Индустриска зона „Металец“ - Прилеп

Printed From: build.mk
Category: Главни теми
Forum Name: Индустриски
Forum Discription: Индустриски зони, фабрики, лесна индустрија...
URL: http://www.build.mk/forum/forum_posts.asp?TID=1604
Printed Date: 12-Jul-2025 at 14:36

Topic: Индустриска зона „Металец“ - Прилеп

Posted By: axel
Subject: Индустриска зона „Металец“ - Прилеп
Date Posted: 03-Mar-2012 at 09:00

Прилеп наскоро со прва индустриска зона кај фабриката „Металец“

Прилеп, 2 март 2012 (МИА) - Во Прилеп се подготвува првата индустриска зона со 21 парцела за изградба на капацитети. За 20-ина дена ќе биде отворен тендерот за продажба на државното градежно земјиште, соопшти денеска градоначалникот на Прилеп Марјан Ристески, воедно и претседател на Локалниот економски совет по денешната седница на ова тело.

Парцелите на вкупно 160.000 метри квадратни се во склоп на фабриката за челични конструкции „Металец“.

Според Ристо Најдоски, извршен директор на Регионалната стопанска комора, Прилеп прв пат по 30 денари за метар квадратен ќе се продава државно градежно земјиште со почетна цена од едно евро.

- Деталниот урбанистички план е готов уште пред 10 години, а веќе пристигнаа писма со намери од 12 фирми. Така, конфекцијата „Конфи ангел“ е заинтересирана да купи 18.000 метри квадратни, прехранбената фирма „Дониа“ 10.000, фирмата „Малтекс“ 5.000, печатницата „Гинис“ е заинтересирана за 4.000, а скопската фирма „Електрометал“ сака да купи 6.000 метри квадратни за нов капацитет, рече Најдоски.

Тендерот, додаде, ќе се распише за 20-ина дена.

- Најавата е цените да достигнат колку да се изгради инфраструктурата во зоната, а другото да им остане на стопанските субјекти за инвестирање и вработување нови лица, потенцира Најдоски.

Ова значи многу за локалниот економски развој, согласни се сите субјекти, членови на Економскиот совет на Прилеп.

За потребите на стопанството ќе се изготват Детални урбанистички планови за уште две индустриски зони, кај Сточното пазариште и кај фабриката „Жито Прилеп“

http://www.mia.com.mk/default.aspx?vId=91819565&lId=1&pmId=504

Replies:

Posted By: axel
Date Posted: 09-Mar-2012 at 12:46

Бизнисмените тријат раце за новата индустриска зона во Прилеп

Индустриска зона со 21 парцела подготвуваат градските власти на Прилеп. За неколку недели ќе се објави тендерот за продажба на државното градежно земјиште. Градоначалникот на Прилеп, Марјан Ристески, вели дека површината од 160 илјади квадратни метри кај фабриката за челични конструкции „Металец“ е речиси подготвена со инфраструктура.

Ристо Најдоски, извршен директор на Регионалната стопанска комора, истакнува дека првпат ќе се продава државно градежно земјиште со почетна цена од едно евро за квадратен метар.

- Детаљниот урбанистички план е готов уште од пред 10 години. Има писма за намери од 12 фирми, меѓу кои конфекцијата „Kонфи ангел“, која претендира да купи 18 илјади квадратни метри, прехранбената фирма „Дониа“ - 10 илјади, конфекцијата „Мартекс“ - пет илјади, печатницата „Гинис“ е заинтересирана за четири илјади квадрати, а скопската фирма „Електрометал“ за шест илјади квадратни метри за изградба на нови производствени капацитети. Бидејќи земјиштето е речиси подготвено, најавено е дека цените за уредувањето нема да бидат повисоки од реалните да се доизгради инфраструктурата во зоната - изјави Најдоски.

Според претставниците на локалниот економски совет, новите плацови ќе придонесат за забрзување на стопанскиот развој на прилепското стопанство.

