Print Page | Close Window

Цени на станови

Printed From: build.mk
Category: Останати теми
Forum Name: Останати теми
Forum Discription:
URL: http://www.build.mk/forum/forum_posts.asp?TID=1556
Printed Date: 19-Mar-2024 at 11:04


Topic: Цени на станови
Posted By: sid
Subject: Цени на станови
Date Posted: 24-Jan-2012 at 23:32

Здраво


Една многу често поставувана тема, цена на становите во Скопје. Зошто се толку скапи становите во Скпје. Еве почна и поинтензивно да се градат нови згради, со отворањето на нови факлутети во внатрешноста на Македонија и нема веќе студенти. Но цената никако да спадне. Толку ли има потреба од нови станови или пазарот го контролираат само мал број на компании.

А и старите станови не се ништо подобри стари санови ги продаваат поскапо од нови.


Сега со проектот на владата мислам дека ситуацијата уште повеке ќе се влоши... И кај можеш да најдеш стан од 900 е кв во скопје?






Replies:
Posted By: Cloverstack
Date Posted: 26-Jan-2012 at 01:08
Здраво sid и добредојде на форумов


Originally posted by sid

Толку ли има потреба од нови станови или пазарот го контролираат само мал број на компании.
Мој впечаток е дека пазарот е контролиран, мада не обавезно поради малиот број на компании (всушност бројот на компании и не е толку мал, колку што е мал бројот на оние кои навистина можат да испорачаат сериозна квадратура, особено без преголема финансиска „креативност“ и разни одолговлекувачки фактори)


Originally posted by sid

Еве почна и поинтензивно да се градат нови згради
Веројатно да, но сепак би бил претпазлив во проценката, особено за тоа за колкав процент се работи. Верувам дека кај повеќето луѓе (вклучувајќи ме и мене) преовладуваше впечаток дека и во изминатите години изградбата се интензивирала, но статистиката не го потврдува тоа:

http://www.build.mk/forum/forum_posts.asp?TID=52&PID=112039#112039 - http://www.build.mk/forum/forum_posts.asp?TID=52&PID=112039#112039



Originally posted by sid

со отворањето на нови факлутети во внатрешноста на Македонија и нема веќе студенти.
Можеби бројот на вакви студенти е намален, но можеби и не е, со оглед дека новоформираните факултети во другите градови го апсорбираат и зголемениот број на студенти (неспорно сега имаме осетно повеќе вкупно студенти отколку пред неколку години). По ова прашање добро би ни дошла попрецизна статистика.

А миграцијата, односно трајното преселување во Скопје (особено на млади лица) продолжува со силно темпо, веројатно и се засили во последните години.



BTW разгледај ја оваа нишка, досега воглавно таму дискутиравме за цената на становите, верувам ќе најдеш работи кои ќе ти бидат од интерес:

http://www.build.mk/forum/forum_posts.asp?TID=353 - http://www.build.mk/forum/forum_posts.asp?TID=353


Еве и една интересна статија од порталот, на тема цената на становите во Скопје:

http://www.build.mk/?p=9206 - http://www.build.mk/?p=9206







Posted By: anonimen
Date Posted: 10-Mar-2012 at 11:31
Zdravo, go sledam vasiot forum redovno i smetam deka sodrzi dosta kvalitetni informacii. Vo momentot sum vo faza na kupuvanje na stan i sekojdnevno gi preslituvam oglasite ,a go pisuvam komentarot isprovociran od cenite na nasite gradezni kompanii koi se dvizat od 900 EU/m2 za objekt koj sto seuste ne dobil nitu gradezna dozvola pa do 1450 EU/m2. Za sporedba napraviv proverka i kako se dvizat cenite na stanovite vo Belgrad, Zagreb itn. i se frapirav kolku se poevtini . Cenite na novoizgraden stan vo Belgrad na periferija od gradot vo prosek se dvizi od 700 EU/m2 pa nagore vo zavisnost od lokacijata , a vo Zagred za novi stanovi cenata e od 800 EU/m2, 900 EU/m2 pa nagore, a se naoga stan i za 750 EU/m2. Se postavuva prasanjeto kako e mozno ovie gradovi koi nudat pokvalitetni uslovi za ziveenje da nudat poniski ceni , vo sporedba so nasite fuserajski novogradbi??? Eve nekolku oglasi:
Trešnjevka, Severinska, 2-sobni stan površine 45 m2, roh-bau, prodajem

Lokacija:     Trešnjevka, Grad Zagreb
Adresa:     Severinska
Ukupna cijena:     35.000 € (~ 264.479 kn)
Cijena po m2:      777 € -60.46%
Površina:     45 m2
Više informacija
Dalmatinska, 2,5-sobni stan,podrum, 46 m2, za uređenje !!!

Lokacija:     Centar, Grad Zagreb
Adresa:     Dalmatinska
Ukupna cijena:     36.800 € (~ 278.080 kn)
Cijena po m2:      800 € -61.37%
Površina:     46 m2
Više informacija
PRODAJA - Maksimirska cesta, 43.00m2, 39000.00 €

Lokacija:     Maksimir kvart, Grad Zagreb
Adresa:     Maksimirska cesta
Ukupna cijena:     39.000 € (~ 294.705 kn)
Cijena po m2:      906 € -51.94%
Površina:     43 m2
Više informacija
Vrapče, Trebež (kod Risovog naselja), 3-sobni stan površine 60,20 m2, roh-bau, prodajem

Lokacija:     Vrapče, Grad Zagreb
Adresa:     Trebež
Ukupna cijena:     48.000 € (~ 362.713 kn)
Cijena po m2:      800 € -46.06%
Površina:     60 m2
Vrbani, novogradnja, 2s od 54m2, vrlo povoljno

Lokacija:     Vrbani, Grad Zagreb
Ukupna cijena:     48.609 € (~ 367.315 kn)
Cijena po m2:      900 € -52.03%
Površina:     54,01 m2


Posted By: Bobi
Date Posted: 10-Mar-2012 at 13:13
Секоја чест за информацијава.Меѓутоа кога би седнал да зборуваш очи во очи со некој наш инвеститор ќе ти го каже следното: Па знаеш имам камати за плаќање,имам многу мито за плаќање,па ако не ви го вкалкулирам во цената,тогаш јас ќе работам за беспари ....Како во овие градови кои ги напомена нема мито,нема камати итн.Црно од под нокти ќе ти земат и ќе ти обеќаат брда и долини додека не уплатиш,а потоа ќе биде муабетот неможе тоа така,чекај ќе видиме,треба да доплатиш пола метар кабел затоа што тоа што го бараш е надвор од цената....
Поздрав и со среќа да си најдеш стан каков што сакаш!!!!


Posted By: Cloverstack
Date Posted: 12-Mar-2012 at 02:54
Да се надеваме дека конкуренцијата сепак ќе си го направи своето:

Зголемена вредноста на предвидените објекти за градење во јануари

../docs/users/1/Proekti/Domuvanje/RC%20Aerodrom/Sedum%20zgradi%20ADSDP%20RCAerodrom%200204.jpg">#


Според податоците на Државниот завод за статистика, во јануари 2012 година вредноста на предвидените објекти за градење изнесува 2.412.089.000 денари што е за 14,7% повеќе во споредба со истиот период од минатата година. Причина за ваквото зголемување се издадените градежни дозволи за поголеми зданија во секторот високоградба, кој бележи раст од 35,2% во однос на јануари 2011 година. Во извештајниот период е забележано зголемување на вкупната вредност на градежните работи кај објектите за реконструкција од 9,7%, а намалување е констатирано единствено во секторот нискоградба, кое не се одразува значително во крајната сума на предвидени градежни активности.

Во првиот месец од оваа година се издадени 169 градежни дозволи што е за 1,7% помалку во однос на идентичниот период лани. Од вкупниот број на одобренија за градење, 126 (74,6%) се наменети за објекти од високоградба, 13 (7,7%) за објекти од нискоградба и 30 (17,7%) за објекти за реконструкција. Најголем пад од 18,7% е констатиран кај секторот нискоградба, кој сепак има мало влијание врз целокупните придвижувања кај издадените одобренија од општините.

Значителен пораст е забележан во изградбата на станови во текот на јануари 2012 година. Правните и физичките лица предвиделе подигање на 477 станбени единици со корисна површина од 37.552 метри квадратни, односно зголемување од дури 80% на бројот на планирани станови во споредба со истиот период од минатата година. Скопскиот регион со предвидени 346 станови за изградба предничи во споредба со останатите региони од државата. Аеродром во континуитет е најатрактивна општина за инвеститорите кои вложуваат во изградба на живеалишта, само во јануари 2012 година се издадени градежни дозволи за подигање на 193 станови на неколку локации.


../?p=13021 - #
Објавено на 05.03.2012 во категорија ../?cat=28 - Вести .

Тагови: ../?tag=%d1%81%d1%82%d0%b0%d0%bd%d0%b1%d0%b5%d0%bd%d0%b8 - Станбени , ../?tag=%d1%81%d1%82%d0%b0%d1%82%d0%b8%d1%81%d1%82%d0%b8%d0%ba%d0%b0 - Статистика

http://www.build.mk/?p=13021 - http://www.build.mk/?p=13021


Posted By: gjoko
Date Posted: 04-Mar-2015 at 19:08
Пониски цени и до 100 евра на државните комерцијални станови

По пониска цена од 5 до 100 евра за квадрат ќе се продаваат 192 комерцијални станови што ги гради АД за стопанисување со станбен и деловен простор. Наредната недела ќе се одржи јавна лицитација на станови во Скопје, Охрид и Струмица.

04.03.2015 17:21:10
Share on facebookShare on twitterShare on emailShare on printMore Sharing Services0
По пониска цена од 5 до 100 евра за квадрат ќе се продаваат 192 комерцијални станови што ги гради АД за стопанисување со станбен и деловен простор. Наредната недела ќе се одржи јавна лицитација на станови во Скопје, Охрид и Струмица. Почетните цени за лицитација се намалени за 30 евра по квадрат во Скопје, 70 евра во Струмица, до 100 евра за метар квадратен во Охрид. Становите во Скопје ќе се продават по 850 евра за метар квадратен, во Струмица за 500, а во Охрид за 600 евра за квадрат. За првиот човек на државното станбено претпријатие Цветко Грозданов овие се реалните цени по кои становите треба да се нудат на продажба на овие локации.

Цените се намалуваат за сите заинтересирани купувачи да можат да стекнат сопствен дом, но да добијат и дополнителни олеснувања со вклучување во проектот „Купи куќа, купи стан“ – вели министерот за транспорт Миле Јанакиески.

На јавната лицитација во Скопје ќе се понудат 126 станови во 3 згради од кои две се завршени, а една е во состојба на карабина. Во Струмица ќе се лицитира за 26 станови, а во Охрид за 40 станови во објектот Расадник блок 2. Во наредниот период ќе се понудат и 292 нови станови во три објекти во Скопје, од кои еден во Центар и два во општина Карпош. Годинава , во употреба ќе се пуштат и 126 социјални станови во Демир Хисар, Прилеп и Ресен.

Тања Попова

http://www.alfa.mk/News.aspx?ID=90389#.VPdJNHzF86Y - http://www.alfa.mk/News.aspx?ID=90389#.VPdJNHzF86Y


Posted By: stef4o
Date Posted: 18-Jan-2021 at 17:59
АНАЛИЗА: Цените на становите во пораст – што ги поскапе недвижностите ?

Цените на становите во пораст – се намалува бројот на издадени одбренија за градба. На пазарот со недвижности, конкретно со продажба на станови изминатиот период е регистриран тренд на поскапување на метар квадратен станбен простор, пишува „Порталб“ . Позади ова стојат повеќе причини, една од нив и мориториумите за градба кои се на сила во дел од општините.

Се намалува бројот на одобренија за градба

На истекот од 2020 та, Заводот за статистика регистрира „негативни“ трендови во градежниот бизнис. Во ноември годинава во споредба со истиот месец лани е намален бројот на издадени одобрени за грдаба, но се намалува и вредноста на објектите кои треба да се изградат. Конкретно, во единаесетиот месец од 2020 биле издадени 208 одобренија за градба на територијата на целата држава што е за 14,4 отсто помалку во однос на лани, истиот месец.

– Од вкупниот број издадени одобренија за градење, 112 (53.9 отсто) се наменети за објекти од високоградба, 20 (9.6 отсто) за објекти од нискоградба и 76 (36.5 отсто) за објекти за реконструкција – наведува Заводот за статистика.                               

Предвидената вредност на објектите во ноември изнесувала 31,2 милиони евра што е за дури 22,2 отсто помалку во однос на анализираниот период лани. Само кај предвидената изгрдба на станови регистриран е пад за дури 61,6%.

Новемри 2020/2019

Издадени одобренија за градење    -14,4 отсто

Предвидена вредност на објекти    -22,2 отсто

Предвиден број на станови        -61,6 отсто

Во ноември била предвидена изградба на 302 станови, најголем дел или 91 во скопскиот регион, 50 во североисточниот регион, 47 во југозападниот регион и 33 во вардарскиот регион. Во останатите региони била предвидена изградба на помалку од 30 станови.

Што ги зголеми цените на становите?

Забавената изградба на нови станови, рестрикциите за градење во одредени општини и зголемените трошоци во градежништвото ја зголемија цената на метар кавдратен – коментираат луѓето од градежниот бизнис.

– Во изминатиот период се забалежува тренд на постојано зголемување на цените на недвижностите. За ова постојат повеќе причини. Една од клучните е што се зголеми цената на трудот во овој сектор, односно зголемени цени на услуги во градежништво, потоа се зголемија и цените на градежните материјали во 2020 та година – уште еден фактор што влијаеше врз пораст на трошоците за работа – вели Ивица Јакимовски од Градежната комора на Македонија.

Овој тренд на ценовен пораст го регистрираше и Народната банка – на крајот од 2020 та регистрин раст од 1,7 отсто. Но, не само трошоците, туку и сегашните мораториуми предизвикаа „поместувања“ на пазарот на недвижности. Во бизнис круговите се коментира дека цената на кавдратен метар во Центар достигнува и до 1.300 евра за нов стан.

– Врз цената на становите неизбежно влијаеше и мораториумот на териорија на општина Центар, односно неможноста за градење што предизвика застој во градежните работи, па дури и загуби за одредени фирми. Овој мораториум се покажа како незаконски, што беше потрвдено од Уставен суд. Потоа на територија на општина Карпош имавме укинати Детални Урбанистички Планови по вина на Општината, а од страна на Уставен Суд. Сите овие политики имаат влијание во бизнисот, во понудата на пазарот – вели Јакимовски и додава дека и со сегашните цени на недвижности Македонија во споредба со земјите од опкружувањето има најниски цени за метар квадратен стабен простор.

Податоците од банките покажуваат дека во ноември, на годишно ниво, регистриран е пораст на станбените кредити за 13,6 отсто . Граѓаните на крајот од ноември по основ на станбени кредити во банките должеле 930 милиони евра.

%20 - https://plusinfo.mk/analiza-cenite-na-stanovite-vo-porast-shto-gi-poskape-nedvizhnostite/


Posted By: zabegan
Date Posted: 19-Jan-2021 at 02:48

не мора предетална анализа, главни се два збора, лакомост и побарувачка

-------------
Architects create dreams...politicians create nightmares


Posted By: nenad
Date Posted: 19-Jan-2021 at 10:09
Kaj nas e ušte i dobro. Vo Belgrad e cenite odat i do 4000 po kvadrat.


Posted By: stef4o
Date Posted: 28-Jan-2021 at 15:42
РАСТЕ ПОБАРУВАЧКАТА НА СТАНОВИ ВО ОХРИД, ОД 1.300 ДО 1.500 ЕВРА ЧИНИ КВАДРАТ ВО СТРОГИОТ ЦЕНТАР

Побарувачката за станови во Охрид последнава година е зголемена иако цената за квадратен метар пораснала за 20 проценти. Според Агенциите за недвижности, атрактивноста на Охрид и побарувачката за купување недвижнини покрај езерото и во градот чии природни убавини се заштитени од УНЕСКО се зголемила поради мораториумот за градба и новиот План за управување со Охридскиот Регион. За разлика од изминатите години кога во Охрид неконтролирано се градеше, последниот период градбата на нови објекти е намалена, па поради тоа се бележи и раст на цените.

Моментално, метар квадратен во централното градско јадро и на самиото крајбрежје чини од 1.300 до 1.500 евра, а становите веќе се распродаваат уште во градба.

„Од средината на 2019 до средината на 2020 година имаше значителен пораст на цената за квадратен метар од 20 до 30 проценти, токму поради новиот План за управување со градот. Во централното градско подрачје и на охридската ривиера како најатрактивни делови од градот, цената е од 1.300 до 1.500 евра за квадратен метар. Тука можностите за градба се навистина ограничени, а од друга страна местото е највредно и најпривлечно и природно е цените да растат, бидејќи побарувачката за тој дел е навистина висока. За останатите локации цените се од 750 до 850 евра за нови градби, што е за 20 проценти пораст на цените“, вели Наташа Спасеска од Агенцијата за недвижнини „Капитал“.

За разлика од минатото кога најбарани беа апартманите, сега најголем интерес има за двособните станови.

„Според новите законски прописи и маркици за градба кои ги имаме според новите урбанистички планови, апартманите не поседуваат паркинг простор како во минатото, паркирањето е решено внатре во самата парцела односно во гаражи. Бројот на станови треба да одговара со соодветен паркинг простор и од таа причина, во самата понуда на еден нов објект се случува да има само еден или два апартмани што е многу малку“, вели Спасеска.

Во Струга цените се далеку пониски и се движат од 650 до 850 евра за најатрактивните делови од градот, централното подрачје, струшкото крајбрежје, а во останатиот дел од градот метар станбена површина чини околу 600 евра.

Најчести купувачи на станови и куќи во Охрид се од останатите делови од Македонија кои купениот имот го користат за одмор, но и за семејно домување во периодот по нивното пензионирање.

„Живеам во Скопје и пред една година купив стан во Охрид. Тоа беше мојата животна желба. Доаѓам со семејството за викенди, но планирам тука да ги поминам моите пензионерски денови“, вели 53-годишен скопјанец.

Голем е бројот и на странци, најчесто од Англија, Америка и Холандија, кои изминативе години купиле стан или апартман покрај езеро. Покрај луксузни апартмани се купуваат и куќи во стариот дел на градот, но и во руралните средини кои се во непосредна близина на градот. Зад ваквата одлука најчесто ја потенцираат убавината на градот, но и традицијата и љубезноста на охриѓани.

%20 - https://sdk.mk/index.php/dopisna-mrezha/raste-pobaruvachkata-na-stanovi-vo-ohrid-od-1-300-do-1-500-evra-chini-kvadrat-vo-strogiot-tsentar/


Posted By: hcitrS
Date Posted: 29-Jan-2021 at 01:11
Originally posted by stef4o

...Зад ваквата одлука најчесто ја потенцираат убавината на градот, но и традицијата и љубезноста на охриѓани.




Posted By: stef4o
Date Posted: 29-Jan-2021 at 10:26
ИЗГОР СКАПИ СТАНОВИТЕ ВО ОХРИД

[tube]y2-KMGLJ0Ig&feature[/tube]

https://24.mk/details/izgor-skapi-stanovite-vo-okhrid


Posted By: stef4o
Date Posted: 25-Mar-2021 at 15:51
Гарсониерите во Центар достигнаа цена од 1.400 евра за квадратен метар

И покрај растот на цените на становите во Скопје, интересза нивно купување има, потврдуваат градежните компании и агенциите за недвижности.

Од агенцијата „Прима каза“ велат дека малите станови во центарот на Скопје, во полуксузните згради, се продаваат дури и по цена од 1.400 евра за квадратен метар.

-Веќе неколку месеци се чувствува заживувањето на пазрот на недвижности. Но, станови се купуваа и претходно, во периодот на кризата. Она што се забележа е намалувањето на закупите. Во однос на цените, поради интересот, но и поради мораториумот за градење во центарот на Скопје, забележлив е раст на цената на квадратниот метар. Во Општина Центар цените се од 1.100 евра за квадратен метар, па нагоре. Малите станови и гарсониерите во полуксузни згради се продаваат и по 1.350 евра, односно 1.400 евра за квадратен метар – вели Мила Радојевиќ, дректорка на агенцијата.

Во градежните компании велат дека цените на квадратниот метар растат соодветно на растот на цените на градежните материјали, но дека се распродаваат сите станови и во огромни згради.

