И кирилица и латиница може бе.

Ова е фактички сосема друг проект, т.е. трет проект од ваков тип нема врска со таа гасна централа што ја спомињаш, РЖ Услуги е приватна фирма.

Скопска „Топлификација“ засилено работи на гасната централа во Скопје, а за еден месец се очекува да пристигне гасната турбина од Русија. Според надлежните, најдоцна за година и пол, централата треба да биде пуштена во употреба. - Од 2010 година во оваа централа ќе се произведува првенствено струја врз база на природен гас, а потоа и топлинска енергија - вели Димитар Хаџи Мишев, генерален директор на „Топлификација“. Според првиот човек на скопската топлана, гасната турбина во Скопје ќе произведува 30 проценти од целокупното досегашно производство на струја во Македонија, а толку ќе изнесува и процентот на топлинска енергија. Хаџи Мишев вели дека со проработувањето на гасната турбина би се подобрила состојбата на енергетскиот пазар во Македонија. Земјава повеќе ќе нема недостиг од струја, туку напротив дури и ќе извезува за странскиот пазар. Ова е првата придобивка од сопственото производство на електрична енергија во скопската гасна турбина, а втората е што енергијата произведена врз база на природен гас, електрична или топлинска, ќе чини поевтино. Според податоците на Регулаторната комисија за енергетика, минатата недела 1.000 кубни метри природен гас на светските берзи чинеле 400 долари, што е многу поевтино од мазутот. Според Хаџи Мишев, производството од гасната турбина во Скопје ќе им се продава на трговците на големо, кои може да бидат и од домашниот и од странскиот пазар, а цената нема да биде регулирана, како што е случај со сегашната топлинска енергија произведена во „Топлификација“, туку ќе биде исклучиво пазарна. Исто така, според директорот, ќе се намали количеството јаглерод диоксид, што значи користењето еколошки енергенс е третиот бенефит на производството на гасната турбина во градов. - По пуштањето на гасната централа во Скопје, очекуваме државата да распише јавни повици по реони на кои може да се јави индустријата која сака нивните погони да користат гас, наместо мазут, а во наредниот период и заинтересираните домаќинства може да се јават како потрошувачи и мазутот да го заменат со природен гас - вели Хаџи Мишев. Целокупната инвестиција на гасната централа во Скопје чини 150 милиони евра, а досега се потрошени повеќе од 50 милиони евра, вели Хаџи Мишев. Во изградбата на гасната централа во Скопје, со 80 проценти учествува руската СИНТЕЗ, а скопска „Топлификација“ со 20 проценти од целокупниот капитал.

http://www.netpress.com.mk/vestiimages/37794/ELEM-Logo.jpg">

“Дуфенерџи-Македонија“, која е дел од интернационалната  корпорација “Дуферко“, е единствената фирма, која доставила понуда на објавениот оглас за избор на компанија за изградба и  работно користење на комбинирана гасна електрана во Скопје, соопштуваат од ЕЛЕМ.

“Согласно прелиминарното читање на понудата за време на јавното отворање, фирмата што се јави на објавениот оглас се обврзува да ја изгради скопската гасна електрана ’Енергетика’ во рок од 30 месеци, а ЕЛЕМ би поседувал не помалку од 15% од вкупниот капитал“, велат од Електрани на Македонија..

Оттаму додаваат дека стручна комисија од ЕЛЕМ ќе ја разгледа доставената понуда и по извршената евалуација ќе поднесе извештај до Владата.

Само една компанија достави понуда за изградба на комбинирана гасна електрана, проект за кој државата бара приватен партнер за заедничко вложување. Станува збор за фирмата „Дуф енерџи Македонија“, која е дел од интернационалната компанија Дуферко. Согласно прелиминарното читање на понудата од страна на надлежната комисија во АД Елем утврдено е дека фирмата во доставената документација се обврзува да ја изгради гасната електрана во рок од 30 месеци, а АД Елем би поседувало не помалку од 15 отсто од вкупниот капитал на електраната.

Стручната комисија во државните електрани ќе ја разгледа понудата по што ќе поднесе извештај во Владата.

Државните електрани во овој проект учествуваат со веќе постојаната инфраструктура лоцирана во комплексот Железара како што се котли и цевки погодни за таков капацитет. Според тендерот се бара комбинираната гасна електроцентрала да има инсталирана моќност од 300 мегавати за производство на електрична енергија и максимална инсталирана моќност од 150 мегавати за производство на топлинска енергија.

