Print Page | Close Window

Булевар Митрополит Теодосиј Гологанов

Printed From: build.mk
Category: Главни теми
Forum Name: Градска инфраструктура
Forum Discription: Улици, булевари, сигнализација, јавен превоз...
URL: http://www.build.mk/forum/forum_posts.asp?TID=1300
Printed Date: 28-Mar-2024 at 09:13


Topic: Булевар Митрополит Теодосиј Гологанов
Posted By: Cloverstack
Subject: Булевар Митрополит Теодосиј Гологанов
Date Posted: 13-May-2011 at 14:39
ПОЧНА ПРОШИРУВАЊЕТО НА УЛИЦАТА МИТРОПОЛИТ ТЕОДОСИЈ ГОЛОГАНОВ

Градот Скопје денеска /13.05.2011 година/ ја почна реализацијата на првата фаза од капиталниот проект за проширување и реконструкција на улицата Митрополит Теодосиј Гологанов. Проширувањето на оваа сообраќајница ќе се реализира на потегот од улицата Франклин Рузвелт до улицата Костурски херои (еден крак) и кон улицата Мито Хаџивасилев Јасмин до свртувањето в десно кон улицата Народен фронт (втор крак). Стартот на градежните работи на оваа улица го означија градоначалникот на Град Скопје, Коце Трајановски и премиерот на Република Македонија, Никола Груевски.

- Денеска почнуваме уште еден во низата капитални проекти кои што ќе имаат огромно позитивно влијание врз идниот развој на Скопје и ќе ги подобрат условите за живот на неговите жители – проектот за проширување и реконструкција на улицата Митрополит Теодосиј Гологанов. Градежните работи на оваа улица ги почнуваме во пресрет на летото кога очекуваме нивото на сообраќај во градот значително да се намали, а со тоа и да се создадат добри услови за работа. Улицата Митрополит Теодосиј Гологанов наскоро ќе прерасне во модерна сообраќајница. Таа ќе се проширува од десната страна во насока од општината Карпош кон општината Центар во вкупна должина од 1.600 метри. Сообраќајницата ќе добие 4 сообраќајни ленти (по две во секоја насока) со вкупна широчина од 13 метри и тротоари од двете страни со широчина од по 3,5 метри. Од десната страна на булеварот ќе биде поставено ново улично осветлување. Се предвидува и посебен џеб за возилата од јавниот превоз, како и пешачки и велосипедски патеки на тротоарите. Атмосферските води од новопроширената улица ќе се слеваат во постоечката атмосферска канализација која што е во функција. Во текот на градежнитеработи за проширување на улицата Митрополит Теодосиј Гологанов ќе се изврши усогласување на подземните инсталации – рече градоначалникот Трајановски.

Тој додаде дека при проширувањето, улицата 9.Мај ќе биде отворена како еднонасочна, при што овој дел ќе биде семафоризиран. Еднонасочен сообраќај ќе се воведе и на улицата Костурски херои. Исто така, семафоризација ќе биде направена во делот на свртувањето од улицата Мито Хаџивасилев Јасмин кон улицата Народен фронт, при што и оваа уличка ќе добие четири ленти.

- Она што ќе биде белег на овој проект, а воедно и заштитен знак на оваа модерна сообраќајница, е турбо кружниот тек што ќе се формира во делот меѓу улиците Митрополит Теодосиј Гологанов, Костурски херои и Мито Хаџивасилев Јасмин (кај Католичката црква). Овој кружен тек ќе претставува прв објект од ваков тип во Скопје. Приливот на возила кон кружната крстосница ќе го контролираат двете нови семафоризирани крстосници, на улицата 9.Мај и на свртувањето кон улицата Народен фронт. Реализацијата на проектот во голема мера ќе придонесе за решавање на сообраќајните проблеми во централното градско подрачје, ќе се зголеми проточноста на возила и ќе се намали времето на патување, што ќе придонесе за заштита на животната средина. Треба да се нагласи дека формирањето на кружниот сообраќаен тек директно ќе влијае врз зголемувањето на безбедноста во сообраќајот во овој дел од градот – потенцира Трајановски.

Претседателот на Владата на Република Македонија, Никола Груевски, истакна дека ваква градежна експанзија Скопје не памети од по земјотресот во 1963 година, во последните 40 години.

- Ја поздравувам најголемата реконструкција на улици што во градот се случува во последниве две години - улицата Илинденска прерасна во булевар, булеварот Србија е проширен, се реконструираше улицата Мито Хаџивасилев Јасмин, се обновуваат булеварите Крсте Мисирков, Кузман Јосифовски Питу и Васил Аџиларски...Градот се гради и добива нов лик – рече премиерот Груевски.

На проширување и реконструкција на улицата Митрополит Теодосиј Гологанов ќе работат екипите на градежната фирма „Бауер БГ“, а градежните работи треба да завршат за пет месеци. За целосна реконструкција на улицата Митрополит Теодосиј Гологанов Градот Скопје ќе потроши околу 72 милиона денари. Втората фаза од овој капитален проект продолжува со подготовка на техничка документација за проширување на улицата Митрополит Теодосиј Гологанов од вкрстувањето со улицата Франклин Рузвелт до улицата Московска, со иста ширина.


http://www.skopje.gov.mk/ShowAnnouncements.aspx?ItemID=4216&mid=482&tabId=1&tabindex=0 - http://www.skopje.gov.mk/ShowAnnouncements.aspx?ItemID=4216&mid=482&tabId=1&tabindex=0



Replies:
Posted By: Supervisor
Date Posted: 13-May-2011 at 15:04
Одлично се надевам квалитетно ќе се изработи само мислам дека можат и побрзо да работат па и пред 5 месеци да завршат реално 3-4 би биле ОК со оглед на тоа дека се работи за сообраќајница која има клучна врска со централно подрачје од страна на Карпош.

-------------
NewYork-London-Paris-Moscow-Tokyo-Skopje


Posted By: ebivetre
Date Posted: 13-May-2011 at 15:13
Шуќур!

Малку ме секира само да не ја направат еднонасочна таа уличката (эаборавив како се викаше) што иде од Универэална кон кружниот. Така ми личи од скицата...


Posted By: my Macedonia
Date Posted: 13-May-2011 at 15:25
ПОЧНА ПРОШИРУВАЊЕТО НА УЛИЦАТА МИТРОПОЛИТ ТЕОДОСИЈ ГОЛОГАНОВ

http://www.skopje.gov.mk/images/Image/mapa%20Gologanov.JPG">

http://www.skopje.gov.mk/images/Image/MT%20GOLOGANOV%20-%20pocetok%20na%20izgradba%20%282%29.JPG"> Градот Скопје денеска /13.05.2011 година/ ја почна реализацијата на првата фаза од капиталниот проект за проширување и реконструкција на улицата Митрополит Теодосиј Гологанов. Проширувањето на оваа сообраќајница ќе се реализира на потегот од улицата Франклин Рузвелт до улицата Костурски херои (еден крак) и кон улицата Мито Хаџивасилев Јасмин до свртувањето в десно кон улицата Народен фронт (втор крак). Стартот на градежните работи на оваа улица го означија градоначалникот на Град Скопје, Коце Трајановски и премиерот на Република Македонија, Никола Груевски.

http://www.skopje.gov.mk/images/Image/MT%20GOLOGANOV%20-%20pocetok%20na%20izgradba%20%281%29.JPG"> - Денеска почнуваме уште еден во низата капитални проекти кои што ќе имаат огромно позитивно влијание врз идниот развој на Скопје и ќе ги подобрат условите за живот на неговите жители – проектот за проширување и реконструкција на улицата Митрополит Теодосиј Гологанов. Градежните работи на оваа улица ги почнуваме во пресрет на летото кога очекуваме нивото на сообраќај во градот значително да се намали, а со тоа и да се создадат добри услови за работа. Улицата Митрополит Теодосиј Гологанов наскоро ќе прерасне во модерна сообраќајница. Таа ќе се проширува од десната страна во насока од општината Карпош кон општината Центар во вкупна должина од 1.600 метри. Сообраќајницата ќе добие 4 сообраќајни ленти (по две во секоја насока) со вкупна широчина од 13 метри и тротоари од двете страни со широчина од по 3,5 метри. Од десната страна на булеварот ќе биде поставено ново улично осветлување. Се предвидува и посебен џеб за возилата од јавниот превоз, како и пешачки и велосипедски патеки на тротоарите. Атмосферските води од новопроширената улица ќе се слеваат во постоечката атмосферска канализација која што е во функција. Во текот на градежните http://www.skopje.gov.mk/images/Image/MT%20GOLOGANOV%20-%20pocetok%20na%20izgradba%20%283%29.JPG"> работи за проширување на улицата Митрополит Теодосиј Гологанов ќе се изврши усогласување на подземните инсталации – рече градоначалникот Трајановски.

Тој додаде дека при проширувањето, улицата 9.Мај ќе биде отворена како еднонасочна, при што овој дел ќе биде семафоризиран. Еднонасочен сообраќај ќе се воведе и на улицата Костурски херои. Исто така, семафоризација ќе биде направена во делот на свртувањето од улицата Мито Хаџивасилев Јасмин кон улицата Народен фронт, при што и оваа уличка ќе добие четири ленти.

http://www.skopje.gov.mk/images/Image/MT%20GOLOGANOV%20-%20pocetok%20na%20izgradba%20%284%29.JPG"> - Она што ќе биде белег на овој проект, а воедно и заштитен знак на оваа модерна сообраќајница, е турбо кружниот тек што ќе се формира во делот меѓу улиците Митрополит Теодосиј Гологанов, Костурски херои и Мито Хаџивасилев Јасмин (кај Католичката црква). Овој кружен тек ќе претставува прв објект од ваков тип во Скопје. Приливот на возила кон кружната крстосница ќе го контролираат двете нови семафоризирани крстосници, на улицата 9.Мај и на свртувањето кон улицата Народен фронт. Реализацијата на проектот во голема мера ќе придонесе за решавање на http://www.skopje.gov.mk/images/Image/MT%20GOLOGANOV%20-%20pocetok%20na%20izgradba%20%285%29.JPG"> сообраќајните проблеми во централното градско подрачје, ќе се зголеми проточноста на возила и ќе се намали времето на патување, што ќе придонесе за заштита на животната средина. Треба да се нагласи дека формирањето на кружниот сообраќаен тек директно ќе влијае врз зголемувањето на безбедноста во сообраќајот во овој дел од градот – потенцира Трајановски.

