Во Гевгелија е забележана зголемена градежна активност. Според известувачот на Нетпрес од овој град, се финишираат работите околу изградбата на Домот за стари лица, чиј што инвеститор била скопската фирма „Беграмо инжењеринг“, а ќе се наоѓа на патот кој води кон Негорските бањи.
Во непосредна близина на железничката станица во Гевгелија на излезот од градот, во полн ек се наоѓале работите за изградба на нова бензинска пумпа на Макпетрол, а до неа ќе се градел и деловно-трговски центар.

СРЕДБА НА ГРАДОНАЧАЛНИЦИТЕ НА СКОПЈЕ И ГАЗИ БАБА

Нова населба за 5000 жители во Хиподром

Израелци ќе развиваат туризам на Илинска Планина

Ќе се градат хотели, ски-лифтови и лифт-вагони од селото Железнец до планинскиот врв

ДЕМИР ХИСАР - Израелски бизнисмени се заинтересирани да градат зимски туристички центар на Илинска Планина висока околу 2.000 метри која се наоѓа во близина на Демир Хисар. Од општината потврдуваат дека завчера Израелците го разгледале теренот. Според плановите на странците, туристичкиот комплекс би се градел на Илинска Планина, во близина на манастирот „Свети Илија“ кај селата Мало и Големо Илино. Ќе се градат хотели на највисоката точка на планината, ски-лифтови и лифт- вагони за патување на релација од селото Железнец се' до врвот на планината.

„Израелска делегација е на гости во Демир Хисар. Тие сакаат демирхисарската планина да ја претворат во туристичка атракција. Ќе инвестираат за да го заживеат крајот со зимски туризам“, најави градоначалникот Љупчо Најдовски.

Она што засега му недостасува на овој крај е инфраструктура според стандардите на странците, велат локалните власти, надевајќи се дека тоа нема да ги одврати од намерата.

Грчки бизнисмени заинтересирани за изградба на хотели и казина во Демир Хисар се откажаа од големите планови откако пред некој ден видоа партиски симболи на ВМРО-ДПМНЕ, знамето од Вергина и лавот на училишната спортска сала во изградба. Според Најдовски, Грците биле заинтересирани да градат на општинско земјиште на површина од 17.000 квадратни метри и да го преуредат целиот комплекс. (Б.Т.)

Ќе се урива зградата на старата библиотека во Охрид

03.03.2008 19:56  - Нина Кепеска

Со одлука што треба да ја донесе Владата, ќе се урива зградата на поранешната градска библиотека во Охрид и на нејзино место ќе има атрактивен плоштад со отворен поглед од езерото и пристаништето кон црквите, Долна порта, Самуиловата тврдина и стариот град, чија визура е затворена од големиот објект кој го нагрдува градот на УНЕСКО.

„На наш трошок ние веднаш ќе пристапиме со рушење на библиотеката. Ако денеска ја донесе одлуката Владата, ние уште од утре ќе почнеме да ја рушиме“, рече Александар Петрески, градоначалник на Охрид.

Според заштитно-конзерваторските основи што за просторот Табана ги изработи Заводот за заштита на споменици и музеј - Охрид, а ги усвои Управата за заштита на културното наследство, општината даде зелено светло за изработка на нацрт план за урбанизација на овој простор, за кој на крај ќе гласаат градските советници.

„Се предвидува реконструкција врз основа на постоечките артефакти коишто ги имаме на теренот, реконструкција на јужната кула од Долна порта, реконструкција на дел од периметралниот бедемски ѕид на подградието од Самуиловата тврдина и рушење на објектот каде што беше сместена градската библиотека“, изјави Тања Паскали Бунташеска, директор на Завод и музеј - Охрид.

Според градската власт, старата библиотека ќе се урива овој месец, а до почетокот на летната сезона треба да нејзино место да изникне плоштад со споменик на значајна личност од Охрид.

И покрај неколкугодишните барања до централната власт, до реализација на оваа иницијатива доаѓа по објавувањето на прилогот на А1.