Локалната самоуправа подготвува детаљни планови за бизнис-зони спроти фирмата „Жито Прилеп“ во Прилеп и на патот за Македонски Брод. Паралелно, државата ја подготвува и големата технолошка индустриска зона кај прилепското село Алинци.

http://www.dnevnik.com.mk/?ItemID=CAB44E9B01E3B34BB6647C8913E33696

Posted By: buildz
Date Posted: 11-Mar-2012 at 03:03

"Се продава земјиште во прилепската индустриска зона „Металец“

"Министерството за транспорт и врски во денешните изданија на весниците објави оглас за отуѓување на градежно земјиште за изградба на лесна и незагадувачка индустрија во прилепската индустриска зона „Металец“. Се продаваат 12 парцели во сопственост на државата со големина од 2.157 до 5.665 метри квадратни или со вкупна површина од 40.570 метри квадратни, на кои потенцијалните инвеститори ќе можат да подигнат фабрички објекти на површина од 17.285 метри квадратни. Максималната висина до венецот на објектите што би ги граделе заинтересираните субјекти изнесува 7,6 метри. Почетната цена на електронското јавно наддавање кое ќе се одржи на 16 април ќе изнесува 61 денар за метар квадратен. Најповолните понудувачи кои ќе го откупат земјиштето имаат рок од 6 месеци за прибавување на одобрение за градба, а индустриските објекти ќе треба да ги изградат во временски период од 72 месеци."
______________________________________________________

Дајте некој ако знае точна локација?

Posted By: BOJAN
Date Posted: 11-Mar-2012 at 12:40

Ако си заинтересиран за купување на парцелите би те упатил во Министерството за транспорт и врски или најдобро на страницата: www.gradezno-zemjiste.mk, тука се дадени сите поподробни информации за земјиштето во Прилеп.

Posted By: tinodj
Date Posted: 12-Mar-2012 at 20:32

Како тоа мислиш сите поподробни информации?

Нема никаде информација ни како да се пријавиш, ни што треба да направиш, ни мапа на локацијата. Што е поподробна информација? Минимален чекор на наддавање од 100денари? Поголема глупост одамна не сум видел. Сите даваат чекор 10денари, овие најфраери 100.

Што е проблемот со овој тендер не разбирам? Зошто не го објават како сите нормални на сајтот на општината или на сајтот на министерство за транспорт и врски? Туку објавиле само аукција на треторазредна веб страна.

Posted By: tinodj
Date Posted: 12-Mar-2012 at 21:48

Eve ja: http://www.prilep.gov.mk/Documents/news/20120308_PRILEP_objava.pdf ama mozele i na povidno mesto da ja stavat

Posted By: tinodj
Date Posted: 13-Mar-2012 at 03:18

Originally posted by axel

Бизнисмените тријат раце за новата индустриска зона во Прилеп

Има писма за намери од 12 фирми, меѓу кои конфекцијата „Kонфи ангел“, која претендира да купи 18 илјади квадратни метри, прехранбената фирма „Дониа“ - 10 илјади, конфекцијата „Мартекс“ - пет илјади, печатницата „Гинис“ е заинтересирана за четири илјади квадрати, а скопската фирма „Електрометал“ за шест илјади

Точно 12 фирми со намера, и точно 12 парцели на аукција.

А збирот на сите квадрати во текстов од дневник, горе долу точно колку и збирот на сите 12 парцели објавени за аукција.

Секоја коинциденција е случајна. Дури и онаа дека се објавени само 12 од вкупно 21 или 24 парцели.