Претседателот на Владата на Република Македонија, Никола Груевски, истакна дека ваква градежна експанзија Скопје не памети од по земјотресот во 1963 година, во последните 40 години.

http://www.skopje.gov.mk/images/Image/MT%20GOLOGANOV%20-%20pocetok%20na%20izgradba%20%286%29.JPG"> - Ја поздравувам најголемата реконструкција на улици што во градот се случува во последниве две години - улицата Илинденска прерасна во булевар, булеварот Србија е проширен, се реконструираше улицата Мито Хаџивасилев Јасмин, се обновуваат булеварите Крсте Мисирков, Кузман Јосифовски Питу и Васил Аџиларски...Градот се гради и добива нов лик – рече премиерот Груевски.

На проширување и реконструкција на улицата Митрополит Теодосиј Гологанов ќе работат екипите на градежната фирма „Бауер БГ“, а градежните работи треба да завршат за пет месеци. За целосна http://www.skopje.gov.mk/images/Image/MT%20GOLOGANOV%20-%20pocetok%20na%20izgradba%20%287%29.JPG"> реконструкција на улицата Митрополит Теодосиј Гологанов Градот Скопје ќе потроши околу 72 милиона денари. Втората фаза од овој капитален проект продолжува со подготовка на техничка документација за проширување на улицата Митрополит Теодосиј Гологанов од вкрстувањето со улицата Франклин Рузвелт до улицата Московска, со иста ширина.

http://www.skopje.gov.mk/ShowAnnouncements.aspx?ItemID=4216&mid=482&tabId=&tabindex=0


Posted By: krale
Date Posted: 13-May-2011 at 16:03
Вртењето полукружно во ДЕСНО, одејќи од Рамстор пред кружниот тек, е потенцијална црна точка, бидејќи се спојува во една лента со излезот од кружниот тек.

Лентата во десно откај Рамстор не оди на кружен, туку врти пред кружниот, а потоа се спојува.


Исто така, од кружниот тек до Климент Охридски ќе си останат по се изгледа 3 ленти. Барем според скицава.



Posted By: lslcrew
Date Posted: 13-May-2011 at 16:11
Ај нацртај каде зашто вака ич не си ми јасен. Ако добро те сватив тоа што мислиш баш не е црна точка, јасно е кој има предност. Особено што ваквиот кружен ток треба да е 12% поефикасен од обичен. Решениево не дека е којзнае какво сјајно, ама среднорочно ќе служи за гужавата тука. Јужен булевар не е, ама за некоја далеку помала сума од јужен булевар може ќе се покаже како некој компромис на можности и потреби, нормално не загрозувајќи го евентуално во иднина градење јужен булевар. Кружниот ток некаде го имаме постирано во копски сообраќај поназад. Колку што го разбрав Коце едена од улогите на семафорите околни ќе биде и да го регулираат приливот во кружниот ток.


Posted By: krale
Date Posted: 13-May-2011 at 16:15
Немам ниеден графички програм на компјутеров.

Мислам на кривината која ти доаѓа во десно, кога одиш од Рамстор (Нова Македонија и Макпетрол ти се од десна страна) и вртиш десно полукружно накај Домот Кузман. Тука доаѓаш во „судар“ со излезот од кружниот тек кој оди накај Домот Кузман.


И дали пред кружниот ќе има семафори?


Posted By: StreetStruck
Date Posted: 13-May-2011 at 16:38
Ајде аирлија работа..... Али Бауер БГHugToilet ТОП!

-------------
"Поробените треба да тежнеат кон слободата, а слободните кон совршенство"- Јане Сандански


Posted By: G.I. Joe
Date Posted: 13-May-2011 at 16:49
 gologanov na smetka na juzen ..zalosno ..


Posted By: Supervisor
Date Posted: 13-May-2011 at 16:50
А дали се размилсува за Јужен и за трасата и за кружниот тек колку простор одзема? Немаме никакви информации свака част Коце само ленти сече и со два збора се започнуваат проективе.

-------------
NewYork-London-Paris-Moscow-Tokyo-Skopje


Posted By: G.I. Joe
Date Posted: 13-May-2011 at 16:50
lugje bez vizija


Posted By: <Fresno>
Date Posted: 13-May-2011 at 18:37
Не е никаква пречка проектов за Јужен булевар, освен во делот кај кружниот тек, што може да се реши со дополнително понирање на трасата. Барем така изгледа на скицата. А ова со Бауер БГ стварно ме интересира како ќе се развива. Ако не извршат санација на улициве што досега ги реконструираа и ако тековниве проекти ги направат неквалитетно, ептен очигледна ќе стане работава.


Posted By: alexsend
Date Posted: 13-May-2011 at 19:09
И покрај сите утки повторно се форсира Бауер...ова ми личи на нешто...
На крај краева само да е квалитетно


Posted By: lslcrew
Date Posted: 13-May-2011 at 23:42
Како крале таков судир, најнормално правило тие што доаѓаат од кружниот тек имаат предност, што има тукаспорно, па на обични раскрници кога вртиш лево доагаѓ ли во судир со тие што си возат по булеварот. Токму тоа не е никаква спорна точка. Коце објасни, значи на истава страна по втор пат иде информацијата, семафорите предходно ќе учествуваат во регулирање на протокот да нема премногу заситеност која е контрапродуктивна во опслужувањето на кружен ток. Јужниот ни со ваков кружен ток не е загрозен, ѕирнете ги плановите, а со јужен станува веќе излишен. Така да да не се повторуваме за познати информации што се тука.


Posted By: krale
Date Posted: 13-May-2011 at 23:55
Originally posted by lslcrew

Како крале таков судир, најнормално правило тие што доаѓаат од кружниот тек имаат предност, што има тукаспорно, па на обични раскрници кога вртиш лево доагаѓ ли во судир со тие што си возат по булеварот. Токму тоа не е никаква спорна точка.


Не е баш како што викаш. И едните и другите се исклучуваат (едните од кружен ток, накај Домот Кузман, а другите од правецот откај Н. Македонија, вртат исто десно кон Домот Кузман).

Таму се можни (без знаци) повеќе ситуации - правило на предимство од десна страна (во кој случај тие од Н. Македонија имаат предност), или правило на улица со предност (во кој случај тие од кружниот имаат предност).

Ќе мора да се стави знак СТОП на вртењето десно од Н. Македонија накај Кузман, инаку ќе има проблем.


Posted By: lslcrew
Date Posted: 14-May-2011 at 00:23
Браво крале, тебе ти текна сега кај да се стави знак стоп. Да звучам навредливо нејќам, ама правиш проблем кај што го нема. ЈАсни се доволно правилата кој има предност. Тие што излегуваат од кружниот тек имаат предност. Дури и да не беше кружен тек пак тие ќе си имаа предност. Овие што вртат десно се сосема споредна уличка земи го, која се приклучува на булеварот и остава предност на тие што проаѓаат. Дај малку, нема ваљда сега да спамираме за вакви глупости.


Posted By: krale
Date Posted: 14-May-2011 at 00:29
ЛСЛ, ОК, само глеј да не стават знак, па ќе гледаме сеир.


Posted By: OCB
Date Posted: 14-May-2011 at 03:03
Презентација на турбо кружен тек:

http://www.youtube.com/watch?v=iMYib3IR43I - http://www.youtube.com/watch?v=iMYib3IR43I


Posted By: Denko
Date Posted: 14-May-2011 at 10:15
Originally posted by krale

ЛСЛ, ОК, само глеј да не стават знак, па ќе гледаме сеир.
I dvajcata ste vo pravo... Tie sto doagaat od kaj "Nova Makedonija" i vrtat desno na ulicata kon "Kuzman" mora da gi propustat vozilata koi se isklucuvaat od kruzniot tek. Znak mora da ima!


Posted By: phenomenon
Date Posted: 14-May-2011 at 10:37
   Немаше ли да биде подобро решение ваков кружен тек:
 

http://coronadocommonsense.typepad.com/.a/6a00e55417fcfd8834012877754351970c-popup">Roundabout%20-%20Option%201  


-------------
開始されていないだけの戦いが失われ、


Posted By: lslcrew
Date Posted: 14-May-2011 at 15:03
Знак немора да има зашто се приклучуваш кон булевар со поголемо значење, многу нормална работа во сообраќај.

Доброто кај ваквиот кружен тек е што всушност ги распределува возила уште пред влезат во кружниот тек и после тоа нема преминување во ленти. Таа презентација е малку постара ја имам гледано кога арав нешто матерјали ушпте кога го најавија ваквиот кружен тек, за обична раскрница е презентацијата, сепак за секоја ситуација се проектира посебно. Главната поента е што се вака спирално наредени лентите.


Posted By: krale
Date Posted: 14-May-2011 at 20:26
Originally posted by lslcrew

Знак немора да има зашто се приклучуваш кон булевар со поголемо значење, многу нормална работа во сообраќај.Доброто кај ваквиот кружен тек е што всушност ги распределува возила уште пред влезат во кружниот тек и после тоа нема преминување во ленти. Таа презентација е малку постара ја имам гледано кога арав нешто матерјали ушпте кога го најавија ваквиот кружен тек, за обична раскрница е презентацијата, сепак за секоја ситуација се проектира посебно. Главната поента е што се вака спирално наредени лентите.


Леле ама си напорен значи. Па даааа само што и двете колони се ПРИКЛУЧУВААТ на булеварот. Знак МОРА да има кому ќе му се даде предност!

А и за неменувањето ленти си во право, освен во случај кога некој се движи од „домот кузман“ и сака да оди накај Нова Македонија. Во тој случај мора да смени лента пред да се исклучи кај Н. Македонија. Во сите други правци може да се оди без менување ленти.