Локалната самоуправа во соработка со Министерството за култура сака овде да се направи и туристичка пешачка патека што ќе води од Долна до Горна порта покрај бедемите на Самуиловата тврдина, што треба да се возобноват.

По продажбата на земјиштето за хотел и трговски центар минатата година, градежната парцела на улицата Железничка (спроти "Љуц") за изградба на деловен објект на шест ката ќе се оттуѓува идниот месец

Најдоцна за три години на просторот зад Рамстор, на улицата Железничка ќе треба да се изгради комплекс со луксузен хотел, трговски центар и деловен-бизнис центар. Земјиштето за хотелот и трговски центар беше продадено по пат на лицитација минатата година, а градежната парцела за изградба на деловен објект на шест ката ќе се оттуѓува идниот месец.

Министерството за транспорт и врски деновиве ги објави условите и начинот за учество во јавното наддавање. Право на учество имаат фирми кои самите поседуваат или пак се поврзани со компании кои се сопственици на најмалку пет бизнис објекти, кои во последните три години имаат инвестирано во недвижности од најмалку 500 милиони долари и кои котираат на една од берзите на земјите-членки на ЕУ, Јапонија, САД, на ОЕЦД, или пак се компании контролирани од Регулаторно тело. Почетната цена на јавното наддавање е 8.500 денари од метар квадратен. Вкупната површина на државното земјиште што се оттуѓува изнесува 4.700 метри квадратни, а површината на објектот е околу 2000 квадрати на приземје и шест ката во висина до 21 метри.

На истата локација хотел ќе гради "ХЛХ Мак", фирма која стана сопственик на парцелата од 5000 квадрати откако на јавно наддавање понуди 8.500 денари за квадрат, а на 5.400 квадрати "Елан Пропертис" ќе го гради трговскиот центар за што плати 24.800 денари за метар квадратен.

- Двете фирми ги уплатија средствата во износ од износ од 41.905.000 денари, односно 133.622.400 денари или заедно близу три милиони евра, договорите се потпишани и очекуваме градежните работи да почнат до почетокот на идниот месец. Согласно договорот, изградбата на двата објекти ќе треба да ја заврши за две години - вели портпаролот на Министерството за транспорт и врски Драган Симоновски.

Ќе се урбанизира просторот од граничниот премин Богородица до мостот на вардар крај Гевгелија. Превидени се хотели, казина, бензинска пумпа и други објекти.

Во рамките на Програмата на приоритетна изработка на урбанистички планови за 2008 година што ја донесе Владата, спаѓа и урбанизацијата на локалитетот во близина на Богородица.  Предвидено е на просторот да се изградат хотели, казина, бензински пумпи и други објекти. Како што јавува дописникот на Нет прес од Гевгелија, овие планови се финансирани од државната каса, а, на тендерот победи фирмата “Ин – пума “ од Скопје.

Се урбанизира и просторот меѓу населените места Мрзенци и Негорци, за изградба на болница, хотели, бензинска пумпа. 

http://www.netpress.com.mk/vest.asp?id=26870&kategorija=1 - Netpress

Активностите на локалната самоуправа во оваа година ќе бидат насочени кон реализација на повеќе проекти, вели градоначалникот на Гевгелија, Драги Делев.

Ќе се стартува со изградба на ново Градско пазариште, чија реализација се чека повеќе од десет години, пренесува дописникот на Нетпрес од Гевгелија.

Изборите ги одложија лицитациитенадржавни земјишта

Вчерашното јавно наддавање за продажба на земјиштето на улицата Железничка, на која треба да се гради деловно-комерцијален објект, се одложи на неодредено време. Причина за одлагањето на вчерашното и на останатите планирани наддавања, како што велат од Министерството за транспорт и врски, се распишаните парламентарни избори, кои ќе се одржат во јуни. За датумот и времето на одржување на јавните наддавања, Комисијата за спроведување на постапките за јавно наддавање дополнително и благовремено, по писмен пат ќе ги извести пријавените понудувачи, потенцираат од Министерството. Инаку, градежната парцела на улицата Железничка е со површина од 4.700 квадратни метри, а како посебни услови во објавата е наведено компаниите да поседуваат најмалку пет деловни објекти, да имаат капитал во инвестиции во недвижности од најмалку 500 милиони долари, остварени во последните три години и да котираат на една од светските берзи. Почетната цена на јавното наддавање е 8.500 денари.