– Норамлно е што се зголемуваат цените, затоа што се зголемија цените и на материјалите за градење. Сепак, може да се забележи дека интересот за купување станови во Скопје и понатанатаму е голем. Она што може да се смета како специфично за последно време, е што сега многу помалку се купуваат станови во градење, односно почесто се купува готов стан за кој веднаш може да се добие имотен лист. Така, додека се градат становите не се продадени, но кога ќе дојдат при крај згардите, и тоа големи згради со по 7.000 – 8.000 квадратни метри површина, често има купувачи за сите станови – вели Никола Велковски, член на Управниот одбор на Градежната комора.

Според Регистарот на Катастарот на недвижности, во Македонија, подолг период се евидентираат околу 6.000 станови што ги чекаат своите купувачи.

%20 - https://www.slobodenpecat.mk/garsonierite-vo-czentar-dostignaa-czena-od-1-400-evra-za-kvadraten-metar/


Posted By: stef4o
Date Posted: 31-Mar-2021 at 08:44
Цената на стан во Скопје исто како во Загреб

Според информациите од светската платформа Нумбео која пресметува трошоци за живеење низ светските метрополи, може јасно да видиме дека цената на стан во Скопје е речиси иста колку и во Загреб. Иако Македонија е неколку пати помала од Хрватска, сепак парираме со хрватската метропола.

Имено, според Нумбео Загреб се наоѓа на 33-то место во Европа, а Скопје се наоѓа веднаш зад него, односно на 34-то место. Она што изненадува е дека поевтино може да се купи стан во другите земји од поранешна Југославија како Љубљана и Подгорица.



Според податоците од оваа страница во конкуренција од 192 држави може да забележиме дека Скопје е со коефициент 13.46 и е на 33-то место.

Во услови на коронавирус индустријата за недвижности е една од најзагрозените. Според некои податоци од претходната година може да забележиме дека во главниот град поскапеле становите во Центар, Ѓорче Петров, Гази Баба, каде метар квадратен станбена површина се продава за 50 до 70 евра поскапо во споредба со претходната година.

Според некои информации од кои успеавме да стигнеме најскапи станови во Скопје се во населбата Центар, а најбарани се становите во Карпош.

%20 - https://lider.mk/cenata-na-stan-vo-skopje-isto-kako-vo-zagreb/


Posted By: ehrlich
Date Posted: 31-Mar-2021 at 19:23
Во Хром продаваат станови за 1.050 евра квадрат.


Posted By: stef4o
Date Posted: 01-Apr-2021 at 10:20
Во Кисела Вода карши Расадникот и во нас.11 Октомври стига и до 1150 евра м2,во Тафталиџе кај Млечен е 1350-1400м2 мислам дека за такви затки од објекти што ги градат,лепенки без нормално растојание и други услови воопшто не е оправдана цената.И секако на овие цени плус 6000евра за паркинг место.


Posted By: kiriOK
Date Posted: 02-Apr-2021 at 08:53
И уште ќе растат, нема некоја разлика кај нас од пазарниот менталитет на некој што продава грав на пазар и за празник ја дига цената и на овие управители на градежни компании, тесното селско его си останува како жичка.
Понуда = Потражња, се додека продолжува преселувањето на остатокот од државата во Скопје така ќе биде...чак мислам дека властите си имаат дилови со овие што градат станбени единици низ Скопје, овие да ја вршат депопопулацијата на внатрешноста за сметка на Скопје, а овие да им дадат удел у колачот.
Но нема да е вечно, демографски гледано ова ќе биде случај уште макс 10 години.


Posted By: гитардемон
Date Posted: 02-Apr-2021 at 11:17

Бумот на станови не е толку поврзан со миграцијата внатрешност->Скопје, туку со порастот на куповната моќ, и на луѓето веќе не им се живее во истото станче со старците, туку младите брачни парови се трудат да си живеат настрана, и уште поважно, поимашните млади луѓе кои се single си живеат на страна наместо дома со мама и тато. Меѓу другото, да не заборавиме дека добар дел од становиве зјаат и празни со години.

-------------
Arguing on the internet is like running at the special olympics. Even if you win, you're still retarded.


Posted By: user8642
Date Posted: 02-Apr-2021 at 15:39
Становите во голема мера во Скопје се користат како валута. Затоа што немаме државно осигурување, гаранција на депозити над 30 илјади евра, и затоа што народот е изгорен со банките, и затоа што нема саглам бизнис клима во која можеш да инвестираш во акции или да отвараш мал бизнис без да те испопреебат мангупи. Затоа се користат како валута со која се осигурува дотогаш стекнатиот имот, зашто и немаш у што друго да инвестираш а да ти остане фамилијарно. Ниви да купиш како side-hustle друг ќе ти ги обере, шума да купиш друг ќе ти ја исече што му дозволила власта да го прави тоа во замена за гласови, акции да купиш џабе ти се пошто профитот се извлекува преку фиктивни набавки кон надворешни фирми со целосна сопственост на доминантните акционери во големите фирми. И што останува ?!, биткоин сигурно не!


Posted By: Cloverstack
Date Posted: 02-Apr-2021 at 16:38
Originally posted by user8642

И што останува ?!, биткоин сигурно не!


Е зошто не?




Posted By: user8642
Date Posted: 02-Apr-2021 at 17:06
Биткоин е за да фрлиш пари што не си ги заработил сам.    Наследство, лото, подарок. Тешко заработени пари не ги дава македончето на виртуелни пирамидални шеми. Доволно тепано куче е!


Posted By: stef4o
Date Posted: 02-Apr-2021 at 17:19
На пазарот огромна е побарувачката од станови меѓу 30 и 50 м2,многу од инвеститорите веќе не градат станови поголеми од 70м2 за да не им стојат празни со години бидејќи се најмачни за продажба сите оние што се над 80 или 90 м2.
Се сложувам со тоа дека сме далеку од инвестиции во акции и во мали бизниси и дека во догледно време сеуште како основна ќе служи инвестицијата во станбен простор.
Проблем е тоа што поприлично забегаа со цените во одредени делови од градот каде отидоа до 1350 до 1400 евра за м2(Млечен,Капиштец,Ново Маало,Маџир Маало) а ок ми е што во Маџари и Керамидница се колку-толку реални и продаваат околу 850 до 1000 евра максимум за м2.


Posted By: kiriOK
Date Posted: 03-Apr-2021 at 01:25
Originally posted by гитардемон


Бумот на станови не е толку поврзан со миграцијата внатрешност->Скопје, туку со порастот на куповната моќ, и на луѓето веќе не им се живее во истото станче со старците, туку младите брачни парови се трудат да си живеат настрана, и уште поважно, поимашните млади луѓе кои се single си живеат на страна наместо дома со мама и тато. Меѓу другото, да не заборавиме дека добар дел од становиве зјаат и празни со години.


Пораст на куповна моќ е мерливо, и покажува дека последната декада цел раст на БДП по глава на население е равно на инфлацијата, т.е два напред еден назад е муабетот.

Тоа дека веќе неќеле у станче три генерации да живеат е субјективно гледање...

Миграциите се дефинитивно носечки фактор...
Доселени / Иселени Македонци во Скопје за 2019: 1,578 / 684


Posted By: Cloverstack
Date Posted: 03-Apr-2021 at 14:27
Originally posted by kiriOK

Миграциите се дефинитивно носечки фактор...
Доселени / Иселени Македонци во Скопје за 2019: 1,578 / 684


Од каде е податокот за доселени / иселени Македонци во Скопје? Ако податокот е точен, тогаш внатрешните миграции веќе не се особен фактор во побарувачката. Ваква нето миграција може да апсорбираат 2-3 згради во Стар Аеродром.


Posted By: stef4o
Date Posted: 26-Apr-2021 at 12:50
Застојот со мораториумите ги зголеми цените на становите

Градежните компании бараат за нив државата да искреира посебен пакет мерки со кој ќе се ублажат негативните ефекти од ковид панедмијата во секторот. Бараат и недела да им биде работен ден поради спецификите на дејноста, односно неможноста да се одложуваат планираните проекти и договорените рокови.

Според прогнозите на градежниците, цените на становите се очекува да растат, но сѐ уште не може да се каже со колкаво темпо.

– Наша констатација и очекување во моментов е дека со покачување на минималната плата и најавените уште поголеми поскапувања на репроматеријалите, цените на становите ќе растат. Дополнително, граѓаните увидоа дека во време на пандемија е најдобро да вложуваат во недвижнини. Сепак, не би можел да кажам за колку ќе се покачуваат цените со оглед дека сме во најтешкиот момент за градежништвото и не знаеме колку тоа ќе трае – рече Андреа Серафимовски, претседател на Здружението на градежништвото при Стопанската комора.

Тој додаде дека голем фактор при креирањето на цените на становите во иднина ќе биде застојот со мораториумите.

– Колку се поголеми застоите во градбата, толку повисока цена на становите треба да очекуваме. Сведоци сме дека по четири-пет години нема конкретни резултати од ревизиите на ДУП-овите и нема конкретни благодети од мораториумите. Единствено што имаме е желба да не се гради. Затоа ги повикуваме државните институции да ги почитуваат законите и правото на сопственост на имот. Градежништвото изгуби огромен капитал неградејќи – рече Серафимовски.

Во однос на состојбата во градежништвото и најновите барања, претседателот на Здружението посочи дека бројките во јануари 2021 година се поразителни. Секторот остварил реален годишен пад од 16,6 отсто што е резултат на намалувањето на извршените градежни работи кај високоградбата од 18,2 процента и кај нискоградбата од 14,9 отсто.

Градежништвто лани, напомена Серафимовски, не отпушти вработени, успеа со свои сили да ги издржи сите притисоци. Но, плановите и очекувањата на компаниите не се исполнија. Веќе постои несигурност и страв дека секторот може да се соочи со згаснување на одредени капацитети во некои потсектори.

-Досега не се преземени конкретни мерки за економска поддршка на градежните компании кои имаа можност да ги користат само општите мерки за поддршка на стопанството. Дополнително, одредени јавни политики и случувањата во индустријата на градежни материјали влеваат неизвесност и страв дека градежништвото не само што нема да биде двигател на растот, туку може да се соочи и со згаснување на градежните капацитети – рече Серафимовски.

Анализите на Здружението покажуваат дека поскапувањата се движат до 80 отсто за челикот (бетонско железо и арматура до 30 проценти), до 25 отсто за дрвото, до 20 отсто за производи од битумен и масла, до 30 отсто за производи од сувата градба, до 50 отсто за синтетички цевки, плочи, фолии, геомрежи и геотекстил ПВЦ, ПЕ, ПП (стиропорот до 38 проценти) и до 30 проценти за заштитни премази, течна хидроизолација, епоксидни и полиуретански смоли. Кај последните две групи производи се најавени и задоцнувања на испораките, а има и откажувања на нарачките.

-Апелираме до Министерството за транспорт и врски да ги поддржи нашите барања и заложби. Веруваме дека ќе имаме поткрепа во оваа наша борба со што би се заштитиле над 55.000 вработени, над 5.000 компании би се одржале во форма и нема да има пречка во реализација на капиталните инвестиции – рече Серафимовски.

Бројот на активни градежни деловни субјекти лани изнесувал 5.263 или 7,2 отсто од вкупниот број активни деловни субјекти во државата што е речиси исто ниво како во 2019 година. Најголем дел од нив, 4.395 или 83,5 проценти се компании со 1 – 9 вработени. Само 8 компании или 0,15 отсто имаат повеќе од 250 вработени. Бројот на вработени изнесува 55.165 лица или 6,9 проценти од вкупниот број вработени на ниво на државата што е пад од 1,6 оттсо во споредба со 2019 година.

%20 - https://plusinfo.mk/zasto-ot-so-moratoriumite-gi-zgolemi-cenite-na-stanovite


Posted By: stef4o
Date Posted: 26-Apr-2021 at 17:09
Градежниците најавуваат повисоки цени на становите

[tube]5heAT6moifM[/tube]

Градежниците велат дека цените на градежните материјали се драстично поскапени дури до 80%, а проблем имаат и со набавките поради затворените граници. Сето тоа влече поскапа градба, а секторот е во тешка состојба. Бараат посебен пакет мерки како и измени во законот за јавни набавки во кој единствен критериум е најниската цена...

„Наша констатација и очекување во моментов е дека со покачување на минималната плата и најавените уште поголеми поскапувања на репроматеријалите, цените на становите ќе растат. / Дополнително, граѓаните увидоа дека во време на пандемија е најдобро да вложуваат во недвижнини./ Сепак, не би можел да кажам за колку ќе се покачуваат цените со оглед дека сме во најтешкиот момент за градежништвото и не знаеме колку тоа ќе трае.“ изјави Андреа Серафимовски, претседател на градежна комора СК

Според Серафимовски поради намалената работа од почетокот на годинава секторот бележи поразителни бројки со пад од над 16%. Дополнителен удар биле и мораториумите на ДУП-овите. Велат дека со неградењето е изгубен огромен капитал.

„Сведоци сме дека по четири-пет години нема конкретни резултати од ревизиите на ДУП-овите и нема конкретни благодети од мораториумите. Единствено што има е желба да не се гради. Затоа ги повикуваме државните институции да ги почитуваат законите и правото на сопственост на имот. Градежништвото изгуби огромен капитал неградејќи.“ истакна Андреа Серафимовски, претседател на градежна комора СК.

Поради спецификите на дејноста бараат и недела да биде работна за нив. Во градежниот сектор работат 5 илјади фирми со над 55 илјади вработени.

ПОСКАПЕНИ ЦЕНИ НА ПРОИЗВОДИ ЗА:

80% челик

25% дрво

50% синтетички цефки, плочки, фолии, геомрежи

20% производи од битумен и масла

30% производи од сува градба

30% заштитни премази, течна хидроизолација

https://kanal5.com.mk/gradezhnicite-najavuvaat-povisoki-ceni-na-stanovite/a472084



Posted By: stef4o
Date Posted: 26-Apr-2021 at 17:16
Се очекува еден квадрат новоградба во центарот на Скопје да ја пробие границата од 2.000 евра

[tube]qSmtdZeA7zI[/tube]

Цената на ново изградените станови во центарот на Скопје е до 2.000 евра квадратен метар. И покрај растот на цените, градежниците најавуваат дека трендот на зголемување на цените ќе продолжи поради драстичниот раст на цените на градежните материјали. Челикот има нова, повисока цена, за 80 насто, додека другите градежни материјали се поскапи и за 50 насто.

https://alsat.mk/mk/se-ochekuva-eden-kvadrat-novogradba-vo-tsentarot-na-skopje-da-ja-probie-granitsata-od-2-000-evra/


Posted By: zabegan
Date Posted: 28-Apr-2021 at 01:52

тврдат има побарувачка а нема изградба, а 90% од градежниве активности во земјава отпаѓаат на станбена површина, и така е веќе долги години по ред
тврдат немало доволно изградба на станови, па после викаат имало 7000 празни станови
исто, не знам од кој ракав го извадија тоа дека материјалите поскапеле за 80%

дури и од рестрикциите не се засегнати, со оглед на тоа дека кај нас градежните активност не се одвиваат 24/7 во најголем дел од случаите и за празници не се работи

ако ништо друго, со оглед на тоа колку се штеди и онака на метријали кај нас, колку поволно добиваат земјиште и тоа колку станови се градат на број, цените требаше да бидат пониски во изминативе години, па сега да се качеа таму кај што се ако имало некаква „криза“

мислам дека работава колку толку ќе се стабилизира ако се зголемува конкуренцијата во градежништво кај нас... сега за сега, вкупно во градов градат 4-5 фирми и тие имаат некој консензус за најниски/највисоки цени... верувам не се водат ни по логика на побарувачка бидејќи потребата за станови сеуште расте, обратно од тоа што го зборат... реално ако има непродадени станови тоа се должи на куповната моќ на граѓаните

-------------
Architects create dreams...politicians create nightmares


Posted By: stef4o
Date Posted: 16-May-2021 at 14:38
Илјадници станови низ земјава зјаат непродадени, а и уште се градат

Зголемената цена на становите и најавата за дополнителен раст на цените по станбен квадрат е само една од причините што во моментов во Македонија има околу седум илјади новоизградени, а непродадени станови. Алсат го отвора прашањето колку бизнисот со станови може да биде ризичен со оглед на фактот што градежниците за нивните инвестиции подигнуваат високи кредити од комерцијалните банки. Од Народната банка велат дека секако постои ризик, но трендот на лоши кредити од ваков тип засега е во надолна линија.

Во зависност од нивото и структурата на задолженоста кај овие субјекти, евентуалната појава или оддолжување на одредени неповолни движења на пазарот за недвижности може да доведе и до раст на нефункционалните кредити на банките одобрени на овие субјекти. Сепак, засега нивото на нефункционални кредити одобрени во градежништвото бележи надолен тренд – велат од Народна Банка.

Од Македонската банкарска асоцијација не одговорија на прашањето, колку од подигнатите кредити од банките за изградба на станбени згради станале нефункционални, односно градежниците не можеле да ги враќаат.

Од Здружението на градежништво за Алсат велат дека сигурноста на инвестицијата ја потврдуваат токму банките со тоа што одобруваат финансирање со кредит. Во спротивно тие не би финансирале нефункционални кредити. Градежниците велат дека изградбата на еден објект зависи од финансиската конструкција која ја определува инвеститорот.

Во моментот цениме дека продажбата на недвижностите и интересот на граѓаните за купување на станови се големи особено за локациите каде што има најголем број на изградени станови со оглед дека недвижностите се покажаа како „безбедна“ инвестиција во услови на пандемија – велат Здружение на градежништвото при Стопанската комора.

Податоците на Народната банка покажуваат дека во 2019, нивото на нефункционални кредити одобрени во градежништвото бележи тренд од околу 10 отсто, за во 2020 година да падне на околу пет отсто. На крајот на февруари оваа година нивото е спуштено на три отсто.

https://alsat.mk/mk/iljadnitsi-stanovi-niz-zemjava-zjaat-neprodadeni-a-i-ushte-se-gradat/


Posted By: stef4o
Date Posted: 12-Jul-2021 at 06:59
Трендот на поскапување ќе продолжи, се зголемуваат и цената и интересот за купување станови

[tube]o8SeuHDiDnc[/tube]

По објавата на Народна банка за поскапувањето на становите во првиот квартал од 3, 2 %, некои од агенциите за недвижности и компаниите кои продаваат станови велат дека се покачени и за 7, 8% или од 150-200 евра по м2.

„Во првиот квартал од годинава станбениот квадрат поскапел за 3,2 проценти во однос на истиот квартал лани. Ова поскапување се надоврзува на ланското, кое во првиот квартал изнесуваше 1,7 проценти. Според градежниците растот на цената на становите е резултат на енормното поскапување на материјалите за градење, пред се железото, чија цена од почетокот на годинава е двојно зголемена“, велат од Народна Банка.

Се чини како коронакризата и да не ги погоди компаниите кои продаваат станови, со исклучок на првите 2, 3 месеци и покрај поскапувањето. Еве, на што се должи поскапувањето на становите:

„Од 150-200 евра за м2 се повисоки цените на становите. Тоа се должи на поскапувањето на градежните материјали и до 100%. Новите цени важат и за старите згради што не би требало да биде така. Но, сопствениците изгледа го следат трендот на пазарот.“, велат од Агенцијата за недвижности „Атлас“.

Се поставува прашањето зошто тогаш и старите станови, дури и оние од после земјотресот кои не користеле градежни материјали по нови цени ги покачија цените?

-Не само градежните материјали и работната рака поскапува. Второ, нема станови, да не се лажеме, нема станови. Сега да пробате да најдете стан во Центар, Карпош 1, 2 и 3 нема да најдете. Сето тоа влијае на пазарот за цената да се покачи. Некои ќе речат старите станови се премногу скапи. Но, за да продадеме стар стан и да купиме нов, треба да одредите цена-вели Слободан Боби Митровски.

Стар стан во зграда од после земјотресот во населбата Пролеќе, само реновиран можете да купите за 1 200 евра по м2, објаснуваат од Атлас. Во Скопје, најевтини се во Чаир и Скопје Север по цена до 850- 950 евра за м2, а најскапи на Водно каде достигнуваат и до 2 500 евра за м2.

