веднаш да интервенира, е само во таков случај ќе бидеме ко Словенија. Кај нас на тој план се спие. Словенците во многу погледи изгледаат целпидлаки. Поминете низ македонско село и слвеначко село и ќе ви стане јасно како стојат работите. За да изгледаат работите под конец, треба да ја засакаш земјата. Искуства не се битни, битно е дали ќе запнеш нешто поубаво да го направиш. На 2 саати вожња од Љубљана е Загреб каде иако се далеку посредени тротоарите и дел од улиците него кај нас, се гледа дека има нерамнини и простор за солидни вирови. |
Posted By: Supervisor
Date Posted: 02-May-2011 at 00:31
|
Муабетот ми е токму поради опкружувањето менталитетот и културата и те како имаат врска и СЕКОГАШ ќе бидат неколку чекори пред нас. ------------- NewYork-London-Paris-Moscow-Tokyo-Skopje |
Posted By: lslcrew
Date Posted: 02-May-2011 at 01:31
| Си го барате местото на проблемо кај што не е, ама ај да не се објаснувам по сто пати |
Posted By: my Macedonia
Date Posted: 02-May-2011 at 10:28
|
Vo mkd ne se raboti kvalitetno.Tatko mi e gradezen vodac, toj treba sto pati da gi kontrolira rabotite dali se dobro napraveno, ako ne, togas treba se od novo! Koga go prasav nego, sto misli za za kvalitetot na gradiznistvoto vo mkd, mi se nasmea i mi kaza deka toa ne e gradiznistvo tuku eksperimenti. Istotaka i drzavata e kriva posto zema firmi, sto nudat najniski ceni toa znaci kvalitetot e isto nisk.Rabotnicite vo mkd rabotat poradi toa sto nemaat druga rabota, kjef vo rabota e 0%. Nikoj ne kontrolira kako e napraveno a rabotnikot kako kje si pravi, taka kje ostane.Mozebi kje mi se smeete ama za da rabotis vo gradnizvoto treba da imas obrazovanije, a ne lugje od ulica da si zemas. Ne unistat lugjeto asvalt, ne sme konji, asvaltot sam si raspadnuva.Toa e se...nema kvalitet, nema obrazovanije, za gradenje kukji ili stanovi ne komentiram, se poloso  ------------- |
Posted By: Andrej_LJ
Date Posted: 02-May-2011 at 11:40
Многу ме радува и додатно ме мотивира големиот интерес кон оваа нишка. Гледам веќе е погледната повеќе пати од сите останати во Патеписи. Затоа ви ветувам дека константно ќе биде освежувана и проширувана со нови фотографии од различни места. На прашањата ќе ви одговорам малку подоцна. Да ја продолжиме прошетката низ останатиот интересен дел од центарот на празнична Љубљана.
1) ЦАНКАРЈЕВО НАБРЕЖЈЕ: Ова е всушност најживиот, раздвижен и посетен дел на кејот на реката Љубљаница. Има неколку кафичи, главно собиралиште за жителите и гостите на градот. Погледи од Цанкарјевото набрежје кон Хрибарјево набрежје, од другата страна на реката: 
И самиот кеј. Како што може да се види нема тврди конструкции, огромни надвиснати чадори, масите се подредени на начин на кој нема да пречат на минувачите, локалите се уредени едноставно и непретенциозно: 
Продолжуваме кон најстрогиот центар, односно во насока на Конгресни и Прешерноу трг: 
 ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 02-May-2011 at 11:52
Се искачуваме кон Конгресни трг, преку едно мало мостче, од каде се нуди веројатно најубавата и експлоатирана гледка во Љубљана. Поглед кон Тромостоује и Прешерноу трг:
Конгресни трг е најголемиот централен плоштад на Љубљана, кој сега е затворен (веќе трета и според најавите последна година) поради изградба на голем подземен паркинг. Изграден е во барокно време. Плоштадот изобилува со високи, стари и убави дрвја, кои нудат незаменлива сенка во топлите летни месеци и создаваат убаво место за одмор и собиралиште на младите луѓе. Токму заради постоењето ан дрвјата, гаражата се гради со подземен метод на изградба, да се одбегне нивното сечење или сушење. Поголем дел од плоштадот е завземен од паркот, кој се именува Звезда, поради симетричната форма на патеките (изгледаат точно како Македонското знаме погледнати од високо). Тука е поставена голема скулптура на котва, која го симболизира припојувањето на регионот Приморска, кон матичната држава-Словенија. Околу овој плоштад, се наоѓаат неколку амбасади, Љубљанската Филхармонија, зградата на Рефератот на Универзитетот на Љубљана, Уршулијанската црква, бившите Казина и други важни државни и репрезентативни објекти. За жал скоро целиот е ограден и достапот е забранет. Ректоратот: 