Posted By: Supervisor
Date Posted: 14-May-2011 at 20:31
Значи пак ќе кажам ова што се прави е голема утка. Со страшни последици према Јужен булевар. Сега од оваа перспектива изгледа дека морало да се проширува улицата. А сето тоа е привремено и неправилно решение кое ќе доведе до неможност да се изгради јужен! Улицата си е проектирана за 3 ленти и како еднонасочна колекторска ќе го собира сообраќајот во и од Јужен булевар и на тој начин ќе функционира без раскрсници. Затоа сега во делот на карпош има проблем за приклучување на МТГ бидејќи булеварот не е изграден а МТГ функционира како двонасочна. Со проширување ќе дојде до затегање на МТГ со што нема да може да функционира како колекторска улица и со евентуална изградба на Јужен ќе дојде до закочување поради неможноста за функционирање како еднонасочна! Исто така со просторот кој се одзема се доведува во прашање неговата изградба плус да не збориме за нашите катастрофални решенија некаков си турбо кружен тек кој ја фаќа цела траса на Јужен булевар! Се на се катастрофа!

-------------
NewYork-London-Paris-Moscow-Tokyo-Skopje


Posted By: krale
Date Posted: 14-May-2011 at 20:49
Originally posted by Supervisor

Значи пак ќе кажам ова што се прави е голема утка. Со страшни последици према Јужен булевар. Сега од оваа перспектива изгледа дека морало да се проширува улицата. А сето тоа е привремено и неправилно решение кое ќе доведе до неможност да се изгради јужен! Улицата си е проектирана за 3 ленти и како еднонасочна колекторска ќе го собира сообраќајот во и од Јужен булевар и на тој начин ќе функционира без раскрсници. Затоа сега во делот на карпош има проблем за приклучување на МТГ бидејќи булеварот не е изграден а МТГ функционира како двонасочна. Со проширување ќе дојде до затегање на МТГ со што нема да може да функционира како колекторска улица и со евентуална изградба на Јужен ќе дојде до закочување поради неможноста за функционирање како еднонасочна! Исто така со просторот кој се одзема се доведува во прашање неговата изградба плус да не збориме за нашите катастрофални решенија некаков си турбо кружен тек кој ја фаќа цела траса на Јужен булевар! Се на се катастрофа!



Ма дај?

Сите овие инвестиции не сметаат воопшто некогаш да се изгради ј. булевар. Најмал трошок ќе биде да се даде тогаш поинакво решение кај кружниов тек. Не претерувај да бараш проблем кајшто нема. Привременово решение е многу солидно и корисно, а и верувам дека ќе служи 2-3 децении, пошто од јужен нема ништо да биде скоро.


Posted By: Cloverstack
Date Posted: 14-May-2011 at 22:43

Гледам исшрафирани делови кај крстосниците. Се надевам дека тоа значи забрането влегување на просторот на крстосницата доколку во моментот нема слободен излез. Ако е така, тоа многу ме радува и доколку почне да се казнува за непочитување, ќе не спаси од ваквите ситуации кои се премногу честа глетка кај нас:

http://www.youtube.com/watch?v=AQ3zkg58gpE - http://www.youtube.com/watch?v=AQ3zkg58gpE

http://on.net.mk/makedonshtina/skopje-kabul-ti-kje-bidesh - http://on.net.mk/makedonshtina/skopje-kabul-ti-kje-bidesh



Originally posted by <Fresno>

Не е никаква пречка проектов за Јужен булевар, освен во делот кај кружниот тек, што може да се реши со дополнително понирање на трасата.
Проширувањето на Гологанов не е вистинска физичка пречка за јужен булевар, но е прилично јасен сигнал колку „сериозно“ мислат на него. Ова проширување во најмала мерка демонстрира незаинтересираност за реализација на јужен и покрај тоа што е ужасно потребен проект, а во полоша варијанта можеби е обид за пренамена на неговата траса за објекти, бидејќи нели, веќе ќе имаме еден „булевар“ таму, па што ќе ни е таков скап проект како јужен... тоа ќе биде „недомаќинлук“. А не дека и претходно немало изјави дека јужен булевар бил сувишен, па вака да не стане ептен „сувишен“.

Од друга страна Коце повеќе пати го спомнувал јужен булевар и дека прават не знам какви ти напори за реализација. Плус тоа јужен булевар (булевар Македонија) беше дел од неговата предизборна кампања. Е сега на почеток на третата година на неговиот мандат, он започнува со проект што го поткопува јужен булевар, па како да најдеме НЗС? Зарем човек кој е сериозно посветен барем на изработка на техничка документација за изградба на јужен булевар би го надградувал во булевар Теодосиј Гологанов?

А кружниот тек би бил сувишен при реализација на јужен, бидејќи таму сообраќајот од Рамстор кон Ѓорче ќе биде еднонасочен. Се работи за црна точка, па кружниот тек сепак навидум може да се издвои од остатокот на проектот и да се протолкува како оправдан привремен проект, но само навидум. Бидејќи кружниот тек значи дека не се сериозно посветени дури ни на можноста за реализација на некоја прва припремна фаза за јужен булевар, со пробивање на улицата Народен фронт накај Водњанска и оформување на еднонасочен тек во спротивен правец од предвидениот за Теодосиј Гологанов.


Posted By: Рок-Барок
Date Posted: 15-May-2011 at 01:20
Applause


Posted By: lslcrew
Date Posted: 15-May-2011 at 02:39
Добро, да не малку предалеку отидовте во ова загрозување на трасата на јужен. Се работи за среднорочно решение во рамки на можностите. Кој не би сакал јужен да се изгради, ама  го доведоивте ова како да некој за исти можности избрал вакво проширување наместо јужен. Зашто некои упорно паушално си ги земаат овие работи, еве сликовито да се споредат цените за проширувањето со целосна реализација на јужен булевар.



Одговор за крале, ни за тамо не мора да менува лента зашто таа едната се разделува, така да тоа е идејата на ваквиот кружен ток.


Posted By: krale
Date Posted: 15-May-2011 at 08:19
Originally posted by lslcrew

Одговор за крале, ни за тамо не мора да менува лента зашто таа едната се разделува, така да тоа е идејата на ваквиот кружен ток.


Е како не мора другар? Влегува откај Кузман на лева лента - меѓутоа кога треба да излезе накај Н. Македонија, таму за излез е САМО десната лента. Значи некаде во вртењето треба да се префрли на десна лента.


Posted By: Cloverstack
Date Posted: 15-May-2011 at 12:46
@ lslcrew

Пред се, преувеличена ти е споредбата, дури и јужен булевар да се направи одеднаш и со sci-fi решенија, нема да чини толку многу.

Второ, барем ти треба да знаеш дека реализацијата на јужен булевар може да се подели на повеќе логични фази и со тоа да се надградува според потребите, а без да настанат преголеми проблеми во сообраќајот за време на изградбата на тие фази. Но ова проширување на Гологанов не е проект кој е придвижување кон реализација на јужен булевар, туку во спротивен правец.

Трето, многу добро е видено што значат кај нас „краткорочните“ и „среднорочните“ решенија.

И конечно, не може да замижуваме пред фактот дека има моќно лоби кое сака да го избрише јужен булевар и веќе биле пуштани балони за таа потреба, а проширувањево на Гологанов одлично се вклопува со таквата агенда.



Posted By: krale
Date Posted: 15-May-2011 at 12:52
Originally posted by Cloverstack


И конечно, не може да замижуваме пред фактот дека има моќно лоби кое сака да го избрише јужен булевар и веќе биле пуштани балони за таа потреба, а проширувањево на Гологанов одлично се вклопува со таквата агенда.


Во „манифестот“ никаде не се спомнува јужен булевар, а се спомнуваат двете подземни сообраќјници (од Пошта до комплекс банки, и од влада до пластичарската улица). Со оглед дека во документот има некои проекти чии рокови се и до 2020, јасно е дека во следната деценија оваа власт барем, нема намера да го гради јужен.


Posted By: lslcrew
Date Posted: 15-May-2011 at 13:47
Кловер мене јасни ми се тие работи, ама дека може Скопје да гради Јужен е занесување. Толку пари нема, со овие пари што сега се за реновирање на Теодосиј Гологанов неможе ни една клучка од Јужен да се направи. Како така, апсурдно е да збориме за некакво загрозување на Јужен, со тоа што раскрсницата ќе с епомести два метра поради кружниот. Барем ти знаеш дека не ја загрозува трасата. Ова е среднорочно решение. Лобито е сосема јасно дека постои и пак ќе си вергла, а дека ќе отиде до толку предалеку не ми е сосема веројатно до толку како тебе што ти е.


Posted By: Cloverstack
Date Posted: 15-May-2011 at 14:11


Се вртиме во тој круг дека Град Скопје нема пари. Град Скопје и Општина Центар немаа пари за многу работи (и тоа претежно непродуктивни), па ете ги исфинансира централната власт. Прашањето дали ќе направиме вистинска финансиска децентрализација или големите проекти ќе продолжи да ги финансира државата е друго и не би го отворал тука, но не може да се зема сегашниот буџет на Град Скопје како релевантен за тоа дали јужен булевар е реално остварлив проект или занесување (и тоа нагласувам, сега зборуваме за брза реализација на целиот проект, а не за поскромната фазна варијанта која исто така е одлична можност која треба детално да се разгледа).
Дополнително, за проект како јужен булевар постојат можности добар дел од финансиите да стигнат како неповратни средства од надвор, а во крајна линија за толку потребен и неспорно исплатлив проект оправдано е и земање на кредит. Сето ова е апсолвирано.


Posted By: krale
Date Posted: 15-May-2011 at 14:15
@Clover

колку е некоја претпоставена финансиска конструкција за јужен дали има некаде релевантен податок?


Posted By: Cloverstack
Date Posted: 15-May-2011 at 14:32


Пред се зависи од многу параметри кои сеуште не се дефинирани, а за да се дефинираат треба да почне да се работи на случајот и да се подготвуваат проектите. За жал ништо од тоа...

Во секој случај, бидејќи трасата во суштина е речиси чиста, а најскапиот дел во центарот треба да биде во dig&cover тунел и во засек, не се работи за никаква научна фантастика, напротив, инвестицијата ќе биде засенета од ефектите.

Но повторно нагласувам дека јужен булевар воопшто не мора да се гради веднаш во максимална варијанта ниту веднаш по целата должина. Сето тоа може да се распореди во многубројни логично последователни фази, а секоја реализирана фаза веднаш да дава значителни придобивки. За ваквите можности имам подетално пишувано во нишката за урбани автопати, исто така и Andrej_LJ има пишувано во нишката Скопје 2020.