Работите се состојат од главен проект, изградба, испорака, монтажа, тестирање и пуштање во работа по принципот клуч на рака.

Произведената електрична енергија во комбинираната гасно електроцентрала, компанијата ќе има обврска прво да ја понуди на домашниот пазар на електрична енергија, а доколку нема интерес за неа тогаш ќе може да ја продаде на странските пазари.

Според најавите на „Електрани на Македонија“ (ЕЛЕМ) и на „Топлификација“, по 2010 година Македонија нема да се соочува со недостиг од струја. Електрична енергија ќе произведуваат две гасни централи во Скопје, кои најдоцна за 30 месеци би требало да проработат. „Дуфенерџи Македонија“, која е дел од интернационалната компанија „Дуферко“, е единствената фирма што доставила понуда на меѓународниот тендер на ЕЛЕМ. Таа во прелиминарната понуда, што се отвори неделава, се обврза да ја изгради гасната централа во рок од две и пол години, а ЕЛЕМ ќе поседува минимум 15 проценти од вкупниот капитал. Доколку понудата на „Дуфенерџи“ добие дозвола, електричната централа би почнала да се гради наесен во скопската населба Железара затоа што, според ЕЛЕМ, токму на тоа место ја имаат потребната инфраструктура - котли, парни машини, трафостаници. Тендерот предвидува гасната централа да има минимална инсталирана моќност од 300 мегавати за производство на електрична енергија (повеќе од еден блок на РЕК „Битола“) и од 150 мегавати за производство на топлинска енергија. - Произведената електрична енергија во комбинираната централа, компанијата ќе има обврска прво да ја понуди на домашниот пазар на струја, а доколку нема интерес за неа, ќе има право да ја продава на регионалната берза на енергија, по цена иста или повисока од онаа по која ја понудила на домашниот пазар - велат од ЕЛЕМ. Втората гасна централа, според првиот човек на „Топлификација“, Димитар Хаџи Мишев, ќе произведува 30 проценти од целокупното производство на електрична енергија во Македонија, а толку ќе изнесува и процентот на топлинска енергија. Хаџи Мишев вели дека ќе се произведува вишок електрична енергија, која, освен на домашниот пазар, ќе се извезува на регионалниот и тоа по пазарна, а не по регулирана цена. Тој најави дека во почетокот на идниот месец од Русија треба да пристигне гасна турбина и за речиси две години гасната централа се очекува да се пушти во употреба. - По профункционирањето на гасната централа во Скопје, очекуваме државата да распише јавни повици по реони, на кои може да се јави индустријата која сака нивните погони да работат на гас, наместо на мазут, а во наредниот период и заинтересираните домаќинства може да се јават како потрошувачи - вели Хаџи Мишев. Целокупната инвестиција за гасната централа „Топлификација“ ја чини 150 милиони евра, а досега се потрошени преку 50 милиони евра, вели Хаџи Мишев. Во изградбата на гасната централа во Скопје, со 80 проценти учествува руската СИНТЕЗ, а „Топлификација“ со 20 проценти од целокупниот капитал.

Заради габаритноста на товарот движењето е ограничено на десет километри на час, исклучиво само преку ден и во соодветни временски услови

Специјалниот транспорт на турбините наменети за првата комбинирана гасна централа во земјава Те-То, утре од граничниот премин Стар Дојран треба да стартува за Скопје. Големиот транспрт ќе трае дваесетина дена и тоа исклучиво само преку ден и во соодветни временски услови. Заради габаритноста на товарот движењето е ограничено само на десет километри на час. Како што информираат надлежните служби специјални камиони се задолжени за товар тежок 500 тони кои што од Стар Дојран, преку Струмица, Радовиш, Штип, Велес треба да пристигне во Скопје за потребите на Те-То.

Поради ова, од утре во источниот дел на земјава, ќе биде променет сообраќајниот режим. Голем број на земјоделци од струмичкиот крај негодуваат,бидејќи ќе бидат спречени навреме да ги испорачаат своите култури на пазарот. Организатор на конвојот е турската компанија Анадолија Логистикс.

Во изградбата на гасната централа која е прва гринфилд инвестиција во земјава во енергетскиот сектор учествува со 80 проценти руската компанија Синтез груп,а остатокот- 20 проценти скопска Топлификација. Те-То ќе произведува 30 проценти од потребите на електрична енергија во земјава и 50 проценти од годишното производство на топлинската енергија што скопска Толификација сега им ја испорачува на своите корисници.