------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 02-May-2011 at 11:57
|
2) ВОЛФОВА УЛИЦА:
Оваа улица иако е доста мала и кратка, е една од најотмените и скапи улици во градот. Ги сврзува Конгресни и Прешерноу трг. Пред неколку години, откако беше укинат автобускиот превоз низ строгото централно градско подрачје, беше целосно реконструирана во ист стил со сите околни улици: 
Оражноу Дијашки Дом (Оражноу Ученички Дом) е ученички дом, основан од словенскиот интелектуалец Иван Оражен и е едно прекрасно место за живеење на учениците. Првично бил наменет за студентите кои студираат медицина во Љубљана, уште пред Првата Светска Војна: 
И повторно доаѓаме на Прешерноу трг: 
Се веат знамињата на ЕУ, Словенија и Љубљана:  ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 02-May-2011 at 12:01
|
Неколку интересни нешта поставени в страни од плоштадот:
Најпрестижната адреса во државата: 
Релјефна мапа на центарот на Љубљана-место кое редовно предизвикува внимание и љубопитност на туристите и малите дечиња: 
Информативен пункт за промоција на новиот начин на градски превоз-велосипедите: 
*БицикеЛЈ-најбрз и најефтин превоз низ Љубљана. ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 02-May-2011 at 12:05
|
3) ЧОПОВА УЛИЦА:
Оваа пешачка улица, ги сврзува плоштадот Франце Прешерен и главната сообраќајна улица на Љубљана-Словенска цеста. Тука е централата на престижната Местна Хранилница Љубљанска (Градска Штедилница Љубљанска), денес дел од гигантот НЛБ, Местно Гледалишче Љубљана (Градски Театар Љубљана) и многу шопинг локали. Продолжува се до паркот Тиволи: 
Местна Хранилница Љубљанска-неспорно една од најубавите палати во градот: 
Поглед кон Тиволи: 
И назад кон Прешерен:  ------------- "Тaм, където глупостта е образец, разумът е безумие." Гьоте |
Posted By: phenomenon
Date Posted: 02-May-2011 at 12:10
|
cerkev Marijinega oznanjenja
Црквата на Марииното Благовештение ------------- 開始されていないだけの戦いが失われ、 |
Posted By: Andrej_LJ
Date Posted: 02-May-2011 at 13:25
|
@phenomenon Благодарам за преводот, веќе е сменето
Хрибарјево набрежје, од другата страна на Љубљаница: 
Еден интересен графит: 
Спуштањето на Конгресни трг кон реката, зградата на Ректоратот од друг агол: 
 ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 02-May-2011 at 13:35
|
5) СТАРА ЉУБЉАНА:
Продолжуваме таму, каде што во претходната прошетка застанавме. Во овој дел живееле многу еминентни Евреи: 
Пристигнуваме до Стари трг. Тука се наоѓа средната музичка школа, изградена во 1700тите години: 
Уште еден урбан елемент, кој навистина незнам како се вика-пано за поставување на плакати/афиши. Нешто што многу фали во Скопје, за да немаме бандери, ѕидови и се друго изналепено во неколку слоја со плакати:  ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 02-May-2011 at 13:43
|
6) ГОРЊИ ТРГ:
Црквата на Горњи трг, плоштадчето и пространството околу неа: 
Една интересна зграда, која се простира над улицата: 
Звучна и релјефна сигнализација за слепите лица (на страните на апаратчето има изгравирано легенда, која обележува каде се наоѓате, од каде доаѓаат возилата и колку ленти е улицата-со пипање може да се распознае):  ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 02-May-2011 at 13:45
Продолжуваме понатаму, патна сигнализација (туристичка и обична): 
И Предор под Градом (Тунел под Тврдината), заедно со прекрасната, но запуштена вила: 
Тука ја завршуваме втората прошетка низ градот. ------------- "Тaм, където глупостта е образец, разумът е безумие." Гьоте |
Posted By: Gradinarot
Date Posted: 02-May-2011 at 19:48
|
Симпатичен мал град со средно европски, нема што, како што впрочем и му доликува на тој дел од континентот. Андреј, дали ќе можеш во некоја наредна тура да направиш обиколка на спортските арени, фудбал, кошарка, базени, хиподроми со надалеку познатите Липицанери итн.... ------------- ..... ....... |
Posted By: jonny
Date Posted: 05-May-2011 at 13:41
Овие дена јас ќе прошетам кај мене низ маало (BS3), и ќе добиеш слики од станбена населба. Во комшии ми е и спортскиот комплекс Stožice, така да можам и натаму да одам.