Posted By: krale
Date Posted: 15-May-2011 at 14:46
Во ред е се тоа, ама зар не постои ни ориентациона цифра на коштање?


Posted By: Cloverstack
Date Posted: 15-May-2011 at 17:32
Не сум сретнал и не може да се даде ни орјентационо додека не дефинираме за каков проект зборуваме. Цел јужен булевар од Сарај до Зелениково (или алтернативно до Катланово), со ЛРТ траса и сите други нишани? Тогаш можеби зборуваме и за 200 милиони евра, ама таква комплетна реализација би се заокружила во последна фаза, после многу години. Сега е битно да мрднеме од место, а за изработка на проекти и проекции, како и овозможување на еднонасочен сообраќај на колекторските уллици во центарот ќе заврши работа и минорен процент од таа сума.


Posted By: krale
Date Posted: 15-May-2011 at 17:44
200 милиони евра се малку, ако мислиш комплетно решение со ЛРТ дека толку ќе кошта. Рачунај градски услови... од сарај до Зелениково има 40тина км веројатно... Така да не ми се верува да биде само 5мил/км.


Posted By: Dave Gahan
Date Posted: 15-May-2011 at 18:22
Мене не ми е јасно само како успеваат по разноразни ММФ-ови и други робовско-конолијалистички „европски“ фондови да ги убедат дека ни требаат пари за фонтани во нашиот најголем колектор на отпадни води - р. Вардар и слични безвезарии од неквалитетни споменични обележја, а не им текнува да се заангажираат и да побараат кредит (коа сме веќе јада и беда) да ја направат главната сообраќајна артерија - Јужен булевар со што ќе го решат Скопје...

Ќе ја искористам сликата за илустрација...црвениот круг е потребниот капацитет и визионерство коешто треба да ја имаат градските власти на Скопје (па и државни), а синиот го претставува реалниот капацитет што го имаат - сите до сега, вклучително и сегашниве....

Тоа што очекувам реално да се случи кога ќе се заврши овој потег е минимално намалување на хаосот затоа што се работи по принципот „пикај го ѓубрето под тепих“ - од сообраќајна смисла...а што се однесува до квалитетот на работите и изборот на фирма-изедувач - очигледно тој е направен по силни роднинско-пријателски-партиски релации, затоа што во минатото покажа „врвно мајсторство“ во доуништување на неколку важни скопски улици, па и тука очекувам дупките да си останат таму кај што си се...се' на се' долги 5 (ако не и повеќе) месеци од кои нема многу да се офајдиме ние што возиме по скопските улици...

-------------
MAKE CAPITALISM HISTORY


Posted By: phenomenon
Date Posted: 15-May-2011 at 18:25

Цена за изградба на Јужниот Булевар, според податоци од Дневник 2006:

ретровизор
Јужен булевар, вечен градоначалник!

Градоначалникот што ќе го реши сообраќајниот метеж во Скопје, со Градот ќе владее барем два мандата. Нема скопјанец што не е засегнат со долгите колони на семафоризираните раскрсници, високата потрошувачка на гориво и енормното загадување на воздухот.

Експертите на секоја трибина и во секоја пригода на цел глас викаат дека јужниот булевар мора итно да се изгради, инаку ќе станеме единствената метропола во која ќе нема сообраќај. Ако не се доизгради примарната мрежа, до 2020 година нема да функционира ниту една раскрсница во Скопје. На секоја од нив сообраќајот буквално ќе стои, поради километарски колони возила.

Во изборната кампања на актуелниот скопски градоначалник Трифун Костовски меѓу главните адути беше и ветувањето дека ќе го изгради јужниот булевар Македонија, предвиден да минува од Сарај до Драчево.

Тоа е многу сериозно ветување, колку што е сериозен сообраќајниот метеж и граѓаните со право очекуваат реализација.

Проценките се дека јужниот булевар може да достигне цена и до 100 милиони евра. Инвестицијата е скапа, но една физибилити-студија сигурно ќе покаже дека инвестицијата сама ќе се исплати и дека веќе трпиме поголеми штети поради неговото непостоење.

Ако градоначалникот планира да го оствари ветувањето, досега требаше барем да почне да го проектира и да бара начини да ја финансира изградбата, оти работата е итна. Само изработката на главниот проект за јужен булевар може да трае цела година, а изградбата секако ќе биде комплицирана и ќе трае повеќе години.

Градоначалникот мора храбро да се фати во костец со овој проблем, на општо задоволство на половина милион скопјани, оти време за губење повеќе нема, а и трпението секој ден се повеќе се исцрпува.


-------------
開始されていないだけの戦いが失われ、


Posted By: phenomenon
Date Posted: 15-May-2011 at 18:28
   Според изјавата на Коце Трајановски 2010 во интервјуто за Матицата на иселениците:
 
 
Кога ќе почне да се гради „Јужен булевар“?

Изградбата на „Јужен булевар“ нема да почне во 2011 година, размислуваме за 2012 година доколку можеме. „Јужен булевар“ е многу голема и многу скапа работа. Со изградбата на овие алтернативи сметам дека ќе се добие едно добро растоварување на сообраќајот. Инаку, за „Јужен булевар“ јас поддржувам зад „Рамстор“ над булеварот да има деловни објекти, а тие што ќе ги градат, да го изградат и подземниот булевар. Бидејќи, според грубите пресметки „Јужен булевар“ чини околу 50 милиони евра.


-------------
開始されていないだけの戦いが失われ、


Posted By: Cloverstack
Date Posted: 15-May-2011 at 18:30
Originally posted by krale

200 милиони евра се малку, ако мислиш комплетно решение со ЛРТ дека толку ќе кошта. Рачунај градски услови... од сарај до Зелениково има 40тина км веројатно... Така да не ми се верува да биде само 5мил/км.
До Зелениково има 30 километри, а не 40-тина. Исто така вон памет е јужниот булевар таму да биде со ист профил и карактеристики како во центарот на градот, јужно од Драчево би бил супер и двонасочен пат со добри карактеристики парцијална денивелација.

Изведба на ЛРТ е скапа, но во склоп на јужен булевар би се поделиле трошоците и би била многу поевтина отколку што е цената за посебна изведба. Иста е трасата, ќе се припрема иста подлога, ќе ја користи истата денивелација, иста пропратна и субинфраструктура...

Велиш да рачунам „градски услови“? Што значи ова? Трасата е речиси чиста и тоа е најбитно.


Posted By: Cloverstack
Date Posted: 15-May-2011 at 18:34
Originally posted by Dave Gahan

Тоа што очекувам реално да се случи кога ќе се заврши овој потег е минимално намалување на хаосот затоа што се работи по принципот „пикај го ѓубрето под тепих“ - од сообраќајна смисла...
Одлично го дефинираше проектов за проширување на Гологанов, попрецизно од ова здравје.



@ phenomenon
Иако одат во прилог на моите желби, јас не би ги земал како премногу релевантни тие проценки, особено онаа на Коце за 50 милиони евра. Зависи што подразбираат под јужен. Реално јужен булевар кај нас сеуште ни е само груб концепт во ГУП-от и многу растеглив поим, а за вистинска проценка на инвестицијата и ред други работи, треба да се направат темелни студии. Проблемот е што ни со студии не е започнато, а очигледно ниту планираат да започнат во догледна иднина.


Posted By: phenomenon
Date Posted: 15-May-2011 at 18:45
    Јас имам мото:
 
Никогаш, ама баш никогаш, не земам за сериозно изјава и проценка на политичар.
 
 Горните постови ги приложив тука чисто информативно.


-------------
開始されていないだけの戦いが失われ、


Posted By: Supervisor
Date Posted: 15-May-2011 at 18:46
Луѓе не знам што се занимавате со цени за Јужен кога реално до сега ако кај нас како капитален проект се сметаше Илинденска со едвај 4 ленти без средишно што е обична проточна брза улица и ништо повеќе каква што ќе биде и МТГ, Јужен булевар е научна фантастика од секој можен аспект. Исто така со оглед на тоа што нема никаков изготвен проект ниту е размилсувано за конкретни чекори и барање инвеститор цените може само да се вртат.

-------------
NewYork-London-Paris-Moscow-Tokyo-Skopje


Posted By: <Fresno>
Date Posted: 15-May-2011 at 19:18
За Јужен булевар во делот од Рузвелтова до Рамстор најдобро решение би било да се оди на моделот што е предвиден позади Рамстор. И така има многу нерешени имотно-правни односи, што приватни инвеститори би се нафатиле да ги решат, со оглед на тоа што се работи за атрактивни локации. Годинава нели треба да се донесе нов ГУП па може уште од 2012 да направат основен проект, за да пресметаат цена, и да можат на инвеститорите да им кажат колку треба да биде нивниот дел за сегментот врз кој ќе биде објектот (и нормално да не плаќаат целосна сума, бидејќи така никој нема да се нафати, туку 50% на пр.). Се подразбира решението да биде 2х2 со траса за трамвај. Во таков случај МТГ со 4 ленти е потребен за да се справи со сообраќајот кој ќе го привлечат новите објекти, а и проширување на Народен фронт би дошло добро.

На ваков начин, по 4-5 години масовно градење на тој потег, Градот со собраните средства ќе треба да додаде уште половина (или Владата сеедно) + средства за делот западно од Рузвелтова се до мостот преку Вардар и да распише тендер. За 7-8 години ако се оди како што треба ќе имаме Јужен булевар од мостот до Рампа (а трамвајската линија може да оди и до Транспортен центар.


Posted By: Cloverstack
Date Posted: 15-May-2011 at 19:51
Fresno, јужен булевар во целото градско подрачје дефинитивно би бил 2х3, а не 2х2.

А на Теодосиј Гологанов во никој случај не би му биле потребни 4 ленти бидејќи со реализација на јужен булевар таа ќе стане еднонасочна колекторска улица. Исто така нови објекти врз трасата на јужен булевар не би требало да има освен во делот што го опфаќа ДУП Стара железничка станица, а Теодосиј Гологанов влегува во сликата тек кај католичка црква.


Posted By: StreetStruck
Date Posted: 15-May-2011 at 19:59
Се убаво и на крај кога ќе се земе изјавата на Коце: "Во 2011 нема да се почне со изградба, размислуваме во 2012 доколку можеме", се си кажува. Ако на некој што е на таква функција, нешто му е на врвот на листата на приоритети, нема да дава вакви изјави. Само залажувања и ништо друго!