Гасната централа ќе биде со инсталирана моќност од 200 мегавати електрична енергија и 160 мегавати топлинска енергија. Според Ивица Секованиќ, директор на Те-То во централата ќе бидат вработени околу 25 лица, а енергијата ќе се продава на тендер, по цена што самите ќе ја формираат.

Гасната електрана се очекува да биде пуштена во употреба во април 2010 година, кога и ќе биде приклучена на електроенергетскиот систем на земјава. Директорот Секованиќ смета дека од резервната електрична енергија, ако има потреба, ќе може да се покрива и недостатокот на струја во земјава.

http://vecer.com.mk/?ItemID=73FF500C499F8E418B873963B5F9A76E

Стартот на турбината тешка 600 тони одложен за утре

Сузана Тасева	http://a1.com.mk/vesti/default.aspx?VestID=100339#komentari - Коментари (22)

Промена на планот - камионите заглавија на царина

Специјален конвој со делови тешки 600 тони за потребите на топланата што се гради во Скопје не тргна од граничниот премин Стар Дојран. Иако почетокот беше планиран за утрото во 6:30 часот, тргнувањето е одложено за утре.

„Првата причина зошто не се тргна според планираното се царинските формалности и сообраќајната несреќа, која се случи меѓу Стар и Нов Дојран“, изјави Јан Питер, претставник на турската фирма „Анадолија логистик“, која го организира специјалниот транспорт.

Во еден правец, патот по сообраќајката, која се случи утрото меѓу два камиони, е ослободен за проток на автомобили.

Македонските власти потврдија дека безбедноста на транспортот е осигурана.

Автомотосојузот на Македонија со соопштение ги предупреди возачите дека неколку камиони-влекачи натоварени со многу тешка опрема дваесетина дена ќе патуваат од Дојран до Скопје.

Тие ќе возат со околу 10 километри на час, само дење и по нормална видливост, поминувајќи преку Валандово - Струмица - Радовиш - Штип - Велес - Скопје.

Во моментот кога камионите ќе поминуваат, полицијата ќе ги блокира сите споредни патишта и крстосници.

Големиот транспорт во Скопје

Поради специјалниот транспорт со опрема за Топланата „Скопје-Север“, во Скопје денеска ќе се воведе посебен сообраќаен режим од 6 до 8 часот по сообраќајниците: од автопатот Скопје-Велес десно на приклучокот од клучката Ченто, лево по уличката Антон Попов, лево по улицата Благоја Стефковски, десно по улицата Благоја Стефковски, десно по улицата Перо Наков, лево по булевар Војводина, во продолжение по булевар Србија, десно по булевар АВНОЈ, лево по улицата Васко Карангелески, десно по булевар Јане Сандански, десно по булевар Кузман Јосифовски Питу, десно по улица Никола Карев, десно по улицата 537 до влез број 5 на улица 516.Сообраќајната полиција етапно ќе ги затвора за сообраќај сообраќајниците низ кои ќе поминува транспортот.Се повикуваат граѓаните во периодот кога ќе минува специјалниот транспорт, ако постои можност, да ги избегнуваат споменатите сообраќајници или строго да се придржуваат до посебниот режим во перидот од два часа.

http://dnevnik.com.mk/?ItemID=BCADF2DA4C09874CBE89357EE349AAE1

Отворање на гасната електрана Когел Сервер

Лентата сега, централата наесен

Експертите тврдат дека приклучувањето на комбинираната гасна централа не може да се заврши пред есенва, дури и ако се интензивираат работите на проектот

Вчерашната свеченост беше организирана на највисоко ниво, во комплексот „Рудници и Железарница“ , а беа присутни премиерот Никола Груевски, министерот Фатмир Бесими, австрискиот амбасадор Алојз Краут, директорот на електроцентралата Александар Гечовски, и извршниот директор на „Џенерал електрик енерџи“ за Балканот, Невен Пецотиќ

Иако се' уште не е приклучена на македонскиот енергетски систем, вчера беше пуштена во употреба првата комбинирана гасна централа во Македонија, „Когел Север“.

Според извори на „Дневник“, централата јавно и свечено беше пуштена во употреба, но таа нема да почне да произведува електрична енергија се' до септември. Експертите тврдат дека приклучувањето на комбинираната гасна централа не може да се заврши пред есенва, дури и ако се интензивираат работите на проектот

И покрај тоа, вчерашната свеченост беше организирана на највисоко ниво, во комплексот „Рудници и Железарница“, а беа присутни премиерот Никола Груевски, министерот за економија Фатмир Бесими, австрискиот амбасадор Алојз Краут, директорот на електроцентралата Александар Гечовски, извршниот директор на „Џенерал електрик енерџи“ за Балканот, Невен Пецотиќ и други гости. Според Груевски, електроцентралата во целост се вклопува во напорите на Владата за привлекување инвестиции и за проширување на капацитетите на електроенергетскиот систем.