|
Posted By: Рок-Барок
Date Posted: 05-May-2011 at 17:58
|
Супер е Љубљана.. |
Posted By: leonid23
Date Posted: 06-May-2011 at 00:03
|
Najvaznoto si zaboravil da go slikas Zmejoviot most , simbolot na Ljubljana |
Posted By: Bulldozer
Date Posted: 06-May-2011 at 18:02
|
Одлични слики Преубаво, чисто, зелено , се под конец. Импресиониран сум |
Posted By: zabegan
Date Posted: 06-May-2011 at 20:36
|
Posted By: leonid23
Date Posted: 06-May-2011 at 21:59
"Zmajev most" смиболот на Љубљана, го има и на грот на градот .  |
Posted By: BOJAN
Date Posted: 07-May-2011 at 00:08
|
Од фотографиите од Љубљана најмногу се восхитувам на поставеноста на угостителските објекти, т.е. нивниот инвентар низ центарот на градот. Нема тераси, затворени простории, заѕидано, полуотворено... За жал, во Скопје на Кеј или на Орце Николов, ако сакаат можат да изградат и ќенеф на сред пешачка зона. А што убаво беше да се седне на кафе под големата природна ладовина на дрвјата и двата барови на времето на Кеј 13 ноември, мир и тишина за вистински одмор. |
Posted By: UrbanFreak
Date Posted: 07-May-2011 at 00:15
Навистина е симпатичен и мирен град Љубљана, но како што претходно кажа и ПБанкс, после 3-4 дена за нас појужните балканци станува здодевен. Во почетокот се восхитуваш на мирот спокојството тишината на жителите и градот, но набргу копнееш по некоја свирка од кола, некое пцуење, расправија и гласно зборување на улици, џагор па дури и стерилната чистота станува престерилна и досадна. За среќа/несреќа тука се Фужине па човек може во соседството со Босанци, Срби, Македонци, Албанци да чуе по некоја петарда, кавга, свиреж од автомобил, златен ланец и фолк музика од старо БМВ. Секако да вкуси и поубава храна од типичните словенечки крвавице/печенице 
Прекрасна репортажа Андреј  ------------- אל תסתכל בקנקן, אלא במה שבתוכו |
Posted By: Gradinarot
Date Posted: 14-May-2011 at 15:00
|
повторно ги разгледував кадрите од Љубљана, претходно постирани од Андреј и очекувам некаде 2015-2016, здрави, живи, били, Андреј да ни направи една ваква темелна, ако не и потемелна репортажа од Скопје 2014. ------------- ..... ....... |
Posted By: kultuzin
Date Posted: 14-May-2011 at 15:17
| Не сум бил во Љубљана но од сликите ми изгеда супер среден како и секој помал град во Греманија или Швајцарија веројатно и Австрија. Проблемот во сите овие градови е едноликоста и монотонијата. Како што кажаа членовите погоре премногу стерилно и после 2 дена те убива досада. Јас сум сепак поголем љубител на градови како Скопје, Белград или пак некој Италијански , Шпански или Португалски Град, каде што има темперамент и разноликост помалце ѓубре, псуење во сообраќајот, по некоја зрѓана ограда, искршен прозор , неасвалтирана улица, топ ноќен живот и тн. Можеби на 75 години ќе ми се допаѓат градови од типот на Љубљана но сега за сега не е за мене иако веројатно би го посетил на ден два. |
Posted By: Andrej_LJ
Date Posted: 14-May-2011 at 18:27
Ај просветли ме што има врска Љубљана со Скопје 2014? Што имаат врска најновите модели на Мерцедес Цитаро од по 400 000 евра, идеалните тротоари, улици, тревници, плоштади, урбани зони, јавна чистота, висок квалитет на живот во градска средина со Скопје 2014? Доколку Скопје изгледа и е средено приближно вака, како што е Љубљана во моментов (но, тоа нема да биде поради Скопје 2014!), јас нема да ви правам репортажа, туку ќе ве соберам сите на едно луксузно частење. Ама спред мене не се надевајте дека тоа ќе се одржи, иако многу би сакал!------------- "Тaм, където глупостта е образец, разумът е безумие." Гьоте |
Posted By: jonny
Date Posted: 20-May-2011 at 13:46
Да си го исполнам ветувањето. Набрзина сликав, оти немав баш многу време, ама мислам дека е доволно.
