Супер фотки Владимир (видеото го имам гледано од порано) 
Само штета што не си ги сликнал местата на операторите од каде што се управува со активностите.

Дали некој има да сподели подетални „технички“ податоци за станицава? Или некакви статистики низ годините и моментално? Кога воопшто е изградена станицава и дали од почеток била во денешнава форма?

Исто така ме интересира што претставуваат оние како придадени колосеци на источниот крај. Дали служат чисто за „паркирање“ или имаат некаква поактивна улога?

И конечно, дали со интензивната контејнеризација на транспортот, ранжирните станици низ светот полека ја губат важноста и обемот на сообраќај во нив се намалува?

 

Ранжирната станица Трубарево работи веќе 40 години.

 

Истата се состои од два дела - приемна група и ранжирноотпремна група.

 

На првата слика е ранжирноотпремната група. Приемната група е западно.

Помеѓу приемната група и ранжирноотпремната група е централната поставница 

(срцето на станицата) од каде се управува со трите шински кочници

за распределба на вагоните во три снопа по осум колосеци во ранжирноотпремната група.

Предвидена е и четврта шинска кочница со сноп од осум колосеци,

но до сега таа не била потребна.

Работата во станицата се намалува поради намалениот превоз,

а и поради променетата организација на ранжирните реони во регионот.

 

На северната страна се локомотивското депо и колската работилница,

а североисточно (слика 6) се сервисните колосеци

на кои се врши чистење и подготовка на вагоните.

 

На југоисточната страна е зградата за телекоманда на сообраќајот (слики 2, 3, 4 и 5)

(каде се врши управување со возовите по коридорот 10)

и далечинско управување со електроенергетските постројки по коридорот 10.

 

На јужната страна (слика 5) се колосеците од транзитната група.

Тука доаѓаат возовите кои не е потребно да се ранжираат.

 

Ранжирните станици се многу важни за товарниот сообраќај

и затоа нивната структура зависи од потребите на товарниот сообраќај. 

 

На првата слика лево се колосеците од транзитната група,

а десно се колосеците од ранжирноотпремната група

и во длабочина е комерцијално управната зграда на станицата,

На втората слика се колосеците од транзитната група.

 

На третата слика се колосеците од ранжирноотпремната група,

во длабочина е комерцијално управната зграда на станицата,

како и работилницата на локомотивското депо.

 

На четвртата слика се колосеците од ранжирноотпремната група.

 

На петата слика се излезните свртници за ранжирноотпремната група.

 

На шестата слика се излезните сигнали за ранжирноотпремната група.

Организацијата на ранжирните реони се регулира со возниот ред секоја година.

Потребите на крисниците се регулираат директно со железничките транспортни фирми

или со шпедитерските фирми, кои пак прават договори со железничките транспортни фирми.

Кај нас железничка транспортна фирма е МЖ Транспорт АД - Скопје.

Железничките транспортни фирми

кај фирмите менаџери за железничката инфраструктура,

кај нас тоа е ЈП МЖ Инфраструктура - Скопје,

поднесуваат барање за траси на товарните возови кои би сообраќале на нивните пруги.

Од поднесените барања за траси на возовите,

железничките инфраструктурни фирми изготвуваат возен ред

во кој се утврдуваат трасите на возовите и

ранжирните станици во кои ќе се врши преаранжирање на возовите

и нивното задржување во ранжирните станици.

За да се намали потребата од преаранжирање на возовите

во ранжирните станици во текот на патувањето на возот,

возовите сега претежно се формираат во почетната станица

со состав кој не се менува до крајот на патувањето.

Тоа се т.н. блок возови и соодветно

за нив се обезбедуваат траси од почетната до крајната станица.

 

Возовите кои немаат фиксен состав од почетната станица,

во текот на патувањео се преаранжираат во ранжирните станици.

За ваквите возови се утврдуваат траси од една до друга ранжирна станица

и самите ранжирни станици.

Вака утврдените траси и ранжирни станици се опфатени со возниот ред

и со тоа се утврдува организацијата на ранжирните реони.

 

За да биде појасно гореизнесеното ќе го илустрирам со два примери.

 

Во станица Скопје Југ се формира блок воз кој директно патува до станица Ријека,

во Хрватска, по траса која не се менува во попатните ранжирни станици.

 

Попатни ранжирни станици се Трубарево, Поповац, Лапово и Макиш во Србија,

Винковци и Загреб Ранжирни Колодвор во Хрватска.

 

Ако во станица Скопје Југ не е оформен блок воз,

тогаш вагоните што треба да стигнат до Ријека

се вклучуваат во возови формирани во попатните ранжирни станици.

Значи тие вагони ќе патуваат во состав на повеќе возови,

со траси соодветни за нив утврдени со возниот ред и

тие траси се опфатени со организацијата на ранжирните реони.

 

Организацијата на ранжирните реони е главната работа

на железничките инфраструктурни фирми кои менаџираат со пругите и

ранжирните станици и за своите услуги соодветно

од железничките транспортни фирми наплатуваат трошоци

за користење на пругите и ранжирните станици.

Бидејќи крајниот корисник плаќа се, затоа негов интерес е да се формираат

блок возови со фиксни траси од почетната до крајната станица,

па со тоа цената за железничкиот транспорт се намалува,

а се намалува и времето на патување на стоката.