(А.П.)

И Штип добива своја Сончева Долина

Населбата го доби името Блок 2.000 и во неа веќе се градат првите четири приватни куќи

Иван Бојаџиски

Штип - Населба за богати луѓе од типот на скопската Сончева Долина никнува и во Штип. Населбата го доби името Блок 2.000 и во неа веќе се градат првите четири приватни куќи. Нивните сопственици купија плацови од по илјада квадратни метри на кои ги градат своите нови, луксузни и удобни живеалишта, во чии дворови треба да никнат рајски градини, базени, простори за одмор и рекреација. Меѓу првите градители се и штипјани кои направија пари живеејќи во Скопје, но решиле да си направат комфорни живеалишта во родниот град, да им се најдат за стари денови.

„На тој простор имаме разработено триесет локации. И во Штип, во времето на транзицијата, се создадоа богати поединци кои не жалат пари за новите семејни гнезда со највисок комфор. Засега се продадени само четири плаца, но интересот да се има убав дом токму на тој простор е прилично голем. Сепак, во целата оваа приказна има и еден голем проблем. А тоа е фактот што земјиштето е во државна сопственост, па со него не можат да располагаат општините кои се во состојба многу побргу и поквалитетно да одговараат на барањата на заинтересираните. Проблем е и тоа што инвеститорите бараат населбата прво инфраструктурно да се уреди за да бидат сигурни дека нема во своите луксузни куќи да се вселуваат газејќи по калливи патишта. Тоа сега го нема, зашто државата бара инвеститорите прво да платат за инфраструктурата, а потоа да се изгради. Што се однесува до нас, навреме одговараме на барањата на нашите сограѓани кои сакаат да живеат во една ваква населба“, вели Душко Стојанов, раководител на Одделението за урбанизам и заштита на човековата околина.

Она што ја издвојува оваа населба од другите е нејзината извонредна локација. Населбата е сместена на една височинка од која на југозападната страна се простира поглед на цел Штип, а на југоисточната погледот наскоро ќе ги милува водите на вештачката акумулација на реката Отиња, која локалната власт најавува дека наскоро ќе почне да ја гради.

Штипските урбанисти сметаат дека само оваа населба нема да може да ги задоволи барањата на сите богати штипјани кои сакаат повисоки стандарди на живејачка, за што се подготвени да платат колку што треба.

„Факт е дека оваа населба за имотните има лимитиран потенцијал и дека градот ќе мора да бара и други локации и да урбанизира простор за т.н. сателитска населба. Среќа е тоа што градот има повеќе такви погодни простори кои се одделени од градската целина, а сепак се во близина на Штип. Такви се локациите над бањата Кежовица, кај селото Криви Дол, на излезот од Штип кон Радовиш… Сосема сум сигурен дека до крајот на 2010 година, барем на една од овие локации, ќе никне првата поголема сателитска населба во близина на Штип“, вели архитектот Благој Здравев, сопственик на проектантското биро „Слерме проект“.

Амбасадите и музеите добија приоритет

За сметка на овие капитални објекти се намалени парите предвидени за изградба на основни и средни училишта, училишни спортски сали  и на студентски домови

За северната трибина на Градскиот стадион се предвидени околу шест милиони евра повеќе отколку во буџетот донесен лани