Салата Stožice. 
Пак салата. 
Од тука почнуваат зградите. Не се нешто големи, приземје + 4 ката, ама и повеќето се вакви. Нема некои ептен високи станбени комплекси, освен една, која има малце чуден облик, ама мене ми се допаѓа. Ќе ја сликам некој ден и таа.
Оваа патека се користела за времето на војната, мислам за евакуирање на луѓе. Баш пред некој ден имаше некој вид на поход, 10.000 луѓе се претераа кај мене зад заграда во текот на еден ден.
А овие двете се од кај мене од балкон сликани. 
Знам дека не се нешто посебно сликите, ама за толку имав време.
|
Posted By: krale
Date Posted: 20-May-2011 at 14:02
| Не ти се ставени директните линкови од сликите. Треба да направиш sign in na imageshack и ќе ти даде и директни линкови. |
Posted By: toasumjas
Date Posted: 20-May-2011 at 14:49
Чефурите живеат таму 
|
Posted By: jonny
Date Posted: 20-May-2011 at 15:06
|
Еве, поправено е сега. Фала krale
Иначе, да, во Фужине се концентрирани Чефурите. Ама почнаа да се шират и на другите делови на Љубљана. Кај мене во маало има еден младински центар, таму врие од чефури. Залижани во косите, со ланците oд пола кило, и став ала “причај српски да те цео свет разуме“
|
Posted By: 4skopje
Date Posted: 20-May-2011 at 18:31
| 100 pati sum bil vo Ljubljana.Ljubljana e super,tamn rabota da vikame deka ne e sredeno i cisto itn,itn.Ama da mislime deka nikad nema kaj nas da bide priblizno taka,e stav ispolnet so golem pesimizam i a samiot pesimizam ne dava polet i sila da se trgne napred.Go teraat coveka vo apatija.Mislejki pozitivno i sirejki pozitivna energija sekade(i na forumov),rabotive poleke,poleka ke trgnat napred. |
Posted By: Cloverstack
Date Posted: 20-May-2011 at 18:44
| Ме изненадува обемот на урбано дивјаштво кај станбените згради. |
Posted By: Andrej_LJ
Date Posted: 22-May-2011 at 11:06
|
Кловер, на што поточно мислиш урбано дивјаштво врз зградите? Преградување на балкони итн.? Ајде да продолжам јас да ги покажувам населбите. Јас живеам во населбата Пруле. која е доста блиску до центарот и е градена во периодот 1950-1955 година. Според изгледот на зградите и нивниот просторен распоред, многу потсеќа на скопската Карпош 1.  Пред секоја зграда има задолжително резервирано место за инвалиди:  Во моментот се градат подземни контејнери, така што овие досегашните верувам брзо ќе заминат:  Бидејќи во населбата има само тесни улички, сите се направени едносмерни:  Основното училиште на Прулах:  Еве една добра финта за паркирање на возилата, онаму каде што нема доволно простор за паркирање на коловозот. Затоа е одземен мал дел од тротоарот, но при добро спазување на ограничувањата, има простор и за пешаците и за автомобилите:  ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 11:10
Ова би му дошла главната улица која ја дели населбата Пруле, која се спушта се до реката Љубљаница и љубљанската плажа:  Автомобил на тн. Местно редарство (Градска служба за ред или општинска полиција) и нивните служители кои се задолжени за казнување на неправилно паркираните возила:  Новото пешачко мостче на Љубљаница:  И самата градска плажа, каде се собираат многу млади. Во позадина се гледа блоковската населба Трново:   ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 11:13
Едносмерната улица долж кејот на Љубљаница:  Еве како е тука решен проблемот со паркирањето. Има гаражи во секоја населба во која има блокови, кои се многу едноставни и ефтини за изведба, во истото време максимално практични и ефикасни. Иако се стари, сеуште се употребуваат од страна на сите сопственици:   И пространството пред еден блок:  ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 11:18