ЧАИР 850-950 ЕВРА ПО М2

СКОПЈЕ СЕВЕР И ТОПАНСКО 850-950 ЕВРА ПО М2

ТАФТАЛИЏЕ 1 НОВОГРАДБА 1 200- 1 300 ЕВРА ПО М2

ЃОРЧЕ ПЕТРОВ 900-1000 ЕВРА ПО М2

ХРОМ 1000- 1050 ЕВРА ПО М2

ВЛАЕ 1050-1100 ЕВРА ПО М2

КАПИШТЕЦ 1 200- 1 300

ЦЕНТАР 1300 – 1500

АЕРОДРОМ 1100 – 1250

ЛИСИЧЕ 1000- 1150

ВОДНО 1 500- 2 500 ЗАВИСИ ОД ПОЗИЦИЈАТА

Од компанијата Џеваир Скај Сити велат пак дека имаат станови за „сечиј џеб“ и покрај поскапувањето.

„Цените на становите зависат од цените на градежните материјали што во моментов имаат повисоки цени. Од почетокот на продажбата на становите направивме понуда која може да ги задоволи сите потреби на клиентите. Понудите се креирани според потребите на пазарот. Се нудат различни категори на станови со различна ценовна понуда во соработка со неколку банки во државата. Тоа ни овозможува да имаме флексибилен пристап за секој клиент.“, велат од Џеваир Скај Сити.

Едногласни се барем оние што ги контактиравме дека трендот на поскапување ќе продолжи и во иднина.

%20 - https://mk.tv21.tv/trendot-na-poskapuvane-ke-prodolzhi-se-zgolemuvaat-i-tsenata-i-interesot-za-kupuvane-stanovi/


Posted By: stef4o
Date Posted: 16-Jul-2021 at 09:04
Надуениот балон со цените за станови во Скопје почнува да пука и цените ќе одат надолу!

Големиот број на огласи во кои се пречкртува една повисока и се става пониска цена на чинење на м2 на становите во Скопје се само најава за трендот на намалување на вештачки високите цени на станови за продажба на кои сведочиме периодов.

Празните станови кои зјаат во старите или новоизградените згради веќе губат од својата вредност како што изминува времето и веројатно само прашање на време е кога цените кои достигнаа нивоа од 1,200+ евра за метар квадратен, ќе се стабилизираат и ќе почнат да одат надолу.

Експертите кои ги консултиравме од Агенциите кои го следат трендот ни кажаа дека растот на цените периодов не е воден од економската логика на понуда и побарувачка, туку од порастот на цените на дел од материјалите кои се користат за градба. Со оглед на тоа што светскиот пазар на основните материјали за градба пополека почнува да се стабилизира, се очекува дека и цените на становите во Скопје ќе почнат да се намалуваат со оглед на тоа што сегашните цени се реално недостапни за повеќето од граѓаните.

“Еден нов или реновиран просечен стан со две спални од 65 метри квадратни со сегашните цени се проценува на околу 80,000 евра. Ако се земе предвид дека повеќето од домаќинствата тој стан ќе го купуваат на кредит, во просек на отплата од 20 до 30 години, вкупниот трошок ќе им испадне некоја неверојатна сума од речиси 100,000 евра. Плус на тоа треба да се додадат средствата што ќе се потрошат за уредување. Така што оваа опција е целосно неповолна ако се знае дека ист таков уреден стан може да се изнајмува за цена од 250 до 300 евра” – велат нашите соговорници и надополнуваат “Со овие цени за купување и изнајмување Вие можете да изнајмите стан за наредните 30 години и секогаш кога ќе посакате да можете да го менувате без да ги почуствувате негативните ефекти на амортизирање што би ги имале доколку го купите на долгорочен кредит”.

Дека овие зборови се вистина секој може да се увери со мала вечерна прошетка околу дел од новите згради низ Скопје. Иако формално “купени”, повеќето станови зјаат празни, неосветлени и со месеци невселени. Во актуелната понуда на најпопуларните сајтови за огласување како што се Пазар3 и Реклама5, можат да се видат на продажба (и постојано намалување на цената) и станови за згради кои претходно објавиле дека се “распродадени”, веројатно од компании и поединци кои учествувале на некој начин во градбата, ги добиле на компензација и сега бараат начин за поврат на парите.

Крајниот совет е дека кога се купува стан не треба да се брза. Во Скопје постојано се гради и многу станови остануваат непродадени.

“Почекајте да се стабилизира пазарот, да се намалат цените и купувањето да има реална економска логика” – заклучуваат експертите.

Во следните продолженија на темата ќе ги третираме профитните маржи на компаниите што се занимаваат со продажба на станови.

%20 - https://marketing365.mk/nadueniot-balon-so-cenite-za-stanovi-vo-skopje-pocnuva-da-puka-i-cenite-ke-odat-nadolu/


Posted By: stef4o
Date Posted: 16-Jul-2021 at 09:05
Стан во Скопје од 70 квадрати за 30.000 евра: Се прошируваат списоците на евтини недвижнини

Куќа во Битола од 354 квадратни метри за помалку од 32.000 евра, стан со земјиште во Скопје во вкупна квадратура од 278 метри за само 85.000 евра. Недвижнини со вакви цени можат да се купат и во Македонија. Има и поевтини и покрај тоа што цените на становите, куќите и деловниот простор во последната година драстично се зголемува. Кој сака може да купи ексклузивна куќа во Скопје од 253 квадратни метри за нешто над 400.000 евра или стан во Струмица од 83 квадрати за 30.000 евра. И ова се само почетни цени. Сите недвижнини се наоѓаат на списоците на извршителите ширум земјава. Тие ги продаваат поради тоа што нивните сопственици се должници – не успеале да вратат некој кредит па останале без нив.

Најчесто недвижнините кои ги распордаваат извршителите имаат многу ниски конечни цени. Но и покрај тоа распродавањето не оди баш лесно. Некои стојат со години, некогаш не се продаваат ниту атрактивни станови па истите се провлекуваат во списоците за имот на продажба подолго. А исти списоци имаат и банките. Ги објавуваат оние недвижнини кои биле заложени за кредитите за кои ангажирале присилна наплата.

Меѓу огласените имоти има стан во Скопје од над 70 метри квадратни за почетна цена од 30.000 евра или стан земјиште и гаража во Охрид сите вкупно 147 квадратни метри, а за 54 илјади евра.

Извршителите аукциите ги закажуваат јавно однапред и најчесто се извршуваат во нивните канцеларии.

Нема точен податок што се е на продажба во моментов, затоа што ситуацијата се менува на дневна основа, а секојдневно стануваат активни и нови решенија за присилна наплата.

Во регистарот на преземени недвижности наменети за продажба, на крајот на првиот квартал 2021 година се потврдени 506 делови од згради, 134 катастарски парцели и 304 податоци за инфраструктурни објекти.

Според Извештајот на Катастарот на недвижности во првиот квартал годинава биле запишани 1.759 хипотеки во вредност од 160.187.107 евра. Од нив 759 се во Центарот за катастар на недвижности во Скопје во вредност од 67,8 милиони евра.

Фактор веќе пишуваше дека за цела 2020 година, сите извршители во државата наплатиле вкупно над 123 милиони евра – сума која е речиси идентична на таа од 2019 година иако лани имаше прекинување на извршувањето. Од фирми должници повлечени се над 89 милиони евра, од државата, безмалку 9,5 милиони евра, а дури околу 25 милиони евра се пари кои се симнати од сметките на граѓаните за долгови по основ на извршни решенија кон различни должници.

На огласите се продаваат и движни предмети, а огласувач често е и Управата за јавни приходи која заложува по основ на даночен долг.

https://faktor.mk/stan-vo-skopje-od-70-kvadrati-za-30000-evra-se-proshiruvaat-spisocite-na-evtini-nedviznini


Posted By: stef4o
Date Posted: 25-Aug-2021 at 11:27
Становите во Битола станаа луксуз, куќите одат за џабе, но никој не ги сака



Да купиш стан во нова градба во Битола стана луксуз за просечен битолчанец. Цената скокна и над 900 евра за метар квадратен. Познавачите на приликите велат дека и градежните трошоци се повисоки, но и дека инвеститорите не се откажуваат од високите добивки кои изнесуваат и по 400 евра од квадрат. Нови згради се градат во поранешната касарна, во Областа, во Нова Битола и уште на неколку други локации во градот. Становите најчесто се купуваат уште во градба, зашто купувачите сметаат дека така ќе заштедат по 100 евра од квадрат за разлика од понудата на станови кои се веќе изградени во нови објекти.
Инвеститори од градот велат дека цените на новите градби пораснаа бидејќи пораснаа и трошоците и услугите за градба. Од агенциите за недвижности велат дека купувачи има само за помалите станови, а најчесто стари станови продаваат оние кои се иселуваат од градот.

И старите нереновирани станови и во згради од пред четири децении го следат трендот на новите градби. Цена држат становите од 40 до 55 квадрати со засебни спални. Големите станови од по 100 квадрати се продаваат по 600 евра од м2, ама нив заради високите трошоци за живеење ретко кој ги купува.
За разлика од колективните згради, куќите во Битола се нудат за џабе, тоа е така зашто никој не е заинтересиран нив, па куќа од 100 квадрати од спрат со засебен двор чини колку двособен стан и пак нема купувачи.
Битолчани кои сакаат да вложат во стан се жалат на „набилдани“ цени.
– Едноставно кажано, цените се лудница. Инвеститорите на новите станови претераа, за гарсониера бараат и по 36.000 евра, нема нова градба под 850 евра. Цела година барам стан еднособен или двособен до 55 квадрати и не можам да најдам. Се што е понуда од стари станови е со цени повисоки за 200 до 300 евра по квадрат од лани. Значи ако лани квадратот бил 550 евра сега е 750 за стар стан, а имав понуда и од 830 евра по квадрат за стан вселен во нова градба, каде сопствениците живееле кратко неколку години, вели битолчанката Силвија.

Од агенциите за недвижности што ги консултиравме велат дека во последната година во Битола веќе е „скроена“ атмосфера дека цената на становите уште повеќе ќе растат, па се бара оправдување за големата заработувачка. Цената на новите станови ја диктира цената на старите станови.
-Дојдовме во ситуација становите да се луксуз, има нови станови од по 850 до 900 евра од квадратен метар зашто инвеститорите одат со висока маржа. Претходно имавме цени од 680 до 750 евра. Факт е дека има покачување на цените на материјалите и работната рака, ама сепак заработката е многу висока. Имаат профит и по 400 евра од квадратен метар. Сето ова услови покачување на цените и на старите станови. Јас кога во нашата агенција ќе дојде продавач на стар стан и ќе каже цена која не е реална и не е пазарна, не прифаќаме да посредуваме во продавање. Му кажуваме сам да ги го продаде по таа цена. Значи имаме понуда да продаваме стари станови за 800 евра од квадрат, нереновирани. Сопствениците велат ако може новите да одат по 900 евра, зошто да не заработиме и ние. Така цените станаа нереални, непазарни, неоправдани, вели Драги Стојановски од Агенцијата Итон – БС во Битола.
Инвеститори во разговор за „Независен“ велат дека цените се формираат во зависност од трошоците, а трошоците растат неколкукратно. Квалитетна градба со добра изолација и лифт не може да се продава под 800 евра од квадрат.
-Производната цена е зголемена, па тоа ја диктира и продажната цена. Не сметам дека цената на новите станови во Битола е висока, би требало да е уште повисока во чекор со трошоците. Имаме покачување на цената на градежните материјали и услугите. Пример, рипна цената на железото за неколку пати, ако порано услугата за местење плочки беше 5 евра од м2, сега е од 8 до 10 евра таа услуга. Тоа ја диктира цената, а тука е и квалитетот на градбата која е со поскапи материјали за разлика од порано, вели инвеститор од Битола.
Инвеститори велат дека битолчани најчесто купуваат станови во градба за да постигнат подобра цена на станот. Така на пример, за стан од 50 квадратни метри попустот достигнува и до 5 илјади евра, што за финансиски просечно семејство и не е мала заштеда.

Според Стојановски од Итон – БС за разлика од становите, куќите во Битола едвај се продаваат. Малите индивидуални инвеститори најчесто ги купуваат и на нивно место градат мали колективни згради со по неколку ката, само така можат да ги продадат.
-Младите не сакаат да живеат во куќи, не сакаат да се грижат дали прокиснал покривот, дали има кал во дворот, сакаат станови и помали трошоци. Јас им велам еве за 50 илјади евра имате куќа веднаш вселлива, не сакаат ниту да ја погледнат. Затоа куќи и во центарот на градот не можат да се продадат со години, цените паѓаат и пак нема заинтересирани. Нив поретко ама ги купуваат индивидуални инвеститори и градат по неколку мали станови. Сепак многу куќи во Битола пропаѓаат оставени на забот на времето. Битолчани се иселуваат, па ни ги оставаат куќите да им ги продаваме, вели Стојановски.
Познавачите на приликите велат дека во едни вакви пазари услови кога цената на становите вештачки расте, она што треба да го направи државата е да инвестира во државни станови што ќе значи пад на цената по квадратен метар и кај приватните инвеститори, но и ќе го раздвижи пазарот на недвижности, велат тие.

https://nezavisen.mk/stanovite-vo-bitola-stanaa-luksuz-kukjite-odat-za-dzhabe-no-nikoj-ne-gi-saka/


Posted By: Denko
Date Posted: 25-Aug-2021 at 15:22

Ova e pausalen tekst. Cenata na kvadratot zavisi od kvalitetot i opremata na samiot stan. Npr. Kvaliteten parket, podno greenje, vgradena kujna, drvena stolarija itn ja vigaat cenata. Od druga strana pretpostavuvam deka stanuva zbor za stari dotraeni kuki za koi interesot e slab. Slicno e vo cela Evropa. Cenite na kvadratot rastat. Toa e normalna pojava vo kapitalisticko opstestvo. Onie koi imaat pari ke kupuvaat, drugite ke ziveat pod kirija ili vo periferija. Problemot kaj Makedoncite e sto se uste ja drzat jugoslovenskata matrica i sakaat drzavni stanovi za sitni pari. Ako covek malku podlaboko razmisli 800 evra za kvadrat e sosema korektna cena, da ne recam evtino. Npr. 60 kvadrati po 800 evra pravat 48,000 evra. Za 20 godini toa e rata od 200 evra mesecno, na 30 godinsna isplata toa e mesecna rata od 133 evra. Ako se znae deka kupuvacot mora da dade ucestvo togas mesecnata rata e uste pomala. Jas navistina ne znam sto sakate poveke!?


Posted By: гитардемон
Date Posted: 25-Aug-2021 at 18:06

Ќе да забораваш дека банките наплаќаат камати

-------------
Arguing on the internet is like running at the special olympics. Even if you win, you're still retarded.


Posted By: Denko
Date Posted: 25-Aug-2021 at 19:41
Originally posted by гитардемон


Ќе да забораваш дека банките наплаќаат камати
Sekade naplakaat kamati i sekade stanovite se skapi. Stanovi se kupuvaat na dolgorocen kredit od 25-40 godini (ako nemas nasledstvo nekoj vredet imot od roditelite). Ne veruvam deka Bitolcani nemaat 200 evra za stanarina (plakanje kreditna mesecna rata)...


Posted By: гитардемон
Date Posted: 25-Aug-2021 at 20:34

Ама математиката ти е без камата бе пријателе. На 30-годишен кредит каматата е скоро колку главнината.

-------------
Arguing on the internet is like running at the special olympics. Even if you win, you're still retarded.


Posted By: Denko
Date Posted: 25-Aug-2021 at 21:49
Originally posted by гитардемон


Ама математиката ти е без камата бе пријателе. На 30-годишен кредит каматата е скоро колку главнината.
Dosega kvadratot bese ogin a sega kreditot i bankite ispadnaa krivi. Vo cela Evropa e isto. Cenata rapidno raste vo poslednite 10 godini i mnozinstvoto kupuvaci kupuvaat na kredit. Prosecen stan vo posirokoto centralno gradsko podracje se kupuva sekade vo Evropa so 25% mesecna rata od dve pristojni plati i sekako barem 20% ucestvo.
Vo Makedonija kvadratot e megu poevtinite i ne drzi muabetot deka stanovite vo Bitola stanale luksuz. Pa se e prodadeno. Znaci ima luge koi mozat da kupat. Pa ne se glupavi investitorite da gradat na slepo!?


Posted By: гитардемон
Date Posted: 26-Aug-2021 at 06:47

Никогаш не реков дека не си во право бе Denko. Јас се сложувам со тебе во глобала, само забележав дека математиката ти беше премногу поедноставена.

Сепак, Битола е сиромашен град. Дека е сè продадено, не верувам. Исто како во Скопје, има толку станбени згради изградени со криминогени пари, што на газдите не им пречи да останат становите непродадени и со години. Поентата била само да се вложат некаде парите.

Верувај, не секое битолско семејство може да си дозволи рата од 300 евра. Проблемот е што обично родителите (кои се со ниски примања) се тие кои запнале да им купат „станче и количе“ на децата, а младите (со повисоки примања) не се баш заинтересирани за станови, туку за да заминат странство.

Верувам дека муабетов со високите цени кој беше цитиран погоре е од некој таков повозрасен кој очекува стан за 20.000 евра.



-------------
Arguing on the internet is like running at the special olympics. Even if you win, you're still retarded.


Posted By: Denko
Date Posted: 26-Aug-2021 at 15:28

OK. se soglasuvam so napisanoto. Jas generalno komentiram kako stojat rabotite. Makedonskiot mentalen kod e baziran na edno vreme koe odamna izumre. Jasno mi e deka ne moze sekoj da si dozvoli rata od 300 evra (i so rata od 200 evra se kupuva stan vo MKD), no toa e i poentata koja nasiot covek ne ja razbira. Bez pari ne se kupuva stan a poklon od drzavata veke nema. Tie sto imaat mali primanja ke ziveat pod kirija na periferijata na gradot. Makedonskite roditeli se posebna prikazna koja zasluzuva posebna niska.


Posted By: stef4o
Date Posted: 08-Sep-2021 at 14:14
АНАЛИЗА: Цените на становите зголемени за 4 отсто, бројот на одобренија за нови згради пораснал за 35 отсто

Значајно поскапување на становите, односно недвижностите во првиот економски квартал. Во истиот период регистриран е и раст на бројот на издадени одбренија за изградба на згради, пишува „Порталб“. На територијата на дел од општините кои беа под мораториум за градба – се враќа машинеријата.

Летен „залет“ на градежништвото, становите поскапеа

Од 2015 година, во вториот кавртал од годинава е регистриран највисок раст на цените на становите на квартално ниво. Во вториот квартал во споредба со првиот цените се зголемени за 3 отсто. Нови податоци на Народната банка покажуваат дека на годишно ниво растот на цените на становите изнесува 4 отсто.

„Во вториот квартал на 2021 година, цените на становите мерени преку хедоничкиот индекс забележаа годишен раст од 4 отсто, што претставува забрзување во споредба со растот од претходниот квартал. Од аспект на понудата, вредноста на изградените станбени згради забележа раст во првиот квартал од 2021 година, додека расположливите податоци за вредноста на издадените одобренија за изградба на станбени згради во вториот квартал од 2021 година засега упатуваат на намалување, на годишна основа. Од аспект на побарувачката на станови, таа и натаму е поддржана од натамошниот двоцифрен раст на станбените кредити“ – соопштија од НБМ.

Цените на становите и воопшто на недвижностите не се зголемуваат само во главниот град туку и во другите градови во земјава.

„Цена на станбен квадратен метар достигна 700 евра. Тоа е многу за Штип“, вели еден наш сограѓанин од овој град.

Во Тетово цената на квадратен метар се движи од над 600 евра, достигнувајќи и 850 евра.

Цената на становите во Охрид пак е драматично зголемена, па така стан од 83 мкв се продава од 700 до 1.300 евра по квадрат, во зависност од година на градба на зградата и од други фактори кои ја детерминираат цената.

Според податоците од Агенцијата за катастар, само во првото полугодие од годинава направени се вкупно 10.107 трансакции поврзани со недвижности во вкупна вредност од 378 милиони евра. Во споредба со лани истиот период забележан е голем пораст и на бројот на купопродажби и на нивната вредност.

Само во првите шест месеци од годинава преку Катастарот се регистрирани 15.453 трансакции, од кои 11.263 продажби на недвижности, а останатите се однесуваат на закупи.

50 милиони евра во станови…

Летната сезона го рестартираше градежништвото. Во јуни биле издадени 320 одобренија за градба, што е за 17,2 отсто повеќе во однос на истиот месец лани. Новите податоци од Заводот за статистика покажуваат дека изградбата на згради е во нов “налет“, но вредноста на сите видови одобренија за градба е значајно намалена за дури 64,4 отсто.