Иначе Јужен во градското подрачје дефинитивно треба да биде 2X3, се друго е импровизација и неумешност да се спакува проектот финансиски и изведбено.


-------------
"Поробените треба да тежнеат кон слободата, а слободните кон совршенство"- Јане Сандански


Posted By: krale
Date Posted: 15-May-2011 at 21:02
Originally posted by Cloverstack



Originally posted by krale

200 милиони евра се малку, ако мислиш комплетно решение со
ЛРТ дека толку ќе кошта. Рачунај градски услови... од сарај до
Зелениково има 40тина км веројатно... Така да не ми се верува да биде
само 5мил/км.

До Зелениково има 30 километри, а не 40-тина. Исто така вон памет е јужниот булевар таму да биде со ист профил и карактеристики како во центарот на градот, јужно од Драчево би бил супер и двонасочен пат со добри карактеристики парцијална денивелација.Изведба на ЛРТ е скапа, но во склоп на јужен булевар би се поделиле трошоците и би била многу поевтина отколку што е цената за посебна изведба. Иста е трасата, ќе се припрема иста подлога, ќе ја користи истата денивелација, иста пропратна и субинфраструктура...Велиш да рачунам „градски услови“? Што значи ова? Трасата е речиси чиста и тоа е најбитно.


Трасата можеби личи чиста, ама не верувам дека е баш така. Каде се раскрсниците, поврзувањата со другите улици, столбови и понирања, или целата траса е во засек? Не знам доволно да коментирам, ама не може во ниви, и во сред град да биде иста цената, за ова нема потреба ни да знам нешто конкретно за трасата, едноставно од општо познавање.

Јас искрено сум јужен да биде и те како правен како што треба, со сите нишани, нека биде и со ЛРТ, бидејќи подоцна ќе биде НИКАД. Само тоа што не влегува во некои планови на администрацијата е доволно индикативно дека пред 2025 нема да се реализира.

Ако има некои планови кајшто е исцртана трасата, би сакал да ми ги посочиш, ако знаеш кај има.


Posted By: Baze
Date Posted: 15-May-2011 at 21:37
Искрено кажано, ако воопшто не се планира изградба на Јужниот булевар (чисто се сомневам) тогаш во најдобар случај е изведба на Тедосиј Голганов во булевар паралелен на Партизнаска. Да си признаеме, никогаш нема да се изведе Јужниот Булеавар сите сме свесни за тоа, но барем со помош на булевар Теодсиј Гологанов ке се растерети тој дел од Паретизанска. Целото проширување на Гологанов и изградбата на кружни текови јасно треба да ни каже дека ќе биде замена на јужниот булевар. Мислам, треба да сме сонувачи за да веруваме дека покрај таква улица (Гологанов), градот ќе се нафати на поголема инвестиција како Јужниот булевар.
Тој уште многу, многу, многу години ќе остане на хартија. Така да бидете срќни што ќе се растерти, и Партизанска ќе добие паралелен булевар, и покрај Илинденска нема да бидат единствените сообраќајници кои ќе не поврзуваат со западниот дел на градов. 


Posted By: <Fresno>
Date Posted: 15-May-2011 at 21:57
Originally posted by Cloverstack


А на Теодосиј Гологанов во никој случај не би му биле потребни 4 ленти бидејќи со реализација на јужен булевар таа ќе стане еднонасочна колекторска улица. Исто така нови објекти врз трасата на јужен булевар не би требало да има освен во делот што го опфаќа ДУП Стара железничка станица, а Теодосиј Гологанов влегува во сликата тек кај католичка црква.


Мене ми е се ова јасно, дадов предлог како може полесно да се изведе проектот. Значи да се преслика решението од ДУП Стара железничка. А во таков случај, со сите тие нови објекти (кои нема да имаат пристапи до булеварот под нив) ќе се оптоварат колекторските улици МТГ и Народен фронт, па затоа и реков дека проширена МТГ добро ќе се вклопи во ваква хипотетичка ситуација.


Posted By: Cloverstack
Date Posted: 15-May-2011 at 23:41
Originally posted by krale

Трасата можеби личи чиста, ама не верувам дека е баш така. Каде се раскрсниците, поврзувањата со другите улици, столбови и понирања, или целата траса е во засек? Не знам доволно да коментирам, ама не може во ниви, и во сред град да биде иста цената, за ова нема потреба ни да знам нешто конкретно за трасата, едноставно од општо познавање.
Крстосници нема, ќе има само клучки, тие си влегуваат во цената и се подразбираат кога се прави проценка за една ваква денивелирана траса. За понирањата не те разбирам, понира на две точки и се измеѓу е засек или покриен тунел, во зависност од локацијата и избраното решение. Така да кога трасата е чиста, навистина не гледам што е на пример разликата дали се гради во парк со тополи на кои им поминал рокот, или некаде во нива надвор од град.

Originally posted by krale

Ако има некои планови кајшто е исцртана трасата, би сакал да ми ги посочиш, ако знаеш кај има.
Има нишка на форумов, веќе ти ја посочив - Урбани автопати во Скопје. Таму има богатсво најразлични информации.





@ Baze
Немојте така бе друже, да ги отпишуваме најразвојните проекти и проектите кои ни се најнасушно потребни (кои патем воопшто не се научна фантастика како што ни е натурено). Така се осудуваме на не баш светла иднина.

Факт е дека има финансиска моќ за реализација, ама проблемот е во тоа како политичките елити ги поставуваат приоритетите. Јужен булевар и другите такви големи проекти ги доживуваме како митови и како неостварливи сонови токму поради политичарите без трунка способност, одговорност и визија. Dave Gahan најубаво го опиша проширувањево на Гологанов - пикање на ѓубрето под тепих. Ама и под тепихот не собира бесконечно многу ѓубре, кога тогаш ќе бидеме принудени да го исчистиме вистински, ама по многу поголема цена.

Така да наместо резигнација и помирливост, до политичарите нека стигаат пораки од народот дека сакаме да видиме реализација на проекти како јужен булевар и дека ни е доста од замачкувања и импровизации.




Posted By: krale
Date Posted: 15-May-2011 at 23:52
Originally posted by Cloverstack


Originally posted by krale

Трасата можеби личи чиста, ама не верувам дека е баш така. Каде се
раскрсниците, поврзувањата со другите улици, столбови и понирања, или
целата траса е во засек? Не знам доволно да коментирам, ама не може во
ниви, и во сред град да биде иста цената, за ова нема потреба ни да знам
нешто конкретно за трасата, едноставно од општо познавање.
Крстосници нема, ќе има само клучки, тие си влегуваат во цената и се подразбираат кога се прави проценка за една ваква денивелирана траса. За понирањата не те разбирам, понира на две точки и се измеѓу е засек или покриен тунел, во зависност од локацијата и избраното решение. Така да кога трасата е чиста, навистина не гледам што е на пример разликата дали се гради во парк со тополи на кои им поминал рокот, или некаде во нива надвор од град.


Па еве затоа што на пример, во тој парк на тополи има времени објекти, кои треба да се дислоцираат. Исто така, доставата на материјали, работата е понапорна во урбана средина, отколку на отворен простор. Можеби влијае исто така и тоа што ќе има многу поголем број на клучки (и сите изведени на поскап начин) од оние во ниви ан автопат.

Значи мислам дека изградба во ниви и во град, не може никако да биде исто.


Originally posted by krale

Ако има некои планови кајшто е исцртана трасата, би сакал да ми ги посочиш, ако знаеш кај има.
   
Има нишка на форумов, веќе ти ја посочив - Урбани автопати во Скопје. Таму има богатсво најразлични информации.


Фала многу, ќе ги разгледам убаво.


Posted By: Cloverstack
Date Posted: 16-May-2011 at 00:40
Originally posted by krale

Па еве затоа што на пример, во тој парк на тополи има времени објекти, кои треба да се дислоцираат. Исто така, доставата на материјали, работата е понапорна во урбана средина, отколку на отворен простор. Можеби влијае исто така и тоа што ќе има многу поголем број на клучки (и сите изведени на поскап начин) од оние во ниви ан автопат.
Крале, во правниот систем знаеш што значи времен објект? Да има политичка воља, за пола саат на клоци ќе ги исшутираат од таму. Да не очекуваш државата да им плати за „дислокација“? И каква врска има тоа со градска/рурална средина?

Работата во урбана средина била „понапорна“? Во кој смисол?

Што се однесува до доставата на материјали хммм... тоа зависи како гледаш. Ваму има постоечка сообраќајна мрежа, а некаде на зафрлено место па треба да почнеш од нула и прво да градиш пристапни патишта. Навистина не сум во состојба да правам пресметки дали и колку доставата на материјал во урбана средина ќе го поскапи или поефтини проектот, но секако не зборуваме за значаен процент во вкупната цена, кој може битно да ги измени цифрите.

Клучките не се којзнае колку на број и нормално влегуваат во цената, а таа проценка што ја изнуди од мене воопшто не беше наивна сума за да рачунаме дека клучките би биле плус трошок.

Конечно, за поскапата изведба на клучки... не е поскапа затоа што е во град по дифолт, туку поголемиот трошок се сведува на фактот што јужен ќе треба да се протне под неколку постоечки сообраќајници. Да се направи тоа не е шега, но не е ни научна фантастика и повторно нема во некоја ненормална мерка да ја зголеми цената. Си има методи, низ светот такви зафати се правеле на неспоредливо поголемо ниво. Но добро што ме потсети да се осврнам на ова. Бидејќи ако јужен булевар се протнува на тој начин, тоа значи дека импактот врз сообраќајот во време на изведбата ќе биде минорен. А за тунелот под плоштадот на пример, ќе биде потребно подолготрајно и прилично опсежно блокирање на местата каде што ќе бидат влезовите, а тие места се многу важни сообраќајни јазли. Од тој аспект прави голема логика јужен булевар да биде поголем приоритет, бидејќи кога би функционирал тој, би имало солидна алтернатива која би ја спасила ситуацијата за врме на изградба на тунелот под плоштад, а доколку се гради по обратен редослед, сето тоа многу потешко ќе може да се изменаџира.