Почнуваме долж главната улица на Љубљана - Словенска цеста. Масивната зграда на филолошкиот факултет (сликано од автобус):  Еве го самиот зглобен автобус, МАН;   Еден од поновите автобуси, исто така МАН:  И постојката каде што се симнав, во строгиот центар на градот (постојката се вика Пошта бидејќи тука се наоѓа главната зграда на Пошта Словеније). Забележете дека оваа постојка е доста потесна од останатите, заради ограничениот простор на тротоарите. Исто така нема клупи за седење туку само рамки за наслонување:  ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 11:22
Зградата на Банка Словеније (Централната банка на Словенија), каде се наоѓа и првата од сега веќе 5-те ЗАРА продавници во Словенија (две во Љубљана и по една во Марибор, Целје и Копер). Во позадина се гледа познатата зграда наречена Неботичник (или Облакодер) која е градена во 30-тите години на 20 век и заради нејзината неприкосновена височина во тоа време е наречена токму така: Поглед кон паркот Тиволи (од каде планирам скоро да направам убава посебна репортажа):  Словенска цеста кон Железничката станица:  Зградата на Пошта Словеније:   ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 11:48
Малку автобуси (овој е зголбен Мерцедес Цитаро):   Сега мал прекин, следуваат слики од еден неделен ден. Се качив во автобус на мојата станица (Горњи трг) и отидов до центарот, каде се наоѓаат највисоките деловни згради на Љубљана.   Т.н. Урбаномат-место каде што се купуваат и полнат градските карти за интегриран градски транпост (обично поставени крај главните автобуски постојки), со кои може да се плаќа и паркинг, П+Р, градките велосипеди, сметките кои се должат кон Општината, сите градски музиеи и институции итн.   ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 11:55
Се приближува мојот автобус, модел Ирибус:  Овие модели на Ирибус се сопред мене идеални за град како Скопје, во кој примарен (и за жал единствен) начин на транспорт е автобусот, зато што внатрешноста на самото возило е многу просторна, се дава целосен проритет на местата за стоење пред местата за седење. Исто така и излезните врати се отвараат нанадвор, при што салонот за патници е со зголемен капацитет. Во Љубљана вакви Ирибуси има само единечни, но во цела Италија и Загреб има и двојни, што сметам дека би биле идеални за најоптоварените линии во Скопје (нпр. 2, 5, 15, 41, 50, 57):   Интересна финта, која ја има во секој градски автобус на ЛПП Љубљана е следново- на влезот на автобусот (тука, како и во Скопје се применува (според мене грешното) правило на влез во возилото само од предната врата) има поставено интересно прашање на научна тематика, додека одговорот се наоѓа помеѓу последните две излезни врати. Со тоа ЛПП ги мотивира патниците да се движат кон задниот дел на автобусот, ослободувајќи ја предницата за лица во неравна состојба (инвалиди, пензионери или родители со деца) и намалувајќи ја гужвата. Еве еден таков одговор на тема Вселена:  ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 12:02
|
Се симнувам на главната автобуска станица во ЉубЉана-Баварски Двор, каде се сечат скоро сите градски линии (нешто како Рекорд, Транспортен, Бит Пазар или Буњаковец во Скопје) и сакам да ви ги покажам деталите кои ги содржи секоја постојка. На предниот дел е напишано името на станицата, додека на бочниот се напишани сите линии кои застануваат на истата:  В десно од самиот билборд (само на едната страна има билборд, за да не се наруши погледот на патниците кои чекаат на автобусот кој се наближува) има мапа на линиите, како и број и дестинација на линиите кои тука застануваат:  На другата страна на билбордот (надворешната страна на станицата) има мапа на Љубљана и градските автобуски линии, со симболот Вие сте тука:  На самите стакла се изгравирани огранучувањата-забрането пушење и забрането плакатирање:  На станицата Баварски Двор се лоцирани и Берзата и централата на Автотехна:   ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 12:07