„Намалената предвидена вредност се должи на фактот дека во истиот месец од претходната година биле издадени одобренија за градење на објекти од нискоградба со поголеми вредности, како магистралниот транспортен гасовод во Пелагонискиот Регион, делница 5 од магистралниот гасовод во Полошкиот Регион, биогасната и ветерната електрана во Вардарскиот Регион, далноводот од Битола до македонско-албанската граница во Југозападниот и Пелагонискиот Регион“, објаснија од Заводот за статистика.

Кај високоградбата – односно кај изградбата на станови во јуни се бележат “пикови“. Вредноста на издадените одобренија за градба изнесува 48.000.000 евра, што е за 50,3 отсто повеќе во споредба со истиот месец лани, додека бројот на издадени одобренија за градба во анализираниот период е зголемен за 34,5 отсто.

Дел од градежниците велат дека градежништвото беше една од погодените гранки – дејности од ковид пандемијата. Граѓаните се воздржуваат од купување, а во меѓувреме цените на металите и на нафтата се зголемија, што влијаело врз пораст на трошоците, а со тоа и врз раст на крајната цена на становите. На територијата на дел од општините – мораториумот за градба е укинат со одлука на Уставен суд, со што машинеријата се врати на терен. Градежниците посочуваа дека мерката мораториум која требаше да биде “акутна“, за да се решат проблемите, се претворила во “хронична“, поради што дел од фирмите забавија, па дури и целосно запреја со градба на локациите, односно општините каде на сила до неодамна имаше мораториум за градба.

https://meta.mk/analiza-czenite-na-stanovite-zgolemeni-za-4-otsto-brojot-na-odobrenija-za-novi-zgradi-porasnal-za-35-otsto/ - https://meta.mk/analiza-czenite-na-stanovite-zgolemeni-za-4-otsto-brojot-na-odobrenija-za-novi-zgradi-porasnal-za-35-otsto/


Posted By: stef4o
Date Posted: 10-Sep-2021 at 11:10
Во Центар квадратот за новоградба достигна 2.000 евра

Растот на цените на градежните материјали, намалениот број на одобренија за градба, недостигот на работна рака и зголемената побарувачка ги зголемија цените на становите во главиот град.

Од градежната комора која уште на почетокот на годината најави дека е можно цената на станбениот квадрат дво Центар да достигне и до 2.000 евра, велат трендот нема да запре до крајот на годината.

Според градежниците, трендот на зголемување на цените на становите почна лани кога беше намалено издавањето дозволи за градење, најмногу во центарот на Скопје. Дополнително намалените градежни активности придонесоа квалитетниот градежен кадар да ги напушта работните места па градежниците мораа да ги зголемат платите за да ги задржат останатите. На сето тоа големо влиание има и глобалниот раст на цените на градежните материјали. Цените на градежните материјали за една година поскапеа за 80 отсто. Во меѓувреме порасна и побарувачката на станови наспроти помалата изградба, што влијае овој тренд да потреае.

Лани според податоците на Државниот завод за статистика звршени се 1.194 станови што е речиси за 60 отсто помал во однос на 2019 година, кога биле завршени 2.905 станови.

Наспроти тоа, побарувачката на станови расте, што може да се види од податоците на одобрени станбени кредити во банките. Податоците на Народната банка покажуваат дека салдото на издадени станбени кредити со состојба во јуни 2021 година изнесува 1,02 милијарди евра, што е за 136 милиониевра или за 15,3 отсто повеќе споредено со истиот период во 2019 година.

Оваа година инвестициите во градежништвото бележат нагорен тренд, при што може да се забележи податокот дека во последните 12 месеци во Скопје се издадени одобренија за градење вкупно 2. 936 за нови станови што би биле готови во следните 24 месеци.

Намалената понуда на станови на пазарот укажува на фактот дека во периодот што следува цените на становите би продолжиле да растат.

Моменталните цени на станови кои се градат во Скопје, огласени на веб огласниците се движи меѓу 950 и 2.000 евра за квадрат зависно во која населба се наоѓа градбата и кога е почната да се гради. На пример во Капиштец може да се најде стан во изградба за 1.100, 1.250 ,1.350 но и 2.000 и 2.116 евра.

И од агенциите за недвижности велат дека очекуваат да продолжи позитивниот раст на цените. Според нив најбарани се становите со сопствени паркинг-места и близина до простори што овозможуваат надворешни активности, како што се паркови.

https://plusinfo.mk/stanbeniot-kvadrat-stanuva-poskap-vo-centar-kvadratot-za-novogradba-dostigna-2-000-evra/ - https://plusinfo.mk/stanbeniot-kvadrat-stanuva-poskap-vo-centar-kvadratot-za-novogradba-dostigna-2-000-evra/


Posted By: nenad
Date Posted: 11-Sep-2021 at 12:55
Се работи за светски тренд, секаде становите одат нагоре. Парите се ефтини, сегде се печатат пари без покритие, заради короноава. Бараме стан за студент во Нови Сад, па ги пратам нивните огласи, погледнете само колку е тоа скапо https://www.solis-nekretnine.com/izdavanje/sva+mesta/sve+nekretnine/page-1/%20 - ЛИНК . А само пред десетина години мислевме дека ке можеме и да купиме мала гарсоњера. Скопје го следи трендот. И становите ке одат горе уште некое време, а после се предвидува голем пад и то прво во америка, па Европа па и кај нас. Државите треба да се подготват за тој миг, дали сме ние подготвени, не верувам.


Posted By: stef4o
Date Posted: 08-Oct-2021 at 08:39
ДАЛИ Е НА ПОВИДОК ХИПОТЕКАРЕН МЕУР ВО СКОПЈЕ?

Доколку се навратиме само 13 години наназад и се потсетиме на големата хипотекарна криза во САД која подоцна се прошири во глобална должничка криза, а преку тоа направиме паралела со случувањата кои се одвиваат во текот на оваа година во градежниот сектор во Скопје, евидентна е одредена корелација. Купувањето на недвижност во главниот град стана основен постулат врз кој се темелат сите финансиски планирања кај најголем дел од популацијата. Масовното ширење на градот и апсорбирање на половина жители на Македонија на територија од 225 км2 градско подрачје ги помести нормите за рационално инвестирање. Ова особено доаѓа до израз кога станува збор за недвижностите.

Што се случува таму?

Помина периодот кога понудата на пазарот ја диктираа неколку големи играчи и последниве 3 години сведоци сме на голем број на помали компании кои успеваат да се изборат за градежна парцела и соодветна дозвола за градба. Таквото раслојување на почетокот донесе поголема енергија во секторот од аспект на стабилизирање на цените, поголем квалитет на градба и поголема понуда за задоволување на потребите на купувачите. Од друга страна трендот на опаѓање на општото ниво на каматни стапки доведе до тоа кредитите да станат уште подостапни како за инвеститорите, така и за крајните корисници.

Процесот на кредитирање започнува со земање на кредит од страна на инвестор каде најчесто се бара одредено учество од 20-30%, додека остатокот од потребната инвестиција се финансира преку инвестициски кредит. Потребните 20-30% обично се вкалкулирани и обезбедени со купување на земјиштето, преку најчестата практика во националниот градежен сектор – компензација. Со тоа, компаниите им ветуваат соодветен надомест на имателите на земјиштето преведен во станбена површина. Инвеститорот како хипотека ја става идната вредност на објектот, заедно со сите платени комуналии и останати давачки кон државата, како и вкупното градежно земјиште. Кога градбата ќе започне доага до трансформација на процесот на кредитирање каде од голема изложеност на банката кон еден инвеститор, сега ризикот се дисперзира кон повеќе корисници на станбени кредити, а со тоа и потенцијално “цепкање” на хипотеката. На крајот сите се задоволни: банките имаат соодветен пласман за своите средства, инвеститорите прават големи заработки со минимум вложени сопствени средства, а поединците добиваат свој сопствен простор.

Она што е алармантно е високата цена на становите во последнава година!

Иако дел од причините може да се бараат во поскапените градежни материјали и повисоките надоместоци за вработените, а пред се и во огромната побарувачка за квадрат повеќе, сепак трката за профит се чини отиде предалеку. Цените по кои се нудат новите градби се далеку од тоа што било стандард пред само една или две години. Така, сведоци сме на цени од 1.200 ЕУР во населба Железара, 1.250 во Автокоманда, 1.300 во Гази Баба, 1.350 во Аеродром и Карпош, па се до 2.000 ЕУР во Центар. Ваквиот тренд е потврден и од страна на статистиката која ја води НБРСМ, издадена во нивните периодични известувања.



Прашањето кое се поставува е дали има ли крај наглото поскапување на станбен простор во Скопје? Доколку се следат економските принципи ова можно е да “мириса” на одреден меур, кој доколку се пукне може да има огромни последици за нациналната економија. Со зголемувањето на цените се зголемува и кредитната изложеност на поединците, а имајќи ги во предвид флуктуациите во побарувачката за работна сила, а со тоа и потенцијални флуктуации во приватниот доход, ситуацијата бара соодветна експертска анализа.

https://pari.com.mk/skopje-hipotekaren-meur/ - https://pari.com.mk/skopje-hipotekaren-meur/


Posted By: Denko
Date Posted: 09-Oct-2021 at 08:58
Ova e trend. Ako raste gradot ke rastat i cenite. Pobaruvackata ja diktira cenita. Taka e sekade vo svetot. Nikogas porano nemalo tolku mnogu pari. Druga tema e kako se tie podeleni. Ima bogati sto kupuvaat celi zdradi, dodeka siromasite ziveat cel zivot pod kirija.


Posted By: stef4o
Date Posted: 11-Oct-2021 at 17:24
СТАНОВИТЕ ВО ОХРИД СЕ' ПОСКАПИ

[tube]87W7YYwfOKw[/tube]

За 20 до 30 проценти скокна цената на становите во Охрид.Во периферијата становите достигнуваат цена од 850 до 900 евра за метар квадратен, стан во центарот на градот чини од 1300 до 1500 евра по квадрат,а на најатрактивните крајбрежни делови цената достигнува и до 2000 евра.

Но, и покрај високата цена,интересот за купување стан во Охрид е огромен.Од продадените станови дури 95 проценти биле домашни купувачи. Само 5 проценти се странци кои купуваат недвижнини на охридското крајбрежје.

Помал е интересот за купување на куќи.Тоа се должи на слабата економска куповна моќ,потребата од реновирање и скапото инвестирање за одржување на куќите.

https://24.mk/details/stanovite-vo-okhrid-se-poskapi - https://24.mk/details/stanovite-vo-okhrid-se-poskapi


Posted By: Urbanista
Date Posted: 12-Oct-2021 at 05:21
https://www.porta3.mk/skapata-energija-e-vinovna-za-rastot-na-cenata-na-gradezhnite-materijali/

Скапата енергија е виновна за растот на цената на градежните материјали
   Pin It
Поради глобалната криза во светот, зголемување на цените на струјата и гасот, цените на цементот, железото, алуминиумот, керамиката, постојано растат. Градежните материјали како резаната граѓа поскапеа за 400 отсто, алуминиумските профили исто така, цената на бетонското железо скокна за 100 отсто, подовите и керамиката, машинските инсталации исто така поскапеа и нема да застанат тука. Зголемувањето на цените на материјалите неминовно ќе се одрази на цената на квадратен метар станбен и деловен простор.
гр2_resize
Зголемувањето на цените на репроматеријалите ќе продолжи поради пумпање на голема сума пари во светските економии, што доведе до инфлација. Покрај тоа, има скок на цената на нафтата, гасот и електричната енергија.
гр3_resize


Америка впумпа 14.000 милијарди долари како мерка за економско закрепнување од короната. Во такви ситуации, прво се придвижува градежната индустрија, изградба на нови и реновирање на старите станови. САД издвоија седум илјади милијарди долари за 100.000 километри нови патишта и реновирање на старите, потоа градат 48 нови нуклеарни централи, ветерници, наведуваат експертите. Нагласуваат и дека се започнати програми за реновирање на станови, болници и хотели во Белгија, Германија и Франција. Тоа не го прават случајно, бидејќи кога ќе се покрене градежништвото, кое повлекува 50 стопански гранки, ја придвижува целата економија.
гр1_resize
Аналитичарите посочуваат дека она што се случува на меѓународниот пазар мора да се има предвид. Инфлацијата во Соединетите држави е на највисоко ниво во последните триесет години. Од една страна, ова се правда со нерамнотежата помеѓу понудата и побарувачката, но има аналитичари кои велат дека економијата се прегреала поради долгорочната експанзија на монетарната политика која пумпа големи пари во економијата, а пазарот не може тоа целосно да го избалансира.
Зголемувањето на цените се случи во втората половина на минатата година, кога економијата почна полека да закрепнува по пандемијата. Потоа настана нерамнотежа помеѓу понудата и побарувачката, поради што се зголемија цените на индустриските производи, житариците, енергијата, како и цените на транспортот.
gr0_resize
Ова се интензивираше во последните недели, иако имаше индикации и порано. Имаме енергетска криза од едноставна причина што побарувачката на економијата е постојано висока, понудата е ограничена и со фактот дека производството на јаглен е намалено поради потребата да се организира намалување на емисиите на јаглерод диоксид. Од таа причина, има зголемување на цените на енергенсите.
Пример е природниот гас, кој се третира како чиста енергија и чија цена се зголеми за 125 отсто од почетокот на годината, а само во последниот месец за околу 25 отсто. Сега Кина, како голем потрошувач на енергија, бара многу од тој течен гас, што само ја зголемува цената.

Ako proizvodstvenata cena na stanot porano se formirase otprilika vaka: 400 evra (kvalitetna izgradba) + 100 evra komunalii + 200-500 evra za kupuvanje na placot na koj se gradi zaedno so mito prikljucoci i sl.. ostanatoto kjar za investitorot.
Sega so nekolku kratno poskapuvanje na materijalite, a i na rabotna raka dali nekoj znae prvata stavka kolku e zgolemena realno?


Posted By: nenad
Date Posted: 12-Oct-2021 at 09:08
Интересно е тоа што не се продаваат куќи во Охрид. Сите сакаат во центар во најголемата гужва. Во соседна Србија има тренд на купување земјишта надвор од големите градови, за градење викендици па и за живеење https://www.solis-nekretnine.com/blognekretnine/Zasto-je-jagma-za-placevima-u-Srbiji-160.html - (ЛИНК) .
Јас кога би купувал во Охрид би купувал во Рача, Велестово, Чекоштина - можеби најидеална локација. На лето во центар не се живее, галама, валкано, гужви.


Posted By: stef4o
Date Posted: 18-Oct-2021 at 12:44
Ќе се ѕидаат сѐ повисоки цени на становите

Не се очекува стабилизација на цените на недвижностите
Трендот на пораст на цените на становите продолжува. Како резултат на зголемената побарувачка на станови во корелација со намалената понуда, растот на цените на градежните материјали и недостигот од работна рака, овој тренд се очекува да продолжи до крајот на годината.
Според градежниците, трендот на зголемување на цените на становите почна минатата година, кога беше намалено издавањето дозволи за градење, најмногу во центарот на Скопје. Дополнително, намалените градежни активности придонесоа квалитетниот градежен кадар да ги напушта работните места, а градежниците мораа да ги зголемат платите за да ги задржат другите. Најголемо влијание има и глобалниот раст на цените на градежните материјали. Цените на градежните материјали за една и пол година се зголемија за 80 отсто. Во меѓувреме, порасна и побарувачката на станови наспроти намалената изградба, што влијае на растот на цените на становите.
Градежникот Никола Велковски вели дека репроматеријалите од метал учествуваат од 20 до 30 отсто во градежните материјали при изградба и дека тоа има влијание во конечната цена за услугата, што тие како градежни компании ја нудат, па поради тоа расте и цената на недвижностите.

– Речиси сите материјали што се користат при градба се поскапени, како на пример железото е 200 отсто поскапено, стиропорот околу 20 отсто, дрвото околу 70 отсто, тулите за околу 30 отсто, дополнително е поскапена и цената на трудот, па сето тоа донесе поскапи градежни услуги. Зголемените трошоци за репроматеријали на светските берзи и проблемите при транспортот во глобалните синџири за снабдување предизвикаа раст на цените на градежните производи, што ги зголеми и цените на становите – објаснува Велковски.
Тој додава дека недостигот од квалификувана работна сила многу влијае врз цената на крајниот продукт.
– На терен се чувствува недостиг од градежни квалификувани кадри, нема поврат на ваквите кадри од развиените земји, напротив и понатаму се бараат, а тоа се одразува врз финалните цени. Нивните плати растат последниве години, а тоа мора да се вкалкулира во цената на становите – објаснува Велковски.
Според Игор Панчевски, генерален менаџер на агенцијата за недвижности „Левел 7“, во вториот и третиот квартал од тековната година повторно е забележан значителен и континуиран пораст на цените на станбениот простор, споредбено со истиот период од минатата година.
– Според нашите анализи, зголемувањето на цените од пред пандемијата се движи околу 7 отсто и понатаму очекуваме благ пораст и минимални осцилации на цените до крајот на тековната година. Конкретно, во моментов тешко е да се предвиди дали ќе има стабилизација на цените на недвижностите, бидејќи цената на станбениот простор зависи од повеќе фактори, пред сѐ, соодносот на понудата и побарувачката, цените на градежните материјали, како и од повеќе економски фактори во земјата – потенцира Панчевски.

Според нивните статистики, просечните цени по општини во Скопје се движат по околу 1.300 евра квадратен метар во Центар, 1.250 евра во Карпош, 1.200 евра во Аеродром, 1.150 евра во Кисела Вода, 950 евра Ѓорче Петров, 750 евра во Чаир за квадратен метар.
– Според нас, најголемите причини за зголемувањето на цените е соодносот на понудата и побарувачката на станови, како и енормното зголемување на цените на градежните материјали. Побарувачката на станови е во пораст споредбено со претходните период, но поголем проблем е понудата на вселиви станови, која во моментов е дефицитарна и не може да ги задоволи потребите на пазарот – смета Панчевски.
Од Здружението на градежништвото, индустријата на градежни материјали и неметалите при Стопанската комора на Македонија, велат дека производството на градежни материјали од челик до дрвена граѓа беше сериозно погодено од почетокот на пандемијата. А зголемувањето на цените е особено изразено и сѐ уште не се гледа крај на поскапувањата.

– Иако производителите во нашата држава преземаат мерки што се во нивна моќ да ги амортизираат поскапувањата, неизбежно е зголемувањето на цените на одредени градежни производи. Поскапувањата на производите покрај тоа што се одразуваат и врз цените на становите, директно влијаат и врз исплатливоста на реализацијата на проектите што се изведуваат врз основа на договори во кои се предвидени фиксни цени за изведба, особено во доменот на јавните набавки – посочуваат од Здружението при СКМ.
Оттаму додаваат дека цените на градежните производи и на работната рака, според компаниите, упатуваат дека во моментот е најскапо да се гради анализирано во последните дваесетина години.

https://www.novamakedonija.com.mk/makedonija/politika/ќе-се-ѕидаат-сѐ-повисоки-цени-на-станов/


Posted By: stef4o
Date Posted: 20-Oct-2021 at 17:17
Вештачки се креира пораст на цените на становите

Цените на становите ќе растат е предупредување коешто зачестено во јавноста го пласираат македонските градежници, а како главна причина за тоа се наведува зголемувањето на трошоците за набавка на градежни материјали, за плаќање на квалификуван кадар и за купување на градежни парцели. Меѓутоа, при тоа се заборава на основното економско правило дека пазарот ги одредува цените преку понудата и побарувачката.



Граѓаните полека бегаат од централните градски подрачја
Од Градежната комора на Македонија при Сојузот на стопански комори велат дека годишно во главниот град се продаваат околу пет илјади станови. Од друга страна, според податоците на Агенцијата за катастар на недвижности во 2019 година биле продадени вкупно 2.721 нови станови, а лани, заклучно со септември биле продадени 2.088 станови.

Претседателот на Градежната комора, Ивица Јакимовски очекува цените на становите да растат и посочува повеќе фактори, меѓу кои и укинувањето на неколку детални урбанистички планови што довело до недостиг од локации за градба и зголемување на цените на градежното земјиште.

[tube]p9dtk6tx7fY[/tube]

[tube]qj67PXFkoLg[/tube]

[tube]b4ASn4aL7DQ[/tube]



Огромен број станови под хипотека
Податоците на Народната банка за вториот квартал на 2021 година ја потврдуваат тезата на професорот Узунов. Има зголемена побарувачка на кредити, при истовремено олеснети кредитни услови, што доведува и до забрзување на кредитниот пораст. Најголемо зголемување на интересот кај луѓето има за станбените кредити. Токму кредитната поддршка што веќе подолг период ја обезбедуваат банките доведува до зголемен интерес за купување недвижности.