Posted By: StreetStruck
Date Posted: 16-May-2011 at 00:54
[quote=krale]Па еве затоа што на пример, во тој парк на тополи има времени објекти, кои треба да се дислоцираат.[quote]

Времени објекти се рушат, не се дислоцираат, без извини и без пардон. Тие таму си биле свесни кога си ги направиле исто како што се свесни сега дека објектите им се/ќе им бидат од времен карактер. А ако не се свесни власта е таа што треба да им стави до знаење.

Уште нешто сакам да кажам, се дур нашиве партии кои на база на глупоста и заспаноста на народов, се тепаат за поенчиња од неколку стотини "задоволни" Маџир Маалци и останатите на кои им се попушта, a кај што треба да поминува Јужен, ништо нема да биде од работава. Тоа ти е исто, парите идат за "бесплатно" користење на бањи и автобуси, се покачуваат плати на некои што клатат столчиња и ги фаќа промаја и се качуваат пензии, додека вечните проблеми и потреби си остануваат вечни, поради тоа што парите и визиите се насочени кон друга насока...Али секој глас е скапоцен нели.


-------------
"Поробените треба да тежнеат кон слободата, а слободните кон совршенство"- Јане Сандански


Posted By: Cloverstack
Date Posted: 16-May-2011 at 01:02
Се согласувам и верувам дека обвинувањето за популизам го имаш упатено генерално кон неодговорните политички елити без разлика со која боја, ама да не ја носиме дискусијата баш во тој правец.


Posted By: StreetStruck
Date Posted: 16-May-2011 at 01:09
Секако дека е за сите политички партии, кога некоја ќе го направи Јужен булевар ова нема да важи за неа, а гледаме дека Јужен е сеуште присутен само во нашите фантазии.

-------------
"Поробените треба да тежнеат кон слободата, а слободните кон совршенство"- Јане Сандански


Posted By: leonid23
Date Posted: 16-May-2011 at 01:54
Датум: 15.05.2011, 23:00

ПРВА ФАЗА ОД БУЛЕВАРСКИОТ ЗАФАТ ЗА НАМАЛУВАЊЕ НА МЕТЕЖОТ ВО ЦЕНТАР
„Гологанов“ се шири со турбо-крстосница



Улицата, за пет месеци, ќе стане булевар со две ленти повеќе, од Рузвелтова па се` до зградата на поранешна НИП „Нова Македонија“, а кај Католичката црква ќе се гради долгонајавувана кружна раскрсница

За пет месеци улицата Митрополит Теодосиј Гологанов ќе стане булевар со четири ленти, и тоа од улицата Рузвелтова до семафорите на Мито Хаџи Василев-Јасмин. Исто така, кај Католичката црква, во близина на АМСМ, ќе се гради долгонајавувана кружна турбо-крстосница, прва од таков тип во Скопје. Градската власт е убедена дека со оваа инвестиција ќе го растовари метежот во овој дел од населба Капиштец, виновник за многу сообраќајни незгоди на наведената локација.

Улицата, објасни градоначалникот Коце Трајановски, ќе се проширува од десната страна во насока од Општината Карпош кон Центар, и тоа во вкупна должина од 1.600 метри. Откога во минатата недела беше означен почетокот на градежните работи, на терен деновиве може да се види дека веќе се раскопува десната страна на планираниот потег.

Најголемо очекување на Трајановски му е кружната раскрсница.

- Реализацијата на проектот во голема мера ќе придонесе за решавање на сообраќајните проблеми во централното градско подрачје, ќе се зголеми проточноста на возила и ќе се намали времето на патување, што ќе придонесе за заштита на животната средина. Треба да се нагласи дека формирањето на кружниот сообраќаен тек директно ќе влијае врз зголемувањето на безбедноста во сообраќајот во овој дел од градот - рече скопскиот градоначалник.

Ова е само прва фаза од реализација на проширувањето на „Гологанов“. Втората фаза од овој капитален проект, за која с` уште нема целосна техничка документација, ќе значи уште две ленти, но во делот на Карпош, од Рузвелтова до улицата Московска, кај студентскиот дом „Гоце Делчев.

Од десната страна на булеварот ќе биде поставено ново улично осветление. Се предвидува и посебен џеб за возилата од јавниот превоз, како и пешачки и велосипедски патеки на тротоарите.

За целосна реконструкција на улицата Митрополит Теодосиј Гологанов, Градот Скопје ќе потроши околу 72 милиона денари.

Еднонасочни улици за полесно движење

Градските власти информираат дека сообраќајот на Гологанов, во прво време, додека се изведуваат земјените работи, ќе се одвива нормално. Потоа, кога ќе почне асфалтирањето, една лента ќе биде затворена за движење на возила. Со цел намалување на метежот во тој период, неколку улици во Капиштец ќе бидат отворени како еднонасочни.


http://dnevnik.com.mk/default.asp?ItemID=DD471FFB4432C240996AECF451E36C7B


Posted By: krale
Date Posted: 16-May-2011 at 09:16
Originally posted by Cloverstack


Originally posted by krale

Па еве затоа што на пример, во тој парк на тополи има времени објекти, кои треба да се дислоцираат. Исто така, доставата на материјали, работата е понапорна во урбана средина, отколку на отворен простор. Можеби влијае исто така и тоа што ќе има многу поголем број на клучки (и сите изведени на поскап начин) од оние во ниви ан автопат.
Крале, во правниот систем знаеш што значи времен објект? Да има политичка воља, за пола саат на клоци ќе ги исшутираат од таму. Да не очекуваш државата да им плати за „дислокација“? И каква врска има тоа со градска/рурална средина?


Времени објекти, ако не сакаат да ги дислоцираат газдите, што често се случува, мора да ги дислоцира државата на свој трошок. Само го спомнав во контекст на качување на цената за изведба.


Работата во урбана средина била „понапорна“? Во кој смисол?Што се однесува до доставата на материјали хммм... тоа зависи како гледаш. Ваму има постоечка сообраќајна мрежа, а некаде на зафрлено место па треба да почнеш од нула и прво да градиш пристапни патишта. Навистина не сум во состојба да правам пресметки дали и колку доставата на материјал во урбана средина ќе го поскапи или поефтини проектот, но секако не зборуваме за значаен процент во вкупната цена, кој може битно да ги измени цифрите.Клучките не се којзнае колку на број и нормално влегуваат во цената, а таа проценка што ја изнуди од мене воопшто не беше наивна сума за да рачунаме дека клучките би биле плус трошок.


Значи цело време правам исклучиво споредба урбана/рурална градба на ваква делница. Во градско подрачје, се прават гужви, доставата е отежната, работното време се прилагодува на урбаните потреби (некои изведби ќе мора да се прават можеби ноќе, или викенд, што ја качува работната цена), итн., значи сега не знам дали тие трошоци значително ја менуваат цената, ама сепак да не тераме инает дека е исто.


Originally posted by StreetStruck

Originally posted by krale

Па
Па еве затоа што на пример, во тој парк на тополи има времени објекти, кои треба да се дислоцираат.[quote]Времени објекти се рушат, не се дислоцираат, без извини и без пардон. Тие таму си биле свесни кога си ги направиле исто како што се свесни сега дека објектите им се/ќе им бидат од времен карактер. А ако не се свесни власта е таа што треба да им стави до знаење. Уште нешто сакам да кажам, се дур нашиве партии кои на база на глупоста и заспаноста на народов, се тепаат за поенчиња од неколку стотини "задоволни" Маџир Маалци и останатите на кои им се попушта, a кај што треба да поминува Јужен, ништо нема да биде од работава. Тоа ти е исто, парите идат за "бесплатно" користење на бањи и автобуси, се покачуваат плати на некои што клатат столчиња и ги фаќа промаја и се качуваат пензии, додека вечните проблеми и потреби си остануваат вечни, поради тоа што парите и визиите се насочени кон друга насока...Али секој глас е скапоцен нели.


Нема потреба да се укинат „привилегиите“ за старите лица. Секое цивилизирано општество се грижи за старите, и не знам каква врска има тоа со ј. булевар. И те како треба да се обезбедат услови за бањи и лекови, итн., за старите лица.


Posted By: StreetStruck
Date Posted: 16-May-2011 at 10:56
Previous Значи вака, никој не кажа да не се грижат за старите лица, али ова се чисто популистички потези. Што не им направат повеќе старечки домови, за кои навистина има потреба и луѓе се тепаат и фаќаат врски за да се сместат. Дур бев у средно се искинав од возење во автобус, а старци што немаат попаметна работа, замараат деца у 7 сабајле и го хараат градов од што немаат што да прават. Епа ако тоа е грижа од државата тогаш што да кажам. А иначе за грижата, го имаш ли тоа чувство дека државава некако повеќе се грижи за старите отколку за оние кои треба допрво да живеат и да допринесуваат за неа, со секоја почит за старите.
Плус само за старите се фати, јас кажав и за пребројната администрација, каде што е најголемиот проблем и заради која почнуваме да наликуваме на Грција, сите на терет на буџет. Епа крупни инфраструктурни проекти не можат да видат светлина така.


-------------
"Поробените треба да тежнеат кон слободата, а слободните кон совршенство"- Јане Сандански


Posted By: krale
Date Posted: 16-May-2011 at 11:05

Се фатив за старите, затоа што со тој дел не се сложувам (за администрацијата си апсолутно во право).

Мислам дека државата мора повеќе да се грижи за старите, отколку за младите. Младите треба да си ја креираат својата иднина, а старите нема веќе што можат да сторат за самите себе. Нека замараат и у 6 сабајле. Не може тој однос да го подржам во кој веќе старите едавј чекаат да умрат, или да ги нема, па само ни прават гужва и терет во општеството.

Верувам во достоинството на човекот и во младост и во старост, и мислам дека потезите за старите се супер.


Posted By: StreetStruck
Date Posted: 16-May-2011 at 11:12
Па затоа ти викам нека изградат старечки домови. Така се покажува најголема грижа, луѓето си се згрижени, се дружат, не се осамени. Подостоинствено од тоа има ли. Плус ќе се отворат работни места за сестри, доктори, физиотерапевти, психијатри итн. Двоен бенефит. Али не е тоа темата, мене таков ми ставот, бидејќи знам дека гледаат на нив само како на гласачко тело и никако поинаку. Сега можеме да се вратиме на темата.

-------------
"Поробените треба да тежнеат кон слободата, а слободните кон совршенство"- Јане Сандански


Posted By: IN_MOTION
Date Posted: 16-May-2011 at 19:59

Од денеска.