Словенска цеста завршува со најважната раскрсница во градот (улиците Дунајска (или во превод Виенска /Виена-Дунај/), Словенска, Тиволска и Освободилне фронте), во непосредна близина на Железничката станица.   Подвозникот под железничките колосеци во насока Крањ и Копер, во позадина централата на најтиражниот весник во Словенија-Дело:  Тиволска цеста:   ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 12:09
Главната зграда на Телеком Словеније, Електро Љубљана и Автотехна:    Тука за жал ми цркна батеријата на фотоапаратот, затоа следат уште неколку слики од мобилен телефон, кои се со послаб квалитет:     ------------- "Тaм, където глупостта е образец, разумът е безумие." Гьоте |
Posted By: Andrej_LJ
Date Posted: 22-May-2011 at 12:17
И уште една серија, како за крај, од студентскиот кампус на Кардељева плшчад, каде се наоѓаат факултетите за економија, администрација, педагогија и општествени науки, како и два студентски дома- Дом Подипломцеу и ФДВ (Факултета за дружбене веде-факултет за општествени науки). Треба да се напомене дека ова се државни објекти, во склоп на Универзитетот на Љубљана! Факултетот за администрација:  Студентскиот дом ФДВ:  Влезот на факултетот за општествени науки:   Корпусот на библиотеката на ФДВ и студентските мензи и кафулиња:   За крај, враќајќи се дома, прв пат начекав еден од релативно новите автобуси во Љубљана-серијата мидибус (односно нешто помеѓу класичен и мини автобус):   Чиирс!------------- "Тaм, където глупостта е образец, разумът е безумие." Гьоте |
Posted By: FoSsiL
Date Posted: 22-May-2011 at 12:22
|
Факултет за Администрација? Хмм... добро би дошло и кај нас нешто такво... А за презентацијава само пофални зборови... Љубљана е убав град, а и ти си направил убави фотки... ------------- Македонија - Земја на чудата! |
Posted By: Andrej_LJ
Date Posted: 22-May-2011 at 12:26
Да, се изразив непотполно-се работи за факултет за јавна администрација. Иначе ти благодарам за убавите зборови, мило ми е што ти се допаѓа мојот труд, а ме радува и големиот интерес кон оваа нишка! ------------- "Тaм, където глупостта е образец, разумът е безумие." Гьоте |
Posted By: FoSsiL
Date Posted: 22-May-2011 at 12:36
|
Па да... отприлика и јас мислев за тоа, државна, јавна администрација. Тогаш мислам дека ќе се подобри многу состојбата... зашто ќе имаме специјализирано обучени кадри кои исклучиво би работеле во администрација... А воедно нема да има вработувања на некомпентентни луѓе... Од друга страна пак е добро што ќе се има некоја ограничена квота... и ќе можеме да ги проценуваме и задоволуваме потребите во администрацијата многу лесно... И да го знаеме точниот број на истата... Така мислам дека доволно би се оптимизирала администрацијата во Македонија... Во секој случај мислам дека е навистина добра работа... иако имаме уште многу да работиме на самата администрација (како поим, систем и нејзино разбирање) преку законски одредби, но ова би бил одличен чекор... Дури има мислам простор и за иновирање и подобрување на системот преку самиот факултет... Уште еднаш, само продолжи со презентацијата, не запирај, те следиме... ------------- Македонија - Земја на чудата! |
Posted By: гитардемон
Date Posted: 22-May-2011 at 13:01
| . |
Posted By: jonny
Date Posted: 22-May-2011 at 14:29
|
Една поправка: погоре кај што имаше напишано зградата на Филолошки факултет, тоа е всушност средно хемиско, техничко и какво уште не училиште.