Забележително е што во вториот квартал, годинава значителен процентуален раст од 15,5% бележат нефункционалните станбени кредити. Станува збор за кредити коишто го добиваат овој статус поради нередовна исплата на месечните рати. Според податоците на Народната банка, во 2019 година нефункционалните станбени кредити прв пат по подолг период оствариле двоцифрен пораст од 13,4%.

https://samoprasaj.mk/naacik/2126-vestacki-se-kreira-porast-na-cenite-na-stanovite


Posted By: stef4o
Date Posted: 05-Nov-2021 at 18:15
ЧИФЛИГАНЕЦ ПРЕДЛОЖИ, ВУЧИЌ ПРИФАТИ Македонците и Србите ќе купуваат недвижен имот во двете земји

Македонските бизнисмени Ванчо и Душко Чифлиганец, топ менаџментот на Адора, која што во моментов во Србија има градежна инвестиција од 15 милиони евра во двете насоки, на средбата „Отворен Балкан“ во Белград со претседателот на Србија, Александар Вучиќ го отворија прашањето и побараа да се потпише договор меѓу двете земји со кој ќе им се овозможи на македонските и на српските граѓани да купуваат и поседуваат недвижен имот во двете соседни земји.

Српскиот претседател Вучиќ веднаш реагираше и побара од српските и македонските служби да најдат решение и ова прашање што поскоро да се затвори за македонските граѓани слободно да можат да купуваат недвижен имот во Србија и обратно, српските граѓани во Македонија. Тој очекува прашањата кои што денеска беа отворени во Белград, да се затворат во најбрз можен рок во интерес на бизнисмените и на граѓаните, соопшти компанијата „Адора инженеринг“.

Генералниот директор на „Адора инженеринг“, проф. д-р Ванчо Чифлиганец и директорот на Adora Living Solutions –бБелград, Душко Чифлиганец, кои беа дел од претставниците на македонската бизнис делегација на средбата со претседателот на Србија, Александар Вучиќ, албанскиот премиер Еди Рама, македонскиот потпретседател на Влада, Никола Димитров, претставници на стопанските комори и бизнисмените од сите три земји, ја поздравија иницијативата „Отворен Балкан“ и потенцираа дека само на овој начин можат да се градат мостови меѓу народите и државите од Западен Балкан, а не ѕидови како што прават некои политичари во светот. Бизнисмените веруваат дека иницијативата „Отворен Балкан“ ќе овозможи и ќе го подобри слободното движење на стоки, на човечки ресурси, обезбедување услуги, а пред сѐ, слободата на проток на капитал, основните европски и светски постулати за остварување подобри бизнис релации.

– Со иницијативата „Отворен Балкан“ заедно политичарите и бизнисмените ќе ги урнеме бариерите кои се поставени пред бизнисот на балканските земји. А нашите народи ќе станат уште поблиски. Драго ми е што бизнисмените од Србија, Албанија, Бугарија, Грција и од другите земји во регионот рамноправно се прифатени во мојата земја. Лично како македонски бизнисмен, пред две години започнав бизнис во градежниот сектор високоградба во Србија, како директна инвестиција на компанијата Adora Living Solutions – Белград, инвестирајќи околу 15 милиони евра во двете насоки. Инвестирам во Србија, а сум прифатен како дома, имам третман како да сум домашен инвеститор или поточно како да сум посакуван странски инвеститор. Тоа е иницијативата „Отворен Балкан“ на дело, не декларативно, туку практично и верувам дека преку оваа иницијатива нашата соработка ќе продолжи да се подобрува. Наша заедничка цел е економски бенефит на нашите народи на Балканот – потенцира Чифлиганец денеска на средбата во Палата Србија во Белград.

https://plusinfo.mk/chifliganec-predlozhi-vuchi-prifati-makedoncite-i-srbite-e-kupuvaat-nedvizhen-imot-vo-dvete-zem-i/ - https://plusinfo.mk/chifliganec-predlozhi-vuchi-prifati-makedoncite-i-srbite-e-kupuvaat-nedvizhen-imot-vo-dvete-zem-i/


Posted By: Urbanista
Date Posted: 09-Nov-2021 at 10:17
Спроти кино карпош во дебар маало почнуваат да копаат дупка за зграда. Цени од 1700 еур па нагоре. Поглед директно на друга зграда..

https://www.eliten.com.mk/објекти


Posted By: stef4o
Date Posted: 09-Nov-2021 at 10:37
Originally posted by Urbanista

Спроти кино карпош во дебар маало почнуваат да копаат дупка за зграда. Цени од 1700 еур па нагоре. Поглед директно на друга зграда..

https://www.eliten.com.mk/објекти


Еве нешто повеќе за распоредите и цените за конкретната зграда









https://www.eliten.com.mk/items/b1 - https://www.eliten.com.mk/items/b1

Инаку цените отидоа доста високо во Центар веќе под 1350-1400 евра за м2 тешко се наоѓа а гаражите стигнаа и до 8000 евра.
Поглед во Дебар Маало,Капиштец,Буњаковец освен во ѕид или прозор од друга зграда речиси и да нема.
Најповолни цени има по периферни делови нас.Даме Груев и Маџари кај Мак Ауто Стар,Илинден,Хиподром каде се движат цените меѓу 860-990 евра за м2.


Posted By: anna75
Date Posted: 09-Nov-2021 at 14:10
Стари станови во Аеродром која цена се движат?


Posted By: stef4o
Date Posted: 22-Nov-2021 at 18:09
АДОРА“ ГО ПРОДАДЕ НАЈСКАПИОТ СТАН НА ЗЛАТИБОР Пентхаусот има огромна тераса и џакузи за 8 лица

Најголемиот македонски градежен бренд Adora Business Group по цена од 4.800 евра за м2 го продаде најскапиот стан во Златибор, на најубавата планина во Србија, во рамки на својот прв проект „21st Century Zlatibor Residence, Spa & Wellness by Adora“, пишуваат денеска српските медиуми меѓу кои и угледниот Блиц.

Српските медиуми објавија детали за апартманот кој ги урна рекордите со убедливо највисоката продажна цена на недвижност на Златибор и на пазарот на недвижности во Србија. Станува збор за penthouse на врвот од пионерскиот иновативен проект на Адора „21st Century Zlatibor“, со комфорна тераса од 100 м2, декинг подна облога, поглед кон златиборските убавини и неверојатни содржини како џакузи хидромасажна када за 8 лица, што може да се користи и при снежни услови, како и опрема за уживање на тераса. Додека апартманот е комплетно опремен „од А до Ш“ со природен камин, најмодерна техника, луксузна декорација, перфектно дизајниран мебел, а во цената се вклучени прибор за јадење, постелнина и крпи.

Всушност, се работи за „инвестициски апартмани“ во рамки на хотелско-резиденцијалниот комплекс „21st Century Zlatibor by Adora“, кои сопствениците ќе ги користат кога и колку ќе посакаат, додека Адора преку нејзиниот професионален менаџмент „Hospitality“ ќе се грижи за одржување и изнајмување на апартманите и ќе им овозможи и до 8% годишен поврат на вложените средства.

Непосредно по овие објави, Душко Чифлиганец, заменик претседател на Адора Бизнис Групацијата и директор на Adora Living Solutions, фирмата ќерка, инвеститор во Србија изјави:

– „Адора“ во реализацијата на овој наш пионерски проект на Златибор, го вложи целото свое 20- годишно иксуство и постојан афинитет кон континуирани и прогресивни иновации во градежништвото. Ни причинува огромна чест и задоволство што на српскиот пазар на недвижности кој моментално е еден од најконкурентните во Европа, покажавме дека умееме рамноправно да се натпреваруваме со најдобрите. Голема е нашата благодарност кон српскиот народ, што со топло срце и на најпријателски начин нѐ прифати како странски инвеститори и пред сè како луѓе.

https://plusinfo.mk/adora-go-prodade-na-skapiot-stan-na-zlatibor-penthausot-ima-ogromna-terasa-i-akuzi-za-8-lica/? - https://plusinfo.mk/adora-go-prodade-na-skapiot-stan-na-zlatibor-penthausot-ima-ogromna-terasa-i-akuzi-za-8-lica/?


Posted By: stef4o
Date Posted: 08-Dec-2021 at 14:49
Вртоглав" раст на цените на становите, нема ДУП-ови за нови градби, поскапена изградбата

Во првиот квартал зголемувањето изнесуваше 3,2 отсто, а во вториот 4 отсто. Тоа резултираше квадратен метар станбена површина да достигне 1.500 евра во општини како Центар и Карпош, а според одредени градежници, цената може да стаса и од 2.000 евра. Во услови на голема побарувачка, како што велат, понудата во одредени подрачја е намалена поради мораториумите за градење во изминатите години.

„Вртоглавиот" раст, како што го квалификуваат носителите на бизнисот со недвижности, се должи на повеќе фактори: немањето доволно локации за градење, блокираните детални урбанистички планови и неносењето нови, порастот на цената на градежните материјали, но и на работната сила, која сè почесто заминува во странство.

Салим Хасани, претседател Групацијата на градежништво при Стопанската комора на Северозападна Македонија вели дека порастот на цените на становите во Скопје е резултат на повеќе фактори, кои имаат директно и индиректно влијание. Како поважни ги набројува немањето доволни локации за градење во атрактивните зони, блокирањето на неколкуте ДУП-ови во некои општини во претходниот период, како и неносењето нови ДУП-ови за формирање нови локаци по општините.

Сето ова, вели, влијае на намалување на новите градби и зголемување на цената на локаците што директно влијае на цената на становите. Како друга директна причина е порастот на цените на градежните материјали и енергентите, каде што порастот е од 20 до 100 проценти, а исто така имаме пораст и на цените за работната сила. Сето ова збирно ги покачи цените на становите за околу 30 проценти, вели Хасани за МИА.

Понудата е поголема во зоните каде што во поранешниот период имаше повеќе локаци за градба, како што се општините Аеродром, Гази Баба, Кисела Вода, Бутел, Чаир...

– Се нудат квалитетни градби со подобар дизајн и современи материјали во однос на претходните градби. Додека побарувачката на нови станови е голема особено во Центар, Карпош и Аеродром. Но, не заостанува и во другите општини, како што се Гази Баба, Кисела Вода, Бутел и Чаир. Претежно се бараат мали станови со добра организација и поглед, посочува Хасани.

Градежните компани во периодот на ковид-пандемија, иако со намален интензитет, посочува, работеа со позитивни биланси. Поголемиот развој, порачува тој, зависи од отворањето нови инвестиции за стандардни градби, кои се неопходни да ги има во континуитет.

– Сè помалиот број на локации не оди во прилог на развојот на оваа многу важна гранка на економијата. Енормното покачување на цените на речиси сите компоненти од градбата кај инвеститорите создава резерви при планирање на идните градби, прашање е дали куповната моќ ќе може да го следи овој тренд на пораст на цени. И по логика, ако имаме намален број градби, ќе имаме поскапување на цените на становите, а од друга страна, намалување на обемот на работа за градежниците. А со тоа и неможност да ја задржиме работната сила, која секој ден ни бега во странство. Така што наша сугестија е да се отворат што повеќе можности за градба, ќе биде подобро за сите, ќе имаме поголем развој, вбризгување повеќе пари во економијата, поевтини станови и поквалитетно живење, изјави Хасани.

Поскапуваат становите и на атрактивните и на локациите со помала трансакциска активност

Од Здружението на градежништвото, индустријата на градежни материјали и неметалите при Стопанската комора на Северна Македонија посочуваат дека прогнозите на градежните компании се остваруваат, цените на становите од почетокот на годината бележат евидентен раст, особено во подрачјата што се сметаат за атрактивни локации. Растот на цените на становите, како што велат во изјава за МИА, се должи на повеќе фактори, во најголем дел на поскапувањата на градежните материјали, меѓутоа и на генералното поскапување на услугите, репроматеријалите и другите добра.

– Побарувачката е голема, со оглед дека недвижностите се покажаа како сигурна инвестиција за време на коронавирус-кризата. Граѓаните го препознаа инвестирањето во недвижностите како креирање додадена вредност во нивните буџети особено во време на тивка инфлација, поради што сметаме дека побарувачката нема да опадне и недвижностите ќе бидат атрактивни и во следниот период. Понудата во одредени подрачја е очекувано намалена поради мораториумите за градење изминатите години, велат од Здружението за градежништво, индустријата на градежни материјали и неметалите.

Се залагаме, посочуваат, за подигнување на квалитетот на градбите, па во таа насока сметаме дека и граѓаните треба да се стремат кон купување на квалитетни градби и квалитетот да ја одредува цената, со цел да не настане ситуација во услови на намалена понуда на станови на одредени подрачја, цената да ја одредува исклучиво зголемената побарувачка за градби на атрактивни локации.

Анализирано според локации, побарувачката за недвижности за време на пандемијата се одвива како и претходно. Според последните објавени податоци од Регистарот на цени и закупнини на Агенцијата за катастар на недвижности, најголем обем на трансакции, вклучувајќи и најголем број продадени станови има во главниот град, поконкретно во општините Центар, Карпош, Аеродром. Цените се движат во зависност од побарувачката и на поатрактивните локации повисоки се цените за квадратен метар.

Цените на становите во подрачјата со помала трансакциска активност исто така растат иако, како што велат од Здружението, тоа не зависи од побарувачката, туку поради порастот на цените на градежните производи, услугите, суровините… едноставно изградбата е поскапа.

Ивица Јакимовски, претседател на Градежната комора при Сојузот на стопански комори посочува дека деловната активност во полето на високоградба во последните четири години има тренд на постојан пад што се должи на ограничувачките фактори кои предизвикаа сериозни, материјални и нематеријални штети за компаниите поради мораториумот за градба и суспендирањето на деталните урбанистички планови. За да има подобрување во позитивна насока, укажува, неопходно е да се почитуваат законите, пред се Законот за градење и Законот за урбанистичко и просторно планирање, што ќе придонесе за креирање на позитивна бизнис клима за развој и инвестиции.

– Растот на цените на становите достигнува и до 40 отсто, а тој се должи на повеќе фактори, меѓу кои главно учество имаат порастот на цените на градежните материјали, трендот на зголемување на платите во градежниот сектор кој влијае на зголемување на цената на крајниот производи, како и на ограничување на понудата, што се јавува како последица на мораториумите за градење и суспендирањето на деталните урбанистички планови, изјави Јакимовски за МИА.

Пазарот на недвижности, дополнува, подолго време има негативен тренд за потрошувачите, заради ограничувачките фактори за кои веќе зборувавме. Градежниот сектор е подготвен да го промени трендот, со цел да се излезе во пресрет на потребните на граѓаните, доколку се создадат услови за да може да почне со засилена деловна активност, потенцира Јакимовски.

По драстичниот пад кај закупите, позитивно придвижување по стартот на студентската година

Пандемијата најмногу ги погоди закупите на недвижности каде што беше забележан драстичен пад, особено кај закупите на деловните простори, но и кај закупите на други недвижности. Падот во голема мера се должи на промените во начинот на живот и работа на луѓето, намалување на обемот на миграции на студенти, работници и други лица со место на живеење различно од местото каде што ги вршат секојдневните активности како резултат на сè поголемата употреба на технологијата во процесот на работа и учење, односно замената на физичкото со онлајн присуство.

По почетокот на студентската година, според информациите од агенциите на недвижности, не се забележува драстичен пораст на трансакциите што се однесуваат на закупите, меѓутоа споредено со претходните месеци може да се каже дека има одредено придвижување во позитивна насока.

На пазарот на недвижности во третиот квартал годинава, според базата на Регистарот на цени и закупнини, се регистрирани 9.231 трансакција, од кои 7.277 продажби на недвижности и 1.954 закупи на недвижен имот.

Евидентирани се 7.277 купопродажби во вредност од 284.558.000 евра. Регистрираните 5.833 продажби се во вредност од 209.570.000. Имало и 13 лицитации со вредност од 200.000 евра, 1.265 купопродажби на инвеститор во вредност од 72.96.000 евра, како и 166 откупи од РСМ во вредност од 1.807.000 денари.

Споредбено по месеци од овој квартал може да се забележи дека најголем број трансакции има во јули, кога во Регистарот на цени и закупнини се регистрирани 3.463 трансакции. Најмалку трансакции се регистрирани во август, и тоа 2.516, додека во септември се регистрирани 3.252 трансакции.

Доколку се разгледа обемот на трансакции по месеци и по тип на трансакција, може да се заклучи дека најголем број купопродажби се регистрирани во јули, 2.754, а најмногу закупи се евидентирани исто така во јули, 709.

Во третото тримесечје годинава имало за 2.676 повеќе купопродажби во однос на истиот период лани.

Од регистрираните 1.954 закупи на недвижен имот, најмногу, 740, се закупи на деловни простории во вредност од 523.222.000 евра. Потоа следуваат закупите на стан 573 со вредност од 120.720.000 евра, на куќи, 259, од 55.224.000 евра, на дворно земјиште, 238, со вредност од 11.243.000. Регистрирани се и 27 закупи на индустриски објекти во вредност од 134.436.000 евра.

Најмногу нови дозволи за градба во Полошко, најмалку во Пелагониско

Последните официјални податоци за издадени одобренија за градење се за септември годинава кога биле издадени 318 одобренија за градење, што е за 28,2 проценти повеќе во однос на септември лани. Најголем број одобренија се во Полошкиот регион, 66, по што следуваат Скопскиот регион, 62, Југоисточниот, 53, Вардардскиот 46... Најмалку дозволи за градба, 17, се издадени во Пелагонискиот регион.

Според податоците на Државниот завод за статистика, во извештајниот период е предвидена изградба на 618 станови, со вкупна корисна површина од 56 849 квадратни метри. Најмногу станови ќе се градат во Скопскиот регион, 216, од кои 196 се во Општина Гази Баба. Меѓу општините со пoголем број планирани нови станови се и Струмица, 87, Гевгелија, 86, Гостивар, 76, Дебар, 40…

Предвидената вредност на објектите за кои се издадени одобренија во септември годинава изнесува 3 833.718.000 денари, за 16,7 проценти повеќе во однос на истиот месец од претходната година. Од издадените одобренија за градење, 184 (57,9 проценти) се за објекти од високоградба, 35 (11 проценти) од нискоградба, а 99 (31.1 процент) се објекти за реконструкција. На 195 (61,3 проценти) од објектите како инвеститори се јавуваат физички лица, а на останатите 123 (38,7 проценти) објекти инвеститори се деловни субјекти./МИА

https://kanal5.com.mk/-vrtoglav-rast-na-cenite-na-stanovite-nema-dup-ovi-za-novi-gradbi-poskapena-izgradbata/a506796 - https://kanal5.com.mk/-vrtoglav-rast-na-cenite-na-stanovite-nema-dup-ovi-za-novi-gradbi-poskapena-izgradbata/a506796


Posted By: stef4o
Date Posted: 08-Dec-2021 at 15:57


https://nezavisen.mk/vrtoglav-rast-na-cenite-na-stanovite-vo-skopje/ - https://nezavisen.mk/vrtoglav-rast-na-cenite-na-stanovite-vo-skopje/


Posted By: stef4o
Date Posted: 08-Dec-2021 at 18:35
Цело богатство вреди еден стан во Центар, а расте и цената на становите насекаде

[tube]5SUjJRisCYQ[/tube]

Дури и до 1.700 евра за квадратен метар во централното градско подрачје достигна цената на недвижностите.

Недостатокот на локации за градење, замрзнатите Детални урбанистички планови, поскапите градежни материјали и работна сила си го направија своето – па така и вкупната цена на становите порасна.

Според извештајот на Народната банка во третиот квартал годинава, недвижностите поскапеле за 5,9%. Во првиот квартал зголемувањето изнесувало 3,2 отсто, а во вториот 4%.

И сето тоа е со тенденција да продолжи да расте и во иднина. Од Градежната комора оценуваат дека бројките на Народна банка нецелосно ја отсликуваат реалноста и дека ситуацијата е многу поразлична, а зголемувањето многу поголемо.