Posted By: 4skopje
Date Posted: 16-May-2011 at 20:15
Ne sum pominal od tuka,ama ovde stvarno se rabotelo Thumbs%20Up. Ova bese najgadna propadnata ulica so najnikakvi trotoari .I mislam deka nikade nemase primer kade dve glavni ulici  se secat bez nikakva signalizacija.100 sudsari imalo ovde.Ako nekoj pobara statistika od MVR mislam deka i 100 kako brojka e mala E so toa treba da se zanimavaat novinarite,a ne so nekoj nedoslusnati raboti.Luge sto doagale od stranstvo se cudee deka ima vakvo nesto.


Posted By: fichot
Date Posted: 16-May-2011 at 22:30
А зошто со проширувањево не е опфатен делот од студентскиот Гоце до Рузвелтова?


-------------


Posted By: krale
Date Posted: 16-May-2011 at 22:52
Originally posted by fichot

А зошто со проширувањево не е опфатен делот од студентскиот Гоце до Рузвелтова?


Планиран е во следната фаза.


Posted By: fichot
Date Posted: 16-May-2011 at 22:54
Истиот (бош) муабет како и со Илинденска. Само целосно проширување ќе го има посакуваниот ефект. Вака речиси ништо не добиваме.

-------------


Posted By: krale
Date Posted: 16-May-2011 at 22:55
Се работи во делови. Тоа е нормално.


Posted By: IN_MOTION
Date Posted: 17-May-2011 at 20:34

1.

2.


Некако многу широко копаат. Да не има и зеленило во средишниот дел?



Posted By: alexsend
Date Posted: 17-May-2011 at 20:48
нема да има. тоа заради тротоарот


Posted By: mirakuliks
Date Posted: 17-May-2011 at 21:30
Originally posted by alexsend

нема да има. тоа заради тротоарот


кој до сега фактички и не постоеше


Posted By: phenomenon
Date Posted: 18-May-2011 at 07:32
   Што мислите за дијаметарот на кружниот тек на Митрополит Теодосиј Гологанов? Мене ми се чини дека е премал. Нема ли тоа да придонесе за гужви во сообраќајот. Исто така, дали ќе може да се свртува полукружно и како од Митрополит Теодосиј Гологанов (возејќи од исток кон запад) кон Мито Хаџивасилев Јасмин. Плус правците ограничени со трите пешачки триаголници на источната страна изгледаат многу кратки. Нема ли тоа негативно да влијае на протокот на возила, и покрај регулацијата која ќе го ограничува нивниот прилив во кружниот тек?

-------------
開始されていないだけの戦いが失われ、


Posted By: zabegan
Date Posted: 19-May-2011 at 17:44
за тие што повеќе се разбираат:
зарем нема да настанат проблеми и гужви на раскрсницата кај Нова Македонија со зголемување на сообраќајот по Гологанов?


Posted By: IN_MOTION
Date Posted: 19-May-2011 at 19:40

Денес

1.


2.

На вторава слика почнува лакот за кружниот тек. И не изгледа баш мал.



Posted By: N23
Date Posted: 19-May-2011 at 19:53
Мал офф-топик, вчера гледам едно иљадници бекатон коцки ископани од местово, па мн ок би било да се дадат гага по општиниве и да се средат тротоарите, ова ко бесплатна инвестиција ќе дојде. А можат и бизнис да направат, да пишат негде ставиле бекатон, а уствари овој го искористиле. Нека го искористат битно, зашто мислам дека тотална глупост ќе направат волку бекатон коцки да отидат јабана.


Posted By: gorco
Date Posted: 19-May-2011 at 20:20
Originally posted by N23

Мал офф-топик, вчера гледам едно иљадници бекатон коцки ископани од местово, па мн ок би било да се дадат гага по општиниве и да се средат тротоарите, ова ко бесплатна инвестиција ќе дојде. А можат и бизнис да направат, да пишат негде ставиле бекатон, а уствари овој го искористиле. Нека го искористат битно, зашто мислам дека тотална глупост ќе направат волку бекатон коцки да отидат јабана.


Сигурно нема да ојде јабана, ист ќе биде случајот и со бекатонот од кај Макпетрол/јужен булевар, како оној со старите коцки од плоштад Македонија, кој го дадоа мислам за паркот во Гази Баба.

-------------


Posted By: Cloverstack
Date Posted: 03-Jun-2011 at 05:40
Originally posted by krale

Времени објекти, ако не сакаат да ги дислоцираат газдите, што често се случува, мора да ги дислоцира државата на свој трошок.
Понекогаш се прашувам, да не пишуваш од некој паралелен универзум  Big%20smile


Originally posted by phenomenon

Што мислите за дијаметарот на кружниот тек на Митрополит Теодосиј Гологанов? Мене ми се чини дека е премал.
Со оглед дека не се работи за класичен кружен тек, туку специфичен тип „турбо“ кружен тек (што за нас е новост и мистерија во повеќе погледи), тешко е да се предвиди резултатот.

Мислам дека многу ќе зависи од тоа дали сообраќајната култура ќе ни се покаже дорасната за вакво решение, односно дали ќе функционираат контролираните и предвидливи движења внатре во кружниот тек.


Originally posted by phenomenon

Исто така, дали ќе може да се свртува полукружно и како од Митрополит Теодосиј Гологанов (возејќи од исток кон запад) кон Мито Хаџивасилев Јасмин.
Колку што можам да видам од скицата, ќе може, со нормално поминување преку кружниот тек (се разбира, треба да се појде од левата лента на Теодосиј Гологанов). Турбо кружните текови, за разлика од обичните, не овозможуваат вистинско полукружно свртување (да се вратиш од истиот правец од кој си дошол), но во случајов не се работи за вистинско полукружно свртување, туку само геометриски така заличува, бидејќи двете улици се влеваат во кружниот тек под сличен агол. Но сепак се работи за два различни краци.


Posted By: krale
Date Posted: 03-Jun-2011 at 08:12
Originally posted by Cloverstack


Originally posted by krale

Времени објекти, ако не сакаат да ги дислоцираат газдите,
што често се случува, мора да ги дислоцира државата на свој
трошок.
Понекогаш се прашувам, да не пишуваш од некој паралелен универзум  Big%20smile


WOW што кажа. Да не знам дали да аплаудирам или да се

Не ја аби тастатурата и оптоварувај серверите за џабе.


Posted By: OCB
Date Posted: 03-Jun-2011 at 09:03
Трошоци за поставување, одржување, дислокација и отстранување на времените објекти се регулираат со Програма која ја носи секоја општина посебно. Извадок од Програмата на Општина Аеродром:

„Трошоците за поставување, одржување, дислокација и отстранување на времените објекти и урбаната опрема паѓаат на товар на инвеститорот, физичко или правно лице.“


Posted By: Urbanist
Date Posted: 24-Jul-2011 at 23:52
Овде има напредок, веќе почнаа да склопуваат некои делови, штета што камерата не ми работи.


Posted By: build.mk
Date Posted: 25-Jul-2011 at 11:34
1


2


3


4


5


6



Posted By: Urbanist
Date Posted: 10-Aug-2011 at 02:09
Кратки вести за оваа тема е дека е почнато асфалтирање на поголемите делови околу кружниот тек.


Posted By: axel
Date Posted: 11-Aug-2011 at 10:55
Времен сообраќаен режим на улицата “Митрополит Теодосиј Гологанов“

http://www.netpress.com.mk/vestiimages/90168/SKOPJE_ULICA.JPG">

На улицата “Митрополит Теодосиј Гологанов“ во сабота и недела поради изведување на градежни активности ќе биде воспоставен времен сообраќаен режим, информира Град Скопје. 

Поради изведување на градежни активности на крстосницата на улицата “Франклин Рузвелт“ со улицата “Митрополит Теодосиј Гологанов“, за сообраќај ќе биде затворен приодот од улицата “Франклин Рузвелт“ кон улицата “Митрополит Теодосиј Гологанов“, како и во спротивен правец.

Поради изведување на градежни активности за време на викендот на коловозот по трасата на улицата “Митрополит Теодосиј Гологанов“, сообраќајот ќе биде рачно регулиран со наизменично пропуштање на возилата.

Градот Скопје ги замолува сите учесници во сообраќајот да се придржуваат кон привремено воведениот режим на сообраќај.
http://www.netpress.com.mk/vest.asp?id=90168&kategorija=1


Posted By: alexsend
Date Posted: 12-Aug-2011 at 12:28
Баш сега поминував пешки кај фамозниот турбо кружен тек. Работите се вакви:
- луѓето кои работат беа на пауза но избројав 10-12
- еден дел е асвалтиран (од пола накај Нова Македонија) останатиот е тампониран.
е сега
-ако се движиш од Рузвелтова накај Нова Македонија на кружниот тек има само една лента во тој правец, а мислам дека е исто така и ако се движиш од Идадија накај Рузвелтова. Значи од 2 ленти влагаш у 1 па пак во 2 :S .

Инаку и раскрсницата кај Рузвелтова е раскопана од вчера.


Posted By: slepci
Date Posted: 12-Aug-2011 at 14:07


на проектот убаво се гледа дека кружниот ток има по две ленти
 
малку разгледај пред да коментираш во улога на циник
 
немаме толку лоши сообраќајни инженери Bash за да коментираш на овој начин
поздрав


Posted By: alexsend
Date Posted: 12-Aug-2011 at 18:59
Аман слепци едни, стоев на улицата и ви кажувам има 1 лента која оди накај Нова Македонија!!!

И на проектот било така,
2 ленти одат накај Рузвелтова од Нова, 1 обратно
http://www.skopje.gov.mk/images/Image/mapa%20Gologanov.JPG


Posted By: my Macedonia
Date Posted: 12-Aug-2011 at 19:38
Da imavme edna slika od terenot definitivno kje vredese povkje od milion zborovi


Posted By: fichot
Date Posted: 17-Aug-2011 at 01:06
А во кружниов тек ќе има некој коњаник?

-------------


Posted By: alexgizh
Date Posted: 17-Aug-2011 at 01:51
Да, Чакаларов ќе стои тука. Претпоставувам половина од изборот за кружен тек е поради можноста да стои споменик.

-------------
The only thing necessary for the triumph of evil is for good men to do nothing.