Наспроти е Филолошкиот факултет
|
Posted By: Cloverstack
Date Posted: 22-May-2011 at 17:29
@ fossil Непотребен офтопик... |
Posted By: jonny
Date Posted: 22-May-2011 at 18:55
|
Во мојата населба, безмалку сите си ги имаат така заградено дворчињата.
Или па си го имаат продолжено станот со + 2,3 соби. Мислам дека тоа е во нивна сопственост, не е на цела зграда и можат да си прават што сакаат. |
Posted By: N23
Date Posted: 04-Jul-2011 at 22:18
|
Еве неколку мои слики од Љубљана
http://imageshack.us/photo/my-images/97/dsc03120xx.jpg/"> 
http://imageshack.us/photo/my-images/535/dsc03135g.jpg/"> 
http://imageshack.us/photo/my-images/64/dsc03146iw.jpg/"> 
Мрдната работа Млеко од автомат
http://imageshack.us/photo/my-images/41/dsc03148rk.jpg/"> 
http://imageshack.us/photo/my-images/4/dsc03157a.jpg/"> 
http://imageshack.us/photo/my-images/14/dsc03159er.jpg/"> 
Веројатно седиштето на НЛБ Банка. Најверојатно лузната на Љубљана, поради местоположбата http://imageshack.us/photo/my-images/534/dsc03163l.jpg/"> 
Собрание на Република Словенија http://imageshack.us/photo/my-images/535/dsc03164fx.jpg/"> 
http://imageshack.us/photo/my-images/148/dsc03172u.jpg/"> 
http://imageshack.us/photo/my-images/146/dsc03181x.jpg/"> 
Стар Град http://imageshack.us/photo/my-images/842/dsc03185xy.jpg/"> 
http://imageshack.us/photo/my-images/696/dsc03201e.jpg/"> 
Панорамски поглед на Љубљана http://imageshack.us/photo/my-images/339/dsc03198r.jpg/"> 
http://imageshack.us/photo/my-images/696/dsc03201e.jpg/">
|
Posted By: DtheGreat
Date Posted: 04-Jul-2011 at 23:18
|
Епа вака, после подолг период од само следење на форумов, се решив да се регистрирам.
И јас сум од Љубљана, не сум архитект меѓутоа сакам архитектури, градби и патувања
Видов дека некој праша за Љубљана и комунистичките згради тука, Андреј не го познавам, инаку браво за сликите, ама јас живеам во Штепанско и тука се крш социјалистички згради иако сум на 15мин. од центар
деновиве ќе сликам и ќе ви ставам слики, а ќе одам и до Фужине и Шишка и они се полни со сивила и бетон.хехе Инаку, горе што имате спомнато за Талин и Љубљана, да го кажам моето мислење дека се работи за два сосема поинакви града и типови на архитектура и во Талин згдарите се многу, многу постари (датираат дури и од 15век и нормално не се толку сочувани), а во Љубњана сите се од 18 век па наваму, инаку како урбанистичка целина, не дека сум од Љубљана, ама ќе кажам дека е поубава, посредена и се е под конец! А и Талин е прекрасен, бидејќи е стар и уникатен! очекувајте патеписи и од мене, оти имам многу слики на компјутер од моите патувања од Европа, Азија и Америка 
поздрав и извинете ако направам некоја грешка во пишување !
|
Posted By: Makedonij
Date Posted: 06-Apr-2012 at 13:57
|
Љубљана е закон место, таму пораснав, и ја знам на памет, овие улици '' об Љубљаници'' се реновирани во поселдните години, истотака и кејот во тој дел на градот, порано старото местно јадро против Трново (населба) не изгледаше прекрасно како на сликите, од магистратот накај трново истотака не беше средено. Инаку Љубљана цветна и се уреди во последните 10 години, односно нон стоп се уредува и е прекраен град.