„РЕАЛНОСТА Е СОСЕМА ПОИНАКВА ОД ТОА ШТО СЕ ПРИКАЖУВА ДЕКА Е 5,9% – КОНКРЕТНО ВО ПОСЛЕДНИОТ КВАРТАЛ ТОА Е МНОГУ ПОВЕЌЕ. ТОА САМО ЌЕ РЕЗУЛТИРА ВО ПЕРИОДИТЕ КОИШТО ЌЕ ДОАЃААТ ПОНАТАМУ. ВО ЦЕНТАР, КАРПОШ, АЕРОДРОМ, КИСЕЛА ВОДА (ЦЕНТРАЛНИТЕ ГРАДСКИ ОПШТИНИ) ИМАМЕ ПОКАЧУВАЊЕ НА ЦЕНИ ПОВЕЌЕ И ОД 30%. ДАЛЕКУ СМЕ НИЕ ОД ТОА ШТО СЕ ПОКАЖУВА КАКО СТАТИСТИКА ДЕКА Е 5,9%. МНОГУ Е ПОГОЛЕМО ПОСКАПУВАЊЕТО НА НЕДВИЖНОСТИТЕ ВО ОДНОС НА КРАЈНА ЦЕНА“ ВО ИЗЈАВА ЗА ТЕЛМА ВЕЛИ ИВИЦА ЈАКИМОВСКИ, ПРЕТСЕДАТЕЛ НА ГРАДЕЖНАТА КОМОРА ПРИ СОЈУЗОТ НА СТОПАНСКИ КОМОРИ.

Особено интересна е општина Центар. Таму веќе има и помала понуда на станови.

Бројни се факторите заради коишто сега недвижност не може да се најде во главната скопска општина за 1.100 евра по метар квадратен како пред само неколку години, анализира Јакимовски.

https://telma.com.mk/2021/12/08/цело-богатство-вреди-еден-стан-во-цент/ - https://telma.com.mk/2021/12/08/цело-богатство-вреди-еден-стан-во-цент/


Posted By: skopskodete
Date Posted: 08-Dec-2021 at 22:54
Е колку станови треба да се градат за да не влијае тој фактор на цената по квадратен метар? Еднаш имаше статистика дека празни станови има илјадници низ државата, а во исто време илјадици се градат. Плус, во Центар моментално има еден голем проект (Лимак, со четири станбени кули), а сега ќе почне исто така уште еден голем проект (на паркингот кај Холидеј Ин), и еден куп други станбени или станбено-деловни згради што се градат во општина Центар. Стварно не разбирам, колку станови треба да се градат? Поскапи градежни материјали, океј, недостаток на работна сила поради одење во странство, океј, ама недостаток на локации за градење?


Posted By: stef4o
Date Posted: 16-Dec-2021 at 08:20
Не се сложувам со тоа дека нема ДУП-ови по кои би можело да се гради.Ги имаат новодонесени планови за Ново Маало,делумно за Маџир маало и Крњево но се чини дека сакаат само плацови каде има некои бивши фабрики,складишта и слично за да не се преговара со многу сопственици.Ако ги земеме последните проекти на Голден Арт,Адора,Саник,Космос,Комплекс Гранд итн сегде се потврдува истата ситуација.
Па и во иднина планираат градби вдолж Илинденска повторно по тревници и напуштени стари магацини,игралишта и слично.


Posted By: stef4o
Date Posted: 24-Dec-2021 at 16:10
КОЈ ГО БИЛДА КВАДРАТОТ? Трговци-градежници ја кренаа цената на 2.000 евра

Рекордно високи цени на становите во Скопје се забележани во последните месеци. Квадратот се продава и над 2.000 евра во централното градско подрачје. Градежниците велат дека овие цени се дел резултат на поскапените репроматеријали и поскапата работна рака, но поголемиот дел се резултат на вештачкото зголемување на цената на градежниот квадрат, односно на зголемените апетити на сопствениците на градежните парцели и влегувањето на голем капитал во градежништвото преку трговци – градежници кои купуваат парцели, градат и си заминуваат.

Градежниот Никола Велковски вели дека и покрај тоа што се инсистира да се прикаже цената на репроматеријалите во градежништвото како главен виновник за зголемување на цената на станбениот квадрат, тоа не е така.

– Цената на репроматеријалите на крајната цена на градежниот квадрат влијае само со 30 отсто. Остатокот го прават условите на пазарот кои ги диктираат градежни трговци и сопствениците на градежните парцели. Тоа значи дека ако квадрат станбен простор се продавал по 1.000 евра со поскапувањето на репроматеријалите би чинел 1.300 евра. Но во градежниот сектор последниве години влегоа трговци кои внесоа огромни пари, градат и си заминуваат. Во борбата за добивање локација за градење овие трговци им нудат високи цени на сопствениците на парцелите кај кои, пак, во меѓувреме сѐ повеќе растат апетитите. Па така, цената сега од 25 отсто нето изградена станбена површина од пред една година порасна на 30 отсто. Конкретна цена за градежен квадрат, меѓутоа, не може да се каже бидејќи од парцела до парцела таа се менува според желбите и апетитот на сопственикот на парцелата и желбата на градежниците да ја добијат. Но, ова зголемување секако го плаќа крајниот купувач на станот со тоа што ќе плати 1.800 или 2.000 евра за квадрат – вели Велковски.

Но, додава тој, за таа цена граѓанинот кој купува стан не добива и повисок квалитет на градбата на станот.

Според него, 10 градежни компании во земјава кои се активни и не се трговци-градежници, ни од далеку не можат да обезбедат пари за вакви цени на парцелите.

Градежниците се согласни дека започнатиот тренд на растот на цените на станбениот квадрат нема да запре и следната година бидејќи на сето ова дополнително ќе влијаат и повисоките цени на струјата и на другите енергенси кои влегуваат во крајната цена на градежните материјали. Дополнителен мотив за повисока цена е и растот на цената на трудот.

Челичните профили и цевки поскапеа за 66 отсто и има најава дека дополнително ќе поскапат за уште 33 отсто. Металите учествуваат со околу 30 отсто во цената на градежниот квадрат. Нови повисоки цени има и на другите репроматеријали. Дрвната граѓа поскапе за 55 отсто, додека полимер бетонот е поскапен за 47 отсто, а геокомпозитот за 45 отсто – велат од Здружението за градежништво при Стопанската комора.

Од ова здружение побараа и намалување на ДДВ од 18 на 5 отсто за увоз на градежни материјали за кои ќе докажат дека се поскапени и доследно спроведување на Законот за облигациски односи во членот 656 за материјали чие поскапување битно влијае на компаниите или на граѓаните.

Градежниците се жалат и дека во изминатиот период и моментално некои општини имаат мораториум за градење при што се издаваат и помалку одобренија за градба, што дополнително влијае на намалување на градбата наспроти зголемената побарувачка на станови. Во прилог на ова говори и податокот на земени станбени кредити од граѓаните годинава. Податоците за ноември се дека на годишно ниво станбените кредити бележат пораст од 16,1 отсто.

Податоците од Државниот завод за статистика за октомври, пак, велат дека се интензивира градбата во земјава. Бројот на одобренија за градба е зголемен за 88,5 отсто. Дури 63, 1 отсто од одобренијата се во високоградбата. Предвидена е изградба на 2.311 станови, со вкупна корисна површина од 164.243 м2.

Податоците на Народната банка за цената на недвижнините покажуваат раст на цените во текот на целата година. Во првиот квартал растот изнесувал 3,2 отсто, во вториот 4 отсто, а во третиот квартал 5,9 отсто. Се очекува овој раст да биде повисок во четвртиот квартал од годината.

Моменталните цени на станови кои се градат во Скопје, огласени на веб огласниците се движи меѓу 950 и 2.000 евра за квадрат зависно во која населба се наоѓа градбата и кога е почната да се гради. На пример, во Капиштец може да се најде стан во изградба за 1.100, 1.250,1.350 но и за 2.000 и за 2.116 евра.

https://plusinfo.mk/ko-go-bilda-kvadratot-trgovci-gradezhnici-a-krenaa-cenata-na-2-000-evra - https://plusinfo.mk/ko-go-bilda-kvadratot-trgovci-gradezhnici-a-krenaa-cenata-na-2-000-evra


Posted By: stef4o
Date Posted: 07-Jan-2022 at 14:07
Цените на становите за една година се зголемиле за 11,2 проценти!

Огромен раст на цените на становите забележа Народна банка. Таа пресмета дека во четвртиот квартал од минатата година цените на становите се зголемиле за 11,2 проценти во однос на истиот период лани, а во однос на претходниот квартал (третиот квартал од 2020 година) цените се зголемиле за 5,2 проценти.

Според податоците на Народната банка, ваков скок на цените не е заблежан од 2010 година, но официјалната статистика покажува дека некогаш сме имале и многу поголем раст на цените на становите, а тоа било за време на Големата финансиска криза кога четвртиот квартал од 2008 година во однос на четвртиот квартал од 2007 година, цените на становите се зголемиле за 24,9 проценти.

https://www.slobodenpecat.mk/cenite-na-stanovite-za-edna-godina-se-zgolemile-za-112-procenti/ - https://www.slobodenpecat.mk/cenite-na-stanovite-za-edna-godina-se-zgolemile-za-112-procenti/


Posted By: stef4o
Date Posted: 08-Jan-2022 at 10:30
МЕТАР КВАДРАТЕН ВО СКОПЈЕ СТАСА ДО 1.500 ЕВРА: Станови за продажба нема, а уште ќе поскапуваат

Цените на становите пораснале за 40 отсто досега и поскапувањето ќе продолжи, тврдат претставниците на градежните комори. Зголемувањето на цената било поради растот на цените на градежните материјали, трендот на зголемување на платите во градежниот сектор кој влијае на зголемување на цената на крајниот производи, како и на ограничување на понудата, што, како што велат, се јавува како последица на мораториумите за градење и суспендирањето на деталните урбанистички планови, пренесува МИА.

Градежната фела на крајот на минатата годината испорача барања до Владата за антикризни мерки заради порастот на цените на градежните производи и репроматеријалите при јавните набавки, каде е пропишана фиксна цена во тек на изведба и јавните набавки и каде единствен услов за нејзино добивање е најниската цена.

„Во моментов зголемените цени на градежните материјали се одразуваат во голема мерка и ќе се одразат уште повеќе на цената на становите. Во моментов се многу оштетени компаниите кои работат на јавни набавки во кои главен норматив за добивање на јавната набавка е минимална цена. Проблем се и јавните набавки каде е пропишана фиксна цена за целото време на траење на проектите. Мораториумите за градба во Скопје и поскапувањето на цените на градежните материјали си го направија своето и сега становите поскапуваат. До каде ќе одат поскапувањата зависи од многу фактори, а пред се од куповната моќ на граѓаните и од исплатливоста за градба во одредени подрачја, изјави Андреа Серафимовски, претседател на Здружението на градежништво, индустрија на градежни материјали и неметали при Стопанската комора.

Според претседателот на Градежната комора при Стопанската комора на Северозападна Македонија Салим Хасани, градежните компани во периодот на ковид-пандемија, иако со намален интензитет работеа со позитивни биланси, но поголемиот развој зависи од отворањето нови инвестиции за стандардни градби, кои се неопходни да ги има во континуитет.

– Сè помалиот број локации не оди во прилог на развојот на оваа многу важна гранка на економијата. Енормното покачување на цените на речиси сите компоненти од градбата кај инвеститорите создава резерви при планирање на идните градби, прашање е дали куповната моќ ќе може да го следи овој тренд на пораст на цени. И по логика, ако имаме намален број градби, ќе имаме поскапување на цените на становите, а од друга страна, намалување на обемот на работа за градежниците. А со тоа и неможност да ја задржиме работната сила, која секој ден ни бега во странство. Така што, наша сугестија е да се отворат што повеќе можности за градба, ќе биде подобро за сите, ќе имаме поголем развој, вбризгување повеќе пари во економијата, поевтини станови и поквалитетно живење, изјави Хасани.

Ивица Јакимовски, претседател на Градежната комора при Сојузот на стопански комори, пак, вели дека градежниот сектор е подготвен да го промени трендот, со цел да се излезе во пресрет на потребните на граѓаните, доколку се создадат услови за да може да почне со засилена деловна активност.

Податоците од Регистарот на цени и закупнини на Агенцијата за катастар на недвижности, покажуваат дека побарувачката за недвижности за време на пандемијата се одвива како и претходно. Најголем обем на трансакции, вклучувајќи и најголем број продадени станови има во главниот град, во општините Центар, Карпош, Аеродром. Цените се движат во зависност од побарувачката и на поатрактивните локации се повисоки. Се зголемија и цените на становите во подрачјата со помала трансакциска активност поради порастот на цените на градежните производи, услугите, суровините.

Регистарот на цени и недвижности покажува дека во третиот квартал лани имало 9.231 трансакција, значително повеќе во однос на претходните два квартала кога имаше околу 7.500, што се исто така поголеми бројки во однос на претходната прва пандемиска година. Од 9.231 трансакција, 7.277 биле продажби на недвижности, а 1.954 закупи на недвижен имот.

Во третиот квартал годинава, според податоците на Народната банка, недвижностите поскапеле за 5,9 отсто. Во првиот квартал зголемувањето изнесуваше 3,2 отсто, а во вториот 4 отсто. Според тврдењата на приватните инвеститори, квадратен метар станбена површина се продава и до 1.500 евра во општини како Центар и Карпош.

Статистичкиот годишник на Државниот завод за статистика покажува дека во 2020 година биле изградени 4.077 станови, а во 2019 година 6.069 , односно помалку за 32 проценти.. Во 2018 и 2017, пак, биле изградени 5 436, односно 5 622. Во 2020 година биле издадени 2983 одобренија за градење, од кои во високоградбата 1 596, а 394 во нискоградбата

https://faktor.mk/metar-kvadraten-vo-skopje-stasa-do-1500-evra-stanovi-za-prodazba-nema-a-ushte-kje-psokapuvaat - https://faktor.mk/metar-kvadraten-vo-skopje-stasa-do-1500-evra-stanovi-za-prodazba-nema-a-ushte-kje-psokapuvaat


Posted By: hcitrS
Date Posted: 09-Jan-2022 at 22:35
А во другите градови? Ни збор?


Posted By: stef4o
Date Posted: 11-Jan-2022 at 08:13
Нема слободен стан повеќе од 10 дена, побарувањето ја зголеми цената на становите

Од 15-20 % или од 150 до 180 евра по квадрат просечно има реален пораст на цените на становите само во последните 8 месеци. Па така, ако еден стан во центар чинел 1300 евра по квадрат, сега се продава по цена од најмалку 1500 евра. Поскапувањето на репроматеријатели, недостатокот на работа сила, но пред се интересот сообено со почекотот на панедемијата ја зголемил цената на становите во земјава. Трендот на покачување на цената на становите на пазарот го следат и старите градби и покрај тоа што биле градени со материјали по пониска цена.


-Стан на пазарот во изминатите 5-6 месеци, па ако сакате и од почетокот на кризата не можете да најдете слободен повеќе од 10-тина дена. Тоа за жал не се случуваше претходно или пред короната. Побарувањето на станови дали е тоа 45, 65, 85 да не кажам и 135 квадрата е огромно, вели Слободан Боби Митровски од Агенцијата за недвижности „Асториа“.

Цената на становите нема да се намалува, бидејќи нема основа за тоа. Би можела да остане иста како годинава и следната -велат од Агенциите за недвижности.

Андреа Серафимовски, Претседател на Здружението 1.5 -1.50
-Сето она што го баравме како здружение при СКМ се однесуваше главно на антикризни мерки кои би ги подобриле состојбите во градежништвото не само кај компаниите него и кај граѓаните. Особено онаа мерка на намалување на ДДВ од 18 % на 5 % таа мерка на оние компании кои имаат проблем со цените и кои работат на капиталните проекти и на проектите кои ги објавуваат јавните институции, а кои проекти се добиени по критериум најниска цена и има во договорот услов цените да не се променливи, баш оваа мерка ќе влијае најмногу.

Здржението на градежници при ССМ минатата и предложи на Владата антикризни мерки со оглед поскапувањето на репроматеријалите кои влијаат и на цената на становите, како и врз одлуките за реновирање. Доколку се прифатат предлозите сегашната цена на репроматеријалите би се намалила за 10%. Од почетокот на пандемијата до крајот на годината челичните профили и цевки ќе достигнат до 95% поскапување.

https://mk.tv21.tv/nema-sloboden-stan-poveke-od-10-dena-pobaruvaneto-ja-zgolemi-tsenata-na-stanovite/ - https://mk.tv21.tv/nema-sloboden-stan-poveke-od-10-dena-pobaruvaneto-ja-zgolemi-tsenata-na-stanovite/


Posted By: stef4o
Date Posted: 12-Jan-2022 at 13:33
РЕКОРДНО ПОСКАПУВАЊЕ НА СТАНОВИТЕ: НБРМ измери, ваков раст немало од 2009 година



Рекорден раст на цените на недвижнините во последното тромесечје. Становите поскапеле за дури 11,2 процентни поени на годишно ниво. Ваков раст не е регистриран во последната деценија, односно од бумот во 2009 година. Поскапувањето што на квартално ниво го објави Народната банка е историско и ако се споредува со претходните три месеци. Имено во октомври, ноември и декември недвижнините биле поскапи за дури 5,2 проценти од јули, август и септември.

Овие бројки се само статистичка потврда на тоа што се случува на терен – недвижнините поскапуваат цела година, а најдрастичниот раст во последното тромесечје резултираше со цена на метарот квадратен во Скопје од дури 2.000 евра во некои делови на главниот град како Водно и Центар на пример. Во Карпош, особено во Козле. Капиштец цената стаса до 1.600 евра за метар квадратен. Ова поскапување градежнииците го правдаат со зголемувањето на цените на материјалите, но и неможноста односно ограниченоста да градат. Инаку во Скопје моментно во поскапуваните населби односно таму кде што е најскапо дури ни нема станови за купување.

Ако се анализира по квартали, поскапувањето е далеку најзначано во последниот иако не беше занемарливо и претхдните три. Во третото тромесечје годишната промена на ценат аизнесува 5,8 процентни поени, во вториот квартал поскапувањето било 4 отсто, а во првиот 3,2 проценти.

Во пандемиската 2020 година цените на недвижнините не се зголемија за повеќе од 2 отсто. Во неколкуте години претходно најголем раст имаше во 2019 година. Претходно во 2017 и во 2016 година дури има пад на цените на недвижнините. Инаку ваков раст не е регистриран од 2009 година наваму. Претходно цените се зголемуваа со ушпте поголем процент.

Андреа Серафимовски, претседател на Здружението на градежништво индустријата на градежни материјали и неметали при Стопанската комора изјави дека голем број фактори влијаат на продажната цена на станбениот простор, но најмногу растот на трошоците.

„Во моментов зголемените цени на градежните материјали се одразуваат во голема мерка и ќе се одразат уште повеќе на цената на становите. Во моментов се многу оштетени компаниите кои работат на јавни набавки во кои главен норматив за добивање на јавната набавка е минимална цена. Мораториумите за градба во Скопје и поскапувањето на цените на градежните материјали си го направија своето и сега становите поскапуваат. До каде ќе одат поскапувањата зависи од многу фактори, а пред се од куповната моќ на граѓаните и од исплатливоста за градба во одредени подрачја, изјави Андреа Серафимовски, претседател на Здружението на градежништво, индустрија на градежни материјали и неметали при Стопанската комора.

Според Државниот завод за статистика, од почетокот на 2021 година заклучно со октомври, се издадени 3285 одобренија за градба. Во октомври 2021 имало 509 одобренија за градење, од кои 321 (63.1 процент) за објекти од високоградба, а 57 (11,2 проценти) од нискоградба. Предвидена е изградба на 2.311 станови, со вкупна корисна површина од 164.243 метри квадратни.

Статистичкиот годишник на Државниот завод за статистика покажува дека во 2020 година биле изградени 4.077 станови, а во 2019 година 6.069 , односно помалку за 32 проценти.Во 2018 и 2017, пак, биле изградени 5 436, односно 5 622. Во 2020 година биле издадени 2983 одобренија за градење, од кои во високоградбата 1 596, а 394 во нискоградбата.

https://faktor.mk/rekordno-poskapuvanje-na-stanovite-vo-posledniot-kvartal-nbrm-izmeri-vakov-rast-nemalo-od-2009-godinanite- - https://faktor.mk/rekordno-poskapuvanje-na-stanovite-vo-posledniot-kvartal-nbrm-izmeri-vakov-rast-nemalo-od-2009-godinanite-


Posted By: stef4o
Date Posted: 14-Mar-2022 at 07:52
СТАН ВО СТРУГА ЧИНИ ДО 1.300 ЕВРА ЗА КВАДРАТ ПО ДРАСТИЧНОТО ЗГОЛЕМУВАЊЕ НА ЦЕНАТА НА ОХРИДСКАТА РИВИЕРА

Цената на становите во Струга е зголемена за 20 проценти, па метар квадратен во строгиот центар покрај Дрим и на самиот брег од Охридското Езеро достигна до 1.300 евра. Причина, според Агенциите за недвижности, е постојаниот раст на цената на градежните материјал,и но и тоа што градбата е намалена па побарувачката е поголема од понудата.