Posted By: Cloverstack
Date Posted: 14-Mar-2012 at 16:48

Од овој сајт ( http://www.metalecprilep.com.mk/ - http://www.metalecprilep.com.mk ) испаѓа дека се работи за слободна економска зона Question

... исто така испаѓа дека зонава е проект на А.Д. Металец Прилеп Confused

Како адреса на фирмата фигурира:
ул. Александар Македонски б.б. , 7500 Прилеп
Освен ако не се работи за одвоена дирекција, веројатно таму е лоцирана и зоната... Па Прилепчани давајте координати за адресава

According to the city planning, the Free Economics Zone will be located within the Metalec-Prilep facilities;
Urban block withi the total surface of 300 000m2 ;
Objects covering total surface of 162 083 m2 ;
Over 50 business facilities will functioning within the Free Economics Zone;
2000 new work posts will be created;

Benefits and adventages:

The FEZ will be public, liberalized, low-tax and duty free Zone;
The beneficiaries will enjoy several fiscal incentives in form of great tax relief, such as value added tax, income tax, propery tax and customs procedures simlifications ets. for period of 10 years.
The beneficiaries will be exempt of recompense, taxes and other obligations regarding the land rental.

Posted By: S.P.Q.R.
Date Posted: 14-Mar-2012 at 19:55

41°19'40.83"N 21°32'8.22"E Ова е мислам локацијата за иднустриската зона... или некој метар полево подесно но во тој реон. Инаку Металец водеше некој спорови за земјиштето но наводно се откажало и сега е државно. Ова е Металец фабриката 41°19'46.99"N 21°32'13.66"E

-------------
Македонија е во дилема дали да одбере ужас без крај или ужасен крај

Posted By: axel
Date Posted: 19-Mar-2012 at 16:51

На продажба уште 9 парцели во индустриската зона „Металец“ кај Прилеп

Општина Прилеп денеска на продажба понуди девет парцели на државно градежно земјиште во новата индустриска зона "Металец“.

Девете локации се распространети на 32 илјади метри квадратни, а претходните 12 беа на 40 илјади метри квадратни.

Постапката за продажба на парцелите треба да се заокружи со јавното електронско наддавање во април со почетна цена од едно евро – за првопонудените 12 ќе се наддава на 12-ти, а за денеска објавените 9 девет парцели на 27 април.

Инвеститорите ќе одредат кои дејности ќе ги има во зоната. Според предвидувањата на Регионалната стопанска комора, ќе се изградат околу 23 капацитети кои ќе отворат над 2000 работни места.

Градот има обврска да ја изгради комплетната инфраструктура во зоната, која ќе чини 2 милиона евра. Парите треба да се обезбедат од продажбата на парцелите, од комуналиите за објектите што ќе се градат, како и преку комерцијално задолжување.

Прилепскиот градоначалник Марјан Ристески најавува дека во текот на оваа година во соработка со Владата, ќе почне и изградбата на инфраструктурата на слободната економска зона во Алинци, која опфаќа 60 до 80 хектари. Се подготвуваат уште две индустриски зони, едната на приватно земјиште кај “Жито Прилеп“, а другата на државно, кај сточното пазариште.

http://www.plusinfo.mk/vest/37315/Na-prodazhba-ushte-9-parceli-vo-industriskata-zona-Metalec-kaj-Prilep

Posted By: ovaj_stariov
Date Posted: 21-Mar-2012 at 12:30

Dve sliki od zonata "Metalec" na google earth,koja se naoga na stariot pat za Bitola

Edna od poblisku,so crveno zonata,so zeleno postoeckite kapaciteti na fabrikata Metalec i so zeleno edna nedovrsena hala.

-------------
build.mk, гради форумска историја

Posted By: S.P.Q.R.
Date Posted: 21-Mar-2012 at 15:56

Да се надоврзам на постот од ovajs_stariov... еве и ДУП од индустриската зона... се надевам ќе се снајдите

http://prilep.gov.mk/Documents/urb/DETALEN_METALEC.pdf

-------------
Македонија е во дилема дали да одбере ужас без крај или ужасен крај

Posted By: Cloverstack
Date Posted: 18-Apr-2012 at 22:59

Инвеститорите покажаа голем интерес за индустриската зона „Металец“ во Прилеп

../docs/users/1/Urbanizam/Prilep/DUP%20Metalec%20Prilep.jpg"> Извадок%20од%20урбанистичкиот%20план%20за%20индустриската%20зона%20„Металец“