- Ваквите инвестиции за нас се охрабрување за натамошно олеснување на условите за стопанисување, за водење бизниси и континуитет на соработката со јавниот сектор. Тие се и добар показател за мерките на Владата за ублажување на глобалната криза - рече премиерот Груевски при отворањето на електроцентралата.Се работи за целосна домашна инвестиција, од домашни финансиски извори, а инвеститори во гасната централа се Рударскиот институт, „Топлификација“, РЖ услуги, ЕЛЕМ и други домашни компании. Вкупната инвестиција изнесува 20 милиони евра, а најголем дел од парите се обезбедени преку рамковен кредит вреден 15 милиони евра од Комерцијална банка.

Директорот на гасната електроцентрала Александар Гечовски истакна дека централата е прв комерцијален проект за комбинирано производство на електрична и на топлинска енергија на природен гас. Според Гечовски, проектот е дел од интернационалниот „механизам за чист развој“, согласно со Протоколот од Кјото за заштита од климатски промени.

Според Гечовски, „Когел Север“ веќе соработува со ЕЛЕМ и МЕПСО, а дополнително треба да се потпише договор со ГА-МА за приклучување на гасоводниот систем. Најавено беше дека целата електрична енергија и пареа добиена од отпадната топлина на гасните мотори, во текот на годината ќе биде користена на самото место, од страна на металургиските комбинати во рамките на комплексот „Рудници и Железарница“, додека дел од топлинската енергија во текот на грејната сезона ќе биде искористена за затоплување на градот.

Централата е со инсталиран капацитет од 30 мегавати електрична енергија и 13 мегавати топлина во течна состојба, како и дополнителни 19,5 тони на час заситена пареа со низок притисок, со што вкупно се добива околу 57 мегавати моќност. Десетте гасни мотори „јенбахер“, кои ќе ја напојуваат „Когел Север“, се купени од реномираната светска компанија „Џенерал електрик“. Се очекува централата да произведува просечно од 150 до 220 гигават-часови електрична енергија годишно, што е за 20 отсто повеќе од годишното производство на хидроцентралата „Козјак“, плус дополнителни 30 до 70 гигават-часови топлинска енергија и техничка пареа. Според најавите, производството ќе се нуди по пазарни цени на компаниите во комплексот, потоа на ЕЛЕМ, ЕВН и на трговците на електрична енергија.

- Ние сме задоволни што врвната технологија во производство на „Џенерал електрик“ е одбрана да се користи во овој проект. Оваа технологија ќе и' помогне на Македонија да одговори на предизвиците за намалување на емисиите на јаглероден диоксид - рече директорот на ЏЕ за Балканот, Невен Пецотиќ.

Когенеративната технологија на електроцентралата заштедува примарна енергија од околу 40 проценти преку намалена потрошувачка на фосилно гориво. Финансиска поддршка на проектот обезбеди и „Аустриан трејд“, како дел од австриската Федерална економска комора, чија цел е промоција на надворешната трговија.

Горан Ризаов

понеделник, 13 јули 2009, 18:16

Кризата не му може ништо на „Те-То“

Објектот во април ќе биде приклучен на домашниот систем и има моќност од 200 мегавати електрична енергија

Александрија Стевковска

Кризата не влијае на изградбата на комбинираната гасна централа „Те-То“.

Изградбата се одвива според планот, а централата ќе почне со работа, според најавата, во април наредната година. Според инвеститорите, кризата не успеала да влијае врз забавувањето на реализацијата на проектот тежок 150 милиони евра, со кој треба барем малку да се поправи лошата енергетска слика на Македонија.

„Овој објект има капацитет да произведува 30 отсто од денешното производство на енергија во Македонија, а 50 отсто од производството на топлинска енергија на ’Топлификација‘, така што станува збор за сериозен, голем проект. Инвестицијата ќе овозможи дополнително производство на електрична енергија, која е многу битна за државата. Ова е пазарен проект, што значи ќе работи врз основа на пазарни принципи и се надеваме дека ќе немаме никакви други проблеми“, изјави вчера Димитар Хаџимишев, првиот човек на „Топлификација“, по средбата со вицепремиерот за економски прашања, Владимир Пешевски.