------------- ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ |
Posted By: BOJAN
Date Posted: 12-Aug-2012 at 10:48
|
Андреј или кој и да знае, колкав временски период би било неопходно да се биде во Љубљана за да се видат нејзините главни знаменитости? Исто така, вреди ли да се купи таа нивна картичка Урбана, нормално онаа за туристи? |
Posted By: Andrej_LJ
Date Posted: 12-Aug-2012 at 11:17
|
Бојан според мене за Љубљана се сосема доволни два дена (ако посетуваш на јуриш можеш да ги стиснеш и во еден ден). Ако сакаш да уживаш во атмосферата на самиот град, можеби е добро да си земеш уште еден, трет ден. Но, сепак мислам дека два дена се сосема доволни. Што се однесува до Урбаната, мислам дека ти се исплати само ако: -посетиш барем 3-4 музеи -ја посетиш тврдината (Љубљански град + жичарата + музејот горе) -хотелот ти е понадвор од центар па ќе коризстиш градски транспорт. Можеш да купиш Урбана за еден ден па да ги видиш на брзинка, наместо да плаќаш за два дена. Ако ги купиш онлајн, добиваш 10% попуст на секоја Урбана. Еве ти линк каде имаш информации: http://www.visitljubljana.com/en/ljubljana-and-central-slovenia/ljubljana-tourist-card/ ------------- "Тaм, където глупостта е образец, разумът е безумие." Гьоте |
Posted By: BOJAN
Date Posted: 13-Aug-2012 at 00:19
Ти благодарам за драгоцените совети, ќе ми служат за периодов . |
Posted By: N23
Date Posted: 13-Aug-2012 at 00:29
|
Од мое искуство, најзначајните знаменитости во Љубљана можат да се видат во некој 10 часовен интервал, нормално со паузи за добро јадење Мој предлог ти е ако остануваш неколку дена во Љубљана да тркнеш со Интерсити Словенија или до Цеље или до Марбиор, нарочито до Марибор, нема да згрешиш, само цената на картите е малку солена
------------- 23ka.wordpress.com |
Posted By: BOJAN
Date Posted: 23-Dec-2016 at 16:08
Зарем е можно да не сме ја коментирале Љубљана толку долго време? Повеќе од четири години? А толку многу работи се променети во Љубљана. Словенска цеста е променета, пешачките зони во центарот на градот се шират, градчево постана зелена европска метропола, џамијата им е при крај... барем се трудат да се претстават како народ open-minded. Следуваат фотографии од Љубљана од летово:
|
Posted By: FlytheSky
Date Posted: 19-Jan-2017 at 20:27
|
Бојан мое мислење е прво Словенците не се балканци, иако и таков назив не постои. Затоа Љубљана така изгледда историски Словенија секогаш припаѓала на запад за разлика од вистинскиот балкан. ------------- Критичар за критика |
Posted By: Zelenikovo
Date Posted: 04-Nov-2017 at 00:43
|
во моментов и те како се, бар со напливот нѐ екс-југословени в Словенија, иако реално политиката сеуште им е прочистена, но ете го довчерашниот градоначалник на Љубљана чинам беше Јанкович ако не се лажам со српско потекло ... нејсе, имаат и доста зицеридоколку ги барап, пример патот за Литија нема велосипедска патека, пример немаат решение за арпаџик баскерите од цела европа, потем им фали затворена чекална кај железничката и автобуската итн. итн. ако се бара среден град на овие простори, може да се каже дека тоа е Загреб, иако пак таму јако дрма хулиганството, па вечерните прошетки се ризична појава, но затоа скитањето преку ден дури и во зафрлени предградија не е опасност, па макар се шетале со брада до стомак, нормално доколку сте белец ... |
Posted By: Kid_A
Date Posted: 04-Nov-2017 at 08:11
Тоа се минорни проблеми коишто многу лесно може да се санираат во блиска иднина. За разлика од кај нас што не се знае од кај да се почне и што да се средува, затоа што градовите ни личат на афрички џунгли. Словенија е прекрасно уредена земја со прекрасен народ и култура неспоредлива со нашата. |