Нова бензинска станица во Ново Лисиче

Деновиве „Макпетрол“ пушти во работа нова бензинска станица во населбата Ново Лисиче. Станицата ќе работи нонстоп 24 часа, а на неа може да се купат следните видови горива: евросупер од 98 октани, евросупер од 95 октани, евродизел и гас за автомобили.

ДОЛЖ КОРИДОРИТЕ 8 И 10

Ќе се градат бензински пумпи

Ќе се изработуваат урбанистички проекти за станици за бензински пумпи по должината на Коридорите 8 и 10, информираше вчера Министерството за транспорт.

- Владата со ова создава услови за побрз економски развој на државата и можност за влез на нови странски инвестиции - стои во соопштението од ова министерство.

Во согласност со програмата во тек е изработка на урбанистички проекти за четири локации од кои две на Коридорот 10 - во месноста Градско со површина од 5,5 хектари и Прдејци со површина од 13 хектари.

На Коридорот 8 се предвидува изградба на бензинска пумпа во месноста Радожда во близина на граничниот премин Ќафасан со површина од 4,2 хектари, како и кај пресекот на Коридорите 8 и 10, кај месноста Ранковце на површина од 5,4 хектари.

http://www.netpress.com.mk/vestiimages/28883/lukoil.jpg">

На претставникот на „Лукоил“ Сергеј Латус за време на неговото претстојување во Гевгелија му беа понудени 8 локации, од кои што треба да се одлучи за една од нив за изградба на бензинска пумпа, јави дописникот на Нетпрес.

Во разговорот со домашните претставници, претставникот на рускиот нафтен гигант рече дека изградбата на оваа пумпа е меѓу приоритетните во Република Македонија.

Спор за локација меѓу „Лукоил“ и „Макоил“

Кој да гради бензинска станица, „Лукоил“ или „Макоил“? Сопствениците на двете нафтени компании се скараа за една локација.

Судската битка за тоа чие е земјиштето лоцирано веднаш до ЈСП Скопје се претвори во битка на терен.

Присуствуваше и полицијата. Обезбедување испратено од „Лукоил“ ги извади надвор машините на „Макоил“.

Од „Макоил“ тврдат дека тие локацијата ја купиле од физички лица, но Владата забранила да бидат впишани како нови сопственици. Како потоа „Лукоил“ станал сопственик е нејасно.

„Во моментот не можам да посочам дека учесник во овие не-дела е Владата, иако се повикуваат дека Владата им одобрила. Не можам да посочам некое конкретно лице од катастарот, не можам да посочам конкретен нотар, бидејќи сите тие се камуфлирани во моментот, меѓутоа ветувам дека многу брзо ќе се одмота клопчето“, рече Игнат Панчевски, , адвокат на „Макоил“.

Од „Лукоил“, пак, тврдат дека тие се сопственици на оваа локација, каде веќе почнуваат со градба на бензинската станица. Објаснуваат дека имаат дозвола за градба и имотен лист.

Министерството за транспорт и врски продава градежно неизградено земјиште во Велес и во Неготино за изградба на бензински пумпи, Плацевите ќе се продаваат по пат на јавна лицитација.
Земјиштето, кое е предмет на продажба во Велес е со вкупна површина од 1.784 квадратни метри и почетна цена од 4.000 денари од квадратен метар. Во Неготино, пак, се продава земјиште на површина од 1.912 квадратни метри и почетна цена од 3.200 денари.

Како посебен услов кој треба да го исполнат подносителите на пријавите за учество на јавното наддавање е да поседуваат, и до комисијата за јавно наддавање, да достават лиценца за вршење на големопродажба на нафта и нафтени деривати, во оригинал или копија заверена на нотар.