Стан во стара градба надвор од центарот во градот може да се најде и за 500 до 700 евра за метар квадратен.

„Во Струга има стари станови и нивната минимална цена е 500 евра по метар квадратен, а спопред локацијата, состојбата на станот може да биде и 700, додека новите станови имаат повисока цена која достигнува до 1.300 евра. Цените варираат зависно од локацијата и квалитетот на градбата“, вели Инајет Положани, агент за недвижности.

Положани вели дека и покрај порастот на цената купувачи има, а најзаинтересирани се иселениците.

„Бројот на печалбарите секојдневно расте и тие се големи купувачи, но има и такви кои живеат тука. Банките даваат поволни услови и помагаат да има продажба на станови“, додава Положани.

Драстично зголемување на цената на становите минатата година имаше и во Охрид. Метар квадратен во централното градско јадро и на самото крајбрежје чини од 1.300 до 1.500 евра, а некои станови на најатрактивните локации се продаваат и над 2000 евра за метар квадратен.

https://sdk.mk/index.php/dopisna-mrezha/stan-vo-struga-chini-do-1-300-evra-za-kvadrat-po-drastichnoto-zgolemuvane-na-tsenata-na-ohridskata-riviera/ - https://sdk.mk/index.php/dopisna-mrezha/stan-vo-struga-chini-do-1-300-evra-za-kvadrat-po-drastichnoto-zgolemuvane-na-tsenata-na-ohridskata-riviera/

-------------
Carpe diem


Posted By: stef4o
Date Posted: 27-Mar-2022 at 11:30
Растат цените на становите, зголемена и продажбата – за 2% повеќе одобрени станбени кредити во пандемијата

[tube]jHJ37eBqsw8[/tube]

https://mk.tv21.tv/rastat-tsenite-na-stanovite-zgolemena-i-prodazhbata-za-2-poveke-odobreni-stanbeni-krediti-vo-pandemijata/ - https://mk.tv21.tv/rastat-tsenite-na-stanovite-zgolemena-i-prodazhbata-za-2-poveke-odobreni-stanbeni-krediti-vo-pandemijata/

-------------
Carpe diem


Posted By: stef4o
Date Posted: 02-Apr-2022 at 15:06
Закочените детално урбанистички планови ја билдаат цената на квадратот во Скопје

Цената на становите во метрополата вртоглаво расте. Во Центар и Карпош стигна до 1.600 евра квадрат, а наскоро таа може да се качи и до 2.000 евра- алармираат градежниците.Според нив, немањето доволни локации за градење во атрактивните зони, блокирањето на ДУП-ови во некои општини,како и неносењето нови ДУП-ови за формирање нови локаци по општините се главните причини за стаганција во градежниот сектор.

,,Нема нови градби, се е запрено и затоа се зголемува цената на недвижностите”-велат од стопанските комори.
Салим Хасани, претседател на Групацијата на градежништво при Стопанската комора на Северозападна Македонија на стартот на годинава ги повика новите градоначалници да ги откочат детално-урбанистичките планови.

Тој потенцираше дека намалување на новите градби и зголемувањето на цената на локаците директно влијае на цената на становите. Како друга директна причина е порастот на цените на градежните материјали и енергентите, каде што порастот е од 20 до 100 проценти.

„Вртоглавиот“ раст, како што го квалификуваат носителите на бизнисот со недвижности, се должи на немањето доволно локации за градење, блокираните детални урбанистички планови и неносењето нови, порастот на цената на градежните материјали, но и на работната сила, која сè почесто заминува во странство.

Додека општините не носат нови планови, цената на становите во Скопје бележи постојан раст од почетокот на годинава. Според официјалната статистика метар станбена површина во општини како Центар и Карпош наскоро ќе стигне и до 2000 евра за квадрат.

Во услови на голема побарувачка, како што велат, понудата во одредени подрачја е намалена поради мораториумите за градење во изминатите години.

Градежните компани во периодот на ковид-пандемија, работеа со намален интензитет. Поголемиот развој, зависи од отворањето нови инвестиции за стандардни градби, кои се неопходни да ги има во континуитет.

,,Сè помалиот број на локации не оди во прилог на развојот на оваа многу важна гранка на економијата. Енормното покачување на цените на речиси сите компоненти од градбата кај инвеститорите создава резерви при планирање на идните градби, прашање е дали куповната моќ ќе може да го следи овој тренд на пораст на цени.

И по логика, ако имаме намален број градби, ќе имаме поскапување на цените на становите, а од друга страна, намалување на обемот на работа за градежниците. А со тоа и неможност да ја задржиме работната сила, која секој ден ни бега во странство. Така што наша сугестија е да се отворат што повеќе можности за градба, ќе биде подобро за сите, ќе имаме поголем развој, вбризгување повеќе пари во економијата, поевтини станови и поквалитетно живење” изјави Хасани.

Од Здружението на градежништвото при Стопанската комора на Македонија посочуваат дека прогнозите на градежните компании се остваруваат, цените на становите од почетокот на годината бележат евидентен раст, особено во подрачјата што се сметаат за атрактивни локации. Растот на цените на становите, се должи на повеќе фактори, во најголем дел на поскапувањата на градежните материјали, меѓутоа и на генералното поскапување на услугите, репроматеријалите и другите добра.

– Побарувачката е голема, со оглед дека недвижностите се покажаа како сигурна инвестиција за време на коронавирус-кризата. Граѓаните го препознаа инвестирањето во недвижностите како креирање додадена вредност во нивните буџети особено во време на тивка инфлација, поради што сметаме дека побарувачката нема да опадне и недвижностите ќе бидат атрактивни и во следниот период. Понудата во одредени подрачја е очекувано намалена поради мораториумите за градење изминатите години, велат од Здружението за градежништво, индустријата на градежни материјали и неметалите.

Градежната фела се залага за подигнување на квалитетот на градбите.Велат и граѓаните треба да се стремат кон купување на квалитетни градби и квалитетот да ја одредува цената, со цел да не настане ситуација во услови на намалена понуда на станови на одредени подрачја, цената да ја одредува исклучиво зголемената побарувачка за градби на атрактивни локации.
Анализирано според локации, побарувачката за недвижности расте за општините Центар, Карпош, Аеродром.

Ивица Јакимовски, претседател на Градежната комора посочува дека деловната активност во полето на високоградба во последните четири години има тренд на постојан пад што се должи на ограничувачките фактори кои предизвикаа сериозни, материјални и нематеријални штети за компаниите, поради мораториумот за градба и суспендирањето на деталните урбанистички планови.

За да има подобрување во позитивна насока, неопходно е да се почитуваат законите, пред се Законот за градење и Законот за урбанистичко и просторно планирање, што ќе придонесе за креирање на позитивна бизнис клима за развој и инвестиции.
Градежниот сектор е подготвен да го промени трендот, со цел да се излезе во пресрет на потребните на граѓаните, доколку се создадат услови за да може да почне со засилена деловна активност, потенцира Јакимовски.

Вкупната економска криза особено удри врз градежниот сектор во земјава, а државата има механизам да ги ублажи проблемите, како што веќе мерки се преземени во некои од државите од регионот.На потег според градежниците е државата и општините кои заеднички со градежните компании може да помогнат за полесно закрепнување на домашната економија.

https://vecer.mk/makedonija/zakochenite-detalno-urbanistichki-planovi-ja-bildaat-cenata-na-kvadratot-vo-skopje - https://vecer.mk/makedonija/zakochenite-detalno-urbanistichki-planovi-ja-bildaat-cenata-na-kvadratot-vo-skopje

-------------
Carpe diem


Posted By: stef4o
Date Posted: 05-Apr-2022 at 17:11
Рекордни цени и масовна побарувачка за недвижнини во Македонија

[tube]LQEB-ecz_-g[/tube]

Во последниве шест месеци речиси е невозможно, ниту во подалечните населби од центарот на Скопје, да се најде стан за кој би платиле под 1200 евра од квадрат.

Неодамна Народна банка објави дека растот на цените на невижнини пораснал за дури 11, 2 процентни поени , а сега и Агенцијата за катастар ги потврди вртоглавите суми потрошени минатата година.

Лани, иако беше пандемиска година, за недвижности биле потрошени речиси една милијрада евра, што е за 220 милиони евра повеќе од 2020.

Според извештајот на Катастар лани биле потпишани над 24.000 дговори за купопродажба на недвижен имот.. Најголем дел од секако отпаѓаат на становите во главниот град.

Поскапувањата се должат на неколку фактори- поголемите трошоци за инвеститорите кои градат, но и зголемениот интерес кај купувачите, вели за Канал 5 претседателот на Градежната комора, Јакимовски.

Во минатите 20 години градежна експанзија имаше во Скопје, а според податоците до пописот, сега има скоро третина повеќе станови... Се изградиле 50.000, па сега главниот град има над 213.000 станови..

https://kanal5.com.mk/rekordni-ceni-i-masovna-pobaruvachka-za-nedvizhnini-vo-makedonija/a524199 - https://kanal5.com.mk/rekordni-ceni-i-masovna-pobaruvachka-za-nedvizhnini-vo-makedonija/a524199

-------------
Carpe diem


Posted By: builder-ot
Date Posted: 06-May-2022 at 08:49
Многу се зборува по форуми и социјални мрежи, дури и саркастично за цените на становите во Скопје.

Која мислите дека е реална цена за м2 во Скопје? Земајќи во обзир сите фактори, цените во други градови, цените во странство итн.


-------------
< 2nd world >


Posted By: MKDSTRUGA
Date Posted: 06-May-2022 at 09:15
Тешко е да се каже реална цена со толку промени во економска смисла. По мене во Скопје Хром имал секогаш некои реални цени, но дури и таму становите одат како алва за 1.200 еур/м2. Сепак мислам дека све изнад 1.200 е претерано. Можеби Карпош и Центар до 1.300, но таму сега тешко се наоѓа под 1.400/15.000 еур/м2.


Posted By: builder-ot
Date Posted: 06-May-2022 at 09:26
Се согласувам. Ама Софија и Белград стигнаа 2000 еур/м2 во добрите населби (еквивалент на Карпош, Центар, Капиштец). И цената од 1000-1100 еур/м2 се задржа многу долго во Скопје - 2009та купуваа станови по 1000-1050 еур/м2.

-------------
< 2nd world >


Posted By: Leo
Date Posted: 06-May-2022 at 10:08
Originally posted by builder-ot

Се согласувам. Ама Софија и Белград стигнаа 2000 еур/м2 во добрите населби (еквивалент на Карпош, Центар, Капиштец). И цената од 1000-1100 еур/м2 се задржа многу долго во Скопје - 2009та купуваа станови по 1000-1050 еур/м2.


2015та Настел и Адора на последна 5ка во Ново лисиче 900 e/m2 со 2 500 евра гаражно место
2019-2020та ГА 1020 е/м2 во готово УрбанГарден и ГА09


Posted By: Leo
Date Posted: 06-May-2022 at 10:10
Originally posted by builder-ot

Се согласувам. Ама Софија и Белград стигнаа 2000 еур/м2 во добрите населби (еквивалент на Карпош, Центар, Капиштец). И цената од 1000-1100 еур/м2 се задржа многу долго во Скопје - 2009та купуваа станови по 1000-1050 еур/м2.


2015та Настел и Адора на последна 5ка во Ново лисиче 900 e/m2 со 2 500 евра гаражно место
2019-2020та ГА 1020 е/м2 во готово УрбанГарден и ГА09


Posted By: stef4o
Date Posted: 08-May-2022 at 12:56
РЕКОРДНА ЦЕНА ЗА СТАН ВО СПЛИТ БЕЗ БАЛКОН-ЦЕНАТА ЗА МЕТАР КВАДРАТЕН 6.237 ЕВРА: Огласот ги распамети сплитќани

За стан без балкон бара дури 6.237 евра за метар квадратен, дали е ова можеби рекорд за „обичен“ стан во Сплит кој нема ни балкон? Имено, сопственикот на стан од 82 квадрати бара дури 6.237 евра за метар квадратен, пишува Слободна Далмација.

Огласот гласи вака:

- Се продава трособен стан во Бачвице. Станот е на втор кат од зграда која има три ката, со поглед на југ 70 отсто, север 30 отсто, со ограден двор и голем приватен паркинг. Портата е на далечинско управување. Целосно е прилагоден и изработен по нарачка. Гранит на подот, егзотиче паркет, врвна внатрешна и надворешна столарија… Сончев и простран стан, високи тавани, бетонска меѓукатна конструкција, со делумен поглед на пристаништето од јужните прозорци. Од плажата Бачвице е на три минути пешачење... Станот нема балкон. Се продава комплетно наместен. Станот има и 4 квадратни метри простор за дрва и дел од поткровје. Вкупната површина е 92 квадрати, но во имотен лист 80 квадрати. Се продава од сопственикот. Цена 499.000 евра

Но, и според агентите за продажбна на недвижнини, цената е превисока.

-Таа цена е превисока, состојбата на пазарот е нормална и цените ќе паднат. Мислам дека сопствениците на овој стан го испробаа методот - ако помине, помине, пишува Слободна Далмација.

https://faktor.mk/rekordna-cena-za-stan-vo-split-bez-balkon-cenata-za-metar-kvadraten-6237-evra-oglasot-gi-raspameti-splitkjani - https://faktor.mk/rekordna-cena-za-stan-vo-split-bez-balkon-cenata-za-metar-kvadraten-6237-evra-oglasot-gi-raspameti-splitkjani

-------------
Carpe diem


Posted By: stef4o
Date Posted: 10-Aug-2022 at 17:13


https://www.facebook.com/RSEMK - https://www.facebook.com/RSEMK

-------------
Carpe diem


Posted By: nenad
Date Posted: 11-Aug-2022 at 08:03
Kakva e situacijata vo Novi Sad

Све већа потражња диже цену некретнина у Новом Саду, квадрат премашио 3.000 евра

https://www.solis-nekretnine.com/vest1/%D0%A1%D0%B2%D0%B5-%D0%B2%D0%B5%D1%9B%D0%B0-%D0%BF%D0%BE%D1%82%D1%80%D0%B0%D0%B6%D1%9A%D0%B0-%D0%B4%D0%B8%D0%B6%D0%B5-%D1%86%D0%B5%D0%BD%D1%83-%D0%BD%D0%B5%D0%BA%D1%80%D0%B5%D1%82%D0%BD%D0%B8%D0%BD%D0%B0-%D1%83-%D0%9D%D0%BE%D0%B2%D0%BE%D0%BC-%D0%A1%D0%B0%D0%B4%D1%83-%D0%BA%D0%B2%D0%B0%D0%B4%D1%80%D0%B0%D1%82-%D0%BF%D1%80%D0%B5%D0%BC%D0%B0%D1%88%D0%B8%D0%BE-3000-%D0%B5%D0%B2%D1%80%D0%B0-175.html - Link


Posted By: stef4o
Date Posted: 11-Aug-2022 at 12:32
НЕМА ТАКВА ЦЕНА ЗА СТАН ШТО МАКЕДОНЕЦОТ НЕ МОЖЕ ДА ЈА ПЛАТИ - нов драматичен податок на НБМ: Во вториот квартал поскапување за дури 16,5 отсто



Народна банка го објави она што сите го знаеме и го гледаме во реалноста, но не ни беа познати точните бројки.

А тоа е дека во вториот квартал на годинава цените на становите доживеале драматичен и досега невиден раст, односно на годишно ниво поскапеле за дури 16,5 отсто.

Ова следува откако енормно висока беше стапката на пораст и во првите три месеци од годинава и изнесуваше 12,4 отсто на годишно ниво, што тогаш кога беше објавен податокот, пак, ни изгледаше премногу страшно.

Инаку, цените на становите почнаа да растат од далеку претходно, уште од стартот на 2021 година, но факт е дека најдраматичниот пораст се случува во првиот и сега во вториот квартал од годинава.

Не е тајна дека една од главните причини што се зголеми цената на становите во земјава, покрај растот на цените на материјалите и на сите инпути, беше и идејата на граѓанството дека треба да се инвестира во недвижнини, поради што се случија и значајни повлекувања на штедни влогови од банките, кои потоа се инвестираа во купување на станови.

Тоа беше подраматично изразено во мај и претходните месеци, но како што веќе пишуваше Фактор, во јуни граѓанските депозити почнаа повторно да се враќаат во банките. Односно, тие пак тргнаа по нагорна линија, иако нивното јунско зголемување е скромно и изнесува 7,3 милиони евра.

Инаку, и цените на становите во ЕУ и во еврозоната многу пораснаа, а во Хрватска нивниот раст е над европскиот просек, се вели во извештајот на европскиот статистички институт Еуростат, пренесоа неодамна хрватските медиуми.

На годишна основа, цените на недвижностите во ЕУ се зголемија за 10,5 отсто во првите три месеци од оваа година, што е највисоко од крајот на 2006 година. Во еврозоната цените скокнаа за 9,8 отсто во првиот квартал, што е највисоко откако Еуростат почна да објавува податоци во 2005 година. Сите земји од ЕУ чии податоци беа достапни на Евростат забележаа годишен раст на цените во првиот квартал, а во 17 од нив стапката на раст беше двоцифрена. Цената на станбените недвижности во Чешка порасна за 24,7 отсто. Следат Естонија со 21 отсто и Унгарија со 20,6 отсто.

Во Хрватска цените на станбените недвижности во првиот квартал од годинава се повисоки за 13,5 отсто во однос на истиот период лани. Кипар имаше најскромен раст на цените, 1,1 отсто.

Инаку, во една анализа што ја објави Фактор во последните денови на јуни, се запрашавме дали има изгледи да запре вртоглавиот раст на цените на становите во земјава, па дури и тие да се намалат, откако незапирливо растат подолго време, речиси две години наназад, но особено во последниов период.

Во светски рамки тогаш дојде до пад на цената на суровото железо, материјал кој се користи во голем процент во градежната индустрија, па затоа и се очекуваше дека може да го запре вртоглавиот раст на цената на становите, проследено и со евентуален очекуван пад на побарувачката.

Тогаш пишувавме, што се поклопува со крајот на вториот квартал, дека засега нема никакво намалување ниту на цената, ниту на побарувачката за станови, иако голем процент од становите се сметаат како празни. Од агенциите за недвижности со кои тогаш комуницираше Фактор, изјавија дека побарувачката за станови во земјава и особено во главниот град засега нема никакви знаци на стивнување, ниту, пак, има било какви изгледи за намалување на цената на становите. Сепак, дел од сопствениците на агенциите коментираа дека цените веќе го достигнале својот плафон и дека ќе стагнираат, но нема никакви изгледи да се намалат.

„Се уште владее голема побарувавачка за станови во земјава, особено за Скопје и особено за помалите станови. Цената на становите нема никакви знаци на намалување. На атрактивните локации цените се движат од 1.400 до 1.800 евра за метар квадратен, додека на локации за Ѓорче Петров или Ново Лисиче на пример, цените се од 800 па и до 1.200 евра“, ијавија вработени во една од агенциите за недвижности.

Оттаму се согласуваат дека цените на становите во земјава ги поминаа сите логични граници, но, како што нагласуваат, нема интенции ниту дека ќе се намалат.

„Намалување нема да има, тоа сме сигурни. Но, очекуваме стагнација, бидејќи факт е дека цените го достигнаа својот плафон и веќе не е логично да продолжат да одат нагоре“, изјави еден од нашите соговорници.

