Ента Сеал е моето животно дело!

Интервју со Игор Антевски, сопственик на градежната фирма Алеант

Градежната компанија Алеант постои веќе девет години, период во кој има изградено многу станбени и деловни објекти, индивидуални куќи, исто како и  реконструкција, адаптација и санација на постоечки згради. Компанијата има проектирано и изведено градежни работи на објекти во Бугарија, Албанија, Хрватска... Нејзиниот основач, Игор Антевски, вели дека се гордее со сите успешно изработени проекти, но дефинитивно, за животно дело го смета проектот Ента Сеал, луксузен резиденцијален комплекс кој веќе се гради на самиот кеј на Вардар 

 Што е тоа што го нуди комплексот Ента Сеал и по што се разликува од другите станбени згради за живеење во Скопје?

-Станбените единици во комплексот се распоредени во седум влезови, во два објекти. Поделени се во две категории, и тоа апартмани на едно ниво (двособни, трисобни, четирисобни) и дуплекси (апартмани на две нивоа). Во секој влез, и покрај малата катност, има хидраулични лифтови, коишто ќе овозможат комфор на сите станари еднакво. Секој апартман има сопствено греење и ладење, со конвектори, така што e овозможено максимално заштедување на електрична енергија. Ова е изведено со користење на подземните води, со што не само што се придонесува во еколошката издржаност на целиoт објект, туку обезбедува и максимална заштеда на електрична енергија.

 Како ја одбравте местоположбата за изградба на еден ваков луксузен комплекс и дали сметате дека ќе биде атрактивен за продажба?

-Веднаш штом ни се укажа можност да склучиме договор за градба на ова место мене и на мојот тим ни се создаде визија за предностите на местоположбата, иако во таа фаза беше многу тешко да се види финалниот производ. Местоположбата на комплексот  е поволна за максимално да се искористи една фантастична локација, којашто е толку блиску до центарот на градот, а далеку од вревата и од градскиот метеж. Комплексот е сместен на површина од околу 7.000 метри квадратни, со поглед на реката Вардар. Зад објектот се наоѓа зелен појас. Во оваа фаза, судејќи по реакциите на познавачите, одѕивот на заинтересирани купувачи и се разбира, бројот на продадени станови, се покажува дека местоположбата, можеби, е еден од најголемите адути на комплексот.

 Дали веќе имате оформено цена по која ќе се продаваат становите и каква клиентела очекувате да бидат идните станари на Ента Сеал?

-Алеант веќе има работено на повеќе станбени објекти и има продадено извесен број станови, но за продажбата на овој комплекс одлучивме – не продаваме квадратури,  ние го создаваме вашиот дом.
Овој објект треба да претставува дом во кој сопствениците ќе го најдат мирот, спокојот и задоволството во дворот и во околината, во погледот, во максимално технички подготвените станови кои ги следат потребите на модерното живеење. И токму тоа веќе го препознаа идните станари во комплексот Ента Сеал. Се работи за луѓе коишто точно знаат што сакаат, живеат модерно и динамично и сакаат домот да претставува нивна оаза за одмор од стресот на секојдневното живеење.

 Освен комплексот Ента Сеал, на кои други локации градите и за каков тип објекти станува збор?

-Во завршна фаза е објектот Зипинг, којшто со партнерите го почнавме пред околу година и половина, а се наоѓа во Тафталиџе 2, во близина на фабриката Реплек. И во овој случај се работи за престижен станбен објект, кој исто така претставува лидер во својата класа и по поволносте за станарите, и по вградените материјали, и по заштедата на енергија, но и по архитектурата, практичното естетско обликување и распоредот на животниот простор. Не сакам многу да зборувам за комплексот, бидејќи тој е завршен и да се изразам метафорички, зборува сам за себе, а и купувачите се презадоволни и во исчекување на јули, кога ќе можат да се вселат во нивниот нов дом. И покрај се, нивното мислење е пресудно, а продажбата на становите (зборуваме за 85% продадени станови) зборува повеќе од кој било показател.

http://www.kapital.com.mk/mk/prilozi_edicii.aspx/84651/enta_seal_e_moeto_zhivotno_delo!.aspx?iId=2764

Изгледа ја иам проблем со меморијата, ама по кеј возам од некаде 1ва-2ра средно, а сеа сум на магистерски, види како ти стои математиката. Тениски игралишта сред нива у Аеродром? Стварно епско достигнување од светски размери.