„Не сме премногу вознемирени од кризата, бидејќи ги обезбедивме сите финансии за овој проект претходно, така што сме олабавени и чекаме кога централата ќе биде подготвена за работа“, вели Андреј Портнов, од „Синтез груп“, кои се поголем инвеститор во овој проект.

Во инвестицијата за изградба на комбинираната централа, која на гас ќе произведува струја и топлинска енергија, руската компанија „Синтез груп“ учествува со 80 проценти од средствата, а скопска „Топлификација“ со 20 проценти. „Те-То“ е прва централа во земјава што ќе произведува комбинирано топлинска и електрична енергија на природен гас. Таа треба да ја намали увозната зависност од струја. Произведената енергија ќе биде понудена на домашниот пазар, но и ќе се извозува.

Во април објектот ќе биде приклучен на домашниот електроенергетски систем и ќе биде со инсталирана моќност од 200 мегавати електрична енергија и 160 мегавати топлинска енергија.

Новиот вицепремиер за економски прашања, Владимир Пешевски, вчера најави дека ќе ја посети локацијата на која се гради „Те-То“, со цел да се запознае со текот на оваа инвестиција, но непосредно пред посетата се премисли. Но, инвеститорите, сепак, не се откажаа од средба со него, па сами му отидоа на гости во неговиот кабинет во Владата.

Очигледно, реализацијата на еден од ретките проекти што во време на криза се градат во земјава, не беше доволен предизвик за Пешевски да излезе на терен и да се запознае со активностите на тоа поле. Згора на се', неговиот кабинет не најде за потребно да излезе со издржан изговор за откажување на посетата на местото каде што се гради новата инвестиција, па наместо тоа, на луѓето кои требаше да ги посети, им била сервирана информација оти откажувањето на посетата го предизвикало топлото време, за потоа инвеститорите да се соберат и да одат на гости кај Пешевски во Владата. По средбата, пак, Пешевски не даде изјава за медиумите, па тие се сомневаат дека нивното заобиколување веројатно било и главна причина за откажување на првично најавената посета и личното запознавање со градбените активности на централата. Од неговиот кабинет вчера не беа достапни за каков било коментар.

Околу 300 вработени во Искра кои работат на изградба на новата гасна централа ТеТо во Топланата Исток протестираат поради тоа што главниот изведувач без никаква причина го раскинал договорот со нив но, откако завршиле 95 отсто од изградбата на трите објекти

Гама дај те ги парите и одете си! Ова е само една од пораките од протестот на 300 вработени во Искра кои работат на изградба на новата гасна централа ТеТо во Топланата Исток поради тоа што што главниот изведувач Гама не им платил за работата. Тврдат дека Гама без оправдани причини одбива да го исполни својот дел од преземените обврски и да ги исплати доставените фактури за извршените работи. Стравуваат дека идниот месец ќе останат без плата.
- Да биде проблемот уште посложен турскиот партнер, на 8 мај годинава со свој писмен поднесок, ја извести нашата фирма дека го раскинува договорот. Причините поради кои се раскинува договорот воопшто не се дадени, нема факти и докази, напротив само во апстрактна форма се преземени (препишани) одредбите од договорот за подизведувач со кои се уредува прашањето на можно раскинување на договорот. Ние завршивме со изградба на трите објекти, односно завршивме 95 отсто од договорената работа, а немаме добиено ниту денар од вкупниот долг којшто изнесува околу 2,9 милиони евра - вели Сандра Пановска, вработена во Искра, потенцирајќи дека протестот го организираат само вработените, а не и менаџерскиот тим на фирмата. За овој проблем, вработените ја известиле Владата и министерот за економија, потоа Турската амбасада, Грчката амбасада, бидејќи Искра е компанија со грчки капитал, но велат дека досега немало никаков напредок во преговорите.

Нивниот протест вчера почна во 6.30 часот и траеше до пладне. Вработените најавуваат дека ќе протестираат секој ден се до исполнување на барањата.

РЕАКЦИЈА НА ГАМА
И платиле на Искра ама парите не стигнале до работниците
Соработката меѓу Гама и Искра беше прекината во мај, годинава, од причини што Искра ги прекрши нејзините обврски, не ги почитуваше роковите и му нанесе штета на проектот, се вели во реакцијата на Гама во врска со протестите на вработените во Искра, фирма подизведувач на Гама. Во писменото обраќање се вели дека Гама ги платила сите обврски кон Искра, со што го испочитувале договорот, иако некои работи се уште не биле завршени. Тие тврдат дека менаџментот на Искра не ги исплатила обврските кон вработените, па вината ја префрла на Гама, што е причина за организирање на протестот.