Според пописот на ДЗС, од вкупно 839.174 станови, 531.987 или 63,4 отсто се населени, а 307.187 или 36,6 отсто се ненаселени.

https://faktor.mk/nema-takva-cena-za-stan-shto-makedonecot-ne-moze-da-ja-plati---nov-dramatichen-podatok-na-nbm-vo-vtoriot-kvartal-poskapuvanje-za-duri-165-otsto - https://faktor.mk/nema-takva-cena-za-stan-shto-makedonecot-ne-moze-da-ja-plati---nov-dramatichen-podatok-na-nbm-vo-vtoriot-kvartal-poskapuvanje-za-duri-165-otsto

-------------
Carpe diem


Posted By: stef4o
Date Posted: 11-Aug-2022 at 17:30
Цена на станови во Скопје:

Центар 1500 до 2100 евра
Карпош 1350 – 1600 евра
Аеродром 1300 – 1500 евра
Ѓорче Петров 950 – 1100 евра
Чаир 950 – 1100 евра

https://mk.tv21.tv/pobaruvachkata-se-zgolemuva-ponuda-nema-za-16-5-poskapele-stanovite-vo-vtoriot-kvartal/ - https://mk.tv21.tv/pobaruvachkata-se-zgolemuva-ponuda-nema-za-16-5-poskapele-stanovite-vo-vtoriot-kvartal/

-------------
Carpe diem


Posted By: stef4o
Date Posted: 29-Aug-2022 at 14:05
За стан во Скопје треба да се работи 10 до 17 години, во Дојран осум, во Крива Паланка шест…

Само еден метар квадратен станбена површина на периферијата на главниот град чини две просечни плати, а над три плати треба да се одвојат за еден квадрат на најатрактивните локации. Во градовите од внатрешноста, пак, квадратот е со цена малку над износот на една просечна плата.

За да се купи стан во Скопје потребни се од 117 до 211 просечни плати, или вкупната заработувачка на едно лице од приближно 10 до 17,5 години. Податоците се врз основа на движењето на цена на квадрат од 1.000 до 1.800 евра зависно од локацијата и општината во Скопје и просечната исплатена нето плата во државава во јуни годинава во износ од 31.869 денари (518 евра). Во градовите од внатрешноста македонските граѓани може да дојдат до ново живеалиште и со вкупната заработувачка од седум години.

Анализата што ја направи МИА, според податоците од тековните огласени цени за становите на продажба преку агенциите за недвижности по случаен избор, покажува дека стан од 60 квадрати на најатрактивните локации во Скопје кој се продава по цена од 1.800 евра чини 108.000 или 208 просечни плати, што е над 17 години работа, доколку се плати во готово.

За стан во Центар од 60 квадрати, со цена од 1.600 евра по метар квадратен, се потребни 96.000 евра, односно 185,3 просечни плати или примања во рок од 15 години. За стан со истата квадратура во населбата Капиштец по цена од 1200 евра, треба да се одвојат 72.000 евра, односно приближно 140 просечни плати или да се работи над 11 години. За стан од 60 квадрати во градба во Општина Кисела Вода, огласен со цена од 1400 евра за метар квадратен треба да се платат 84.000 евра, односно 162 плати или 13,5 години работа. Доколку некој се одлучи за стан со таа површина, но по цена од околу 1000 евра по квадрат што во огласите може да се најде во само во периферните населби, ќе треба да одвои 117 плати, односно да ги штеди сите примања речиси 10 години.

За да се купи луксузен стан во Охрид од 63 квадрати, за кој цената е 1450 евра, се потребни 91.350 евра, што се 179 просечни плати или речиси 15 години. Во Охрид, меѓу огласените станови за продажба има и по цена од 1.080 евра, па за стан од 56 квадрати се потребни 60.480 евра или 118 просечни нето плати, или приближно десет години.

Во Штип за огласен стан од 52 квадрати за вкупно 52.000 евра се потребни 100 просечни плати, односно 8,3 години.

За да се купи стан во Дојран, пак, каде дел од огласените се по цени и од 900 евра за метар квадратен, за 60 квадрати се потребни 54.000 евра односно 104 просечни плати или 8,6 години работа.

За во Кочани, пак, за стан во градба од 60 метри квадратни, по цена од 730 евра, или вкупно 43.800 евра, треба да се работи седум години, односно да се одвојат 84 плати. Една година помалку, односно вкупно шест години треба да се работи за стан со таа квадратура во Крива Паланка, каде има огласени станови по цена и од 625 евра за метар квадратен.

Чесите до нова недвижност за 13,3 години, Белгијците за 4,5 години

Последното истражување на Deloitte Property Index 2022 година, во кое се опфатени 23 држави, според пресметките од односот на бруто годишната заработувачка и цената, покажуваат дека за да купат недвижности најдолго треба да работат Чесите, 13,3 години. Тоа е речиси четири пати повеќе во однос на Ирците на кои им се доволни малку повеќе од три години. На жителите на Словачка им се потребни 12,76 годишни плати, на тие во Србија 11,5 години. Во Норвешка може да се купи нова недвижност со просечната заработувачка во тек на 4,4 години, а во Белгија 4,5 години.

Истражувањето покажува дека најевтини се новоградбите во Босна и Херцеговина со просечна цена од 974 евра за метар квадратен, во Романија квадратот во просек чини 1.266 евра, во Хрватска 1.823, а во Словенија 3.356 евра. Најскапиот квадрат станбена површина од земјите вклучени во истражувањето е во Велика Британија, каде цената изнесува 4.905 евра, пред Австрија со 4.782 евра и Франција со 4.639 евра. Германија и Холандија се приклучија на листата на најскапи земји во 2021 година, со цени од 4.600 и 3.949 евра за метар квадратен.

Раст на цените на недвижностите и во вториот квартал

Цената на недвижностите во државава продолжи да се зголемува и во вториот квартал годинава кога забележа раст од 16,5 отсто на годишно и од 6,8 отсто на квартално ниво. Во првиот квартал годинава, растот на цените на недвижностите изнесуваше 12,4 проценти на годишно ниво, а квартално 2,9 проценти.

Пресметките на консултантската компанија за недвижности Фортон МКА, објавени на крајот на јуни годинава, покажуваат дека просечната цена на метар квадратен станбен простор во Скопје во изминатите три години се зголемила за 20 отсто.

https://nezavisen.mk/kolku-godini-treba-da-se-raboti-za-da-se-dojde-do-stan/ - https://nezavisen.mk/kolku-godini-treba-da-se-raboti-za-da-se-dojde-do-stan/

-------------
Carpe diem


Posted By: zabegan
Date Posted: 29-Aug-2022 at 14:23
инаку во моментов во Скопје не можеш ни еден ќор стан да најдеш од старите згради, чекаат сите да се надуваат цените повеќе или пак навистина се исполнети можда од разочараност на квалитет и цдени од новите станови?
новите станови и тие во изградба се веќе раздадени уште во најава, со тоа што дел се дадени на земјопоседници, дел на мито, дел изнакупени од оној што може да си дозволи за после да се заработува од кирии и препродажби... остануваат само најнепосакуваните станови со голема квадратура, лоша ориентација или флорплан

цените на станови уствари се последниот проблем и јаготката на шлагот, се работи за еден многу хаотичен и воопшто нерегулиран пазар каде што не може да дојде до израз цена/побарувачка... мора некогаш да се стави ред на тоа


-------------
Architects create dreams...politicians create nightmares


Posted By: champion
Date Posted: 15-Sep-2022 at 00:57
Мислам дека треба да се развие дискусија околу идните цени на недвижностите. Сите глобални параметри покажуваат дека ни претстои надолен тренд кој во одредени држави може да достигне и до 40%. Локално, градежниците изјавуваат дека цените на материјалите не се толку волатилни како минатата година, каматните стапки на кредитите почнаа да растат, побарувачката некако е стишена.... Дали може да очекуваме крах на пазарот со недвижности? Дали сите оние кои инвестираа во станови да се заштитат од инфлација всушност ќе изгубат најмногу?


Posted By: builder-ot
Date Posted: 15-Sep-2022 at 10:55
Aко мислиш на Америка, нивниот пазар на недвижности е посебен, и многу различен од Европа, а да не збориме па од Македонија.

Кај нив има REITs, REIT ETFs, итн. што се инвестициски фондови и многу често се тргува со делови/акции од недвижностите исто како со компании на берзата.

Сепак дури и таму е неизвесно дека може да се случи надолен пад, како во 2008, можеби тоа беше once in a lifetime.

Во Македонија друже недвижности купуваат партиски војници ухлебени у државно, сопственици на мали и средни фирми, и многу поединци од провинција како втор дом (во Скопје). Во Македонија цените никогаш не оделе надоле колку што знам, во најлош случај може да останат исти.



-------------
< 2nd world >


Posted By: champion
Date Posted: 15-Sep-2022 at 19:11
Напишаното се однесува на Македонија, а сите параметри се реални.
И покрај тоа што можеби кај нас случувањата доаѓаат со одреден тиме лаг, сепак не сме имуни на глобални трендови.
Сите тие што ги набројуваш, како потенцијална потрошувачка маса, верувам дека во голем дел имаат кредити. Со инфлацијата и зголемените трошоци економската логика е дека луѓето ќе пробаат да ликвидираат се што може со цел да не се дозадолжуваат. Исто така, сите оние што имаат станбени кредити со варијалбилна каматна стапка веќе го осетија зголемувањето на каматите, а ако продолжи тој тренд ќе се зголеми бројот на нефункционални кредити...


Posted By: stef4o
Date Posted: 29-Sep-2022 at 17:42
Метар квадратен во центарот на Охрид достигнува и до 1800 евра, а на крабрежјето и до 3000 евра

Цените за метар квадратен во Охрид достигнуваат вртоглави суми. Изгор цени достигнаа и деловните простории во чаршијата. Купувачите плаќаат и до 1800 евра за ново изграден стан во централното градско подрачје.

За локации на крајбрежјето пак цените се искачија и до 3000 евра. Од агенциите за недвижности велат и покрај растот на цените побарувачката е голема. Се повеќе граѓаните заштедата ја вложуваат во недвижности, тоа во моментов на галопирачка инфлација сметаат дека е најбезбеден потег.

Висината на цените на становите не зависат само од локацијата туку и од цената на градежните материјали, глобалната криза и од актуелни домашни фактори.

На пазарот на недвижности послаб е интерeсот за купување куќи иако има голема понуда. Годишно, едвај се продаваат пет- шест куќи. Цената на плацевите за изградба на куќи достигнува висина од 700 до 1000 евра за метар квадратен. Во периферија за земјиште цената достигнува висина од 70 до 200 евра.

https://24.mk/details/metar-kvadraten-vo-centarot-na-okhrid-dostignuva-i-do-1800-evra-a-na-krabrezhjeto-i-do-3000-evra - https://24.mk/details/metar-kvadraten-vo-centarot-na-okhrid-dostignuva-i-do-1800-evra-a-na-krabrezhjeto-i-do-3000-evra

-------------
Carpe diem


Posted By: falseaction
Date Posted: 22-Oct-2022 at 21:57
Здраво, имам стан во Аеродром од 110 квадрати во нова зграда екстра лукс наместен, односно дизајниран од страна на Дизајн Фантазија (Само седмоседот кошта 7000€). Станот поседува подземно гаражно место, паркинг место и подрум. Ме занима за колко можам да го продадам по €/м2


Posted By: Marxentric
Date Posted: 24-Oct-2022 at 23:52
Едно 400 бона треба да му земеш, со каучот 407


Posted By: falseaction
Date Posted: 25-Oct-2022 at 06:13
Originally posted by Marxentric

Едно 400 бона треба да му земеш, со каучот 407

Хахахахах озбилно прашувам.


Posted By: Tooold
Date Posted: 07-Nov-2022 at 21:38


Последнава година цените отидоа до небеса
1400 на не толку атрактивни локации пример кај Ремедика, К. Вода

1500-1700 Аеродром, стар Аеродром, Карпош

2000 Центар

Ова веќе е лудило, дали некогаш ќе спласнат цениве од досегашно искуство-тешко.

Никогаш не паднале цени


Posted By: Leo
Date Posted: 12-Nov-2022 at 21:25
Originally posted by falseaction

Здраво, имам стан во Аеродром од 110 квадрати во нова зграда екстра лукс наместен, односно дизајниран од страна на Дизајн Фантазија (Само седмоседот кошта 7000€). Станот поседува подземно гаражно место, паркинг место и подрум. Ме занима за колко можам да го продадам по €/м2


Големите станови губат по основ на цена за 1м2 бидејќи се со многу помалку потенцијални купувачи и можно е да го продаваш со години...
120К евра ако сакаш одма да фо продадеш 150К евра ако не ти се брза и можеш да го продаваш 2-3 години
Реално би одел некои 135К до 140К евра


Posted By: stef4o
Date Posted: 02-Dec-2022 at 18:13
Една третина од новите станови се непродадени, но важно се гради

Изградбата на станови се покажа отпорна на неповолното влијание на пандемијата.
Според Пописот една третина од становите се празни, но спротивно на логиката расте бројот на одобренијата за градба и цените.
Општините ова го гледаат како најлесен начин за прибирање на средства во буџетот.
Квадратен метар го чини инвеститорот до 1 250 евра, а се продава по 2 200.
Профитот во градежништвото е пред јавното добро и хуманото живеење.

И светот да запре, мешалката за бетон никогаш нема да престане да врти. Гледано низ призмата на инвеститорите секој слободен простор, особено во главниот град, е маркичка за градење во најава. И додека се бројат изградените станови, населени или празни – првата лопата веќе „се фрла“ во темелите на иден објект кој ќе значи нови квадратни метри станбен простор. Статистиката покажува дека иако на пазарот има голем број непродадени станови, расте бројот на одобренијата за градба, а растат и цените – нешто што е спротивно на основното економско правило дека пазарот ги одредува цените преку понудата и побарувачката.







Колку чини еден стан?

Никола Велковски од Здружението за градежништво при Стопанската комора на Македонија за „Само прашај“ сумира дека ако се соберат сите трошоци на инвеститорот, еден метар квадратен во поцентралното градско подрачје би чинел најмногу од 1 200 до 1 250 евра. Тука влегуваат цената на земјиштето со цена од 350 до 550 евра по метар квадратен (во зависност од локацијата), комуналиите во Скопје, кои во зависност од реонот на градба се од 80 до 120 евра по метар квадратен, евентуално отстранување на постојна градба на парцелата и градбата на објектот по систем „клуч на рака“ (според стандардот на вградените материјали), од 450 до 550 евра по метар квадратен.

Во агенциите за недвижности цените на становите се движат од 1 800, 2 000 до 2 200 евра за метар квадратен во центарот и во прстенот околу центарот на Скопје. Како што се оди подалеку, така и цените паѓаат и во општини подалеку од центарот е околу 1 100 евра за квадратен метар.

Според агентот за недвижнини Диме Јованов причината за ваквата нелогичност е што статистиките на институциите не ја отсликуваат реалноста во целост. Односно, на хартија стои дека станови зјаат празни, а реално не може да се задоволи побарувачката. Особено по двегодишниот застој поради пандемијата.



https://samoprasaj.mk/naacik/edna-tretina-od-novite-stanovi-se-neprodadeni-no-vazno-se-gradi/ - https://samoprasaj.mk/naacik/edna-tretina-od-novite-stanovi-se-neprodadeni-no-vazno-se-gradi/

-------------
Carpe diem


Posted By: nenad
Date Posted: 03-Dec-2022 at 10:26
Слично се случува и во Србија, Белград и Нови Сад како да се Њујорк

https://www.solis-nekretnine.com/blognekretnine/Da-li-je-trziste-nekretnina-u-Novom-Sadu-eksplodiralo-189.html - Da li je tržište nekretnina u Novom Sadu eksplodiralo


Posted By: falseaction
Date Posted: 09-Dec-2022 at 09:32
Originally posted by Leo

Originally posted by falseaction

Здраво, имам стан во Аеродром од 110 квадрати во нова зграда екстра лукс наместен, односно дизајниран од страна на Дизајн Фантазија (Само седмоседот кошта 7000€). Станот поседува подземно гаражно место, паркинг место и подрум. Ме занима за колко можам да го продадам по €/м2


Големите станови губат по основ на цена за 1м2 бидејќи се со многу помалку потенцијални купувачи и можно е да го продаваш со години...
120К евра ако сакаш одма да фо продадеш 150К евра ако не ти се брза и можеш да го продаваш 2-3 години
Реално би одел некои 135К до 140К евра

Абе какви 120k € , па толко е скоро платен во 2017. Испод 220k € не би го дал. Во Аеордром празни станови во стари згради идат по 1400€/м2 а новоизградените празни и до 2000€/м2.


Posted By: Leo
Date Posted: 10-Dec-2022 at 21:40
Originally posted by falseaction

Originally posted by Leo

Originally posted by falseaction

Здраво, имам стан во Аеродром од 110 квадрати во нова зграда екстра лукс наместен, односно дизајниран од страна на Дизајн Фантазија (Само седмоседот кошта 7000€). Станот поседува подземно гаражно место, паркинг место и подрум. Ме занима за колко можам да го продадам по €/м2


Големите станови губат по основ на цена за 1м2 бидејќи се со многу помалку потенцијални купувачи и можно е да го продаваш со години...
120К евра ако сакаш одма да фо продадеш 150К евра ако не ти се брза и можеш да го продаваш 2-3 години
Реално би одел некои 135К до 140К евра

Абе какви 120k € , па толко е скоро платен во 2017. Испод 220k € не би го дал. Во Аеордром празни станови во стари згради идат по 1400€/м2 а новоизградените празни и до 2000€/м2.


Повеќе од 150К евра (моментално) не можеш да го продадеш, во блиска иднина или малку помалку или малку повеќе од гореспоменатите 150К евра


Posted By: fichot
Date Posted: 11-Dec-2022 at 12:41
Originally posted by Tooold



Последнава година цените отидоа до небеса
1400 на не толку атрактивни локации пример кај Ремедика, К. Вода

1500-1700 Аеродром, стар Аеродром, Карпош

2000 Центар

Ова веќе е лудило, дали некогаш ќе спласнат цениве од досегашно искуство-тешко.

Никогаш не паднале цени


Навистина еј. Во Ѓорче, на 1.5км до излез од Скопје 1200+ квадрат. Хром-Влае 1300-1400... луди цени.


Posted By: falseaction
Date Posted: 11-Dec-2022 at 17:46
Ја стварно не знам од каде ти идеа дека 110 квадрати лукс стан во нова зграда со гаражно место и паркинг место вреди 150к. Па на другар татко продаде стан во староградња 120 квадрати во Аеродром за за 1400 по квадрат, а комшија своето гаражно место за 12к. Лугето морат да сватат дека Скопје не е главен град на афричка држава него на европска, станови за ич пари барај у Зимбабве. Да не споменуваме дека е моментално голема инфлација.


Posted By: Leo
Date Posted: 11-Dec-2022 at 18:22
Originally posted by falseaction

Ја стварно не знам од каде ти идеа дека 110 квадрати лукс стан во нова зграда со гаражно место и паркинг место вреди 150к. Па на другар татко продаде стан во староградња 120 квадрати во Аеродром за за 1400 по квадрат, а комшија своето гаражно место за 12к. Лугето морат да сватат дека Скопје не е главен град на афричка држава него на европска, станови за ич пари барај у Зимбабве. Да не споменуваме дека е моментално голема инфлација.


Бараше мислење за цена и јас си го искажав своето мислење.
Ако планираш да го продаваш огласи го станот колку што си го цениш и дај боже да му земеш и 200К евра.


Posted By: Machiavelly
Date Posted: 05-Jan-2023 at 19:09
Ете една вест, таман како за големите романтичари...

Прдажобата на станови во Скопје намалена за 27%

https://vecer.mk/makedonija/prodazhbata-na-stanovi-vo-skopje-namalena-za-27/?fbclid=IwAR1UZEbD_qtqmAvqMOGbAxd78hKja-obiA4kqaJ_9DMffnb2_kvfMT5ggM4

Попрецизно објаснето, тоа се 420 згради од по 10 ката кои стојат празни.

Како што дознаваме, 30.000 стана се наоѓаат во Центар, Карпош, Кисела Вода и Аеродром.


--------
Прочитајте ја уште еднаш реченицата "420 згради со по 10 ката зграда"...
Ќе биде интересно издувување ...

-------------
Machiavelly


Posted By: user8642
Date Posted: 06-Jan-2023 at 12:42
Само висок данок на имот е решение, ништо друго! Само тоа може да створи притисок на неколку точки:

1. инвестирање во станови да не се користи како начин за замрзнување на капиталот. Немајќи во што попаметно да се инвестира во ова труло општество, луѓето со секоја приобрана пара купуваат станови гарсоњери, за да ја замрзнат вредноста на тоа што до тогаш го заработиле, макар и да не го издаваат, макар и да седи празен.

2. Притисок кон инвеститорите да не им седат становите непродадени.

3. Прилив кон општинските буџети кои сега се ионака празни.



Print Page | Close Window