Изградбата на музеи, концертни сали, театри, спортски објекти и на амбасади во странство годинава ќе добие приоритет пред градењето основни и средни училишта, училишни спортски сали, водоводи и проекти за гасификација. Со измените во буџетот за годинава, Владата ги зголеми расходите за капитални инвестиции за 25,4 отсто. Најмногу од нив ќе се искористат за изградба на амбасади во странство и објекти од културата. Расходите на Министерството за надворешни работи наменети за купување и за изградба на амбасади на Македонија во странство се зголемени за околу три милиони евра. Повеќе пари доби и Министерството за култура, чии трошоци за градење капитални објекти пораснаа за 2,9 милиони евра. Парите се наменети за изградба на Стариот театар, Градската куќа и за реконструкција на куќата на Мајка Тереза во Скопје, како и за монументална фонтана на скопскиот плоштад Македонија. Ќе се градат и музеј на вода во Охрид, а метрополата ќе добие музеи посветени на ВМРО и на жртвите од комунизмот. Дел од парите е наменет за изградба на Универзитетот на Свети Климент кај Плаошник, надградба на Универзитетската библиотека во Скопје, театар во Велес, како и за нова концертна сала за Македонската филхармонија. За доизградба на северната трибина на Градскиот стадион во Скопје се предвидени околу шест милиони евра повеќе отколку во буџетот донесен пред почетокот на годинава.

ПОМАЛКУ ПАРИ ЗА УЧИЛИШТА

За сметка на овие капитални објекти, намалени се парите предвидени за изградба на основни и за средни училишта, училишни спортски сали и на студентски домови. Наместо тоа, ќе се реконструираат постојните, а зголемени се расходите за изградба на капитални спортски објекти. Со ребалансот на буџетот, парите предвидени за изградба на основни училишта се намалени за 1,6 милион евра, а тие за инвестиции во спортски објекти се зголемени за 2,8 милиони. Министерот за финансии Трајко Славески објаснува дека зголемувањето или намалувањето на планираните расходи за одредени капитални инвестиции се должи на тоа што надлежните имале една процена во октомври, кога се проектираше буџетот, но дел од работите на терен досега се промениле.

- Направивме процена кои проекти може да се завршат, а кај кои се појавиле застои или проблеми при реализацијата. Кај таквите, парите наменети за нив се пренасочуваат на друг проект, којшто е поприоритетен или има изгледи да се заврши поскоро. Тоа не значи дека парите за капиталните објекти во образованието се скратени. И реконструкцијата на училиштата се смета за капитална инвестиција - вели Славески.

ОБИКОЛНИЦИТЕ ЌЕ ПОЧЕКААТ

Со ребалансот на буџетот, парите наменети за изградба на обиколница околу Виница и Стар и Нов Дојран, како и за изработката на студии за гасификација целосно се пренаменети за други цели. Помали расходи се предвидени и за санација на свлечиштата, за изградба на фекални канализации во неколку рурални подрачја, за подобрување на водоснабдувањето во Тетово и во Свети Николе. Дел од буџетот е планиран и за хидросистемите Злетовица и Лисиче. Од Владата објаснуваат дека голема инвестиција во образованието годинава ќе биде целосното реализирање на проектот „Компјутер за секое дете“, при што ќе бидат вложени и 9,5 милиони евра за средување на електричната инсталација во сите училишта. Професорот на Универзитетот на Југоисточна Европа, Мирољуб Шукарев смета дека е подобро парите од зголемениот буџет да се потрошат за проекти што ја поттикнуваат стопанската активност.  Со тоа дополнително ќе се зголеми јавната потрошувачка, а тоа ќе го подгрее порастот на инфлацијата. Со ова, надворешните фактори за пораст на трошоците на живот - поскапувањето на храната и на нафтата на глобалниот пазар - ќе се дополнат и со домашен - предупредува тој.