Прогнозите на локалната самоуправа се остварија, компаниите покажаа интерес за изградба на нови фабрики во Прилеп. На денешното електронско јавно наддавање се продадоа осум од ../?p=13190 - огласените дванаесет градежни парцели во индустриската зона „Металец“ , со намена за подигање на објекти од лесна и незагадувачка индустрија. Заинтересираните субјекти купија земјиште со вкупна површина од 24.392 метри квадратни и површина за градење од 9.825 метри квадратни, а цената на парцелите достигна од 161 до 462 денари за квадрат. Општина Прилеп од денешната продажба во буџетската каса инкасираше вкупно 5.476.470 денари или околу 90.000 евра. Во наредните шест години инвеститорите имаат можност да изградат објекти со висина од 7,6 метри, за кои ќе треба да ги платат комуналиите и да обезбедат одобрение за градење во рок од шест месеци.

Засега нема информации дали ќе одат повторно на лицитација непродадените четири градежни парцели, а општина Прилеп веќе на 27 април има закажано ново електронско наддавање за оттуѓување на земјиште на девет локации во индустриската зона „Металец“. Вкупната површина на сите понудени градежни парцели изнесува околу 72.000 метри квадратни. На терен се извршени сите приклучоци кон постојната инфраструктура, така што инвеститорите можат веднаш по добивањето на градежната дозвола да започнат со градење. Од локалната самоуправа во Прилеп напоменуваат дека се планира изградба на уште две индустриски зони кај „Жито Прилеп“ и кај Сточниот пазар.

../?p=14316 - #
Објавено на 17.04.2012 во категорија ../?cat=28 - Вести .

Тагови: ../?tag=%d0%b8%d0%bd%d0%b4%d1%83%d1%81%d1%82%d1%80%d0%b8%d1%81%d0%ba%d0%b0-%d0%b7%d0%be%d0%bd%d0%b0-%d0%bc%d0%b5%d1%82%d0%b0%d0%bb%d0%b5%d1%86 - Индустриска зона Металец , ../?tag=%d0%b8%d0%bd%d0%b4%d1%83%d1%81%d1%82%d1%80%d0%b8%d1%81%d0%ba%d0%b8 - Индустриски , ../?tag=%d0%b8%d0%bd%d0%b4%d1%83%d1%81%d1%82%d1%80%d0%b8%d1%81%d0%ba%d0%b8-%d0%b7%d0%be%d0%bd%d0%b8 - Индустриски зони , ../?tag=%d0%bf%d1%80%d0%b8%d0%bb%d0%b5%d0%bf - Прилеп , ../?tag=%d1%82%d0%b5%d0%bd%d0%b4%d0%b5%d1%80%d0%b8-%d0%b8-%d0%bb%d0%b8%d1%86%d0%b8%d1%82%d0%b0%d1%86%d0%b8%d0%b8 - Тендери и лицитации

http://www.build.mk/?p=14316 - http://www.build.mk/?p=14316

Posted By: gjoko
Date Posted: 28-Apr-2012 at 14:24

Осум градежни парцели продадени во индустриската зона „Металец“
Сабота, 28 Април 2012 14:33
Сподели

Споделете ја веста со Вашите пријатели
Уште 8 градежни парцели се продадени на последната аукција вчера во новата индустриска зона „Металец” во Прилеп.
Вчерашното беше второ електронско наддавање за градежното државно земјиште кое премина во надлежност на локалната самоуправа. Се продадоа осум од 9-те парцели понудени во зоната.

Како што информира Јавното претпријатие за урбанистичко планирање во Прилеп, со 19 пријави за купување учествувале 8 понудувачи.

На 17-ти април беше првото електронско наддавање за парцелите од зоната „Металец”. Тогаш, од понудените 12 се продадоа осум. За околу еден месец, велат од Јавното претпријатие, на заедничко електронско наддавање ќе се понудат последните пет парцели.