Posted By: gjoko
Date Posted: 25-Aug-2011 at 12:42
Турбо кружниот тек ќе биде пуштен до крајот на септември
Четврток, 25 Август 2011 13:14

Градоначалникот на Град Скопје, Коце Трајановски денеска изврши увид на градежните работи за проширување и реконструкција на коловозот и формирање кружен тек на улицата „Митрополит Теодосиј Гологанов“.


- Карактеристично за булеварот „Митрополит Теодосиј Гологанов“ е тоа што ќе има нов кружен тек - турбо кружен тек кој е прв во Скопје и во Македонија и ќе овозможи побрз проток на возилата и сообраќајот во главниот град, рече Трајановски.

Според него, изведувачот направил максимални напори за да може да стигне до 8 септември, но поради временските услови тој рок нема да биде исполнет, иако интензивно се работеше во две смени и за викенди.



- Се надеваме дека оваа собраќајница целосно ќе биде пуштена во употреба до крајот на септември годинава, рече Трајановски.

Проширувањето на оваа улица почна на 13 мај годинава. Булеварот ќе има четири ленти, во широчина од 13 метри. Од двете страни ќе има тротоари со широчина од 3,5 метри. Ќе има и улично осветлување. На сите улици кои одат од овој булевар ќе има семафори.

Според него, оваа сообраќајница е една од клучните, по „Илинденска“ и „Партизанска“. Улиците „Костурски херои“ и „9 Мај“ ќе бидат еднонасочни и семафоризирани.



- На делот кај улицата „Мито Хаџивасилев - Јасмин“, кракот што доаѓа кон „Народен фронт“ исто така ќе биде проширен и семафоризиран, рече Трајановски.

Тој напомена дека се работи на проект за продолжување на овој булевар, до „Московска“ или до студентскиот дом „Гоце Делчев“. Следната година ќе се продолжи со реализацијата на овој булевар. Сега проширувањето се реализира до улицата „Франклин Рузвелт“, а понатаму ќе се оди до булеварот „8 Септември“.



http://kurir.mk/republika/skopje/40305-Turbo-kruzniot-tek-ke-bide-pusten-do-krajot-na-septemvri - http://kurir.mk/republika/skopje/40305-Turbo-kruzniot-tek-ke-bide-pusten-do-krajot-na-septemvri


Posted By: Dexter26
Date Posted: 25-Aug-2011 at 19:07
http://www.sitel.com.mk/dnevnik/makedonija/pekolnoto-leto-ja-zabavi-rekonstrukcijata-na-teodosij-gologanov - http://www.sitel.com.mk/dnevnik/makedonija/pekolnoto-leto-ja-zabavi-rekonstrukcijata-na-teodosij-gologanov
 

Пеколното лето ја забави реконструкцијата на "Теодосиј Гологанов"


 
И покрај првичните најави дека ќе биде пуштен на 8ми септември булеварот “ Митрополит Теодосиј Гологанов” целосно ќе заврши со реконструкција до крајот на септември.

Временските услови а особено поставувањето на гасоводот ја успорија работата на инвеститорот.

 
Гасовод ???
 
Прв пат слушам за ова.
 
Знае ли некој нешто повеќе околу овој гасовод ?
 
Инаку и градоначалникот на Скопје, Коце Трајановски, го спомна овој гасовод, не го спомнува во наредниов клип од Македонија 24, но го спомнува на Канал 5 или Сител, до крајот на денов сигурно ќе ги закачат клиповите и на тие сајтови.
 
http://www.makedonija24.mk/?ContentId=6997&CatId=10 - http://www.makedonija24.mk/?ContentId=6997&CatId=10


Posted By: pbanks
Date Posted: 25-Aug-2011 at 19:09
Точно е дека се прави гасоводен крак кон тој дел на градот (Тафталиџе итн). Во прво време колку што знам е наменет за капацитети како топлификацијата во тој реон, но веројатно подоцна од него би се разгранувала и секундарна мрежа за домаќинствата кога ќе дојде тоа на ред. 


Posted By: Dexter26
Date Posted: 25-Aug-2011 at 19:18
Previous
 
Дали Топлификација, како приватна фирма што всушност и е, плаќа од свој џеб за ваквиот градежен потфат, или градот Скопје од парите на граѓаните плаќа за тој гасоводен крак ?
 
Ако е првиот случај, тогаш исправно е Топлификација да има приоритет во користењето на тој гасоводен крак, но доколку е вториот случај, тогаш треба домаќинствата да бидат на прво место, бидејќи сепак, тој гасоводен крак се плаќа со народни пари, глупаво е приоритет да и се даде на некоја приватна фирма за да остварува профити од гасоводен крак изграден со народни пари.


Posted By: fichot
Date Posted: 25-Aug-2011 at 20:06
Улиците „Костурски херои“ и „9 Мај“ ќе бидат еднонасочни и семафоризирани.

Не ми е јасно малку ова, КХ не ли излегува право на кружниот тек?

-------------


Posted By: lslcrew
Date Posted: 26-Aug-2011 at 00:21
Пред да барате правди може и малку информации да се побараат. Околу Скопје оддамна е планиран гасоводен прстен и е се реализира, а ова еден ден од тој прстен. скоро се градеше и во Кисела Вода покрај пругата. Треба да се врзат топланите прво кои поради големата цена на мазутот станаа неисплатливи и се повеќе граќани го откажуваат парното. Топланата Југ или Исток (која е) во Кисела Вода и Запад во Тафталиџе. Цефките се со планиран профил да задоволуваат, а може Топлификација како голем заинтересиран корисник да има некое учество, а за гасификацијата имаше спо со ГаМа (Макпетрол) околу сопственоста. Така да кој сега го изведува незнам, ама не е тоа туку така едноставно. Повеќе може кај нишката за гасификација да не идеме тука офтопик.


Posted By: pbanks
Date Posted: 26-Aug-2011 at 00:28
Originally posted by Dexter26

Previous
 
Дали Топлификација, како приватна фирма што всушност и е, плаќа од свој џеб за ваквиот градежен потфат, или градот Скопје од парите на граѓаните плаќа за тој гасоводен крак ?
 
Ако е првиот случај, тогаш исправно е Топлификација да има приоритет во користењето на тој гасоводен крак, но доколку е вториот случај, тогаш треба домаќинствата да бидат на прво место, бидејќи сепак, тој гасоводен крак се плаќа со народни пари, глупаво е приоритет да и се даде на некоја приватна фирма за да остварува профити од гасоводен крак изграден со народни пари.


немам детали.

Сепак нема ништо лошо според мене топлификација или некои други поголеми капацитети во тој дел од Скопје да се врзат за гасоводот бидејќи сите ќе имаме бенефит, дали еколошки (замена за мазут) или енергетски (замена за струја).

Градење на секундарна мрежа за граѓаните пак е веројатно посложен зафат кој бара доста копање наоколу, додека сега само се користи приликата на раскопана улица да се постави магистрален гасовод.




Posted By: lslcrew
Date Posted: 26-Aug-2011 at 00:37
За второстепена мрежа може да го поставиме прашањето, дали оставиле вентили и шахти или после пак ќе отвараме за наново. Тоа е во врска со булеваров. Инаку еве и Куманово и Струмица каде веќе почнаа прво ги врзуваат големите потрошувачи како школи, градинки, фабрики каде со еден удар поголема потрошувачка се намалува, а после се граќаните како крајни потрошувачи. Тоа дури и ќе почекаме треба да се работи на мрежа, на свест и сите пропратни работи додека да стигнеме до тамо да секој дома се приклучи.


Posted By: medlence
Date Posted: 26-Aug-2011 at 00:52
Додека ние да стигнеме до таму сигурно ќе снема плин


Posted By: gjoko
Date Posted: 26-Aug-2011 at 01:27
ЕДНО ПОЈАСНУВАЊЕ:овој гасовод не е за обичен плин кој сите ние го користиме или дома или во коли каде се користи пропан-бутан,гасоводот е за природен гас(најмногу има метан) и поинаку се работи со него,треба други системи,бренери и слично


Posted By: ovaj_stariov
Date Posted: 05-Sep-2011 at 12:43
Уличката покрај Католичката црква ќе стане еднонасочна

Целосно раскопана и стеснета во влезот улицата 29 Ноември, која поминува покрај Католичката црква и излегува на новиот кружен тек, зјае во прашина веќе извесно време

Причината поради која е стеснета само во влезот градските власти ја лоцираат во фактот што било планирано таа да биде пренаменета во еднонасочна улица. Меѓутоа, оттаму не прецизираат во која насока ќе се движи сообраќајот.

- Откако ќе заврши проширувањето на булеварот Митрополит Теодосиј Гологанов, улицата 29 Ноември ќе стане еднонасочна и затоа сега се приспособуваат техничките карактеристики на профилот на кружниот тек. Градот Скопје, паралелно со проширувањето на Гологанов, прави и нови сообраќајни решенија, со кои сообраќајот на новата сообраќајница би бил пофункционален и побезбеден - велат од одделението за односи со јавност од градот.

На оваа улица на терен работат и екипи на „ЕВН-Македонија“, на „Македонски телеком“ и на „Водовод и канализација“. Се поставува и ново улично осветлување, а по завршувањето на сите зафати ќе се асфалтираат коловозот и тротоарите на целиот потег од Митрополит Теодосиј Гологанов до булеварот Партизански одреди.

Улицата 9 Мај, исто така, ќе биде еднонасочна.


http://novamakedonija.com.mk/NewsDetal.asp?vest=9511959289&id=14&prilog=0&setIzdanie=22373 - http://novamakedonija.com.mk/NewsDetal.asp?vest=9511959289&id=14&prilog=0&setIzdanie=22373

-------------
build.mk, гради форумска историја


Posted By: pbanks
Date Posted: 05-Sep-2011 at 12:45
Баш пред некој ден го гледав пристапот до оваа улица и се мислев што им е планот бидејќи рабниците чудно ги дефинираат кривините од кружниот тек до улицата.

Мислам дека чекорот со еднонасочна улица е добра идеја. Од кога Дебар Маало и Буњаковец комплетно се унаказија урбанистички, улиците се комплетно непроодни. Едносмерни улици и сериозна контрола каде се паркираат колите би можело да воведе каков таков ред.



Print Page | Close Window