По почетна цена од 8.500 денари за еден квадратен метар, ќе се продава уште една парцела зад старата железничка станица. Информацијата за продажбата стои на интернет-страницата на Министерството за транспорт и врски, а станува збор за локацијата до градилиштето за хотелот „Резидор“, каде што општината Центар почна да руши неколку бараки на Владата и на јавното претпријатие „Јасен“. Според деталниот урбанистички план „Стара железничка станица“, на земјиштето предвидено е да се гради деловен објект. Градежната парцела ќе се простира на околу две илјади квадратни метри од вкупните 4.700, а дозволената висина на објектот е 21 метар. Учесниците во јавното наддавање ќе треба да уплатат и депозит во износ од 3.995.000 денари односно 10 отсто од почетната цена. Во условите е наведено дека заинтересираните инвеститори, меѓу другото, ќе треба да поседуваат најмалку пет деловни или бизнис објекти и да имаат капитал во инвестиции во недвижности од минимум 500 милиони американски долари. Пријавите за учество треба да се достават најдоцна до први септември. Паралелно со оваа локација е ограден просторот за изградба на ексклузивниот хотел со пет ѕвездички од синџирот „Резидор“. Засега се вади само асфалтот, а дрвјата и канделабрите во оградениот плац се уште стојат. Хотелот треба да има 130 соби, 15 претседателски и десет луксузни апартмани, неколку сали, како и ресторан, бар, фитнес-сала и базен. Продажбата на државното земјиште, каде ќе се гради овој објект, беше проследена со многу обвинувањата од опозициската СДСМ која тврдеше дека не се правел избор меѓу странски компании, туку дека зад целиот проект стои газдата на „Орка“. Сопственик на земјиштето стана фирмата „ХЛХ МАЦ ЛЛП“ која на јавно наддавање ја купи парцелата за 8.500 денари за еден квадратен метар. Целиот потег зад поранешната железничка станица, од новата зграда до „Рамстор“ која ја гради НЛБ-групацијата, па се до дисконтот „Тинекс“, до Цветниот пазар, изминативе години е цел на продажба за изградба на неколку објекти. До хотелот од синџирот „Резидор“, продадена е уште една парцела предвидена за трговски центар, а на местото на пазар за цвеќе во деталниот план е планиран простор за пазар од затворен тип.

Ili pak mozebi e lokacijata zad Equest odejki kon Kisela Voda sto se protega do nadvoznikot bidejki tamu ima baraki so kancelarii i e vednas zad Stara Zeleznicka

Нов град се ѕида на падините на Водно

Кај поранешното Олимписко село во изградба се дваесетина згради, а околу десет се веќе при крај

Зад влезот на Олимписко село веќе е почнат нов објект

На местото на Олимписко село на Водно се случува градежна инвазија. Ниските падини на Водно, кои се водат како градежен реон, се освојуваат од инвеститори. Локациите што до вчера беа зелени површина сега се покриваат со бетон. Се уриваат старите објекти и бунгалови и на нивно место се градат висококатници. Во моментов во изградба во и околу Олимписко село се дваесетина згради високи и до седум ката. Десетина други веќе се завршени.

ОФАНЗИВА НА ЗЕЛЕНИЛОТО

Дека на Водно се гради на големо најавува и патот што води кон хотелот „Панорама“. За потребите за поставување на инфраструктурата тој е раскопан во должина од 100 метри и половина од асфалтот го нема. Лево од почетокот на кривината, каде што се наоѓа и таблата на која пишува „Парк-шума Водно“, веќе може да се видат три згради при крај, а зад влезот на Олимписко село веќе е почнат нов објект. Се гледаат работници што ја ставаат првата плоча. Инвеститор е турска фирма. Малку подолу има уште десетина нови згради со бели, зелени и сини фасади. Комплексот, велат од Општина Центар, е продаден уште пред шест години. Тој беше дел од стечајната маса на угостителскиот гигант „Метропол“. Досега, изјавија оттаму, тој е неколку пати препродаван. Немаме информација чие е сега Олимписко село. Кај нас се издаваат само градежни дозволи, но податоци за сопственоста не поседуваме - објаснија од Општина Центар.

ИНТЕРЕС ГОЛЕМ, ПРОДАЖБА СЛАБА

Цената за квадратен метар за становите што се продаваат во овие згради е различна. Од скопските агенции за недвижности велат дека се движат од 1.100 евра до 1.600 евра за квадратен метар. Под 1.100 евра не може да се најде стан на Водно. Сепак, и покрај атрактивната локација, на падините на Водно, односно блискоста на зеленило и далечината од градската загаденост, продажбата не оди како во другите населби.Во агенцијата за недвижности „Асторија“ велат дека продажбата на становите во овие згради оди слабо.-Има побарувачка, но не можеме да кажеме дека е голема како онаа за центарот на градот. Центарот во секој случај е најбаран. За Водно може еден месец да има голема побарувачка, а потоа 11 месеци да не е воопшто актуелно - велат во „Асторија“.