Момак не памтиш изгледа, ама уште у време на Пенов се осветли кејот од Холидеј ин до Александар Палас со симпатични светилки во форма на пирамида. Плажи? Па што не ја отворија плажата под  музејот, а не единствена што ја отворија е онаа во парк. Ама нали нема кој тој пораз да го признае.

И као и секој поддржувач на СК 2014 и ти бегаш од освовните прашања, као сеа, зашто излажаа и наместо подземна ќе се гради улица со нивото на кејот и утре ќе треба загадено кафе да се пие? Ама не, не лажеле они, нам ни се причинило дека се ветуваше подземна улица. Извинето ти е ако поради Х-причини не одговориш на ова.  

Новиот станбен комплекс на Enta Seal покрај Вардар готов до јуни!

Доколку замислувавте дали е возможно да се живее близу до центар, но сепак далеку од градскиот метеж, во градба која е спој на луксуз и квалитет, опкружени со атмосфера на вистински рај, зачинета со летниковци и паркови и згора на тоа, непроценлив поглед кон реката Вардар, – тогаш токму таа замисла е во зрела фаза на реализација.

До јуни оваа година компанијата Enta Seal ќе го доврши прекрасниот станбен комплекс, Проект К, кој почна да никнува пред 6 месеци на површина од 7000 м2 на кејот на реката вардар, во близина на хотелот Александар Палас. Она што вистински го издвојува овој станбен комплекс од останатите згради е:

1.Непречен поглед кон Вардар – еквивалент на живот во метропола.

2.Опкруженост со зеленило, паркови и детски игралишта. Од вкупна површина од 7000 м2, комплексот ефикасно користи 3000м2, додека останатите 4000м2 се икористени за претворање на просторот во вистински животен простор, исполнет со уживање и пријатност.

3.Подземен паркинг за секој стан. Просториите предвидени за паркирање на возилата се поврзани со становите со лифт.

4.Сопствено ладење и греење за секој стан, што пак нуди максимална заштеда и контрола врз трошоците.

http://faktor.mk/wp-content/uploads/2013/02/23.png">

Визијата која Enta Seal ја реализираат преку Проектот К е градење на вистински животен простор. Со оваа визија Enta Seal создаваат повеќе од станови. Со Проектот К, на пат се да изградат вистински домови.

http://faktor.mk/archives/28811

Привршува изградбата на најелитниот станбен објект покрај Вардар

• http://media.makfax.mk/image/c760cc50-05cd-4a2a-acbf-b96ca4169beb">
• http://media.makfax.mk/image/980f0e4b-7e34-4059-9db6-d63c7f76446e">

Елитниот станбен комплекс "Проект К", ја добива својата завршна фаза со изградбата на втората зграда од проектот кој предизвика големо внимание и одушевување кај сите љубители на квалитетните домови.

Компанијата Enta Seal во чија сопственост се објектите, најавува дека е во завршна фаза и градбата на вториот објект од овој проект, кој за првпат на пазарот понуди домови кои овозможуваат живот во близина на центарот на градот, но сепак далеку од градскиот метеж, во непосредна близина на Вардар, станови и апартмани опкружени со зеленило и свеж воздух.

Она што ги прави уникатни домовите на "Проект К" освен нивната локација е и градбата која се одвива по сите светски стандарди.

Становите се изградени според високи светски стандарди за енергетска ефикасност кои гарантираат намалување на месечните трошоци во секое домаќинство до 70%. Секој апартман има сопствено греење и ладење изведено со вентилаторски конвектори, така што овозможуваат максимална заштеда на електрична енергија. Ова е изведено со користење на подземните води, со што не само што се придонело во еколошката издржаност на целиот објект, туку и обезбедува максимална заштеда на електрична енергија.

Целиот комплекс е во вкупна површина од околу 7000м2, а останатиот дел од парцелата се обликува во вид на парк со патеки, зеленило, фонтани, летниковци и детски игралишта - кои се на располагање на сите жители на комплексот.