Од локалната самоуправа се задоволни од продажбата. Ќе заживее, велат, економијата зашто ќе се градат нови стопански капацитети, а зоната треба да обезбеди околу 2.000 нови вработувања.

Според условите, избраните понудувачи во рок од 15 дена треба да потпишат договор за купопродажба по што почнува да тече шестмесечниот рок за изработка на проект и добивање одобрени за градба, а објектот ќе треба да го изградат во рок од шест години.

Парите од продажбата на парцелите, локалната самоуправа ќе ги употреби за изградба на инфраструктурата во економската зона. Наскоро треба да се објават конкретните купувачи на парцелите во двете електронски наддавања.

http://kurir.mk/republika/opstini/69295-Osum-gradezni-parceli-prodadeni-vo-industriskata-zona-Metalec - http://kurir.mk/republika/opstini/69295-Osum-gradezni-parceli-prodadeni-vo-industriskata-zona-Metalec

Posted By: ovaj_stariov
Date Posted: 03-May-2012 at 14:17

Последните 5 парцели од индустриската зона „Металец“ во Прилеп ќе се продаваат во јуни
Компании од Прилеп купија 16 градежни парцели во индустриската зона „Металец“ или „Прилеп 1“ што се продаваа преку електронско наддавање. Меѓу купувачите се текстилните компании „Кули”, „Мартекс”, прехранбените „Марфил“ и „Дониа“, печатарската „Гинис” и повеќе прилепски сервисни фирми.
Од локалната самоуправа денеска информираа дека се останати уште пет парцели што ќе се понудат на продажба во јуни.
Парцелите во втората половина на април на двапати беа понудени на електронско наддавање. Тие се простираат на површина од 2.000 до 4.500 метри квадратни и се продадоа со почетна цена од 220 денари за метар квадратен. Од нивната продажба локалната самоуправа ќе добие 11,4 милиони денари или 185.000 евра.
Компаниите имаат рок од шест месеци да ги платат комуналиите, да го направат проектот за објектот и да набават градежна дозвола, а најдоцна за шест години да ги изградат капацитетите.
Според прилепскиот градоначалник Марјан Ристески, во овие индустриски зони ќе се вработат од 1.600 до 2.000 работници.
На продажба треба да се најдат уште две големи парцели откако за нив ќе се решат правните работи. Во меѓувреме се работи на деталните урбанистичкки планови за втората индустриска зона „Прилеп 2” кај поранешното сточно пазариште. Во август на електронска аукција ќе бидат понудени над 15 градежни парцели.

http://www.plusinfo.mk/vest/41799/Poslednite-5-parceli-od-industriskata-zona-Metalec-vo-Prilep-kje-se-prodavaat-vo-juni- - http://www.plusinfo.mk/vest/41799/Poslednite-5-parceli-od-industriskata-zona-Metalec-vo-Prilep-kje-se-prodavaat-vo-juni-

-------------
build.mk, гради форумска историја

Posted By: Cloverstack
Date Posted: 18-Jun-2012 at 23:38

Земјиштето во индустриската зона „Металец“ целосно распродадено за 16 милиони денари

Општина Прилеп успешно го заврши проектот за оформување на индустриската зона „Металец“. На денешното електронско јавно наддавање се продадоа последните пет градежни парцели за изградба на лесна и незагадувачка индустрија. На спроведената аукција се оттуѓи земјиште со вкупна површина од 20.087 метри квадратни, при што најмалата парцела има 3.314, а најголемата 5.665 метри квадратни. Инвеститорите се обврзани да подигнат пет фабрики на површина од 9.280 метри квадратни, чија висина до венец би изнесувала 7,6 метри. Од продажбата на земјиштето во општинската каса ќе се слеат 4.559.607 денари или околу 75.000 евра. Во индустриската зона „Металец“ целосно е изградена сета потребна инфраструктура од страна на општина Прилеп, така што на инвеститорите останува да ги реализираат своите планови за градба.