Силвана Јовановска

Изградбата на првата гасна централа во Македонија, „Те-То“, која истовремено ќе произведува електрична и топлинска енергија, е при крај. Според техничкиот менаџмент на оваа централа, чиишто сопственици се меѓународната групација „Синтез гроуп“, која има 80 проценти, и скопска „Топлификација“ – 20 проценти од капиталот, комбинираната постројка со гасно-парен циклус е прва од ваков вид во поширокиот регион и спроведува најсовремена технологија. Централата е во Скопје, во близина на „Топланата исток“, а за јавноста е познато како таа кон која две недели од Гевгелија до Скопје се пренесуваа огромните турбини, товар каков што немаше поминато низ нашите улици. Поставувањето на двете турбини во кои ќе се произведува енергијата е завршено. Сега, во тек е градбата на постројките што ги опслужуваат турбините, тешки стотици тони, како на пример, станицата за хемиска обработка на водата, која се користи во парната турбина.
Екипата на „Време“ присуствуваше на градилиштето на оваа огромна централа. Облековме заштитна облека и бевме во обиколка, како таа од емисиите на „Дискавери“. Пред нас се појавија огромните турбини, високи педесетина метри, а инженерите се обидуваат да ни го прикажат производството на енергија на самото место. Одговорните од градежниот изведувач „Гама“ не прекинаа во фотографирањето, објаснувајќи ни дека може да ги фотографираме постројките само однадвор. Според нив, не смее да се фотографираат турбините внатре, за фотографиите да не се искористат за индустриска шпионажа. Оттаму, велат компаниите што се занимаваат со оваа дејност, едвај чекаат да ја видат работата на своите конкуренти.
Според техничкиот тим на „Те-То“ јадро на постројката претставува гасна турбина од најмодерен тип, која освен што има извонредни технички карактеристики, ги задоволува најстрогите норми за заштита на животната околина на Европската унија. За првпат во Македонија се користат хибридни ладилни кули, кои со својата конструкција во споредба со класичните влажни ладилни кули ќе овозможат помала количина на потрошувачка на вода и ќе го отстранат создавањето перјаница, што е особено поволно кон животната средина.
-Пробното палење на турбините треба да се изврши кон крајот на декември, а постројката треба да почне со пробна работа во април, в година, кога ќе се произведат првите киловати на електрична енергија. „Те-То“, кој ќе биде првиот приватен независен производител на електрична енергија на Балканот, ќе создава 30 проценти од досегашното производство на електрична енергија и 50 до 60 проценти од досегашното производство на топлинска енергија во Скопје создадено од „Топлификација“. Со пуштањето во работа на „Те-То“, Македонија ќе ја намали зависноста од увоз на електрична енергија, како и негативните последици што ги носи тоа – изјави Димитар Хаџимишев, кој е еден од инвеститорите на „Те-То“. Според него, ниту една балканска земја досега нема формирано независен производител на електрична енергија, кој нема да зависи од државата. Хаџимишев вели дека електричната енергија, пред се, е наменета за домашниот пазар, но ако нема заинтересирани купувачи, „електричната енергија ќе биде понудена на регистрирани трговци, кои ќе понудат соодветна цена“. Според него, цената ќе се формира пазарно, што значи нема да ја одредува регулаторот, што не значи дека ќе биде многу поскапа од сегашната цена на електричната енергија, а се ќе зависи од конкуренцијата на берзата на електрична енергија.

Колку еден блок на РЕК „Битола“

Термоелектричната централа има среден годишен капацитет од 228 мегавати со можност во поволни микроклиматски услови да работи и со 250 мегавати електричен капацитет, колку што е максимумот на еден блок од РЕК „Битола“. Капацитетот на постројката како извор на топлина е најмногу 160 мегавати, што е еднакво на капацитетот на „Топлана запад“ во Скопје.


Инвестиција од 150 милиони евра

Досега се инвестирани приближно 130 милиони евра, но, како што вели Михаил Скобиоала, најважно е што оваа работа ангажира 20 млади луѓе, а до пуштање на централата нивниот број ќе биде околу 50.
- Со почетокот на производството значително ќе се зголеми обемот на приходи на претпријатијата со сродни дејности, кои вршат пренесување на електрична енергија и на гас, а кои се државни компании – рече Скобиоала.

За прв пат приватни компании од Македонија извезуваат струја