Покрај денешната, досега се реализираа уште две наддавања на 17 и 27 април годинава на кои се продадоа 16 градежни парцели, при што како најповолни понудувачи најчесто се јавија инвеститори од домашната економија. Индустриската зона „Металец“ е со површина од 71.976 метри квадратни, распределени на 21 градежна парцела. Локалната самоуправа во Прилеп од продажбата на земјиштето успеа да наплати вкупно 15.979.015 денари, односно околу 260.000 евра. Инвеститорите по целосното комплетирање на купопродажниот договор имаат рок од 9 месеци за да обезбедат одобрение за градење, а индустриските објекти ќе треба да ги завршат во период од 72 месеци по добивањето на градежната дозвола. По успешното завршување на првиот проект, општина Прилеп планира да продолжи со реализацијата на останатите две предвидени индустриски зони во градот.

http://www.build.mk/?p=16011 - #
Објавено на 18.06.2012 во категорија http://www.build.mk/?cat=28 - Вести .

Тагови: http://www.build.mk/?tag=%d0%b8%d0%bd%d0%b4%d1%83%d1%81%d1%82%d1%80%d0%b8%d1%81%d0%ba%d0%b0-%d0%b7%d0%be%d0%bd%d0%b0-%d0%bc%d0%b5%d1%82%d0%b0%d0%bb%d0%b5%d1%86 - Индустриска зона Металец , http://www.build.mk/?tag=%d0%b8%d0%bd%d0%b4%d1%83%d1%81%d1%82%d1%80%d0%b8%d1%81%d0%ba%d0%b8 - Индустриски , http://www.build.mk/?tag=%d0%b8%d0%bd%d0%b4%d1%83%d1%81%d1%82%d1%80%d0%b8%d1%81%d0%ba%d0%b8-%d0%b7%d0%be%d0%bd%d0%b8 - Индустриски зони , http://www.build.mk/?tag=%d0%b8%d0%bd%d1%84%d1%80%d0%b0%d1%81%d1%82%d1%80%d1%83%d0%ba%d1%82%d1%83%d1%80%d0%b0 - Инфраструктура , http://www.build.mk/?tag=%d0%bf%d1%80%d0%b8%d0%bb%d0%b5%d0%bf - Прилеп , http://www.build.mk/?tag=%d1%82%d0%b5%d0%bd%d0%b4%d0%b5%d1%80%d0%b8-%d0%b8-%d0%bb%d0%b8%d1%86%d0%b8%d1%82%d0%b0%d1%86%d0%b8%d0%b8 - Тендери и лицитации

http://www.build.mk/?p=16011 - http://www.build.mk/?p=16011

Posted By: Dexter26
Date Posted: 18-Jun-2012 at 23:49

Индустриските зони изникнуваат од никаде како печурки, земјиштето се купува до последен милиметар квадратен, ама никако да видиме фабрики на тоа земјиште.

Или воздухов македонски не заслепува па не можеме да ги видиме фабриките, или фабриките се изградени под земја, стелтувани за да бидат заштитени во случај на војна.

Не знам како поинаку да го објаснам тоа што никако не можеме да ги видиме фабриките, освен ако властите ни продаваат магла.

Паднала магла над Мариово.

Селаните го прашуваат Итар Пејо:
Што е оваа белина бре Пејо ?

А Итар Пејо им одговара:
Волна, селани, волна.

Селаните предизвикуваат стампедо трчајќи кон "волната".

Овие нашинциве бајаги "волна" ни продаваат. Rollin

Posted By: gjoko
Date Posted: 19-Jun-2012 at 00:33

вероватно купуваат имот со изреката `ќе се најди за нешто-некогаш`,купи сега оти е ефтино,некогаш можеби ќе вреди пари. за тоа што конкурирале да биде наменето е пред се заради што мора да се пиши нешто,инаку како би се добил имотот.пиши некој бизнис план колку да се лапне имотот

Print Page | Close Window